ﺍﻟﺘﺎﻟﻲ
ﻪ ❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 12
ﻃﻠﻊ ﺍﻟﺼﺒﺢ .. ﻭﻫﻮ ﻃﻠﻊ ﻣﻦ ﺍﻟﻘﺼﺮ .. ﻫﺎﺭﺏ .. ﻫﺎﺭﺏ ﻣﻦ ﺭﺩﺓ ﻓﻌﻞ ﺑﻨﺘﻪ ﻟﻤﺎ ﺗﻌﺮﻑ ﺇﻥ ﺷﻲ ﺍﻷﺧﻴﺮ ﺍﻟﻠﻲ ﻗﻌﺪﻟﻬﺎ ﻣﻦ ﺃﻣﻬﺎ ﻣﺸﻲ ﻣﻌﺎﻫﺎ ﺇﻟﻰ ﻏﻴﺮ ﺭﺟﻌﻪ .. ﻗﺎﻝ ﻟﻠﺴﺎﺋﻖ ﻳﺮﻓﻌﻪ ﻟﻤﻜﺎﻥ ﺧﺎﻟﻲ ﺑﺶ ﻳﺮﻗﺪ ﻓﻴﻪ ﺷﻮﻳﻪ ﻗﺒﻞ ﻣﻮﻋﺪ ﻃﻴﺎﺭﺗﻪ ..
ﺍﻣﺎ ﻣﻬﺎ ﺍﻟﻠﻲ ﺍﺣﺘﺎﺭﺕ ﻣﺮﻳﻢ ﻛﻴﻒ ﺗﻘﻮﻟﻠﻬﺎ ﺍﻟﺨﺒﺮ ... ﻗﺎﻻﺗﻪ ﺑﺎﻟﺘﺪﺭﻳﺞ ﻭﻣﻊ ﻫﺬﺍ ﺭﺩﺓ ﻓﻌﻞ ﻣﻬﺎ ﻣﺎﻛﺎﻧﺘﺶ ﻏﻴﺮ ﺍﻟﻤﺘﻮﻗﻊ .. ﺍﻧﺼﺪﻣﺖ ﺻﺪﻣﻪ ﺧﻠﺘﻬﺎ ﻏﻴﺮ ﻗﺎﺩﺭﺓ ﻉ ﺍﻟﻜﻼﻡ .. ﻟﻴﻦ ﻭﺻﻠﻮﺍ ﻟﻠﻔﻴﻼ ﺍﻟﻠﻲ ﻗﺎﻋﺪﻩ ﻓﻴﻬﺎ ﺣﻨﺎﻫﺎ ... ﻣﺠﺮﺩ ﺷﺎﻓﺖ ﺣﻨﺎﻫﺎ ﻉ ﺳﺮﻳﺮﻫﺎ ﻭﻣﻐﻄﻴﻴﻨﻬﺎ ﺑﺸﺮﺷﺎﻑ ..
ﻧﺰﻟﻮﺍ ﺩﻣﻮﻋﻬﺎ ﺑﻌﺪﻳﻦ ﻗﻌﺪﺕ ﺗﻌﻴﻂ ﺑﺄﻋﻠﻰ ﺻﻮﺗﻬﺎ ...
ﻣﻬﺎ ﻭﺳﻂ ﺣﺼﺎﺭ ﺑﻮﻫﺎ ﺍﻟﺨﺎﻧﻖ ﻣﺎﻛﺎﻧﺶ ﻳﻘﺪﺭ ﻳﻤﻨﻌﻬﺎ ﻣﻦ ﺯﻳﺎﺭﺓ ﺣﻨﺎﻫﺎ ﻟﻜﻦ ﺑﻤﻮﺍﻋﻴﺪ ﻣﺤﺪﺩﻩ ﻳﻌﻨﻲ ﻓﻲ ﺣﺎﻝ ﻃﻠﺒﺖ ﺣﻨﺎﻫﺎ ﺍﻭ ﻫﻮ ﺣﺪﺩ ﻳﻮﻡ ﻟﻬﺎﻟﺰﻳﺎﺭﻩ .. ﺑﺲ ﺍﻟﻤﻬﻢ ﻛﺎﻧﺖ ﺗﻤﺸﻴﻠﻬﺎ .. ﻭﺑﺮﻏﻢ ﺍﻥ ﺣﻨﺎﻫﺎ ﻣﺎﺗﺘﻜﻠﻤﺶ ﺇﻻ ﺑﺎﻟﺴﻴﻒ ﺑﺴﺒﺐ ﺍﻟﺠﻠﻄﻪ ﻭﻣﻘﻌﺪﻩ .. ﺇﻻ ﺇﻥ ﻧﻈﺮﺍﺗﻬﺎ ﺍﻟﺤﻨﻮﻧﻪ ﻭﻳﺪﻫﺎ ﺍﻟﻠﻲ ﺗﻤﺴﺢ ﺑﻴﻬﺎ ﻉ ﺭﺍﺱ ﻣﻬﺎ ﻟﻤﺎ ﺗﺮﻗﺪ ﻉ ﺭﺟﻠﻬﺎ ﻛﺎﻥ ﺗﻜﻔﻲ ﻣﻬﺎ ﻟﺘﺤﺲ ﺑﺤﻨﺎﻥ ﺍﻷﻣﻮﻣﻪ ﺍﻟﻠﻲ ﻓﺎﻗﺪﺍﺗﻪ ...
***
ﻃﺎﻟﻌﻪ ﻫﻲ ﻭﺻﺎﺣﺒﺘﻬﺎ ﻳﻔﻄﺮﻭﺍ ﺑﺮﺍ ﺍﻟﺼﺒﺢ ﻣﻦ ﺑﺎﺏ ﺗﻐﻴﺮ ﺍﻟﺠﻮ .. ﻭﻛﺎﻧﺖ ﻧﻴﺮﻭﺯ ﺗﺒﻲ ﺗﻔﺘﺢ ﻣﻮﺿﻮﻉ ﻣﻊ ﺣﻨﺎﻥ ..
ﻧﻴﺮﻭﺯ : ﻳﻬﺒﻞ ﺍﻟﺸﺘﻲ ..
ﺣﻨﺎﻥ ﺍﺑﺘﺴﻤﺖ : ﻫﻠﺒﻪ ﻧﺤﺒﻪ ﺍﻟﺠﻮ ﻟﻤﺎ ﻳﻜﻮﻥ ﻣﻐﻴﻢ ﻫﻜﻲ ..
ﻧﻴﺮﻭﺯ : ﺷﻦ ﺟﻮ ﺍﻟﺒﻨﺎﺕ .
ﺣﻨﺎﻥ : ﺍﻟﺤﻤﺪ ﻟﻠﻪ ﺗﺠﺎﻭﺯﻭﺍ ﺍﻟﻠﻲ ﺻﺎﺭ ..
ﻧﻴﺮﻭﺯ : ﻭﺍﻧﺘﻲ ..
ﺣﻨﺎﻥ ﺍﺑﺘﺴﻤﺖ : ﺍﻟﺤﻤﺪ ﻟﻠﻪ ﻗﺎﻋﺪﻩ ﻧﺘﻌﺎﻳﺶ ﻣﻊ ﺍﻟﻮﺿﻊ ..
ﻧﻴﺮﻭﺯ : ﺣﻨﺎﻥ ﻋﻼﺵ ﻣﺎﺗﺮﺟﻌﻴﺶ ﺗﺨﺪﻣﻲ ..
ﺣﻨﺎﻥ ﺷﺒﺤﺘﻠﻬﺎ ﻭﺳﻜﺘﺖ ..
ﻧﻴﺮﻭﺯ : ﺃﻏﻠﺐ ﻭﻗﺘﻚ ﺑﺮﻭﺣﻚ ... ﻭﺑﻨﺎﺗﻚ ﻋﻨﺪﻫﻢ ﻗﺮﺍﻳﻪ ﻳﻨﺸﻐﻠﻮﺍ ﺑﻴﻬﺎ ...
ﺣﻨﺎﻥ : ﻣﺶ ﻣﻔﻜﺮﻩ ﻓﺸﻲ ﺯﻱ ﻫﺬﺍ ﺣﺎﻟﻴﺎ ..
ﻧﻴﺮﻭﺯ : ﻣﺎﻻ ﺍﻣﺘﻰ ﺑﺘﻔﻜﺮﻱ ﻓﻴﻪ !! ﺣﻨﺎﻥ ﻟﺒﻨﻰ ﺍﻟﺴﻨﻪ ﺍﻟﺠﺎﻳﻪ ﺗﺨﺶ ﺍﻟﺠﺎﻣﻌﻪ .. ﺭﻫﻒ ﺣﺘﺘﺨﺮﺝ ﻭﺗﺒﺪﺍ ﺧﺪﻣﻪ ﺣﻴﻨﺸﻐﻠﻮﺍ ﺍﻛﺜﺮ ﻣﻦ ﺗﻮﺍ ﺣﺘﻘﻌﺪﻱ ﻫﻜﻲ ﻣﻘﻌﻤﺰﺓ ﻓﻲ ﺍﻟﺤﻮﺵ ﺯﻱ ﺍﻟﻌﺰﺍﻳﺰ .. ﺣﻨﺎﻥ ﺍﻧﺘﻲ ﻣﻬﻨﺪﺳﻪ ﻣﻤﺘﺎﺯﺓ .. ﻭﺧﺮﻳﺠﻪ ﻣﻦ ﺍﻋﺮﻕ ﺍﻟﺠﺎﻣﻌﺎﺕ ﻓﻲ ﺍﻟﻌﺎﻟﻢ ﻭﺑﺘﻔﻮﻕ ... ﻋﻼﺵ ﻫﺬﺍ ﻛﻠﻪ ﻳﺮﻳﺢ ﻉ ﺍﻟﻔﺎﺿﻲ ..
ﺣﻨﺎﻥ : ﺍﻧﻲ ﻟﻴﺎ 15 ﺳﻨﻪ ﻣﺴﻴﺒﻪ ﺍﻟﺨﺪﻣﻪ ﻣﺶ ﻋﺎﺭﻓﻪ ﺣﺎﺳﻪ ﺍﻧﻲ ﻧﺎﺳﻴﻪ ..
ﻧﻴﺮﻭﺯ : ﻧﺎﺳﻴﻪ ﺷﻨﻮ ﻭﺍﻧﻲ ﻷﺧﺮ ﻣﺮﺓ ﺷﻔﺘﻚ ﺭﺍﺳﻤﻪ ﺗﺼﻤﻴﻤﺎﺕ ﻉ ﺍﻟﻼﺏ ﺗﻮﺏ .. ﻳﻮﻡ ﻋﻄﻴﺘﻬﻮﻟﻲ ﻧﺪﻳﺮ ﻋﻠﻴﻪ ﺑﺤﺚ .. ﺗﺼﻤﻴﻤﺎﺕ ﻣﺶ ﻋﺎﺩﻳﻪ ..
ﻭﺑﺎﻟﺬﺍﺕ ﺗﺼﻤﻴﻢ ﻟﺤﻮﺵ ﻋﺠﺒﻨﻲ ﺑﺎﻟﻤﺮﺓ ..
ﺣﻨﺎﻥ ﺍﺑﺘﺴﻤﺖ : ﻫﺬﺍ ﻋﻼﺵ ﻓﺘﺤﺘﻲ ﻣﻌﺎﻱ ﺍﻟﻤﻮﺿﻮﻉ ﺗﻮﺍ
ﻧﻴﺮﻭﺯ : ﺍﻳﻪ ﺣﺮﺍﻡ ﻳﺎﺣﻨﺎﻥ ﺷﻐﻠﻚ ﻫﺬﺍ ﻳﻘﻌﺪ ﻓﻲ ﺍﻟﻼﺏ ﺗﻮﺏ ﺑﺲ ..
ﻓﻜﺮﻱ ﻓﻜﻼﻣﻲ ﺻﺪﻗﻴﻨﻲ ﻫﺬﺍ ﻭﻗﺘﻬﺎ ..
ﺣﻨﺎﻥ ﺷﺮﺑﺖ ﺍﻟﻨﺴﻜﺎﻓﻴﻪ ﻭﺷﺒﺤﺖ ﻟﻠﺮﻭﺷﻦ ﻭﺗﻔﻜﺮ ﻓﻜﻼﻣﻬﺎ
***
ﻓﻲ ﺍﻟﻤﺪﺭﺳﻪ
ﻧﺎﺯﻟﻪ ﻟﺒﻨﻰ ﻟﺤﺠﺮﺓ ﺍﻹﺩﺍﺭﺓ ﺗﺒﻲ ﺗﺴﺄﻝ ﻋﻦ ﻣﻬﺎ ﻫﻞ ﻋﻄﻲ ﺣﺪ ﻣﻦ ﺃﻫﻠﻬﺎ ﻋﺬﺭ ﻟﻐﻴﺎﺑﻬﺎ ﻳﻮﻣﻴﻦ ﻭﺭﺍﺑﻌﺾ
ﻣﻮﻇﻔﻪ ﻓﺎﻹﺩﺍﺭﻩ : ﺍﻳﻪ ﺍﺗﺼﻠﻮﺍ ﺍﻫﻠﻬﺎ ﻭﻗﺎﻟﻮﺍ ﺣﺎﻟﺔ ﻭﻓﺎﻩ ..
ﻟﺒﻨﻰ ﺑﺼﺪﻣﻪ : ﺣﺎﻟﺔ ﻭﻓﺎﺓ !!... ﻣﻌﻠﻴﺸﻲ ﻳﺎﺃﺑﻠﻪ ﻣﺎﻗﺎﻟﻮﺵ ﻣﻨﻮ ..
ﺍﻟﻤﻮﻇﻔﻪ : ﺟﺪﺗﻬﺎ ﺗﻘﺮﻳﺒﺎ ..
ﻟﺒﻨﻰ ﻭﺟﻌﻬﺎ ﻗﻠﺒﻬﺎ ﻉ ﻣﻬﺎ ﻷﻥ ﺣﻜﺘﻠﻬﺎ ﻗﺒﻞ ﻉ ﺟﺪﺗﻬﺎ .. ﻃﻠﻌﺖ ﻣﻦ ﺣﺠﺮﺓ ﺍﻹﺩﺍﺭﻩ ﻭﺩﻣﻮﻋﻬﺎ ﻧﺰﻟﻮﺍ .. ﻣﺶ ﻋﺎﺭﻓﻪ ﻛﻴﻒ ﺗﻮﺻﻞ ﻓﻴﻬﺎ .. ﻭﻋﺎﺭﻓﻪ ﺍﻥ ﺍﻹﺩﺍﺭﺓ ﻣﺶ ﺣﻴﻌﻄﻮﺍ ﻻ ﻋﻨﻮﺍﻥ ﺣﻮﺷﻬﺎ ﻭﻻﺃﻱ ﺷﻲ ﻋﻨﻬﺎ ﺩﻭﻥ ﻋﻠﻢ ﻭﻟﻲ ﺍﻷﻣﺮ ... ﻭﻟﺖ ﻟﻔﺼﻠﻬﺎ ﻭﻫﻲ ﻣﻌﻨﺪﻫﺎﺵ ﻧﻴﻪ ﻓﺸﻲ ...
***
ﻓﻲ ﺍﻟﺠﺎﻣﻌﻪ ..
ﻣﻘﻌﻤﺰﺓ ﺭﻫﻒ ﻣﻊ ﺗﻘﻮﻯ ﻭﻟﺆﻱ ﻭﺃﺳﻨﺎﻡ ..
ﺃﺳﻨﺎﻡ ﻃﻮﻝ ﺍﻟﻮﻗﺖ ﺳﺎﻛﺖ ﻭﺟﻮﻩ ﻣﺶ ﺣﻠﻮ .... ﻭﺍﻟﺒﺎﻗﻲ ﻳﻬﺪﺭﺯﻭﺍ ...
ﺭﻫﻒ : ﻗﻠﺖ ﺍﻣﺘﻰ ﻳﺪﻳﺮ ﺣﻔﻠﺔ ﺗﺎﻧﻴﻪ ﻓﻲ ﻣﻜﺎﻥ ﻣﺤﺘﺮﻡ ﻭﻫﺎﺩﻱ ﺑﻨﺤﻀﺮ .
ﺗﻘﻮﻯ : ﻛﻮﻳﺲ ﻣﻌﺎﻙ ...
ﻟﺆﻱ : ﺍﻣﺎ ﺍﻧﺘﻢ ﺍﻟﺒﻨﺎﺕ ﺣﺎﻟﻪ ﻭﺧﻼﺹ .
ﺗﻘﻮﻯ ﺑﻀﺤﻜﻪ : ﻭﺍﻧﺘﻢ ﺍﻷﻭﻻﺩ ﺣﺎﻟﺘﻴﻦ ... ﻟﻤﺎ ﺗﻐﺎﺭﻭﺍ ﻳﺒﺎﻥ ﻋﻠﻴﻜﻢ ..
ﻟﺆﻱ : ﺗﻮ ﺍﻧﻲ ﺑﻨﻐﺎﺭ ﻣﻦ ﻭﺍﺣﺪ ﻫﺎﻳﻒ ﺯﻱ ﻫﺬﺍ !! ﻭﻻﺍﺳﻨﺎﻡ ﻣﺜﻼ ..
ﺍﺳﻤﻊ ﻳﺎﺳﻴﻤﻮ ﺑﺎﻟﻠﻪ ..
ﺍﺳﻨﺎﻡ ﺷﺒﺤﻠﻬﻢ ﻭﺑﺤﺪﻩ : ﺩﻭﺓ ﻓﺎﺭﻏﻪ ﻣﺎﻟﻴﺶ ﻓﻴﻬﺎ ...
ﺗﻘﻮﻯ ﺑﻀﺤﻜﻪ : ﻗﺼﺪﻙ ﺣﻨﻲ ﻓﺎﺭﻏﻴﻦ
ﺍﺳﻨﺎﻡ ﻣﺎﺑﺎﺵ ﻳﺮﺩ ﻭﺷﺒﺢ ﻟﻠﺠﻬﺔ ﺍﻟﺘﺎﻧﻴﻪ ..
ﺭﻫﻒ ﺍﺿﺎﻳﻘﺖ : ﻫﻮ ﻓﻨﺎﻥ ﺍﻏﺎﻧﻴﻪ ﻫﺎﺩﻓﻪ ﻭﺣﺘﻰ ﻟﻤﺎ ﻳﻐﻨﻲ ﻋﺎﻃﻔﻲ ﻛﻼﻡ ﺃﻏﺎﻧﻴﻪ ﻣﺎﻓﻴﻬﺎﺵ ﺇﺳﻔﺎﻑ ﺑﻜﻞ ..
ﺍﺳﻨﺎﻡ ﺷﺒﺤﻠﻬﺎ ﻭﺑﺘﻬﻜﻢ : ﺑﺎﻟﺸﻮﻳﻪ ﻋﻠﻴﻚ ﺍﻟﻠﻲ ﻳﺴﻤﻌﻚ ﻳﻘﻮﻝ ﻭﺻﻠﺖ ﻓﺨﻮﻙ ..
ﺍﻧﺼﺪﻣﺖ ﺭﻫﻒ ﻣﻦ ﺃﺳﻠﻮﺑﻪ ﻣﺶ ﻫﻲ ﺑﺲ ﺣﺘﻰ ﻟﺆﻱ ﻭﺗﻘﻮﻯ ﺍﻟﻠﻲ ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ﺑﺈﺳﺘﻐﺮﺍﺏ ..
ﺭﻫﻒ ﺑﺤﺪﻩ : ﺍﻧﻲ ﺭﺩﻳﺖ ﻋﻠﻰ ﻛﻼﻣﻚ ﻟﻤﺎ ﻟﻤﺤﺖ ﺑﺈﻧﻲ ﻓﺎﺭﻏﻪ ..
ﺃﺳﻨﺎﻡ ﺍﺑﺘﺴﻢ ﺗﻬﻜﻤﺎ ﻭﻟﻒ ﻭﺟﻬﻪ ﻋﻨﻬﺎ ..
ﺭﻫﻒ ﻣﺴﺘﻐﺮﺑﻪ ﻓﻴﻪ ﻫﻠﺒﻪ ...
ﺗﻘﻮﻯ ﺑﺘﻐﻴﺮ ﺍﻟﺠﻮ : ﺧﻼﺹ ﻳﺎﻭﺩﻱ ﺭﻳﺖ ﻫﺎﻟﻘﺼﻪ .. ﺷﺒﺤﺖ ﻟﻠﻜﺘﺎﺏ ﺍﻟﻠﻲ ﻋﻨﺪ ﺭﻫﻒ ... ﺍﻳﻴﻴﻪ ﺭﻫﻮﻓﻪ ﻗﻮﻟﻴﻠﻲ ﻭﻳﻦ ﻟﻘﺘﻴﻪ ..
ﺭﻫﻒ : ﺟﺎﺑﻬﻮﻟﻲ ﻣﻬﺎﺏ ...
ﺗﻘﻮﻯ : ﺍﻫﺎ ... ﻓﻜﺮﺕ ﻓﻴﻚ ﺍﻣﺲ ﻗﻠﺖ ﻏﺒﺖ ﻭﺧﻠﻴﺘﻬﺎ ﺑﺮﻭﺣﻬﺎ ﺍﺩﻭﺭ ﻋﻠﻴﻪ ..
ﺍﺳﻨﺎﻡ ﻭﻫﻮ ﻳﻐﻠﻲ : ﻻ ﺍﻃﻤﻨﻲ ﻣﺎﻗﻌﺪﺗﺶ ﺑﺮﻭﺣﻬﺎ ﻣﻬﺎﺏ ﻭﻧﺴﻬﺎ ...
ﺭﻫﻒ ﻟﻬﻨﻲ ﻭﺧﻼﺹ ﻭﻗﻔﺖ : ﺍﻧﺖ ﺧﻴﺮﻙ ﻗﻮﻟﻲ ﺧﻴﺮﻙ ﺷﻨﻮ ﺍﻷﺳﻠﻮﺏ ﺍﻟﺰﻓﺖ ﺍﻟﻠﻲ ﺗﺘﻜﻠﻢ ﺑﻴﻪ ﻣﻦ ﺍﻟﺼﺒﺢ ﻭﺗﻠﻤﻴﺤﺎﺗﻚ ﺍﻟﺤﻘﻴﺮﻩ ﻫﺎﺩﻱ ..
ﺍﺳﻨﺎﻡ ﻧﺎﺽ : ﻭﺍﻧﺘﻲ ﺧﻴﺮﻙ ﺍﻧﻘﺮﺻﺘﻲ ﻫﻜﻲ ... ﻭﻻﺻﺎﺣﺐ ﺍﻟﻌﻠﻪ .
ﺭﻫﻒ ﻣﺎﻟﻘﺘﺶ ﺭﺩ ﻣﻨﺎﺳﺐ ﻷﺳﻨﺎﻡ ﻏﻴﺮ ﻛﻒ ﻳﻌﻠﻢ ﻉ ﻭﺟﻬﻪ ..
ﺭﻫﻒ ﺑﻐﻀﺐ : ﺭﺩ ﺑﺎﻟﻚ ﺗﺠﻲ ﻗﺪﺍﻡ ﻭﺟﻬﻲ ﻭﻻﻣﺎﺯﺍﻝ ﺗﻜﻠﻤﻨﻲ .. ﻣﻌﺎﺵ ﻧﺒﻲ ﻧﻌﺮﻓﻚ ﺑﻜﻞ
ﺍﺳﻨﺎﻡ ﺑﻐﻀﺐ ﻭﻣﻦ ﻭﺭﺍ ﻗﻠﺒﻪ ﺍﻟﻠﻲ ﺑﻴﺘﻘﻄﻊ : ﺃﺣﺴﻦ .
ﺭﻫﻒ ﻣﺸﺖ ﻣﻦ ﺣﺪﺍﻫﻢ ﻭﺩﻣﻮﻋﻬﺎ ﻧﺰﻟﻮﺍ ... ﻭﺗﻘﻮﻯ ﻟﺤﻘﺘﻬﺎ ..
ﻭﻫﻮ ﻗﻌﺪ ﻭﺍﻗﻒ ﻳﺸﻮﻓﻠﻬﺎ ﻣﺶ ﻣﺴﺘﻮﻋﺐ ﻛﻴﻒ ﺩﺍﺭ ﻫﻜﻲ ..
ﻟﺆﻱ ﺑﺼﺪﻣﻪ؛ ﺧﻴﺮﻙ ﺍﻧﺖ ﺷﻦ ﺟﺎﻙ !!
ﺍﺳﻨﺎﻡ : ﻓﻮﺗﻨﻲ .. ﻭﻣﺸﻲ ﻭﻟﺤﻘﻪ ﻟﺆﻱ ...
ﻭﻫﺬﺍ ﻛﻠﻪ ﺻﺎﺭ ﻭﺳﻂ ﺍﻟﺠﻤﻬﻮﺭ ﺍﻟﻠﻲ ﻳﺘﻔﺮﺟﻮﺍ ﻭﻳﻘﺼﻘﺼﻮﺍ ...
***
ﻣﻦ ﺑﻌﺪ ﻣﺎ ﺭﻭﺣﺖ ﺣﻨﺎﻥ ﻣﻦ ﻣﺸﻮﺍﺭﻫﺎ ﻫﻲ ﻭﻧﻴﺮﻭﺯ ﻭﻫﻲ ﺗﻔﻜﺮ ﻓﻜﻼﻣﻬﺎ ﻫﻠﺒﻪ ﺑﺲ ﻣﺶ ﻗﺎﺩﺭﺓ ﺗﻮﺻﻞ ﻟﻘﺮﺍﺭ ...
ﺣﻄﺖ ﺍﻟﻐﺪﻱ ﻉ ﺍﻟﻨﺎﺭ ﻭﻗﻌﻤﺰﺕ ﻉ ﺍﻟﻼﺏ ﺗﻮﺏ ﺗﺸﻮﻑ ﻓﻲ ﺗﺼﻤﻴﻤﺎﺗﻬﺎ ﻟﻴﻦ ﺍﻧﻔﺘﺢ ﺑﺎﺏ ﺍﻟﺤﻮﺵ ﻭﺧﺸﺖ ﻟﺒﻨﻰ ..
ﻟﺒﻨﻰ ﺑﻀﻴﻖ : ﺍﻟﺴﻼﻡ ﻋﻠﻴﻜﻢ ..
ﺣﻨﺎﻥ ﺑﺈﺳﺘﻐﺮﺍﺏ : ﻭﻋﻠﻴﻜﻢ ﺍﻟﺴﻼﻡ ... ﺧﻴﺮﻙ؟ !
ﻟﺒﻨﻰ : ﺟﺪﺓ ﻣﻬﺎ ﺗﻮﻓﺖ ..
ﺣﻨﺎﻥ ﺑﺄﺳﻒ : ﺇﻧﺎ ﻟﻠﻪ ﻭﺇﻥ ﺇﻟﻴﻪ ﺭﺍﺟﻌﻮﻥ .. ﺭﺑﻲ ﻳﻐﻔﺮﻟﻬﺎ ﻭﻳﺮﺣﻤﻬﺎ ﻭﻳﺼﺒﺮ ﻣﻬﺎ ..
ﻟﺒﻨﻰ : ﻳﺎﺭﻳﺖ ﻟﻮ ﻧﻌﺮﻓﻮﻟﻬﺎ ﻋﻨﻮﺍﻥ ﻭﻻ ﻧﻘﺪﺭﻭﺍ ﻧﻮﺻﻠﻮﺍ ﻓﻴﻬﺎ ..
ﺣﻨﺎﻥ ﺑﻀﻴﻖ : ﻣﺴﻜﻴﻨﻪ ﻫﺎﻟﺒﻨﺖ ﺭﺑﻲ ﻳﺘﻮﻻﻫﺎ ﺑﺮﺣﻤﺘﻪ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﺭﻫﻒ ﻭﺑﺎﻳﻦ ﻋﻠﻴﻬﺎ ﻣﺶ ﻉ ﺑﻌﻀﻬﺎ ﺑﻜﻞ ..
ﺭﻫﻒ : ﺍﻟﺴﻼﻡ ﻋﻠﻴﻜﻢ .
ﺍﻟﺰﻭﺯ ﺭﺩﻭﺍ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ..
ﺭﻫﻒ : ﻣﺎﻣﺎ ﺗﻌﺒﺎﻧﻪ ﻭﻧﺒﻲ ﻧﺮﻗﺪ ﻣﺎﺗﻨﻮﺿﻨﻴﺶ ﻉ ﺍﻟﻐﺪﻱ .. ﻭﺭﻛﺒﺖ ﻃﻮﻝ ...
ﺣﻨﺎﻥ : ﺧﻴﺮﻫﺎ ﺣﺘﻰ ﻫﻲ؟؟ !
ﻟﺒﻨﻰ : ﻣﺮﺍﺕ ﺻﺎﻳﺮﻩ ﻣﻌﺎﻫﺎ ﺣﺎﺟﻪ ﻓﻲ ﺍﻟﻘﺮﺍﻳﻪ ﻣﻨﺮﻓﺰﺗﻬﺎ ﺍﻣﺘﺤﺎﻧﺎﺗﻬﻢ ﻗﺮﻳﺐ ﻣﺎﻩ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ﻳﻜﻮﻥ ﻫﻜﻲ .. ﺗﻨﻬﺪﺕ .. ﻫﻴﺎ ﺍﺭﻛﺒﻲ ﺣﺘﻰ ﺍﻧﺘﻲ ﺑﻨﺘﻲ ﻏﻴﺮﻱ ﻭﺻﻠﻲ ﻭﺗﺮﻳﺤﻲ .. ﻭﺍﻣﺘﻰ ﻳﻄﻴﺐ ﺍﻟﻐﺪﻱ ﺍﻧﺎﺩﻳﻚ ..
ﻟﺒﻨﻰ : ﺣﺎﺿﺮ .. ﻧﺎﺿﺖ ﻟﺒﻨﻰ ﻭﺭﻛﺒﺖ ..
ﺣﻨﺎﻥ ﺷﺒﺤﺘﻠﻬﺎ ﻭﻫﻲ ﺭﺍﻛﺒﻪ : ﻣﻬﻤﺎ ﻳﻜﺒﺮﻭﺍ ﻣﺤﺘﺎﺟﻴﻨﻲ ﺧﺪﻣﺔ ﺷﻨﻮ ﺍﻟﻠﻲ ﺑﻨﻠﻬﻰ ﺑﻴﻬﺎ ﻋﻨﻬﻢ !!...
***
ﺧﺶ ﻟﻠﺤﻮﺵ ﻭﻫﻮ ﻣﻌﺼﺐ ﻭﺧﺶ ﻣﻌﺎﻩ ﺻﺎﺣﺒﻪ .. ﻭﺍﺿﺢ ﻣﺎ
ﻛﺎﻧﺶ ﻓﺎﻟﺤﻮﺵ ﺣﺪ
ﺧﺶ ﻟﺪﺍﺭﻩ ﻭﺻﺎﺣﺒﻪ ﻭﺭﺍﻩ
ﺍﺳﻨﺎﻡ ﺑﻐﻀﺐ : ﻻﺵ ﻻﺣﻘﻨﻲ ..
ﻟﺆﻱ : ﺑﺎﻫﻲ ﺍﻟﻠﻲ ﻟﺤﻘﺘﻚ ﻭﺑﺎﻫﻲ ﺍﻟﻠﻲ ﺭﻛﺒﺘﻚ ﺳﻴﺎﺭﺗﻲ ﻭﺭﻭﺣﺖ ﺑﻴﻚ .. ﻛﺎﻥ ﻫﺬﺍ ﺩﺭﺕ ﺯﻱ ﺍﻟﻤﺮﺓ ﺍﻟﻠﻲ ﻓﺎﺗﺖ ..
" ﺍﻟﺴﻨﻪ ﺍﻟﻠﻲ ﻓﺎﺗﺖ ﺍﺳﻨﺎﻡ ﻓﻲ ﺑﻨﺖ ﻛﺎﻧﺖ ﺣﺎﻃﻪ ﺍﻟﻌﻴﻦ ﻋﻠﻴﻪ ﻭﺗﺒﻴﻪ ﻛﺬﺑﺖ ﻋﻠﻴﻪ ﻭﻗﺎﻟﺘﻠﻪ ﺇﻥ ﻓﻲ ﻋﻼﻗﻪ ﺑﻴﻦ ﺭﻫﻒ ﻭﻭﺍﺣﺪ ﻡ ﺍﻟﺠﻤﺎﻋﻪ ﺍﻟﻠﻲ ﻳﻘﺮﻭﺍ ﻣﻌﺎﻫﻢ ﻭﺟﺎﺑﺘﻠﻪ ﺻﻮﺭ ﻣﺤﺎﺩﺛﺎﺕ ﻣﻔﺒﺮﻛﻪ ﻭﺍﻟﺠﻮ ﺍﻟﺮﺍﻣﺾ ﺍﻟﻠﻲ ﺗﻌﺮﻓﻮﻩ .. ﺍﺳﻨﺎﻡ ﺟﻦ ﺟﻨﻮﻧﻪ ﺭﻭﺡ ﻟﻠﺤﻮﺵ ﻭﻫﻮ ﻣﻌﺼﺐ ﻭﻷﻧﻪ ﻛﺎﻥ ﻳﺴﻮﻕ ﺑﺴﺮﻋﻪ ﺟﻨﻮﻧﻴﻪ ﺩﺍﺭ ﺣﺎﺩﺙ ﻭﺭﺍﺡ ﻋﻠﻴﻪ ﺍﻣﺘﺤﺎﻧﻪ ﺍﻷﺧﻴﺮ ﻳﻮﻣﻬﺎ .. ﻭﻃﺒﻌﺎ ﺑﻌﺪﻳﻦ ﺍﻛﺘﺸﻒ ﺇﻥ ﺍﻟﺒﻨﺖ ﻛﺬﺍﺑﻪ ﻭﻟﺆﻱ ﺍﻟﻠﻲ ﻛﺸﻔﻠﻪ ﺍﻟﻘﺼﻪ ﻛﻠﻬﺎ " ..
ﺍﺳﻨﺎﻡ : ﺑﺎﻟﻠﻪ ﻋﻠﻴﻚ ﺧﻠﻴﻨﻲ ﺃﺭﺟﻮﻙ ...
ﻟﺆﻱ : ﺑﺎﻫﻲ ﻧﺨﻠﻴﻚ ﺯﻱ ﻣﺎﺗﺒﻲ ... ﻟﻜﻦ ﻻﺯﻡ ﻧﻘﻮﻟﻚ ﺍﻧﻚ ﻣﺎﺗﻌﺮﻓﺶ ﺗﺘﺼﺮﻑ ﻳﺎﺍﺳﻨﺎﻡ ﻭﺍﻟﻠﻲ ﺩﻳﺮ ﻓﻴﻪ ﺣﻴﻀﻴﻌﻬﺎ ﻣﻨﻚ .. ﻛﺎﺑﺖ ﻣﺸﺎﻋﺮﻙ ﻃﻮﻝ ﻫﺎﻟﺴﻨﻴﻦ ﺧﺎﻳﻒ ﻭﻗﻠﺖ ﻣﺎﻧﺒﻴﺶ ﻧﺸﻐﻠﻬﺎ ﻉ ﻗﺮﺍﻳﻪ ﻗﻠﻨﺎ ﺑﺎﻫﻲ .. ﺧﻼﺹ ﺗﻮﺍ ﺍﻟﺒﻨﺖ ﺑﺘﺘﺨﺮﺝ ﺗﻜﻠﻢ ﻳﺎﺃﺳﻨﺎﻡ ... ﺧﺎﻳﻒ ﺗﺮﺩﻧﻲ .. ﻭﻗﻌﺪﺕ ﻓﻲ ﺣﺎﻟﺔ ﺍﻟﺘﺮﺩﺩ ﻫﺎﺩﻱ ﻟﻴﻦ ﺻﺎﺭ ﺍﻟﻠﻲ ﺻﺎﺭ ﻭﺳﺒﻘﻚ ﻟﻴﻬﺎ ﻏﻴﺮﻙ .. ﻭﺑﺪﺍﻝ ﻣﺎﺗﺘﺤﺮﻙ ﺣﻀﺮﺗﻚ ﻭﺍﺩﻳﺮ ﻣﻮﻗﻒ ﻭﺗﺘﻜﻠﻢ .. ﺧﺮﺑﺘﻬﺎ ﻣﻌﺎﻫﺎ ﻣﺮﻩ ﻭﺣﺪﻩ ... ﻣﻦ ﻫﺎﻟﻠﺤﻈﻪ ﻻﺯﻡ ﺗﻔﻜﺮ ... ﻳﺎﺗﻌﺘﺮﻓﻠﻬﺎ ﻳﺎﺗﻔﻮﺗﻬﺎ ﻭﺗﺮﺗﺎﺡ .. ﻭﻃﻠﻊ ﻣﻦ ﺣﺪﺍﻩ ﻭﺧﻼﻩ ﻓﻲ ﺣﺎﻟﻪ ...
ﻣﺮﺕ ﺍﻳﺎﻡ ﻣﻦ ﺑﻌﺪ ﻫﺬﺍ ﺍﻟﻴﻮﻡ ﻭﻷﻭﻝ ﻣﺮﻩ ﻣﻦ ﺍﺭﺑﻌﻪ ﺳﻨﻴﻦ ﺍﺳﻨﺎﻡ ﻭﺭﻫﻒ ﻳﻘﺎﻃﻌﻮﺍ ﺑﻌﺾ ﻫﻜﻲ ﻫﻲ ﻗﻠﺒﻬﺎ ﻣﻠﻴﺎﻥ ﻣﻨﻪ ﺍﻣﺎ ﻫﻮ ﻗﻠﺒﻪ ﻭﺍﺟﻌﻪ ﻫﻠﺒﻪ ﻭﻣﺶ ﻣﺘﺤﻤﻞ ﺑﻌﺪﻫﺎ ﻋﻠﻴﻪ ﺑﺲ ﻳﻜﺎﺑﺮ ﻉ ﻧﻔﺴﻪ ... ﺑﺮﻏﻢ ﻣﺮﺍﻗﺒﺘﻪ ﻟﻴﻬﺎ ﺍﻟﻤﺴﺘﻤﺮﻩ ..
ﺍﻣﺎ ﻣﻬﺎ ﻣﺎﺗﺒﻴﺶ ﺗﻔﺎﺭﻕ ﺣﻮﺵ ﺣﻨﺎﻫﺎ ﻭﻧﻔﺴﻴﺘﻬﺎ ﻣﺪﻣﺮﺓ ﻫﻠﺒﻪ ﻃﻮﻝ ﻭﻗﺘﻬﺎ ﺭﺍﻗﺪﻩ ﻑ ﺩﺍﺭﻫﺎ ﻉ ﻓﺮﺍﺷﻬﺎ ﻭﺗﺒﻜﻲ ...
ﻣﻌﺎﻭﻳﻪ ﻣﺎ ﺭﻭﺣﺶ ﻣﻦ ﺑﺮﺍ ﻭﻗﺎﻋﺪ ﻻﻫﻲ ﺑﻤﺸﺮﻭﻋﻪ ﺍﻟﺠﺪﻳﺪ ..
ﺍﻣﺎ ﻧﻀﺎﻝ ﻭﻳﺎﺭﺍ ﻳﻤﺎﺭﺳﻮﺍ ﻓﺤﻴﺎﺗﻬﻢ ﺑﺸﻜﻞ ﻋﺎﺩﻱ ﺑﺪﻭﻥ ﺟﺪﻳﺪ ﻳﻄﺮﺃ ﻋﻠﻴﻬﻢ ﺑﺮﻏﻢ ﻧﻔﺴﻴﺔ ﻧﻀﺎﻝ ﺍﻟﺘﺎﻋﺒﻪ ﺑﻌﺾ ﺍﻟﺸﻲ ﻭﻳﺎﺭﺍ ﺗﺤﺎﻭﻝ ﺗﺨﻔﻒ ﻋﻨﻪ ...
ﻓﻴﻮﻡ ...
ﺭﻭﺡ ﻧﻀﺎﻝ ﻣﻦ ﺍﻟﺨﺪﻣﻪ ﺃﻭﻝ ﻣﺎﺧﺶ ﺍﻟﺤﻮﺵ .. ﻛﺎﻥ ﻧﺎﻭﻱ ﻳﺨﺶ ﻟﺪﺍﺭﻩ ﻭﻳﺮﻗﺪ ﻃﻮﻝ ...
ﻳﺎﺭﺍ ﻧﺎﺩﺍﺗﻪ ﻣﻦ ﺍﻟﺼﺎﻟﻪ : ﻧﻀﺎﺍﺍﺍﺍﻝ ...
ﻧﻀﺎﻝ ﺗﻨﻬﺪ ﻭﻭﻻ .. ﻣﺸﻲ ﻟﻠﺼﺎﻟﻪ ﻭﻭﻗﻒ ﺟﺎﻣﺪ ﻓﻤﻜﺎﻧﻪ ..
ﺭﻫﻒ ﻭﺍﻗﻔﻪ ﺗﺸﺒﺤﻠﻪ ﻭﻣﻌﺎﻫﺎ ﻳﺎﺭﺍ ﻭﻛﺎﻧﺖ ﻣﺒﺘﺴﻤﻪ ..
ﻳﺎﺭﺍ : ﺑﺘﺨﺶ ﺗﺮﻗﺪ ﻃﻮﻝ ﻫﻜﻲ ﻣﻦ ﻏﻴﺮ ﻣﺎﺗﺴﻠﻢ ﻉ ﺿﻴﻔﺘﻨﺎ ..
ﺭﻫﻒ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﺃﻣﺎ ﻧﻀﺎﻝ ﻃﻴﺢ ﺷﻨﻄﺘﻪ ﺍﻟﻠﻲ ﻓﻴﺪﻩ ﻭﻗﺪﻣﻠﻬﺎ ﺑﺴﺮﻋﻪ ﻭﺣﻀﻨﻬﺎ ... ﻭﻫﻲ ﺑﻜﺖ ﻭﺣﻀﻨﺎﺗﻪ ﺑﻘﻮﺓ .. ﺍﺳﺘﺎﺣﺸﺖ ﺍﺣﻦ ﺣﻀﻦ ﻋﻠﻴﻬﺎ ﻓﻲ ﺍﻟﺪﻧﻴﺎ ﻣﻦ ﺑﻌﺾ ﺣﻀﻦ ﺍﻣﻬﺎ .. ﺍﻣﺎ ﻧﻀﺎﻝ ﻓﻜﺎﻥ ﺣﺎﺿﻨﻬﺎ ﺑﻘﻮﺓ ﻭﻣﻐﻤﺾ ﻋﻴﻮﻧﻪ ..
ﻧﻀﺎﻝ : ﺑﻨﺘﻲ ﺍﻟﺪﻛﺘﻮﺭﺓ ...
ﺭﻫﻒ ﺑﺒﻜﻲ : ﺍﺳﺘﺎﺣﺸﺘﻚ ﺑﺎﺑﺎ ...
ﻧﻀﺎﻝ : ﻳﺎﺭﻭﺡ ﺑﺎﺑﺎ .. ﻭﺯﺍﺩ ﺣﻀﻨﻬﺎ ﺍﻛﺜﺮ ...
ﻳﺎﺭﺍ ﺩﻣﻮﻋﻬﺎ ﻧﺰﻟﻮﺍ .. ﻋﻤﺮﻫﺎ ﻣﺎﺣﺴﺖ ﺑﻬﺎﻟﺸﻌﻮﺭ ﻣﺶ ﻷﻧﻬﺎ ﻳﺘﻴﻤﻪ ﻳﺎﺭﻳﺘﻬﺎ ﻛﺎﻧﺖ ﻳﺘﻴﻤﻪ ﺑﺲ ﺑﻮﻫﺎ ﻣﺎﻛﺎﻧﺶ ﻳﺴﺘﺤﻖ ﻳﻜﻮﻥ ﺃﺏ ..
ﻓﻼﺵ ﺑﺎﻙ ..
ﻣﻦ ﺳﻨﻴﻦ ﻃﻮﻳﻠﻪ ﻓﻲ ﺃﺣﺪ ﺍﻟﺪﻭﻝ ﺍﻷﺭﻭﺭﺑﻴﻪ ..
ﺭﻭﺣﺖ ﻳﺎﺭﺍ ﻣﻦ ﺍﻟﻤﺪﺭﺳﻪ ﻭﻛﺎﻧﺖ ﻭﻗﺘﻬﺎ ﺑﻨﺖ 14 ﺳﻨﻪ .. ﺧﺸﺖ ﻟﻠﺤﻮﺵ .. ﺳﻤﻌﺖ ﺍﺻﻮﺍﺕ ﺿﺤﻚ ﻭﺍﺻﻮﺍﺕ ﻏﺮﻳﺒﻪ ... ﺟﺎﻳﻪ ﻣﻦ ﺩﺍﺭ ﻧﻮﻡ ﺑﻮﻫﺎ ﻭﺃﻣﻬﺎ ... ﻣﺸﺖ ﺗﺸﻮﻑ ﻟﻘﺖ ﺍﻟﺒﺎﺏ ﻣﻔﺘﻮﺡ ﺷﻮﻳﻪ ﻭﺑﻮﻫﺎ ﻓﻲ ﺩﺍﺭ ﻣﻊ ﻭﺍﺣﺪﻩ ﻣﻦ ﺍﻟﻌﺎﻫﺮﺍﺕ .. ﺍﻧﺼﺪﻣﺖ .. ﻭﺧﺮﺕ ﺧﻄﻮﺗﻴﻦ ﺑﺘﻤﺸﻲ .. ﺿﺮﺑﺖ ﺣﺎﺟﻪ ﺑﺮﺟﻠﻬﺎ .. ﺑﻮﻫﺎ ﺳﻤﻊ ﺍﻟﺼﻮﺕ ﻧﺎﺽ ﻳﺠﺮﻱ ﻭﻳﺪﻭﺏ ﻟﺒﺲ ﺣﺎﺟﻪ ﺗﺴﺘﺮﻩ ﻟﻘﺎﻫﺎ ﻭﺍﻗﻔﻪ ﺗﺸﺒﺤﻠﻪ ﺑﺼﺪﻣﻪ ... ﻗﺮﺏ ﻣﻨﻬﺎ ﻭﺷﺪﻫﺎ ﻣﻦ ﺭﻗﺒﺘﻬﺎ ...
ﺑﻮﻫﺎ : ﺗﻘﻮﻟﻲ ﺣﺎﺟﻪ ﻷﻣﻚ ... ﻧﺬﺑﺤﻚ ... ﻧﻌﺪﻣﻚ .. ﻭﻛﺎﻥ ﻳﺸﺪ ﻉ ﺭﻗﺒﺘﻬﺎ ﺑﻘﻮﺓ ﻟﻴﻦ ﻫﺮﺏ ﻋﻠﻴﻬﺎ ﺍﻟﻨﻔﺲ ... ﻓﻬﻤﺘﺘﺘﻲ ..
ﻳﺎﺭﺍ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﺑﺼﻌﻮﺑﻪ .. ﻃﻠﻘﻬﺎ ﻭﺷﺪﻫﺎ ﻣﻦ ﻳﺪﻫﺎ .. ﻭﻓﺘﺢ ﺍﻟﺒﺎﺏ .. ﺍﻃﻠﻌﻲ ﺗﻮﺍ ﻟﻴﻦ ﻧﻌﻴﺶ ﺟﻮﻱ ﻭﻟﻤﺎ ﻧﻄﻠﻊ ﺍﻧﻲ ﺧﺸﻲ .. ﻭﺩﻓﻬﺎ ﺑﺮﺍ ﻭﺻﻜﺮ ﺍﻟﺒﺎﺏ ..
ﺍﻟﻮﻗﺖ ﺍﻟﺤﺎﺿﺮ
ﻳﺎﺭﺍ ﺩﻣﻮﻋﻬﺎ ﻧﺰﻟﻮﺍ ﺳﻴﻞ .. ﻧﻀﺎﻝ ﻗﻌﺪ ﻳﺸﺒﺤﻠﻬﺎ ..
ﻧﻀﺎﻝ : ﻳﺎﺭﺍ ...
ﻳﺎﺭﺍ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ﻭﻗﻌﺪﺕ ﺗﻤﺴﺢ ﻓﻴﻬﻢ : ﻫﻴﺎ ﻧﺨﻠﻴﻜﻢ ﺑﻨﺖ ﻭﺑﻮﻫﺎ ﻣﻊ ﺑﻌﺾ ﺍﻧﻲ ﻓﻤﻜﺘﺒﻲ ﻟﻮ ﺗﺒﻴﻨﻲ ..
ﻧﻀﺎﻝ ﺍﺑﺘﺴﻢ : ﺑﺎﻫﻲ ..
ﻣﺸﺖ ﻳﺎﺭﺍ ﺗﻜﻤﻞ ﺑﻜﺎﻫﺎ ﻓﻲ ﻣﻜﺘﺒﻬﺎ ..
ﺭﻫﻒ : ﺍﻟﺒﺎﻳﻦ ﻋﻠﻴﻬﺎ ﺗﺤﺒﻚ ﻫﻠﺒﻪ ..
ﻧﻀﺎﻝ ﺍﺑﺘﺴﻢ : ﻭﺍﻧﻲ ﻧﺤﺒﻚ ﻫﻠﺒﻪ ﻭﻃﺎﻳﺮ ﻣﻦ ﻓﺮﺣﺘﻲ ﺑﺸﻮﻓﺘﻚ
ﺭﻫﻒ ﺑﺈﺑﺘﺴﺎﻣﻪ : ﻭﺍﻧﻲ ﺍﻛﺜﺮ ﺑﺎﺑﺎ ...
ﻧﻀﺎﻝ ﺑﺎﺱ ﺍﻳﺪﻫﺎ : ﺭﺑﻲ ﻳﺤﻔﻈﻚ ﻭﻣﺎﻳﺤﺮﻣﻨﻲ ﻣﻨﻚ ﻻﺇﻧﺘﻲ ﻭﻻﺍﺧﺘﻚ ﺍﻟﻠﻲ ﻗﺎﻋﺪﻩ ﻣﻘﺴﻴﻪ ﻗﻠﺒﻬﺎ ...
ﺭﻫﻒ ﺑﻀﺤﻜﻪ : ﺗﻮ ﺗﻐﺎﺭ ﻣﻨﻲ ﻭﺗﺠﻲ ﺍﻟﻤﺮﺓ ﺍﻟﺠﺎﻳﻪ ..
ﻧﻀﺎﻝ :: ﻫﻬﻬﻬﻬﻬﻬﻬﻪ ... ﺍﻳﻪ ... ﻗﻮﻟﻴﻠﻲ ﺷﻦ ﺣﺎﻟﻜﻢ ﻭﺷﻦ ﺍﻣﻮﺭﻛﻢ ..
ﺭﻫﻒ : ﺍﻟﺤﻤﺪ ﻟﻠﻪ ﻛﻮﻳﺴﻴﻦ ..
ﻧﻀﺎﻝ : ﻭﺍﻣﻚ ﺷﻦ ﺣﺎﻟﻬﺎ ...
ﺭﻫﻒ : ﺍﻟﺤﻤﺪ ﻟﻠﻪ ﺗﻤﺎﻡ ﺑﺪﺕ ﺗﺨﺪﻡ ...
ﻧﻀﺎﻝ ﻣﺘﻔﺎﺟﺄ : ﺗﺨﺪﻡ !
ﺭﻫﻒ : ﺇﻳﻪ ﺑﻌﺪ ﺟﻬﺪ ﺟﻬﻴﺪ ﻣﻦ ﻣﺤﺎﻭﻻﺕ ﺍﻹﻗﻨﺎﻉ ﺍﻧﻲ ﻭﻟﺒﻨﻰ ﻭﺧﺎﻟﺘﻲ ﻧﻴﺮﻭﺯ ﻭﺍﻓﻘﺖ ﻟﻴﻬﺎ ﺗﻼﺗﻪ ﺍﻳﺎﻡ ﺑﺎﺩﻳﻪ ﻓﻲ ﻣﻜﺘﺐ ﻫﻨﺪﺳﻲ ﻣﻌﺮﻭﻑ ﻷﺳﺘﺎﺫ ﻛﺎﻧﺖ ﺗﺨﺪﻡ ﻋﻨﺪﻩ ﺯﻣﺎﻥ ...
ﻧﻀﺎﻝ ﺑﺈﺑﺘﺴﺎﻣﻪ : ﺍﻟﻤﻬﻨﺪﺱ ﻣﻮﺳﻰ ...
ﺭﻫﻒ : ﺍﻳﻪ ﻫﻮ ﻫﺬﺍ ..
ﻧﻀﺎﻝ ﻫﺰ ﺭﺍﺳﻪ ﺑﺈﻳﺠﺎﺏ : ﻛﻮﻳﺲ ...
***
ﻭﺍﻟﻠﻪ ﻳﺎﺑﺎﺵ ﻣﻬﻨﺪﺳﻪ ﻣﺎﺗﻘﻮﻝ ﻟﻴﻚ 15 ﺳﻨﻪ ﻣﺴﻴﺒﻪ .. ﺗﺼﺎﻣﻴﻤﻚ ﻣﻤﺘﺎﺯﺓ ﻭﺣﺪﻳﺜﻪ ..
ﺣﻨﺎﻥ ﺑﺈﺑﺘﺴﺎﻣﻪ : ﺑﺎﺭﻙ ﺍﻟﻠﻪ ﻓﻴﻚ .. ﻭﺇﻥ ﺷﺎﺀ ﺍﻟﻠﻪ ﻧﻜﻮﻥ ﻋﻨﺪ ﺣﺴﻦ ﺍﻟﻈﻦ ..
ﻣﻮﺳﻰ : ﻟﻴﻚ ﺗﻼﺗﻪ ﺍﻳﺎﻡ ﺑﺲ ﻭﻟﺘﻮﺍ ... ﺍﻛﺜﺮ ﻣﻦ ﺗﻼﺗﻪ ﻃﻠﺒﻮﺍ ﻣﻨﻚ ﺗﺼﻤﻤﻴﻠﻬﻢ ﻓﻠﻞ .. ﺑﻌﺪ ﺷﺎﻓﻮﺍ ﺗﺼﻤﻴﻢ ﺍﻟﻔﻴﻼ ﺍﻟﻠﻲ ﻋﺎﺭﺿﺘﻴﻪ ﻓﻲ ﺍﻟﺼﻔﺤﻪ ...
ﺣﻨﺎﻥ : ﺍﻟﺤﻤﺪ ﻟﻠﻪ .. ﺑﺲ ﻣﻜﺘﺒﻚ ﻭﺳﻤﻌﺘﻪ ﻫﻴﺎ ﺍﻟﻠﻲ ﺟﺎﺑﺘﻠﻲ ﻫﺎﻟﺸﻐﻞ ﻣﻦ ﺍﻭﻝ ﺗﻼﺗﻪ ﺍﻳﺎﻡ ..
ﻣﻮﺳﻰ ﺑﺈﺑﺘﺴﺎﻣﻪ : ﻛﻌﺎﺩﺗﻚ ﺩﻳﻤﺎ ﺍﺳﻠﻮﺑﻚ ﻓﻲ ﺍﻟﻜﻼﻡ ﻳﺨﻠﻲ ﺍﻟﻮﺍﺣﺪ ﻳﻌﺠﺰ ﻳﺮﺩ ﻋﻠﻴﻪ ...
ﺍﺑﺘﺴﻤﺖ ﺣﻨﺎﻥ ﺑﺨﺠﻞ ..
ﻣﻮﺳﻰ ﺑﺈﺑﺘﺴﺎﻣﻪ : ﺗﻘﺪﺭﻱ ﺗﺘﻔﻀﻠﻲ ﺍﻟﻴﻮﻡ .. ﺑﺲ ﻣﻦ ﺑﻜﺮﺍ ﺍﻟﺸﻐﻞ ﺣﻴﻜﻮﻥ ﺩﻭﺍﻣﻪ ﻛﺎﻣﻞ ﺍﻟﺴﺎﻋﻪ 4 ﺗﻄﻠﻌﻲ ﻣﻦ ﻫﻨﻲ ..
ﺣﻨﺎﻥ : ﺣﺎﺿﺮ .. ﻧﺴﺘﺎﺫﻥ .. ﻟﻔﺖ ﺣﻨﺎﻥ ﻭﻃﻠﻌﺖ ﺗﻨﻬﺪﺕ .. ﻣﺎﺯﺍﻝ ﻣﺶ ﻣﺘﺄﻗﻠﻤﻪ ﻉ ﺍﻟﻮﺿﻊ ﺑﺲ ﺣﺘﺘﻌﻮﺩ .. ﻭﻓﻲ ﻧﺎﺱ ﻓﻲ ﺍﻟﻤﻜﺘﺐ ﻣﻀﺎﻳﻘﻬﻢ ﻭﺟﻮﺩﻫﺎ ﻷﻧﻬﺎ ﺑﺪﺕ ﺗﺴﺤﺐ ﻣﻦ ﺗﺤﺘﻬﻢ ﺍﻟﺒﺴﺎﻁ ﺑﺪﻭﻥ ﻗﺼﺪ ﻣﻨﻬﺎ ..
ﻓﻲ ﺍﻟﻠﻴﻞ ...
ﻛﺎﻧﺖ ﻣﻘﻌﻤﺰﺓ ﻣﻊ ﺑﻨﺎﺗﻬﺎ ﻳﺘﻔﻘﻮﺍ ﻉ ﻧﻈﺎﻡ ﺍﻟﺠﺪﻳﺪ ﻛﻴﻒ ﺑﻴﻜﻮﻥ ﺑﻌﺪ ﻣﺎﺑﺪﺕ ﺣﻨﺎﻥ ﺗﺨﺪﻡ ...
ﺣﻨﺎﻥ : ﺗﻤﺎﻡ ﻫﻜﻲ ..
ﺭﻫﻒ : ﺗﻤﺎﻡ ..
ﻟﺒﻨﻰ : ﺑﺎﻫﻲ ..
ﺣﻨﺎﻥ : ﻧﺴﺎﻋﺪﻭﺍ ﺑﻌﺾ ﻉ ﻗﺪ ﻣﺎﻧﻘﺪﺭﻭﺍ ﺑﺲ ﻣﺎﺣﺪ ﻳﺨﻠﻲ ﺍﻟﻜﻴﺪ ﻉ ﺍﻟﺘﺎﻧﻲ ... ﻭﺣﺎﺟﻪ ﺗﺎﻧﻴﻪ .. ﺍﺳﻤﻌﻮﻧﻲ .. ﻣﺶ ﺣﻨﺴﺎﻣﺤﻜﻢ ﻟﻮ ﻭﺣﺪﻩ ﻓﻴﻜﻢ ﻛﺎﻧﺖ ﻋﻨﺪﻫﺎ ﻣﺸﻜﻠﻪ ﺍﻭ ﺻﺎﺭﺕ ﻣﻌﺎﻫﺎ ﺣﺎﺟﻪ ﻭﻣﺎﺟﺘﺶ ﺣﻜﺘﻠﻲ .. ﻻﺗﻘﻮﻟﻮﺍ ﻣﺎﻣﺎ ﻣﺸﻐﻮﻟﻪ ﻻﺗﻌﺒﺎﻧﻪ ... ﺑﺎﻫﻲ ..
ﺍﻟﺰﻭﺯ ﺍﺑﺘﺴﻤﻮﺍ ﻭﻗﺎﻟﻮﺍ : ﺑﺎﻫﻲ ..
ﺣﻨﺎﻥ ﺗﻨﻬﺪﺕ : ﻟﺒﻨﻰ ﻣﺎﻓﻴﺶ ﺃﺧﺒﺎﺭ ﻋﻦ ﻣﻬﺎ؟ !
ﻟﺒﻨﻰ ﺑﻀﻴﻖ : ﻟﻸﺳﻒ ﻻ ..
ﺣﻨﺎﻥ : ﺭﺑﻲ ﻳﻜﻮﻥ ﻣﻌﺎﻫﺎ ..
ﺭﻥ ﺗﻠﻴﻔﻮﻥ ﺣﻨﺎﻥ .. ﻛﺎﻥ ﺣﺪﺍ ﺭﻫﻒ ﺷﺎﻓﺖ ﺍﻷﺳﻢ ﻭﻣﺪﺍﺗﻪ ﻷﻣﻬﺎ : ﺧﺎﻟﺘﻲ ﻋﺎﺋﺸﻪ ..
ﻗﻠﺐ ﺣﻨﺎﻥ ﺍﻧﻘﺒﺾ ﺧﺪﺕ ﺍﻟﺘﻠﻴﻔﻮﻥ ﻭﺭﺩﺕ : ﺍﻳﻮﻩ ﻋﺎﺋﺸﻪ ..
ﻋﺎﺋﺸﻪ ﺑﺼﻮﺕ ﺗﻌﺒﺎﻥ : ﺗﻌﺎﻝ .. ﻳﻠﻲ .. ﺣﻦ .. ﺍﻥ ..
ﺣﻨﺎﻥ ﺻﻜﺮﺕ ... ﻭﻃﻮﻝ ﻧﺎﺿﺖ ﻟﻠﺸﻤﺎﻋﻪ ﺧﺪﺕ ﻋﺒﺎﻳﺘﻬﺎ ﻭﻭﺷﺎﺣﻬﺎ .. ﻭﻗﺎﻟﺖ : ﻣﺎﺷﻴﻪ ﻟﺨﺎﻟﺘﻜﻢ ﻋﺎﻳﺸﻪ ... ﺍﻗﻌﺪﻭﺍ ﻫﻨﻲ ﻭﻣﺎﺗﻄﻠﻌﻮﺵ ﺑﻜﻞ ..
ﻃﻠﻌﺖ ﺗﺠﺮﻱ ..
ﺭﻫﻒ ﻭﻟﺒﻨﻲ ﺧﺎﻓﻮﺍ ﻫﻠﺒﻪ ..
ﺣﻨﺎﻥ ﺭﻛﺒﺖ ﺍﻟﺴﻴﺎﺭﻩ ﻭﻃﻠﻌﺖ ﻃﻮﻝ ﺍﻟﻄﺮﻳﻖ ﺗﺤﺎﻭﻝ ﺗﺘﺄﻧﻰ ﻓﻲ ﺍﻟﺴﻮﺍﻗﻪ ﺑﺲ ﻣﺶ ﻗﺎﺩﺭﺓ ﻛﻠﻤﺖ ﻧﻴﺮﻭﺯ ﺗﺠﻲ .. ﻭﻧﻴﺮﻭﺯ ﺑﻌﺪ ﻋﺮﺍﻙ ﻣﻊ ﺧﻮﻫﺎ ﻃﻠﻌﺖ ..
ﻭﺻﻠﺖ ﺣﻨﺎﻥ ﻟﺤﻮﺵ ﻋﺎﺋﺸﻪ ﻛﺎﻥ ﻋﻨﺪﻫﺎ ﻣﻔﺘﺎﺡ ﺩﺍﺭﺍﺗﻪ ﺍﻟﻤﺪﻩ ﺍﻷﺧﻴﺮﻩ ﺗﺤﺴﺒﺎ ﻟﻠﻴﻮﻡ ﺯﻱ ﻫﺬﺍ .. ﻓﺘﺤﺖ ﺍﻟﺒﺎﺏ ﻭﺧﺸﺖ ﺗﺠﺮﻱ ..
ﻃﻮﻝ ... ﻟﻘﺖ ﻋﺎﺋﺸﻪ ﻣﻘﻌﻤﺰﺓ ﻉ ﺍﻷﺭﺽ ﻭﺗﺄﻥ ﻭﻭﺟﻬﻬﺎ ﺍﺻﻔﺮ ﻭﺷﻮﺍﺭﺑﻬﺎ ﺑﻴﺾ ..
ﺣﻨﺎﻥ ﺷﺪﺗﻬﺎ : ﻋﺎﺋﺸﻪ ﺣﺒﻴﺒﺘﻲ ﺷﺪﻱ ﺣﻴﻠﻚ ﺍﻹﺳﻌﺎﻑ ﺟﺎﻱ ﻓﺎﻟﻄﺮﻳﻖ ..
ﻋﺎﺋﺸﻪ ﺑﺘﻌﺐ : ﻡ .. ﺡ .. ﻣﺪ ..
ﺣﻨﺎﻥ ﻭﺩﻣﻮﻋﻬﺎ ﺗﻨﺰﻝ : ﺷﻨﻮ ..
ﻋﺎﺋﺸﻪ : ﻣﺢ .. ﻣﺪ ... ﺱ . ﻣﻮﻩ .. ﻡ .. ﺣﻢ .. ﺩ
ﺣﻨﺎﻥ ﺑﺘﻤﻮﺕ ﻣﻦ ﺍﻟﺨﻮﻑ : ﺗﻮ ﻳﺠﻲ ﻭﺗﺴﻤﻴﻪ ﻣﺤﻤﺪ ... ﺷﺪﻱ ﺣﻴﻠﻚ ﺍﺭﺟﻮﻙ ...
ﺷﺪﺕ ﺗﻠﻴﻔﻮﻧﻬﺎ ﻭﺍﺗﺼﻠﺖ ﺑﺄﺳﺎﻣﻪ ﺑﺲ ﻛﺎﻥ ﻛﺎﻟﻌﺎﺩﻩ ﻣﻘﻔﻞ ...
ﺣﻨﺎﻥ ﻗﺮﻳﺐ ﺗﺘﻔﺠﺮ ﻣﻦ ﺍﻟﻐﻀﺐ ...
ﺳﻤﻌﺖ ﺻﻮﺕ ﺳﻴﺎﺭﺓ ﺍﻹﺳﻌﺎﻑ .. ﺷﻮﻳﻪ ﺧﺸﺖ ﻧﻴﺮﻭﺯ ﻻﺑﺴﻪ ﻋﺒﺎﻳﻪ ﻭﺣﺎﻃﻪ ﺍﻟﻮﺷﺎﺡ ﺣﻂ .. ﻭﻭﺭﺍﻫﺎ ﺍﻟﻤﺴﻌﻔﻴﻦ .. ﻗﺎﻣﻮﺍ ﻋﺎﺋﺸﻪ ﺣﻄﻮﻫﺎ ﻉ ﺍﻟﻜﺮﺳﻲ ﺍﻟﻤﺘﺤﺮﻙ ﻭﻭﺻﻠﻮﻫﺎ ﻟﻠﺴﻴﺎﺭﻩ ﺭﻛﺒﻮﻫﺎ .. ﻭﺭﻛﺒﺖ ﻣﻌﺎﻫﺎ ﺣﻨﺎﻥ ﻭﻣﺸﻮﺍ ﻭﻧﻴﺮﻭﺯ ﻟﺤﻘﺘﻬﻢ ﺑﺎﻟﺴﻴﺎﺭﻩ ..
ﻭﺻﻠﻮﺍ ﻟﻠﻤﺴﺘﺸﻔﻰ ﻭﻧﺰﻟﻮﻫﺎ ﻃﻮﻝ ... ﻻﻧﻬﺎ ﺷﺒﻪ ﻓﻘﺪﺕ ﺍﻟﻮﻋﻲ ..
ﺧﺸﺖ ﺗﺠﺮﻱ ﻭﺭﺍﻫﺎ ﺣﻨﺎﻥ ﻭﺑﻌﺪﻫﺎ ﻧﻴﺮﻭﺯ ..
ﻧﻴﺮﻭﺯ ﺑﻐﻀﺐ ﻭﺩﻣﻮﻋﻬﺎ ﻳﻨﺰﻟﻮﺍ : ﺭﺍﺟﻞ ﺍﻟﻌﺎﺯﺓ ﻭﺍﻟﻘﻬﺮﺓ ﻭﻳﻨﻪ ..
ﺣﻨﺎﻥ ﺑﻨﻔﺲ ﺣﺎﻟﺔ ﻧﻴﺮﻭﺯ : ﻣﺎﺗﺠﻴﺒﻠﻴﺶ ﺳﻴﺮﺗﻪ ...
ﺩﺧﻠﻮﺍ ﻋﺎﺋﺸﻪ ﻟﻐﺮﻓﺔ ﺍﻟﻌﻤﻠﻴﺎﺕ ... ﻭﺣﺎﻟﺘﻬﺎ ﻛﺎﻧﺖ ﺧﻄﻴﺮﻩ .. ﻭﺣﻨﺎﻥ ﺗﺪﻋﻲ ﻭﻧﻴﺮﻭﺯ ﻛﺬﻟﻚ ..
ﻓﻲ ﻣﻜﺎﻥ ﺗﺎﻧﻲ ﻓﻲ ﻧﻔﺲ ﺍﻟﻤﺴﺘﺸﻔﻰ .. ﻛﺎﻥ ﺗﺎﻋﺐ ﻭﻃﺎﻟﻊ ﻣﻦ ﻋﻤﻠﻴﻪ ﻣﻌﻘﺪﻩ ..
ﻭﻫﻮ ﻣﺎﺷﻲ ﻧﺎﻭﻱ ﻳﺮﻭﺡ ﺟﺎﺗﻪ ﺩﻛﺘﻮﺭﺓ ﺗﺠﺮﻱ ..
ﺍﻟﺪﻛﺘﻮﺭﺓ ﻭﻫﻲ ﺩﺍﻫﺸﻪ : ﺩﻛﺘﻮﺭ .... ﻣﺮﺗﻚ ... ﻫﻨﻲ ﻓﻲ ﺍﻟﻤﺴﺘﺸﻔﻰ ﻗﺴﻢ ﺍﻟﻮﻻﺩﺓ ﺣﺎﻟﺘﻬﺎ ﺧﻄﻴﺮﻩ ..
ﺍﺳﺎﻣﻪ ﺑﺼﺪﻣﻪ ﺷﺪﻳﺪﻩ ﻃﻠﻊ ﻳﺠﺮﻱ ﻃﻮﻝ ﻧﺰﻝ ﻟﻘﺴﻢ ﺍﻟﻮﻻﺩﻩ . ﺳﺄﻝ ﻗﻮﻟﻮﻟﻪ ﻭﻳﻨﻬﺎ .. ﻣﺸﻲ ﻟﻘﻲ ﺣﻨﺎﻥ ﻭﻧﻴﺮﻭﺯ .. ﻧﻴﺮﻭﺯ ﻗﻠﺒﺖ ﻭﺟﻬﻬﺎ ﻋﻨﻪ ﺍﻣﺎ ﺣﻨﺎﻥ ﺟﺎﺗﻪ ﻃﻮﻝ ...
ﺣﻨﺎﻥ : ﺑﻌﺪ ﺗﻔﻜﺮﺕ ﻭﺍﻟﻠﻪ ﻋﻼﺵ ﺗﻌﺒﺖ ﺭﻭﺣﻚ ﻭﺟﻴﺖ ﺃﺻﻼ ..
ﺍﺳﺎﻣﻪ ﺑﺨﻮﻑ : ﻣﺶ ﻭﻗﺘﻪ ﺑﻜﻞ ﻳﺎﺣﻨﺎﻥ ..
ﺣﻨﺎﻥ : ﻓﻌﻼ ﻣﺶ ﻭﻗﺘﻊ ﻹﻥ ﺧﻼﺹ ﺍﻟﻮﻗﺖ ﻓﺎﺕ .. ﻭﺩﻣﻮﻋﻬﺎ ﻧﺰﻟﻮﺍ .
ﺍﺳﺎﻣﻪ ﺑﺼﺪﻣﻪ : ﺷﻦ ﻗﺼﺪﻙ !!!
ﻃﻠﻌﺖ ﺍﻟﻤﻤﺮﺿﻪ ﻭﻭﺟﻬﻬﺎ ﻣﺎﻳﺘﻔﺴﺮﺵ : ﺟﺎﺑﺖ ﻭﻟﻴﺪ ﻣﺎﺷﺎﺀ ﺍﻟﻠﻪ ﺻﺤﺘﻪ ﻛﻮﻳﺴﻪ ..
ﺣﻨﺎﻥ : ﻭﻋﺎﺋﺸﻪ ..
ﺍﻟﻤﻤﺮﺿﻪ ﺷﺒﺤﺖ ﻷﺳﺎﻣﻪ : ﺗﻮ ﺗﻄﻠﻊ ﺍﻟﺪﻛﺘﻮﺭﺓ ﻭﺗﻘﻮﻟﻠﻜﻢ ... ﻭﻣﺸﺖ ﺧﻠﺘﻬﻢ ..
ﻃﻠﻌﺖ ﺍﻟﺪﻛﺘﻮﺭﺓ ﻭﻋﻼﻣﺎﺕ ﺍﻷﺳﻒ ﻉ ﻭﺟﻬﻬﺎ : ﻳﺎﻣﺎ ﺣﺬﺭﺕ ﻭﻧﺒﻬﺖ ﻟﻜﻦ ﻣﺎﺑﺘﺶ ﺗﺴﻤﻊ ﻣﻨﻲ ..
ﺣﻨﺎﻥ ﺑﺄﻟﻢ ﻭﺩﻣﻮﻋﻬﺎ ﺳﻴﻞ : ﺷﻦ ﻣﻌﻨﻰ ﻛﻼﻣﻚ ..
ﺍﻟﺪﻛﺘﻮﺭﺓ : ﺍﺳﻔﻪ ﺟﺪﺍ .. ﻫﻲ ﺗﻮﺍ ﺗﺼﺎﺭﻉ ﻓﻲ ﺍﻟﻤﻮﺕ ﻗﻠﺒﻬﺎ ﺧﻼﺹ ... ﺍﻗﺼﻰ ﻭﻗﺖ ﻣﻤﻜﻦ ﻳﻘﻌﺪ ﻗﻠﺒﻬﺎ ﻳﺨﺪﻡ ﻓﻴﻪ ﻟﻐﺪﻭﺓ ﺍﻟﺼﺒﺢ .. ﺷﺒﺤﺖ ﻷﺳﺎﻣﻪ ﺑﻐﻞ .. ﻭﻣﺸﺖ ..
ﺍﺳﺎﻣﻪ ﻣﺼﺪﻭﻡ ﻭﻣﺶ ﻗﺎﺩﺭ ﻳﺴﺘﻮﻋﺐ ﺷﻲ ... ﻭﻫﻮﻳﺸﻮﻑ ﻟﺤﻨﺎﻥ ﻭﻧﻴﺮﻭﺯ ﻭﻫﻤﺎ ﻣﻨﻬﺎﺭﺍﺕ ﻭﻳﺒﻜﻮﺍ ...
ﻗﺪﻡ ﻟﺤﻨﺎﻥ ﻭﺑﺼﺪﻣﻪ : ﻫﺎﺩﻱ ﺷﻦ ﻛﺎﻧﺖ ﺗﻘﻮﻝ ...
ﺣﻨﺎﻥ ﺷﺒﺤﺘﻠﻪ ﺑﻐﻀﺐ : ﺗﻮﺍ ﺟﺎﻱ ﺗﺴﺄﻝ ﻳﺎﺍﺳﺎﻣﻪ ﺑﻌﺪ ﺧﻼﺹ .. ﺑﻌﺪ ﻣﺎﺧﻠﻴﺘﻬﺎ ﺗﻌﺎﻧﻲ ﺑﺮﻭﺣﻬﺎ ﻭﻻﻣﻬﺘﻢ ﻟﻮﺟﻮﺩﻫﺎ ﺍﺻﻼ ﻭﻫﺎﻳﻢ ﺑﺨﺪﻣﺘﻚ .. ﻭﻣﺮﺿﺎﻙ ... ﻭﻣﺴﻴﺐ ﺃﻫﻢ ﻣﺮﻳﻀﻪ ﻋﻨﺪﻙ ﺯﻭﺟﺘﻚ ﺍﻹﻧﺴﺎﻧﻪ ﺍﻟﻠﻲ ﺣﺒﺎﺗﻚ ﻭﺍﻟﻠﻲ ﺑﺎﻋﺖ ﻛﻞ ﺷﻲ ﻭﺷﺮﺍﺗﻚ .. ﻟﻜﻦ ﺍﻧﺘﻢ ﻫﻜﻲ .. ﺍﻟﻐﺎﻟﻲ ﺩﻳﻤﺎ ﻣﺎﺗﻘﺪﺭﻭﺵ ﻗﻴﻤﺘﻪ ﻭﺗﻔﺮﻃﻮﺍ ﻓﻴﻪ ..." ﻭﻛﺈﻧﻬﺎ ﺗﺘﻜﻠﻢ ﻋﻦ ﻧﻔﺴﻬﺎ "..
ﺍﺳﺎﻣﻪ ﻣﺎﻗﺪﺭﺵ ﻳﻨﻄﻖ ﺑﺤﺮﻑ ﻣﻦ ﺻﺪﻣﺘﻪ ﻭﺧﺮ ﻭﺑﻌﺪ ﻋﻨﻬﻢ ﻭﻗﻌﻤﺰ ﻉ ﺍﻟﻜﺮﺳﻲ ﻭﺷﺎﺩ ﺭﺍﺳﻪ ﺑﺈﻳﺪﻳﻪ ﻭﻣﺶ ﻣﺴﺘﻮﻋﺐ ﺷﻲ ...
ﻓﺎﺗﺖ ﺍﻟﺴﺎﻋﺎﺕ ﻭﻫﻤﺎ ﻳﺘﺮﻗﺒﻮﺍ ﻭﻣﺎﺣﺪ ﻏﻤﻀﺘﻠﻪ ﻋﻴﻦ ﻟﻴﻦ ﺁﺫﻥ ﺍﻟﻔﺠﺮ ... ﻣﺸﻮﺍ ﺻﻠﻮﺍ ... ﻭﻛﻞ ﻣﻨﻬﻢ ﻳﺪﻋﻴﻠﻬﺎ ﻣﻦ ﻗﻠﺒﻪ ﻣﺎﻋﺪﺍ ﺃﺳﺎﻣﻪ ﺻﻠﻰ ﺑﺲ ﻣﺎﻗﺪﺭﺵ ﻳﺪﻋﻲ ﻛﺎﻥ ﻣﺘﺤﺸﻢ ﻣﻦ ﺭﺑﻲ .. ﺍﻟﻠﻲ ﻓﺮﻁ ﻓﻲ ﺃﻣﺎﻧﻪ ﻋﻄﻬﺎﻟﻪ ﻭﻫﻮ ﻣﺎﻛﺎﻧﺶ ﻗﺪﻫﺎ ..
ﻭﻭﻟﻮﺍ ﻟﻐﺮﻓﺔ ﺍﻟﻌﻨﺎﻳﻪ ﻟﻘﻮﻫﺎ ﻣﻔﺘﻮﺣﻪ ... ﻗﻠﻮﺑﻬﻢ ﺍﻧﻘﺒﻀﺖ ... ﺧﺸﺖ ﺣﻨﺎﻥ ﺑﺸﻮﻳﻪ ﻭﺭﺟﻠﻴﻬﺎ ﻣﺶ ﺣﺎﻣﻠﻴﻨﻬﺎ ﻭﻭﺭﺍﻫﺎ ﻧﻴﺮﻭﺯ ... ﻟﻘﻮﺍ ﺍﻟﻤﻤﺮﺿﺎﺕ ﻳﻔﻜﻮﺍ ﻓﻲ ﺍﻷﺟﻬﺰﺓ ﻭﻟﻘﻮﺍ ﻋﺎﺋﺸﻪ ﻣﻐﻄﻴﻪ ﺑﺎﻟﺸﺮﺷﺎﻑ ﺍﻷﺑﻴﺾ ..
ﺣﻄﻮﺍ ﺍﻳﺪﻳﻬﻢ ﻉ ﻓﻤﻬﻢ ﺑﻌﺪ ﺷﻬﻘﻮﺍ ﺷﻬﻘﻪ ﺗﺸﻖ ﺍﻟﺼﻘﻒ ﻣﻦ ﻗﻮﺗﻬﺎ ..
ﻭﺣﺪﻩ ﻣﻦ ﺍﻟﻤﻤﺮﺿﺎﺕ : ﻋﻈﻢ ﺍﻟﻠﻪ ﺍﺟﺮﻛﻢ ..
ﺑﺮﺍ
ﺍﺳﺎﻣﻪ ﻛﺎﻥ ﺟﺎﻱ ... ﻭﻳﻦ ﻭﺻﻞ ﺳﻤﻊ ﻋﻴﻄﻪ ﻗﻮﻳﻪ .. ﻛﺎﻥ ﺻﻮﺕ ﺣﻨﺎﻥ ... ﺟﻤﺪ ﻓﺄﺭﺿﻪ .. ﻭﺍﻟﺪﻣﻮﻉ ﺗﺠﻤﻌﻮﺍ ﻓﻌﻴﻮﻧﻪ ﻭﻣﺎﺧﻄﺮﺵ ﻓﻲ ﺑﺎﻟﻪ ﺇﻻﺫﻛﺮﻯ ﻭﺣﺪﻩ ﺍﻭﻝ ﻣﺮﺓ ﺷﺎﻑ ﻓﻴﻬﺎ ﻋﺎﺋﺸﻪ ...
ﻓﻼﺵ ﺑﺎﻙ ...
ﻋﺎﺋﺸﻪ ﻣﻘﻌﻤﺰﺓ ﺗﺒﻜﻲ ﺧﺎﻳﻔﻪ ﻉ ﺍﻣﻬﺎ .. ﻫﻮ ﻛﺎﻥ ﻳﻜﻠﻢ ﻓﻲ ﺍﻟﻤﻤﺮﺿﻪ ﻭﻳﺸﻮﻓﻠﻬﺎ ..
ﺍﺳﺎﻣﻪ : ﻛﻮﻳﺲ .. ﺑﺮﻱ ﺗﻮﺍ ... ﻣﺸﺖ ﺍﻟﻤﻤﺮﺿﻪ ﻭﻫﻮ ﻣﺸﺎﻟﻬﺎ ...
ﺍﺳﺎﻣﻪ ﻭﻗﻒ ﻋﻠﻴﻬﺎ : ﺍﻃﻤﻨﻲ ﺣﺘﻮﻟﻲ ﻛﻮﻳﺴﻪ ..
ﻋﺎﺋﺸﻪ ﻗﺎﻣﺖ ﺭﺍﺳﻬﺎ ﻭﺷﺒﺤﺘﻠﻪ ﺑﻌﻴﻮﻧﻬﺎ ﻟﻤﺪﻣﻌﻪ ﻭﺳﺮﺣﺖ ﻓﻴﻪ ﻟﻠﺤﻈﺎﺕ ﻭﻓﺸﻜﻠﻪ ﺍﻟﺤﻠﻮ ﻭﻋﻴﻮﻧﻪ ﺍﻟﺰﺭﻕ ..
ﺍﺑﺘﺴﻢ ﺍﺳﺎﻣﻪ : ﻳﻌﻨﻲ ﻣﻌﻘﻮﻟﻪ ﺩﻛﺘﻮﺭﻫﺎ ﻳﻜﻮﻥ ﻭﺍﺣﺪ ﺣﻠﻴﻮﺓ ﺯﻳﻲ ﻭﻣﺎﺗﺸﻔﺎﺵ .. ﻭﻻ ﺍﻧﺘﻲ ﺷﻦ ﺭﺍﻳﻚ .. ﻭﻏﻤﺰﻟﻬﺎ ﺑﻌﻴﻨﻪ ..
ﻋﺎﺋﺸﻪ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ ﻭﻗﻠﺒﻬﺎ ﻗﻌﺪ ﻳﺪﻕ ﺑﺎﻟﻘﻮﺓ ﻭﻭﻃﺖ ﺭﺍﺳﻬﺎ ﻭﺗﺤﺸﻤﺖ ..
ﺍﻟﻮﻗﺖ ﺍﻟﺤﺎﺿﺮ ..
ﻧﺰﻟﻮﺍ ﺩﻣﻮﻉ ﺍﺳﺎﻣﻪ ﻭﻗﺎﻝ : ﻳﺎﺭﻳﺘﻨﻲ .. ﻻﺟﻴﺘﻚ .. ﻭﻻﻛﻠﻤﺘﻚ ... ﻭﻻﻛﺎﻥ ﻫﺬﺍﻛﺎ ﺍﻟﻴﻮﻡ
... ﻳﺘﺒﻊ ...
# ة
