# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ _ ﺍﻟﺜﺎﻣﻦ
ﻛﺎﻥ ﻳﺪﻭﺵ .. ﻭﻫﻲ ﻣﻘﻌﻤﺰﺓ ﺗﺸﺮﺏ ﻓﻲ ﻗﻬﻮﺗﻬﺎ .. ﺷﺒﺤﺖ ﻟﺘﻠﻴﻔﻮﻧﻪ ﻭﺟﺎﻫﺎ ﻓﻀﻮﻝ ﺗﺸﻮﻑ ﺻﻮﺭﺓ ﺍﻟﻮﺍﺟﻬﻪ .. ﺧﺪﺕ ﺍﻟﺘﻠﻴﻔﻮﻥ ﻛﺎﻧﺖ ﺻﻮﺭﺓ ﺑﻨﺎﺗﻪ ﺍﻟﺰﻭﺯ ﺍﺑﺘﺴﻤﺖ ﻟﻤﺎ ﺷﺎﻓﺘﻬﻢ ﻭﻗﺎﻟﺖ " ﺣﻠﻮﺍﺕ ﺯﻱ ﺑﻮﻫﻢ " .. ﺿﺤﻜﺖ ...
ﻓﻀﻮﻟﻬﺎ ﺩﻓﻌﻬﺎ ﺍﻧﻬﺎ ﺗﺨﺶ ﻉ ﺍﻹﺳﺘﺪﻳﻮ ﺑﻌﺪ ﺃﻛﺘﺸﻔﺖ ﺇﻥ ﻧﻀﺎﻝ ﻣﺶ ﻣﺪﺍﻳﺮ ﺭﻣﺰ ﺳﺮﻱ ﻟﺘﻠﻴﻔﻮﻧﻪ ... ﻗﻌﺪﺕ ﺗﺸﻮﻑ ﻟﻠﺼﻮﺭ ﺃﻏﻠﺒﻬﻢ ﻟﺒﻨﺎﺗﻪ ﻣﻌﺎﻩ ... ﻭﻗﻔﺖ ﻋﻨﺪ ﺻﻮﺭﺓ ﻟﻤﺮﺍﺓ ﺣﻠﻮﺓ ﻫﻠﺒﻪ ﻣﺤﺠﺒﻪ ﻣﻘﻌﻤﺰﻩ ﻉ ﻛﺮﺳﻲ ﻭﻗﺪﺍﻣﻬﺎ ﻃﺎﻭﻟﻪ ﻓﻮﻗﻬﺎ ﻻﺏ ﺗﻮﺏ .. ﻭﻓﻴﺪﻫﺎ ﻭﺭﺩﺓ ﺗﻮﻟﻴﺐ ﺗﺸﻢ ﻓﻴﻬﺎ ﻭﻣﺒﺘﺴﻤﻪ ﻟﻠﻜﺎﻣﻴﺮﺍ ... ﻓﺎﺗﺢﻩ ﻋﻴﻮﻧﻬﺎ ﺑﺪﻫﺸﻪ .. ﻭﺣﺴﺖ ﺭﻭﺣﻬﺎ ﺑﺪﺕ ﺗﻐﻠﻲ .. ﻏﺎﺭﺕ ﻣﻨﻬﺎ ﻭﺧﺎﻓﺖ ﻭﻓﻲ ﻧﻔﺲ ﺍﻟﻮﻗﺖ ﺍﺳﺘﻐﺮﺑﺖ ﻛﻴﻒ ﻧﻀﺎﻝ ﻓﺮﻁ ﻓﻴﻬﺎ ... ﺑﺲ ﺛﻘﺘﻬﺎ ﻓﻲ ﻧﻔﺴﻬﺎ ﻣﺎﺧﻠﺘﻬﺎﺵ ﺗﻔﻜﺮ ﻫﻜﻲ ﻫﻠﺒﻪ .. ﻗﺎﻟﺖ ﻟﻨﻔﺴﻬﺎ " ﺍﻟﻤﻬﻢ ﺍﻟﻌﻘﻠﻴﻪ ﻭﺍﻟﺘﻔﻜﻴﺮ ﻣﺶ ﺍﻟﺸﻜﻞ ﺍﻟﺨﺎﺭﺟﻲ ﻭﻫﻮ ﻫﺬﺍ ﺍﻟﻠﻲ ﻳﻤﻴﺰﻧﻲ ﻋﻨﻬﺎ ..."
ﺳﻤﻌﺖ ﺻﻮﺗﻪ ﺑﻴﻔﺘﺢ ﺍﻟﺤﻤﺎﻡ ﺣﻄﺖ ﺍﻟﺘﻠﻴﻔﻮﻥ ﺑﺴﺮﻋﻪ ﺑﻌﺪ ﻃﻠﻌﺖ ﻣﻦ ﺍﻷﺳﺘﺪﻳﻮ .. ﻭﺩﺍﺭﺕ ﺭﻭﺣﻬﺎ ﻻﻫﻴﻪ ﺑﻘﻬﻮﺗﻬﺎ ... ﻫﻮ ﺍﺑﺘﺴﻢ ﻭﻗﺎﻝ ...
ﻧﻀﺎﻝ : ﺁﺍﺍﺍﺍﺍﻩ ﺣﺎﺱ ﺍﻥ ﻛﻞ ﺷﻲ ﻣﺨﺘﻠﻒ .. ﻭﺣﻠﻮ ..
ﻳﺎﺭﺍ ﺣﻄﺖ ﻗﻬﻮﺗﻬﺎ ﻭﻧﺎﺿﺖ ﻗﺮﺑﺖ ﻣﻨﻪ : ﺍﻛﻴﺪ ﻣﻌﺎﻱ ﺣﻴﻜﻮﻥ ﻛﻞ ﺷﻲ ﺣﻠﻮ ﻭﻣﺨﺘﻠﻒ ... ﻭﻟﻔﺖ ﺍﻳﺪﻫﺎ ﻉ ﺭﻗﺒﺘﻪ ...
ﻫﻮ ﺭﻓﻊ ﺣﺎﺟﺒﻪ ﺍﻟﻴﺴﺎﺭ ﻭﻗﺎﻝ : ﺍﻣﻤﻤﻢ .... ﺍﺑﺘﺴﻢ ﺑﻤﻜﺮ ... ﺗﻌﺎﻟﻲ ... ﻭﺧﺪﺍﻫﺎ ﻓﺤﻀﻨﻪ ﻭﻫﻲ ﺗﻀﺤﻚ ... ﻭﻋﺎﺷﻮﺍ ﺟﻮ ﻛﻞ ﺍﻟﻌﺮﺳﺎﻥ
***
ﺭﻓﻌﻮﺍ ﺑﻀﺎﻋﺘﻬﻢ ﻭﻃﻠﻌﻮﺍ ﻟﻠﺴﻴﺎﺭﻩ ﻭﻗﺮﺭﺕ ﺣﻨﺎﻥ ﻫﻲ ﺍﻟﻠﻲ ﺗﺴﻮﻕ ﻫﺎﻟﻤﺮﻩ ...
ﻓﻲ ﺍﻟﺴﻴﺎﺭﻩ ...
ﺭﻫﻒ : ﺑﺮﻏﻢ ﺍﻥ ﺍﻟﺠﻮ ﺻﺎﻓﻲ ﺑﺲ ﺻﻘﻊ ..
ﺣﻨﺎﻥ : ﻻﺑﺴﻴﻦ ﻛﻮﻳﺲ ﻭﻻ؟ !
ﻟﺒﻨﻰ ﺑﻀﺤﻜﻪ : ﻣﺎﻣﺎ ﻫﺎﺩﻱ ﺍﻟﻤﺮﺓ ﺍﻟﻌﺎﺷﺮﻩ ﺍﻟﻠﻲ ﺗﺴﺄﻟﻲ ﻓﻴﻬﺎ ﻫﺎﻟﺴﺆﺍﻝ ..
ﺣﻨﺎﻥ ﺑﻀﺤﻜﻪ : ﺣﺴﻴﺖ ﺍﻟﺠﻮ ﻣﺼﻘﻊ ﻫﻠﺒﻪ ...
ﺭﻫﻒ : ﻻﻻﻣﺶ ﻫﻠﺒﻪ .. ﺍﻧﺖ ﺍﻟﻠﻲ ﺍﻫﻢ ﺷﻲ ﺗﻜﻮﻧﻲ ﻻﺑﺴﻪ ﻛﻮﻳﺲ ﻷﻧﻚ ﻗﺎﻋﺪﻩ ﻣﺮﻳﻀﻪ ..
ﺣﻨﺎﻥ : ﻻ ﺍﻟﺤﻤﺪ ﻟﻠﻪ ﻻﻣﺮﻳﻀﻪ ﻻﺳﻮ .. ﺻﺤﺘﻲ ﻛﻮﻳﺴﻪ ... ﻫﻴﺎ ﺧﻼﺹ ﻣﻌﺎﺵ ﺗﺸﻐﻠﻮﻧﻲ ﺧﻠﻮﻧﻲ ﻧﺴﻮﻕ ﺑﺘﺮﻛﻴﺰ ...
ﺿﺤﻜﻮﺍ ﺍﻟﺰﻭﺯ ...
ﺍﻣﺎ ﺣﻨﺎﻥ ﻓﻜﺎﻧﺖ ﻣﺘﻮﺗﺮﻩ ﻣﻦ ﺍﻟﻤﻮﻗﻒ ﺍﻟﻠﻲ ﺑﻴﺼﻴﺮ ﺑﻌﺪ ﺷﻮﻱ .. ﻛﻴﻒ ﺑﺪﻳﺮ ﺑﺶ ﺗﺤﺘﻮﻱ ﺑﻨﺎﺗﻬﺎ ﺑﻌﺪ ﻣﺎﻳﻌﺮﻓﻮﺍ ...
ﻭﺻﻠﻮﺍ ﻟﻠﻤﻜﺎﻥ ﺍﻟﻠﻲ ﻗﺎﻟﺖ ﻋﻠﻴﻪ ... ﻛﺎﻥ ﺣﻠﻮ ﻭﻧﻈﻴﻒ ﻭﺧﻀﺮﺓ ﻓﻴﻪ .. ﻋﺠﺐ ﺍﻟﺒﻨﺎﺕ ﻧﺰﻟﻮﺍ ﻭﻧﺰﻟﻮﺍ ﺑﻀﺎﻋﺘﻬﻢ ... ﻭﺗﻮﺟﻬﻮﺍ ﻟﺸﺠﺮﻩ .. ﻓﺮﺷﻮﺍ ﺷﺮﺷﺎﻑ ﺗﺤﺘﻬﺎ ﻭﻣﺨﺎﺩ .. ﺯﻱ ﺍﻟﺠﻠﺴﺎﺕ ﺍﻟﺒﺴﻴﻄﻪ ﺍﻟﻠﻲ ﻳﺨﺪﻣﻮﺍ ﻓﻴﻬﻢ ﻟﻠﺰﺭﺍﺩﻱ ... ﺃﻛﻴﺪ ﺯﺑﻄﻮﻫﻢ
ﺍﻟﻤﻬﻢ ﻗﻌﻤﺰﻭﺍ ﺑﻌﺪ ﺣﻄﻮﺍ ﻓﻄﻮﺭﻫﻢ ...
ﺑﺪﻭﺍ ﻳﻔﻄﺮﻭﺍ ﻭﻳﻬﺪﺭﺯﻭﺍ ﻉ ﺍﻟﻘﺮﺍﻳﻪ ﻭﻳﻮﻣﻴﺎﺗﻬﻢ ...
ﻟﺒﻨﻰ : ﺧﺎﻃﺮﻱ ﻳﺎﻣﺎﻣﺎ ﻧﻘﺮﺏ ﻣﻨﻬﺎ ﻭﻧﺘﻌﺮﻑ ﻋﻠﻴﻬﺎ ... ﺑﺲ ﻫﻲ ﻣﺎﺗﺒﻲ ﺗﺨﺎﻟﻂ ﺣﺪ ﺗﺼﺪ ﻭﺗﺘﻬﺮﺏ ..
ﺭﻫﻒ : ﻭﺟﻌﺘﻨﻲ ... ﺇﺟﺎﺑﺘﻪﺍ ﻉ ﺳﺆﺍﻝ ﺍﻷﺑﻠﻪ ﻳﺒﻴﻦ ﺍﻧﻬﺎ ﻣﺶ ﻣﺮﺗﺎﺣﻪ ﺑﻜﻞ ﻓﺤﻴﺎﺗﻬﺎ ...
ﻟﺒﻨﻰ : ﺍﻟﻠﻲ ﻗﺪﺭﺕ ﻧﻌﺮﻓﻪ ﻋﻨﻬﺎ ﺇﻥ ﺃﻣﻬﺎ ﻣﺘﻮﻓﻴﻪ .. ﻭﺑﻮﻫﺎ ﺭﺟﻞ ﺃﻋﻤﺎﻝ ﻣﺸﻬﻮﺭ .. ﻣﻠﻴﺎﺭﺩﻳﺮ ...
ﺣﻨﺎﻥ : ﻣﺶ ﻣﻬﻢ ﺑﻜﻞ ﻟﻮ ﻛﺎﻧﺖ ﻋﺎﻳﺸﻪ ﺍﻟﻐﻨﻰ ﺍﻟﻤﺎﺩﻱ ... ﺍﻟﻐﻨﻲ ﺍﻷﻫﻢ ﻫﻮ ﻏﻨﻰ ﺍﻷﺧﻼﻕ ﻭﺍﻟﺤﺐ ... ﻭﺍﻧﺘﻢ ﺭﺑﻲ ﻋﻄﺎﻛﻢ ﺃﺏ ﺣﻨﻮﻥ ﻫﻠﺒﻪ ﻣﻠﻴﺎﺭﺩﻳﺮ ﺑﺤﺒﻪ ﻟﻴﻜﻢ ..
ﺍﺑﺘﺴﻤﻮﺍ ﺍﻟﺰﻭﺯ ..
ﺣﻨﺎﻥ ﺗﺸﺠﻌﺖ : ﺑﻮﻛﻢ ﻳﺤﺒﻜﻢ ﻫﻠﺒﻪ .. ﺍﻧﺘﻢ ﺍﻟﺰﻭﺯ ﻋﻴﻮﻧﻪ ﺍﻟﻠﻲ ﻳﺸﻮﻑ ﺑﻴﻬﻢ .. ﺍﻧﺘﻢ ﺃﻏﻠﻰ ﻣﺎﻳﻤﻠﻚ ﻭﺃﻫﻢ ﺷﻲ ﻋﻨﺪﻩ ... ﻧﺒﻲ ﻣﻨﻜﻢ ﻭﻋﺪ ...
ﺍﻟﺰﻭﺯ ﻛﺎﻧﻮﺍ ﻣﺒﺘﺴﻤﺎﺕ ﻭﻫﻤﺎ ﻳﺴﻤﻌﻮﺍ ﻓﻲ ﻛﻼﻣﻬﺎ ﺍﻟﺤﻠﻮ ﻋﻦ ﺑﻮﻫﻢ .. ﺑﺲ ﺑﺪﺕ ﺗﺘﻼﺷﻰ ﻫﺎﻹﺑﺘﺴﺎﻣﻪ .. ﻭﺍﺳﺘﻐﺮﺑﻮﺍ ..
ﻟﺒﻨﻰ : ﻭﻋﺪ ﺷﻨﻮ؟ !!
ﺣﻨﺎﻥ ﺗﻨﻬﺪﺕ : ﺍﻧﻜﻢ ﻣﻬﻤﺎ ﻳﺼﻴﺮ .. ﻣﺎﺗﺨﻠﻮﺍ ﺷﻲ ﻳﺄﺛﺮ ﻉ ﻋﻼﻗﺘﻜﻢ ﺑﺒﻮﻛﻢ ...
ﺭﻫﻒ : ﺍﻛﻴﺪ ﻣﺎﻣﺎ ..
ﻟﺒﻨﻰ : ﺍﺣﻨﻲ ﻧﻤﻮﺗﻮﺍ ﻓﻲ ﺑﺎﺑﺎ ..
ﺣﻨﺎﻥ ﺍﺑﺘﺴﻤﺖ : ﻛﻮﻳﺲ ... ﺑﺎﺑﺎ ... ﺍﻧﺴﺎﻥ ﺭﺍﻗﻲ ﻭﻣﺤﺘﺮﻡ ﻫﻠﺒﻪ ﻭﻛﻞ ﺧﻄﻮﺓ ﻳﺎﺧﺪﻫﺎ ﻓﺤﻴﺎﺗﻪ ﻳﺎﺧﺪﻫﺎ ﺑﻌﻘﻞ ﻭﻋﻤﺮﻩ ﻣﺎﺧﻄﻲ ﺧﻄﻮﺓ ﻭﻛﺎﻧﺖ ﻏﻠﻂ ...
ﺭﻫﻒ ﻭﻟﺒﻨﻰ ﺑﺪﻭﺍ ﻳﺤﺴﻮﺍ ﺑﺸﻲ ﻣﺶ ﻣﺰﺑﻮﻁ ..
ﺣﻨﺎﻥ : ﻭﺍﻧﻲ ﻋﺸﺖ ﻣﻌﺎﻩ ﻋﻤﺮ ... ﻣﺎﺭﻳﺖ ﻣﻨﻪ ﺇﻻ ﻛﻞ ﺧﻴﺮ ﻭﺍﺣﺘﺮﺍﻡ ﻭﺗﻘﺪﻳﺮ ﻭﻣﺎﻗﺼﺮﺵ ﻣﻌﺎﻱ ﺃﺑﺪﺍ ﻭﻻﻣﻌﺎﻛﻢ ...
ﺭﻫﻒ ﺑﺨﻮﻑ : ﻣﺎﻣﺎ ﺷﻦ ﻓﻲ ..
ﺣﻨﺎﻥ " ﻳﺎﺍﺍﺍﺭﺏ ..." ﻭﺯﻉﺕ ﻧﻈﺮﻫﺎ ﻉ ﺍﻟﻤﻜﺎﻥ ﻭﺑﻌﺪﻳﻦ ﺷﺒﺤﺘﻠﻬﻢ : ﺃﻣﺲ ..
ﺭﻫﻒ ﻭﻟﺒﻨﻰ ﻳﺴﺘﻨﻮﺍ ﻓﻴﻬﺎ ﺗﻜﻤﻞ ﻭﻫﻤﺎ ﺑﻴﻤﻮﺗﻮﺍ ﻣﻦ ﺍﻟﺨﻮﻑ ..
" ﺑﺎﺑﺎ ﺗﺰﻭﺝ ..."
ﺍﻧﺼﺪﻣﻮﺍ ﻭﻗﻌﺪﻭﺍ ﺳﺎﻛﺘﻴﻦ ﻭﻳﺮﺍﺟﻮ ﻓﻴﻬﺎ ﺗﻘﻮﻝ ﺍﻧﺒﺼﺮ .. ﻧﻜﺬﺏ .. ﻣﻖ
ﻟﺐ ... ﻟﻜﻦ ﻛﻤﻠﺖ ﻭﻫﻲ ﺗﻘﻮﻝ ...
ﺣﻨﺎﻥ : ﻫﺬﺍ ﺣﻘﻪ ﺍﻟﺸﺮﻋﻲ ... ﻭﻫﻮﺑﺸﺮ ﻣﺎﻳﻘﺪﺭﺵ ﻳﺘﺤﻜﻢ ﻓﻘﻠﺒﻪ .. ﺣﺒﻬﺎ ﻭﺍﺧﺘﺎﺭ ﻳﻜﻮﻥ ﺭﺍﺟﻞ ﻣﻌﺎﻱ ﺣﺘﻰ ﻓﺸﻲ ﺯﻱ ﻫﺬﺍ ﻭﻗﺎﻟﻲ ... ﻭﺍﻋﻄﺎﻧﻲ ﺣﺮﻳﺘﻲ .. ﻟﻜﻦ ﺍﻧﻲ ﺍﺧﺘﺮﺕ ﻧﻘﻌﺪ ﻉ ﺫﻣﺘﻪ ... ﺑﺲ ﻉ ﺧﺎﻃﺮﻛﻢ ..
ﺭﻫﻒ ﺑﺼﺪﻣﻪ : ﻣﺎﻣﺎ ... ﻣﺎﻣﺎ .. ﻏﻲﺭ ﺑﺸﻮﻳﻪ ﺑﺎﻟﻠﻪ ﻋﻠﻴﻚ .. ﻛﻴﻒ ﻫﻜﻲ .. ﺑﺎﺑﺎ ﻛﻴﻒ ﻳﺪﻳﺮ ﻫﻜﻲ .. ﻳﺘﺰﻭﺝ ﻭﺣﺪﻩ ﻏﻴﺮﻙ .. ﻳﺤﺐ ﻭﺣﺪﻩ ﺗﺎﻧﻴﻪ ﻏﻴﺮﻙ ﻛﻴﻒ ﻳﻌﻨﻲ ﺍﻣﺘﻰ ﻭﻛﻴﻒ ﻛﻴﻒ ﻳﺎﻣﺎﻣﺎ ﻛﻴﻒ ... ؟
ﺣﻨﺎﻥ : ﺣﺒﻴﺒﺘﻲ ... ﺍﻫﺪﻱ ﻳﺎﻣﺎﻣﺎ .. ﻫﺬﺍ ﻧﺼﻴﺐ ﻭﺑﻮﻙ ﻻ ﺍﻭﻝ ﻭﻻﺃﺧﺮ ﻭﺍﺣﺪ .. ﻭﻻ ﺍﻧﻲ ﺍﻭﻝ ﻭﻻﺍﺧﺮ ﻭﺣﺪﻩ ...
ﺭﻫﻒ ﻣﺶ ﻣﺴﺘﻮﻋﺒﻪ ... ﺍﻣﺎ ﻟﺒﻨﻰ ﻓﺼﺪﻣﺘﻬﺎ ﺍﻟﺸﺪﻳﺪﻩ ﺧﻠﺘﻬﺎ ﻣﺶ ﻗﺎﺩﺭﻩ ﺗﻘﻮﻝ ﺷﻲ .
ﺣﻨﺎﻥ : ﻟﺒﻨﻰ ﻣﺎﻣﺎ ...
ﻟﺒﻨﻰ ﺷﺒﺤﺘﻠﻬﺎ ﺑﻨﻈﺮﻩ ﺣﺰﻳﻨﻪ ﻭﻗﺎﻟﺖ : ﻧﺒﻲ ﻧﺮﻭﺡ ...
ﺣﻨﺎﻥ ﺧﺎﻓﺖ ﻭﺭﻫﻒ ﻛﺬﻟﻚ ..
ﻧﺎﺿﺖ ﻟﺒﻨﻰ : ﻫﻴﺎ ﻣﺎﻣﺎ ﻧﺒﻲ ﻧﺮﻭﺡ ..
ﺣﻨﺎﻥ ﻧﺎﺿﺖ ﻭﻫﻲ ﺧﺎﻳﻔﻪ : ﺑﺎﻫﻲ ﻳﺎﻣﺎﻣﺎ ﻫﻲ ..
ﻧﺎﺿﺖ ﺭﻫﻒ ﻣﻌﺎﻫﺎ ﻭﺑﺪﻭﺍ ﻳﻠﻤﻮﺍ ﻓﻲ ﺍﻟﺒﻀﺎﻋﻪ .. ﻟﺒﻨﻰ ﻃﻮﻝ ﺗﻮﺟﻬﺖ ﻟﻠﺴﻴﺎﺭﻩ ﻭﻗﻌﻤﺰﺕ ﻓﻴﻬﺎ ..
ﺣﻨﺎﻥ : ﻳﺎﺭﺏ ﺳﺘﺮﻙ ...
ﺭﻫﻒ ﺳﻤﻌﺖ ﻛﻠﻤﺔ ﺍﻣﻬﺎ ﻭﺷﺒﺤﺖ ﻷﺧﺘﻬﺎ ﺍﻟﻠﻲ ﻛﺎﻧﺖ ﻭﺍﺿﺤﻪ ﻋﻠﻴﻬﺎ ﺍﻟﺼﺪﻣﻪ ... ﺍﻣﺎ ﻫﻲ ﻛﺎﻧﺖ ﺣﺎﺳﻪ ﻭﻋﺎﺭﻓﻪ ﺍﻥ ﻓﺸﻲ ﻣﺶ ﻣﺰﺑﻮﻁ ﻣﻦ ﺍﻟﺒﺪﺍﻳﻪ .. ﻭﺍﻥ ﺍﻟﺤﺎﻟﻪ ﺍﻟﻠﻲ ﻣﺮﺕ ﺑﻴﻬﺎ ﺃﻣﻬﺎ ﻫﺬﺍ ﺳﺒﺒﻬﺎ ...
ﺭﻛﺒﻮﺍ ﺣﺎﺟﺎﺗﻬﻢ ﻟﻠﺴﻴﺎﺭﻩ ﻭﺭﻛﺒﻮﺍ .. ﻭﺑﺪﺕ ﺣﻨﺎﻥ ﺗﺴﻮﻕ ...
ﺧﻴﻢ ﺍﻟﺼﻤﺖ ﻋﻠﻴﻬﻢ ﻃﻮﻝ ﺍﻟﻄﺮﻳﻖ ...
ﻃﻮﻝ ﺍﻟﻄﺮﻳﻖ ... ﻭﺭﻫﻒ ﺗﻔﻜﺮ ﻓﻲ ﺍﻣﻬﺎ ﻭﺷﻦ ﻣﻤﻜﻦ ﻳﺼﻴﺮ ﻓﻴﻬﺎ ﻫﻲ ﻭﺑﻮﻫﺎ ... ﻋﻼﺵ ﺗﻘﻌﺪ ﻉ ﺫﻣﺘﻪ ﻋﻼﺵ ﺗﺮﺿﻰ ﻟﻨﻔﺴﻬﺎ ﺍﻷﻫﺎﻧﻪ ﻫﺎﺩﻱ ... ﺗﻌﻴﺶ ﻉ ﺫﻣﺔ ﺭﺍﺟﻞ ﻫﺎﺟﺮﻫﺎ ﻭﻣﻌﺎﺵ ﻳﺒﻴﻬﺎ ..
ﺍﻣﺎ ﻟﺒﻨﻰ ﻓﻜﺎﻥ ﺣﺎﺳﻪ ﺭﻭﺣﻬﺎ ﻓﻜﺎﺑﻮﺱ ﻭﺗﺮﺍﺟﻲ ﺃﻣﺘﻰ ﺗﻨﻮﺽ ﻣﻨﻪ .. ﺑﻮﻫﺎ ﺍﻟﻠﻲ ﺗﺘﻔﺎﺧﺮ ﺑﻴﻪ ﻭﺗﺘﺒﺎﻫﻰ ﺑﻌﻼﻗﺘﻪ ﺍﻟﻤﺜﺎﻟﻴﻪ ﻫﻮ ﻭﺍﻣﻬﺎ .. ﻓﻠﺤﻈﻪ ﺗﻜﺘﺸﻒ ﺍﻧﻪ ﻛﻠﻪ ﻛﺎﻥ ﻭﻫﻢ ﻭﺍﻥ ﻋﻼﻗﺘﻬﻢ ﻣﺎﻛﺎﻧﺘﺶ ﺣﻠﻮﺓ ﺯﻱ ﻣﺎﻫﻲ ﻣﻔﻜﺮﺓ ... ﻭﺍﻥ ﺑﻮﻫﺎ ﺣﺐ ﻉ ﺃﻣﻬﺎ ﻭﺗﺰﻭﺝ ﻋﻠﻴﻬﺎ .. ﺍﻣﻬﺎ ﺍﻟﻠﻲ ﻓﻨﻈﺮﻫﺎ ﻣﺎﻓﻴﺶ ﻣﺮﺍﻩ ﺯﻳﻬﺎ ﻓﻲ ﺍﻟﺪﻧﻴﺎ ..
ﺍﻣﺎ ﺣﻨﺎﻥ ﻃﻮﻝ ﺍﻟﻄﺮﻳﻖ ﻭﻫﻲ ﺗﻄﻠﺐ ﻣﻦ ﺭﺑﻲ ﻳﺴﺎﻋﺪﻫﺎ ﺑﺶ ﺗﺘﺨﻄﻰ ﻫﺎﻟﻤﺮﺣﻠﻪ ﺍﻟﺼﻌﺒﻪ ﻓﺤﻴﺎﺗﻬﺎ ﻣﻦ ﺟﻤﻴﻊ ﺍﻟﻨﻮﺍﺣﻲ ...
***
ﺭﺍﻗﺪﻩ ﻓﻲ ﺣﻀﻨﻪ ﻭﻫﻮ ﺣﺎﺿﻨﻬﺎ ﻭﻛﺄﻧﻪ ﺧﺎﻳﻔﻬﺎ ﺗﺮﻳﺢ ﻣﻨﻪ ..
ﻳﺎﺭﺍ : ﺣﺒﻴﺒﻲ ﺍﻣﺘﻰ ﺍﻟﺴﻔﺮ ....
ﻧﻀﺎﻝ : ﺍﻷﺣﺪ ﺑﺈﺫﻥ ﺍﻟﻠﻪ ... ﻧﺎﺧﺪ ﺃﺟﺎﺯﺗﻲ .. ﻭﺍﻧﺘﻲ ﺗﺮﺗﺒﻲ ﺃﻣﻮﺭﻙ ..
ﻳﺎﺭﺍ : ﻛﻮﻳﺲ ﺑﻜﻞ .. ﺍﺣﻠﻰ ﺷﻲ ﻓﻴﻚ ﺍﻧﻚ ﺩﻳﻤﺎ ﺣﺎﺳﺒﻬﺎ ﻛﻮﻳﺲ ...
ﻧﻀﺎﻝ ﺑﻀﺤﻜﻪ : ﻫﺬﺍ ﺑﺲ ﺍﺣﻠﻰ ﺷﻲ ﻓﻴﺎ !!
ﻳﺎﺭﺍ ﺧﺸﺖ ﻓﻲ ﺣﻀﻨﻪ ﺍﻛﺜﺮ : ﺍﻧﺖ ﺣﻠﻮ ﻓﻲ ﻛﻞ ﺷﻲ ﻛﻞ ﺷﻲ ..
ﻋﻘﻠﻚ .. ﻗﻠﺒﻚ .. ﺷﺨﺺﻳﺘﻚ .. ﻭﺳﺎﻣﺘﻚ ... ﺕﺟﻨﻨﻦ ﻓﻲ ﻛﻞ ﺷﻲ ...
ﻧﻀﺎﻝ : ﻧﺤﺒﻚ
ﻳﺎﺭﺍ : ﻭﺍﻧﻲ ﻧﻤﻮﺕ ﻓﻲ ﺣﺒﻚ ...
***
ﻭﺻﻠﻮﺍ ﻟﻠﺤﻮﺵ ... ﻭﺍﻭﻝ ﻣﺎﻧﺰﻟﻮﺍ ﻧﺰﻟﺖ ﺭﻫﻒ ﻭﺣﻨﺎﻥ ﺍﻟﺤﺎﺟﺎﺕ .. ﻭﻟﺒﻨﻰ ﺳﺒﻘﺘﻬﻢ ﻟﻠﺒﺎﺏ ﺣﻨﺎﻥ ﻭﻫﻲ ﺗﺸﻮﻓﻠﻬﺎ ﺑﺨﻮﻑ ﻓﺘﺤﺖ ﺍﻟﺒﺎﺏ .. ﻟﺒﻨﻰ ﻃﻮﻝ ﺧﺸﺖ ﺩﺍﺧﻞ ﻭﺭﻛﺒﺖ ﻟﺪﺍﺭﻫﺎ ..
ﺣﻨﺎﻥ : ﺑﺮﻱ ﺍﺭﻛﺒﻲ ﻣﻌﺎﻫﺎ ﻣﺎﺗﻜﻠﻤﻴﻬﺎﺵ ﺑﺲ ﺧﻠﻴﻚ ﺟﻨﺒﻬﺎ ..
ﺭﻫﻒ ﺑﻀﻴﻖ ﺷﺪﻳﺪ : ﺣﺎﺿﺮ ... ﻭﻣﺸﺖ ﺭﻛﺒﺖ ﻭﺭﺍﻫﺎ ...
ﺣﻨﺎﻥ ﻋﻴﻮﻧﻬﺎ ﻛﺎﻧﻮﺍ ﻣﻌﺎﻫﺎ ﻟﻴﻦ ﺍﺧﺘﻔﺖ ﺑﻌﺪﻳﻦ ﻗﺪﻣﺖ ﻟﻜﺮﺳﻲ ﻭﻗﻌﻤﺰﺕ ﻋﻠﻴﻪ .. ﺣﻄﺖ ﺍﻳﺪﻳﻬﺎ ﺍﻟﻠﻲ ﺍﺗﻜﺖ ﺑﻴﻬﻢ ﻉ ﺭﻛﺎﺑﻬﺎ ﻉ ﺟﺒﻬﺘﻬﺎ .. ﻭﻫﻲ ﺗﻔﻜﺮ ﻓﻲ ﺍﻷﻳﺎﻡ ﺍﻟﺠﺎﻳﻪ ﺍﻟﻠﻲ ﻭﺍﺿﺢ ﻋﻠﻴﻬﺎ ﺣﺘﻜﻮﻥ ﺻﻌﺒﻪ ﻫﻠﺒﻪ ... ﺗﻨﻬﺪﺕ ﻭﻗﺎﻣﺖ ﺭﺍﺳﻬﺎ ﺟﺖ ﻋﻴﻨﻬﺎ ﻉ ﻭﺭﺩ ﺍﻟﺘﻮﻟﻴﺐ ﺍﻟﻤﻮﻑ ﺍﻟﻠﻲ ﺑﺎﺩﻱ ﻳﺒﻴﺲ ﻭﻧﺰﻟﺖ ﻣﻦ ﻋﻴﻨﻬﺎ ﺩﻣﻌﻪ ..
***
ﺑﻨﻔﺴﺠﻲ؟
ﺇﻗﺒﺎﻝ : ﺣﺴﻴﺖ ﺍﻧﻪ ﺣﻠﻮ ...
ﻣﻌﺎﻭﻳﻪ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻘﺎﻋﻪ ﺍﻟﻠﻲ ﻛﺎﻧﻮﺍ ﻣﺰﻳﻨﺎﺕ ﻛﺮﺍﺳﻴﻬﺎ ﺑﻐﻼﻓﺎﺕ ﻟﻮﻧﻬﻢ ﻣﻮﻑ : ﻟﻮﻧﻲ ﺍﻟﻤﻔﻀﻞ .. ﻫﺬﺍ ﻋﻼﺵ ﺍﺧﺘﺮﺗﻴﻪ ..
ﺍﻗﺒﺎﻝ : ﻫﻬﻬﻬﻬﻪ .. ﺍﻳﻪ ...
ﻣﻌﺎﻭﻳﻪ ﺍﺑﺘﺴﻢ : ﺣﻠﻮ ﺷﻐﻠﻚ ﺣﻠﻮ ﻭﺷﻐﻞ ﺍﻟﺸﺮﻛﻪ ﻛﺬﻟﻚ ...
ﺇﻗﺒﺎﻝ : ﺣﻔﻠﺔ ﻏﺪﻭﺓ ﻣﻬﻤﻪ ﻫﻠﺒﻪ ﻭﺷﺨﺼﻴﺎﺕ ﺑﺎﺭﺯﺓ ﻉ ﺟﻤﻴﻊ ﺍﻷﺻﻌﺪﻩ ﺣﺘﻜﻮﻥ ﻓﻴﻬﺎ .. ﺣﺘﺼﻴﺮ ﻓﻴﻬﺎ ﻫﻠﺒﻪ ﺣﺎﺟﺎﺕ ﺗﻔﻴﺪﻧﺎ ..
ﻣﻌﺎﻭﻳﻪ : ﻭﻫﺬﺍ ﺍﻟﻤﻄﻠﻮﺏ ...
ﻣﻌﺎﻭﻳﻪ ﻳﺘﻔﺤﺺ ﻓﻲ ﺍﻟﻤﻜﺎﻥ ﻭﻛﺎﻥ ﻋﺎﻃﻲ ﺇﻗﺒﺎﻝ ﺑﻈﻬﺮﻩ ﻭﻫﻲ ﺗﺸﻮﻓﻠﻪ ﻭﺑﺘﻤﻮﺕ ﻋﻠﻴﻪ ..
ﺇﻗﺒﺎﻝ " ﻣﺎﻗﺎﺑﻠﺘﺶ ﺭﺍﺟﻞ ﺯﻳﻚ ﻓﻲ ﺣﻴﺎﺗﻲ ﺑﺮﻏﻢ ﺻﻌﻮﺑﻪ ﻃﺒﻌﻚ .. ﻟﻜﻦ ﺗﻬﺒﻞ .. ﺗﺠﻨﻦ ﻓﻲ ﻛﻞ ﺷﻲ ﺷﻜﻠﻚ .. ﺷﺨﺼﻴﺘﻚ ﺍﻧﺎﻗﺘﻚ ﺗﻔﻜﻴﺮﻙ .. ﻗﻮﺗﻚ ﺳﻄﻮﺗﻚ .. ﺍﺍﺍﻩ ﻣﺎﻧﺒﻲ ﺷﻲ ﻣﻦ ﺍﻟﺪﻧﻴﺎ ﻏﻴﺮﻙ .. ﺣﺘﻰ ﻓﻠﻮﺳﻚ ﻣﺎﻳﻬﻤﻮﻧﻴﺶ ﺍﻟﻤﻬﻢ ﺍﻧﺖ .. ﺍﺍﺍﻩ ﻟﻮ ﻳﺤﻦ ﻗﻠﺒﻚ ﻋﻠﻴﺎ ﻭﺗﺤﺲ ﺑﻴﺎ ﻳﺎﻣﻌﺎﻭﻳﻪ ﻭﺗﻌﺮﻑ ﺍﻧﻲ ﻧﻌﺸﻘﻚ ﺑﺠﻨﻮﻥ "
ﺍﻟﺘﻔﺖ ﻟﻘﺎﻫﺎ ﺗﺸﺒﺤﻠﻪ ﺑﻨﻈﺮﻩ ﻏﺮﻳﺒﻪ ﺩﺍﺭ ﺍﻟﺤﻮﻟﻪ : ﻫﻴﺎ ﺧﻞ ﻧﻄﻠﻌﻮﺍ ..
ﻃﻠﻊ ﻭﻫﻲ ﺗﻨﻬﺪﺕ ﻭ ﻃﻠﻌﺖ ﻭﺭﺍﻩ ...
***
ﻧﻴﺮﻭﺯ ﺑﺄﻟﻒ ﻳﺎﻭﻳﻼﻩ ﺑﺶ ﻭﺍﻓﻖ ﺧﻮﻫﺎ ﺗﻄﻠﻊ ﻧﻬﺎﺭ ﺍﻟﺠﻤﻌﻪ ﻭﺗﻤﺸﻲ ﻟﺼﺎﺣﺒﺘﻬﺎ .. ﻷﻥ ﺍﻟﺠﻤﻌﻪ ﻟﻠﻌﻴﻠﻪ ..
ﻣﺸﺖ ﻟﺤﻮﺵ ﺣﻨﺎﻥ ﺗﻔﺎﺟﺄﺕ ﺑﺎﻟﺒﺎﺏ ﺍﻟﺒﺮﺍﻧﻲ ﻣﺮﺩﻭﺩ .. ﻧﺰﻟﺖ ﻣﻦ ﺳﻴﺎﺭﺗﻬﺎ ﻭﺧﺸﺖ ﻭﺳﻜﺮﺍﺗﻪ ﻭﺭﺍﻫﺎ ﻭﺻﻠﺖ ﻟﻠﺒﺎﺏ ﺍﻟﺪﺧﻼﻧﻲ ﺭﻧﺖ ﺍﻟﺠﺮﺱ ..
ﻓﻮﻕ ...
ﺣﻨﺎﻥ ﺑﺨﻮﻑ : ﻳﺎﻣﺎﻣﺎ ﺍﻫﺪﻱ ﺣﺒﻴﺒﺘﻲ ﺍﻫﺪﻱ ..
ﻟﺒﻨﻰ ﺗﺒﻜﻲ ﺑﺎﻟﻌﺒﺮﻩ : ﻛﻴﻒ ﻧﻬﺪﺍ ﻛﻴﻒ ... ﻋﻼﺵ ﻳﺪﻳﺮﻫﻜﻲ ﻋﻼﺵ ﺍﻧﺘﻲ ﻓﺸﻦ ﻗﺼﺮﺗﻲ ﻗﻮﻟﻴﻠﻲ !!
ﺣﻨﺎﻥ ﺩﻣﻮﻋﻬﺎ ﻳﻨﺰﻟﻮﺍ ﻭﺭﻫﻒ ﻛﺬﻟﻚ ...
ﻳﺴﻤﻌﻮﺍ ﻓﻲ ﺻﻮﺕ ﺍﻟﺠﺮﺱ ... ﻃﻠﻌﺖ ﺭﻫﻒ ﺑﺶ ﺗﻨﺰﻝ ﺗﺸﻮﻑ ﻣﻨﻮ ...
ﻭﺻﻠﺖ ﻓﻲ ﺍﻟﺒﺎﺏ ﻭﻫﻲ ﺗﺒﻜﻲ ﻓﺘﺤﺎﺗﻪ ...
ﻧﻴﺮﻭﺯ ﺑﺈﺑﺘﺴﺎﻣﻪ : ﺭﻩ ..... ﺳﻜﺘﺖ ﻭﺗﻼﺷﺖ ﺇﺑﺘﺴﺎﻣﺘﻬﺎ ﻟﻤﺎ ﺷﺎﻓﺖ ﺩﻣﻮﻉ ﺭﻫﻒ ... ﺧﻴﺮﻙ ﺭﻫﻒ ﺷﻦ ﺻﺎﻳﺮ
" ﻣﻌﺎﺍﺍﺍﺍﺍﺍﺍﺵ ﺑﻮﻱ ﻣﻌﺎﺍﺍﺍﺵ ﺗﻘﻮﻟﻲ ﺑﻮﻭﻭﻭﻭﻙ .."
ﺍﻧﺨﻠﻌﻮﺍ ﺭﻫﻒ ﻭﻧﻴﺮﻭﺯ ... ﺻﻜﺮﺕ ﻧﻴﺮﻭﺯ ﺍﻟﺒﺎﺏ ﻭﻣﺸﻮﺍ ﻳﺠﺮﻭﺍ ﺍﻟﺰﻭﺯ ﺭﻛﺒﻮﺍ ﻓﻮﻕ ... ﻭﺻﻠﻮﺍ ﻓﻲ ﺍﻟﺪﺍﺭ ..
ﻟﺒﻨﻰ ﺑﻨﻈﺮﺓ ﺣﺎﺩﻩ ﻣﻠﻴﺎﻧﻪ ﺩﻣﻮﻉ : ﻫﺬﺍ ﺑﺎﻋﻚ ﺑﺎﻉ ﻋﺸﺮﺓ ﻋﻤﺮ ﺑﺎﻉ ﻣﺮﺍﻩ ﻗﺎﻣﺎﺗﻪ ﻉ ﺭﺍﺳﻬﺎ ﺳﻨﻴﻦ ﻭﺳﻨﻴﻦ ... ﻣﺶ ﺻﻐﻴﺮﻩ ﻳﺎﻣﺎﻣﺎ ﺭﺍﻧﻲ ﻧﺸﺒﺢ ﻭﻧﻌﺮﻑ ﺍﻧﺘﻲ ﻣﺎﻗﺼﺮﺗﻴﺶ ﺑﻜﻞ ... ﻟﻜﻦ ﻫﻮ ﺍﻟﻠﻲ ﻃﻠﻊ ﺯﻳﻪ ﺯﻱ ﻛﻞ ﺍﻟﺮﺟﺎﻟﻪ ﺍﻟﻠﻲ ﻳﺤﻜﻮﺍ ﻋﻠﻴﻬﻢ ﺃﻧﺎﺍﺍﺍﺍﻧﻲ ...
ﺣﻨﺎﻥ ﺑﺤﺰﻡ : ﻟﺒﻨﻰ ﺍﻧﻲ ﻫﻜﻲ ﺭﺑﻴﺘﻚ ...
ﻟﺒﻨﻲ ﻗﻠﺒﺖ ﻭﺟﻬﻬﺎ ﻟﻠﺠﻬﻪ ﺍﻟﺘﺎﻧﻴﻪ ...
ﺣﻨﺎﻥ ﻗﺪﻣﺖ : ﺍﺯﻋﻠﻲ ﻣﻦ ﺑﻮﻙ .. ﻟﻜﻦ ﺭﺩﻱ ﺑﺎﻟﻚ ﺗﻐﻠﻄﻲ ﻓﻴﻪ .. ﺭﺩ ﺑﺎﻟﻚ ﺗﻨﺴﻲ ﺍﻥ ﻋﺒﺎﺩﺗﻚ ﻟﺮﺑﻲ ﻣﺮﺑﻮﻃﻪ ﺑﺎﻹﺣﺴﺎﻥ ﻟﻴﻪ ﺣﺘﻰ ﻟﻮ ﺩﺍﺭ ﺷﻲ ﻣﺶ ﻋﺎﺟﺒﻚ ﺃﻭ ﺁﺫﺍﻙ ..
ﻟﺒﻨﻰ ﺷﺒﺤﺘﻠﻬﺎ : ﺁﺫﺍﻙ ﺍﻧﺘﻲ ﻳﺎﻣﺎﻣﺎ ... ﺁﺫﺍﻙ ﺍﻧﺘﻲ ..
ﺣﻨﺎﻥ ﻗﻠﺒﻬﺎ ﻳﺘﻔﺘﺮﺵ ﺑﺲ ﻻﺯﻡ ﺗﺒﺎﻥ ﻗﻮﻳﻪ ﻻﺯﻡ ﻟﻮ ﺍﻧﻬﺎﺭﺕ ﺣﻴﻨﻬﺎﺭﻭﺍ " ﺍﻟﻠﻬﻢ ﺇﻧﻲ ﺃﺑﺮﺃ ﻣﻦ ﺣﻮﻟﻲ ﻭﻗﻮﺗﻲ ﻭﺃﻟﺠﺄ ﺇﻟﻰ ﺣﻮﻟﻚ ﻭﻗﻮﺗﻚ " ﺗﺮﺩﺩ ﻫﺎﻟﺠﻤﻠﻪ ﻓﻲ ﻧﻔﺴﻬﺎ ﺑﻘﻠﺒﻬﺎ ﻭﻫﻲ ﺗﺸﺒﺢ ﻟﻌﻴﻮﻥ ﺑﻨﺘﻬﺎ : ﻭﺇﻧﺘﻲ ﺣﺘﺄﺫﻳﻨﻲ ﺍﻛﺜﺮ ﻟﻮ ﺩﻳﺮﻱ ﻓﺮﻭﺣﻚ ﻫﻜﻲ ﻳﺎﻣﺎﻣﺎ ...
ﻟﺒﻨﻰ ﻣﻌﺎﺵ ﺗﺤﻤﻠﺖ ﺣﻀﻨﺖ ﺃﻣﻬﺎ ﺑﻜﻞ ﻗﻮﺗﻬﺎ ﻭﺣﻨﺎﻥ ﺣﻀﻨﺘﻬﺎ ﻭﺩﻣﻮﻋﻬﺎ ﺗﻨﺰﻝ ...
ﻧﻴﺮﻭﺯ ﻣﺎﺯﺍﻝ ﻣﺶ ﻓﺎﻫﻤﻪ ﺯﻳﻦ ﺑﺲ ﺧﺪﺕ ﺭﻫﻒ ﻣﻦ ﺇﻳﺪﻫﺎ ﻭﻃﻠﻌﺖ ﻭﺧﻠﺘﻬﻢ ﻭﺳﻜﺮﺕ ﺍﻟﺒﺎﺏ ...
ﻧﻴﺮﻭﺯ ﻭﺩﻣﻮﻋﻬﺎ ﻳﻨﺰﻟﻮﺍ : ﺷﻦ ﺻﺎﻳﺮ ﻳﺎﺭﻫﻒ ..
ﺭﻫﻒ ﺷﺒﺤﺘﻠﻬﺎ ﻭﻫﻲ ﺗﺒﻜﻲ ﻭﺑﺪﺕ ﺗﺤﻜﻴﻠﻬﺎ ....
***
ﺗﺰﻭﺝ ﻋﻠﻴﻬﺎ !!!!!
ﻋﺎﺋﺸﻪ : ﺇﻳﻪ ...
ﺃﺳﺎﻣﻪ ﺑﺼﺪﻣﻪ : ﺧﻴﺮﻩ ﻫﺬﺍ ﻫﺒﻞ ﺑﺎﻉ ﻋﻘﻠﻪ ... ﺣﻨﺎﻥ ﻳﺘﺰﻭﺝ ﻋﻠﻴﻬﺎ !!
ﻋﺎﺋﺸﻪ : ﻫﺎﺩﻡ ﺍﻧﺘﻢ ﻣﺎﻳﻤﻠﻰ ﻋﻴﻨﻜﻢ ﻏﻴﺮ ﺍﻟﺘﺮﺍﺏ ...
ﺍﺳﺎﻣﻪ : ﺷﻦ ﺗﻘﻮﻟﻲ ﺍﻧﺘﻲ ﻋﺎﺋﺸﻪ !! ﺷﺎﻳﻔﻪ ﻋﻠﻴﺎ ﺷﻲ ﻗﺒﻞ؟ !
ﻋﺎﺋﺸﻪ ﺑﺘﻬﻜﻢ : ﻣﺶ ﺷﺮﻁ ﺗﻜﻮﻧﻮﺍ ﻛﻠﻜﻢ ﺧﻮﻧﻪ ﺑﻨﻔﺲ ﺍﻟﻄﺮﻳﻘﻪ ﻭﻣﺸﺖ ﻟﻠﺪﺍﺭ ﺗﺒﺪﻝ ﺑﺶ ﺑﺘﻤﺸﻲ ﻟﺤﻨﺎﻥ ﻭﺧﻼﺗﻪ ﻳﻔﻜﺮ ﻓﻲ ﻛﻼﻣﻬﺎ ... ﻭﺻﺪﻣﺘﻪ ﻓﻲ ﺍﻟﺨﺒﺮ ﺍﻟﻠﻲ ﺳﻤﻌﻪ ﻗﻮﻳﻪ ..
***
ﺗﺒﺼﺮﻱ ﺻﺢ ﻗﻮﻟﻲ ﺗﺒﺼﺮﻱ !!!
ﺭﻫﻒ ﺑﺒﻜﻲ : ﺣﺘﻰ ﺍﻧﻲ ﺗﻤﻨﻴﺖ ﻟﻮ ﻛﺎﻧﺖ ﺑﺼﺎﺭﻩ ...
ﻧﻴﺮﻭﺯ ﺑﺼﺪﻣﻪ : ﻫﺬﺍ ﻭﺍﻧﻲ ﻛﻨﺖ ﻧﻀﺮﺏ ﻓﻲ ﺑﻮﻙ ﺑﺎﻟﻤﺜﻞ .. ﻭﻧﻘﻮﻝ ﻋﻠﻴﻪ ﻋﻤﻠﻪ ﻧﺎﺩﺭﻩ ... ﺍﺗﺎﺭﻳﻪ ﻣﻦ ﺍﻟﻌﻤﻠﻪ ﺭﺍﺋﺠﻪ ... ﺯﻳﻪ ﺯﻳﻬﻢ ..
ﺭﻫﻒ : ﺍﻷﻳﺎﻡ ﺍﻷﺧﻴﺮﻩ ﻻﺣﻈﺖ ﺑﺘﻮﺗﺮ ﺑﻴﻨﺎﺗﻬﻢ ﻣﺎﺣﺴﻴﺘﺶ ﺑﻴﻪ ﻣﻦ ﻗﺒﻞ .. ﺑﺲ ﻣﺎﺑﺘﺶ ﻧﻮﻗﻒ ﻋﻨﺪﻩ ﻫﻠﺒﻪ .. ﻟﻴﻦ ﺑﺪﻳﺖ ﻧﻼﺣﻆ ﻉ ﻣﺎﻣﺎ ﺍﻧﻬﺎ ﻣﺶ ﺯﻱ ﻗﺒﻞ ... ﻭﻣﺎﻗﺪﺭﺗﺶ ﻧﺴﺄﻟﻬﺎ ..
ﻧﻴﺮﻭﺯ : ﻳﺎﺭﻭﺣﻲ ﻋﻠﻴﻬﺎ ... ﻳﺎﺭﻭﺣﻲ ﻛﺎﻧﺖ ﺗﻌﺎﻧﻲ ﺑﺮﻭﺣﻬﺎ ﻃﻮﻝ ﻫﺎﻟﻮﻗﺖ .. ﺍﻣﻜﻢ ﻫﺎﺩﻱ ﺃﻛﺒﺮ ﺧﺴﺎﺭﺓ ﻳﺨﺴﺮﻫﺎ ﺑﻮﻙ ... ﻭﺣﻖ ﻣﻦ ﺧﻠﻘﻨﻲ ﺣﻴﺠﻴﻪ ﻳﻮﻡ ﻭﻳﺤﺲ ﺑﻬﺎﻟﺨﺴﺎﺭﺓ ﻭﻳﻨﻘﻬﺮ ﺍﻛﺜﺮ ﻣﻦ ﻗﻬﺮﺗﻬﺎ ﻫﻲ ﺑﺲ ﺑﻌﺪ ﻓﻮﺍﺕ ﺍﻷﻭﺍﻥ ..
ﺭﻥ ﺍﻟﺠﺮﺱ ...
ﻧﺎﺿﺖ ﺭﻫﻒ ﻭﺗﻮﺟﻬﺖ ﻟﻠﺒﺎﺏ ﻭﻓﺘﺤﺎﺗﻪ ﻟﻘﺖ ﻋﺎﺋﺸﻪ ﻭﺃﺳﺎﻣﻪ ...
ﻋﺎﺋﺸﻪ ﺣﻀﻨﺖ ﺭﻫﻒ ... ﻭﺃﺳﺎﻣﻪ ﺧﺶ ﻭﺳﻜﺮ ﺍﻟﺒﺎﺏ ..
ﻋﺎﺋﺸﻪ : ﻣﻘﺪﺭ ﻭﻣﻜﺘﻮﺏ ﺭﻫﻮﻓﻪ ﻫﺬﺍ ﺍﺑﺘﻼﺀ ﻭﻛﻠﻪ ﺑﺄﺟﺮﻩ ﻭﻣﺎﻣﺎ ﺣﺘﻄﻠﻊ ﻣﻨﻪ ﻧﺎﺟﺤﻪ ﺯﻱ ﻣﺎﻧﻌﺮﻓﻬﺎ ..
ﺃﺳﺎﻣﻪ : ﻭﻳﻨﻬﺎ ﻫﻲ ..
ﻧﻴﺮﻭﺯ : ﻗﺎﻋﺪﻩ ﻓﻮﻕ ﻣﻊ ﻟﺒﻨﻰ ﺍﻟﻠﻲ ﺣﺎﻟﺘﻬﺎ ﺯﻱ ﺍﻟﺰﻓﺖ ...
ﺍﺳﺎﻣﻪ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ..
ﻫﺬﺍ ﺍﻟﻴﻮﻡ ﻓﺎﺕ ﻛﻠﻪ ﻧﻜﺪ ﻓﻨﻜﺪ ﻋﻠﻴﻬﻢ ...
ﻭﻋﻠﻰ ﻧﻀﺎﻝ ﻭﻳﺎﺭﺍ ﻋﺴﻞ ﻓﻌﺴﻞ .. ﻭﻻﻳﻨﺪﺭﻭﺍ ﻉ ﺍﻟﺪﻧﻴﺎ ﻭﻣﺎﻓﻴﻬﺎ ...
ﻓﻲ ﺍﻟﻠﻴﻞ ..
ﺭﻭﺣﻮﺍ ﻛﻠﻬﻢ ... ﻭﺭﻫﻒ ﻛﺎﻧﺖ ﺣﺪﺍ ﺍﻣﻬﺎ ﺍﻟﻠﻲ ﺭﺍﻗﺪﻩ ﻉ ﺳﺮﻳﺮ ﺍﺧﺘﻬﺎ ﻭﺣﺎﺿﻨﺘﻬﺎ ..
ﺭﻫﻒ " ﻫﺎﺩﻱ ﺍﻧﺘﻲ ﻳﺎﻣﺎﻣﺎ ﺍﻟﻤﺮﺍﻩ ﺍﻟﻠﻲ ﻗﺎﻳﻤﻪ ﺑﻮﺍﺟﺒﻚ ﻉ ﺍﻛﻤﻞ ﻭﺟﻪ ﺍﻟﻠﻲ ﻣﻬﺘﻤﻪ ﺑﻴﻨﺎ ﻭﺑﻴﻪ ﻭﺑﻨﻔﺴﻚ ﻭﺑﺤﻮﺷﻚ ﻫﻜﻲ ﻳﻨﺪﺍﺭ ﻓﻴﻚ .. ﺑﺠﺪﻳﺎﺕ ﺍﻟﺮﺟﺎﻟﻪ ﻣﺎﻓﻴﻬﻤﺶ ﺃﻣﺎﻥ ... ﻣﺴﺘﺤﻴﻞ ﻧﺄﻣﻦ ﻟﺮﺍﺟﻞ ﺑﻌﺪ ﺍﻟﻴﻮﻡ ﻛﻠﻬﻢ ﻧﻔﺲ ﺍﻟﻄﻴﻨﻪ .. ﻧﻌﻴﺶ ﺣﻴﺎﺗﻲ ﻭﻧﺨﺪﻡ ﻭﻧﺤﻘﻖ ﺫﺍﺗﻲ ﻭﺍﻟﺤﻴﺎﻩ ﻣﺴﺘﻤﺮﺓ ﻭﻣﺎﺗﻮﻗﻔﺶ ﻋﻠﻴﻬﻢ "
ﺍﻣﺎ ﺣﻨﺎﻥ ﻓﻜﺎﻧﺖ ﺣﺎﺿﻨﻪ ﺑﻨﺘﻬﺎ ﻭﺗﻔﻜﺮ " ﻫﺎﺩﻱ ﺭﺩﺓ ﻓﻌﻠﻬﻢ ﻟﻤﺎ ﺳﻤﻌﻮﺍ ﺑﺲ ﻣﺎﻻ ﻟﻮ ﺷﺎﻓﻮﻩ ﺷﻦ ﻳﺪﻳﺮﻭﺍ ... ﺍﺑﺘﺴﻤﺖ ﺗﻬﻜﻤﺎ .. ﻳﺎﺧﻮﻓﻲ ﻳﻘﻮﻝ ﺍﻧﻲ ﻛﺮﻫﺘﻬﻢ ﻓﻴﻪ .. ﺧﻞ ﻳﻘﻮﻝ ﺍﻟﻠﻲ ﻳﻘﻮﻟﻪ ﺍﻟﺰﻡ ﻣﺎﻋﻠﻴﺎ ﺑﻨﺎﺗﻲ ﻣﺎﻳﺪﻣﺮﻭﺵ .."
***
ﺗﺎﻧﻲ ﻳﻮﻡ
ﺍﻟﺼﺒﺢ ..
ﻓﺎﻗﺖ ﻉ ﺻﻮﺕ ﺩﻭﺷﻪ .. ﻧﺎﺿﺖ ﻣﻦ ﺳﺮﻳﺮﻫﺎ .. ﻭﺗﻮﺟﻬﺖ ﻟﻠﺮﻭﺷﻦ .. ﻟﻘﺖ ﻋﻤﺎﻝ ﻭﺣﺎﻟﻪ .. ﻋﺮﻓﺖ ﺍﻧﻬﻢ ﺟﺎﻳﻴﻦ ﻟﺘﺠﻬﻴﺰ ﻟﻠﺤﻔﻠﻪ ﻭﻳﺒﺎﻧﻮﺍ ﻃﺒﺎﺧﻴﻦ ... ﺍﺑﺘﺴﻤﺖ ﺗﻬﻜﻤﺎ ﻭﺗﻮﺟﻬﺖ ﻟﻠﺪﻭﻻﺏ ﻣﺘﺎﻋﻬﺎ ﻓﺘﺤﺎﺗﻪ ﻭﺗﺸﺒﺢ ﻟﻠﺸﻲ ﺍﻟﻠﻲ ﺣﺘﺘﺤﺪﺍ ﺑﻴﻪ ﺑﻮﻫﺎ ﺍﻟﻴﻮﻡ ﺍﻣﺎﻡ ﺍﻟﻤﺠﺘﻤﻊ ﻣﺘﺎﻋﻪ ﺍﻟﻠﻲ ﻳﻬﻤﻪ ﺃﻛﺜﺮ ﻣﻨﻬﺎ ...
***
ﺭﻫﻒ ﻗﺮﺭﺕ ﺗﻬﺮﺏ ﺷﻮﻳﻪ ﻣﻦ ﺍﻟﻮﺿﻊ ﻟﺒﺴﺖ ﻭﺧﺪﺕ ﺣﺎﺟﺘﻬﺎ ﻭﻣﺸﺖ ﻟﻠﺠﺎﻣﻌﻪ ﻭﺣﻨﺎﻥ ﻋﺎﺭﻓﻪ ﺍﻧﻬﺎ ﺗﺒﻲ ﺗﻬﺮﺏ ﻭﻗﺎﻟﺖ ﻓﻲ ﻧﻔﺴﻬﺎ " ﺭﻫﻒ ﺍﻗﻮﻯ ﻣﻦ ﻟﺒﻨﻰ ﻣﺶ ﺧﺎﻳﻔﻪ ﻋﻠﻴﻬﺎ ..." ﻭﻗﺎﻋﺪﻩ ﺣﺎﺿﻨﻪ ﻟﺒﻨﻰ ﺍﻟﻠﻲ ﺩﻣﻮﻋﻬﺎ ﺗﻨﺰﻝ ﻭﻫﻲ ﺭﺍﻗﺪﻩ ...
***
ﺑﻴﺸﺎﻣﻴﻞ ...
ﻧﻀﺎﻝ : ﺗﺤﺒﻴﻬﺎ؟ !!
ﻳﺎﺭﺍ : ﻧﻤﻮﺕ ﻓﻴﻬﺎ ...
ﻧﻀﺎﻝ ﺟﺒﺪﻫﺎ ﻣﻦ ﺧﺼﺮﻫﺎ ﻟﻴﻪ : ﺍﻧﺘﻲ ﻣﺶ ﻣﺴﻤﻮﺣﻠﻚ ﺗﻤﻮﺗﻲ ﻓﻐﻴﺮﻱ ... ﻫﻲ ﺗﺸﺒﺢ ﻟﻌﻴﻮﻧﻪ ﺑﺤﺐ ﻭﺑﺎﺳﺎﺗﻪ ...
ﻧﻀﺎﻝ : ﺍﺣﻤﻢ .. ﺣﻨﻲ ﻟﻮ ﺑﻨﻘﻌﺪﻭﺍ ﻫﻜﻲ ﻣﺶ ﺣﻴﺼﻴﺮ ﻣﻦ ﺷﻲ ﺍﻟﻴﻮﻡ ..
ﻳﺎﺭﺍ : ﻫﻬﻬﻬﻬﻬﻬﻬﻬﻪ .. ﻭﺑﻊﺩﺕ ﻫﻴﺎ ﻣﺎﻻ ...
ﻧﻀﺎﻝ : ﻧﻜﻤﻠﻮﺍ ﺍﻣﻮﺭﻧﺎ ﻭﻧﻤﺸﻮﺍ ﻟﺴﻮﻕ **** ﻧﺎﺧﺪﻭﺍ ﻣﻨﻪ ﻟﻮﺍﺯﻡ ﺍﻟﺒﻴﺸﺎﻣﻴﻞ ﻭﺣﻨﻮﺭﻳﻚ ﻛﻴﻒ ﺭﺍﺟﻠﻚ ﻓﻨﺎﻥ ﻓﻲ ﺍﻟﻤﺎﻛﻠﻪ ..
ﻳﺎﺭﺍ ﺑﻀﺤﻜﻪ : ﻧﺤﺒﻪ ﺭﺍﺟﻠﻲ ﻫﺬﺍ ...
ﻧﻀﺎﻝ ﺑﻀﺤﻜﻪ : ﺗﺤﺮﻛﻲ ﻗﺪﺍﻣﻲ ﻗﺒﻞ ﻟﻨﻔﻘﺪ ﺍﻟﻜﻨﺘﺮﻭﻝ ...
ﺿﺤﻜﻮﺍ ﺍﻟﺰﻭﺯ ﻭﻃﻠﻌﻮﺍ ...
***
ﻣﻊ ﺍﻟﺴﺎﻋﻪ 11
ﺟﺖ ﻧﻴﺮﻭﺯ ﻟﺤﻨﺎﻥ ﺗﻄﻤﻦ ...
ﺣﻨﺎﻥ : ﺣﻨﺤﺎﻭﻝ ﺟﻬﺪﻱ ﻧﻄﻠﻌﻬﺎ ﻣﻦ ﺣﺎﻟﺘﻬﺎ ..
ﻧﻴﺮﻭﺯ : ﻭﺇﻧﺘﻲ ..
ﺣﻨﺎﻥ : ﺧﻴﺮﻧﻲ ..
ﻧﻴﺮﻭﺯ : ﺣﻨﺎﻥ ﻟﻮ ﺗﻤﺘﻠﻲ ﻉ ﺍﻟﻌﺎﻟﻢ ﻛﻠﻪ ﻋﻠﻴﺎ ﺍﻧﻲ ﻣﺎﺗﻘﺪﺭﻳﺶ ..
ﺣﻨﺎﻥ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺍﻧﻲ ﻟﻴﺎ ﺭﺏ ﻫﻮ ﺍﻟﻠﻲ ﺣﻴﻄﻠﻌﻨﻲ ﻣﻦ ﺍﻟﻠﻲ ﺍﻧﻲ ﻓﻴﻪ ... ﻣﺎﺗﺨﺎﻓﻴﺶ ﻋﻠﻴﺎ ..
ﻧﻴﺮﻭﺯ ﺑﺪﻣﻮﻉ : ﺣﻨﺎﻥ ﺑﺎﻟﻠﻪ ﻋﻠﻴﻚ ﻓﻀﻔﻀﻲ ﺗﻜﻠﻤﻲ ..
ﺣﻨﺎﻥ ﺍﺑﺘﺴﻤﺖ ﺑﺘﻬﻜﻢ : ﺷﻦ ﺑﻨﻘﻮﻝ ﻭﻻ ﻧﻔﻀﻔﺾ .. ﻣﺎﻋﻨﺪﻱ ﻣﺎﻧﻘﻮﻝ ... ﺭﺑﻲ ﻫﻜﻲ ﻛﺎﺗﺐ ...
ﻧﻴﺮﻭﺯ : ﻣﺎﻳﺴﺘﺎﻫﻠﺶ ﻇﻔﺮﻙ ﻭﺍﻟﻠﻪ ..
ﺣﻨﺎﻥ : ﻓﺎﻟﻨﻬﺎﻳﻪ ﻫﻮ ﻣﺎﻏﻠﻄﺶ ... ﺣﻘﻪ ..
ﻧﻴﺮﻭﺯ ﺑﻘﻬﺮ : ﻭﺍﻧﺘﻲ ﻭﻳﻨﻪ ﺣﻘﻚ .. ﺗﻌﻴﺸﻲ ﻋﻤﺮﻙ ﻛﻠﻪ ﻭﺍﻧﺘﻲ ﺗﺨﺪﻣﻲ ﻉ ﺳﻌﺎﺩﺗﻪ .. ﻭﻳﺒﻴﻌﻚ ﺑﺎﻟﺮﺧﻴﺺ !!
ﺣﻨﺎﻥ : ﺍﻧﻲ ﻳﺎﻧﻴﺮﻭﺯ ﻟﻤﺎ ﺧﺪﻣﺘﻪ ﺧﺪﻣﺘﻪ ﺑﺈﺭﺍﺩﺗﻲ ﻋﻤﺮﻩ ﻣﺎ ﺍﺟﺒﺮﻧﻲ ﻉ ﺣﺎﺟﻪ ﺍﻧﻲ ﻋﻄﻴﺘﻪ ﻣﻦ ﻗﻠﺒﻲ ﺑﺪﻭﻥ ﻣﺎﻧﻔﻜﺮ ﻓﻲ ﺍﻱ ﺷﻲ .. ﻭﺍﻟﻠﻪ ﻣﺎﻧﻲ ﻧﺎﺩﻣﻪ ﻉ ﺍﻱ ﺷﻲ ﺩﺭﺗﻪ ﻓﻲ ﺍﻟﻨﻬﺎﻳﻪ ﺭﺿﻴﺖ ﺭﺑﻲ ﺑﻴﻪ ... ﻭﺍﺟﺮﻱ ﻓﻮﻕ ﻣﻮﺟﻮﺩ ... ﻭﺑﻌﺪﻳﻦ ﻫﺬﺍ ﻧﺼﻴﺐ ﻫﺬﺍ ﺍﻟﻤﻜﺘﻮﺏ .. ﻧﻜﺬﺏ ﻋﻠﻴﻚ ﻟﻮ ﻧﻘﻮﻟﻚ ﻣﺎﺧﺎﻃﺮﻳﺶ ﻧﻌﻴﻂ ﻭﻧﺨﺒﻂ ﻭﻧﻜﺴﺮ ﻭﻧﺒﻜﻲ .. ﺑﺲ ﺷﻦ ﺣﻨﺴﺘﻔﻴﺪ .. ﺣﻴﻮﻟﻴﻠﻲ .. ﺣﻴﺮﺝﻉ ﻳﺤﺒﻨﻲ ﺯﻱ ﻗﺒﻞ .. ﺣﺘﺘﻐﻴﺮ ﺣﺎﺟﻪ .. ﻻ ... ﻟﻬﺬﺍ ﺍﻧﻲ ﻣﺘﻘﺒﻠﻪ ﺍﻟﻠﻲ ﺻﺎﺭ ﻭﻟﻮ ﺑﺸﻜﻞ ﺑﺴﻴﻂ ... ﻓﻲ ﺍﻟﻨﻬﺎﻳﻪ ﺍﻧﻲ ﻋﺎﺭﻓﻪ ﺍﻧﻲ ﻣﺎﻗﺼﺮﺗﺶ ﻭﻋﺎﺭﻓﻪ ﺍﻧﻲ ﻣﺶ ﻧﺎﻗﺼﻪ ﺷﻲ ... ﺑﺲ ﻫﻮ ﻟﻴﻪ ﻭﺟﻬﺔ ﻧﻈﺮ ﺗﺎﻧﻴﻪ .. ﺍﺣﺘﻴﺎﺝ ﺍﻧﻲ ﻣﺎﻧﻌﺮﻓﺎﺵ ... ﻭﻟﻘﺎﻩ ﻓﻐﻴﺮﻱ ...
ﻧﻴﺮﻭﺯ : ﻣﺶ ﻋﺎﺭﻓﻪ ﺷﻦ ﻧﻘﻮﻝ ..
ﺣﻨﺎﻥ ﺑﺈﺑﺘﺴﺎﻣﻪ : ﻣﺎﺗﻘﻮﻟﻲ ﺷﻲ ... ﻫﻤﻲ ﺗﻮﺍ ﻛﻠﻪ ﺑﻨﺎﺗﻲ ﻭﻣﺎﻧﺒﻲ ﺷﻲ ﻏﻴﺮﻫﻢ .. ﻧﺎﺿﺖ .. ﻭﺕﻭﺍ ﺑﻨﻄﻠﺐ ﻣﻨﻚ ﻃﻠﺐ .. ﺧﻠﻴﻚ ﻣﻌﺎﻫﺎ ﺑﻨﻄﻠﻊ ﻟﻠﺴﻮﻕ ﺷﻮﻳﻪ ﺑﻨﺎﺧﺪ ﺷﻮﻳﻪ ﺣﺎﺟﺎﺕ ﻧﺎﻗﺼﻪ .. ﺑﻨﺪﻳﺮ ﻣﻜﺮﻭﻧﻪ ﺑﺎﻟﺒﻴﺸﺎﻣﻴﻞ ﻭﻟﻘﻴﺖ ﺑﻀﺎﻋﺘﻪ ﻧﺎﻗﺼﻪ ..
ﻧﻴﺮﻭﺯ ﺑﺈﺑﺘﺴﺎﻣﻪ : ﺑﺮﻱ ﻭﺍﻧﺘﻲ ﻣﻄﻤﻨﻪ ...
ﺣﻨﺎﻥ ﺑﺎﺳﺘﻬﺎ : ﺗﻬﺒﻞ ﺻﺎﺣﺒﺘﻲ .. ﻭﻟﻔﺖ ﻭﻣﺸﺖ ..
ﺿﺤﻜﺖ ﻧﻴﺮﻭﺯ : ﻭﺍﻟﻠﻪ ﻳﺎﻧﻀﺎﻝ ﻣﺎﻋﻨﺪﻙ ﺣﻆ ...
***
ﻣﻘﻌﻤﺰﺓ ﻉ ﻛﺮﺳﻲ ﺑﺮﻭﺣﻬﺎ ﻭﺣﺎﻃﻪ ﺳﻤﺎﻋﺎﺕ ﻓﻮﺫﻧﻬﺎ ﻭﺗﺴﻤﻊ ﻓﻲ ﺃﻏﺎﻧﻲ ﺣﺰﻳﻨﻪ ... ﻭﺳﺮﺣﺎﻧﻪ ﺗﺸﺒﺢ ﻓﻲ ﺍﻟﻔﺮﺍﻍ ...
ﻗﺮﻳﺐ ﻳﻬﺒﻞ ﻭﻫﻮ ﻳﺪﻭﺭ ﻋﻠﻴﻬﺎ ﻟﻘﺎﻫﺎ ﺟﻲ ﺑﻬﺪﻭﺀ ﻗﻌﻤﺰ ﺟﻨﺒﻬﺎ ﻭﻳﺸﻮﻑ ﻓﻲ ﻣﻼﻣﺤﻬﺎ ﺍﻟﺤﺰﻳﻨﻪ ﻭﻗﻠﺒﻪ ﻭﺍﺟﻌﻪ ﻫﻠﺒﻪ ...
ﺃﺳﻨﺎﻡ : ﺭﻫﻒ .. ﻭﻳﺄﺷﺮ ﺑﺈﻳﺪﻩ ﻗﺪﺍﻡ ﻭﺟﻬﻬﺎ .. ﻟﻔﺖ ﻭﺟﻬﻬﺎ ﺟﻴﻬﺘﻪ ﻭﺷﺒﺤﺘﻠﻪ ﻫﻠﺒﻪ ﺑﻨﻈﺮﻩ ﻏﺮﻳﺒﻪ ... ﺣﻮﻟﺖ ﺍﻟﺴﻤﺎﻋﺎﺕ ﻭﻗﺎﻟﺖ ..
ﺭﻫﻒ : ﻋﻼﺵ ﺍﻧﺘﻢ ﻫﻜﻲ ...
ﺃﺳﻨﺎﻡ ﺿﻴﻖ ﻋﻴﻮﻧﻪ ﺑﺈﺳﺘﻐﺮﺍﺏ ﻭﻫﻮ ﻣﺶ ﻓﺎﻫﻢ ...
ﺭﻫﻒ : ﻋﻼﺵ ﺍﻟﻮﺣﺪﻩ ﻟﻤﺎ ﺗﺤﺒﻜﻢ ﻭﺗﻌﻄﻴﻜﻢ ﻛﻞ ﺷﻲ ﺗﺒﻴﻌﻮﻫﺎ ﺑﺎﻟﺴﺎﻫﻞ ... ﻋﻼﺵ ﻟﻤﺎ ﺍﻟﻮﺣﺪﻩ ﺍﺩﻳﺮ ﻛﻞ ﺷﻲ ﺑﺶ ﺗﺮﺿﻴﻜﻢ .. ﺍﻧﺘﻢ ﺍﺩﻭﺭﻭﺍ ﻉ ﻏﻴﺮﻫﺎ ... ﻋﻼﺵ ﺍﻧﺘﻢ ﺍﻧﺎﻧﻴﻴﻦ ﻫﻜﻲ ﺗﻔﻜﺮﻭﺍ ﻓﻲ ﺍﻧﻔﺴﻜﻢ ﻭﺑﺲ .. ﻋﻼﺵ ﻓﻬﻤﻨﻲ ...
ﺍﺳﻨﺎﻡ ﻣﺼﺪﻭﻡ : ﺭﺭﻫﻒ .. ﺧﻴﺮ .. ﻙ
ﺭﻫﻒ ﺍﺑﺘﺴﻤﺖ ﺑﺘﻬﻜﻢ : ﻣﺎﺧﻴﺮﻧﻲ ﺷﻲ ... ﺑﺲ ﺍﻟﻠﻲ ﺻﺎﺭ ﻋﻠﻤﻨﻲ ﺩﺭﺱ ... ﺍﻥ ﺍﻟﻤﺮﺍﺓ ﻣﻔﺮﻭﺽ ﻣﺘﺄﻣﻨﺶ ﻟﻠﺮﺍﺟﻞ ﻭﻻﺍﺿﻴﻊ ﻋﻤﺮﻫﺎ ﻣﻌﺎﻩ ... ﺗﻌﻴﺶ ﻟﻨﻔﺴﻬﺎ ﻭﺗﺴﻌﺪ ﺭﻭﺣﻬﺎ ﺍﺣﺴﻦ ﻟﻬﺎ .. ﺧﺪﺕ ﺣﺎﺟﺘﻬﺎ ﻭﻧﺎﺿﺖ ﻣﻦ ﺑﺤﺪﺍﻩ ﻭﺧﻼﺗﻪ ﻣﺼﺪﻭﻡ ﻣﺶ ﻓﺎﻫﻢ ﺷﻲ ...
***
ﻃﺎﻟﻌﻴﻦ ﻣﻦ ﺍﻟﺴﻮﻕ ..
ﻳﺎﺭﺍ : ﻣﺎﺧﻠﻴﺖ ﻣﺎﺧﺪﻳﺖ ﺍﻟﻤﺸﻜﻠﻪ ﻏﺪﻭﺓ ﻣﺴﺎﻓﺮﻳﻦ ..
ﻧﻀﺎﻝ ﺑﻀﺤﻜﻪ : ﻋﺎﺩﻱ ﻳﻘﻌﺪ ﻣﺎﻳﺼﻴﺮﻟﻪ ﺷﻲ ... ﻛﻠﻪ ﺍﺳﺒﻮﻉ ﺍﻟﻠﻲ ﺑﻨﺴﺎﻓﺮﻭﺍ ﻓﻴﻪ ...
ﻳﺎﺭﺍ : ﻳﺎﺭﻳﺖ ﻟﻮ ﻗﺪﺭﻧﺎ ﻧﻄﻮﻟﻮﺍ ﺍﻛﺜﺮ ..
ﻧﻀﺎﻝ : ﻳﺎﺍﺍﺭﻳﺖ ..
ﻓﻬﺎﻟﻮﻗﺖ ﺣﻨﺎﻥ ﻛﺎﻧﺖ ﺧﺎﺷﻪ ﻟﻨﻔﺲ ﺍﻟﺴﻮﻕ .. ﻟﻔﺖ ﺑﻌﻴﻮﻧﻬﺎ ﻓﻲ ﺍﻟﻤﻜﺎﻥ .. ﺟﻤﺪﺕ ﻓﻤﻜﺎﻧﻬﺎ ﻟﻤﺎ ﺷﺎﻓﺘﻬﻢ ﻛﻴﻒ ﻣﺎﺷﻴﻴﻦ ﻣﻊ ﺑﻌﺾ ﻳﻬﺪﺭﺯﻭﺍ ﻭﻳﻀﺤﻜﻮﺍ .. ﻋﻴﻮﻧﻬﺎ ﻓﻴﺎﺭﺍ .. ﻛﺎﻧﺖ ﻻﺑﺴﻪ ﺳﺮﻭﺍﻝ ﺟﻴﻨﺰ ﻣﺸﺮﻙ .. ﻭﺑﻠﻮﺯﺓ ﺑﻴﻀﺎ ﻗﺼﻴﺮﻩ ﻭﺣﺎﻃﻪ ﻉ ﺷﻌﺮﻫﺎ ﺯﻱ ﺍﻟﻄﺎﻗﻴﻪ ﻃﺎﻟﻌﻴﻦ ﻣﻨﻬﺎ ﺧﺼﻼﺕ ﻣﻦ ﺷﻌﺮﻫﺎ .. ﻛﺎﻧﺖ ﺣﻠﻮﻩ ﻫﻠﺒﻪ .. ﻭﺷﺒﺤﺖ ﻟﻨﻀﺎﻝ ﻛﻴﻒ ﻋﻴﻮﻧﻪ ﻳﻠﻤﻌﻮﺍ ﻭﻫﻮ ﻳﺸﻮﻓﻠﻬﺎ ﻫﺎﻟﻠﻤﻌﻪ ﺍﺧﺘﻔﺖ ﻣﻦ ﺳﻨﻴﻦ .. ﻟﻤﺎ ﻛﺎﻥ ﻣﻌﺎﻫﺎ ...
ﻭﺻﻠﻮﺍ ﻓﻲ ﺍﻟﺴﻴﺎﺭﻩ ...
ﻧﻀﺎﻝ ﻳﻔﺘﺢ ﻓﻴﻬﺎ ... ﻭﻳﺎﺭﺍ ﺗﺴﺘﻨﻰ ﻓﻴﻪ ﻭﺗﻮﺯﻉ ﻓﻲ ﻧﻈﺮﻫﺎ ﻉ ﺍﻟﻤﻜﺎﻥ ﺟﺖ ﻋﻴﻨﻬﺎ ﻓﻌﻴﻦ ﺣﻨﺎﻥ ﺍﻧﺼﺪﻣﺖ ﻟﻤﺎ ﺷﺎﻓﺘﻬﺎ ﻭﻟﻘﺘﻬﺎ ﺗﺸﺒﺤﻠﻬﻢ ..
ﻳﺎﺭﺍ ﺧﺎﻓﺖ ﻗﻌﺪﺕ ﺗﻠﻬﻲ ﻓﻴﻪ ﺑﺶ ﻣﺎﻳﺸﻮﻓﻬﺎﺵ .. ﺃﻣﺎ ﺣﻨﺎﻥ ﻓﻠﻔﺖ ﻭﺟﻬﻬﺎ ﻋﻨﻬﻢ ﻭﺭﺟﻠﻴﻬﺎ ﻳﺪﻭﺏ ﺣﺎﻣﻠﻴﻨﻬﺎ .... ﻟﻴﻦ ﻭﺻﻠﺖ ﺣﺪﺍ ﻋﺎﺭﺻﻪ ﻗﺪﺍﻡ ﺍﻟﻤﻮﻝ ﺍﺗﻜﺖ ﻋﻠﻴﻬﺎ .. ﺑﻌﺪﻳﻦ ﺑﻴﻨﺖ ﺭﺍﺳﻬﺎ ﻭﻗﻌﺪﺕ ﺗﺸﻮﻑ .. ﻟﻘﺖ ﻳﺎﺭﺍ ﻣﺮﻛﺰﺓ ﻋﻠﻴﻬﺎ ..
ﻧﻀﺎﻝ ﺑﻌﺪ ﺩﺧﻞ ﺍﻟﺤﺎﺟﺎﺕ : ﻫﻴﺎ ﺣﻴﺎﺗﻲ ﺍﺭﻛﺒﻲ ..
ﻳﺎﺭﺍ ﺷﺒﺤﺘﻠﻪ ﻭﺑﺎﺳﺘﻪ ﻣﻦ ﺧﺪﻩ : ﺍﻧﺖ ﺣﻴﺎﺗﻲ ..
ﻫﻮ ﻃﻠﻊ ﻋﻦ ﺷﻌﻮﺭﻩ ﻭﺑﺴﺎﻫﺎ ﻣﻦ ﺧﺪﻫﺎ ﻭﻫﻮ ﻳﺒﻮﺱ ﻓﻴﻬﺎ ﻳﺎﺭﺍ ﺷﺒﺤﺖ ﻟﺤﻨﺎﻥ ﺑﻨﻈﺮﺓ ﺗﻤﻠﻚ ﻭﺍﺑﺘﺴﺎﻣﻪ ﻧﺼﺮ ...
ﺣﻨﺎﻥ ﺍﺩﺭﻗﺖ ﺣﻄﺖ ﺍﻳﺪﻫﺎ ﻉ ﻗﻠﺒﻬﺎ ... ﺑﺘﻤﻮﺕ ﺧﻼﺹ ﺑﺘﻤﻮﺕ ﻛﻤﺸﺖ ﺍﻳﺪﻫﺎ ﻭﻫﻲ ﺷﺎﺩﻩ ﻋﺒﺎﻳﺘﻬﺎ ﻭﻛﺄﻧﻬﺎ ﺷﺎﺩﻩ ﻗﻠﺒﻬﺎ ﻭﺗﻌﺼﺮ ﻓﻴﻪ ..
ﻧﻀﺎﻝ ﻭﺧﺮ ﻭﻗﻌﺪ ﻳﺸﺒﺢ ﻟﻠﻨﺎﺱ : ﻫﺒﻠﺘﻴﻨﻲ ..
ﻳﺎﺭﺍ : ﻫﻬﻬﻬﻬﻬﻪ ... ﻣﺸﻲ ﻧﻀﺎﻝ ﻟﻠﺠﻬﺔ ﺍﻟﺘﺎﻧﻴﻪ ﻭﻫﻮ ﻳﻀﺤﻚ ﺭﻛﺐ ﺑﻌﺪ ﺭﻛﺒﺖ ﻳﺎﺭﺍ ... ﻭﻭﺧﺮ ﺑﺎﻟﺴﻴﺎﺭﻩ ﻃﻠﻊ ﻣﻦ ﺍﻟﻤﻮﻗﻒ ﻭﻣﺸﻲ ﻃﻮﻝ ﺷﺒﺤﺖ ﺣﻨﺎﻥ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﺷﺎﻓﺖ ﺍﻟﺴﻴﺎﺭﻩ ﻣﺸﺖ ..
ﺍﺳﺘﺠﻤﻌﺖ ﻧﻔﺴﻬﺎ ﻭﺧﺸﺖ ﻟﻠﻤﻮﻝ ... ﻗﻌﺪﺕ ﺍﺩﻭﺭ ﻓﻴﻪ ﺯﻱ ﺍﻟﺘﺎﻳﻬﻪ ﻣﻦ ﻏﻴﺮ ﻫﺪﻑ ﻧﺴﺖ ﻋﻼﺵ ﺟﺎﻳﻪ ﺃﺻﻼ ... ﺣﺴﺖ ﺭﻭﺣﻬﺎ ﻣﺶ ﻗﺎﺩﺭﺓ ﺗﺘﺤﻤﻞ .. ﻗﻌﺪﺕ ﺗﻤﺸﻲ ﻟﻴﻦ ﻭﺻﻠﺖ ﻓﻲ ﺗﺮﻛﻴﻨﻪ ﻣﺴﺘﺨﻄﻴﻪ ﺣﻄﺖ ﺍﻳﺪﻫﺎ ﻉ ﺍﻟﺤﻴﻂ .. ﺗﻤﺸﻲ ﺑﺼﻌﻮﺑﻪ ﻟﻴﻦ ﻭﺻﻠﺖ ﻓﻲ ﺍﻟﺰﺍﻭﻳﻪ ﻗﻌﻤﺰﺕ ﺑﻬﺪﺓ .. ﻭﻗﻌﺪﺕ ﺗﺒﻜﻲ .. ﻭﺗﺒﻜﻲ ﻭﻳﺪﻫﺎ ﻉ ﻓﻤﻬﺎ ﺗﺒﻜﻲ ﺑﺎﻟﻘﻬﺮﻩ ﺑﺎﻟﻌﺒﺮﻩ .. ﺗﺒﻜﻲ .. ﻟﻴﻦ ﺣﺴﺖ ﺍﻟﻨﻔﺲ ﻏﻢ ﻋﻠﻴﻬﺎ ﻓﻲ ﺯﻭﺯ ﻧﺴﺎﻭﻳﻦ ﺷﺎﻓﻮﻫﺎ ﺟﻮﻫﺎ ﻳﺠﺮﻭﺍ .. ﻃﻠﻌﻮﺍ ﺑﺮﺍ ﺑﺶ ﺗﺘﻨﻔﺲ ﻭﻛﺎﻧﺖ ﻣﻌﺎﻫﻢ ﻣﻴﻪ ﻭﺣﺪﻩ ﻣﻨﻬﻢ ﻏﺴﻠﺘﻠﻬﺎ ﻭﺟﻬﻬﺎ ﻭﻋﻄﺘﻬﺎ ﺗﺸﺮﺏ ﻭﺷﺮﺑﺖ .. ﻋﺮﺿﻮﺍ ﻋﻠﻴﻬﺎ ﻳﺮﻓﻌﻮﻫﺎ ﺗﻌﺎﻳﻦ .. ﺑﺲ ﺭﻓﻀﺖ ﻭﺷﻜﺮﺗﻬﻢ ... ﻣﺸﻮﺍ ..
ﻭﻫﻲ ﻭﺍﻗﻔﻪ ﺗﺎﺧﺪ ﻓﻲ ﺷﻬﻴﻖ ﻭﺯﻓﻴﺮ .. ﻭﻓﺠﺄﺓ ..
ﺍﻟﻠﻪ ﺃﻛﺒﺮ ﺍﻟﻠﻪ ﺃﻛﺒﺮ ...
ﺳﻤﻌﺖ ﺍﻵﺫﺍﻥ .. ﺳﻤﻌﺖ ﻧﺪﺍﺋﻪ ﻭﻛﺈﻥ ﻳﻘﻮﻟﻠﻬﺎ ﺗﻌﺎﻟﻲ .. ﺍﻧﻲ ﺣﻨﺪﺍﻭﻳﻚ ﺣﻨﻘﻮﻳﻚ .. ﺍﻧﻲ ﺍﻋﺮﻑ ﺣﺪ ﺑﻴﻚ ﻭﺑﺤﺎﻟﻚ .. ﺍﻧﻲ ﺍﻛﺒﺮ ﻣﻦ ﻫﻤﻚ .. ﺍﻛﺒﺮ ﻣﻦ ﻭﺟﻌﻚ .. ﺍﻛﺒﺮ ﻣﻦ ﻛﻞ ﺣﺪ ﺗﺴﺒﺐ ﻓﻲ ﺍﻷﺫﻯ ﻟﻘﻠﺒﻚ ...
ﺣﻨﺎﻥ ﻉ ﻃﻮﻝ ... ﺍﺑﺘﺴﻤﺖ ﺑﺪﻭﻥ ﺷﻌﻮﺭ ... ﻭﺧﺸﺖ ﻟﻠﻤﻮﻝ .. ﻣﺸﺖ ﻟﻠﺤﻤﺎﻣﺎﺕ ﺗﻮﺿﺖ ... ﻭﻣﺸﺖ ﻟﻠﻤﺼﻠﻰ ﻓﻲ ﺍﻟﻤﻮﻝ ... ﻭﻗﻔﺖ ﻗﺪﺍﻣﻪ ﺗﺒﻲ ﺗﺮﻣﻲ ﺣﻤﻮﻟﻬﺎ ﻋﻠﻴﻪ .. ﻟﻤﺎ ﺭﻓﻌﺖ ﺍﻳﺪﻳﻬﺎ ﺑﺶ ﺗﻜﺒﺮ ﺗﻜﺒﻴﺮﺓ ﺍﻹﺣﺮﺍﻡ ﺣﺴﺖ ﻧﻔﺴﻬﺎ ﻟﻮﺣﺖ ﻛﻞ ﺷﻲ ﻭﺭﺍﻫﺎ ﻭﻟﻤﺎ ﻗﺎﻟﺖ
" ﺍﻟﻠﻪ ﺃﻛﺒﺮ ...." ﻭﻛﺄﻧﻪ ﻗﺎﻟﺖ ﺍﻟﻠﻪ ﺍﻛﺒﺮ ﻣﻦ ﻛﻞ ﺷﻲ ﻭﻟﻴﻪ ﺣﻜﻤﻪ ﻓﻲ ﻛﻞ ﺷﻲ ﻭﺍﻷﻋﻠﻢ ﺑﺎﻟﺨﻴﺮﻩ ﻭﻳﻦ ...
ﺳﻠﻤﺖ ﻧﻔﺴﻬﺎ ﻟﺨﺎﻟﻘﻬﺎ ﺗﺸﻜﻲ ﻭﺗﺪﻋﻲ ﻓﻜﻞ ﺳﺠﺪﻩ .. ﻭﻣﺎﻃﻠﻌﺘﺶ ﻣﻦ ﺍﻟﺼﻼﻩ ﺇﻻ ﻭﻫﻲ ﻭﺍﺧﺪﻩ ﺟﺮﻋﻪ ﻗﻮﻩ ﻫﺎﺋﻠﻪ ﻭﺳﻜﻴﻨﻪ ﺍﻧﺼﺒﺖ ﻉ ﻗﻠﺒﻬﺎ ﺻﺐ ..
ﻭﻟﺖ ﺷﺮﺕ ﺣﺎﺟﺎﺕ ﺑﺎﻟﺒﻴﺸﺎﻣﻴﻞ .. ﻭﺭﻭﺣﺖ ﻭﻫﻲ ﻣﺒﺘﺴﻤﻪ ﻃﻴﺒﺎﺗﻪ ... ﻭﻏﺼﺒﺖ ﻉ ﻟﺒﻨﻰ ﺗﻨﺰﻝ ﺗﺘﻐﺪﺍ ﻭﻧﺰﻟﺖ ﻟﺒﻨﻰ ﻉ ﺧﺎﻃﺮ ﺍﻣﻬﺎ ﺣﺎﻭﻟﺖ ﻧﻴﺮﻭﺯ ﺗﻐﻴﺮ ﺟﻮﻫﻢ ﻛﻠﻬﻢ ﻭﻧﺠﺤﺖ ﻭﻟﻮ ﺑﺸﻜﻞ ﺑﺴﻴﻂ ﻓﺄﻧﻬﺎ ﺍﺿﺤﻜﻬﻢ ﺷﻮﻳﻪ ..
***
ﻓﻲ ﺍﻟﻠﻴﻞ ..
ﻗﺼﺮ ﻣﻌﺎﻭﻳﻪ ..
ﻗﺎﻋﺔ ﺍﻹﺣﺘﻔﺎﻻﺕ ..
ﺯﺣﻤﻪ ﻭﻧﺎﺱ ... ﺻﺤﺎﻓﻪ ﻭﺗﺼﻮﻳﺮ ... ﻭﺑﻮﻓﻴﻪ ﻛﺒﻴﺮ ﻣﻔﺘﻮﺡ ...
ﺑﻌﺪ ﺍﺣﺘﻔﻞ ﻣﻌﺎﻭﻳﻪ ﺑﺈﻓﺘﺘﺎﺡ ﺍﻟﻤﺪﻳﻨﻪ ﺍﻟﺴﻜﻨﻴﻪ ﻓﻲ ﺍﻟﻤﻮﻗﻊ ﻣﺘﺎﻋﻬﺎ .. ﻛﻤﻞ ﺍﻷﺣﺘﻔﺎﻝ ﻓﻲ ﻗﺼﺮﻩ ..
ﻛﺎﻥ ﻣﺸﻐﻮﻝ ﺑﺎﻟﻠﻘﺎﺀﺍﺕ ﺍﻟﺼﺤﻔﻴﻪ ﻭﺍﻟﺘﻬﺎﻧﻲ ... ﻭﻫﻮ ﻳﺠﺎﻣﻞ ﻓﻲ ﻛﻞ ﻭﻳﺪﻳﺮ ﻓﻲ ﻋﻼﻗﺎﺕ ﻣﻊ ﻫﻠﺒﻪ ﻧﺎﺱ ﻋﺰﻣﻬﻢ ﻟﻺﺣﺘﻔﺎﻝ ...
ﺇﻗﺒﺎﻝ .. ﻛﺎﻧﺖ ﻻﺑﺴﻪ ﻗﻔﻄﺎﻥ ﻣﻮﻑ ﻃﻮﻳﻞ ﻓﺘﺤﺘﻪ ﻭﺍﺻﻠﻪ ﻟﻨﺺ ﻓﺨﺪﻫﺎ ﻭﻇﻬﺮﻩ ﻣﻔﺘﻮﺡ ﻭﺍﻗﻔﻪ ﺣﺪﺍ ﺃﻳﻤﻦ : ﻭﻳﻨﻬﺎ ﻫﺎﺩﻱ ..
ﺍﻳﻤﻦ : ﻣﻨﻲ ..
ﺇﻗﺒﺎﻝ : ﻣﻬﺎ ...
ﺃﻳﻤﻦ : ﻓﻌﻼ ﻋﻄﻠﺖ ﻭﺑﻮﻫﺎ ﻭﺍﺿﺢ ﻋﻠﻴﻪ ﻣﻌﺼﺐ ﺷﻮﻱ ..
ﺇﻗﺒﺎﻝ : ﻗﻮﻝ ﻫﻠﺒﻪ ﺷﻮﻑ ﻛﻴﻒ ﻳﺤﻚ ﻓﻲ ﻟﺤﻴﺘﻪ ..
ﺍﻳﻤﻦ ﺧﺎﻑ : ﺇﻥ ﺷﺎﺀ ﺍﻟﻠﻪ ﺗﺨﺶ ﺗﻮﺍ ...
ﻓﻲ ﻫﺎﻟﻠﺤﻈﺎﺕ ﺧﺸﺖ ﻣﻬﺎ .. ﻭﻗﻌﺪﺕ ﺗﻤﺸﻲ ﻓﻲ ﻭﺳﻂ ﺻﺪﻣﻪ ﺍﻟﺤﻀﻮﺭ .. ﺷﺎﻓﻮﻫﺎ ﺍﻗﺒﺎﻝ ﻭﺍﻳﻤﻦ ﻓﻨﺼﻮﺍ ﻭﻋﻴﻮﻧﻬﻢ ﻗﺮﻳﺐ ﻃﻠﻌﻮﺍ ...
ﺍﻗﺒﺎﻝ : ﻫﺎﺩﻱ ﺷﻦ ﺩﺍﻳﺮﻩ ﻓﺮﻭﺣﻬﺎ ..
ﺍﻳﻤﻦ : ﻳﺎﺭﺏ ﻓﻮﺕ ﻫﺎﻟﻠﻴﻠﻪ ﻉ ﺧﻴﺮ ..
ﻛﺎﻧﺖ ﻣﻬﺎ ﻻﺑﺴﻪ ﻗﻔﻄﺎﻥ ﻃﻮﻳﻞ ﻣﺴﻜﺮ ﻛﻠﻪ ﻟﻮﻧﻪ ﻗﻬﻮﻱ .. ﻭﺍﻟﻤﻔﺎﺟﺄﻩ ﺍﻧﻬﺎ ﻛﺎﻧﺖ ﻻﺑﺴﻪ ﻭﺷﺎﺡ ﻉ ﺭﺍﺳﻬﺎ .. ﻣﺤﺠﺒﻪ ..
ﺑﻨﺖ ﺭﺟﻞ ﺍﻷﻋﻤﺎﻝ ﻣﻌﺎﻭﻳﻪ ﻋﺒﺪﺍﻟﻌﺰﻳﺰ ﺍﻟﻠﻲ ﺗﻮﺟﻬﻪ ﻋﻠﻤﺎﻧﻲ ﺧﺎﻟﺺ ﻭﻛﺎﻥ ﻣﺘﺸﺪﺩ ﺑﻨﺘﻪ ﻻﺑﺴﻪ ﺣﺠﺎﺏ ﻗﺪﺍﻡ ﺍﻟﻌﺎﻟﻢ ﻣﺘﺎﻋﻪ ..
ﺍﻟﺼﺤﺎﻓﻪ ﺗﺼﻮﺭ ..
ﻭﻣﻬﺎ ﻛﺎﻧﺖ ﺗﺸﺒﺢ ﻟﺒﻮﻫﺎ ﺑﺘﺤﺪﻱ ﺍﻟﻠﻲ ﻭﺍﻗﻒ ﻳﺸﻮﻓﻠﻬﺎ ﺑﺼﺪﻣﻪ ﺷﺪﻳﺪﻩ .. ﻭﻣﺶ ﻫﺎﻣﺘﻬﺎ ﺍﻟﻌﻮﺍﻗﺐ ﺑﺘﺎﺗﺎ ..
... ﻳﺘﺒﻊ ...
١٧ / ١٠ / ٢٠٢٠ · Facebook for Android · ﺭﻭﺍ
