الرجوع (مستوحاه من قصه حقيقيه)

الفصل التاسع عشر

ازيكم يا حلوين عاملين ايه وحشني جدا 🥰
يلا بينا نبدا البارت استمتعوا 😉
................................
ها قد جاء الصباح وبدا الجميع في الاستعداد للتوجه للحديقه ....
في منزل تواب كان يفطر هو و والده بينما شروق كانت تعد الطعام الذي سياخذوه معهم
محمود: شروق مش هتفطري ولا ايه
شروق: لا يا محمود الف هنا انتم سبقتكم
تواب: امتي بس يا ماما
شروق: صحيت قبلكم والله وفطرت بعدين صحيتكم
محمود: اومال بتعملي ايه عندك
خرجت لهم شروق بغضب قائله: يا نهاااري بعمل الاكل اللي هناخده معانا وكفاايه كلاام بقي صدعتونييي يا خبر علييكم

.. ثد دلفت الي المطبخ مره اخري لتكمل اعداد الطعام
محمود بصدمه: هي امك متعصبه ليه
تواب ببلاهه: مش عارف والله
محمود: طب كل بدل ما نتاكل
تواب: احم باكل اهو
محمود بضحك: عيل جبان
تواب: عيش جبان تموت مستور يا والدي ....
.......................
في منزل سميحه كان نفس الحال مع عبد الله حيث كان يفطر لوحده بينما سميحه وشاهندا تحضران جزء من الطعام
عبد الله: انتي يا امي مش قولتي مرات عمي ورده هتعمله
شاهندا: مهو كل مننا بيعمل جزء بحيث يكون كتير ومحدش يعمل الكميه كامله فيتعب
عبد الله: لا وجهه نظر برضو
سميحه: طب كل بقي وبطل غلبه واسكت
عبد الله: ايه يا جماعه بسليكم
سميحه وشاهندا: لا شكرا مش عيزين
عبد الله: احم شكرا يا جماعه علي قله القيمه دي
ضحكوا عليه ثم توجهت شاهندا تقبله من خده وقالت: حبيبي الرغاي يا ناس
عبد الله: شاهندا روحي اعملي الاكل افيدلك يا حبيبتي
ضحكت شاهندا عليه قليلا ثم توجهت لاكمال الطعام
...........................
بينما في منزل عهد كانت تعد كل منها و والدتها وغفران واجبرا وليد بالمساعده
وليد: والله حرام بقي انا راجل هنا علي فكره
فردوا عليه في نفس واحد: اعمل وانت ساكت
وليد وهو يتوجه للخارج: يا بابا تعالي حوش الستات عني بقي عاجبك يعني اللي بيحصل فيا
سليمان بضحك : ادخل يابني ربنا يعينك
عهد:ولييييييد
وليد:جاييي يا زفته جااايي حسبي الله ونعم الوكيل
ثم توجه للداخل ليكمل في مساعدتهم وبعد قليل بعد ان انتهي الجميع في اعداد الطعام كان قد اذن الظهر فتوجه الرجال للصلاه وبدات السيدات في الاستعداد ايضا
..............................
في منزل حياه بعد ان انتهوا ايضا من الاستعداد قالت حياه:يلا يا ماما يا زفته يا اللي اسمك حور بابا خلللص
كوثر:اصبري يابت انتي جايين اهو
حور:مركبه سرينه في زورها
حياه:خفه يابت يخربيت كده
قال والدها ويدعي احمد:طب انا بالنسبالي جاهز اجهزوا انتم لحد ما انزل اصلي الجمعه ونمشي باذن الله
كوثر:تمام..
..............................
في منزل عهد بعد ان ارتدت ملابسها وجدت من يطرق باب الشقه فقالت:هتلاقيها البت الاء ثم توجهت لفتح الباب وكانت هي بالفعل
عهد:يا صباح القشطا والمهلبيه
الاء:يا صباح الجمدان ايه يا بت القمر ده
عهد: احلي لولو وربنا بس ايه يابت مين دي اللي يتقال عليها قمر اومال انتي ايه
الاء بغرور: اخجلتم تواضعنا يا فندم
عهد: انسه معفنه خدي بالك من النفخه لتفرقعي
الاء بمزاح: حبيبي تسلم
ضحكت عهد قليلا ثم قالت تعالي بقي نستني لحد ما بابا و وليد يرجع وكمان ماما و رورو يلبسوا
الاء: كوبايه شاي بقي اذا تكرمتي
عهد: ادخلي يابت انتي هتتنكي كمان
حينما دلفا وجدا غفران تقف قائله: ها يا بنات ايه رائيكم
عهد والاء: واااو ايه يابت الجمدان ده
غفران باستغراب : انتوا متفقين علي نفس الكلام ولا ايه
ضحكت كل من الاء وعهد وقالت الاء: يابنتي هو احنا بيستات من لا شئ عيب عليكي
غفران: طيب يا بيستات المهم حلو بجد
عهد: قمر والله يا رورو
غفران:قلبي يخلاثي
الاء:كوبايه شايي يا خلللق
عهد:يلهوي جموسه طيب اتزفتي مع غفران لحد ما اعملها
الاء:تسلم يا ابو الصحاب..تعالي يابت يا غفران ما نلعب كان في واحد نجار
ضحكت غفران بشده ثم قالت:تعالي وماله...
..........................
وبالفعل بعد ان عاد الرجال من الصلاه استعدوا جميعهم حتي يذهبوا
وقف كل من عبد الله وشاهندا وسميحه امام سيارتهم وكذلك سليمان بعائلته ومعهم الاء وايضا محمود وشروق وتواب
ركب كل من محمود واسرته في سيارتهم
وفعل المثل عبد الله وشاهندا وسميحه
بينما كانت هناك مشكله عند عهد والاء
الاء:انا اسفه والله مكنتش اعرف اني هبقي عامله ازمه خلاص اتفضل انت يا عمو وانا هاجي بتاكسي
سليمان:الاء يابنتي
الاء:نعم يا عمو
سليمان بمزاح:ممكن تسكتي شويه متبقيش عبيطه زي صحبتك
الاء:احم حاضر يا عمو تسلم يارب
عهد بضحك:منظرنا وحش اوي
الاء:اوي يا اوختشي
سليمان:غفران
غفران:نعم يا بابا
سليمان:تروحي اركبي انتي مع عمتك واختك و الاء هتركب بدالك
الاء:يا جماعه مفيش داعي والله خلاص هاجي انا في تاكسي مفيش مشكله
عهد:تعرفي تسكتي شويه هتجيبلنا التهزيق تاني يا رخمه
الاء:بتكلم جد سيبي غفران في مكانها عادي
عهد:بطلي يا هبله انتي اسكتي بقي بابا حلها اهو
غفران:طيب يلا انا رايحه
وبالفعل توجهت لسياره عبد الله ثم قامت بالدق علي الشباك من ناحيه سميحه
سميحه:تعالي ادخلي
غفران باستغراب:عرفتي منين يا عمتو اني هاجي
سميحه:يابت هو انا اي حد انا لما شوفت الاء معاكم عرفت ان ابوكي هيجبك هنا
غفران:احلي عمتو دي ولا ايه يا ناس..ثم ركبت بجوارها وقالت بس اشمعنا انتي يا عمتو الي قاعده ورا مش المفروض انتي اللي جمب ابيه
عبد الله:قولنلها كدا ياستي
شاهندا:طب يا عمتو ليه مش عايزه تقعدي انتي قدام
سميحه:مش بحب قدام والله مش عشان حاجه وبعدين خلي غفران جمبي هنا
غفران:ايوه بقي هتلاقي عمتو عايزه تقعد جنبي انا بس
شاهندا:انسه معفنه لحظي اننا مستحملينك اصلا ومش عيزينك معانا
غفران:علي قلبك يختي وبعدين دي جمله عهد متسريقاهاش لو سمحتي
شاهندا:اتكتمي شويه
عبد الله:يلا توكلنا علي الله.....
بينما ذهب ايضا محمود وكذلك ركب وليد بالسياره وقام هو بالقياده وسليمان بجواره اما بالخلف فكان ورده وعهد والاء يجلسن
الاء:تسلم يا عمو بجد
سليمان:يا الاء انتي زي بنتي بالظبط بلاش التكليف ده
الاء:ربنا يديمك يارب يا عمو
عهد:الا قوليلي هو انتي ليه مش بتقولي انكل
الاء:انا اقول انكل وابقي عامله شبه بتاعه بابي ومامي لا يا ماما يععع مش انا
عهد:جعفر يا ولاد مصاحبني
الاء بضحك: حصل والله
وليد:اه بالمناسبه يا بابا يزن وسامر هيحصلونا
سليمان:تمام طب وصاحبتك واخوها يا عهد
عهد:حبيبه اخوها عارف المكان يا بابا لان حبيبه قالتلي ان واحد صاحبه بيته قريب من هناك
سليمان:مفيش مشكله
الاء:عهد عايزه اشرب نسكافيه
عهد:ولييييد وقف اما نرمي البت دي من هنا
الاء بخفوت:خلاص مش عايزه حاجه
ضحكت ورده قليلا ثم قالت:بت يا الاء انتي بتشربي سوائل كتير اوي
الاء:مهو مشربتش حاجه النهارده يا طنط
عهد:يا سلام اومال مين اللي طافح كوبايه شاي فوق عندنا
الاء:ما انا متنهتش عليها بسبب ان الرجاله وصلوا يختي ومهنش عليكي تستني لما اشربها انتي اصلا كنتي بصالي فيها من الاول
عهد:حصل انا ظالمه
الاء:بالظبط
عهد:ابو شكلك
ورده:ممكن تسكتوا شويه جبتولي صداع
الاء:احم حاضر يا طنط....
...........................
بينما قد فات سامر علي يزن بالفعل وعندما ذهبا قال يزن:طب تعالي يلا نروح لباسل ده
سامر:لا لا مهو وليد كان قالي انه هيجي هو عشان اخته
يزن:خلاص تمام جبت كوره
سامر:عيب عليك في الشنطه معايا يا كبير
يزن:تصدق ياض برضو ليك لازمه
سامر:اهو عشان تصدق
يزن:طب يلا عشان منتاخرش يا فالح
سامر:يلا..
............................
في منزل شهد
شهد بصراخ:يا رااااااممميييييييي
رامي بخضه:خلاص وربنا جهزت جاي اهو انا اصلا مالي ما تولعي تروحي لوحدك لازم اوصلك
شهد:ونعم الاخوه يلا ياعم زمانهم وصلوا والله
رامي:يلا يلا يا شهد وبطلي زن
شهد:ماما بابا احنا ماشيين
قالت والدتها:ابقي رني علي اخوكي يجي يجيبك يا شهد
شهد:حاضر
رامي:استغفر الله العظيم هتقرفني حتي بعد ما تشهيص لوحدها
شهد:ماما اللي قالت
رامي:طب يلا قدامي....
........................
في سياره باسل وهو اخو حبيبه
حبيبه:الا قلي يا اخ باسل هي دي اقصي سرعه عندك
باسل ببرود:مش عاجبك انزلي واركبي تاكسي ايه رائيك
حبيبه:لا يا باشا حلو سوق علي مهلك مش مستعجله
باسل بابتسامه:ايوه شطوره يا حبيبتي
حبيبه:عن ابو شكلك اخ رخم
باسل:بتقولي حاجه يا حبيبه
حبيبه:بدعيلك بصلاح الحال
باسل:يارب يختي
حبيبه:يا باسل بسرعه بجد بقي
باسل:مهو لو بسرعه ممكن تروحي فيها من الخوف
حبيبه:انا لا انت واخد فكره غلط خالص دوس يا برنس ولا يهمك
باسل:طب صلي علي شفيعك بقي
حبيبه:صلي علي رسول الله
ضحك باسل قليلا ثم قام بتزويد السرعه وانطلق بها حتي يصلا في الوقت المحدد
باسل:هي دي السرعه اللي عجباكي
حبيبه:ايوه ربنا يحميك لشبابك كمل بقي
باسل:سبحان الله اول مره اشوف بنت متخفش من سرعه العربيات
حبيبه:انا قدامك اهو اقرب مثال
باسل:طب اتكتمي شويه بقي
حبيبه:اخ ديكتاتوري
باسل:يا صبر ايوب
حبيبه:سوق بس وانا هسكت...
...........................
وها قد وصل الجميع وبدا في تجهيز مكان للجلوس عنده وكان يبعد قليلا عن اعين الناس
عهد:ياهوو وخرجناا ايوه بقي
الاء:علي اساس انك محبوسه في البيت مبتخرجيش
عهد:يا فصيله ابو شكلك سبيني استمتع باللحظه
الاء:طب استني اما استمتع معاكي
غفران:خدوني معاكم يا بنات يا عبيطه
الاء:تعالي يا بت انضمي لجروب البسطاء بتاعنا
عهد:هي شهد وحبيبه هيوصلوا امتي
حياه:انا جيييت
الاء:هو انتي بتفتكري بالمشقلوب مش المفروض تكون حبيبه او شهد
عهد بضحك: مش عارفه
حور:يا صباح الجبنه الكيري علي مزز العيله
غفران:احلي صباحوا
حياه:لا بس تصدقي فكره حلوه ابت اعهود
عهد:اي خدمه يا زميل
حبيبه:احمممممد
الاء:منييييييي
غفران:اسماعييييل
حور بضحك: عبد سلاااام
حبيبه:عيال فصيله
عهد:كده يبقي فاضل السادسه بتاعه جروب البسطاء
شهد:سمعت حد بيجيب في سيرتي
عهد:اهلا بمزه افريقيا
شهد:هي مش كانت مزه مصر
عهد:حصل بس انا حطيت التاتش بتاعي
حياه:تعالوا يا بنات بعيد عن الكائن العبيط ده
الاء:يلا اه
وابتعد عنها الجميع بمزاح قالت عهد بتمثيل الحزن:ضربت الودع ملقتش صاحب جدع
عبد الله:ايه مالك يا عهد
عهد بخضه:ااه ايه في ايه
عبد الله:ايه يا بنتي اهدي اسف مكنش قصدي
عهد:لا ابدا ولا يهمك يا ابيه
عبد الله:غريبه يعني مش واقفه مع التوينز بتاعك
عهد:عارف يا ابيه
عبد الله:ايه
عهد:بواقع خبرتي في الحياه دي اتعلمت حاجه
عبد الله:خبرتك مره واحده طب ايه هي
عهد بمزاح وضحك:ان اعز ما ليا البطاكس المقليه
عبد الله:يا غفران
غفران بعد ان اقترب:نعم يا ابيه
عبد الله:عهد كانت بتناديلك عن اذنكم
ضحكت عهد عليه قليلا
غفران:عايزاني في ايه
عهد:مش عايزه حاجه يا ندله
غفران:طب غوري بقي ابو شكلك
عهد:الاء بت يا الاء
الاء بعد ان اقتربت منها:عايزه ايه
عهد بشر:البت الرخمه دي شتمتني خدي حقي
الاء بشر:لاااا دي يتعلم عليها الدور الدور الدور الدور موعوده ياللي عليكي الدور
غفران بخوف:احم طب انا بابا بيندهلي عن اذنكم
الاء:خدي هنا يا جبانه يا زفته
عهد:يووه هربت
الاء:ولا يهمك ياسطا الايام جايه كتير
عهد:عندك.حق يا معلمي
حبيبه:طب بقلكم ايه يا شويه معفنين
الاء:قولي
حياه:تعالوا نلعب بنك الحظ
عهد:اهو ده اخرنا فعلا يلا بينا ....
........................
بينما عند الشباب بعد ان وصل باسل اقترب منهم وقام بالقاء السلام
تواب بمزاح:انت بقي استاذ باسل
باسل:بيقولوا
يزن:اهلا بيك في الشله
سامر:اهلا بيك في العالم اهلا بيك في الفوضي
باسل:لا واضح انها بدايه موفقه موفقه
عبد الله:انت شكلك راجل محترم فمن اولها بحذرك اهو بلاش الشله البايظه دي اللهم بلغت اللهم فاشهد
باسل:لا طمنتني يا شيخ كتر خيرك
عبد الله:اي خدمه
تواب:الا قولي يا استاذ باسل
باسل:خليها باسل بس
تواب:لا ده انا كنت بلفت الانتباه بس
باسل:انت تقولي يا حضره الاستاذ باسل ياعم
ضحك الشباب عليه ثم قال تواب:المهم ليك في الكوره
باسل:لعبتي ومين ملوش في الكوره
يزن:يبقي حلو اوي يلا يا شباب فريق
وبالفعل قام الشباب في اللعب قليلا...
وعند السيدات جلسن يتحدثن في امور شتي
كوثر:انتي في الشهر الكام دلوقتي يا شوشو
شاهندا:التالت يا خالتو
كوثر:ربنا يقومك بالسلامه يارب خلاص اتفقتوا علي اسماء
سميحه:اه مش فاكره لما عهد اختارت
كوثر:اه صحيح كانت اختارت ايه مش فاكره
شروق:لو بنت هتسميها ترتيل ولو ولد هتسميه فارس
كوثر:ذوقها حلو والله
قاطع حديثهم صوت حياه قائله:شوشو تعالي العبي معانا
شاهندا:نلعب ايه
حياه:بنك الحظ
ورده:بنك الحظ يا شحطه منك ليها
حياه:ايه يا خالتوا نلعب كوره مع الرجاله يعني
سميحه:روحي يا حياه يا حبيبتي انتوا هبل اصلا فعادي منكم
حياه:تسلمي يا قلبي هو معرفش ذم ولا مدح بس اشطا يلا يا شوشو
شاهندا:يلا مش هنخسر حاجه
ثم توجهت معها للعب.....
بينما عند الرجال كانوا يلعبوا الطاوله
سليمان:لا يس تصدق خروجه حلوه برضو
محمود:اه والله عهد دي تفكيرها دايما صح يعني شوف الستات والبنات في جنب بس قدام عنينا والشباب بيلعبوا برضو يعني كله مستمتع
احمد وهو والد حياه:اصلا كونها تصمم وتبدا تقنعكم يعني هي كانت عارفه انكم هتوافقوا
سليمان بمزاح:يلا يبقي يقبلوني لو حصلت تاني
ضحكوا عليه قليلا ثم اكملوا لعبهم......
بينما عند الفتيات كانوا يلعبن فقالت شهد:انا هقوم اجيب حاجه اشربها من عندهم حد.عايز معايا
عهد:قبل ما تتكلموا كلكم بصي يا شوشو صنيه كده وفيها نسكافيه وشاي او قهوه هتلاقي كذه ترمس وصبي بقي احنا جيبين كبايات اللي هي من عند العطاره دي عشان ميتكسروش ويترموا علي طول
شهد:تمام اشطا خمسه وراجعه
وبعد ان ابتعد قليلا حدث الاتي يا ساده.....
عند الشباب قام سامر بتمرير الكره لباسل وقال العب يا باسل وقام باسل بحدف الكره ولكن كانت قويه قليلا فاتبعدت عن مرماهم
تواب: يا نهار اشطا
ارتفعت الكره قليلا ثم نزلت بقوه علي رأس شهد مما ادي الي اصابتها بدوار خفيف و وقوعها علي الارض
شهد:ااه دماغي ثم ارتمت علي الارض بقوه
جرت عليها الفتيات بسرعه ولكن لم يلحظ احد من السيدات والرجال شئ
غفران:شهد شهد انتي كويسه
شهد بضحكه بلهاء:غفران انتي ازاي بقيتي اربعه
باسل بعد ان جري اليها بسرعه:يا انسه انا اسف والله مكنتش اقصد
حبيبه:انت عملت ايه في البت يا باسل
باسل:والله ما اقصد يا بنتي طب انتي حصلك حاجه يا انسه
شهد بضحكه سخيفه: انا كويسه بس اقف جنب التؤام بتاعك
بينما كانت عهد في حضن الاء
حياه:بتعيطي ليه يا عهد انتي كمان مهي كويسه اهي حصلها تخلف عقلي مش اكتر
بينما عهد لم تكن تبكي بل كانت تضحك بشده علي منظر شهد
الاء بخفوت:الله يخربيت شيطانك ده موقف يستدعي الضحك
ضحكت عهد اكتر ولكن ظن الجميع انها تبكي
اقترب باقيه الشباب منهم قليلا وقال تواب:باسل اعذرني بس انت متهور اوي دي ضربه
باسل:اتكتم بقي طب شوفيها يا حبيبه الله يسترك
اقترب حبيبه منها قليلا وضربت علي وجهها بخفه:شهد اربعه ايه وتوأم ايه فوقي يا قلبي انتي كويسه
شهد بايفاقه قليلا:اااه دماغي يا حبيبه حسبي الله ونعم الوكيل ده كان بيحدف زلط
باسل بأحراج:احم انا اسف والله مكنتش اقصد
شهد بانتباه:ايه ده هو انت اللي حدفت
حياه:ايوه يا شهد
شهد:خلاص محصلش حاجه ولا يهمك
باسل:انتي متاكده انك كويسه
شهد: اه
غفران:انتي بتعيطي ولا ايه يا عهد
عهد وقد فلتت ضحكتها: مش ههه مش قااادرره منظررك يفطس من الضحكك يا شوشو
حياه بصدمه:وانا بحسبك من ساعتها بتعيطي
الاء بيأس:لا يختي بتضحك
عهد بضحك:شهد... شهد انتي كويسه
شهد:حد يمشيها من قدامي
كان تواب شارد بضحكتها وقال في نفسه:ربنا يزيد فرحتك يارب
سامر:يا لهوي يا ولاد في حد قمر كدا انتي اكيد ملاك
غفران:مشيها يا الاء البت مش ناقصه
الاء:غبيه معلش
سامر:هي اسمها الاء الله اسمها جميل اوي فعلا هي الاء من ربنا
قامت شهد بمساعده غفران وحينما همت بالذهاب كادت تقع ولكن لحقتها حبيبه وحياه
شهد:حبيبه هو اخوكي اسمه ايه
حبيبه:باسل ليه
شهد:عشان ابقي ادعي عليه في صلاتي
باسل من خلفها:احم احم شكرا ليكي
تسمرت شهد في مكانها وقالت بصدمه:هو اللي ورايا
غفران بضحك:هه اه
شهد:انتي مبتسمعيش ليه يا حبيبه بقول ادعيله علي الوقعه الحلوه دي واسنديني يلا خليني اقعد ثم ابتعدت سريعا بينما كانوا جميعهم يضحكون
ابتعد الشباب الي مكانهم
يزن بمزاح:باسل متلعبش هتجيب اجل حد قريب
باسل:بقولك ايه ياعم فكك مني بقي مش كفايه الموقف الزباله دي
عبد الله:الحمد لله انها جت سليمه
باسل:الحمد لله بس مجنونه اوي البنت دي
تواب:باسل حرام نتكلم عن البنات كده استغفر ربك
باسل:استغفر الله العظيم مش قصدي والله
تواب:تمام يلا نكمل
وبالفعل اكملا لعب ومرح فيما بينهم....
بينما عند الفتيات بعد ان اجلسن شهد انفجرا جميعهم في الضحك من بينهم شهد
عهد بضحك هيستيري: هموت مش قادره تشوفي منظرك وانتي بتقولي ليه بقيتي اربعه يلهوييي ولا بتقوليله اقف جنب توأمك مش قااادرره
حيااه بضحك: وانا اللي استغربت بتعيطي لييه الامر مش مستدعيي اتاريكي بتضحكي
غفران: والله انتوا بنات مخابيل
شهد:لا والمشكله اني قولت هدعي عليه قدام اخته وهو ورايا  اه يانييي
الاء: اظن كان هاين عليه يضربك
حبيبه:يلهويييي  مش قادره
شاهندا: اااه هتولدونيي وانا لسه في التااالت يخربيييت شيطاانكم
عهد:طب ايه مش هنشرب حاجه
شهد:لاااااا محدش يقولي هاتيي حاجه انا مليييش دعووه