الرجوع (مستوحاه من قصه حقيقيه)

الفصل الثاني عشر

السلام عليكم يا احبابي اخباركم يا حلوين ❤
بجد متاسفه جدا اني منزلتش لا الجمعه ولا السبت بس كان النت خلصان خالص وعلي ما دفعنا الاشتراك فقولت انزل واحد النهارده طويل حبتين غير بتاع الجمعه
يلا استمتعوا 🌺🌺
......................
في بيت لم نراه منذ مده دعونا نذهب له وهو بيت حياه اتذكرونها تلك الفتاه التي كانت سبب في ابتعاد عهد عن طريق الله دعونا نري ما حدث لها
حياه كانت تجلس في غرفتها فدلفت لها حور اختها فقالت حياه:عايزه ايه يا زفته خلي فيه شويه خصوصيه
حور:يا حياه يا قلبي خلي البساط احمدي ده احنا اخوات
حياه: حد قالك قبل كده انك بارده
حور بمزاح: يووه كتير اوي
حياه بضحك: طب كويس المهم انتي عايزه ايه
حور: لا ابدا مكنتش عايزه برخم بس
حياه وهي تحدفها بالمخده: طب غوري بقي عن ابو شكلك
حور:خلاص اسفين يا صلاح
حياه:امشي يا حور احسن لك
حور:طيب انتي الخسرانه....وبالفعل بعد ان توجهت حور للخارج رنت حياه علي صديقتها المفضله وهي حبيبه
حبيبه:اهلا اهلا بكلب البحر اللي مش معبراني
حياه:حبيبتي تسلمي علي التهزيق ده
حبيبه بضحك: اي خدمه بقي عامله ايه يا قمر
حياه:فل الفل يا بيبه وانتي اخبارك هتجيلي النهارده ولا لا
حبيبه:امم ما اظنش لان امي حكمت عليا انا والبت رقيه اختي نروق الشقه كلها وطبعا هخلص اكون تعبت
حياه:لا ده انتي ربنا معاكي يا اوختي
حبيبه:لا ولا الواد باسل فلت منها ابن المحظوظه اكمنه ولد قال لامي ورايا مشوار مع واحد صاحبي وبعدين مهو مفيش ولد يروق برضو
حياه:اهو ده اللي هيشلني اشمعنا بقي
حبيبه:المهم صليتي الضهر
حياه:احم لا لسه
حبيبه:قومي يا حيوانه صلي وكلميني تاني
حياه:طيب يا مهزقاني بس هكلم احمد وبعدين هكلمك
حبيبه: حرام عليكي يا حياه هقولك كام مره انتي بتتحاسبي والله
حياه:فوكك بقي وبعدين ما كله بيعمل كده
حبيبه:بس كلهم غلط طب انتي حد من اهلك يعرف انك بتكلمي
حياه بخجل:احم الصراحه لا
حبيبه:يبقي حرام طبعا وانا قولتلك كتير مش عارفه انتي مصممه ليه علي الغلط
حياه:طيب طيب خلاص اصلا ربنا غفور رحيم
حبيبه:بس متنسيش ان ربنا شديد العقاب
حياه:خلاص بقي يا حبيبه متحبكيهاش وبعدين انا بصلي اهو يعني ده بتشفع لدي
حبيبه:مين قالك كده غلط طبعا ده يكفيكي ان ربنا قال في كتابه العزيز (ولا تواعدوهن سرا)صدق الله العظيم
حياه:حبيبه هتعمليلي فيها ست الشيخه بالله عليكي مش ناقصه
حبيبه بغضب وصوت مرتفع:لا يا حبيييبه مش زفت شييخه انا بقولك الصح والغلط وانتي مش راضيه تفهمي وبعديين مش كل شويه ست الشيخه دي عشان خايفه عليكي يعني اصلا غلطانه
حياه:طب خلاص خلاص اهدي مش ست الشيخه وحاضر هحاول اهدي ومتزعليش
حبيبه:خلاص ماشي وحاولي تبعدي عن القرف ده
حياه:حاضر والله وبعدين اقفلي يلا عشان اصلي
حبيبه:تمام وربنا يهديكي يارب
حياه:ايوه ادعيلي انتي بس
حبيبه:ربنا يتوب عليكي ويهديكي يلا سلام
حياه:سلام....وبعد.ان اغلقت معها حدثت نفسها قائله:هو فعلا اللي بعمله ده حرام ولا هي حبيبه بتافور بس كله بيعمل كده وبالنسبالهم عادي بس هو قال انه بيحبني وطالما بيحبني اكيد هيتقدم طب اعمل ايه يارب خلاص هشوف النهارده
وبالفعل بعد ان ادت فرضها قامت بالتحدث مع ذلك الفتي التي تحادثه منذ مده ولم تبالي بكلام حبيبه علي الاطلاق
وبعد بضع ساعات رنت علي حبيبه ولكن انكرت انها حدثته....
فماذا سيحدث معها يا تري...........
....................................
في المستشفي التي بها عهد
جري عبد الله علي شاهندا عندما فقدت الوعي وصار يحاول افاقتها ولكن لا جدوه فقال محمود:روح يا تواب نادي للدكتور بسرعه
تواب:حاضر يا بابا هجيبه علي طول....وبالفعل بعد ان احضر الطبيب وادخلو شاهندا لغرفه الكشف الطبيب عليها فقال:الحمد لله يا جماعه مفيش اي حاجه تقلق هي بس الزعل اثر عليها وخصوصا في حالتها
سليمان باستغراب وخوف:حاله ايه يا دكتور
الطبيب بابتسامه:احب ابشركم ان المدام حامل في الشهر الاول
كان الجميع يقف بصدمه لا يعلمون ايفرحوا بسبب هذا الخبر ام يحزنوا بسبب حاله عهد ولكن عبد الله سجد شاكرا لله بسبب فرحته التي لم يستطع ان يسيطر عليها
قال الطبيب:الف مبروك ليكم وهي شويه وهتفوق.....وبعد ان غادر الطبيب دلفوا جميعهم للداخل وبالفعل كان قليل من الوقت واستيقظت شاهندا
فقال عبد الله:حمد الله علي سلامتك يا حبيبتي كده تخضينا عليكي
شاهندا:الله يسلمك ايه اللي حصل
شروق بفرحه ولكن يصطحبها حزن:الف مبروك يا قلبي انتي حامل
نظرت لها شاهندا بصدمه احقا ما كانت تتمناه حدث ظلت تشكر الله كثيرا ولكن عندما تذكرت اختها اردفت بدموع:عهد عامله ايه دلوقتي طمني عليها يا عبد الله
عبد الله بحزن:ان شاء الله تكون كويسه يا حبيبتي ارتاحي انتي بس
شاهندا وهي تنهض:لا مش هرتاح انا هروحلها لازم نكون هناك متبقاش لوحدها
سميحه:طب بس ارتاحي شويه يا حبيبتي وبعدين نروح
شاهندا:لا هروحلها يعني هروحلها
وليد:خلاص يا جماعه يلا نروح ونخليها هي تقعد عشان كمان تواب اللي متذنب بره ده
سليمان:تمام يلا
وبعد ان خرجوا لتواب قال تواب موجه الكلام لعبد الله وشاهندا:حمد الله علي سلامتك يا بنت عمي والف مبروك ليكم
شاهندا:الله يبارك فيك
غفران:يلا بقي عشان عهد ما تبقاش لوحدها
وبالفعل توجهوا لغرفه عهد وجلسوا بالخارج وظلوا يدعوا لها بالشفاء وبعد قليل وجدوا الاء تهرول لهم بسرعه وبعد ان وصلت لهم نظرت لهم ببكاء وقالت:عهد عهد مالها هي فين مالها طمنوني بالله عليكم
شروق:اهدي يا الاء اهدي يا حبيبتي هي ان شاء الله هتبقي كويسه بس اهدي
الاء ببكاء:لا لا مش ههدي هي دي اختي اللي جوه هو بس حد يفهمني ايه اللي حصلها حد يقولي بالله عليكوا
سميحه بتنهيده:هي كان حصل حاجه وكلنا قاعدين مع بعض وغفران قالتلها انك مستشيخه وفجاه هي بدات تعيط وانهارت ووضحت انها زعلانه من اهلها كلهم
الاء ببكاء وهي توجه كلامها لغفران:ليه يا غفران حرام عليكي انتي مش عارفه انها بتزعل انتي متعرفيش بتشتكيلي قد ايه دي كانت بتكتم كتير علي امل تبطلي تقوليلها كده
عبد الله بانتباه ومازال يتمسك بشاهندا حتي لا تتعب اكثر:هي كانت بتحكيلك؟
الاء:ايوه
سليمان:بتحكي ايه
الاء وهي تنظر لهم بخجل لان الامر لا يعنيها وايضا احتراما لهم فقال محمود:قولي يا الاء يا بنتي عشان نعرف الله يرضي عنك
الاء بخجل:هي كانت قالت انها بتزعل من غفران لانها دايما بتقول عليها مستشيخه وكمان وليد وشاهندا لانهم مكنوش سند ليها في وقت هي احتجاتهم بس قالتلي اللي شفع لشاهندا شويه موضوع عدم خلفتها وانها متجوزه وكمان من عمو سليمان وطنط ورده انهم مش بيحتوها او مصاحبينها ويسالهوها هي كويسه ولا لا وقالتلي كمان انها عمرها ما نست يوم ما انهارت وهي صغيره بس لما لقتكم كلكم افتكرتوا انها نسيت بينتلكم كده ولم تذكر موضوع خوفها من الله لانها تعلم ان عهد لن تفرح بمعرفه الجميع بذلك
غفران ببكاء هيستيري:انا انا اخت وحشه اوي انا والله مكنتش اقصد انا اسفه اوي اوي
ورده ببكاء:لا انا اللي مكنتش ام كويسه ليها مكنتش موجوده فعز حاجتها ليا
بينما وليد هربت دمعه من عيونه ولكنه ازالها قبل ان يلاحظها احد ولكن هناك من راه فكان تواب فنظر له بمعني اصبر وراعي حقها من الان
شروق:طلعت كاتمه اوي يا عيني يا بنتي
الاء:ربنا يشفيها يارب ويرجعها بالسلامه هي تستاهل كل خير
وجلسوا قليلا يدعون لها حتي مر اليوم الاول بسلامه وكانوا علي امل ان في يوم الغد ستكون بافضل حال وتستيقظ بافضل حال وتستيقظ
ولكن يا ساده انا من اشد المقتنعين بمقوله ان ليس كل ما يتمناه المرء يدركه.......
................................
في احدي الكافتريات كان احدي الكارهين لتواب وهو رامي يجلس بصحبه جلساء السوء فقال رامي:لا يا عم سنه ايه اللي ننجح فيها دي انا مبلط السنه دي بلا هم يا عم
فقال صديقه:معاك حق والله احنا اصلا ملناش تعلم بس ابويا وابوك هما اللي قرفنا
رامي:اسكت ياعم متفكرنيش الواحد علي اخره والله كل شويه ذاكر يا ابني انت هتنجح امتي واخر غلب دول جابو للواحد صداع
فاردف صديقه بضحك:هههه نكونش لسه عيال
رامي:اه ياعم لسه عيال بالببرونه بتاعتها
حسام:المهم فكك تفتكر الواد تواب مجاش الكليه النهارده ليه قليل اما يعملها وحتي يزن مكنش موجود
رامي:يا عم افتكر لنا حاجه عدله دي سيره تتجاب
حسام:يا عم بسال بس اصل الفضول هيموتني
رامي:فضولي اوي يا خويا
حسام:اوي يا بني المهم تعالي نروح لاي مكان تطري علي قلبنا بالمزز بدل الخلق اللي كلها شنبات دي
رامي:علي رايك حاجه تسد.النفس يلا
وبالفعل توجهوا لمكان مختلف اللي هو مليان مزز يعني 😉.........
..................................
انتهي اليوم وها قد جاء يوم جديد علي ابطالنا .........
علم الجميع بحاله عهد فذهبوا لزيارتها وظلوا يدعوا لها بالشفاء العاجل قالت اخت ورده لها:طب انتوا ازاي كنتوا سايبنها كده يا ورده
ورده:معرفش معرفش ازاي حصل هي كانت كتومه اوي يريتها كانت حكت وانا كنت خدت بالي منها اكتر بس انا اللي كنت فاكره اني بس بوفرلهم الراحه باني اعملهم اكلهم واظبتلهم حاجتهم بس كنت غلطانه اوي اوي
فقالت لها اختها:طب اهدي بس كده وصلي علي النبي (اللهم صلي وسلم وبارك علي سيدنا محمد وعلي آله واصحابه اجمعين)
ورده:عليه افضل الصلاه والسلام
كانت حياه تنظر لهم بحزن فهي حزينه علي عهد هي بالفعل لم تعد ذات علاقه وطيده بها ولكنها كانت في يوم من الايام اقرب اصدقائها
نظرت لها حور فوجدتها تذرف الدموع فقالت باستغراب شديد:ايه ده انتي بتعيطي انتي عمرك ما عيطي قبل كده يا بنتي
حياه:اسكتي الله يخليكي وبعدين هي صعبانه عليا اوي
حور:متهيالي علاقتكم معدتش قويه اوي كده
حياه:بس كنا في يوم من الايام اصحاب اوي
حور:فعلا ادعيلها ان شاء الله هتبقي كويسه
حياه:يارب يا حور يارب
بينما كانوا يجلسوا وجدوا الطبيب يمر حتي يكشف علي عهد
فظلوا مترقبين علي امل ان يخبرهم الطبيب باخبار ساره
فماذا سيحدث.......
................................
في منزل سامر كان يجلس يذاكر قليلا حتي ينجح تلك السنه وينتهي من الدراسه نهائيا ولكنه فجاه شرد في صاحبه تلك الوجه الملائكي راها صدفه عندما كان متوجه لمنزله بعد انتهائه من المحاضرات وتمني ان يعرف اسمها اوي اي شي عنها وعندما هم باتباعها فجاه اختفت وكانها لم تكن موجوده
اردف سامر بشرود:يا تري اسمك ايه او تكوني منين يارب لو فيها خير ليا اجعلها من نصيبي
بينما كان ما زال شارد انتفض اثر دخول والدته المفاجا فاردف بخضه:ايه يا امي في ايه حد يدخل علي حد كده
فاردفت والدته:اه فيه انا
سامر:يا حول الله يارب طيب يا امي كنتي عايزاني ليه
فقالت:قولي بس الاول كنت سرحان في ايه كده لتكون شقلبتك
سامر باستغراب:هي مين دي
فقالت بمزاح:البت اللي سرحان فيها
انفجر سامر في الضحك: بت شقلبتني لا طبعا ده انا سامر علي سن ورمح
فقالت:اممم طب برضو كنت سرحان في ايه
سامر:لا ابدا مش حاجه معينه
فردت عليه:اممم ماشي قوم كلم ابوك طيب
سامر:حاضر هقوم اهو...وبالفعل ذهب لوالده ليرا ماذا يريد منه........
......................................
في المستشفي كان الجميع في انتظار خروج الطبيب ليخبرهم بخبر يجعلم سعداء وبالفعل بعد قليل خرج الطبيب فهرول له الجميع وسأل وليد:طمني يا دكتور اخبارها ايه دلوقتي
فاردف الطبيب قائلا:هي بقت افضل الحمد لله عن امبارح بكتير بس...
فقال سليمان:بس ايه يا دكتور
الطبيب بتنهيده:هي المريضه سليمه جسديا من كله بس المشكله فيها هي
فقالت شاهندا :فيها هي ازاي
اردف الطبيب:يعني المريضه هي اللي مش عايزه تخرج من نومتها دي وممكن لا قدر الله تتحول لغيبوبه بسبب ان عاملها النفسي سئ جدا فده ادي انها مش حابه تخرج للعالم اللي كان السبب في حزنها ده
ورده ببكاء وعدم تصديق:لا لا اكيد في حاجه غلط ده مش صح يارب يارب بنتي يارب
كوثر وهي تتمسك بها حتي لا تنهار:ورده اهدي اهدي الله يخليكي خير كله هيبقي تمام هي بس اكيد محتاجه راحه وهتفوق اندعيلها بس اهدي عشان خاطري
ورده ببكاء وقد ارتمت باحضان اختها:عهد يا كوثر بنتي مش قابله الحياه بسببنا احنا ازاي اهدي ازااااايي
بينما كانت شاهندا مصدومه ولم تنطق مما اقلق عبد الله عليها فقال:شاهندا اهدي استهدي بالله ان شاء الله هتبقي تمام اهدي بالله عليكي عشان متتعبيش في حالتك دي
نظرت له بعيون خاليه ولم ترد عليه ايضا فنظر لها بقلق وظل يدعي ان يشفي عهد ويريح قلب اهلها
بينما غفران انهارت في البكاء وقامت كل من حياه وحور باحتضاانها حتي يخففوا عنها فقالت حور ببكاء:اهدي يا غفران هي والله هتبقي كويسه متخفيش
غفران ببكاء:هيستيري:انا انا السبب يا حور انا اللي خلتها تكون موجوده جوه دلوقتي
قام سليمان باحتضان وليد عندما راه يبكي فانفجر وليد في البكاء علي اخته فهي تكون افضل اخت له ولكنه كان دائما يابي اظهار ذلك ولكنه الان نادم اشد.الندم فقال بينما والده يحتضنه:عهد يا بابا اختي يا بابا تعبانه واحنا السبب انا مستحقش اكون اخ ليها يارب اختي يارب اي حاجه الا هي يارب
قال سليمان بحزن:وحد الله يا ابني هي هتكون بخير
تواب:ربنا يشفيها يارب وتكون سالمه
كانت سميحه ومحمود وشروق:في اشد الحزن ولكنهم اصتبروا حتي يكونوا سند للجميع بينما كانوا في حزنهم وجدوا الاء تاتي لهم فقالت بخوف شديد وهي تجدهم جميعا يبكوا فاردفت قائله:في..في ايه يا جماعه بتعيطوا ليه ايه اللي حصل
اقتربت سميحه منها وامسكتها من يدها وقالت:بس تهدي كده الاول تمام
اردفت الاء بخوف:قولي ماشي
سميحه بتنهيده وحزن:عهد بقت كويسه وكل حاجه بس المشكله فيها هي انها مش متقبله حياتها ومش عايزه تخرج من نومتها دي وانها معندهاش استعداد تواحه اللي كانوا سبب زعلها وانها ممكن لا قدر الله تدخل في غيبوبه بسبب كده
نظرت لها الاء بصدمه وتحركت خطوه للخلف وظلت تنظر لها بعدم تصديق ولكنها فجاه تمسكت بالطبيب بعد ان راته قادم واردفت قائله:بالله عليك عايزه اشوفها بالله عليك وحياه اغلي حاجه عندك
فاردف الطبيب باسف:متاسف يا بنتي بس ده هيبقي غلط عليها وانتي مش في حاله كمان تسمح
الاء بسرعه:مش مش هعمل نفس والله بس اشوفها بالله عليك مش قااادررره وحيياه اغلي حاجه عندك عايزه اشوفها
قالت شروق وهي تحتضنها:اهدي يا حبيبتي اهدي غلط كده علي اعصابك هي والله هتكون بخير
الاء:بالله عليكي خليه يدخلني ليها هي هي عهد اول ما تسمع صوتي هتفوق علي طول هي قالتلي انها بتحبني وعشان كده هتفوق علي طول والله
نظر محمود للطبيب واردف:معلشي يا دكتور لو خمس دقايق بس انت شايف حالتها
اردف الطبيب:تمام بس مش اكتر من خمس دقايق
الاء بسرعه:حاضر حاضر والله.ثم اردفت موجهه كلامها لورده:تسمحيلي يا طنط بالله عليكي ادخلها انا بجد محتاجه ادخلها
اردفت ورده بموافقه رفقا بحالتها حتي لا تنهار:اتفضلي يابنتي مقدرش امنعك
وبالفعل تجهزت الاء ودلفت للغرفه وعندما وجدت عهد علي حالتها تلك زرفت منها الدموع بدون ارادتها فاقتربت منها وجلست علي الارض بجوار السرير فامسكت يد صديقتها واختها ثم اردفت ببكاء:عهد انتي مش هتسبيني صح انتي وعدتيني انك عمرك ما هتسبيني فبالله عليكي متخلفيش وعدك عشان خاطري قومي طب طب بصي قومي وانا والله هعمل كل اللي انتي عايزاه بس عشان خاطري قومي انتي عارفه طلع كله بيحبك وكلهم زعلانين عشانك عشان كده قومي بقي عشان خاطري وخاطر اهلك بالله عليكي قومي يا عهد وحياه اغلي حاجه عندك قومي متسبنييش ثم انهارت في البكاء واكملت قائله:انتي كده بتخلفيي وعددك يا عهد قوميي بقي انا مش قادره اشووفك كده قومييي متنامييييش كده وهنا دلفت الممرضات حتي يبعدوا الاء عن عهد حتي لا تتعب وايضا رفقا بالاء فسوف تنهار اذا استمرت علي هذا المنوال
ساعدوها علي الخروج فانهارت بحضن سميحه واردفت:انا مش قادره اشوفها كده يا طنط مش قادره
سميحه ببكاء:ادعيلها يا بنتي هو قادر علي كل شئ
كان تواب ينظر لهم جميعا ويشعر بشي يؤلمه لا يعلم اهو علي حالتهم ام علي عهد لكنه رجح انه علي عهد فعندما وجد انفها ينزف شعر بخوف رهيب فما تفسير هذا يا تري......
.................................
مرت الايام ولم تفق عهد بعد وكانت العائله في اشد حزنها..
في كليه تواب كان يجلس هو ويزن فقال تواب:لا لسه ما فقتش اهلنا كلهم زعلانين
يزن:ربنا يشفيها ويعافيها يارب
تواب:يارب
بينما كانا يتحدثان مر عليهم رامي
فقال رامي بسماجه:ايه يا استاذ تواب فينك بقالك كام يوم ولا كنت بتروق الجو ثم غمز له بوقاحه مما ادي الي غضب تواب بشده فانتفض من مكانه وامسك رامي من ملابسه واردف:متشبهنيش بامثالك ماشي لاني عمري ما اعمل الحاجات القذره دي انت فاااهم
يزن:خلاص يا تواب اهدي سيبك منه وانت يا رامي بالله عليك الواحد مش ناقص فابعد عنا بقي وطلعنا من دماغك
رامي:ليه مين انتوا عشان احطكوا في دماغي انا بس عارف اصلك وان انتوا بتبينوا للناس انكم بتوع قال الله وقال الرسول بس في الحقيقه عكس كده
تواب:يا رامي اتقي شري وحل عني بقي عشان مزعلكش
يزن:خلاص يا تواب بقي مش هنتخانق هنا سيبك وتعالي معايا تعالي يلا يا اخي فكان تواب ما زال متمسك بملابس رامي ولكن يزن جره لمكان اخر
فقال تواب:استغفر الله العظيم يارب بني آدم سمج
يزن:خلاص بقي اهدي مش كل شويه تتعصب منه انت عارفه بيبقي قاصد يعصبك
تواب:خلاص طيب انا ماشي
يزن:يابني لسه في محاضره
تواب:لا لا مش قادر وكمان عشان اشوف لو هروحلهم المستشفي يلا سلام
يزن:سلام يا صاحبي
بينما كان رامي ينظر لمكانهم بغضب وجد حسام ياتي له وقال شكله علم عليك يا برنس
رامي:اخرس يا زفت
حسام بشر:الواد تواب ده شكلك مش قده يا صاحبي
رامي:لا يا حبيبي بكره اوريك مين هو رامي علي حق
حسام:اما نشوف يا استاذ رامي
رامي:طب اسكت اسكت
حسام:سكتنا...
شرد رامي في شئ ما وظهر عليه امارات الغضب فماذا يمكن ان يحدث........
.................................
كانت حياه تحادث ذلك الفتي علي الانترنت
فاردفت:ايوه لسه ما فاقتش ربنا يشفيها
فقال:يارب ثم اكمل بخبث:بس اوعي يا حبيبتي تكتمي ده انا حبيبك اي حاجه عايزه تحكيها تعالي قوليلي محدش هيخاف عليكي قدي
حياه:ماشي يا حبيبي بس عايزه اقولك حاجه
قال:قولي يا قلبي
حياه:انت مش هتيجي تتقدم بقي انت كذه مره تاجل وانا مش عارفه ليه
فقال بملل:يووه يا حياه ما كنا حلوين حالا ليه السيره دي
حياه باستغراب:سيره ايه هو انت ليه بتتكلم كده كل ما اسالك
فاردف:لانك زنانه اوي يا حياه كل شويه تساليني واقولك بعدين بعدين
حياه بغضب:بسالك عشان عايزه اعرف هتتقدملي امتي يعني انت قولتلي هتتقدم بعد ما تتخرج واديك اهو اتخرجت بقالك سنه فين بقي
فاردف بزهق:بصي يابنت الناس علي بلاطه كده انا مش بتاع جواز وانتي كنتي راضيه بكده من الاول فخلاص بقي خلينا كده حلوين
حياه:نعم لا طبعا انا بكلمك لاني وثقت فيك وكنت متاكده انك هتتقدم
فقال باستهزاء:هه اتقدم..اتقدم لمين يا حياه فوقي لنفسك يا امي انا قايلك من اول اني مش بتاع جواز ولما لقيتك هتزني قولت اسكتك وخلاص
حياه:بس انا حبيتك ووثقت فيك
فاردف:والله ما غصبتكيش تحبيني وبعدين مش يوم ما اتجوز هتجوز واحده بتكلمني من ورا اهلها وانا ايه ضمني ان بعد الجواز متكلميش غيري
حياه وهي علي وشك البكاء:يس انت كده خدعتني
فقال:والله ما ضربتكيش علي ايدك وبعدين عجبك نكمل علي كده حلو اوي مش عاجبك حلي عن نفوخي
حياه بغضب وبكاء:انا واحده زباله اصلا اني وثقت فيك يا حيوان وطبعا مش هكلمك تاني ومن غير سلام....ثم اغلقت في وجهه وعملت له حظر وانخرطت في بكاء مرير ثم رنت علي صديقتها حبيبه فردت عليها حبيبه وقالت:اهلا اهلا باللي نسياني
حياه ببكاء:مش هيتقدم يا حبيبه مش هيتقدم كان بيتسلي بيا
حبيبه بحزن عليها:قولتلك يا حياه انه مستحيل يتقدم انتي مصدقتنيش
حياه:كنت مخدوعه اوي يا حبيبه كنت مخدوعه
حبيبه:طب اهدي اهدي بس ووحدي الله كله هيبقي تمام
حياه:انا حاسه اني ظلمت نفسي اوي وبقيت انسانه وحشه اوي اعمل ايه مش عارفه
حبيبه:قومي اتوضي وصليلك ركعتين وادعي ان ربنا يتوب عليكي ويرضي عنك
حياه:هيغفرلي
حبيبه:طبعا انه هو الغفور الرحيم
حياه:يارب توبت يارب ليك هقوم اصلي سلام
حبيبه:سلام يا قلبي
وبعد ان اغلقت توضئت وصلت ركعتين لله وظلت تبكي وتدعو ان يغفر لها الله وبعد ان انتهت وجدت نفسها تفكر في عهد وتمنت ان تكون معها حتي تواسيها لا تعلم لما هي بالتحديد ولكنها تشتاق لها فظلت تدعو الله ان يشفيها
وبعدها خلدت للنوم علي امل الذهاب لها في الغد.....
....................................
في الصباح كان كل من تواب ووالديه وسليمان وعائلته والاء وايضا عبد الله وسميحه وزوجته وقد انضمت لهم حياه يجلسوا امام الغرفه يدعون لعهد بالشفاء فمر عليهم الطبيب وقال:يا جماعه ملهاش لازمه قعدتكم دي وكمان غلط دي مستشفي وبعدين مش هيجيب نتيجه برضو
فقال له تواب:معلشي يا دكتور هما غصب عنهم بجد لانهم حسين بس بالذنب ومش هيقدروا يسيبوها
الطبيب بتنهيده:تمام بس يريت بعد كده بلاش العدد ده
ثم ذهب لاكمال عمله كانت حياه حزينه للغايه فتوجهت لسليمان و ورده وقالت ممكن تسمحولي ادخلها خمس دقايق واطلع
فقالت ورده:اتفضلي يا حبيبتي احنا الدكتور سمحلنا ندخلها الصبح شويه
حياه بود:شكرا ليكي
وبالفعل توجهت للاستأذان من الطبيب ولكنه كان مصمم علي الرفض ولكنها قالت انها فقط تريد رويتها وتخرج علي الفور فوافق الطبيب علي مضض وبالفعل دلفت لها حياه واحضرت مقعد ووضعته بجوار السرير وقالت بحزن:عارفه يا عهد انا اكتشفت اني بحبك اوي انا اه غلطانه اللي كنت بعمله وانا صغيره وعلمتك انتي كمان بس والله العظيم بطلت وتوبت وبجد نفسي ترجعي تكلميني تاني وتفوقي بسرعه لاني محتجاكي اوي ثم ذرفت الدموع وقالت:انا كنت مخدوعه يا عهد فضلت اكلم واحد علي انه بيحبني وهيتقدم بس طلع بيتسلي بيا بجد حاسه اني وحشه اوي من جوا فوقي يا عهد انا محتجاكي انا والله ندمانه علي كل حاجه انتي هتسامحيني صح انتي قلبك طيب وهتسامحيني ربنا يشفيكي لينا يا عهد انا فعلا طلعت بحبك اوي ثم قامت بتقبيل راسها وخرجت علي امل ان تستيقظ منقذتها.......
في الليل كان قد ذهب الجميع للمنزل ما عدا سليمان وورده وايضا تواب معهم حتي لا يكونا بمفردهم واذا احتاجوا لشئ وذلك بعد جدال مع عبد الله ولكن تواب قال له حتي يكون مع والدته وزوجته فوافق عبد الله بعد وقت وها هم الان جالسون امام غرفتها
كان تواب يدعو لعهد بالشفاء ثم نظر بجانبه عندما حادثه عمه فقال:تواب هروح اصلي ركعتين في المسجد وراجع خد بالك من ورده علي ما اجي
فقال تواب:تؤمر يا عمي اتفضل انت وبالفعل ذهب سليمان وكان تواب يجلس خارج غرفه التي تجلس بها ورده فقد ارتاحوا بها لحتي ياتي الصباح وقد استغل تواب الفرصه لعدم وجود اشخاص او حتي ممرضات وذهب لغرفه عهد دلف وهو يغض البصر ثم وقف بعيد قليلا وشرد بها وما حدث لها ثم استفاق واستغفر ربه ثم بدا يقول:السلام عليكم يا عهد اولا انا متاسف اني دخلت عليكي دلوقتي لوحدي بس انا مش قافل الباب بس بجد كنت محتاج اقولك حاجه ممكن تستغربي اني بتكلم كده بس انا واثق انك ممكن تكوني سمعاني حاليا عايز اقولك انك لازم تفوقي عشان اهلك وعيلتك انتي بجد محبوبه من اهلك كلهم لازم تحاولي وتحبي الحياه
كانت عهد بالفعل تستمع له وكانهها تحادثه في احدي الاحلام فنظرت له في حلمها وقالت:بس هما جرحوني اوي يا تواب وانا تعبانه ومش عايزه اكمل وكمان مش قادره
تواب علي ارض الواقع:ممكن تكوني مجروحه منهم بس تفتكري ربنا راضي عن كونك مستسلمه كده اكيد لا
عهد في حلمها:عارفه ان ربنا زعلان اني مش عايزه اعيش وكمان دي حاجه مش باردتي بس هو عارف اني حاولت اكمل ومعرفتش انا خلاص انتهيت يا تواب كنت عايزه حد يحس بيا اي حد يحضني ويقولي انا معاكي خلاص معدش فيه فايده
تواب:بس برضو هقول لازم تفوقي يا عهد وتكملي انتي اقوي من انك تستسلمي لحزنك وتعبك اللي خلاكي تكملي طول حياتك هيخليكي تكملي بقيتها بس بزياده ثقه في الله والامان بقدرته عارف انه ممكن يكون صعب بس بجد انا مش حابب ان تكوني نايمه كده انا معرفش بقولك كده ليه بس كل اللي حاسس بيه اني حاسس بوجع وانتي مش فايقه ونايمه هنا حاسس بحاجه مزعلاني اوي وخايف اوي انا برضو مستغرب يعني مش انتي لوحدك بس انا خفت اوي عليكي لما لقيتك وقعتي وكمان نزفتي تفتكري ده ليه انتي تعرفي
عهد في حلمها: يريتك كنت اخويا يا تواب كنت ارتحت اوي ومكنش ده جرالي وكانت حجات كتير اختلفت
تواب: انا عايزك تفوقي يا عهد مش عايزك تيأسي عشان اهلك وقبل كل ده عشان ربنا يرضي عنك بجد هبقي في قمه سعادتي لو كنتي سمعاني فعلا وهتفوقي عن اذنك
عهد في حلمها: صدقني يا تواب هحاول مش عشان اهلي لا عشان خاطر ربنا بس اللي ميرضاش بياسي ده ربنا قال ولا تقنطوا من رحمه الله هحاول اكيد واتمني متخذلش تاني.....
بعد. ان غادر تواب غرفه عهد كان يتمني ان تستيقظ عهد في اقرب فرصه بالفعل فهو سيكون سعيد للغايه لا يعلم لماذا لديه تلك الاحاسيس ولكنه فقط يتمني
.........................................
في الصباح اجتمع المعظم ايضا لم يكونوا جميعهم حتي لا يكون ضرر بعد اقناع البعض بالانتظار علي الاقل اليوم وسوف ياتوا غدا
كانت سميحه تجلس بجوار ورده فقالت ورده بشرود: تفتكري هتسامحني يا سميحه تفتكري هترجع بنتي زي الاول
سميحه بتنهيده: مش عارفه يا ورده بس اتمني من قلبي عهد كانت معبيه اوي بس انا واثقه في طيبتها وحنانها بس يريت تتعلموا من غلطكم ده
ورده: اكيد لازم احافظ عليها دي اغلي ما عندي
سميحه: ربنا يعافيها ويشفيها يارب
ورده: امين يارب العالمين
بينما كان تواب يجلس بجانب وليد فقال تواب: وليد
فنظر له وليد بشرود
فاردف تواب: ان شاء الله هتكون بخير وتفوق بس انت ادعيلها
وليد: انا بدعيلها كتير انا مكنتش اتصور اني مهمل اوي كده يا تواب
تواب بتنهيده: كلكم غلطتوا يا وليد مش انت بس اهم حاجه تعوضوها لما تفوق ويريت متكرروش غلطكم تاني هي اكيد هتفوق نفسيتها هتكون متدمره عشان كده لازم تحسسوها انكم حواليها ومعاها
وليد: عارف انا بدعي لربنا انها تفوق بس برضو خايف
تواب باستغراب: طب بتدعي واكيد انما خايف ليه ومن ايه
وليد بحزن: خايف متسمحناش خايف تفضل فكرهلنا طول العمر هو هيبقي من حقها بس وقتها مش هسامح نفسي ابدا مع اني مش مسامح نفسي برضو دلوقتي وحاسس بالذنب نحيتها
تواب: ان شاء الله كله يعدي ويكون خير خليك بس واثق في ربنا وتوكل عليه وهو خير وكيل
وليد: ونعم بالله يا تواب ثم اردف: يارب اشفيهالي يارب وعافيها دي غاليه علينا ومنقدرش نخسرها ابدا
بينما كان الجميع جالس وجدوا الطبيب والممرضات يهرولون بسرعه نحو غرفه عهد فنهضوا بفزع وصاروا يدعوا ان يكون الامر سالما
وبعد وقت قليل وجدوا الطبيب يخرج وهو يتنهد براحه فساله سليمان بخوف ولهفه: بنتي يا دكتور بنتي اخبارها ايه طمني الله يخليك
كان تواب خائف من ان تكون ياست ولم تعد تتمني الحياه وانها لم تنصت له في الامس ولكن حدث ما لم يتوقعه
قال الطبيب بعد صمت وابتسامه تعلو شفتيه: الحمد لله يا جماعه المريضه فاقت...............
................................
حبايب قلبي القمامير عملين ايه وحشتوني وربنا
ايه رايكم في البارت قولت علي طول بنهي البارت بحزين او تشويق قولت اغير وابسطكوا يلا ان شالله محد حوش
واهم حاجه بقي التفاعل يا وليه انتي وهي عشان احبكوا انا اصلا بحبكم 😚😚
يلا اشوفكم الجمعه يا حبايبي
بحبكم في الله ♥