ﺕ ❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 35_
ﺍﻫﻼ ﺍﺳﺘﺎﺫﻩ ﻳﺎﺭﺍ ...
ﻳﺎﺭﺍ : ﺃﻫﻼ ﺑﻴﻚ .. ﺍﺳﺘﺎﺫ ﺳﻌﻴﺪ ..
ﺳﻌﻴﺪ : ﺷﻦ ﺗﺤﺒﻲ ﺗﺸﺮﺑﻲ ..
ﻳﺎﺭﺍ ﺣﻄﺖ ﺭﺟﻞ ﻉ ﺭﺟﻞ : ﻻﺷﻜﺮﺍ .. ﺍﻧﻲ ﺟﺎﻳﻪ ﻧﺒﻲ ﻧﺨﺶ ﻃﻮﻝ ﻓﻲ ﺍﻟﻤﻮﺿﻮﻉ ﺑﺪﻭﻥ ﻣﻘﺪﻣﺎﺕ ...
ﺳﻌﻴﺪ : ﺗﻔﻀﻠﻲ .. ﻧﺴﻤﻊ ﻓﻴﻚ ..
ﻳﺎﺭﺍ : ﺍﺣﻤﻢ .. ﺃﻧﻲ ﺟﺎﻳﻪ ﺑﺨﺼﻮﺹ ﻗﻀﻴﻪ ﻗﺘﻞ ﺍﻟﻄﻔﻠﻪ ﺗﻮﻟﻴﻦ ..
ﺳﻌﻴﺪ : ﺍﻫﺎ ﻗﺼﺪﻙ ﺗﻮﻟﻴﻦ ﺍﻟﺸﺎﻳﺒﻲ ﺍﻟﻠﻲ ﺿﺮﺑﺘﻬﺎ ﺳﻴﺎﺭﺓ
ﻳﺎﺭﺍ : ﺍﻟﻠﻲ ﻛﺎﻥ ﻳﺴﻮﻕ ﻓﻴﻬﺎ ﻭﺍﺋﻞ ﺭﺟﺐ ..
ﺳﻌﻴﺪ ﺍﺑﺘﺴﻢ : ﻗﺼﺪﻙ ﺍﻟﻠﻲ ﻛﺎﻥ ﺭﺍﻛﺐ ﻓﻴﻬﺎ ﻭﺍﺋﻞ ﺭﺟﺐ ﻭﻳﺴﻮﻕ ﻓﻴﻬﺎ ﺭﺍﺿﻲ ﻋﺒﺪ ﺍﻟﺴﻼﻡ ..
ﻳﺎﺭﺍ ﺑﺮﻓﻌﺔ ﺣﺎﺟﺐ : ﺑﺲ ﺍﻟﻠﻲ ﻧﻌﺮﻓﻪ ﺍﻧﻲ ﺍﻟﻌﻜﺲ ..
ﺳﻌﻴﺪ : ﻛﻞ ﺍﻟﺘﺤﻘﻴﻘﺎﺕ ﻭﺍﻟﺸﻮﺍﻫﺪ ﺃﺛﺒﺘﺖ ﺇﻥ ﺍﻟﻠﻲ ﻛﺎﻥ ﻳﺴﻮﻕ ﺭﺍﺿﻲ ﻣﺶ ﻭﺍﺋﻞ ...
ﻳﺎﺭﺍ : ﺍﺳﺘﺎﺫ ﺳﻌﻴﺪ ... ﺍﻧﻲ ﻧﻌﺮﻓﻚ ﻣﻦ ﻟﻤﺎ ﻛﻨﺖ ﻣﺤﺎﻣﻲ ﻭﻋﺎﺭﻓﻪ ﺩﻫﺎﺋﻚ ﻭﺍﻥ ﻣﺎﻓﻴﺶ ﺍﻱ ﺗﻔﺼﻴﻞ ﻓﻲ ﺍﻱ ﻗﻀﻴﻪ ﺗﻤﺴﻜﻬﺎ ﻳﻌﺪﻱ ﺑﺪﻭﻥ ﻣﺎﺩﻗﻖ ﻓﻴﻪ .. ﻛﻮﻥ ﺳﻴﺴﺘﻢ ﻛﺎﻣﻴﺮﺍﺕ ﺍﻟﻤﺮﺍﻗﺒﻪ ﺍﻟﻠﻲ ﻓﻲ ﺍﻟﻄﺮﻳﻖ ﻳﺘﻌﻄﻞ ﻫﺬﺍﻛﺎ ﺍﻟﻴﻮﻡ ﻭﻓﻲ ﻭﻗﺖ ﺍﻟﺤﺎﺩﺙ ﺗﺤﺪﻳﺪﺍ ﻣﺎﺧﻼﻛﺶ ﺗﺸﻚ؟ !!
ﺳﻌﻴﺪ ﺍﺑﺘﺴﻢ ﺑﺘﻬﻜﻢ : ﺻﺪﻓﻪ .. ﺻﺪﻓﺖ ﺗﺘﻌﻄﻞ ﻓﻲ ﻫﺬﺍﻛﺎ ﺍﻟﻴﻮﻡ ﻭﻫﺬﻳﻜﺎ ﺍﻟﺴﺎﻋﻪ ..
ﻳﺎﺭﺍ ﺿﺤﻜﺖ ﺑﺴﺨﺮﻳﻪ : ﺑﺬﻣﺘﻚ ﻣﻘﺘﻨﻊ ﺑﺎﻟﻠﻲ ﺗﻘﻮﻝ ﻓﻴﻪ ..
ﺳﻌﻴﺪ : ﻳﺎﺃﺳﺘﺎﺫﻩ ﺧﻠﻴﻚ ﻣﻦ ﻫﺬﺍ ﻛﻠﻪ .. ﺑﻮ ﺍﻟﺒﻨﺖ ﺍﻟﻠﻲ ﻛﺎﻥ ﻣﻮﺟﻮﺩ ﻟﺤﻈﺔ ﺍﻟﺤﺎﺩﺙ .. ﺷﻬﺪ ﺍﻥ ﺍﻟﻠﻲ ﻛﺎﻥ ﻳﺴﻮﻕ ﺭﺍﺿﻲ ﻣﺶ ﻭﺍﺋﻞ ..
ﻳﺎﺭﺍ : ﻭﻫﻮ ﺑﻮﻫﺎ ﺍﻣﺘﻰ ﻟﺤﻖ ﻳﺸﻮﻑ ﺍﻟﻠﻲ ﻓﺴﻴﺎﺭﻩ ﺍﺫﺍ ﺍﻷﺑﻠﻪ ﻫﻲ ﺍﻟﻠﻲ ﺳﺠﻠﺖ ﺭﻗﻢ ﺍﻟﺴﻴﺎﺭﺓ ﻭﻗﺘﻬﺎ ﻟﻤﺎ ﻫﺮﺑﺖ ﻭﻗﺎﻟﻮﺍ ﺍﻧﻬﻢ ﻣﺎﻟﺤﻘﻮﺵ ﻳﺸﻮﻓﻮﺍ ﺍﻟﻠﻲ ﻓﻴﻬﺎ ﻣﻦ ﺳﺮﻋﺔ ﺍﻟﺴﻴﺎﺭﺓ ﺃﺛﻨﺎﺀ ﺍﻟﻬﺮﻭﺏ ..
ﺳﻌﻴﺪ ﺑﺤﺪﻩ : ﻳﺎﺍﺳﺘﺎﺫﻩ ﺑﻮﻫﺎ ﻗﺎﻝ ﺷﺎﻑ ﻭﺷﻬﺪ ﺑﻬﺬﺍ ... ﺷﻦ ﻣﺼﻠﺤﺘﻪ ﻟﻮ ﺷﻬﺪ ﺯﻭﺭ ... ﻳﺒﻲ ﻳﺎﺧﺪ ﺣﻖ ﺑﻨﺘﻪ ﻓﻲ ﺍﻟﻨﻬﺎﻳﻪ ﺍﻟﺰﻭﺯ ﻣﺎﻳﻬﻤﻮﺷﻲ ..
ﻳﺎﺭﺍ ﺍﺑﺘﺴﻤﺖ : ﻛﻠﻨﺎ ﻧﻌﺮﻓﻮﺍ ﺑﻮ ﻭﺍﺋﻞ ﻣﻦ ﻳﻜﻮﻥ ﻳﺎﺃﺳﺘﺎﺫ ﺳﻌﻴﺪ ﺍﻧﺖ ﺑﺎﻟﺬﺍﺕ ﺗﻌﺮﻑ ﺑﺤﻜﻢ ﺍﻟﺨﺪﻣﻪ ﺍﻟﻠﻲ ﻛﺎﻧﺖ ﻭﻻﺯﺍﻟﺖ ﺑﻴﻨﺎﺗﻜﻢ ..
ﺳﻌﻴﺪ ﺭﻗﻴﺘﻠﻪ ﻭﻧﺎﺽ : ﺣﻀﺮﺓ ﺍﻟﻤﺤﺎﻣﻴﻪ ﺣﻨﻌﺘﺒﺮ ﺭﻭﺣﻲ ﻣﺎﺳﻤﻌﺖ ﺷﻲ ... ﻭﻧﺼﻴﺤﻪ ﻓﻮﺗﻲ ﺍﻟﻘﻀﻴﻪ ﻫﺎﺩﻱ ﺃﻓﻀﻞ ﻋﻤﺮﻙ ﻣﺎﺧﺸﻴﺘﻲ ﻗﻀﻴﻪ ﻭﺧﺴﺮﺗﻲ ﻟﻮ ﺳﻜﺮﺗﻲ ﺭﺍﺳﻚ ﻭﺍﺳﺘﻤﺮﻳﺘﻲ ﻓﻴﻬﺎ ﻣﻤﻜﻦ ﺗﺨﺴﺮﻱ ﻫﻠﺒﻪ ﺣﺎﺟﺎﺕ ﻏﻴﺮﻫﺎ ...
ﻳﺎﺭﺍ ﻧﺎﺿﺖ : ﻣﺎﻓﻲ ﺣﺪﺣﻴﺨﺴﺮ ﻏﻴﺮ ﺍﻟﻠﻲ ﻳﺘﺴﺘﺮ ﻉ ﻣﺠﺮﻡ ﻭﻳﺨﻮﻥ ﺍﻷﻣﺎﻧﻪ .. ﻭﻫﺎﻟﻘﻀﻴﻪ ﻣﺶ ﺣﻨﺨﻠﻴﻬﺎ ﻟﻮ ﻓﻴﻬﺎ ﻣﻮﺗﻲ .. ﻭﻣﺸﺖ ﻃﻠﻌﺖ ﻣﻦ ﺍﻟﻤﻜﺘﺐ ...
ﺳﻌﻴﺪ ﻗﺎﻡ ﺍﻟﺴﻤﺎﻋﻪ ﻭﺍﺗﺼﻞ ﺑﺮﻗﻢ ﻣﺤﺪﺩ : ﺿﺮﻭﺭﻱ ﺍﻟﻴﻮﻡ ﻧﺸﻮﻑ ﺍﻷﺳﺘﺎﺫ ﺭﺟﺐ ....... ﺿﺮﻭﻭﻭﺭﻱ ﻗﺘﻠﻚ ...... ﺗﻤﺎﻡ ... ﻧﺴﺘﻨﻰ ﻓﺈﺗﺼﺎﻟﻚ .. ﻭﺻﻜﺮ
***
ﻣﺤﺎﺿﺮﺓ ﻭﺍﻟﺪﻛﺘﻮﺭ ﻳﺸﺮﺡ ﻭﻫﻲ ﻛﺎﻧﺖ ﻣﺮﻛﺰﺓ ﻭﺗﻜﺘﺐ .. ﻭﺗﺸﺎﺭﻙ .. ﻭﻫﻮ ﻛﺎﻥ ﻳﺸﺒﺤﻠﻬﺎ ... ﺑﻨﻴﻪ ﺣﻠﻮﺓ ﻃﻴﻮﺑﻪ ﻭﻗﻮﻳﻪ ﻭﺩﻣﻬﺎ ﺧﻔﻴﻒ .. ﻭﺍﻟﻮﺣﻴﺪﻩ ﺍﻟﻠﻲ ﺗﺘﻌﺎﻣﻞ ﻣﻌﺎﻩ ﺑﺈﺣﺘﺮﺍﻡ ﻭﻣﺎﺷﺎﻓﺘﺶ ﻓﻴﻪ ﺍﻟﻠﻲ ﺍﻟﻜﻞ ﺷﺎﻳﻔﻴﻨﻪ .. ﻋﻴﻮﻧﻪ ﻣﺶ ﻗﺎﺩﺭ ﻳﺤﻮﻟﻬﻢ ﻣﻦ ﻋﻠﻴﻬﺎ .. ﻭﻗﻠﺒﻪ ﻳﺪﻕ ﻓﺪﻗﺔ ﺯﺍﻳﺪﻩ ﺗﺨﻠﻲ ﻓﻴﻪ ﻳﺤﺲ ﺑﺸﻌﻮﺭ ﺣﻠﻮ ...
ﻣﺎﺣﺴﺒﺶ ﺣﺴﺎﺏ ﺍﻟﺪﻛﺘﻮﺭ ﺍﻟﻠﻲ ﺭﻛﺰ ﻋﻠﻴﻪ ..
ﺍﻟﺪﻛﺘﻮﺭ : ﺍﻧﺖ ﻳﺎﻃﺎﻟﺐ ...
ﻋﺰ ﺍﻟﺪﻳﻦ ﺷﺒﺤﻠﻪ : ﺍﻧﻲ .
ﺍﻟﺪﻛﺘﻮﺭ : ﺍﻳﻪ ﺍﻧﺖ .. ﻣﺶ ﻋﺠﺒﺎﺗﻚ ﺍﻟﻤﺤﺎﺿﺮﻩ ﺗﻘﺪﺭ ﺗﺘﻔﻀﻞ ...
ﻛﻠﻬﻢ ﺷﺒﺤﻮﻟﻪ ﻭﻫﻲ ﻣﻌﺎﻫﻢ ﻫﻮ ﺍﺣﺮﺝ ﻉ ﺍﻵﺧﺮ ...
ﻋﺰ ﺍﻟﺪﻳﻦ : ﺍﺳﻒ ..
ﺍﻟﺪﻛﺘﻮﺭ : ﺍﺧﺮ ﻣﺮﺓ ..
ﻋﺰ ﺍﻟﺪﻳﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﻭﺟﻬﻪ ﺃﻟﻮﺍﻥ ..
ﺍﻟﺪﻛﺘﻮﺭ ﻛﻤﻞ ﺷﺮﺡ ﻭﻫﻤﺎ ﺭﺟﻌﻮﺍ ﺍﻧﺘﺒﻬﻮﺍ ﻣﻌﺎﻩ ﻭﻋﺰ ﺍﻟﺪﻳﻦ ﻣﻌﺎﺵ ﺷﺒﺢ ﺟﻴﻬﺘﻬﺎ ﺑﻜﻞ ..
ﺗﻤﺖ ﺍﻟﻤﺤﺎﺿﺮﺓ ... ﻭﻫﻮ ﻟﻢ ﺣﺎﺟﺎﺗﻪ ﻭﻧﺎﺽ ﻭﻳﺤﺎﻭﻝ ﻳﻄﻠﻊ ﻣﻦ ﺍﻟﻤﺪﺭﺝ ..
ﻟﺒﻨﻰ : ﺷﻮﻳﻪ ﻣﻬﺎ ﺗﻮ ﻧﺠﻲ ..
ﻣﻬﺎ ﺗﻨﻬﺪﺕ ﻭﻫﺰﺕ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ..
ﻣﺸﺖ ﻟﺒﻨﻰ ﻟﻌﺰ ﺍﻟﺪﻳﻦ ..
ﻟﺒﻨﻰ : ﻋﺰ ...
ﻫﻮ ﺗﻠﻔﺖ ﻃﻮﻝ : ﻧﻌﻢ ..
ﻟﺒﻨﻰ ﺑﺈﺑﺘﺴﺎﻣﻪ : ﻋﺎﺩﻱ ﺍﻟﻠﻲ ﺻﺎﺭ ﺑﻜﺮﻱ .. ﻳﻌﻨﻲ ﻣﺎﺗﺘﻌﻘﺪﺵ ﻣﻨﻪ ..
ﻋﺰ ﺍﻟﺪﻳﻦ ﺍﺑﺘﺴﻢ ﻭﻗﻌﺪ ﻳﺤﻚ ﻓﺤﺎﺟﺒﻪ : ﻋﺎﺩﻱ ..
ﻟﺒﻨﻰ ﺍﺑﺘﺴﻤﺖ : ﻛﻮﻳﺲ .. ﺳﻤﻌﺖ ﺑﺎﻟﺒﺤﺚ ﺍﻟﻠﻲ ﻳﺒﻴﻪ ﻭﻻ ..
ﻋﺰ ﺍﻟﺪﻳﻦ : ﺍﻳﻪ ...
ﻟﺒﻨﻰ : ﻟﻮ ﺗﺒﻲ ﻣﺴﺎﻋﺪﻩ ﺍﻧﻲ ﻣﻮﺟﻮﺩﻩ ..
ﻋﺰ ﺍﻟﺪﻳﻦ ﺍﺑﺘﺴﻢ : ﺷﻜﺮﺍ ... ﺣﺘﻰ ﺇﻧﺘﻲ ﻟﻮ ﺗﺒﻲ ﻣﺴﺎﻋﺪﻩ ﺍﻧﻲ ﻣﻮﺟﻮﺩ ..
ﻟﺒﻨﻰ ﺑﻀﺤﻜﻪ : ﺍﻛﻴﺪ ﻭﻣﺶ ﺣﻨﺘﺮﺩﺩ ﻭﻻﻧﺘﺤﺸﻢ ﺑﻨﺼﺤﺢ ﻭﺟﻬﻲ ﻭﻧﺠﻴﻚ ..
ﻋﺰ ﺍﻟﺪﻳﻦ ﻗﻌﺪ ﻳﺸﻮﻑ ﻟﻀﺤﻜﺘﻬﺎ ﺍﻟﺤﻠﻮﻩ ﻭﻋﻴﻮﻧﻬﺎ ﺍﻟﺤﻠﻮﺍﺕ ﻭﻣﺸﺎﻋﺮﻩ ﺗﺘﺤﺮﻙ ﺑﻘﻮﺓ ﺣﺎﻭﻝ ﻳﺴﻴﻄﺮ ﻉ ﻧﻔﺴﻪ ...
ﻟﺒﻨﻰ : ﻫﻲ ﻣﺎﻻ ﻧﺨﻠﻴﻚ ... ﺳﻼﻡ .. ﻭﻣﺸﺖ ..
ﻫﻮ ﺍﺑﺘﺴﻢ : ﺳﻼﻡ ...
ﻟﺒﻨﻰ ﻭﺻﻠﺖ ﻓﻲ ﻣﻬﺎ ﻭﻃﻠﻌﻮﺍ ..
ﻣﻬﺎ ﻗﻌﺪﺕ ﺗﺸﻮﻓﻠﻬﺎ : ﺣﻨﻮﻧﻪ ﺯﻳﻬﺎ ...
ﻟﺒﻨﻰ ﺑﻀﺤﻜﻪ : ﻣﻦ ﻫﻲ؟
ﻣﻬﺎ : ﺃﻣﻚ ...
ﻟﺒﻨﻰ ﺍﺑﺘﺴﻤﺖ : ﻣﺴﺘﺤﻴﻞ ﻧﻮﺻﻞ ﻟﻤﺎﻣﺎ ﻓﺸﻲ ..
ﻣﻬﺎ ﺍﺑﺘﺴﻤﺖ : ﺭﺑﻲ ﻳﺤﻔﻈﻬﺎ ..
ﻟﺒﻨﻰ ﺷﺪﺗﻬﺎ ﻣﻦ ﺫﺭﺍﻋﻬﺎ : ﻭﻳﺤﻔﻈﻠﻚ ﻋﻤﻮ ﻣﻌﺎﻭﻳﻪ ..
ﻣﻬﺎ ﺑﻀﺤﻜﻪ : ﻳﺎﺍﺍﺭﺏ ...
***
ﻧﻀﺎﻝ ﻛﺎﻥ ﻻﺑﺲ ﻭﻳﺠﻬﺰ ﻓﻲ ﺭﻭﺣﻪ ﺑﺶ ﺑﻴﻄﻠﻊ ﻭﻛﺎﻥ ﻳﺴﺘﻨﻰ ﻓﻲ ﻳﺎﺭﺍ .. ﻓﺘﺤﺖ ﺍﻟﺒﺎﺏ ﻭﺧﺸﺖ ..
ﻳﺎﺭﺍ : ﺍﺳﻔﻪ ﻋﻄﻠﺖ ..
ﻧﻀﺎﻝ : ﻣﺎﻓﻴﺶ ﻣﺸﻜﻠﻪ ... ﻫﻴﺎ ..
ﻳﺎﺭﺍ : ﺟﺎﻙ ﺍﻟﺪﻛﺘﻮﺭ؟
ﻧﻀﺎﻝ : ﺍﻳﻪ ﻭﻋﻄﺎﻧﻲ ﻧﺼﺎﻳﺢ ﺯﻱ ﺍﻟﻌﺎﺩﻩ ..
ﻳﺎﺭﺍ : ﺍﻟﻨﺼﺎﻳﺢ ﻫﺎﺩﻱ ﺧﻮﺩﻫﺎ ﺑﺠﺪﻳﻪ ...
ﻧﻀﺎﻝ ﺑﻀﺤﻜﻪ : ﻫﻴﺎ ﻫﻴﺎ ...
ﻳﺎﺭﺍ ﺿﺤﻜﺖ ﻭﺷﺪﺕ ﺍﻟﺸﻨﻄﻪ ﻣﺘﺎﻋﻪ ﻭﻃﻠﻌﻮﺍ ..
***
ﺍﻟﺴﺎﻋﻪ 12
ﻭﺍﻟﻜﺎﻓﺘﻴﺮﻳﺎ ﺯﺣﻤﻪ ...
ﻗﺘﻴﺒﻪ : ﺟﻌﺎﻥ ..
ﻫﺎﺩﻱ : ﻣﺎﺧﺎﻃﺮﻳﺶ ﺍﻧﻲ ..
ﻗﺘﻴﺒﻪ : ﺗﻲ ﻳﺎﺭﺍﺟﻞ ﻣﺘﺄﻳﺴﺶ .. ﻣﺎﺩﺍﻣﻬﺎ ﻃﻠﻌﺖ ﻣﻌﺎﻙ .. ﺣﺘﺴﻠﻚ ﻣﻌﺎﻙ ﻓﻲ ﺍﻛﺜﺮ ﻣﻦ ﻫﻜﻲ ..
ﻫﺎﺩﻱ : ﺍﻟﻨﻴﻪ ﺟﺖ ﻓﻴﻬﺎ ﺍﻟﻴﻮﻡ ..
ﻗﺘﻴﺒﻪ : ﻫﻬﻬﻬﻬﻬﻬﻬﻬﻪ ... ﺧﻮﺩﻟﻚ ﺗﺼﺒﻴﺮﻩ ﺑﻮﺣﺪﻩ ﻣﻦ ₩¥$%&
ﻫﺎﺩﻱ : ﻫﻬﻬﻬﻬﻬﻬﻬﻬﻪ ﻭﻫﻮ ﻛﺬﻟﻚ ..
ﻗﻌﻤﺰﻭﺍ ﻉ ﻭﺣﺪﻩ ﻣﻦ ﺍﻟﻄﺎﻭﻻﺕ ..
ﻗﺘﻴﺒﻪ ﻛﺎﻥ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻤﻜﺎﻥ ﺟﺖ ﻋﻴﻨﻪ ﻉ ﻋﺰ ﺍﻟﺪﻳﻦ ﻣﻘﻌﻤﺰ ﻭﻳﺎﻛﻞ ﻭﻛﺎﻥ ﻗﺪﺍﻣﻪ ﻛﺬﺍ ﺣﺎﺟﻪ ..
ﻗﺘﻴﺒﻪ : ﻫﻬﻬﻬﻬﻬﻬﻊ .. ﻭﻧﺎﺽ ﻭﻫﺎﺩﻱ ﺷﺎﻓﻠﻪ ﻭﻧﺎﺽ ﻣﻌﺎﻩ ..
ﺧﺪﻱ ﺗﻠﻴﻔﻮﻧﻪ ﻭﺣﻄﻪ ﻉ ﻭﺿﻌﻴﻪ ﺍﻟﺘﺼﻮﻳﺮ ﻛﺎﻥ ﻓﻴﺪﻳﻮ ... ﻭﻗﺮﺏ ﻣﻦ ﻋﺰ ﺍﻟﺪﻳﻦ ﻭﻗﻌﺪ ﻳﺼﻮﺭ ﻓﻴﻪ ...
ﻗﺘﻴﺒﻪ : ﺳﻜﺎﻟﻮﺏ .. ﻃﺎﺑﻮﻧﻪ .. ﺷﺎﻭﺭﻣﺎ ... ﺑﻄﺎﻃﺎ ... ﺍﻧﺖ ﺷﻨﻮ ﻳﺎﺷﻴﺦ ﺩﻳﻨﺎﺻﻮﺭ ..
ﻫﺎﺩﻱ : ﺣﻲ ﻉ ﻋﻤﻪ ... ﻻﻭﻓﻲ ﺷﺎﻭﺭﻣﺎ ﺗﺎﻧﻴﻪ ﻳﺎﻛﻞ ﻓﻴﻬﺎ ..
ﺣﻂ ﻗﺘﻴﺒﻪ ﺍﻟﻜﺎﻣﻴﺮﺍ ﻋﻠﻴﻪ ...
ﻋﺰ ﺍﻟﺪﻳﻦ ﻗﻌﺪ ﻣﺮﺗﺒﻚ ﻭﻣﺶ ﻗﺎﺩﺭ ﻳﻨﻄﻖ ﺑﺤﺮﻑ ... ﺍﻧﻌﺪﺍﻡ
ﺛﻘﺘﻪ ﺑﻨﻔﺴﻪ ﻣﺶ ﻣﺨﻠﻲ ﻋﻨﺪﻩ ﻗﺪﺭﺓ ﺍﻟﺪﻓﺎﻉ ﻋﻦ ﻧﻔﺴﻪ ﻭﻻﻛﺎﻥ ﻋﺎﺭﻑ ﺣﺘﻰ ﺷﻦ ﻳﻘﻮﻝ ..
ﺗﺴﻬﻮﻛﻮﺍ ﻟﻴﻦ ﺷﺒﻌﻮﺍ .. ﻭﺍﻟﻜﻞ ﻳﺘﻔﺮﺟﻮﺍ ﻭﻓﻲ ﺍﻟﻠﻲ ﻳﻀﺤﻜﻮﺍ ﺳﻠﺒﻴﻪ ﺗﺎﻣﻪ ... ﻛﻤﻞ ﻗﺘﻴﺒﻪ ﻭﻗﺎﻝ : ﺍﻟﻘﺮﻭﺏ ﺍﻟﻴﻮﻡ ﺍﻟﺘﻔﺎﻋﻞ ﻓﻴﻪ ﺣﻴﻜﻮﻥ ﻧﺎﺭ ﻭﺍﻧﺖ ﺍﻟﻨﺠﻢ ﻳﺎﺑﻄﻪ ..
ﻫﺎﺩﻱ ﺷﺪ ﺧﺪﻭﺩ ﻋﺰ : ﻳﺎﻣﺨﻼﺍﺍﺍﻫﻢ ﻳﺎﻧﺎﺱ ...
ﺿﺤﻜﻮﺍ ﻭﻭﻟﻮﺍ ﻟﻄﺎﻭﻟﺘﻬﻢ ...
ﺃﻣﺎ ﻋﺰ ﺍﻟﺪﻳﻦ ﺍﻟﻠﻲ ﻛﺎﻧﺖ ﺍﻟﻤﺎﻛﻠﻪ ﺍﻟﻮﺳﻴﻠﻪ ﺍﻟﻮﺣﻴﺪﻩ ﻋﻨﺪﻩ ﻟﻠﻬﺮﻭﺏ ﻣﻦ ﺍﻟﻮﺍﻗﻊ ﻭﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﻳﻜﻮﻥ ﺳﻌﻴﺪ ﻓﻴﻬﺎ .. ﻗﻌﺪ ﻳﺎﻛﻞ ﺑﺸﺮﺍﻫﻪ ﺯﺍﻳﺪﻩ ﻭﻛﺎﻥ ﺷﻌﻮﺭ ﺍﻹﻫﺎﻧﻪ ﻣﺴﻴﻄﺮ ﻋﻠﻴﻪ ﻭﻛﺎﻥ ﺣﻴﺒﻜﻲ ﺑﺲ ﺗﻤﺎﺳﻚ ..
" ﻣﺎﺗﺴﺘﻐﺮﺑﻮﺵ ﺍﻟﺘﻨﻤﺮ ﻇﺎﻫﺮﺓ ﻣﻨﺘﺸﺮﻩ ﻉ ﺟﻤﻴﻊ ﺍﻷﺻﻌﺪﻩ ﻭﻓﻲ ﻛﻞ ﺍﻟﻔﺌﺎﺕ ﺍﻟﻌﻤﺮﻳﻪ ﻭﺍﻟﻔﻜﺮﻳﻪ ﺑﺪﻭﻥ ﺍﺳﺘﺜﻨﺎﺀ " ..
***
ﻣﻦ ﺑﻜﺮﻱ ﻭﺍﻧﺘﻲ ﺗﺒﻜﻲ ﻭﻻﺑﻴﺘﻲ ﺗﺘﻜﻠﻤﻲ .. ﻧﻴﺮﻭﺯ ﺷﻦ ﺻﺎﻳﺮ ﻣﻌﺎﻙ ... ﻛﺎﻥ ﻣﺶ ﻣﻦ ﻣﺮﺕ ﺧﻮﻙ ﺍﻭ ﺧﻮﻙ .. ﻣﻨﻮ ﺑﺎﻫﻲ ..
ﻧﻴﺮﻭﺯ ﻭﻫﻲ ﺗﺮﺷﻒ : ﺯﻫﻴﺮ ..
ﺣﻨﺎﻥ ﺑﺼﺪﻣﻪ : ﻣﻨﻮ؟؟؟
ﻧﻴﺮﻭﺯ : ﺍﻣﺲ .. ﺷﻔﺘﻪ ..
ﺣﻨﺎﻥ : ﻭﻳﻦ ..
ﻧﻴﺮﻭﺯ ﺍﺑﺘﺴﻤﺖ ﺑﺘﻬﻜﻢ : ﺯﺑﻮﻥ ﺟﺎﻱ ﻟﻠﻤﻜﺘﺐ ..
ﺣﻨﺎﻥ : ﺟﻲ ﻗﺼﺪﺍ؟
ﻧﻴﺮﻭﺯ : ﻻ ﻛﺎﻥ ﻣﺘﻔﺎﺟﺊ ﺣﺘﻰ ﻫﻮ ...
ﺣﻨﺎﻥ ﺗﻨﻬﺪﺕ ﻭﻗﻌﺪﺕ ﺳﺎﻛﺘﻪ ..
ﻧﻴﺮﻭﺯ : ﺍﻧﻘﻠﺐ ﺣﺎﻟﻲ ﻗﻠﺒﺔ ﻭﺣﺪﻩ ﻣﺎﻗﺪﺭﺗﺶ ﻧﺮﻗﺪ ﻳﺎﺣﻨﺎﻥ ...
ﺣﻨﺎﻥ : ﺳﺒﺤﺎﻥ ﺍﻟﻠﻪ ﺑﻌﺪ 11 ﺳﻨﻪ؟ﻣﺎﺷﻔﺘﻴﺸﻲ ﺑﻜﻞ ﺑﻌﺪ ﺍﻃﻠﻘﺘﻮﺍ ﻭﻻ؟ !!
ﻧﻴﺮﻭﺯ : ﺍﺑﺪﺍ .. ﻟﺪﺭﺟﻪ ﺣﺴﺒﺖ ﺭﻭﺣﻲ ﺧﻼﺹ ﻧﺴﻴﺘﻪ ..
ﺣﻨﺎﻥ : ﺃﺑﺪﺍ ﺍﻧﺘﻲ ﻭﻻﻣﺮﺓ ﻧﺴﻴﺘﻴﻪ ﻳﺎﻧﻴﺮﻭﺯ ﺑﺪﻟﻴﻞ ﺍﻧﻚ ﺭﻓﻀﺘﻲ ﻛﻞ ﺍﻟﻠﻲ ﺟﻮﻙ ﺑﻌﺪﻩ ...
ﻧﻴﺮﻭﺯ : ﻋﺎﺭﻓﻪ ﺍﻟﺴﺒﺐ ﻳﺎﺣﻨﺎﻥ ..
ﺣﻨﺎﻥ : ﻻ ﻣﺎﻛﻨﺘﺶ ﺗﺮﻓﻀﻲ ﻟﻠﺴﺒﺐ ﺍﻟﻠﻲ ﻓﺒﺎﻟﻚ ﻷﻥ ﻓﻲ ﻫﻠﺒﻪ ﻣﺎﻫﻤﻬﻤﺶ ..
ﻧﻴﺮﻭﺯ ﺳﻜﺘﺖ ..
ﺣﻨﺎﻥ : ﺑﺎﻫﻲ ﺷﻦ ﺑﺪﻳﺮﻱ ﺗﻮﺍ ..
ﻧﻴﺮﻭﺯ : ﻣﺠﺒﺮﺓ ﻧﺨﺪﻡ ﻣﻌﺎﻩ ..
ﺣﻨﺎﻥ ﻗﻌﺪﺕ ﺗﺸﻮﻓﻠﻬﺎ ﻭﺧﺎﻳﻔﻪ ﻋﻠﻴﻬﺎ ﻟﻤﺎ ﺍﻃﻠﻘﺖ ﻣﻦ ﺯﻫﻴﺮ ﺧﺸﺖ ﻓﺤﺎﻟﻪ ﻧﻔﺴﻴﻪ ﻭﺃﻛﺘﺌﺒﺖ ﻭﺯﺍﺩﻫﺎ ﻋﻠﻰ ﻣﺎﺑﻴﻬﺎ ﺧﻮﻫﺎ ﻭﻣﺮﺗﻪ ﻭﻟﻮﻻ ﺭﺑﻲ ﺛﻢ ﻭﺟﻮﺩ ﺣﻨﺎﻥ ﺟﻨﺒﻬﺎ ﻛﺎﻥ ﻣﻤﻜﻦ ﺻﺎﺭﺗﻠﻬﺎ ﺣﺎﺟﻪ ﻭﺧﺴﺮﻭﻫﺎ ".. ﻳﺎﺍﺭﺏ ﺍﺟﻌﻞ ﻓﻲ ﺍﻟﻠﻲ ﻳﺼﻴﺮﻣﻌﺎﻫﺎ ﺧﻴﺮ "
***
ﻋﻨﺪﻛﻢ ﺍﻟﺸﺠﺎﻋﻪ ﺗﺨﺸﻮﺍ ﻭﺗﺤﻀﺮﻭﺍ ﺍﻟﻌﻤﻠﻴﻪ ..
: ﻻﺯﻡ ﻧﺨﺸﻮﺍ ﻋﻨﺪﻧﺎ ﺷﺠﺎﻋﻪ ﻭﻻ ﻣﺎﻋﻨﺪﻧﺎﺵ ..
ﺿﺤﻜﻮﺍ ...
ﺍﻟﺪﻛﺘﻮﺭﺓ : ﺍﻧﻲ ﻧﻘﺼﺪ ﺍﻟﺒﻨﺎﺕ ﺑﺎﻟﺨﺼﻮﺹ ..
ﺭﻫﻒ ﺑﻀﺤﻜﻪ : ﻣﺘﺤﻤﺴﺎﺕ ..
ﺍﻟﺪﻛﺘﻮﺭﺓ : ﻫﻬﻬﻬﻬﻬﻪ ... ﻛﻠﻜﻢ ..
ﺍﻟﺒﻨﺎﺕ ﺿﺤﻜﻮﺍ ﻭﻫﺰﻭﺍ ﺭﻭﺳﻬﻢ ﺑﺈﻳﺠﺎﺏ ..
ﺍﻟﺪﻛﺘﻮﺭﺓ : ﻃﺒﻌﺎ ﺍﻧﺘﻢ ﺣﺘﺸﻮﻓﻮﺍ ﻣﻦ ﻓﻮﻕ ﻣﻦ ﻭﺭﺍ ﺍﻟﻤﺮﺵ ﺭﻛﺰﻭﺍ ﻛﻮﻳﺲ ...
ﻛﻠﻬﻢ : ﺗﻤﺎﻡ .. ﺣﺎﺿﺮ ...
ﻣﺸﻮﺍ ﺭﻛﺒﻮﺍ ﻭﻗﻌﺪﻭﺍ ﻳﺴﺘﻨﻮﺍ ﺧﺸﺖ ﺍﻟﺪﻛﺘﻮﺭﺓ ﻭﻣﻌﺎﻫﺎ ﺯﻭﺯ ﺩﻛﺎﺗﺮﺓ ﻭﺗﻔﺎﺟﺌﺖ ﺭﻫﻒ ﻟﻤﺎ ﺷﺎﻓﺖ ﺍﺳﻨﺎﻡ ﻣﻌﺎﻫﻢ .. ﻋﺎﺭﻓﻪ ﺍﻧﻪ ﻣﺘﺨﺼﺺ ﺯﻳﻬﺎ ﺑﺲ ﻣﺎﻛﺎﻧﺘﺶ ﻋﺎﺭﻓﻪ ﺍﻧﻪ ﺣﻴﺸﺎﺭﻙ ﻓﻲ ﺇﺟﺮﺍﺀ ﺍﻟﻌﻤﻠﻴﻪ .. ﻭﺑﺎﻟﺬﺍﺕ ﻭﺍﻧﻪ ﻛﻴﻒ ﺑﺎﺩﻱ ..
ﺭﻫﻒ ﻛﺎﻧﺖ ﺗﺸﻮﻓﻠﻪ ﻭﻓﺮﺣﺎﻧﻪ ﺑﻴﻪ ﻭﻛﺄﻧﻪ ﻳﺨﺼﻬﺎ .. ﻓﻌﻼ ﻣﺎﺩﺍﻡ ﻗﻠﺒﻬﺎ ﻳﺤﺒﻪ ﻣﻌﻨﺎﻫﺎ ﻳﺨﺼﻬﺎ ﻭﻟﻮ ﺷﻮﻳﻪ .. ﺭﻛﺰﺕ ﻛﻮﻳﺲ ﻓﻲ ﺍﻟﻠﻲ ﻳﺪﻳﺮﻭﺍ ﻓﻴﻪ ... ﻭﺭﻛﺰﺕ ﻓﺤﺒﻴﺒﻬﺎ ﻭﺷﻄﺎﺭﺗﻪ ﻭﺗﻌﺎﻣﻠﻪ ﻣﻊ ﺍﻟﻮﺿﻊ ﻭﻛﺄﻧﻪ ﺩﻛﺘﻮﺭ ﺧﺒﺮﺗﻪ ﺯﻱ ﺧﺒﺮﺓ ﺍﻟﻠﻲ ﻣﻌﺎﻩ ...
ﺑﻌﺪ 3 ﺳﺎﻋﺎﺕ ﺑﺎﻟﺰﺑﻂ ﻣﻦ ﻋﻤﻠﻴﻪ ﺟﺮﺍﺣﻴﻪ ﻣﺮﻫﻘﻪ ﻭﺩﻗﻴﻘﻪ ﻭﺻﻌﺒﻪ ﺗﻜﻠﻠﺖ ﺑﺎﻟﻨﺠﺎﺡ ﻃﻠﻌﻮﺍ ﺍﻟﺪﻛﺎﺗﺮﺓ ... ﻭﺍﻟﻄﻠﺒﻪ ...
: ﺭﺍﺳﻲ ﺻﺪﻉ ...
: ﺍﻧﻲ ﻗﺮﻳﺐ ﺩﺧﺖ ..
ﺭﻫﻒ ﺗﻀﺤﻚ ﺑﺲ ..
ﺷﻮﻳﻪ ﻭﺟﺖ ﺍﻟﺪﻛﺘﻮﺭﺓ ﻭﻣﻌﺎﻫﺎ ﺃﺳﻨﺎﻡ ﺟﺖ ﻋﻴﻨﻪ ﻓﻲ ﻋﻴﻦ ﺭﻫﻒ ﺍﺑﺘﺴﻤﻮﺍ ﻟﺒﻌﺾ ...
ﺍﻟﺪﻛﺘﻮﺭﺓ : ﺷﻦ ﺻﺎﺭ ﻓﻴﻜﻢ .. ﻣﺮﻛﺰﻳﻦ ﻉ ﺍﻟﻠﻲ ﻛﻨﺖ ﻧﻘﻮﻝ ﻓﻴﻪ ﻭﺍﻧﺘﻢ ﺗﺸﻮﻓﻮﺍ ﻓﻲ ﺧﻄﻮﺍﺕ ﺍﻟﻌﻤﻠﻴﻪ ..
ﻛﻠﻬﻢ : ﺍﻳﻪ ..
: ﻫﻲ ﻣﻌﻘﺪﻩ ﺷﻮﻳﻪ ..
ﺍﻟﺪﻛﺘﻮﺭﺓ : ﻫﺎﺩﻱ ﻋﻤﻠﻴﻪ ﺍﺳﺘﺌﺼﺎﻝ ﻛﺘﻠﻪ ﺧﺒﻴﺜﻪ ﻣﻦ ﺍﻟﻤﺦ ﺗﻜﻮﻥ ﺍﻛﻴﺪ ﻣﻌﻘﺪﺓ ﺑﻌﺾ ﺍﻟﺸﻲ .. ﺑﺲ ﻣﻊ ﺍﻟﻮﻗﺖ ﺣﺘﺒﺪﺍ ﺑﺴﻴﻄﻪ ﺑﺎﻟﻨﺴﺒﻪ ﻟﻴﻜﻢ .. ﻭﺍﻟﺪﻛﺘﻮﺭﺃﺳﻨﺎﻡ ﻣﺜﺎﻝ .. ﺍﻟﺴﻨﻪ ﺍﻟﻠﻲ ﻓﺎﺗﺖ ﻛﺎﻥ ﻓﻲ ﻣﻜﺎﻧﻜﻢ ﻭﺗﻮﺍ ﻣﻌﺎﻧﺎ ...
ﺍﺳﻨﺎﻡ ﺍﺑﺘﺴﻢ؛ ﺍﻭﻻ ﺍﻧﻲ ﻃﺒﻴﺐ ...
ﺍﻟﺪﻛﺘﻮﺭﺓ : ﻫﻬﻬﻬﻬﻬﻪ ﺍﻧﻲ ﻗﻠﺘﻬﺎ ﻉ ﺣﺴﺐ ﻣﺎﺗﻌﻮﺩﻧﺎ ﻧﻘﻮﻟﻮﺍ .. ﻭﺑﻌﺪﻳﻦ ﻉ ﺍﻟﻠﻲ ﺩﺭﺗﻪ ﺑﻜﺮﻱ ﺗﺴﺘﺤﻖ ﻳﻨﻘﺎﻟﻚ ﺩﻛﺘﻮﺭ ..
ﺃﺳﻨﺎﻡ ﺍﺑﺘﺴﻢ : ﺷﻜﺮﺍ .. ﻫﻲ ﺻﺢ ﻣﻌﻘﺪﻩ ﺍﻭﻝ ﻣﺮﺓ ﺷﻔﺖ ﻓﻴﻬﺎ ﻋﻤﻠﻴﻪ ﺯﻱ ﻫﺎﺩﻱ ﻣﺨﻲ ﺍﺳﺘﻚ ..
: ﻫﺪﺍ ﺍﻟﻠﻲ ﺻﺎﺭﻟﻲ ...
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻪ
ﺍﺳﻨﺎﻡ ﺑﻀﺤﻜﻪ : ﺑﺲ ﻣﻊ ﺍﻟﻮﻗﺖ ﺣﺘﻔﻬﻢ ﺍﻛﺜﺮ ﻭﻟﻤﺎ ﺗﻤﺎﺭﺱ ﺣﺘﺘﻤﺮﺱ ... ﺍﻟﻘﺮﺍﻱﻩ ﺷﻲ ﻭﺍﻟﺘﻄﺒﻴﻖ ﺷﻲ ﺗﺎﻧﻲ ... ﺍﻫﻢ ﺷﻲ ﻗﻮﺓ ﺍﻷﻋﺼﺎﺏ ﻭﺑﺮﻭﺩﻫﺎ ﻭﺍﻧﻚ ﻓﻲ ﺍﻟﻨﻬﺎﻳﻪ ﺣﺘﻄﻠﻊ ﺑﻨﺘﻴﺠﻪ ﺗﻔﺮﺣﻚ ﺍﻧﻚ ﺑﻔﻀﻞ ﺍﻟﻠﻪ ﺍﻧﻘﺬﺕ ﺍﻧﺴﺎﻥ ﻣﻦ ﺍﻻﻻﻡ ﺍﻟﻤﺮﺽ ﺃﻭ ﺍﻟﻤﻮﺕ ..
ﻛﻠﻬﻢ ﺍﺑﺘﺴﻤﻮﺍ ﻭﻋﺠﺒﻬﻢ ﺍﻟﻜﻼﻡ ﺑﺲ ﻣﺶ ﺍﻛﺜﺮ ﻣﻨﻬﺎ ..
ﺍﻟﺪﻛﺘﻮﺭﺓ : ﻛﻠﻨﺎ ﻧﺘﻤﻨﻮﺍ ﻟﻮ ﻳﻜﻮﻧﻮﺍ ﻓﻲ ﻣﻨﻚ ﻫﻠﺒﻪ ﻳﺎﺃﺳﻨﺎﻡ ﻳﻔﻜﺮﻭﺍ ﺑﻨﻔﺲ ﺍﻟﻄﺮﻳﻘﻪ .... ﺷﺒﺤﺖﻟﻬﻢ ... ﻭﺍﻧﻲ ﻣﺘﺄﻛﺪﻩ ﺍﻥ ﺣﻴﻜﻮﻥ ﻓﻲ ﻫﻠﺒﻪ ..
ﺍﺳﻨﺎﻡ ﺍﺑﺘﺴﻢ : ﺑﺪﻭﻥ ﺷﻚ ...
ﺑﻌﺪ ﺷﻮﻳﻪ ﺗﻔﺮﻗﻮﺍ ﻛﻠﻬﻢ ﺃﺳﻨﺎﻡ ﻣﺸﻲ ﻭﺭﻫﻒ ﻛﺎﻥ ﺧﺎﻃﺮﻫﺎ ﺗﻘﻌﺪ ﻣﻌﺎﻩ ﻭﻳﻬﺪﺭﺯﻭﺍ ﺷﻮﻳﻪ ... ﺑﺲ ﻣﺎﻗﺪﺭﺗﺶ ﺗﻜﻠﻤﻪ ... ﻟﻔﺖ ﻭﻣﺸﺖ ﺍﺩﻭﺭ ﻉ ﺗﻘﻮﻯ ...
***
ﻣﻘﻌﻤﺰ ﻳﺘﺄﻣﻞ ﻓﻲ ﺍﻟﺘﻮﻟﻴﺐ .. ﻟﻒ ﻭﺟﻬﻪ ﻟﺮﺋﻴﺴﻪ ﺍﻟﻠﻲ ﻛﺎﻥ ﻳﻄﻠﻊ ﻉ ﻣﻠﻒ ﻓﻴﺪﻩ ...
ﺍﺑﺘﺴﻢ ﻭﻗﺎﻝ : ﻣﺒﺮﻭﻙ ﻋﻠﻴﻚ ..
ﻣﻌﺎﻭﻳﻪ ﻗﺎﻡ ﺭﺍﺳﻪ ﻭﺷﺒﺤﻠﻪ : ﺷﻨﻮ ...
ﺃﻳﻤﻦ ﺷﺒﺢ ﻟﻠﻮﺭﺩ ...
ﻣﻌﺎﻭﻳﻪ ﺣﺘﻰ ﻫﻮ ﺷﺒﺢ ﻟﻠﻮﺭﺩ ﻭﺍﺑﺘﺴﻢ ﻭﺷﺒﺢ ﻟﻠﻤﻠﻒ ..
ﺍﻳﻤﻦ : ﺍﻟﺨﻮﻑ ﺍﻟﻠﻲ ﺷﻔﺘﻪ ﻣﻨﻬﺎ ﻋﻠﻴﻚ ﺃﻣﺲ ﺍﻛﺪﻟﻲ ﺍﻧﻚ ﻣﺶ ﺑﺲ ﻭﺍﺧﺪ ﻗﻠﺒﻬﺎ ﺍﻧﺖ ﻣﺘﺮﺑﻊ ﻓﻴﻪ ..
ﻣﻌﺎﻭﻳﻪ ﺷﺒﺤﻠﻬﺎ : ﺗﺘﺴﻬﻮﻙ ﻭﻻﺗﺘﻜﻠﻢ ﺑﺠﺪ !! ؟
ﺃﻳﻤﻦ ﺑﻀﺤﻜﻪ : ﺑﺠﺪ ﻭﺟﺪ ﺍﻟﺠﺪ ...
ﻣﻌﺎﻭﻳﻪ ﺍﺑﺘﺴﻢ ﺭﺟﻊ ﻳﺸﻮﻑ ﻟﻠﻤﻠﻒ ...
ﺃﻳﻤﻦ : ﺑﺲ ﻓﻲ ﻣﺸﻜﻠﺔ ﻗﺎﺋﻤﻪ ...
ﻣﻌﺎﻭﻳﻪ : ﺍﻃﻠﻘﺖ ..
ﺍﻳﻤﻦ ﺑﺼﺪﻣﻪ : ﺑﺠﺪﻳﺎﺕ !!
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ..
ﺍﻳﻤﻦ : ﺍﻣﺘﻰ ﺻﺎﺭ؟
ﻣﻌﺎﻭﻳﻪ ﺑﺤﺪﻩ : ﺧﻴﺮﻙ ﺗﺤﻤﺴﺖ ﺍﻧﺖ ؟ !
ﺃﻳﻤﻦ : ﻫﻬﻬﻬﻬﻬﻬﻪ ... ﻻﻻ ﺗﻔﺎﺟﺌﺖ ﺑﺲ ... ﺗﻨﻬﺪ .. ﺃﺳﺎﺱﺍ ﻓﺘﺤﺖ ﺍﻟﻤﻮﺿﻮﻉ ﻣﻊ ﺍﻣﻲ ﻭﻛﺄﻧﻲ ﻗﻠﺘﻠﻬﺎ ﻛﻔﺮﺕ ﺍﻟﻤﺮﺍﺓ ﻭﻟﺖ ﺑﺮﻛﺎﻥ ﻫﺎﻳﺞ ... ﻭﺧﺘﻤﺘﻬﺎ ﺑﺎﻟﺠﻤﻠﻪ ﺍﻟﻤﺸﻬﻮﺭﻩ ﻟﻮ ﺧﺪﻳﺘﻬﺎ ﻻﻭﻟﺪﻱ ﻭﻻﻧﻌﺮﻓﻚ .. ﺑﺮﻏﻢ ﺍﻧﻬﺎ ﻛﺎﻧﺖ ﺗﺤﺒﻬﺎ ﻫﻠﺒﻪ ﻭﺗﺸﻜﺮ ﻓﻴﻬﺎ ..
ﻣﻌﺎﻭﻳﻪ ﺑﻀﺤﻜﻪ : ﻃﺒﻴﻌﻲ ﻭﻣﻦ ﺍﻟﺒﺪﺍﻳﻪ ﻗﺘﻠﻚ ﻣﺶ ﻓﺮﻕ ﺍﻟﻌﻤﺮ ﺑﺲ ﺣﺘﻰ ﻇﺮﻭﻓﻬﺎ ﺑﻨﺎﺗﻬﺎ ﻛﺒﺎﺭ ﻭﻋﻦ ﻗﺮﻳﺐ ﺣﺘﺰﻭﺝ ﻭﺣﺪﻩ ﻣﻨﻬﻢ ﻭﺗﻮﻟﻲ ﺟﺪﻩ .. ﻓﺎﻫﻢ ﻗﺼﺪﻱ ...
ﺍﻳﻤﻦ ﺗﻨﻬﺪ : ﺑﺼﺮﺍﺣﻪ ﺍﻧﻲ ﺍﻋﺠﺒﺖ ﺑﻴﻬﺎ ﻫﻠﺒﻪ ﻷﻥ ﻣﺎﺷﻔﺘﺶ ﺑﻨﺖ ﻣﻦ ﺟﻴﻠﻲ ﻓﺸﺨﺼﻴﺘﻬﺎ .. ﻗﻮﻳﻪ .. ﻭﺣﻨﻮﻧﻪ .. ﻟﻄﻴﻔﻪ ﻭﺣﺎﺯﻣﻪ .. ﻣﺜﻘﻔﻪ ﻭﺣﻀﺎﺭﻳﻪ ﻭﻣﺤﺎﻓﻈﻪ ... ﻣﺘﺪﻳﻨﻪ .. ﻭﺛﺎﺑﺘﻪ ﻉ ﻣﺒﺎﺩﺋﻬﺎ ﻓﻲ ﺍﻱ ﻇﺮﻑ ﺃﻭ ﻣﻮﻗﻒ .. ﻗﻠﻤﺎ ﺗﺸﻮﻑ ﻣﺮﺍﺓ ﻫﻜﻲ ... ﻧﺎﺩﺭﺓ ﻳﺎﻣﻌﺎﻭﻳﻪ ...
ﻣﻌﺎﻭﻳﻪ ﺳﺮﺡ ﻓﻲ ﻛﻼﻣﻪ ﻭﻗﻌﺪ ﻳﺬﻛﺮ ﻓﻴﻬﺎ ﻭﻫﻮ ﻳﺴﻤﻊ ﻓﻮﺻﻒ ﺃﻳﻤﻦ ﺑﺲ ﺣﺲ ﺑﺤﺮﺍﺭﺗﻪ ﺍﺭﺗﻔﻌﺖ ﻭﺷﺒﺢ ﻷﻳﻤﻦ : ﺑﺎﻫﻲ ﺧﻼﺹ ﻳﺎﺑﺎﺷﺎ ﻭﺍﻧﺖ ﺧﺪﻳﺖ ﺭﺍﺣﺘﻚ ..
ﺃﻳﻤﻦ ﺑﻀﺤﻜﻪ : ﺣﻘﻚ ﻳﺎ ...Boss ﺭﺑﻲ ﻳﻘﺮﺑﻠﻚ ﺍﻟﺒﻌﻴﺪ .. ﻭﻳﻌﻄﻴﻨﺎ ﺯﻱ ﻣﺎﻋﻄﺎﻙ ..
ﻣﻌﺎﻭﻳﻪ ﺿﺤﻚ ﺑﻌﺪﻳﻦ ﻗﺎﻝ : ﺧﻼﺹ ﺳﺎﺩ ﺿﻴﺎﻉ ﻭﻗﺖ ﻭﻗﻮﻟﻲ ...
ﻭﺑﺪﻭﺍ ﻳﺤﻜﻮﺍ ﻓﻲ ﺍﻟﺨﺪﻣﻪ ﻭﻣﻌﺎﻭﻳﻪ ﻣﻦ ﺩﺍﺧﻠﻪ ﻣﺘﻠﻬﻒ ﻟﻠﺤﻈﻪ ﺍﻟﻘﺮﺏ ﻭﺍﻣﺘﻲ ﺍﻟﻘﻠﺐ ﻳﺼﺮﺡ ﻟﻠﻘﻠﺐ ﺑﺎﻟﻠﻲ ﻳﺤﺲ ﺑﻴﻪ ... ﺍﻣﺘﻰ ﻳﺤﻈﻰ ﺑﻮﺻﺎﻝ ﻻﻗﻄﻊ ﻭﻻﻧﻬﺎﻳﺔ ﻟﻪ ...
ﺍﻟﺤﺐ ﺣﻠﻮ ﺑﺲ ﺻﻌﺐ .. ﻭﻟﻤﺎ ﻳﻜﻮﻥ ﻣﺼﻴﺮﻩ ﻣﺠﻬﻮﻝ ﻭﻣﻌﺎﻟﻤﻪ ﻏﻴﺮ ﻭﺍﺿﺤﻪ ﻭﻟﻤﺎ ﻳﻜﻮﻥ ﻧﻬﺎﻳﺘﻪ ﺑﺨﺴﺎﺭﺓ ﻭ ﻟﻤﺎ ﻳﻜﻮﻥ ﻣﺎﺿﻲ ﻣﺆﻟﻢ ﻳﻮﻟﻲ ﻋﺬﺍﺏ ﻳﺘﻌﺐ ﺍﻟﻘﻠﺐ ﻭﻳﻨﻬﻜﻪ ...
ﻧﻴﺮﻭﺯ ﻟﻤﺎ ﻣﺸﺖ ﻟﻤﻜﺘﺐ ﺯﻭﺟﻬﺎ ﺍﻟﺴﺎﺑﻖ ﻭﻗﺎﺑﻼﺗﻪ ﻟﺘﺎﻧﻲ ﻣﺮﺓ .. ﺗﺘﻌﺎﻣﻞ ﻣﻌﺎﻩ ﺑﺮﺳﻤﻴﻪ ﺗﺎﻣﻪ ﻭﻻﻛﺄﻧﻬﺎ ﻛﺎﻧﺖ ﺗﻌﺮﻓﻪ ﻗﺒﻞ ..
ﻫﻮ ﻗﻠﺒﻪ ﻭﺍﺟﻌﻪ ﻫﻠﺒﻪ ﻣﻦ ﻗﺴﻮﺗﻬﺎ ﻋﻠﻴﻪ .. ﻭﻫﻲ ﻣﻦ ﺩﺍﺧﻞ ﺗﺘﻘﻄﻊ ﻭﻗﻠﺒﻬﺎ ﻳﺒﻜﻲ ﺩﻡ .. ﺍﻛﺜﺮ ﺇﻧﺴﺎﻥ ﺣﺒﺎﺗﻪ ﻓﺎﻟﺪﻧﻴﺎ ﻭﺍﺿﻄﺮﺕ ﺗﺨﻠﻴﻪ ﻏﺼﺐ ﻋﻨﻬﺎ ﻭﺍﻗﻒ ﻗﺪﺍﻣﻬﺎ ﺑﻌﺪ 11 ﺳﻨﻪ ﻓﺮﺍﻕ .. ﺍﻣﻨﻴﺘﻬﺎ ﺍﻟﻮﺣﻴﺪﻩ ﻭﺍﻟﻤﺴﺘﺤﻴﻠﻪ ﻫﻲ ﺍﻧﻬﺎ ﺗﺤﻀﻨﻪ ﻭﺗﺒﻜﻲ ﻭﺗﺤﻜﻴﻠﻪ ﻋﻦ ﺍﻟﻠﻲ ﻋﺸﺎﺗﻪ ﻓﻲ ﺑﻌﺪﻫﺎ ﻋﻨﻪ .. ﺑﺲ ﺻﻌﺐ ﻭﻋﻨﺪﻫﺎ ﻫﻲ ﻣﺴﺘﺤﻴﻞ ...
ﻛﻤﻠﺖ ﻭﺭﻭﺣﺖ ﺗﺠﺮﻱ ... ﻭﻫﻮ ﻛﺎﻥ ﻳﺒﻲ ﻳﺤﺼﻞ ﻣﻌﺎﻫﺎ ﻭﻟﻮ ﺷﻮﻳﻪ ﻭﻗﺖ ﻳﺤﻜﻲ ﻓﻴﻬﻢ ﻳﺘﻜﻠﻢ ﺑﺲ ﻟﻸﺳﻒ ﻫﻲ ﻛﺎﻧﺖ ﻣﺼﻜﺮﺓ ﺍﻟﺒﺎﺏ ﻓﻲ ﻭﺟﻬﻪ ﺑﺎﻟﻘﻮﺓ ...
ﺍﻧﻔﺘﺢ ﺑﺎﺏ ﺑﻘﻮﺓ ...
ﺧﺸﻠﻪ ﻭﻣﺪﻟﻪ ﺍﻟﺘﻠﻴﻔﻮﻥ ﻭﻭﺭﺍﻩ ﻓﻴﺪﻳﻮ : ﻣﻦ ﻫﻮ ﻭﻟﺪ ﺍﻟﻜﻠﺐ ﺍﻟﻠﻲ ﺩﺍﺭﻟﻚ ﻫﻜﻲ ..
ﻋﺰ ﺍﻟﺪﻳﻦ ﺳﺎﻛﺖ ﻭﻳﺸﺒﺢ ﻟﻠﺸﻴﺖ ..
: ﻋﺰﻭ ﻭﺟﻼﻝ ﺍﻟﻠﻪ ﻟﻮ ﺗﻘﻮﻟﻲ ﻣﻦ ﻫﻮ ﻧﺮﺑﻴﻬﻮﻟﻚ ﻭﻧﺨﻠﻴﻪ ﻳﺴﺘﺴﻤﺢ ﻣﻨﻚ ﻭﻟﺪ ﺍﻟﻜﻠﺐ ﻫﺬﺍ ..
ﻋﺰ ﺍﻟﺪﻳﻦ : ﻓﻮﺕ ﻳﺎﻭﻟﺪ ﺧﺎﻟﺘﻲ ﻣﺎﻳﺴﺘﺎﻫﻠﺶ ..
: ﻋﺰ ﺍﻟﺪﻳﻦ ﻷﻣﺘﻰ ﺑﺘﻘﻌﺪ ﻫﻜﻲ ﻗﻮﻟﻲ ﻋﻼﺵ ﻫﻜﻲ ﺩﻳﻤﺎ ﻣﻮﻃﻲ ﺭﺍﺳﻚ ﻭﻣﺨﻠﻲ ﺍﻟﻠﻲ ﻫﺬﺍ ﻳﻤﺴﺢ ﺑﻜﺮﺍﻣﺘﻚ ﺍﻟﻮﻃﺎ ...
ﻋﺰ ﺍﻟﺪﻳﻦ : ﺷﺎﺭﻑ .. ﺑﺎﻟﻠﻪ ﻋﻠﻴﻚ ﺍﻃﻠﻊ ﻭﺧﻠﻴﻨﻲ ..
ﺷﺎﺭﻑ : ﺑﺎﻩ .. ﺑﺮﺍﺣﺘﻚ .. ﻟﻜﻦ ﻭﻟﺪ ﺍﻟﻜﻠﺐ ﻫﺬﺍ ﺗﻮ ﻧﻌﺮﻓﻪ .. ﻭﻃﻠﻊ ﻣﻦ ﺍﻟﺪﺍﺭ ﻭﺻﻜﺮ ﺍﻟﺒﺎﺏ ..
ﻋﺰ ﺍﻟﺪﻳﻦ " ﺣﺘﻰ ﻛﺎﻥ ﻋﺮﻓﺘﻪ ﻣﺎﺗﻘﺪﺭ ﺍﺩﻳﺮﻟﻪ ﺷﻲ .."
....
ﻭﺍﺣﺪ ﻭﺿﻴﻊ ﻭﺣﻘﻴﺮ ﻭﻓﺎﺳﺪ ..
ﺭﻫﻒ : ﻭﺍﻧﺘﻲ ﻋﻼﺵ ﻣﺎﺣﻜﺘﻠﻴﺶ ﻋﻠﻴﻪ ..
ﻟﺒﻨﻰ : ﺷﻦ ﺑﻨﺤﻜﻲ ﻫﺬﺍ ﺷﻲ ﻳﻨﺤﻜﻰ ..
ﺭﻫﻒ : ﺍﻳﻪ ﻳﻨﺤﻜﻰ .. ﻟﺒﻨﻰ ﺍﺳﻤﻌﻲ ﺍﻟﻮﻟﺪ ﻫﺬﺍ ﺗﺠﻨﺒﻴﻪ ﺣﺘﻰ ﺍﻟﺸﺒﺢ ﻣﺎﺗﺸﺒﺤﻴﻼﺵ ..
ﻟﺒﻨﻰ : ﺧﻴﺮﻛﻢ ﻛﻠﻜﻢ ﺧﺎﻳﻔﻴﻦ ﻫﻜﻲ .
ﺭﻫﻒ : ﺷﻔﺘﻲ ﺍﻟﻔﻴﺪﻳﻮ ﺍﻟﻠﻲ ﺩﺍﺭﻩ ﻟﻠﻮﻟﺪ ﺍﻟﻠﻲ ﻳﻘﺮﺍ ﻣﻌﺎﻙ ﻳﺒﻲ ﻳﻮﺻﻠﻚ ﺑﻴﻪ ﺭﺳﺎﻟﻪ ...
ﻟﺒﻨﻰ ﺑﻀﻴﻖ : ﺑﺴﺒﺒﻲ ﻳﻌﻨﻲ ..
ﺭﻫﻒ : ﻟﺒﻨﻰ ﺣﺒﻴﺒﺘﻲ ﺭﻩ ﻫﺎﺩﻱ ﺟﺎﻣﻌﻪ ﻣﺶ ﻣﺪﺭﺳﻪ .. ﻣﺶ ﻋﺮﻛﻪ ﺑﻴﻨﻚ ﻭﺑﻴﻦ ﺑﻨﺖ ﺍﻗﺼﻰ ﺷﻲ ﻓﻴﻬﺎ ﺗﺮﻳﺸﻮﺍ ﺷﻌﺮ ﺑﻌﺾ ﻭﺍﻟﻤﺪﻳﺮﻩ ﺩﻳﺮﻟﻜﻢ ﺍﺳﺘﺪﻋﺎﺀ ﻭﻟﻲ ﺍﻣﺮ ﻭﻳﻬﺰﺑﻮﻛﻢ ﺷﻮﻳﻪ ﻭﺗﻤﺖ .. ﺍﻟﺠﺎﻣﻌﻪ ﻏﻴﺮ ﻳﺎﻟﺒﻨﻰ ..
ﻟﺒﻨﻰ ﺳﻜﺘﺖ ..
ﺭﻫﻒ : ﻣﺎﻣﺎ ﻣﺶ ﻧﺎﻗﺼﻪ ..
ﻟﺒﻨﻰ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻋﻨﺪﻙ ﺣﻖ ...
ﺗﺎﻧﻲ ﻳﻮﻡ ..
ﻟﺒﻨﻲ ﻛﺎﻧﺖ ﺧﺎﺷﻪ ﻟﻠﻜﻠﻴﻪ ﺑﺮﻭﺣﻬﺎ ﻣﻬﺎ ﻣﺎﺟﺘﺶ ﻹﻧﻬﺎ ﻣﺮﻳﻀﻪ ..
ﻛﺎﻧﺖ ﻣﻌﺼﺒﻪ ﻭﻧﺎﻭﻳﻪ ﻉ ﺍﻟﻨﻴﻪ ..
ﻓﻲ ﻭﺍﺣﺪ ﻣﻦ ﺍﻟﻤﺪﺭﺟﺎﺕ ..
ﻗﺘﻴﺒﻪ ﻛﺎﻥ ﻻﻫﻲ ﺑﻌﺰ ﺍﻟﺪﻳﻦ ﺳﺨﺮﻳﻪ ﻭﺍﺳﺘﻬﺰﺍﺀ ﻭﻣﺎﺇﻟﻰ ﺫﻟﻚ ﻣﻦ ﺍﻟﺪﻧﺎﺀﺍﺕ ﺍﻷﺧﻼﻗﻴﻪ ﺍﻟﻠﻲ ﻳﺘﻤﺘﻊ ﺑﻬﺎ ..
ﻟﺒﻨﻰ ﻭﻫﻲ ﻣﺎﺷﻴﻪ ﻟﻠﻤﺪﺭﺝ ﺷﺎﻓﺖ ﺑﺪﺭ ﺧﺎﺵ ﻟﻠﻤﺪﺭﺝ ..
ﺑﺪﺭ ﺧﺶ ﺷﺎﻑ ﻗﺘﻴﺒﻪ ﻻﻑ ﺫﺭﺍﻋﻪ ﻉ ﺭﻗﺒﺔ ﻋﺰ ﺍﻟﺪﻳﻦ ﻭﻉ ﺃﺳﺎﺱ ﻳﺪﻳﺮ ﻣﻌﺎﻩ ﻑ ﻟﻘﺎﺀ ...
ﻗﺘﻴﺒﻪ : ﺷﻨﻮ ﻣﺸﺎﺭﻳﻌﻚ ﺍﻟﺠﺎﻳﻪ ﺑﻌﺪ ﻣﺎﺟﺎﺗﻚ ﺍﻟﺸﻬﺮﺓ ﺗﺠﺮﻱ .. ﻧﻨﺼﺤﻚ .. ﺗﺸﺎﺭﻙ ﻓﻲ ﺍﻟﺮﺍﺑﺢ ﺍﻷﻛﺒﺮ
ﻭﺍﻟﺘﺎﻓﻬﻴﻦ ﻳﻀﺤﻜﻮﺍ ..
ﺑﺪﺭ ﻗﺪﻣﻠﻪ ﻭﺣﻮﻝ ﺫﺭﺍﻋﻪ ﻣﻦ ﻉ ﺭﻗﺒﺔ ﻋﺰ : ﺷﻦ ﺣﺮﻛﺎﺕ ﺍﻟﻔﺮﻭﺥ ﻫﺎﺩﻱ ..
ﻗﺘﻴﺒﻪ : ﺣﻮﻝ ﻳﺎﺑﺪﺭ ..
ﺑﺪﺭ ﺿﺮﺑﻪ ﻉ ﺻﺪﺭﻩ : ﻳﺎﺳﺮ ﻣﻦ ﺍﻟﻌﺎﺭ ﺍﻛﺒﺮ ﻭﺍﻋﻘﻞ ﻋﻴﺐ ﻋﻠﻴﻚ ..
ﻗﺘﻴﺒﻪ ﺳﻜﺖ ..
ﺑﺪﺭ : ﺷﻦ ﺩﺍﺭﻟﻚ ﻫﻮ ..
ﻗﺘﻴﺒﻪ : ﺑﺪﺭ ﻣﺎﻟﻴﻜﺶ ﻓﻴﻪ .. ﺑﺮﺍ ﻉ ﺣﺎﻟﻚ ..
ﺑﺪﺭ : ﻻ ﻣﺎﻧﻴﺶ ﻣﺎﺷﻲ ... ﺷﺪﻩ ﻣﻦ ﺫﺭﺍﻋﻪ ﺑﻴﻄﻠﻌﻪ .. ﺍﻧﺼﺪﻣﻮﺍ ﺍﻟﺰﻭﺯ ﻟﻤﺎ ﺷﺎﻓﻮﺍ ﻟﺒﻨﻰ ﻭﺍﻗﻔﻪ ﺗﺸﻮﻓﻠﻬﻢ ...
ﻟﺒﻨﻰ ﺷﺒﺤﺘﻠﻬﻢ ﻣﻦ ﻓﻮﻕ ﻟﻠﻮﻃﺎ ﺧﺸﺖ ﻭﻓﺎﺗﺘﻬﻢ ﻭﻣﺶ ﻟﻌﺰ ﺍﻟﺪﻳﻦ ...
ﻭﺍﻟﺰﻭﺯ ﺍﻟﺘﻔﺘﻮﺍ ﻭﺷﺒﺤﻮﻟﻬﺎ ...
ﻗﺘﻴﺒﻪ ﻗﺮﺏ ﻟﻮﺫﻥ ﺑﺪﺭ : ﻫﺬﺍ ﻋﻼﺵ ﺃﻧﺖ ..
ﺑﺪﺭ ﺷﺒﺤﻠﻪ : ﻣﺶ ﺯﻱ ﻣﺎﺍﻧﺖ ﻓﻬﻤﺖ ﻭﺍﻟﻠﻪ ﻣﺎﺷﻔﺘﻬﺎ ﺇﻻ ﺗﻮﺍ ...
ﻗﺘﻴﺒﻪ : ﺷﻮﻓﻬﺎ ﻛﻴﻒ ﺗﻜﻠﻢ ﻓﻴﻪ ..
ﺑﺪﺭ ﺗﻠﻔﺖ ﺷﺎﻓﻬﺎ ﻛﻴﻒ ﺗﻜﻠﻢ ﻓﻲ ﻋﺰ ﺍﻟﺪﻳﻦ ﺑﻬﺪﻭﺀ ﺍﺑﺘﺴﻢ ﺗﻠﻘﺎﺋﻴﺎ ﺑﻌﺪﻳﻦ ﺗﻠﻔﺖ ﺍﻟﻘﺪﺍﻡ : ﻫﻴﺎ ﺗﻌﺎﻟﻰ ﻭﻃﻠﻌﻮﺍ ﺍﻟﺰﻭﺯ ﺑﻌﺪﻳﻦ ﺗﺒﻌﻮﻫﻢ ﺷﻠﺘﻬﻢ ...
...
ﻟﺒﻨﻰ : ﻧﺴﺄﻟﻚ ﺳﺆﺍﻝ ..
ﻋﺰ ﺍﻟﺪﻳﻦ ﻭﻋﻴﻮﻧﻪ ﻓﻲ ﺍﻟﻄﺎﻭﻟﻪ ﺍﻟﻠﻲ ﻗﺪﺍﻣﻪ : ﺃﺳﺄﻟﻲ ...
ﻟﺒﻨﻰ : ﺃﻧﺖ ﻟﻤﺎ ﺧﺸﻴﺖ ﻟﻠﻜﻠﻴﻪ ﻫﺎﺩﻱ ﺷﻦ ﻧﺎﻭﻱ ﺗﻜﻮﻥ ﺑﻌﺪ ﺗﻄﻠﻊ ﻣﻨﻬﺎ ..
ﻋﺰ ﺍﻟﺪﻳﻦ : ﺍﺣﻤﻢ .. ﻭﻗﻌﺪ ﻳﺤﻚ ﻓﻲ ﺣﺎﺟﺒﻪ ... ﻗﺎﺿﻲ ..
ﻟﺒﻨﻰ ﺑﻀﺤﻜﻪ : ﻣﺮﺓ ﻭﺣﺪﻩ ..
ﻋﺰ ﺍﻟﺪﻳﻦ ﺍﺑﺘﺴﻢ ﺑﺘﻬﻜﻢ : ﻛﻠﻬﻢ ﻳﻘﻮﻟﻮﻟﻲ ﻓﻴﻬﺎ ﻫﺬﺍ ﺍﻟﻠﻲ ﻧﺎﻗﺼﻚ ..
ﻟﺒﻨﻰ : ﺑﺲ ﺍﻧﻲ ﻣﺎﻗﻠﺘﺶ ﻫﻜﻲ ..
ﻋﺰ ﺍﻟﺪﻳﻦ : ﺍﻳﻪ ﻣﺎﻗﻠﺘﻴﻬﺎﺵ ﺣﺮﻓﻴﺎ ...
ﻟﺒﻨﻰ : ﻻ ﻧﻬﺎﺋﻲ ... ﻋﺰ ﺍﺳﻤﻌﻨﻲ .. ﺑﺶ ﺗﻮﺻﻞ ﻟﺤﻠﻤﻚ ﻻﺯﻡ ﺗﻌﺪﻱ ﻫﻠﺒﻪ ﻣﺮﺍﺣﻞ ﺍﻟﻘﺮﺍﻳﻪ .. ﺑﻌﺪﻳﻦ ﺗﺪﺭﺏ ﻓﻲ ﻣﻜﺘﺐ ﻣﺤﺎﻣﺎﻩ .. ﻭﺗﻮﻟﻲ ﻣﺤﺎﻣﻲ ﻭﺗﺎﺧﺪ ﺣﻖ ﻣﻮﻛﻴﻠﻨﻚ ﺑﻠﺴﺎﻧﻚ ﻭﺟﺮﺃﺗﻚ ﻭﺛﻘﺘﻚ ﺑﻨﻔﺴﻚ .. ﻭﻟﻤﺎ ﻳﻜﺒﺮ ﺍﺳﻤﻚ ﺍﻛﺜﺮ .. ﻣﻤﻜﻦ ﺗﻮﺻﻞ ﻷﻛﺒﺮ ﻣﻦ ﺣﻠﻤﻚ ﺑﻮﻳﻦ ..
ﻋﺰ ﺍﻟﺪﻳﻦ ﻓﻬﻢ ﻗﺼﺪﻫﺎ ﻣﻦ ﺍﻟﻠﻲ ﻗﺎﻻﺗﻪ : ﺗﺒﻲ ﺗﻘﻮﻟﻴﻠﻲ ﻣﺎﻳﻤﺸﻴﺶ ﻣﻌﺎﻱ ﺍﻟﺘﺨﺼﺺ ..
ﻟﺒﻨﻰ : ﻳﺎﺍﺍﻩ ﻳﺎﺭﺑﻲ ﺷﻦ ﻫﺎﻟﺴﻮﺩﺍﻭﻳﻪ ﻫﻴﺎ ...
ﻋﺰ ﺍﻟﺪﻳﻦ ﺷﺒﺤﻠﻬﺎ : ﻭﺍﻗﻊ ﻫﺬﺍ ..
ﻟﺒﻨﻰ ﺷﺒﺤﺘﻠﻪ ﻫﻠﺒﻪ ﺑﻌﺪﻳﻦ ﻗﺎﻟﺖ : ﺣﺘﻰ ﻟﻮ ﻛﺎﻥ ﻭﺍﻗﻊ ﺗﻐﻴﺮﻩ .. ﺷﻮﻑ ﻋﺰ ﺍﻧﺖ ﻣﺎﺩﺍﻡ ﻋﻨﺪﻙ ﻃﻤﻮﺡ ﻭﻭﺻﻠﺖ ﻓﻴﻪ ﻟﻬﺎﻟﻤﺮﺣﻠﻪ ﻣﻌﻨﺎﻫﺎ ﺍﻧﺖ ﺗﻘﺪﺭ ﺗﻜﻤﻞ ﻭﺗﺤﻘﻘﻪ .. ﺑﺲ ﻣﺸﻜﻠﺘﻚ ... ﻣﺘﺄﺛﺮ ﻫﻠﺒﻪ ﺑﺮﺃﻱ ﺍﻟﻨﺎﺱ ﻓﻴﻚ ﻭﺣﻜﻤﻬﻢ ﻋﻠﻴﻚ ﻉ ﺍﻋﺘﺒﺎﺭﺍﺕ ﻓﺎﺿﻴﻪ .. ﺍﻧﺖ ﻣﺎﻗﺪﺭﺗﺶ ﺍﺩﺍﻓﻊ ﻋﻦ ﻧﻔﺴﻚ ﻭﻻﺗﺎﺧﺪ ﻣﻮﻗﻒ ﻣﻦ ﺗﺼﺮﻑ ﻭﺍﺣﺪ ﺗﺎﻓﻪ ﺯﻱ ﻗﺘﻴﺒﻪ ﻷﻧﻚ ﻣﺼﺪﻕ ﻛﻼﻣﻪ ﻋﻨﻚ ﻭﺷﺎﻳﻒ ﺍﻧﻪ ﺣﻖ .. ﻭﺳﻤﺤﺘﻠﻪ ﻳﻬﻴﻨﻚ ﺍﻣﺲ ﻭﺍﻟﻴﻮﻡ ..
ﻋﺰ ﺍﻟﺪﻳﻦ : ﺍﻧﻲ ﻣﺎﻧﻌﺮﻓﺶ ﻧﺘﻜﻠﻢ ﻭﻻ ﻧﻌﺮﻑ ﻧﺪﺍﻓﻊ ﻉ ﺭﻭﺣﻲ ..
ﻟﺒﻨﻰ : ﻻﺗﻌﺮﻑ ... ﺑﺲ ﻣﺎﻋﻨﺪﻛﺶ ﺛﻘﻪ ﻓﻨﻔﺴﻚ ﻭﻻﺗﺤﺒﻬﺎ ..
ﻋﺰ ﺍﻟﺪﻳﻦ : ﺷﻦ ﺑﻨﺤﺐ ﻓﻴﻬﺎ ﺷﻮﻓﻴﻨﻲ ﻛﻴﻒ ..
ﻟﺒﻨﻰ ﺑﻀﺤﻜﻪ؛ ﻭﺧﻴﺮﻙ ﺷﻦ ﻧﺎﻗﺼﻚ ..
ﻋﺰ ﺍﻟﺪﻳﻦ ﺑﻀﺤﻜﻪ : ﻧﺎﻗﺼﻨﻲ ﻛﻞ ﺷﻲ ﻣﺎﻋﺪﺍ ﺍﻟﺤﺠﻢ ﻛﻞ ﻳﻮﻡ ﻓﺎﻟﺰﺍﻳﺪ
ﻟﺒﻨﻰ : ﻫﻬﻬﻬﻬﻬﻬﻬﻬﻬﻬﻬﻪ ..
ﻋﺰ ﺍﻟﺪﻳﻦ ﺍﺑﺘﺴﻢ : ﺍﻫﻮ ﺣﺘﻰ ﺍﻧﺘﻲ ﺿﺤﻜﺘﻲ ..
ﻟﺒﻨﻰ ﻫﺪﺕ ﺿﺤﻚ : ﺍﻧﻲ ﺿﺤﻜﺘﻨﻲ ﺧﻔﺔ ﺩﻣﻚ .. ﺻﺪﻕ ﺍﻟﻠﻲ ﻗﺎﻝ ﺍﺻﺤﺎﺏ ﺍﻷﻭﺯﺍﻥ ﺍﻟﺜﻘﻴﻠﻪ ﺭﻭﺣﻬﻢ ﺧﻔﻴﻔﻪ ﻭﺣﻠﻮﻩ ..
ﻋﺰ ﺍﻟﺪﻳﻦ ﻭﺟﻬﻪ ﺍﺣﻤﺮ : ﺷﻜﺮﺍ ..
ﻟﺒﻨﻰ ﺍﺑﺘﺴﻤﺖ : ﻋﺰ .. ﺣﺐ ﻧﻔﺴﻚ ﻭﺷﻜﻠﻚ ﺣﻴﺤﺒﻮﻙ ﺍﻟﻠﻲ ﺣﻮﺍﻟﻴﻚ ﺧﻠﻲ ﺛﻘﺘﻚ ﻓﻲ ﻧﻔﺴﻚ ﻋﺎﻟﻴﻪ ﺍﻟﻠﻲ ﺣﻮﺍﻟﻴﻚ ﺣﻴﺤﺘﺮﻣﻮﻙ ﻭﻳﺘﻘﺒﻠﻮﻙ .. ﻭﺧﻠﻴﻚ ﻣﺤﺎﻣﻲ ﻟﻨﻔﺴﻚ ﻭﻣﺎﺗﺨﻠﻲ ﺣﺪﻳﻮﺻﻞ ﻓﻴﻚ ...
ﻋﺰ ﺍﻟﺪﻳﻦ ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﻭﻫﻲ ﻟﻤﺎ ﺣﺴﺖ ﺍﻥ ﻣﺮﻛﺰ ﻓﻲ ﻋﻴﻮﻧﻬﺎ ﺗﺤﺸﻤﺖ ﻭﻭﻃﺖ ﺭﺍﺳﻬﺎ ﻟﻮﻃﺎ ﻭﺿﺤﻜﺖ ﻭﻗﺎﻟﺖ : ﺷﻨﻮ ﺣﺘﺴﻤﻊ ﺍﻟﻜﻼﻡ ..
ﻋﺰ ﺍﻟﺪﻳﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﺍﺑﺘﺴﻢ ...
ﺧﺶ ﺍﻟﺪﻛﺘﻮﺭ ... ﻭﺑﺪﺕ ﺍﻟﻤﺤﺎﺿﺮﺓ ﻭﻟﺒﻨﻰ ﻗﻌﺪﺕ ﻣﻘﻌﻤﺰﺓ ﺟﻨﺒﻪ ﻭﻣﺎﻧﺎﺿﺘﺶ .. ﻭﻫﻮ ﻛﺎﻥ ﻳﺤﺲ ﺑﺸﻌﻮﺭ ﺳﻌﺎﺩﻩ ﻏﻴﺮ ﻃﺒﻴﻌﻲ ....
***
ﻣﺮﻭﺍ ﻛﻢ ﻳﻮﻡ ..
ﻟﺒﻨﻰ ﻭﻟﺖ ﻗﺮﻳﺒﻪ ﻫﻠﺒﻪ ﻉ ﻋﺰ ﺍﻟﺪﻳﻦ ﻭﺧﻠﺖ ﻣﻬﺎ ﺣﺘﻰ ﻫﻲ ﻗﺮﻳﺒﻪ ﻋﻠﻴﻪ ﻭﻭﻟﻮﺍ ﺃﺻﺪﻗﺎﺀ ﻭﻓﻲ ﺍﻟﻘﺮﺍﻳﻪ ﺩﻳﻤﺎ ﻳﺴﺎﻋﺪﻭﺍ ﻓﻲ ﺑﻌﺾ .. ﻣﻬﺎ ﻛﺎﻧﺖ ﺗﺸﻮﻑ ﻧﻔﺴﻬﺎ ﻑ ﻋﺰ ﺍﻟﺪﻳﻦ ﻛﺎﻧﺖ ﺯﻳﻪ ﻳﻮﻡ ﻣﻦ ﺍﻷﻳﺎﻡ ﻣﻦ ﺍﻟﻨﺎﺣﻴﻪ ﺍﻟﻨﻔﺴﻴﻪ ﻟﻴﻦ ﻃﻠﻌﺖ ﻓﺤﻴﺎﺗﻬﺎ ﻟﺒﻨﻰ ﻭﻏﻴﺮﺗﻬﺎ 180 ﺩﺭﺟﻪ ﻭﺗﺸﻮﻑ ﻓﻠﺒﻨﻰ ﻗﺎﻋﺪﻩ ﺍﺩﻳﺮ ﻓﻲ ﻧﻔﺲ ﺍﻟﺸﻲ ﻣﻊ ﻋﺰ ﺍﻟﺪﻳﻦ .. ﻷﻧﻬﺎ ﺣﻨﻴﻨﻪ ﻫﻠﺒﻪ ﻭﻗﻠﺒﻬﺎ ﻃﻴﺐ ﻭﺷﻔﺎﻑ ﺗﺤﺲ ﺑﺎﻟﻠﻲ ﺣﻮﺍﻟﻴﻬﺎ ﺯﻱ ﺃﻣﻬﺎ .. ﺑﺲ ﻛﺎﻧﺖ ﻓﻲ ﻧﻔﺲ ﺍﻟﻮﻗﺖ ﺗﻔﻜﺮ ﻓﺈﻥ ﺗﺄﺛﻴﺮ ﻫﺎﻟﻤﻌﺎﻣﻠﻪ ﻣﻦ ﻟﺒﻨﻰ ﻋﻠﻲ ﻋﺰ ﺍﻟﺪﻳﻦ ﻣﺶ ﺯﻱ ﺗﺄﺛﻴﺮﻫﺎ ﻋﻠﻴﻬﺎ ... ﻭﺧﺎﻳﻔﻪ ﻣﻦ ﻫﺎﻟﺸﻲ ..
ﺭﻫﻒ ﻟﻶﻥ ﻣﺎﻗﺎﻟﺘﺶ ﺍﻧﻬﺎ ﻓﺴﺨﺖ ﺧﻄﺒﺘﻬﺎ ﻭﻋﻼﻗﺘﻬﺎ ﺑﺄﺳﻨﺎﻡ ﻣﺴﺘﻤﺮﺓ ﻋﻼﻗﻪ ﺯﻣﺎﻟﻪ ﻻﺃﻛﺜﺮ .. ﻇﺎﻫﺮﻳﺎ ﻃﺒﻌﺎ .. ﻟﻴﻦ ﺟﻲ ﺍﻟﻴﻮﻡ ﺍﻟﻠﻲ ﺑﻌﺘﺖ ﺭﻫﻒ ﺍﻟﺤﺎﺟﺎﺕ ﻟﻤﻬﺎﺏ ﻭﺍﻣﻪ ﻗﺮﻳﺐ ﻃﺎﺭﺕ ﻟﻤﺎ ﻋﺮﻓﺖ ﺍﻟﺴﺒﺐ ﻭﻣﺎﺧﻠﺖ ﻫﺰﻳﺒﻪ ﻣﺎﻫﺰﺑﺖ ﻭﻟﺪﻫﺎ ﺑﻴﻬﺎ ﻭﻗﺎﻟﺘﻠﻪ ﺣﺘﺨﻄﺒﻠﻪ ﺑﻨﺖ ﻋﻤﺘﻪ ﻳﺒﻲ ﻭﻻﻣﺎﻳﺒﻴﺶ ﻭﻫﻮ ﻣﺎﻛﺎﻧﺶ ﻋﻨﺪﻩ ﺭﻏﺒﻪ ﻓﻲ ﺍﻟﻨﻘﺎﺵ ﻭﺍﻓﻖ ﻭﺧﻼﺹ .. ﻭﻣﻦ ﺩﺍﺧﻠﻪ ﻣﻘﻬﻮﺭ ﻉ ﺍﻵﺧﺮ ...
ﻳﺎﺭﺍ ﻣﺎﺷﻴﻪ ﻓﻲ ﺍﻟﻘﻀﻴﻪ ﻭﻛﻞ ﻣﺮﺓ ﺗﻜﺘﺸﻒ ﺷﻲ ﺟﺪﻳﺪ ﻭﺑﺪﺕ ﺗﺘﻌﺮﺽ ﻟﻠﺘﻬﺪﻳﺪﺍﺕ ﺑﺲ ﻭﻻ ﻋﺪﻟﺖ ... ﻭﻓﻲ ﻧﻔﺲ ﺍﻟﻮﻗﺖ ﻗﺎﻋﺪﻩ ﺗﻬﺘﻢ ﺑﻨﻀﺎﻝ ﻭﻫﻮ ﻭﻻ ﺃﺣﺴﻦ ﻭﺭﺟﻊ ﻟﺮﻭﺗﻴﻦ ﺣﻴﺎﺗﻪ ﺍﻟﻄﺒﻴﻌﻲ ﺑﻌﺾ ﺍﻟﺸﻲﺀ ...
ﺣﻨﺎﻥ ﻣﻦ ﺑﻌﺪ ﺍﺧﺮ ﻣﺮﺓ ﻣﺸﺖ ﻓﻴﻬﺎ ﻟﻠﺸﺮﻛﻪ ﻣﻌﺎﺵ ﻭﻟﺖ ﺇﻻ ﻫﺎﻟﻴﻮﻡ .. ﻛﺎﻟﻌﺎﺩﻩ ﺑﺘﻘﺪﻡ ﺗﻘﺮﻳﺮﻫﺎ ... ﺻﺒﺤﺖ ﻉ ﺍﻟﺴﻜﺮﺗﻴﺮﺓ ..
ﺣﻨﺎﻥ : ﺍﻟﺴﻴﺪ ﻣﻌﺎﻭﻳﻪ ﻣﻮﺟﻮﺩ ..
ﻓﺎﺩﻳﻪ : ﺍﻳﻪ .. ﺑﺲ ﻋﻨﺪﻩ ﺇﻗﺒﺎﻝ ﺩﺍﺧﻞ ..
ﺣﻨﺎﻥ ﻗﻌﻤﺰﺕ ﻭﻫﻲ ﻣﻀﺎﻳﻘﻪ ...
ﻓﺎﺩﻳﻪ : ﺗﺒﻲ ﻧﻄﻠﺒﻠﻚ ﺷﻲ ..
ﺣﻨﺎﻥ ﺑﻀﻴﻖ : ﻻﺷﻜﺮﺍ ..
ﺷﻮﻳﻪ ﻭﻃﻠﻌﺖ ﻣﻦ ﻋﻨﺪﻩ ﺍﻗﺒﺎﻝ ﺷﺎﻓﺖ ﺣﻨﺎﻥ ﺧﺸﺖ ﻟﻤﻜﺘﺐ ﻓﺎﺩﻳﻪ : ﻛﻴﻒ ﺣﺎﻟﻚ ﺑﺎﺵ ﻣﻬﻨﺪﺳﻪ ..
ﺣﻨﺎﻥ ﺍﺑﺘﺴﻤﺖ ﻣﺠﺎﻣﻠﻪ : ﺍﻟﺤﻤﺪ ﻟﻠﻪ .. ﻭﺍﻧﺘﻲ
ﺇﻗﺒﺎﻝ : ﻛﻮﻳﺴﻪ .. ﻓﺎﺩﻳﻪ ﻗﺎﻝ ﻣﻌﺎﻭﻳﻪ ﺍﻟﻐﻲ ﻛﻞ ﻣﻮﺍﻋﻴﺪﻱ ﻭﻣﺎﺗﺨﻠﻲ ﺣﺪ ﻳﺨﺶ ﻧﻬﺎﺋﻲ ﻣﺸﻐﻮﻝ ﻫﻠﺒﻪ .. ﻭﻣﺸﺖ ..
ﻓﺎﺩﻳﻪ ﺷﺒﺤﺘﻠﻬﺎ ...
ﺣﻨﺎﻥ : ﺍﺣﻤﻢ .. ﻧﺎﺿﺖ .. ﺧﻼﺹ ﺍﻧﺘﻲ ﻋﻄﻴﻬﻮﻟﻪ ﺑﻌﺪ ﻳﻔﻀﻰ ..
ﻓﺎﺩﻳﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺗﻤﺎﻡ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ... ﻭﻃﻠﻌﺖ ...
ﻓﺎﺩﻳﻪ ﻗﻌﺪﺕ ﺗﻔﻜﺮ ﺑﻌﺪﻳﻦ ﺧﺪﺕ ﺍﻟﺘﻘﺮﻳﺮ ﻭﻧﺎﺿﺖ ﻭﻣﺸﺖ ﻟﻤﻜﺘﺐ ﻣﻌﺎﻭﻳﻪ ...
ﻃﻘﺖ ..
ﻣﻌﺎﻭﻳﻪ : ﺧﺶ ..
ﻓﺘﺤﺖ ﺍﻟﺒﺎﺏ ﻭﺧﺸﺖ ﻟﻘﺖ ﺍﻳﻤﻦ ﻣﻌﺎﻩ ﻓﻲ ﺍﻟﻤﻜﺘﺐ ..
ﻓﺎﺩﻳﻪ : ﺍﺳﺘﺎﺩ ﺗﻔﻀﻞ ﻫﺬﺍ ﺍﻟﺘﻘﺮﻳﺮ ﻋﻦ ﻣﺸﺮﻭﻉ ﺍﻟﻤﻨﺘﺠﻊ
ﻣﻌﺎﻭﻳﻪ ﺃﺳﺘﻐﺮﺏ ..
ﺍﻳﻤﻦ : ﺍﻟﺒﺶ ﻣﻬﻨﺪﺳﻪ ﺑﻌﺘﺎﺗﻪ ﻣﻊ ﺣﺪ ..
ﻓﺎﺩﻳﻪ : ﻻﻫﻲ ﺑﺮﻭﺣﻬﺎ ﺟﺖ ..
ﻣﻌﺎﻭﻳﻪ : ﺟﺖ ؟
ﻓﺎﺩﻳﻪ : ﺍﻳﻪ ﻭﺑﺼﺮﺍﺣﻪ ﻫﻲ ﻛﺎﻧﺖ ﻧﺎﻭﻳﻪ ﺗﺴﻠﻤﻬﻮﻟﻚ ﺑﻨﻔﺴﻬﺎ ﺑﺲ ... ﺳﻜﺘﺖ ..
ﻣﻌﺎﻭﻳﻪ : ﺑﺲ ﺷﻨﻲ؟
ﻓﺎﺩﻳﻪ : ﺃﺍ .. ﺍﻷﺳﺘﺎﺫﻩ ﺍﻗﺒﺎﻝ ﻗﺎﻟﺖ ﺍﻧﻚ ﻣﺸﻐﻮﻝ ﻭﻣﺎﺗﺒﻲ ﺣﺪ ﻳﺨﺶ ﻋﻠﻴﻚ ..
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺑﻌﺼﺒﻴﻪ : ﺣﻄﻲ ﺍﻟﻠﻲ ﻋﻨﺪﻙ ﻭﺍﻃﻠﻌﻲ ..
ﻓﺎﺩﻳﻪ ﺣﻄﺖ ﺍﻟﺘﻘﺮﻳﺮ ﻭﻟﻔﺖ ﻭﻃﻠﻌﺖ ...
ﻣﻌﺎﻭﻳﻪ ﺍﺗﻜﻰ ﺑﻤﺮﻓﻘﻪ ﻉ ﺍﻟﻤﻜﺘﺐ ﻭﺿﺎﻏﻂ ﺑﺴﺒﺎﺑﺘﻪ ﻉ ﻓﻤﻪ ...
ﺃﻳﻤﻦ : ﻫﻮ ﺍﻧﺖ ﻗﻠﺖ ﻫﻜﻲ ﻓﻌﻼ ..
ﻣﻌﺎﻭﻳﻪ : ﻭﺍﻧﺖ ﻋﺎﺭﻑ ﺍﻧﻬﺎ ﻋﻨﺪﻫﺎ ﺇﺳﺘﺜﻨﺎﺀ ﺗﺨﺶ ﺍﻣﺘﻰ ﻣﺎﺗﺒﻲ .. ﻭﻫﻲ ﻋﺎﺭﻓﻪ
ﺃﻳﻤﻦ ﺳﻜﺖ ..
ﻣﻌﺎﻭﻳﻪ : ﺇﻗﺒﺎﺍﺍﺍﻝ ...
ﺃﻳﻤﻦ : ﺍﺳﻤﻊ ﻣﻦ ﺍﻷﺧﻴﺮ .. ﺧﻠﻲ ﺣﻨﺎﻥ ﺑﻌﻴﺪﻩ ﻋﻨﻬﺎ ﻹﻧﻲ ﻣﺶ ﻣﺘﺮﻳﺢ ﻟﻠﺠﻮ ﺍﻟﻤﻼﻳﻜﻲ ﺍﻟﻠﻲ ﺗﺘﺼﻨﻊ ﻓﻴﻪ ..
ﻣﻌﺎﻭﻳﻪ : ﻫﻲ ﻏﻴﺮ ﺗﻔﻜﺮ ﺗﺠﻲ ﺟﻴﻬﺘﻬﺎ .. ﻗﺴﻤﺎ ﺑﺎﻟﻠﻪ ﻧﻤﺤﻴﻬﺎ ﻫﻲ ﻭﺍﻟﻠﻲ ﺟﺎﺑﻬﺎ ...... ﺍﺳﻤﻊ ﺍﺗﺼﻞ ﺑﻴﻬﺎ ..
ﺃﻳﻤﻦ ﺑﻀﺤﻜﻪ : ﺍﻟﻤﻮﺿﻮﻉ ﺻﻌﺐ ﻋﻠﻴﺎ ﻗﺎﻋﺪ ..
ﻣﻌﺎﻭﻳﻪ ﺷﺒﺤﻠﻪ ﺑﺤﺪﻩ ..
ﺍﻳﻤﻦ : ﻫﻬﻬﻬﻪ .. ﺣﺎﺿﺮ ... ﺍﺗﺼﻞ ﺑﺤﻨﺎﻥ ...
ﺣﻨﺎﻥ ﻓﻲ ﺍﻟﻄﺮﻳﻖ ﻣﻮﻟﻴﻪ ﻟﻠﻤﻜﺘﺐ ﻟﻤﺎ ﺭﻥ ﺗﻠﻴﻔﻮﻧﻬﺎ ﻭﻗﻔﺖ ﻉ ﺗﺮﻛﻴﻨﻪ ﻭﺭﺩﺕ ...
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﺍﻳﻤﻦ : ﻭﻋﻠﻴﻜﻢ ﺍﻟﺴﻼﻡ .. ﻛﻴﻒ ﺣﺎﻟﻚ ﻳﺎﺑﺶ ﻣﻬﻨﺪﺳﻪ ..
ﺣﻨﺎﻥ : ﺍﻟﺤﻤﺪﻟﻠﻪ ﻭﺍﻧﺖ ..
ﺍﻳﻤﻦ : ﺍﻟﺤﻤﺪ ﻟﻠﻪ ..
ﻣﻌﺎﻭﻳﻪ ﻳﺄﺷﺮﻟﻪ ﻭﻳﻬﻤﺲ : ﻗﻮﻟﻠﻬﺎ ﺗﻮﻟﻲ ﺗﻮﺍ .. ﻳﺒﻴﻚ .. ﺍﺳﺘﺎﺫ ﻣﻌﺎﻭﻳﻪ ..
ﺍﻳﻤﻦ ﻫﺰ ﺭﺍﺳﻪ ﺑﺄﻳﺠﺎﺏ : ﺍﻧﺘﻲ ﻭﻳﻦ ﺗﻮﺍ ..
ﺣﻨﺎﻥ : ﺍﻧﻲ ﻓﻲ ﻃﺮﻳﻘﻲ ﻟﻠﻤﻜﺘﺐ ..
ﺍﻳﻤﻦ : ﻳﺎﺭﻳﺖ ﺗﻮﻟﻲ ﺗﻮﺍ Boss ﻃﺎﻟﺒﻚ ..
ﺣﻨﺎﻥ؛ ﻫﻮ ﺍﻧﻲ ﺟﻴﺖ ﻭﻗﺎﻟﻮﺍ ﺍﻧﻪ ﻣﺸﻐﻮﻝ ..
ﺃﻳﻤﻦ : ﺗﻤﺎﻡ ﺑﺲ ﻟﻘﺎﺋﻪ ﺑﻴﻪ ﻣﻦ ﺿﻤﻦ ﺍﻟﺸﻐﻞ ..
ﺣﻨﺎﻥ ﺗﻨﻬﺪﺕ : ﺑﺎﻫﻲ ﺟﺎﻳﻪ ..
ﺍﻳﻤﻦ ﻏﻤﺰ ﻟﻤﻌﺎﻭﻳﻪ ﻭﺍﺑﺘﺴﻢ : ﻓﻲ ﺍﻹﻧﺘﻈﺎﺭ ... ﻭﻋﻠﻲﻛﻢ ﺍﻟﺴﻼﻡ ... ﺻﻜﺮ .. ﺍﻫﻲ ﺟﺎﻳﻪ ..
ﻣﻌﺎﻭﻳﻪ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ..
ﺃﻳﻤﻦ ﺑﻀﺤﻜﻪ : ﻧﻄﻠﻊ ﻭﻻﻧﻘﻌﺪ ﻭﻻ ﺷﻨﻮ ﺍﻟﻨﻈﺎﻡ ..
ﻣﻌﺎﻭﻳﻪ : ﺧﻠﻴﻚ ..
ﺍﻳﻤﻦ : ﻫﻬﻬﻬﻬﻬﻪ ﺑﺎﻫﻲ ..
***
ﻣﺶ ﻋﺎﺩﻱ ﺑﺠﺪﻳﺎﺕ ..
ﻣﻬﺎ : ﻭﺍﻟﻠﻪ ﺑﺠﺪ ﻳﺎﻋﺰ ﺑﺤﺜﻚ ﻗﻮﻱ ﻫﻠﺒﻪ ..
ﻋﺰ ﺍﻟﺪﻳﻦ ﺑﺨﺠﻞ : ﺷﻜﺮﺍ ..
ﻟﺒﻨﻰ : ﺣﺘﻨﺎﻗﺸﻪ ﻃﺒﻌﺎ ...
ﻋﺰ ﺍﻟﺪﻳﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ..
ﺭﻥ ﺗﻠﻴﻔﻮﻥ ﻣﻬﺎ ﺍﺑﺘﺴﻤﺖ : ﻋﻦ ﺍﺫﻧﻜﻢ ﺷﻮﻳﻪ .. ﻧﺎﺿﺖ ﻭﺑﻌﺪﺕ ﻋﻨﻬﻢ ﻭﺭﺩﺕ ..
ﻋﺰ ﺍﻟﺪﻳﻦ : ﻃﻴﺒﻪ ﻣﻬﺎ ..
ﻟﺒﻨﻰ ﺑﻐﺮﻭﺭ ﻣﺼﻄﻨﻊ : ﻃﺎﻟﻌﺘﻠﻲ ..
ﻋﺰ ﺍﻟﺪﻳﻦ : ﻫﻬﻬﻬﻬﻬﻬﻪ .. ﻋﻨﺪﻙ ﻋﻠﻢ ﻣﺎﻳﻤﺸﻴﺶ ﻣﻌﺎﻙ ﺍﻟﻐﺮﻭﺭ ..
ﻟﺒﻨﻰ ﺑﻀﺤﻜﻪ : ﻋﺎﺭﻓﻪ ..
ﻗﺘﻴﺒﻪ ﺟﺎﻫﺎ ﻭﻫﺎﻟﻤﺮﺓ ﻛﺎﻥ ﻧﺎﻭﻱ ﻳﻐﻴﺮ ﺃﺳﻠﻮﺑﻪ ﻛﻞ ﺍﻟﻠﻲ ﻳﺒﻴﻪ ﺍﻧﻪ ﻳﺠﻴﺐ ﺭﺍﺳﻬﺎ ﻭﺑﺲ ..
ﻗﺘﻴﺒﻪ : ﻣﺴﺎﺀ ﺍﻟﺨﻴﺮ ..
ﻋﺰ ﻭﺟﻬﻪ ﺍﻧﻘﻠﺐ ..
ﻟﺒﻨﻰ ﻣﺎﺑﺘﺶ ﺗﺮﺩ ﻭﻻﺗﺸﺒﺤﻠﻪ ..
ﻗﺘﻴﺒﻪ : ﺍﻟﺴﻼﻡ ﻟﻠﻪ ..
ﻋﺰ ﺍﻟﺪﻳﻦ : ﻣﺴﺎﺀ ﺍﻟﻨﻮﺭ ..
ﻗﺘﻴﺒﻪ : ﺍﻧﺖ ﺧﻠﻴﻚ ﺳﺎﻛﺖ ﻣﺎﻛﻠﻤﻚ ﺣﺪ ..
ﻟﺒﻨﻰ : ﻟﻮﺳﻤﺤﺖ ﺑﺮﺍ ﻓﻲ ﺣﺎﻟﻚ ..
ﻗﺘﻴﺒﻪ ﺑﻀﺤﻜﻪ : ﻟﻮﺳﻤﺤﺖ ! ؟؟؟ ﻧﺰﻝ ﻋﻠﻴﻚ ﺍﻟﺮﻗﻲ ﺗﻮﺍ ..
ﻟﺒﻨﻰ : ﺃﺳﺘﻐﻔﺮ ﺍﻟﻠﻪ ...
ﻗﺘﻴﺒﻪ ﻧﺰﻝ ﻉ ﺭﻭﺱ ﺻﻮﺍﺑﻌﻪ ﻭﺭﻓﻊ ﻧﻈﺎﺭﺍﺗﻪ ﻉ ﺭﺍﺳﻪ : ﺧﻠﻴﻨﺎ ﻧﻤﺰﻗﻮﺍ ﺍﻟﺼﻔﺤﺔ ﺍﻟﻤﺨﺮﺑﺸﻪ ﺑﻴﻨﺎﺗﻨﺎ ﻭﻧﺒﺪﻭﺍ ﺻﻔﺤﻪ ﺟﺪﻳﺪﻩ .. ﺍﺻﺪﻗﺎﺀ ﻳﻌﻨﻲ ... ﺻﺪﺍﻗﺘﻲ ﻫﻠﺒﻪ ﻳﺘﻤﻨﻮﻫﺎ .. ﺣﺘﻜﺴﺒﻲ ﻫﻠﺒﻪ .. ﺧﻴﺮﻟﻚ ﻣﻦ ﻫﻠﺒﻪ ﻧﺎﺱ ﺭﺍﺱ ﻣﺎﻟﻪ ﺍﻟﺴﺎﻣﺴﻮﻧﻎ 2005 ﻭﻣﺼﺮﻭﻓﻪ ﺍﻟﻠﻲ ﻣﺎﻳﻔﻮﺗﺶ 50 ﺩﻳﻨﺎﺭ ﻳﻤﺸﻲ ﻓﻲ ﺍﻟﻤﺎﻛﻠﻪ ..
ﻟﺒﻨﻰ ﺷﺒﺤﺖ ﻟﻌﺰ ﺍﻟﺪﻳﻦ ﺍﻟﻠﻲ ﻛﺎﻥ ﻳﺸﺒﺢ ﺍﻟﻘﺪﺍﻡ ﻣﻼﻣﺤﻪ ﻏﺎﺿﺒﻪ ﺑﺲ ﺩﻣﻌﺘﻪ ﻓﻌﻴﻨﻪ ..
ﻟﺒﻨﻰ ﻧﺎﺿﺖ : ﻳﺼﺮﻓﻬﻢ ﻓﻲ ﺍﻟﻤﺎﻛﻠﻪ ﺧﻴﺮ ﻣﺎﻳﺼﺮﻓﻬﻢ ﻓﻲ ﺍﻟﻌﻔﻦ ﻭﺳﻴﺎﺭﺗﻪ ﺍﻟﻠﻲ ﺍﻧﺖ ﻫﺎﺯﻱ ﻋﻠﻴﻬﺎ ﻧﻈﻴﻔﻪ ﻣﺎﻳﺨﺸﻬﺎﺵ ﻭﺳﺦ ... ﻭﻣﻌﺮﻓﺘﻪ ﺑﺎﻟﻨﺴﺒﻪ ﻟﻴﺎ ﻫﻲ ﺍﻟﻤﻜﺴﺐ .. ﺍﻣﺎ ﻣﻌﺮﻓﺘﻚ ﺍﻧﺖ ﺗﺨﺴﺮ ﺍﻟﺪﻧﻴﺎ ﻭﺍﻵﺧﺮﺓ ... ﻭﻣﺸﺖ ﻭﺧﻼﺗﻪ ...
ﻗﺘﻴﺒﻪ ﺗﺒﻌﻬﺎ ﺑﻌﻴﻮﻧﻪ ﺑﻌﺪﻳﻦ ﺷﺒﺢ ﻟﻌﺰ ﺍﻟﺪﻳﻦ ﺍﻟﻠﻲ ﻋﺠﺒﻪ ﺍﻟﻜﻼﻡ ..
ﻭﺑﺎﻥ ﻉ ﻭﺟﻬﻪ ﻓﺮﺣﺘﻪ ﺑﻴﻪ ..
ﻗﺘﻴﺒﻪ : ﺍﻗﻌﺪ ﺍﺩﺭﻕ ﻭﺭﺍ ﻧﺘﺎﻳﺎﺕ ﻭﺧﻠﻴﻬﻢ ﻳﺮﺩﻭﺍ ﻋﻨﻚ ..
ﻋﺰ ﺍﻟﺪﻳﻦ : ﺍﻧﺘﻴﺎﺍﺕ ﺍﻟﻠﻲ ﻗﺎﻋﺪ ﺗﻮﺍ ﺗﺤﻂ ﻓﻲ ﻛﺮﺍﻣﺘﻚ ﺗﺤﺖ ﺭﺟﻠﻴﻬﻢ ﺑﺲ ﻳﺸﺒﺤﻮﻟﻚ ﻭﻫﻤﺎ ﻭﻻﻣﻌﺒﺮﻳﻨﻚ ..
ﻗﺘﻴﺒﻪ : ﺍﻟﻠﻪ ﺍﻟﻠﻪ ﺑﺪﻳﻨﺎ ﻧﻌﺮﻓﻮﺍ ﻧﺘﻜﻠﻤﻮﺍ ﻭﻧﺮﺩﻭﺍ .. ﻭﺟﻲ ﺑﻴﺸﺪﻩ ﻣﻦ ﺫﻗﻨﻪ ﻋﺰ ﺩﻓﻠﻪ ﻳﺪﻩ ﺑﺎﻟﻘﻮﺓ ..
ﻗﺘﻴﺒﻪ ﻧﺎﺽ : ﻭﺍﻟﻠﻪ ﻭﺻﺎﺭ ﻣﻨﻚ ﻳﺎﺑﺘﻴﻪ .. ﻟﻜﻦ ﺩﺑﺪﻭﺑﻪ ﻣﺎﺗﺼﺪﻗﺶ ﺭﻭﺣﻚ ﻫﻠﺒﻪ ﺧﻴﺮ ﻣﺎﻧﻔﺸﻚ .. ﻟﺒﺲ ﻧﻈﺎﺭﺍﺗﻪ ﻭﻣﺸﻲ ..
ﺍﻣﺎ ﻋﺰ ﺍﻟﺪﻳﻦ ﻓﺤﺲ ﺑﺸﻌﻮﺭ ﻗﻮﺓ ﺑﻌﺪ ﺭﺩ ﻋﻠﻴﻪ ﻭﺩﺍﺭ ﻣﻮﻗﻒ .. ﺟﺎﺗﻪ ﻣﻬﺎ ﺑﻌﺪ ﻧﻬﺖ ﺍﻟﻤﻜﺎﻟﻤﻪ : ﻭﻳﻦ ﻟﺒﻨﻰ ..
ﻋﺰ ﺍﻟﺪﻳﻦ : ﺍﻛﻴﺪ ﺩﺍﺧﻞ ﻓﻲ ﻭﺍﺣﺪ ﻣﻦ ﺍﻷﻗﺴﺎﻡ ..
ﻣﻬﺎ : ﺷﻦ ﺻﺎﻳﺮ ..
ﻋﺰ ﺍﻟﺪﻳﻦ : ﺣﺎﺟﻪ ﺑﺴﻴﻄﻪ ﻣﺎﺩﻭﺭﻳﺶ ..
ﻣﻬﺎ : ﺑﺎﻫﻲ ﻋﻦ ﺍﺫﻧﻚ ﻭﻣﺸﺖ ﺍﺩﻭﺭ ﻓﻲ ﻟﺒﻨﻰ ...
ﻟﺒﻨﻰ ﻓﻌﻼ ﺧﺸﺖ ﺩﺍﺧﻞ .. ﻛﺎﻧﺖ ﻣﻌﺼﺒﻪ ﻗﻌﺪﺕ ﺍﺩﻭﺭ ﻭﺧﻼﺹ ﻭﻭﻗﻔﺖ ﻟﻤﺎ ﺳﻤﻌﺖ ﺩﻭﺓ ..
ﺑﺪﺭ : ﻳﺎﺭﺍﺟﻞ ﻭﻻﻳﻬﻤﻚ ... ﺍﻧﺖ ﻏﻴﺮ ﺩﻳﺮﻟﻬﺎ ﺗﺄﺷﻴﺮﻩ ﺑﺲ ..
: ﻭﺍﻟﻠﻪ ﻳﺎﺑﺪﺭ ﻣﻌﺮﻭﻓﻚ ﻫﺬﺍ ﻟﻴﻦ ﻧﻤﻮﺕ ﻣﺎﻧﻨﺴﺎﻩ ..
ﺑﺪﺭ : ﺗﻲ ﺷﻦ ﺗﻘﻮﻝ ﺍﻧﺖ ﺍﺧﺘﻚ ﺍﺧﺘﻲ .. ﺭﺑﻲ ﻳﺸﻔﻴﻬﺎ ﺇﻥ ﺷﺎﺀ ﺍﻟﻠﻪ ..
: ﺑﺠﺪﻳﺎﺕ ﻭﻟﺪ ﻧﺎﺱ ﻭﺃﺻﻞ .. ﻣﺎﻧﺴﻴﺘﺶ ﺟﻴﺮﺍﻧﻚ ﻭﺃﺻﺤﺎﺑﻚ ﺣﺘﻰ ﺑﻌﺪ ﻣﺎﺭﺑﻲ ﻓﺘﺤﻬﺎ ﻋﻠﻴﻚ .. ﻭﻟﻴﻴﺖ ﺣﺎﺟﻪ ﺗﺎﻧﻴﻪ ..
ﺑﺪﺭ : ﺍﻟﻌﺸﺮﺓ ﺗﻬﻮﻥ ﻉ ﻭﻻﺩ ﺍﻟﺤﺮﺍﻡ .. ﻭﺍﻧﺘﻢ ﻛﻨﺘﻮﺍ ﻟﺒﺪﺭ ﺍﻛﺜﺮ ﻣﻦ ﺃﻫﻠﻪ ﻟﻤﺎ ﺍﻧﻜﺴﺮﺕ ﺑﻴﻪ ﻣﺮﺍﺕ ﻭﻣﺮﺍﺕ ...
: ﺭﺑﻲ ﻳﺪﻳﻢ ﺍﻟﻮﺩ ﻭﺍﻟﻤﻌﺮﻭﻑ ..
ﺑﺪﺭ : ﺁﺍﺍﻣﻴﻦ ..
: ﺑﺪﺭ ..
ﺑﺪﺭ : ﻧﻌﻢ ..
: ﺟﺎﻳﺒﻠﻚ ﺳﻼﻡ ..
ﺑﺪﺭﺑﻀﺤﻜﻪ : ﻣﻦ ﻣﻨﻲ ..
: ﻧﺠﻮﻯ ..
ﺑﺪﺭ ﻭﺟﻬﻪ ﺍﻧﻘﻠﺐ ﻭﻋﺼﺐ : ﻛﻢ ﻣﺮﺓ ﺑﻨﻘﻮﻝ ﺍﺳﻤﻪ ﻣﻌﺎﺵ ﻧﺒﻲ ﻧﺴﻤﻌﻪ ﻭﻻﻧﻌﺮﻓﻬﺎ .. ﺳﻜﺮ ﻉ ﺳﻴﺮﺗﻬﺎ ﺻﻜﺮ ﺧﻴﺮ ﻣﺎﺗﺨﺴﺮﻧﻲ ﺭﻩ ..
: ﺧﻼﺹ ﺧﻼﺹ .. ﻫﺪﻱ .. ﺍﻧﻲ ﺍﺳﻒ
ﻟﺒﻨﻰ ﻛﺎﻧﺖ ﻋﺎﻃﻴﻪ ﺑﺎﻟﻈﻬﺮ ﻭﺗﺴﻤﻊ ﻓﻴﻬﻢ ﺑﺪﻱ ﻓﻀﻮﻟﻬﺎ ﻳﺰﻳﺪ ﻧﺎﺣﻴﻪ ﺑﺪﺭ .. ﻷﻥ ﺑﺪﺭ ﺍﻟﻔﻨﺎﻥ ﻳﻔﺮﻕ ﻫﻠﺒﻪ ﻋﻦ ﺑﺪﺭ ﺍﻟﻠﻲ ﻋﺮﻓﺎﺗﻪ ﺗﻮﺍ .. ﻃﻮﻝ ﺍﻟﺸﻬﺮ ﺍﻟﻠﻲ ﻗﺮﺕ ﻓﻴﻪ ﻓﺎﻟﻜﻠﻴﻪ ﻣﺎﺟﺎﺵ ﺟﻴﻬﺘﻬﺎ ﺑﻜﻞ .. ﻏﻴﺮﺕ ﻓﻜﺮﺗﻬﺎ ﻭﺣﺴﺖ ﺍﻧﻬﺎ ﻇﻨﺖ ﻓﻴﻪ ﻇﻦ ﺳﻮﺀ .. ﻭﺍﻟﻠﻲ ﺳﻤﻌﺎﺗﻪ ﺗﻮﺍ ﺟﺬﺑﻬﺎ ﻟﻴﻪ ... ﻗﻄﻊ ﻋﻠﻴﻬﺎ ﺗﻔﻜﻴﺮﻫﺎ ﺧﺒﻄﺔ ﻳﺪ ﻣﻬﺎ ﻉ ﻛﺘﻔﻬﺎ ..
ﻟﺒﻨﻰ ﺍﻧﺨﻠﻌﺖ : ﺟﻴﺘﻲ ..
ﻣﻬﺎ : ﺧﻠﻌﺘﻚ؟؟ .. ﺃﺳﻔﻪ ..
ﻟﺒﻨﻰ : ﻋﺎﺩﻱ ..
ﻣﻬﺎ : ﺷﻦ ﺻﺎﺭ ﺷﻔﺖ ﻫﺬﺍﻛﺎ ﺍﻟﺼﺎﻳﻊ ﻭﺍﻗﻒ ﻋﻠﻴﻚ ..
ﻟﺒﻨﻰ : ﻓﻮﺗﻲ ﺳﻴﺮﺗﻪ ﻭﺍﺣﺪ ﻣﺮﻳﺾ ... ﺍﻧﺼﺪﻣﺖ ﻟﻤﺎ ﻋﺮﻓﺖ ﺍﻥ ﻟﻴﻪ 6 ﺳﻨﻴﻦ ﻓﻲ ﺍﻟﻜﻠﻴﻪ ﻭﻗﺎﻋﺪﻩ ﻓﻲ ﺳﻨﺔ ﺗﺎﻟﺘﻪ ...
ﻣﻬﺎ : ﻗﺮﻭﺑﻪ ﻛﻠﻬﻢ ﻧﻔﺲ ﺣﺎﻟﺘﻪ ..
ﻟﺒﻨﻰ : ﺧﻠﻴﻨﺎ ﻣﻨﻬﻢ ﻭﻗﻮﻟﻴﻠﻲ ﺷﻦ ﺣﺎﻝ ﺧﻄﻴﺒﻚ ﺍﻟﻌﺰﻳﺰ ..
ﻣﺸﻮ ﺍ ﻣﻊ ﺑﻌﺾ ﻭﻣﻬﺎ ﻗﻌﺪﺕ ﺗﺤﻜﻴﻠﻬﺎ ...
***
ﻭﺻﻠﺖ ﺣﻨﺎﻥ ﻓﻲ ﻣﻜﺘﺐ ﻣﻌﺎﻭﻳﻪ ﻭﻃﻘﺖ ﺍﻟﺒﺎﺏ ..
" ﺗﻔﻀﻞ .."
ﻓﺘﺤﺖ ﺍﻟﺒﺎﺏ ﻭﺧﺸﺖ .. ﻭﻫﻮ ﺃﻭﻝ ﻣﺎﺷﺎﻓﻬﺎ ﺗﻘﻮﻝ ﺭﻭﺣﻪ ﻛﺎﻧﺖ ﻏﺎﻳﺒﻪ ﻋﻨﻪ ﻭﺭﺩﺗﻠﻪ .. ﺑﺲ ﺗﻤﺎﺳﻚ ﻭﺣﺎﻭﻝ ﻣﺎﻳﺨﻠﻴﺶ ﺷﻌﻮﺭﻩ ﻳﺒﺎﻥ ﻋﻠﻴﻪ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﺍﻟﺰﻭﺯ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ..
ﻣﻌﺎﻭﻳﻪ : ﺗﻔﻀﻠﻲ ...
ﻗﻌﻤﺰﺕ ﺣﻨﺎﻥ : ﺍﻧﻲ ﺟﻴﺖ ﺑﺲ ﺑﻠﻐﻮﻧﻲ ﺍﻧﻚ ﻣﺸﻐﻮﻝ ..
ﻣﻌﺎﻭﻳﻪ : ﻣﺸﻐﻮﻝ ﺑﻨﻔﺲ ﺍﻟﺸﻲ ﺍﻟﻠﻰ ﺍﻧﺘﻲ ﺟﺎﻳﻪ ﻉ ﺧﺎﻃﺮﻩ .. ﻣﻔﺮﻭﺽ ﺟﻴﺘﻲ ﺧﺸﻴﺘﻲ ﻃﻮﻝ ..
ﺣﻨﺎﻥ ﺑﺈﺑﺘﺴﺎﻣﻪ : ﻣﺮﺓ ﺗﺎﻧﻴﻪ ﺇﻥ ﺷﺎﺀﺍﻟﻠﻪ ..
ﺃﻳﻤﻦ ﺿﺤﻚ ..
ﻣﻌﺎﻭﻳﻪ ﺍﺑﺘﺴﻢ ﻭﻗﺎﻝ : ﺍﻟﻔﺘﺮﺓ ﺍﻟﺠﺎﻳﻪ ﺣﻴﺘﻢ ﺑﻨﺎﺀ ﺍﻟﺪﻭﺭ ﺍﻟﺘﺎﻧﻲ ..
ﺣﻨﺎﻥ : ﺍﻳﻪ ﺧﻼﺹ ..
ﻣﻌﺎﻭﻳﻪ : ﻏﺪﻭﺓ ﺑﺈﺫﻥ ﺍﻟﻠﻪ ﻣﺎﺷﻲ ﻧﺸﻮﻑ ﺍﻟﻮﺿﻊ ﺑﻠﻐﻲ ﺍﻟﻤﻬﻨﺪﺱ ﻣﻮﺳﻰ ﻳﻜﻮﻥ ﺣﺎﺿﺮ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ...
ﺃﻳﻤﻦ : ﺷﻘﻖ ﺍﻟﻤﺪﻳﻨﻪ ﺍﻟﺴﻜﻨﻴﻪ %70 ﻣﻨﻬﺎ ﺍﻧﺒﺎﻉ ...
ﺣﻨﺎﻥ : ﺍﻟﻠﻬﻢ ﺑﺎﺭﻙ ... ﺭﺑﻲ ﻳﺰﻳﺪﻙ ﻳﺎﺭﺏ ..
ﻣﻌﺎﻭﻳﻪ ﺑﺄﺑﺘﺴﺎﻣﻪ : ﺁﺍﺍﻣﻴﻦ ..
ﺃﻳﻤﻦ : ﻣﺎﺷﻲ ﺑﻨﺸﻮﻑ ﺷﻨﻮ ﺻﺎﺭ ﻓﻲ ﺍﻹﻳﻤﻴﻞ ﺍﻟﻠﻲ ﺑﻌﺘﻪ ﻟﻠﺸﺮﻛﻪ ﺍﻷﻟﻤﺎﻧﻴﻪ .. ﻧﺎﺽ ﻭﺷﺒﺢ ﻟﻤﻌﺎﻭﻳﻪ .. ﻧﺴﺘﺄﺫﻥ ...
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ .. ﻣﺸﻲ ﺃﻳﻤﻦ ﻭﻫﻮ ﻳﺒﺘﺴﻢ ﻓﺘﺢ ﺍﻟﺒﺎﺏ ﻭﺧﺶ ﻟﻤﻜﺘﺒﻪ ﻭﺻﻜﺮﻩ ﻭﺭﺍﻩ ....
ﺳﺎﺩ ﺍﻟﺼﻤﺖ ﺍﻟﻤﻜﺎﻥ .... ﻫﻮ ﻛﺎﻥ ﻳﺸﺒﺤﻠﻬﺎ ﻭﻫﻲ ﺗﺸﺒﺢ ﻟﻠﻄﺎﻭﻟﻪ ... ﺑﻌﺪﻳﻦ ﺷﺒﺤﺘﻠﻪ ... ﺟﺖ ﺍﻟﻌﻴﻦ ﻓﺎﻟﻌﻴﻦ ﻭﺍﻟﺰﻭﺯ ﺗﻠﺨﺒﻄﻮﺍ ..
ﺣﻨﺎﻥ ﻏﻴﺮﺕ ﻋﻴﻮﻧﻬﺎ : ﻣﻤﻜﻦ ﺳﺆﺍﻝ ..
ﻣﻌﺎﻭﻳﻪ ﺍﺑﺘﺴﻢ : ﺍﺳﺄﻟﻲ ..
ﺣﻨﺎﻥ : ﺍﺣﻤﻢ .. ﻫﻮ ﺍﻧﺖ ﻣﺴﺎﻫﻢ ﺭﺋﻴﺴﻲ ﻓﻲ ﻣﺸﺮﻭﻉ ﺍﻷﻧﺴﻪ ﺇﻗﺒﺎﻝ ....
ﻣﻌﺎﻭﻳﻪ ﺍﺑﺘﺴﻢ : ﻻ ...
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .
ﻣﻌﺎﻭﻳﻪ : ﻋﻼﺵ ﺗﺴﺄﻟﻲ ..
ﺣﻨﺎﻥ ﻫﺰﺕ ﻛﺘﺎﻓﻬﺎ ﺍﺭﺗﺒﺎﻛﺎ : ﻣﺠﺮﺩ .. ﺳﺆﺍﻝ ...
ﻣﻌﺎﻭﻳﻪ ﺍﺑﺘﺴﻢ ﻭﻗﻌﺪ ﻳﺸﻮﻓﻠﻬﺎ ﺑﻌﺪﻳﻦ ﻗﺎﻝ : ﺳﻤﻌﺖ ﺍﻧﻚ ﺍﻃﻠﻘﺘﻲ ..
ﺣﻨﺎﻥ ﺷﺒﺤﺘﻠﻪ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻣﻌﺎﻭﻳﻪ : ﺃﺣﺴﻦ ..
ﺣﻨﺎﻥ ﺷﺒﺤﺘﻠﻪ ﺑﺮﻓﻌﺔ ﺣﻮﺍﺟﺐ ..
ﻣﻌﺎﻭﻳﻪ ﺍﺭﺗﺒﻚ : ﻗﺼﺪﻱ ﻉ ﻭﺿﻌﻚ ﺍﻟﻠﻲ ﺍﻧﺘﻲ ﻓﻴﻪ .. ﻭﻫﻮ ﻗﻌﺪ ﻳﻤﺎﻃﻞ ﻭﻧﺎﻭﻱ ﻳﻌﻠﻘﻚ ... ﺍﺭﺗﺤﺘﻲ "... ﻳﻒﺗﺮﺵ "
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻣﻌﺎﻭﻳﻪ " ﺷﻜﻠﻬﺎ ﻣﺎﺗﺒﻴﺶ ﺗﺤﻜﻲ ﻓﻲ ﺍﻟﻤﻮﺿﻮﻉ :" ﺍﺳﻒ ﻟﻮ ﺿﺎﻳﻘﺘﻚ ..
ﺣﻨﺎﻥ ﺍﺑﺘﺴﻤﺖ : ﻻ ﺃﺑﺪﺍ .. ﻋﺎﺩﻱ ... ﺍﻥﺕ ﻛﻴﻒ ﺣﺎﻟﻚ ..
ﻣﻌﺎﻭﻳﻪ ﺍﺑﺘﺴﻢ : ﺍﻧﻲ ﻋﺎﻝ ﺍﻟﻌﺎﻝ ﻭﺍﻟﺤﻤﺪ ﻟﻠﻪ ﻣﻬﺎ ﻛﺎﺗﻤﻪ ﻉ ﻧﻔﺴﻲ ... ﻭﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻭﻫﻲ ﻓﺠﺮﺗﻲ ﻛﺎﻥ ﻣﺶ ﻣﻌﺎﻫﺎ ﺗﺘﺼﻞ .. ﺭﻥ ﺗﻠﻴﻔﻮﻧﻪ ... ﺍﺷﺮ ﺑﺴﺒﺎﺑﺘﻪ ﻋﻠﻴﻪ .. ﺍﻫﺎ ..
ﺣﻨﺎﻥ ﺑﻀﺤﻜﻪ : ﺭﺑﻲ ﻳﺨﻠﻴﻬﺎﻟﻚ ...
ﻣﻌﺎﻭﻳﻪ " ﻭﻳﺨﻠﻴﻚ ﻟﻴﺎ :" ﻭﻳﺨﻠﻴﻠﻚ ﺑﻨﺎﺗﻚ .. ﺭﺩ ﻋﻠﻰ ﻣﻬﺎ ... ﻭﻋﻠﻴﻜﻢ ﺍﻟﺴﻼﻡ ...... ﺍﻳﻪ .... ﻭﺍﻟﻠﻪ ﺍﻟﻌﻈﻴﻢ ﻧﻌﻄﻴﻚ ﺃﻳﻤﻦ ﺃﺳﺄﻟﻴﻪ ... ﻫﻬﻬﻬﻬﻪ
ﻩ ... ﺍﻳﻪ ...... ﺗﻢﺍﻡ ......3 ﺑﺎﻫﻲ ..... ﺣﻂ ﺍﻳﺪﻩ ﻉ ﺭﺍﺳﻪ ... ﺍﻣﺮﻙ ﻳﺎﺳﺘﻲ ..
ﺣﻨﺎﻥ ﻛﺎﻧﺖ ﺗﺘﺄﻣﻞ ﻓﻴﻪ ﻭﻗﻠﺒﻬﺎ ﻳﺪﻕ ﺑﻘﻮﺓ ﺟﺬﺍﺏ ﻫﻠﺒﻪ ﺗﺤﺪﻳﺪﺍ ﺑﻌﺪ ﻃﻮﻝ ﺷﻌﺮﻩ ﺷﻮﻳﻪ ﻭﺑﺎﺭﺯ ﻓﻴﻪ ﺍﻟﺸﻴﺐ ... ﺣﺮﻛﺎﺗﻪ ﻧﺒﺮﺓ ﺻﻮﺗﻪ ﺍﻟﻤﻤﻴﺰﺓ ﺍﺳﻠﻮﺑﻪ ﻓﻲ ﺍﻟﻜﻼﻡ ﺍﻱ ﺣﺪ ﻏﺼﺐ ﻋﻨﻪ ﻳﻨﺸﺪﻟﻪ .. ﻭﻟﻤﺎ ﻳﻀﺤﻚ ﺣﻜﺎﻳﻪ ﺗﺎﻧﻴﻪ ..
ﻣﻌﺎﻭﻳﻪ : ﺷﻮﻳﻪ ﺗﺎﻧﻴﻪ ..... ﺗﻤﺎﻡ ........ ﺣﺘﻰ ﺍﻧﺘﻲ ﺭﺩﻱ ﺑﺎﻟﻚ ﻉ ﺭﻭﺣﻚ ... ﻭﻋﻠﻴﻜﻢ ﺍﻟﺴﻼﻡ .... ﺻﻜﺮ ﻭﺷﺒﺤﻠﻬﺎ ﻭﻛﺎﻥ ﻳﻀﺤﻚ ﺑﺲ ﺿﺤﻜﺘﻪ ﺗﻼﺷﺖ ﻟﻤﺎ ﺷﺎﻑ ﻧﻈﺮﺗﻬﺎ ﻟﻴﻪ .. ﻣﻌﺎﺵ ﻋﺮﻑ ﺷﻦ ﻳﺪﻳﺮ ﻗﻌﺪ ﺍﺳﻴﺮ ﻫﺎﻟﻨﻈﺮﺓ ﻭﻻﻗﺪﺭ ﻳﺘﺤﺮﻙ ﻭﻻﻳﺘﻜﻠﻢ ..
ﺣﻨﺎﻥ ﺍﺳﺘﺎﻗﻀﺖ ﻉ ﺭﻭﺣﻬﺎ ﻏﻴﺮﺕ ﻋﻴﻮﻧﻬﺎ ﻭﺷﺒﺤﺖ ﻟﺸﻨﺘﻄﻬﺎ ﺍﻟﻠﻲ ﺷﺪﺗﻬﺎ ﺑﺄﻳﺪﻳﻬﺎ ﺍﻟﺰﻭﺯ ﺑﺎﻟﻘﻮﺓ ...
ﻣﻌﺎﻭﻳﻪ ﺍﺑﺘﺴﻢ ﻭﺟﻬﻪ ﺍﺣﻤﺮ ﻣﺮﺭ ﺍﺻﺎﺑﻊ ﺍﻳﺪﻳﻪ ﻉ ﺷﻌﺮﻩ ﻭﻣﺴﺢ ﻉ ﻟﺤﻴﺘﻪ ﻭﺷﺪ ﺫﻗﻨﻪ ﺷﻮﻳﻪ .. ﺑﻌﺪﻳﻦ ﺷﺒﺢ ﻟﻠﻮﺭﺩ : ﺷﻜﺮﺍ ..
ﺣﻨﺎﻥ ﻭﻋﻴﻮﻧﻬﺎ ﻟﻮﻃﺎ : ﻉ ﺷﻨﻮ ..
ﻣﻌﺎﻭﻳﻪ : ﻉ ﺭﻓﻘﺔ ﺍﻟﺤﻠﻮﺓ ﺍﻟﻠﻲ ﺟﺒﺘﻬﺎﻟﻲ ﻣﻦ ﺍﺳﺒﻮﻉ .. ﺗﻮﻧﺴﺖ ﺑﻴﻬﻢ ..
ﺷﺒﺤﺖ ﻟﻠﻤﺰﻫﺮﻳﻪ : ﻳﺒﺴﻮﺍ .. ﺧﻴﺮﻙ ﻣﺎﺟﺒﺘﺶ ﻏﻴﺮﻫﻢ ..
ﻣﻌﺎﻭﻳﻪ ﻭﻫﻮ ﻳﺸﺒﺤﻠﻬﺎ : ﻣﺎﻗﺪﺭﺗﺶ ..
ﺣﻨﺎﻥ ﺷﺒﺤﺘﻠﻪ : ﻋﻼﺵ ..
ﻣﻌﺎﻭﻳﻪ ﺍﺑﺘﺴﻢ : ﺍﻧﺘﻲ ﺟﺒﺘﻴﻬﻢ ﻣﺎﻃﺎﻭﻋﻨﻴﺶ ﻧﺤﻮﻟﻬﻢ ".. ﻗﺼﺪﻩ ﻗﻠﺒﻪ "
ﺣﻨﺎﻥ ﺣﺴﺖ ﺇﻥ ﺍﻟﻮﺿﻊ ﺣﻴﻄﻠﻊ ﻉ ﺍﻟﺴﻴﻄﺮﺓ ﻭﺍﻹﻧﺴﺤﺎﺏ ﺍﺣﺴﻦ ﺣﻞ ﻧﺎﺿﺖ : ﺍﺣﻤﻢ .. ﺑﺎﻫﻲ ... ﺗﻮﺍ ﻻﺯﻡ ﻧﻤﺸﻲ ﻭﻏﺪﻭﺓ ﺇﻥ ﺷﺎﺀ ﺍﻟﻠﻪ ﻧﻜﻮﻥ ﻣﻊ ﺍﻟﺒﺶ ﻣﻬﻨﺪﺱ ﻓﻲ ﺍﻟﻤﻮﻗﻊ ..
ﻣﻌﺎﻭﻳﻪ ﻧﺎﺽ : ﺗﻤﺎﻡ ... ﻧﺸﻮﻓﻚ ﻏﺪﻭﺓ ﺇﻥ ﺷﺎﺀ ﺍﻟﻠﻪ ...
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ... ﻭﻟﻔﺖ ﻭﻣﺸﺖ ﻭﻫﻲ ﻣﻠﺨﺒﻄﻪ ﻉ ﺍﻵﺧﺮ ﻭﺣﺎﻟﺘﻬﺎ ﺣﺎﻟﻪ ﻓﺘﺤﺖ ﺍﻟﺒﺎﺏ ﺍﻟﺘﻔﺘﺖ ﺷﺎﻓﺘﻠﻪ ﻟﻘﺎﺗﻪ ﻳﺸﺒﺤﻠﻬﺎ .. ﻓﻴﺴﻊ ﻣﺎﻃﻠﻌﺖ ﻭﺳﻜﺮﺕ ﺍﻟﺒﺎﺏ ..
ﻣﻌﺎﻭﻳﻪ ﻗﻌﻤﺰ ﻭﻫﻮ ﻳﻀﺤﻚ ﺣﻂ ﺍﻳﺪﻳﻪ ﻭﺭﺍ ﺭﺍﺳﻪ ﻭﺍﺗﻜﻲ ﻉ ﺍﻟﻜﺮﺳﻲ : ﻣﺤﻼﻫﺎ ﻣﺤﻼﻫﺎ .... ﺁﺍﺍﺍﻩ ﻳﺎﺭﺑﻲ ﻧﺒﻴﻬﺎ .. ﻫﻬﻬﻬﻬﻪ ... ﻗﻌﻤﺰ ﻛﻮﻳﺲ ﻉ ﺍﻟﻤﻜﺘﺐ .. ﻭﻟﻴﺖ ﺯﻱ ﺍﻟﻤﺮﺍﻫﻘﻴﻦ ... ﺷﺒﺢ ﻟﻠﺘﻘﻮﻳﻢ .. ﻏﺪﻭﺓ ﺗﺼﻜﺮ 50 ﻳﺎﻣﻌﺎﻭﻳﻪ ﺍﺭﺯﻥ .... ﻫﻬﻬﻬﻬﻪ ..
ﺍﻣﺎ ﻫﻲ ﻓﻄﻮﻝ ﺍﺗﺼﻠﺖ ﺑﻨﻴﺮﻭﺯ : ﺍﻟﺴﻼﻡ ﻋﻠﻴﻜﻢ ... ﻧﻴﺮﻭﺯ ﺳﻴﺒﻲ ﺍﻟﻠﻲ ﻓﻴﺪﻙ ﻧﺒﻴﻚ ﺿﺮﻭﺭﻱ ﺑﺮﻱ ﻟﻠﻤﻜﺎﻥ ﺍﻟﻠﻲ ﻧﺘﻼﻗﻮﺍ ﻓﻴﻪ ... ﺍﻳﻪ ... ﻣﺎﻑﻱ ﺷﻲ ﻳﺎﺑﻨﺘﻲ ﺧﻴﺮﻙ .. ﺑﺎﻫﻲ ... ﻫﻪﻫﻬﻬﻪ ﺑﺎﻫﻲ ﻳﺎﻓﺠﻌﺎﻧﻪ ..... ﻭﻉﻟﻴﻜﻢ ﺍﻟﺴﻼﻡ ... ﺻﻜﺮﺕ ﻭﻫﻲ ﻣﺎﺷﻴﻪ ﺗﻼﻗﺖ ﻣﻊ ﻧﺠﻼﺀ ﻣﺎﺷﻴﻪ ﻟﻤﻜﺘﺐ ﺇﻗﺒﺎﻝ ...
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﻧﺠﻼﺀ : ﻭﻋﻠﻴﻜﻢ ﺍﻟﺴﻼﻡ .... ﺣﻨﺎﻥ ﻛﻤﻠﺖ ﻃﺮﻳﻘﻬﺎ ﻭﻧﺠﻼﺀ ﺗﺸﻮﻓﻠﻬﺎ ﺑﻌﺪﻳﻦ ﺧﺸﺖ ﻟﻤﻜﺘﺐ ﺇﻗﺒﺎﻝ ..
***
ﺍﻧﻲ ﺍﻟﺒﻨﺖ ﻫﺎﺩﻱ ﺻﻜﺮﺕ ﺭﺍﺳﻲ ﻋﻠﻴﻬﺎ ﻣﻌﺎﺵ ﻗﺪﺭﺕ ﻧﻘﺮﺏ ﺑﻨﺖ ﻳﺎﺭﺍﺟﻞ ... ﻧﺒﻴﻬﺎ ﻳﺎﺑﺪﺭ ﺟﻴﺒﻬﺎﻟﻲ ﺑﺮﺟﻠﻴﻬﺎ ..
ﺑﺪﺭ ﺧﻼﻝ ﺍﻟﻔﺘﺮﺓ ﺍﻟﻠﻲ ﻓﺎﺗﺖ ﻛﺎﻥ ﻳﺮﺍﻗﺐ ﻓﻲ ﻟﺒﻨﻰ ﺣﺴﻬﺎ ﺑﻨﺖ ﻧﻈﻴﻔﻪ ﻭﻛﻮﻳﺴﻪ ﻋﻜﺲ ﻣﺎﻛﺎﻥ ﻓﺒﺎﻟﻪ ﺑﺎﻟﺬﺍﺕ ﻓﺘﻌﺎﻣﻠﻬﺎ ﻣﻊ ﻋﺰ ﺍﻟﺪﻳﻦ ﻭﻛﻴﻒ ﻏﻴﺮﺕ ﻓﻴﻪ ... ﻹﻧﻪ ﺣﺘﻰ ﻫﻮ ﺗﻌﺮﻑ ﻋﻠﻴﻪ ﻭﻗﺮﺑﻠﻪ ﻭﻻﺣﻆ ﺗﺄﺛﻴﺮﻫﺎ ﻋﻠﻴﻪ ...
ﺑﺪﺭ : ﺗﻮ ﻧﺠﻴﻬﺎﻟﻚ .. ﺑﺪﻭﻥ ﻣﺎﺗﺘﻬﻮﺭ ﻭﺍﺩﻳﺮ ﺣﺮﻛﻪ ﻋﺒﻴﻄﻪ .. ﺍﻧﺖ ﺧﻠﻴﻬﺎ ﻋﻠﻴﺎ ﻭﻋﻄﻴﻨﻲ ﺷﻮﻳﻪ ﻭﻗﺖ ...
ﻗﺘﻴﺒﻪ ﻗﻌﺪ ﻳﻬﺰ ﻓﻲ ﺭﺟﻠﻪ ﺑﻌﺼﺒﻴﻪ ﻭﺳﺎﻛﺖ ...
ﺑﺪﺭ ﺣﻂ ﺍﻳﺪﻩ ﻉ ﺭﺟﻠﻪ : ﺭﺩ ﺑﺎﻟﻚ ﻧﻌﺮﻓﻚ ﻣﺶ ﻣﺘﺎﻉ ﺩﻭﺷﻪ ﻭﻫﺒﺎﻝ ..
ﻗﺘﻴﺒﻪ : ﺍﻭﻛﻲ ... ﺧﻮﺩ ﻭﻗﺘﻚ ... ﻟﻜﻦ ﺣﺎﻭﻝ ﺗﺠﻴﺒﻬﺎﻟﻲ ﻓﻲ ﺍﻗﺮﺏ ﻭﻗﺖ ..
ﺑﺪﺭ : ﺗﻢ ...
***
ﺍﻃﻤﻦ ﺩﻭﺍﻫﺎ ﻋﻨﺪﻱ ..
: ﺍﻧﻲ ﻛﻨﺖ ﻧﻘﺪﺭ ﻧﺘﺼﺮﻑ ﺑﻄﺮﻳﻘﻪ ﺗﺎﻧﻴﻪ .. ﺑﺲ ﺭﺍﻋﻴﺖ ﻛﻮﻧﻬﺎ ﺍﻡ ﻭﻟﺪﻙ ﻳﺎﺩﻛﺘﻮﺭ .. ﻗﻮﻟﻠﻬﺎ ﺗﻌﻘﻞ ... ﺗﺤﻂ ﻋﻘﻠﻬﺎ ﻓﻲ ﺭﺍﺳﻬﺎ ﺧﻴﺮ ﻣﺎﻧﺤﻄﻠﻬﺎ ﻓﻴﻪ ﺭﺻﺎﺻﻪ ...
ﺇﻟﻴﺎﺱ : ﻻﻻﺍ ... ﻛﻮﻥ ﻫﺎﻧﻲ ﻗﺘﻠﻚ ﺩﻭﺍﻫﺎ ﻋﻨﺪﻱ ... ﻧﻌﺮﻑ ﻛﻴﻒ ﻧﺨﻠﻴﻬﺎ ﺗﺴﻴﺐ ﺍﻟﻘﻀﻴﻪ ﺑﻄﻴﺐ ﺧﺎﻃﺮ ..
: ﻧﺴﺘﻨﻰ ﻭﻧﺸﻮﻑ ﺷﻦ ﻳﻄﻠﻊ ﺑﻴﺪﻙ ..
ﺇﻟﻴﺎﺱ : ﺣﺘﺴﻤﻊ ﺍﻟﻠﻲ ﻳﺴﺮﻙ ..
***
ﻧﻴﺮﻭﺯ ﺑﻀﺤﻜﻪ : ﻳﺎﺑﻨﺘﻲ ﺧﻴﺮﻙ ﺍﻫﺪﻱ ..
ﺣﻨﺎﻥ : ﻛﻴﻒ ﻧﻬﺪﺍ ... ﻣﺎﻓﻬﻤﺘﺶ ﺷﻦ ﺻﺎﺭﻟﻲ .. ﻧﺴﻴﺖ ﺍﻧﻲ ﻗﺎﻋﺪﻩ ﻓﻲ ﺍﻟﻌﺪﺓ ...
ﻧﻴﺮﻭﺯ ﺍﺑﺘﺴﻤﺖ : ﻭﺑﻌﺪ ﺍﻟﻌﺪﺓ ..
ﺣﻨﺎﻥ ﺑﺮﺑﻜﻪ : ﺷﻨﻮ ﺑﻌﺪ ﺍﻟﻌﺪﺓ ..!!
ﻧﻴﺮﻭﺯ : ﺣﻨﻮﻧﻲ ...
ﺣﻨﺎﻥ ﺷﺒﺤﺘﻠﻬﺎ ..
ﻧﻴﺮﻭﺯ : ﺗﺤﺒﻴﻪ؟ !
ﺍﻟﻜﻠﻤﻪ ﻛﻬﺮﺑﺖ ﺣﻨﺎﻥ ﻏﻴﺮﺕ ﻟﻮﻥ ﻭﺟﻬﻬﺎ ﻭﻋﻘﺪﺕ ﻟﺴﺎﻧﻬﺎ .. ﻭﺧﻠﺖ ﺍﻟﺪﻣﻮﻉ ﻳﻌﺒﻮﺍ ﻋﻴﻮﻧﻬﺎ ...
ﻧﻴﺮﻭﺯ ﺍﺑﺘﺴﻤﺖ : ﺣﺘﻰ ﻫﻮ ﻉ ﺍﻟﻔﻜﺮﻩ .. ﻭﻫﻠﺒﻪ ﻫﻠﺒﺎﺕ ..
ﺣﻨﺎﻥ ﺣﻄﺖ ﺍﻳﺪﻫﺎ ﻉ ﻭﺟﻬﻬﺎ : ﺑﻌﺪ ﻫﺎﻟﻌﻤﺮ ..
ﻧﻴﺮﻭﺯ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻪ .. ﺍﻳﻪ ﻣﺎﻩ ﺣﻀﺮﺗﻚ ﺳﺒﻌﻴﻨﻴﻪ ..
ﺣﻨﺎﻥ : ﻧﻴﺮﻭﺯ ﻣﺎﺗﺘﺴﻬﻮﻛﻴﺶ .. ﺍﻧﻲ ﻣﺮﺍﺓ ﻣﻄﻠﻘﻪ ﻭﺑﻨﺎﺗﻲ ﺍﻃﻮﻝ ﻣﻨﻲ .. ﻛﻴﻒ ﻧﻔﻜﺮ ﻓﻲ ﺣﺎﺟﻪ ﺯﻱ ﻫﺎﺩﻱ ..
ﻧﻴﺮﻭﺯ : ﺷﻦ ﺍﻟﺘﻔﻜﻴﺮ ﺍﻟﻤﺘﺨﻠﻒ ﻫﺬﺍ ﻣﻦ ﺍﻣﺘﻰ ﺗﻔﻜﺮﻱ ﻫﻜﻲ ﺍﻧﺘﻲ ..
ﺣﻨﺎﻥ ﻭﻃﺘﺖ ﺭﺍﺳﻬﺎ ﻭﺳﻜﺘﺖ ..
ﻧﻴﺮﻭﺯ : ﻉ ﺍﻟﻌﻤﻮﻡ ﺍﻟﺨﺘﺮﻓﻪ ﺍﻟﻠﻲ ﻗﻠﺘﻴﻬﺎ ﺍﻧﺘﻲ ﻧﻔﺴﻚ ﻣﺶ ﻣﻘﺘﻨﻌﻪ ﺑﻴﻬﺎ .. ﻣﺸﻜﻠﺘﻚ ﻣﺶ ﻣﺼﺪﻗﻪ ﺍﻧﻚ ﺣﺒﻴﺘﻲ ﻣﺮﺓ ﺗﺎﻧﻴﻪ ... ﻭﺍﻟﺤﺐ ﻫﺬﺍ ﺍﻗﻮﻯ ﺑﻬﻠﺒﻪ ﻣﻦ ﺍﻟﻠﻲ ﻛﺎﻥ ﻗﺒﻠﻪ .. ﺑﺪﻟﻴﻞ ﺣﺎﻟﺘﻚ ﻫﺎﺩﻱ ..
ﺣﻨﺎﻥ ﺷﺒﺤﺘﻠﻬﺎ : ﺻﺢ ﻣﺎﺣﺴﺘﺶ ﺑﺎﻟﻠﻲ ﻧﺤﺲ ﺑﻴﻪ ﺗﻮﺍ ﺑﻤﺎ ﺣﺒﻴﺖ ﻧﻀﺎﻝ ..
ﻧﻴﺮﻭﺯ : ﺑﻌﺪ ﺍﻟﻌﺪﺓ ..
ﺣﻨﺎﻥ ﺑﻀﺠﺮ : ﺷﻦ ﻓﻲ ﺑﻌﺪ ﺍﻟﻌﺪﻩ ﻳﺎﻭﺩﻱ ..
ﻧﻴﺮﻭﺯ : ﻟﻮ ﻋﺮﺽ ﻋﻠﻴﻚ ﺍﻟﺰﻭﺍﺝ ..
ﺣﻨﺎﻥ : ﻫﻴﻴﻴﻴﻴﻴﻴﻴﻴﻴﻴﻴﻲ .. ﺣﻲ ﻋﻠﻴﺎ ... ﺑﻌﺪﻳﻦ ﺷﺒﺤﺖ ﺣﻮﺍﻟﻴﻬﺎ ﻭﺍﻧﺤﺮﺟﺖ ..
ﻧﻴﺮﻭﺯ : ﻫﻬﻬﻬﻬﻬﻬﻬﻪ ...
ﺣﻨﺎﻥ : ﺍﺿﺤﻜﻲ ﻳﺎﺑﺎﺭﺩﺓ ﺧﺰﻱ ﻋﻠﻴﻚ ..
ﻧﻴﺮﻭﺯ ﺑﻀﺤﻜﻪ : ﺑﺎﻩ ﺍﻃﻠﺒﻴﻠﻲ ﺟﻌﺎﻧﻪ ..
ﺣﻨﺎﻥ ﺷﺒﺤﺘﻠﻬﺎ ﺑﻨﺺ ﻋﻴﻦ ﻭﺍﺷﺮﺕ ﻟﻠﻘﺮﺳﻮﻥ ﻳﺠﻴﻬﻢ .. ﻭﻧﻴﺮﻭﺯ ﺗﻀﺤﻚ ﻭﺧﻼﺹ ...
***
ﻓﻲ ﺍﻟﻠﻴﻞ ...
ﻛﺎﻧﺖ ﻓﻲ ﻗﻠﻮﺏ ﺳﻬﺮﺍﻧﻪ ﻭﺳﻬﺮﺕ ﺻﺤﺎﺑﻬﺎ ...
ﻋﺰ ﺍﻟﺪﻳﻦ ﺍﻟﻠﻲ ﻗﺎﻋﺪ ﻳﺴﺘﻌﺪ ﻟﻤﻨﺎﻗﺸﻪ ﺍﻟﺒﺤﺚ ﻗﺪﺍﻡ ﺍﻟﻄﻠﺒﻪ .. ﻭﻛﻞ ﻣﺎﻳﺬﻛﺮ ﻟﺒﻨﻰ ﻭﻛﻼﻣﻬﺎ ﻳﺘﺤﻤﺲ ﺍﻛﺜﺮ ﻭﺍﻛﺜﺮ ﻭﻳﺘﺸﺠﻊ ﻭﻛﻞ ﻫﻤﻪ ﺍﻧﻪ ﻳﻐﻴﺮ ﻧﻔﺴﻪ ﻉ ﺧﺎﻃﺮﻫﺎ ...
ﻟﺒﻨﻰ ﺑﺪﻱ ﺑﺪﺭ ﺷﺎﻏﻞ ﺑﺎﻟﻬﺎ ﻭﺍﻟﺤﺪﻳﺚ ﺍﻟﻠﻲ ﺳﻤﻌﺎﺗﻪ ﺑﻴﻨﻪ ﻭﺑﻴﻦ ﺻﺎﺣﺒﻪ ﻣﺎﻗﺪﺭﺗﺶ ﺗﻨﺴﺎﻩ ... ﻭﺯﺍﺩ ﺍﻟﻴﻮﻡ ﻟﻤﺎ ﺷﺎﻓﺎﺗﻪ ﻭﺍﻗﻒ ﻉ ﻋﺰ ﺍﻟﺪﻳﻦ ﻭﻳﻬﺪﺭﺯ ﻋﻠﻴﻪ .. ﻭﺍﺫﻛﺮﺕ ﻛﻴﻒ ﺩﺍﻓﻊ ﻋﻨﻪ ﻭﻗﺘﻬﺎ .. ﺣﺎﺳﻪ ﺭﻭﺣﻬﺎ ﻣﻨﺠﺬﺑﻪ ﻟﻴﻪ ﺧﺼﻮﺻﺎ ﺍﻧﻪ ﻃﻮﻝ ﻫﺎﻟﻔﺘﺮﺓ ﻣﺎﺟﺎﺵ ﺟﻴﺘﻬﺎ ﻭﻟﻮ ﺑﻨﻈﺮﺓ ..
ﻫﻮ ﻣﺸﻐﻮﻝ ﺑﺎﻟﻪ ﻋﻠﻴﻬﺎ ﻣﺎﻳﺒﻴﺶ . ﻗﺘﻴﺒﻪ ﻳﻀﺮﻫﺎ ﻭﻳﻔﻜﺮ ﻛﻴﻒ ﻳﺤﻤﻴﻬﺎ ﻣﻨﻪ ﻹﻧﻬﺎ ﻣﺎﺗﺴﺘﺎﻫﻠﺶ ..
ﻣﻌﺎﻭﻳﻪ ﻭﺍﻗﻒ ﺑﺮﺍ ﻭﻳﺘﺄﻣﻞ ﻓﻲ ﺍﻟﻨﺠﻮ?
