الرجوع (مستوحاه من قصه حقيقيه)

الفصل الثالث

Hello
وحشتونيييي جدااااا بجد كنت نفسي انزل بارت امبارح عشانكوا بس معرفتش من كتر المذاكره +Love you all ❤❤
...................................
وقفنا المره اللي فاتت لما عهد عرفت انهم هيروحوا عند جدتهم ولكنها لا تعلم ما سيترتب علي تلك الزياره.............
في صباح الجمعه استيقظ الجميع باكرا حتي يتناولوا الافطار ويذهب الرجال للمسجد لاداء الصلاه وبعد ان انتهوا من الصلاه تولوا عائدين لبيوتهم وحدث ما يلي بين اهل بطلتنا
سليمان: يلا يا جماعه هنتاخر.. يلا يا ورده هنتاخر علي اهلك
ورده حاضر جايه اهو ثانيه بس
انتظرهم سليمان حتي وجدهم يخرجون من غرفهم
سليمان: خلاص كده تمام
فرد عليه ابناءه: ايوه يا بابا خلاص
ورده: مفيش حاجه ناسينها يا ولاد
شاهندا: لا يا ماما
سليمان: تمام يلا بينا
........................................
في شقه تواب نجده يتحدث مع والده
تواب: ها يا بابا هنخرج فين النهارده
محمود: واد انت حل عني مش ناقص ما صدقت اني خدت اجازه من الشغل
تواب: كده يا حاج تزعل تواب مكنش العشم يا محمود
محمود: يلا يا جزمه هو انا كنت بلعب معاك
تواب بضحك: خلاص متزعلش نفسك استاذ محمود ايه رايك المهم برضو انا عايز اخرج
محمود: مش النهارده عشان مليش مزاج
غمز تواب لوالدته بان تدخل فابتسمت بخبث وقالت:
عشان خاطري يا محمود عايزين نخرج بجد
محمود: احم طب خلاص عشان خاطرك بس نخرج
تواب: ايوه بقي يا حاج من لقي احبابه
محمود: بس يا جزمه
شروق: بقولكوا ايه رايكوا ناخد عبد الله وسميحه معانا بما انهم مش بيخرجوا
محمود: فكره حلو والله ويفكوا عن نفسهم حتي
تواب: خلاص هطلع اقولهم اهو
ذهب تواب وقام بالدق علي باب شقه سميحه ففتح له عبد الله
عبد الله: اهلا اهلا بابن عمي اخبارك يا درش
تواب: اهلا استاذ طويل
عبد الله: افضل قر عليا لحد ما تجبني الارض كده
تواب: لا يا عم استغفر الله خلاص بلاها كلام معاك خالص... فين بقي عمتي
سميحه: ازيك يا قلب عمتك
تواب: حبيبه قلبي اخبارك ايه يا عمتو
سميحه: الحمد لله يا حبيبي تعالي اقعد انا بحضر الغدا اهو تاكل معانا
تواب: لا مهو بابا وماما قالولي اندهلك انتي وعبد الله عشان نخرج نتفسح وناكل بره
سميحه:لا مش هينفع خليها مره تانيه
تواب: لا لو سمحتي ده قرار دولي مفيش منه مفر يدوبك تخشوا تجهزوا عشان نلحق اليوم من اوله
عبد الله: طيب يا سيدي واحنا تحت امر استاذ محمود طبعا ويلا يا ماما مش هيحصل حاجه
تواب: ايوه كده خليكم شاطرين انا هسبقكم علي تحت لحد ما تجهزوا.. يلا السلام عليكم
ردوا عليه ثم ذهب كل منهم لغرفته للاستعداد لتلك النزهه
........................................
في منزل جده عهد نجدهم جميعا يقفون في طرقه المنزل يرحبوا باهلهم
ورده: ازيك يا بابا ازيك يا ماما عاملين ايه
والديها: الحمد لله يا بنتي انتي اخبارك وحشتينا.. عامل ايه يا سليمان يا ابني
سليمان: الحمد لله بخير لما شوفتكوا
الجده وهي تنظر لعهد: ازيك يا عهد قلبي عامله ايه
عهد بحب: ازيك يا تيته وحشتيني اوي
وليد: هو احنا مش هندخل ولا ايه
ورده: يا واد بطل غلبه
الجد: تعالوا ادخلوا يلا جوا...... بعد ان دلفوا جلبت لهم المساعده التي جلبتها الجده لمساعدتها في شئون البيت
الجده: بت يا جملات الغدا جهز
جملت: فاضل شويه بس يا حاجه
الجده: طب خلاص اعمليلنا شاي لحد ما يجهز
جملات: حاضر يا حاجه
عهد: تيته هي خالتوا مش هتيجي
ورده: اه صحيح هي كوثر مش هتيجي
الجد: لا زمانها جايه في الطريق ما تقلقوش
سعدت عهد للغايه بانها ستري بنت خالتها المفضله "حياه"
وليد: تيته انا هخرج العب بره في الجنينه
الجد: اخرج يا حبيبي براحتك
بعد قليل وجدوا الخاله تدلف مع زوجها وابنتيها حور و حياه... حور ما زالت ذات خمس سنوات اما حياه فهي بنفس عمر عهد حينما رأتها عهد هرولت عليها لتحتضنها
عهد: حياه وحشتيني يا كلب البحر
حياه: وانتي يا فرس النهر
شاهندا: هموت واعرف هما فيه اتنين بيحبوا بعض بالطريقه دي
حياه وعهد في نفس الوقت:اه احنا
شاهندا:خلاص يختي منك ليها هتكلوني....ثم اردفت موجهه كلامها لخالتها
شاهندا:ازيك يا خالتو عامله ايه
كوثر:بخير يا حبيبتي وانتي عامله ايه وحشتيني والله
شاهندا:انتي اكتر....ثم وجهت كلامها لحياه
شاهندا:حياه القمر عامله ايه يا قمر
حور:الحمد لله انتي عامله ايه يا كمنجه
شاهندا:اسمي شاهندا يا جزمه مش كمنجه
حور بلا مبالاه :مش بعرف اقولها مش مشكلتي
شاهندا:ابو شكلك رخمه
جملات وهي توجه كلامها للجده:الاكل جهز يا حاجه
الجده:طب يلا يا جماعه عشان نتغدي
جلس جميعهم علي الطاوله وصاروا يتبادلوا الاحاديث فالسيدات تتحدث عن احوال اطفالها والمنزل كما العاده
اما الرجال فاصبحوا يتحدثوا عن احوال البلد وعن امور الشغل...وبعد ان انتهوا توجه الكبار للجلوس في غرفه الضيافه فهي مصممه للتجمعات وتوجه وليد للعب بالكره في الحديقه اما شاهندا فتوجهت للجلوس علي هاتفها ثم وجهت حياه كلامها لعهد قائله:عهد تعالي ندخل البلكونه نلعب فيها لوحدنا
عهد:ماشي احسن برضو
وهنا صار ما لن يحمد عقباه
...........................................
بينما عند بطلنا توجه هو وعائلته الي حديقه عامه للتنزه قليلا فاردف عبد الله قائلا
عبد الله:يسلاام لو فيه هنا كوره نلعب
تواب:بس كده غالي والطلب رخيص بس كده موجوده يا سيدي
عبد الله:بجد قول بالله
تواب بضحك:اه والله عد الجمايل بقي يا عم
عبد الله:طب يلا يا خويا نلعب
تواب:ما تيجي يا بابا معانا
محمود:لا روحوا انتوا مليش في اللعب
عبد الله بضحك:ايه يا عمي هو الغضروف عملها معاك ولا ايه
محمود:يلا يا عسل من هنا ده انا فيا صحه عنك
تواب:وانا اشهد
محمود:انت بتتريق كمان طب يلا و والله لكسبكم يا كلاب
عبد الله:ايوه بقي يا عمي برافوو
تواب:ايوه يا صحه ارجعي كده بشبابك
ضحك الجميع عليه ثم توجه الرجال الي اللعب
سميحه بضحك:يخيبك يا واد يا تواب
شروق:واد غلباوي اوي يختي
سميحه بضحك:ربنا يخليهولك يارب
شروق:امين يارب
تنهدت سميحه بتعب فنظرت لها شروق بقلق
شروق:مالك يا سميحه يا حبيبتي شكلك زعلان
سميحه:مفيش والله بس نفسي الواد عبد الله يتجوز بقي واشوفله عيل قبل ما اموت
شروق بخضه:يلهوي بعد الشر عليكي يختي ربنا يطول في عمرك ويخليلك عبد الله وان شاء الله تشوفيه عريس في الكوشه
سميحه:امتي يختي نفسي يجي اليوم ده بقي
شروق:طب انتي لو جوزتيه بسرعه وطلعت عروسته مش هي اللي تنفع هتعملي ايه فاحمدي ربنا واستني رزقك كل تاخيره وفيها خيره
سميحه:ونعم بالله معاكي حق والله
شروق:ربنا يريح قلبك وينولك اللي في بالك يارب
سميحه: امين
بعد قليل توجه لهم الرجال فقال محمود: العصر ادن احنا هنروح نصلي ونرجع عايزين حاجه قبل ما نيجي
سميحه وشروق: لا تسلم يارب
توجهوا للمسجد وجلست السيدتان يتحاكوا لحين عودتهم وبعد ان عادوا من اداء الصلاه قال تواب: يلا بقي نروح ناكل عشان ميت من الجوع
عبد الله: وانا كمان هبطت الصراحه
محمود: تمام يلا بينا
وبعد ان توجهوا لاحدي المطاعم جلسوا ثم طلبوا ما يشتهوه وبعد مرور الوقت ذهبوا لمنازلهم وصعدت سميحه مع عبد الله الي دورهم قائلين: تصبحوا علي خير يا جماعه فسحه سعيده ويريت نكررها
تواب: اكيد هنكررها
دلف تواب ووالديه الي المنزل فقال تواب: ها يا بابا نصلي العشي وتحكيلي قصه سيدنا نوح زي ما اتفقنا الجمعه اللي فاتت
محمود:تصدق وتؤمن بالله
تواب وشروق:لا الا الا الله
محمود:انا غلطان اني اتفقت معاك اني احكيلك قصص الانبياء والله
تواب:ليه بس عملت ايه
محمود:لا معملتش بس انا قررت انك تعرفها لوحدك
تواب:لا والله ابدا مستحيل يحصل انا بحبها منك انت ولا ايه يا ماما
شروق:حصل انا بحبها منك اكتر يا محمود
محمود:طب خلاص ماشي تعالوا بس نتوضي ونصلي العشاء واحكيلكم
تواب:اتفقنا اذا
وبعد ان ادوا صلاتهم جلس محمود يحكي لهم عن قصه سيدنا نوح وما اروع تلك القصص يا ساده فهي تدل علي حكمه الله وثقه نبيه بما يامر الله به
وبعد انتهاء القصه قال تواب:الله يا بابا قصه حلوه اوي
شروق: فعلا قصه معبره تدل علي حكمه الله بس اللي زعلني عدم قبول ابن سيدنا نوح انه يركب السفينه
محمود:دي من حكمه ربنا وتدابيره وكمان فيها موعظه ان ابن سيدنا نوح لو كان سمع كلام والده كان نجي بس هو خالف ابوه والاكبر خالف ربنا
تواب:سبحان الله فعلا
محمود طب يلا عشان جه معاد النوم بس الاول نقرا الورد مع بعض فبدا الجميع بقراءه سوره البقره مع بعضهم فما ادراكم عظمه تلك السوره وجلسوا يسبحون كثيرا لله وبعدها خلدوا للنوم علي امل التقاء بيوم مشرق
.............................................
بينما عند بطلتنا بعد ان دلفت هي وحياه الي الشرفه جلسوا يلعبوا قليلا حتي وجدوا ان الوضع اصبح مملا فقالت حياه:استني هروح اجيب موبايل ماما نقعد عليه شويه
حياه:تمام ماشي
بعد ان عادت حور جلسوا يلعبوا عليه حتي قالت عهد:استني هروح اصلي المغرب واجي قومي يلا معايا
حياه:طيب روحي وانا جيه اهو
عهد:ما تقومي دلوقتي يا بنتي وخلصي
حياه:يووه بقي يا عهد خلاص قايمه اهو قولت
عهد:طيب انتي حره
وبعد ان ذهبت عهد جلست حياه تبحث في هاتف والدتها علي امل ان تجد شئ مثلي فوجدت في معرض الصور لدي والدتها يحتوي علي فيديوهات تسمي بالرومانسيه فجلست تشاهدها حتي انها اعجبت بها
وبعد ان عادت عهد قالت لها حياه:بصي يا بت شوفي الفيديو ده
عهد بقرف وبعدت نظرها بسرعه:ايه ده يا حياه اللي انتي بتتفرجي عليه ده عيب وحرام اولا
حياه:لا مش حرام ماما منزلاه عادي
عهد:ماشي علي الاقل هي كبيره
حياه:والله عادي بصي بس
عهد:قولت لا واسكتي بقي
حياه:خلاص ياختي انتي طول عمرك ممله اصلا
عهد بحزن لكن استطاعت مداراته: ماشي شكرا انا ممله فعلا
بعد قليل من الوقت ذهبت عهد مع عائلتها الي منزلهم وكان اذان العشاء اذن فقامت وتوضات وصلت وذكرت الله قليلا وبعد ذلك خرجت لتجلس مع عائلتها فوجدت والديها قد خلدوا للنوم بالفعل فجلست مع اخوتيها فقالت لغفران
عهد:غفران تيجي نلعب
غفران:لا مش عايزه العب وبعدين انا هدخل انام اصلا
عهد ببعض الحزن:طيب خلاص...ثم وجهت كلامها لشهاندا قائله:شاهندا تعالي اقعدي معايا في الاوضه ونتكلم ونلعب
شاهندا:والنبي يا عهد فكك مني عشان مليش مزاج وتعبانه اصلا
عهد:طب خلاص بس حرام الحلف يغير الله
شاهندا:اه هتعملهم عليا بقي لا بقولك ايه فكك مني بقولك اهو انا داخله اوضتي
حين همت ان تسال وليد قال لها:لو بس طلبتي اي هبل من بتوعك ده هسكعك علي خلقتك
عهد:انا كنت هقولك تقعد معايا عشان مقعدش لوحدي
وليد:وانا مالي حلي عني
دلفت عهد الي غرفتها بحزن فاخوتها لا يريدوا الجلوس معها قليلا علي الاقل فقررت التوجه للنوم افضل لها ولكن حينما همت بالنوم جاء في بالها ذالك الفيديو الذي جعلتها حياه تشاهده وسرحت به قليلا ولكن افاقت سريعا واستغفرت ربها ثم قالت
عهد:استغفر الله العظيم يارب ايه اللي بفكر فيه ده ربنا يسامحك يا حياه انتي اللي ورتيهولي
استغفرت ربها كثيرا ثم خلدت للنوم سريعا لشعورها بالتعب من ارهاق اليوم علي امل الحصول علي غد مميز 🙆‍♀️🙆‍♀️
.................................
ما الذي سيحدث في الايام القادمه
وما الذي سيصيب بطلنا
وهل ستنجح حور في اقناع عهد بمشاهده الفيديوهات ام لا 🤷‍♀️🤷‍♀️
كل ذلك سنعلمه في الفصول القادمه
اتمني من كل قلبي ان روايه تعجبكوا بجد نفسي الاقي الدعم للروايه دي تعتبر اول روايه ليا وبجد بتاخد مجهود مني وكمان عشان خاطري حتي يستركوا دنيا واخره 😚😚وكمان حتي عشان صاحبه القصه دعما ليها بلييييييز بحبكوا جدا عايزه كومنتس بقي يريت والنبي للاخوات الصامتين انا زي اختكوا برضو 🤭🤭🤭وبرضو بحبكم جدا اوي كتير
استنوا بكره فصل كمان زي ما اتفقنا
الي اللقاء

I purple you ❤❤😍😍💜💜💙💙💚💚🧡🧡💛💛🤎🤎🍭🍭