❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 33_
ﻏﺎﺩﺭ ﺭﻣﻀﺎﻥ ..
ﻭﺟﻲ ﺍﻟﻌﻴﺪ ...
ﺍﻟﺤﻮﺵ ﻛﺎﻥ ﻣﺒﺨﺮ ﻭﻣﻀﻤﻮﻡ ... ﻟﺒﺴﺖ ﻭﺗﺄﻧﻘﺖ ﻭﻧﺰﻟﻮﺍ ﺑﻨﺎﺕ ﻣﻦ ﻓﻮﻕ ﻻﺑﺴﺎﺕ ﻭﻃﺎﻟﻌﺎﺕ ﻏﺰﻟﺔ ..
ﻋﻴﺪﻭﺍ ﻋﻠﻰ ﺍﻣﻬﻢ ... ﻭﺷﻮﻳﻪ ﻭﺭﻥ ﺍﻟﺠﺮﺱ .. ﻋﺎﺭﻓﻪ ﻣﻨﻮ ﺗﻮﺟﻬﺖ ﺑﺘﻔﺘﺢ ﺍﻟﺒﺎﺏ .. ﻟﻘﺖ ﻧﻀﺎﻝ ﺑﺲ ﻣﻌﺎﻩ ﺭﺿﺎ ﻭﺍﻟﺰﻭﺯ ﻛﺎﻥ ﻻﺑﺴﻴﻦ ﻋﺮﺑﻲ .. ﺳﻠﻢ ﻋﻠﻴﻬﺎ ﺧﻮﻫﺎ ﻭﻋﻴﺪ ﻋﻠﻴﻬﺎ ﻫﻮ ﺍﻷﻭﻝ ﻭﻟﻤﺎ ﺟﻲ ﺩﻭﺭ ﻧﻀﺎﻝ ... ﺍﺫﻛﺮ ﻟﻤﺎ ﻛﺎﻧﺖ ﺗﺴﺘﻘﺒﻞ ﻓﻴﻪ ﻭﻫﻮ ﻣﺮﻭﺡ ﻣﻦ ﺻﻼﺓ ﺍﻟﻌﻴﺪ ﺗﺒﻮﺳﻠﻪ ﺭﺍﺳﻪ ﻭﺗﺤﻀﻨﻪ ﻭﺑﻌﺪﻳﻦ ﺗﺒﺨﺮ ﻓﻴﻪ ﻭﺗﻘﺮﺍ ﻋﻠﻴﻪ ...
ﺑﺲ ﻫﺎﻟﻤﺮﺓ ﻏﻴﺮ ﻛﻞ ﻣﺮﺓ ..
ﺣﻨﺎﻥ ﻣﺪﺕ ﻳﺪﻫﺎ : ﻛﻞ ﻋﺎﻡ ﻭﺍﻧﺖ ﺑﺨﻴﺮ ..
ﻧﻀﺎﻝ ﻳﺸﻮﻓﻠﻬﺎ ﻭﻛﺎﻥ ﻋﻨﺪﻩ ﺭﻏﺒﻪ ﺷﺪﻳﺪﻩ ﺍﻧﻪ ﻳﺤﻀﻨﻬﺎ ﺑﻘﻮﺓ ﻟﻴﻦ ﻳﺪﺧﻠﻬﺎ ﻓﺪﺍﺧﻠﻪ ﻭﻣﻌﺎﺵ ﺗﻄﻠﻊ ﺑﻜﻞ .. ﻣﺪ ﻳﺪﻩ ﻭﺻﺎﻓﺤﻬﺎ ..
ﻧﻀﺎﻝ : ﻭﺍﻧﺘﻲ ﺑﺨﻴﺮ ﻭﺻﺤﺔ ﻭﺳﻼﻣﻪ ..
ﺧﺶ ﻭﻫﻲ ﺻﻜﺮﺕ ﺍﻟﺒﺎﺏ .. ﻭﺟﻮ ﺍﻟﺒﻨﺎﺕ ﻟﺒﻮﻫﻢ ﻭﻋﻴﺪﻭﺍ ﻋﻠﻴﻪ ﻋﻠﻴﻪ ﻭﻗﻌﻤﺰﻭﺍ ﺷﺮﺑﻮﺍ ﻗﻬﻮﺓ ﻭﺗﺤﻠﻮﺍ ﻭﻫﺪﺭﺯﻭﺍ ﺷﻮﻳﺔ ﻭﺗﻮﺍ ﺃﺭﻭﺍﺣﻬﻢ ﺑﺶ ﺑﻴﻤﺸﻮﺍ ﻟﺤﻮﺵ ﺃﻫﻞ ﻧﻀﺎﻝ ..
ﻓﻲ ﺍﻟﻘﺼﺮ ..
ﺭﻭﺡ ﻣﻌﺎﻭﻳﻪ ﻣﻦ ﺍﻟﺼﻼﺓ ﻭﻛﺎﻥ ﻻﺑﺲ ﻋﺮﺑﻲ ﺍﻟﺨﺪﺍﻣﺎﺕ ﺍﻟﻠﻲ ﻛﺎﻧﻮﺍ ﻟﻮﻃﺎ ﻟﻤﺎ ﺷﺎﻓﻮﻩ ﻭﻫﻮ ﺧﺎﺵ ﺗﺴﻄﺮﻭﺍ ﺻﻒ ﻭﺍﺣﺪ ﻭﻗﻌﺪﻭﺍ ﻓﺎﺗﺤﺎﺕ ﻓﻤﻬﻢ ﻓﻴﻪ ...
: ﺑﺴﻢ ﺍﻟﻠﻪ ﻣﺎﺷﺎﺀ ﺍﻟﻠﻪ
: ﺣﻮﻳﺘﻪ ..
: ﺗﺒﺮﻙ ﺍﻟﻠﻪ ﻋﻠﻴﻪ ..
ﻣﻌﺎﻭﻳﻪ ﺗﻠﻔﺘﻬﻢ : ﻛﻞ ﻋﺎﻡ ﻭﺍﻧﺘﻢ ﺑﺨﻴﺮ ..
ﻫﻤﺎ ﻫﺰﻭﺍ ﺭﻭﺳﻬﻢ ﺑﺈﻳﺠﺎﺏ ﻭﺭﺩﻭﺍ : ﻭﺃﻧﺖ ﺑﺨﻴﺮ ﻳﺎﺳﻴﺪﻱ ..
ﻣﻌﺎﻭﻳﻪ ﻣﺸﻲ ﺭﻛﺐ ﻓﻮﻕ .. ﻭﻫﻤﺎ ﺍﺑﺘﺴﻤﻮﺍ ﻭﻭﻟﻮﺍ ﻟﺨﺪﻣﺘﻬﻢ ..
ﻫﻮ ﻭﺻﻞ ﻟﺼﺎﻟﻪ ﺍﻟﺪﻭﺭ ﺍﻟﺘﺎﻧﻲ ﻟﻘﻲ ﻣﻬﺎ ﻣﻘﻌﻤﺰﺓ ﻉ ﺗﻠﻴﻔﻮﻧﻬﺎ ﺷﺎﻓﺎﺗﻪ ﻧﺎﺿﺖ ﻭﺟﺎﺗﻪ ..
ﻣﻬﺎ ﺳﻠﻤﺖ ﻋﻠﻴﻪ ﻭﻋﻴﺪﺕ ﻭﺑﺎﺳﺖ ﺭﺍﺳﻪ .. ﻭﻫﻮ ﺑﺎﺱ ﺭﺍﺳﻬﺎ ..
ﻣﻬﺎ : ﺍﻟﻠﻪ ﻳﺒﺎﺭﻙ ﻋﻠﻴﻚ ﻳﺎﻃﺮﻑ ﺍﻧﺖ ﻏﺰﺍﻝ
ﻣﻌﺎﻭﻳﻪ : ﻫﻬﻬﻬﻬﻬﻬﻬﻬﻬﻪ .. ﺣﺘﻰ ﺍﻧﺘﻲ ﻃﺎﻟﻌﻪ ﻗﻤﺮ ..
ﻣﻬﺎ ﺿﺤﻜﺖ ..
ﻣﻌﺎﻭﻳﻪ : ﺍﺣﻤﻢ .. ﻋﻴﺪﺗﻲ ﻉ ﺻﺎﺣﺒﺘﻚ ..
ﻣﻬﺎ ﺷﺒﺤﺘﻠﻪ ﺑﻤﻜﺮ : ﺍﻣﻤﻤﻤﻢ ﺻﺎﺣﺒﺘﻲ ... ﺍﻳﻪ ﻳﺎﺳﻴﺪﻱ ﻋﻴﺪﺕ ﻋﻠﻴﻬﺎ ﻭﻉ ﺍﻟﻠﻲ ﺧﻠﻔﻮﻫﺎ ...
ﻣﻌﺎﻭﻳﻪ ﺿﺤﻚ ﻭﺿﺮﺑﻬﺎ ﻉ ﺧﺪﻫﺎ ﺿﺮﺑﺔ ﺧﻔﻴﻔﻪ ..
ﻣﻬﺎ : ﺍﻟﻌﺸﻴﻪ ﺑﻨﻤﺸﻴﻠﻬﻢ ..
ﻣﻌﺎﻭﻳﻪ ﺍﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ..
***
ﻣﺸﻮﺍ ﻟﺤﻮﺵ ﺍﻫﻞ ﻧﻀﺎﻝ ﻭﺭﺿﺎ ﻃﺒﻌﺎ ﻛﺎﻥ ﻣﻌﺎﻫﻢ .. ﻋﻴﺪﻭﺍ ﻭﻫﺪﺭﺯﻭﺍ ﺷﻮﻳﻪ .. ﻭﺑﺪﻭﺍ ﺍﻷﻗﺎﺭﺏ ﻳﺘﻮﺍﻓﺪﻭﺍ ﻉ ﺍﻟﺤﻮﺵ ﻭﻳﻌﻴﺪﻭﺍ ..
ﺣﻨﺎﻥ ﻭﻋﺰﻭﺯﺗﻬﺎ ﻓﻲ ﺍﻟﻜﻮﺟﻴﻨﻪ ..
ﺣﻨﺎﻥ : ﺣﺮﺍﻡ ﻳﺎﻋﻤﺘﻲ .. ﺗﻮﺍ ﻫﻲ ﻛﻨﺘﻜﻢ ﻭﺍﻧﻲ ﻫﻲ ﺍﻟﻠﻲ ﺣﻨﻄﻠﻊ ﺑﺮﺍ ﻋﻦ ﻗﺮﻳﺐ ..
ﻋﺎﺗﻜﻪ : ﺣﺘﻰ ﻟﻮ ﺍﻃﻠﻘﺘﻲ ﺑﺎﻙ ﻋﺎﺑﻴﻪ ﺑﻨﺨﻠﻮﻙ ﻻ ﺣﻨﻲ ﺍﻫﻠﻚ ﺯﻱ ﻗﺒﻞ ﺯﻱ ﺗﺎﻟﻲ .. ﻭﻛﺎﻧﻚ ﻉ ﺍﻟﻤﺮﺍﺓ ﺍﻟﺘﺎﻧﻴﻪ ﺍﻧﻲ ﻭﺍﻟﻠﻪ ﻳﺎﺑﻨﺘﻲ ﻣﺎﻋﻨﺪﻱ ﻣﺸﻜﻠﻪ ﻭﻛﻠﻤﻨﺎﻩ ﻳﺠﻴﺒﻬﺎ ﻟﻜﻦ ﻫﻮ ﻣﺎﺑﺎﺵ .. ﻗﻠﻨﺎ ﺑﺎﻟﻚ ﻫﻲ ﻣﺎﺗﺒﻴﺶ ﺗﺠﻲ ...
ﺣﻨﺎﻥ : ﻣﻤﻜﻦ ..
ﻳﺎﺭﺍ ﻛﺎﻧﺖ ﻓﻲ ﺍﻟﻌﻴﺪ ﺑﺮﻭﺣﻬﺎ ﻭﻫﻮ ﻣﺶ ﺟﺪﻳﺪ ﻋﻠﻴﻬﺎ ﻋﺎﺩﻱ .. ﺍﻟﺼﺒﺢ ﺇﻟﻴﺎﺱ ﺟﻲ ﺭﻓﻊ ﺟﺒﺮ .. ﻫﻲ ﺷﻐﻠﺖ ﻧﻔﺴﻬﺎ ﺑﺎﻟﻘﺮﺍﺀﺓ ﻭﻣﺮﺍﻓﻌﺎﺕ ﻋﻨﺪﻫﺎ ﻓﻲ ﺟﻠﺴﺎﺕ ﺑﻌﺪ ﺍﻟﻌﻴﺪ ... ﻭﻣﺎﺣﺴﺘﺶ ﺑﺎﻟﻀﻴﻖ ﻫﻠﺒﻪ ﻹﻧﻬﺎ ﺯﻱ ﻣﺎﻗﻠﺖ ﻣﺘﻌﻮﺩﻩ ...
ﺗﻐﺪﻭﺍ ﻭﻫﺪﺭﺯﻭﺍ ﻭﺑﻌﺪ ﺍﻟﻌﺼﺮ ﺭﻭﺡ ﺑﻴﻬﻢ ﻧﻀﺎﻝ ﻭﻛﺎﻥ ﻳﺒﻲ ﻳﻘﻌﺪ ﻣﻌﺎﻫﻢ ﻷﺧﺮ ﺍﻟﻴﻮﻡ ...
ﻓﻲ ﺍﻟﺤﻮﺵ ...
ﺣﻨﺎﻥ : ﻧﻀﺎﻝ ..
ﻧﻀﺎﻝ ﺷﺒﺤﻠﻬﺎ : ﻧﻌﻢ ..
ﺣﻨﺎﻥ : ﻣﺮﺗﻚ ﻗﺎﻋﺪﻩ ﺑﺮﻭﺣﻬﺎ ..
ﻧﻀﺎﻝ : ﻣﺘﻌﻮﺩﻩ ..
ﺣﻨﺎﻥ : ﻛﻴﻒ ﻣﺘﻌﻮﺩﻩ .. ﻫﻲ ﺗﻮﺍ ﻣﺮﺗﻚ ﻣﻌﻘﻮﻟﻪ ﻣﺨﻠﻴﻬﺎ ﺑﺮﻭﺣﻬﺎ ﺍﻭﻝ ﻳﻮﻡ ﺍﻟﻌﻴﺪ ..
ﻧﻀﺎﻝ : ﺍﺭﺟﻮﻙ ﺣﻨﺎﻥ ﺻﻜﺮﻱ ﻉ ﺍﻟﻤﻮﺿﻮﻉ ..
ﺣﻨﺎﻥ ﺷﺒﺤﺘﻠﻪ ﻫﻠﺒﻪ ﺑﻌﺪﻳﻦ ﻗﺎﻟﺖ : ﺗﻐﻴﺮﺕ ﻫﻠﺒﻪ ﻭﻻﻫﺎﺩﻱ ﺣﻘﻴﻘﺘﻚ ﺍﻟﻠﻪ ﺃﻋﻠﻢ .. ﺑﺲ ﺍﻟﻠﻲ ﺩﻳﺮ ﻓﻴﻪ ﻇﻠﻢ ﻭﺭﺑﻲ ﺣﻴﺤﺎﺳﺒﻚ ﻋﻠﻴﻪ ..
ﻧﻀﺎﻝ ﻗﻌﺪ ﻳﺸﺒﺢ ﻟﺒﻨﺎﺗﻪ ﻓﻲ ﺍﻟﻜﻮﺟﻴﻨﻪ ﻭﻳﻬﺰ ﻓﻲ ﺭﺟﻠﻪ ﻭﺧﻼﺹ ..
ﺭﻥ ﺍﻟﺠﺮﺱ .. ﻣﺸﺖ ﻟﺒﻨﻰ ﻓﺘﺤﺖ .. ﻛﺎﻧﻮﺍ ﺍﺳﺎﻣﻪ ﻭﻧﻴﺮﻭﺯ ﺍﻟﺰﻭﺯ ﺗﻼﻗﻮﺍ ﻓﻲ ﺍﻟﺒﺎﺏ .. ﻋﻴﺪﻭﺍ ﻋﻠﻰ ﻟﺒﻨﻰ ﻭﺧﺸﻮﺍ ..
ﺳﻠﻢ ﺍﺳﺎﻣﻪ ﻉ ﻧﻀﺎﻝ ﻭﻋﻴﺪ ﻋﻠﻴﻪ ﻭﻋﻴﺪ ﻉ ﺣﻨﺎﻥ .. ﻭﻧﻴﺮﻭﺯ ﻛﺬﻟﻚ .. ﻭﻗﻌﻤﺰﻭﺍ ﻉ ﻃﻠﻌﺔ ﺭﺿﺎ ﻣﻦ ﺍﻟﺪﺍﺭ ﻛﺎﻥ ﻣﻐﻴﺮ ﻟﺒﺴﻪ .. ﻣﺸﻲ ﻋﻴﺪ ﻋﻠﻴﻬﻢ .. ﺟﺖ ﺣﺪﺍﻩ ﻟﺒﻨﻰ ..
ﻟﺒﻨﻰ ﺑﻬﻤﺲ : ﻋﻼﺵ ﻏﻴﺮﺕ ﺍﻟﻌﺮﺑﻲ ..
ﺭﺿﺎ ﺑﻀﺤﻜﻪ : ﻣﺎﻧﺤﺒﺶ ﻧﻠﺒﺴﻪ ﻫﻠﺒﻪ ..
ﻟﺒﻨﻰ : ﻻﺣﺒﻪ ﻳﺎﺧﺎﻟﻮ ﺑﻌﺪ ﺷﻮﻳﻪ ﺍﻟﺤﺒﺎﻳﺐ ﺟﺎﻳﻴﻦ ﺧﻠﻴﻬﻢ ﻳﺸﻮﻓﻮﻙ ﺑﻴﻪ ..
ﺭﺿﺎ ﺍﺗﻔﺎﺟﺄ ﺑﻔﺮﺣﻪ : ﺑﺠﺪﻳﺎﺕ؟ !!
ﻟﺒﻨﻰ ﺑﻀﺤﻜﻪ : ﻭﺍﻟﻠﻪ ..
ﻧﺎﺽ ﺭﺿﺎ ﻃﻮﻝ ﻭﻻ ﻟﺪﺍﺭﻩ ﻏﻴﺮ .. ﻭﺭﻫﻒ ﺷﺒﺤﺖ ﻟﻠﺒﻨﻰ ﻭﺿﺤﻜﺖ .. ﻭﻟﺒﻨﻰ ﺭﺩﺗﻠﻬﺎ ﺍﻟﻀﺤﻜﻪ ﺑﻐﻤﺰﺓ ...
ﺷﻮﻳﻪ ﻭﺭﻥ ﺍﻟﺠﺮﺱ ﻭﻧﺎﺿﺖ ﻟﺒﻨﻰ ﻗﺎﻟﺖ : ﻫﺎﺩﻱ ﻣﻬﺎ ..
ﻣﺸﺖ ﻟﻠﺒﺎﺏ ﻭﻓﺘﺤﺎﺗﻪ .. ﺳﻠﻤﻮﺍ ﻉ ﺑﻌﺾ ﻭﻋﻴﺪﻭﺍ .. ﻭﺧﺸﺖ ﻣﻬﺎ ﻭﻟﺒﻨﻰ ﺻﻜﺮﺕ ﺍﻟﺒﺎﺏ ﻭﺧﺸﺖ ﻭﺭﺍﻫﺎ ..
ﻋﻴﺪﺕ ﻉ ﺍﻟﻜﻞ .. ﻭﻗﻌﺪﺕ ﻭﺍﻗﻔﻪ .. ﻉ ﻃﻠﻌﺖ ﺭﺿﺎ ﻟﻤﺎ ﺷﺎﻓﺎﺗﻪ ﺍﺑﺘﺴﻤﺖ ﺑﺨﺠﻞ .. ﻫﻮ ﻋﺠﺒﺎﺗﻪ ﻫﻠﺒﻪ ﺳﻠﻤﻮﺍ ﻉ ﺑﻌﺾ ﻭﻋﻴﺪﻭﺍ .. ﻭﺍﻟﻜﻞ ﻻﺣﻈﻮﺍ ﻧﻈﺮﺍﺗﻬﻢ ﻟﺒﻌﺾ ...
ﺣﻨﺎﻥ : ﺧﻴﺮﻙ ﻭﺍﻗﻔﻪ ﻣﻬﺎ ﻗﻌﻤﺰﻱ ..
ﻣﻬﺎ ﺷﺒﺤﺘﻠﻬﻢ ﻛﻠﻬﻢ ﻭﺭﻛﺰﺕ ﻉ ﻧﻀﺎﻝ ﺑﻌﺪﻳﻦ ﺷﺒﺤﺖ ﻟﺤﻨﺎﻥ : ﺍﺣﻤﻢ .. ﺑﺎﺑﺎ ﺑﺮﺍ ..
ﻧﻀﺎﻝ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺑﻀﻴﻖ ﻭﺣﻨﺎﻥ ﺷﺒﺤﺘﻠﻪ ...
ﻭﺃﺳﺎﻣﻪ ﻗﻌﺪ ﻳﺸﺒﺢ ﻟﺤﻨﺎﻥ ...
ﻣﻬﺎ : ﻫﻮ ﻳﺒﻲ ﻳﻌﻴﺪ .. ﻣﻦ ﺑﻌﺪ ﺇﺫﻥ ﻋﻤﻮ ﻧﻀﺎﻝ ﻃﺒﻌﺎ .. ﻧﻘﺪﺭ ﺍﻧﺎﺩﻳﻪ ..
ﻧﻀﺎﻝ ﺷﺒﺢ ﻟﺤﻨﺎﻥ ﻭﺣﻨﺎﻥ ﻏﻴﺮﺕ ﻋﻴﻮﻧﻬﺎ ﻋﻨﻪ ..
ﻧﻀﺎﻝ : ﻣﺎﺩﺍﻡ ﺟﻲ ﻋﻴﺐ ﻳﻘﻌﺪ ﺑﺮﺍ ﻗﻮﻟﻴﻠﻪ ﻳﺨﺶ ..
ﺭﺿﺎ : ﺍﻛﻴﺪ ﻋﻴﺐ ﻳﻘﻌﺪ ﺑﺮﺍ ﺩﺍﻣﻪ ﻭﺻﻞ ﻫﻨﻲ .. ﺗﻮ ﻧﻄﻠﻊ ﻧﺪﺧﻠﻪ ..
ﻧﺎﺽ ﺭﺿﺎ ﻃﻠﻌﻠﻪ ﻭﻣﻬﺎ ﻣﻌﺎﻩ ﺑﻌﻴﻮﻧﻬﺎ ﻭﻫﻲ ﺗﺒﺘﺴﻢ ..
ﻧﻴﺮﻭﺯ ﺑﺈﺑﺘﺴﺎﻣﻪ : ﻗﻌﻤﺰﻱ ﻣﻬﻤﻮﻫﻪ ..
ﻣﻬﺎ ﺿﺤﻜﺖ ﻭﻗﻌﻤﺰﺕ ..
ﺳﺎﺩ ﻫﺪﻭﺀ ﺑﻌﺾ ﺍﻟﺸﻲ ﻗﻄﻌﺎﺗﻪ ﺑﻌﺾ ﺍﻟﻜﻠﻤﺎﺕ ﺍﻟﺒﺴﻴﻄﻪ ..
ﻟﻴﻦ ﺍﻧﻔﺘﺢ ﺍﻟﺒﺎﺏ ﻭﺧﺶ ﺭﺿﺎ ..
ﺭﺿﺎ : ﺗﻔﻀﻞ ...
ﺧﺶ ﻣﻌﺎﻭﻳﻪ ﻭﻗﺎﻝ : ﺍﻟﺴﻼﻡ ﻋﻠﻴﻜﻢ ..
ﻛﻠﻬﻢ ﺷﺒﺤﻮﻟﻪ ﻭﺭﺩﻭﺍ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ..
ﻧﻴﺮﻭﺯ ﺑﻬﻤﺲ : ﺍﻟﻠﻬﻢ ﺻﻞ ﻉ ﺍﻟﻨﺒﻲ ..
ﺣﻨﺎﻥ ﻳﺪﻭﺏ ﺷﺎﻓﺎﺗﻪ ﺍﺣﺘﺮﺍﻣﺎ ﻟﻨﻀﺎﻝ ﻣﺎﺑﺘﺶ ﺗﻄﻴﻞ ﺍﻟﻨﻈﺮ ..
ﻗﺮﺏ ﻣﻌﺎﻭﻳﻪ ﻭﺳﻠﻢ ﻋﻠﻴﻬﻢ ﺗﺒﻌﺎ ..
ﺍﺳﺎﻣﻪ ﻭﺑﻌﺪﻳﻦ ﻧﻀﺎﻝ .. ﺍﻟﻠﻲ ﻧﺎﺿﻠﻪ ﻭﺻﺎﻓﺤﻪ ﻭﺷﺪﻭﺍ ﻉ ﺍﻳﺪﻳﻦ ﺑﻌﺾ ﺑﻘﻮﺓ ﻭﻧﻈﺮﺍﺗﻬﻢ ﻟﺒﻌﺾ ﺗﻌﺒﺮ ﻋﻦ ﺍﻟﻠﻲ ﻓﺪﺍﺧﻞ ﻛﻞ ﻭﺍﺣﺪ ﻣﻨﻬﻢ ﻟﻠﺜﺎﻧﻲ ...
ﻧﻴﺮﻭﺯ " ﻛﺎﻥ ﻓﻴﻬﺎ ﻛﻴﻒ ﺭﻩ ﻃﺎﺣﻮﺍ ﻓﻲ ﺑﻌﺾ ﺑﺎﻟﺒﻮﻧﻲ " ﺿﺤﻜﺖ ..
ﺣﻨﺎﻥ ﺷﺒﺤﺘﻠﻬﺎ .. ﻧﻴﺮﻭﺯ ﺳﻜﺘﺖ ..
ﺟﻲ ﻟﻨﻴﺮﻭﺯ ﺍﻟﻠﻲ ﻭﻗﻔﺘﻠﻪ ﻭﺻﺎﻓﺤﺎﺗﻪ ﻭﻋﻴﺪﻭﺍ ﻉ ﺑﻌﺾ .. ﻭﻳﻦ ﺟﻲ ﻋﻨﺪ ﺣﻨﺎﻥ ﺯﺍﺩ ﻣﻌﺪﻝ ﻧﺒﻀﺎﺕ ﻗﻠﺒﻪ ﺑﺲ ﻛﺎﻥ ﻣﺪﺍﻳﺮ ﺭﻭﺣﻪ ﻋﺎﺩﻱ ..
ﻣﻌﺎﻭﻳﻪ : ﻛﻞ ﺳﻨﻪ ﻭﺇﻧﺘﻲ ﻃﻴﺒﻪ ..
ﺣﻨﺎﻥ : ﻛﻞ ﻋﺎﻡ ﻭﺍﻧﺖ ﺑﺨﻴﺮ ...
ﻃﻮﻝ ﻣﻌﺎﻭﻳﻪ ﺗﺨﻄﺎﻫﺎ ﻭﻋﻴﺪ ﻉ ﺍﻟﺒﻨﺎﺕ ﻭﻗﻌﻤﺰ ﺟﻨﺐ ﺭﺿﺎ ..
ﺍﻟﺘﻘﻌﻤﻴﺰﺓ ﺗﻜﻬﺮﺑﺖ ﺑﻌﺾ ﺍﻟﺸﻲ .. ﻭﻣﻌﺎﻭﻳﻪ ﻛﺎﻥ ﻃﻮﻝ ﺍﻟﻮﻗﺖ ﻳﺘﺠﻨﺐ ﻳﺸﺒﺢ ﻟﺤﻨﺎﻥ .. ﻧﻀﺎﻝ ﻛﺎﻧﺖ ﻋﻴﻨﻪ ﻋﻠﻴﻪ ﻭﻣﻐﻠﻮﻝ ﻣﻨﻪ ..
ﺍﻣﺎ ﺃﺳﺎﻣﻪ ﻓﻜﺎﻥ ﻳﺸﺒﺢ ﻟﺤﻨﺎﻥ ﺍﻟﻠﻲ ﻭﺟﻬﻬﺎ ﻛﺎﻥ ﺃﺣﻤﺮ ﻭﺷﺒﻪ ﻓﻬﻢ ... ﺍﺑﺘﺴﻢ ﺑﺄﻟﻢ ..
ﻧﺎﺿﻮﺍ ﻧﻴﺮﻭﺯ ﻭﺣﻨﺎﻥ ﺑﻌﺪﻫﺎ ﻭﺗﻮﺍ ﺍﻟﻀﻴﺎﻓﻪ ...
ﻧﻴﺮﻭﺯ : ﻣﺘﻐﻴﺮ ﻫﻠﺒﻪ ﺣﺴﻴﺘﻪ ..
ﺣﻨﺎﻥ ﺗﺴﺘﻌﺒﻂ : ﻣﻦ ﻫﻮ؟
ﻧﻴﺮﻭﺯ ﺑﻀﺤﻜﻪ : ﻣﻌﺎﻭﻳﻪ ﻳﺎﺑﺶ ﻣﻬﻨﺪﺳﻪ .
ﺣﻨﺎﻥ ﺩﺍﻳﺮﻩ ﺭﻭﺣﻬﺎ ﻻﻫﻴﻪ ﺑﺎﻟﺤﻠﻮﻳﺎﺕ ﻫﺮﺑﺎ ﻣﻦ ﻧﻈﺮﺍﺕ ﻧﻴﺮﻭﺯ ..
ﻧﻴﺮﻭﺯ ﺍﺑﺘﺴﻤﺖ ﻭﻣﺎﺑﺘﺶ ﺗﺤﺮﺟﻬﺎ ﺃﻛﺜﺮ ..
ﻧﺎﺩﺕ ﻉ ﺍﻟﺒﻨﺎﺕ ﻫﻤﺎ ﺍﻟﻠﻲ ﻳﻔﺮﻗﻮﺍ ..
ﻫﺪﺭﺯﻭﺍ ﻭﺍﻟﺤﺪﻳﺚ ﻛﺎﻥ ﻣﻘﺘﻀﺐ ..
ﺣﻮﺍﻟﻲ ﺭﺑﻊ ﺳﺎﻋﻪ .. ﻭﻧﺎﺽ ﻣﻌﺎﻭﻳﻪ ... ﻭﻣﻬﺎ ﻣﻌﺎﻩ .. ﺳﻠﻤﻮﺍ ﻭﻃﻠﻌﻮﺍ ﻭﺭﺿﺎ ﺳﻘﺪﻫﻢ ...
ﻭﻳﻦ ﻭﺻﻞ ﻓﻲ ﺍﻟﺒﺎﺏ ﺍﻟﺒﺮﺍﻧﻲ ..
ﺭﺿﺎ : ﺍﺣﻤﻢ .. ﻣﻤﻜﻦ ﻧﺎﺧﺪ ﻣﻦ ﻭﻗﺘﻚ ﺷﻮﻳﻪ ..
ﻣﻌﺎﻭﻳﻪ : ﺗﻤﺎﻡ ... ﺍﺳﺒﻘﻴﻨﻲ ﻟﻠﺴﻴﺎﺭﺓ ﻣﻬﺎ ..
ﻣﻬﺎ ﻣﺸﺖ ﻟﻠﺴﻴﺎﺭﺓ ﻭﻫﻲ ﻓﻲ ﻗﻤﺔ ﺍﻷﺭﺗﺒﺎﻙ ﻋﺎﺭﻓﻪ ﺭﺿﺎ ﺷﻦ ﺑﻴﻘﻮﻝ ﻟﺒﻮﻫﺎ ..
ﺣﻨﺎﻥ ﻟﻤﺎ ﻋﻄﻞ ﺭﺿﺎ ﻓﻬﻤﺖ ﺍﻧﻪ ﺣﻴﻔﺘﺢ ﻣﻌﺎﻩ ﻣﻮﺿﻮﻋﻪ .. ﻭﻗﻔﺖ ﻓﻲ ﺍﻟﺮﻭﺷﻦ ﻟﻘﺘﻬﻢ ﻭﺍﻗﻔﻴﻦ ﺣﺪﺍ ﺍﻟﺒﺎﺏ ﻭﻳﺘﻜﻠﻤﻮﺍ .. ﻛﺎﻧﺖ ﺧﺎﻳﻔﻪ ﻟﻮ ﻣﻌﺎﻭﻳﻪ ﻳﺸﻮﻑ ﺭﺿﺎ ﻣﺶ ﻣﻨﺎﺳﺐ ﻭﻳﺮﻓﻀﻪ ..
ﻗﻌﺪﻭﺍ ﺣﻮﺍﻟﻲ 10 ﺩﻗﺎﻳﻖ .. ﻃﻠﻊ ﻣﻌﺎﻭﻳﻪ ﻭﺭﺿﺎ ﻭﻻ ﻟﻠﺤﻮﺵ ..
ﺣﻨﺎﻥ " ﻳﺎﺭﺏ ﻳﻜﻮﻥ ﻭﺍﻓﻖ "..
ﻧﻀﺎﻝ ﺟﺎﻫﺎ : ﺧﻴﺮﻙ ﻭﺍﻗﻔﻪ ﻫﻨﻲ
ﺣﻨﺎﻥ ﺷﺒﺤﺘﻠﻪ ﻭﻛﻴﻒ ﺟﺎﻳﻪ ﺑﺘﺮﺩ .. ﺧﺶ ﺭﺿﺎ ..
ﻣﺸﺘﻠﻪ : ﺷﻦ ﺻﺎﺭ .
ﺭﺿﺎ ﺍﺑﺘﺴﻢ ﺑﻔﺮﺡ : ﻛﻞ ﺧﻴﺮ ..
ﺣﻨﺎﻥ ﺿﺤﻜﺖ ﺑﻔﺮﺣﻪ : ﺍﻟﺤﻤﺪ ﻟﻠﻪ ..
ﻧﻀﺎﻝ : ﺇﻥ ﺷﺎﺀ ﺍﻟﻠﻪ ﺧﻴﺮ
ﺭﺿﺎ ﺷﺒﺤﻠﻪ : ﺧﻴﺮ ﺍﻛﻴﺪ .. ﺍﻧﻲ ﻧﻮﻳﺖ ﻧﻜﻤﻞ ﻧﺺ ﺩﻳﻨﻲ
ﻧﻀﺎﻝ : ﻣﺒﺎﺭﻙ .. ﻭﺷﻦ ﻋﻼﻗﺔ ﺍﻟﻠﻲ ﻛﺎﻥ ﻫﻨﻲ ﺑﺎﻟﻤﻮﺿﻮﻉ ..
ﺣﻨﺎﻥ ﺷﺒﺤﺘﻠﻪ .. ﻭﺭﺿﺎ ﺷﺒﺤﻠﻪ ﺑﺤﺪﻩ ﻭﻗﺎﻝ : ﻗﺼﺪﻙ ﺍﻟﺴﻴﺪ ﻣﻌﺎﻭﻳﻪ ... ﺍﻧﻲ ﻃﺎﻟﺐ ﻳﺪ ﺑﻨﺘﻪ ..
ﻧﻀﺎﻝ ﺻﺪﺭﻩ ﺿﺎﻕ ﻛﻞ ﻣﺎﻟﻪ ﻣﻌﺎﻭﻳﻪ ﻳﻘﺮﺏ ﻣﻨﻬﺎ ﺍﻛﺘﺮ .. ﺑﺮﻓﻌﺔ ﺣﻮﺍﺟﺐ ﺭﺩ : ﺍﻫﺎ ... ﻛﻮﻳﺲ ﺭﺑﻲ ﻳﺘﺘﻢ ﻉ ﺧﻴﺮ .. ﺍﺣﻤﻢ .. ﻫﻲ ﻣﺎﻻ ﺍﻧﻲ ﻣﺎﺷﻲ .. ﻛﻞ ﺳﻨﻪ ﻭﺍﻧﺘﻢ ﻃﻴﺒﻴﻦ .. ﺍﻟﺴﻼﻡ ﻋﻠﻴﻜﻢ .. ﻓﺘﺢ ﺍﻟﺒﺎﺏ ﻭﻃﻠﻊ ..
ﺭﺿﺎ ﻭﺣﻨﺎﻥ ﻣﻌﺎﻩ ﺑﻌﻴﻮﻧﻬﻢ ﻟﻴﻦ ﻃﻠﻊ ﻭﺑﻌﺪﻳﻦ ﺷﺒﺤﻮﺍ ﻟﺒﻌﺾ ..
ﺣﻨﺎﻥ : ﺗﻌﺎﻟﻲ ﻗﻮﻟﻲ ﺷﻦ ﻗﺎﻟﻚ ﻭﺷﻦ ﻗﺘﻠﻪ ..
ﺭﺿﺎ ﺑﻀﺤﻜﻪ : ﻫﺬﺍ ﻳﺎﺳﺘﻲ ..........
***
ﻃﻮﻝ ﺍﻟﻄﺮﻳﻖ ﻣﻬﺎ ﻣﻨﺤﺮﺟﻪ ﻉ ﺍﻵﺧﺮ ﻭﺑﻮﻫﺎ ﺩﺍﻳﺮ ﺭﻭﺣﻪ ﻻﻫﻲ ﺑﺎﻟﺴﻮﺍﻗﻪ ﻣﺎﻳﺒﻴﺶ ﻳﺤﺮﺟﻬﺎ ﺑﺰﻳﺎﺩﻩ .. ﻭﺻﻠﻮﺍ ﻟﻠﻘﺼﺮ ..
ﻧﺰﻟﺖ ﻣﻦ ﺍﻟﺴﻴﺎﺭﺓ ﺑﺴﺮﻋﻪ ﺗﺒﻲ ﺗﻬﺮﺏ ﻣﻦ ﺑﻮﻫﺎ .. ﻭﻫﻮ ﻧﺰﻝ ﻣﻦ ﺍﻟﺴﻴﺎﺭﺓ ﻳﻀﺤﻚ ﻋﻠﻴﻬﺎ ﻭﻗﺎﻝ : ﻛﺒﺮﺗﻲ ﻭﺑﺪﻭﺍ ﻳﺨﻄﺒﻮﺍ ﻓﻴﻚ ..
ﻣﻬﺎ ﻟﻤﺎ ﺧﺸﺖ ﻭﺟﺖ ﺑﺘﺮﻛﺐ .. ﺍﻧﺼﺪﻣﺖ ﻟﻤﺎ ﻟﻤﺤﺖ ﻓﻲ ﺍﻟﺼﺎﻟﻮﻥ ﺳﻤﻴﻪ ﻭﺇﻗﺒﺎﻝ " ﻫﺎﺩﻡ ﺷﻦ ﺟﺎﺑﻬﻢ "..
ﺧﺶ ﻣﻌﺎﻭﻳﻪ ﻟﻘﺎﻫﺎ ﻭﺍﻗﻔﻪ ﻭﺗﺸﺒﺢ ﻟﻠﺼﺎﻟﻮﻥ ﺷﺒﺢ ﻭﻳﻦ ﻣﺎﺗﺸﺒﺢ ﻭﻃﺎﺭﺗﻠﻪ ..
ﻣﻌﺎﻭﻳﻪ : ﺷﻦ ﺟﺎﺑﻬﻢ ...
ﻣﻬﺎ ﺷﺒﺤﺘﻠﻪ ﻭﺷﺒﺤﺘﻠﻬﻢ ﺑﻌﺪﻳﻦ ﺭﻛﺒﺖ ...
ﺟﺖ ﻭﺣﺪﻩ ﻣﻦ ﺍﻟﺨﺪﻡ : ﻟﻴﻬﻢ 10 ﺩﻗﺎﻳﻖ ﻫﻨﻲ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺸﺎﻟﻬﻢ ..
ﻟﻤﺎ ﺷﺎﻓﻮﻩ ﻧﺎﺿﻮﻟﻪ .. ﺇﻗﺒﺎﻝ ﻗﺮﻳﺐ ﻣﺎﺗﺖ ﻋﻠﻴﻪ ﻛﻴﻒ ﻃﺎﻟﻊ ﻭﺯﻳﺎﺩﻩ ﻣﺴﺘﺎﺣﺸﺎﺗﻪ ﻫﻠﺒﻪ ...
ﻗﻌﻤﺰ ﻭﺣﻂ ﺭﺟﻞ ﻉ ﺭﺟﻞ .. ﻭﻫﻤﺎ ﺷﺒﺤﻮﺍ ﻟﺒﻌﺾ ﺑﻠﻌﻮﻫﺎ ﻭﻗﻌﻤﺰﻭﺍ ..
ﻣﻌﺎﻭﻳﻪ : ﺧﻴﺮ ...
ﺳﻤﻴﻪ ﺑﺈﺑﺘﺴﺎﻣﻪ ﻧﻔﺎﻕ : ﺍﻟﺪﻧﻴﺎ ﻋﻴﺪ .. ﺟﺎﻳﻴﻦ ﻧﻌﻴﺪﻭﺍ ..
ﻣﻌﺎﻭﻳﻪ ﺍﺑﺘﺴﻢ ﺑﺘﻬﻜﻢ ..
ﺍﻗﺒﺎﻝ : ﺣﻨﻲ ﺟﺎﻳﻴﻦ ﻧﻌﺘﺬﺭﻭﺍ ﻟﻴﻨﺎ ﻭﻗﺖ ﻧﺒﻮﺍ ﻧﺠﻮﺍ ﺑﺲ ﻣﺎﻟﻴﻘﻨﺎﺵ ﻭﻗﺖ ﺍﻧﺴﺐ ﻣﻦ ﺍﻟﻤﻨﺎﺳﺒﻪ ﺍﻟﺤﺎﻟﻴﻪ ..
ﻣﻌﺎﻭﻳﻪ ﺳﺎﻛﺖ ..
ﺍﻗﺒﺎﻝ : ﻣﻌﺎﻭﻳﻪ ﺣﻨﻲ ﻋﺸﺮﺓ ﻋﻤﺮ ﻭﻗﻠﻴﻞ ﻣﺎﺗﺼﻴﺮ ﺑﻴﻨﺎﺗﻨﺎ ﻣﺸﺎﻛﻞ ..
ﻭﻋﻤﺮﻧﺎ ﻣﺎﺗﻘﺎﻃﻌﻨﺎ ﻫﻜﻲ .. ﻣﻌﺎﻭﻳﻪ .. ﺣﻨﻲ ﻋﻴﻠﺔ ﻭﻟﻮ ﻏﻠﻄﻨﺎ ﻓﻲ ﺑﻌﺾ ﻧﺼﻠﺤﻮﺍ ﺍﻟﻐﻠﻂ ..
ﻣﻌﺎﻭﻳﻪ : ﺍﻟﻐﻠﻂ ﻣﻨﻜﻢ ..
ﺍﻗﺒﺎﻝ : ﻭﺣﻨﻲ ﺟﺎﻳﻴﻦ ﻧﺼﻠﺤﻮﻩ .. ﻋﻦ ﻧﻔﺴﻲ ﺍﻧﻲ ﻧﻌﺘﺬﺭ ﻭﻧﻮﻋﺪﻙ ﻭﻣﺎﻣﺎ ﺷﺎﻫﺪﻩ ﺍﻧﻲ ﺧﻼﺹ ﻗﺮﺭﺕ ﻧﺒﺪﺍ ﻣﻌﺎﻙ ﻣﻦ ﺍﻭﻝ ﻭﺟﺪﻳﺪ ﻛﺼﺪﻳﻖ ﻋﺰﻳﺰ ﻭﺃﺥ ﻛﺒﻴﺮ .. ﻭﺍﺑﺘﺴﻤﺖ ..
ﻣﻌﺎﻭﻳﻪ ﻗﻌﺪ ﻳﺸﺒﺤﻠﻬﺎ ﻭﺳﺎﻛﺖ ..
ﺳﻤﻴﻪ : ﺑﺎﻟﻨﺴﺒﻪ ﻟﻴﺎ ﻓﺄﻧﺖ ﺍﻫﻨﺘﻨﻲ ﻳﺎﻣﻌﺎﻭﻳﻪ ﻭﻛﻼﻣﻚ ﻭﺟﻌﻨﻲ ﻭﺭﺩﺓ ﻓﻌﻠﻲ ﻟﻮ ﻛﺎﻧﺖ ﻏﻠﻂ ﻓﻠﻴﺎ ﻋﺬﺭﻱ ..
ﻣﻌﺎﻭﻳﻪ : ﻟﻴﻚ ﻋﺬﺭﻙ؟ !! ﻗﺮﻳﺐ ﺧﺴﺮﺕ ﺑﻨﺘﻲ ﻳﺎﻫﺎﻧﻢ ﻓﻲ ﺟﺮﺕ ﻛﺮﺍﻣﺘﻚ ﺍﻟﻠﻲ ﺗﺒﻲ ﺗﺮﺩﻳﻬﺎ ... ﺍﺣﻤﺪﻱ ﺭﺑﻚ ﺍﻟﻠﻲ ﻭﻗﻔﺖ ﻉ ﺍﻟﻠﺰﺓ ﻣﻦ ﺍﻟﺸﺮﻛﻪ ﻛﺎﻥ ﺧﺎﻃﺮ ﻓﻲ ﺑﺎﻟﻲ ﺍﺣﺮﻑ ﻣﻦ ﻫﻜﻲ ..
ﺳﻤﻴﻪ ﺳﻜﺘﺖ .. ﻭﺍﻗﺒﺎﻝ ﺷﺒﺤﺘﻠﻬﺎ ﺑﻌﺪﻳﻦ ﺷﺒﺤﺘﻠﻪ ﻭﻗﺎﻟﺖ : ﻋﻨﺪﻙ ﺣﻖ ﻣﺎﻣﺎ ﻏﻠﻄﺖ ﻏﻠﻄﻪ ﻛﺒﻴﺮﻩ .. ﻟﻬﺬﺍ ﺍﻧﻲ ﻧﺒﻲ ﻧﻄﻠﺐ ﻣﻨﻚ ﻃﻠﺐ ﺑﺲ ﺑﻌﺪ ﻣﺎﺗﻘﻮﻝ ﺍﻧﻚ ﺳﺎﻣﺤﺘﻨﻲ ﺍﻧﻲ ﻉ ﺍﻷﻗﻞ ..
ﻣﻌﺎﻭﻳﻪ ﺷﺒﺤﻠﻬﺎ ﺑﻌﺪﻳﻦ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﺇﻗﺒﺎﻝ ﺍﺑﺘﺴﻤﺖ : ﻛﻮﻳﺲ .. ﻃﻠﺒﻲ ﻫﻮ ﺍﻧﻲ ﻧﺮﺟﻊ ﻟﻠﺸﺮﻛﻪ ﻣﻦ ﺟﺪﻳﺪ ﻭﻧﻠﻬﻰ ﺑﻤﺸﺮﻭﻉ ﺍﻣﻲ ﻭﻣﺶ ﺣﻨﺪﺧﻞ ﻓﻲ ﺍﻱ ﺷﻲ ﻳﺨﺺ ﺷﻐﻠﻚ ﺍﻧﺖ ...
ﻣﻌﺎﻭﻳﻪ ﺳﻜﺖ ﻭﻗﻌﺪ ﻳﻔﻜﺮ .. ﻭﺳﻤﻴﻪ ﻭﺍﻗﺒﺎﻝ ﺷﺒﺤﻮﺍ ﻟﺒﻌﺾ ﺑﻌﺪﻳﻦ ﺷﺒﺤﻮﻟﻪ ..
ﻫﻮ ﺑﻌﺪ ﺗﻔﻜﻴﺮ ﻗﺎﻝ : ﺍﻭﻛﻲ ﻣﺎﻋﻨﺪﻳﺶ ﻣﺸﻜﻠﻪ ... ﻟﻜﻦ ﺍﻱ ﻏﻠﻄﻪ ﻣﻬﻤﺎ ﻛﺎﻥ ﺣﺠﻤﻬﺎ ﺣﻨﻨﻬﻲ ﺍﻟﺸﺮﺍﻛﻪ ﺍﻟﻠﻲ ﺑﻴﻨﻲ ﺑﻴﻨﻜﻢ ﻭﺍﺩﻭﺭﻭﺍ ﻏﻴﺮﻱ ﺧﻼﺹ ﻛﻔﻴﺖ ﻭﻭﻓﻴﺖ ﻣﻌﺎﻛﻢ ..
ﻫﻤﺎ ﻫﺰﻭﺍ ﺭﻭﺳﻬﻢ ﺑﺈﻳﺠﺎﺏ ﻭﺍﺑﺘﺴﻤﻮﺍ ﺑﺈﺭﺗﻴﺎﺡ .. ﻗﻌﺪﻭﺍ ﺷﻮﻳﻪ ﺑﻌﺪﻳﻦ ﻧﺎﺿﻮﺍ ﻃﻠﻌﻮﺍ ... ﻣﻌﺎﻭﻳﻪ ﺭﺍﻛﺐ ﺍﻟﺪﺭﻭﺝ ﺷﺎﻑ ﻣﻬﺎ ﻣﻘﻌﻤﺰﺓ ..
ﻣﻬﺎ : ﻋﻼﺵ ﺳﺎﻣﺤﺘﻬﻢ ..
ﻣﻌﺎﻭﻳﻪ ﺗﻨﻬﺪ : ﺑﻴﻦ ﻋﻴﻮﻧﻲ ﻳﺠﻲ ﻋﻤﻲ ﻋﺒﺪﺍﻟﻠﻪ ﻭﻗﻔﺎﺗﻪ ﻣﻌﺎﻱ ﻣﺶ ﻗﺎﺩﺭ ﻧﻨﺴﺎﻫﻢ ﻣﺎﻧﺒﻴﺶ ﻧﻨﻜﺮ ﻣﻌﺮﻭﻓﻪ ﻭﻫﻤﺎ ﻧﺴﺎﻭﻳﻦ ﺑﺮﻭﺣﻬﻢ ﺑﻌﺪ ﻣﺎﻫﺞ ﻭﻟﺪﻫﻢ ﺍﻟﺼﺎﻳﻊ ﺑﺮﺍ ﺍﻟﺒﻼﺩ ﺍﻟﻠﻲ ﺯﻱ ﺑﻴﻪ ﺯﻱ ﺑﻼﻩ ..
ﻣﻬﺎ : ﺑﺎﺑﺎ ﺭﺩ ﺑﺎﻟﻚ ﻣﻨﻬﻢ ..
ﻣﻌﺎﻭﻳﻪ ﻳﺪﻩ : ﻣﺎﺗﺨﺎﻓﻴﺶ ﺣﺒﻴﺒﺘﻲ ﻧﻮﺿﻲ .. ﻣﺪﺕ ﻳﺪﻫﺎ ﻣﻬﺎﻭﻧﻮﺿﻬﺎ ﻣﻌﺎﻭﻳﻪ ﻭﺣﻀﻨﻬﺎ ﻭﻫﻮ ﺭﺍﻛﺒﻴﻦ ...
ﻣﻌﺎﻭﻳﻪ : ﺍﻳﻪ ﻗﻮﻟﻴﻠﻲ ﺷﻦ ﻗﺼﻪ ﺭﺿﺎ ..
ﻣﻬﺎ ﻣﺎﺗﺖ ﻣﻦ ﺍﻟﺤﺸﻤﻪ ﻭﻣﻌﺎﻭﻳﻪ ﻗﻌﺪ ﻳﻀﺤﻚ ﻋﻠﻴﻬﺎ ...
ﺑﺮﺍ ...
ﻭﺻﻠﻮﺍ ﺍﻷﻡ ﻭﺑﻨﺘﻬﺎ ﻟﺴﻴﺎﺭﺗﻬﻢ ﻭﺭﻛﺒﻮﺍ ..
ﺳﻤﻴﻪ ﺷﺒﺤﺖ ﻟﺒﻨﺘﻬﺎ : ﺍﻧﺘﻲ ﻣﻜﺎﻧﻚ ﻓﻲ ﻫﻴﻮﻟﻴﻮﺩ ..
ﺇﻗﺒﺎﻝ : ﻫﻬﻬﻬﻬﻬﻬﻬﻬﻪ ... ﺷﻐﻠﺖ ﺍﻟﺴﻴﺎﺭﺓ ﻭﻃﻠﻌﻮﺍ ﺑﺮﺍ ﺍﻟﻘﺼﺮ ...
♧♧♧
ﻓﺎﺕ ﺃﺳﺒﻮﻉ ﺑﺎﻟﺰﺑﻂ .. ﻭﺗﻘﺪﻡ ﺭﺿﺎ ﻟﻤﻬﺎ ﺭﺳﻤﻲ .. ﻭﺩﺍﺭﻭ ﺧﻄﻮﺑﻪ ﺑﺴﻴﻄﻪ ﻓﻲ ﺍﻟﻘﺼﺮ ﺩﺍﺏ ﺍﻟﻌﺎﺋﻠﻪ ... ﺍﻟﻤﻔﺮﻭﺽ ﻳﻜﻮﻧﻮﺍ ﻣﻬﺎ ﻭﺭﺿﺎ ﺃﺳﻌﺪ ﺍﺗﻨﻴﻦ ﻓﻴﻬﺎ ﺑﺲ ﻣﻌﺎﻭﻳﻪ ﻛﺎﻥ ﺃﺳﻌﺪ ﻣﻨﻬﻢ ﻹﻧﻪ ﻗﺎﻋﺪ ﻳﻘﺮﺏ ﺍﻛﺜﺮ ﻣﻦ ﺣﻨﺎﻥ ﻭﻓﻲ ﺭﻭﺍﺑﻂ ﺗﻮﺍ ﻭﻟﺖ ﺗﺮﺑﻂ ﺑﻴﻨﻪ ﻭﺑﻴﻨﻬﺎ
ﻓﺎﺕ ﺷﻬﺮ ...
ﺣﻨﺎﻥ ﻣﺴﺘﻤﺮﺓ ﻓﻲ ﺍﻟﺨﺪﻣﻪ ﻭﻟﻤﺎ ﺗﺠﻲ ﻟﻠﺸﺮﻛﻪ ﻛﺎﻧﺖ ﺗﺘﻌﺎﻣﻞ ﻣﻊ ﻣﻌﺎﻭﻳﻪ ﻋﺎﺩﻱ ﻭﻫﻮ ﻛﺬﻟﻚ .. ﺑﺲ ﻓﻲ ﺩﺍﺧﻞ ﻗﻠﺒﻪ ﻗﺎﻋﺪ ﻳﻜﺒﺮ ﺑﺤﺒﻬﺎ ﺍﻛﺜﺮ ﻭﺃﻛﺜﺮ ﻭﻋﻨﺪﻩ ﺍﺣﺴﺎﺱ ﺍﻥ ﺣﺘﻰ ﻫﻲ ﻣﺶ ﺧﺎﻟﻴﻪ ﻣﻦ ﻧﺎﺣﻴﺘﻪ ...
ﻧﻀﺎﻝ ﻣﻨﺸﻐﻞ ﺑﺎﻟﺨﺪﻣﻪ ﻭﻣﻦ ﺑﻌﺪ ﺍﻟﻤﺸﻜﻠﻪ ﺍﻟﻠﻲ ﺻﺎﺭﺕ ﺑﻴﻨﻪ ﻭﺑﻴﻦ ﺣﻨﺎﻥ ﻗﻌﺪ ﻳﺒﻌﺪ ﻭﻣﺎﻳﺠﻴﺶ ﺑﻜﻞ ﻭﻳﺴﺄﻝ ﻉ ﺑﻨﺎﺗﻪ ﺑﺎﻟﺘﻠﻴﻔﻮﻥ ..
ﻟﻴﻦ ﺟﻲ ﺍﻟﻴﻮﻡ ﺍﻟﻠﻲ ﻃﻠﻌﺖ ﻓﻴﻪ ﻧﺘﻴﺠﺔ ﻟﺒﻨﻰ ﻣﺸﻲ ﻟﻠﺤﻮﺵ ﻫﺬﺍﻛﺎ ﺍﻟﻴﻮﻡ ﻭﺍﺣﺘﻔﻞ ﺑﺒﻨﺘﻪ ... ﻭﻗﺮﺭ ﺟﺪﻫﺎ ﻳﺪﻳﺮﻟﻬﺎ ﺯﺭﺩﻩ ﻓﻲ ﺣﻮﺷﻪ ﻭﺩﺍﺭﻭﻫﺎ ﻭﻛﺎﻧﺖ ﻓﺮﺣﺔ ﻟﺒﻨﻰ ﻛﺒﻴﺮﻩ ﻫﻠﺒﻪ ..
ﺣﺘﻰ ﻣﻬﺎ ﺍﻟﻠﻲ ﺑﻮﻫﺎ ﻫﺪﺍﻫﺎ ﺍﻟﻬﺪﻳﻪ ﺍﻟﻠﻲ ﻭﻋﺪﻫﺎ ﺑﻴﻬﺎ ﻭﺳﺎﻓﺮ ﻫﻮ ﻭﻳﺎﻫﺎ ﻷﻭﻝ ﻣﺮﺓ ﻭﻗﻀﻮﺍ ﺍﺣﻠﻰ ﺃﻳﺎﻡ ﻛﺄﺏ ﻭﺑﻨﺘﻪ ﻛﻞ ﺍﻟﺤﻮﺍﺟﺰ ﺍﻟﻠﻲ ﻛﺎﻧﺖ ﺑﻴﻨﺎﺗﻬﻢ ﺍﻧﻬﺪﺕ ﺗﻤﺎﻣﺎ .. ﻃﺒﻌﺎ ﻣﻬﺎ ﻋﻨﺪﻫﺎ ﺧﻄﻴﺐ ﺭﻭﺡ ﻟﻠﻴﺒﻴﺎ .. ﺑﻌﺪ ﻫﻨﺎ ﺑﻨﺖ ﺍﺧﺘﻪ ﻭﻋﻄﺎﻫﺎ ﻫﺪﻳﺘﻬﺎ ﻣﺸﻲ ﻟﻤﻬﺎ ﺑﻌﺪ ﻋﺮﻑ ﺍﻧﻬﺎ ﺭﻭﺣﺖ ﺍﺳﺘﺄﺫﻥ ﻣﻦ ﻣﻌﺎﻭﻳﻪ ﺑﺶ ﻳﻄﻠﻊ ﻣﻌﺎﻫﺎ ﻭﻃﻠﻌﻮﺍ ﻭﻣﻌﺎﻫﻢ ﻟﺒﻨﻰ ﺑﺈﺻﺮﺍﺭ ﻣﻦ ﺣﻨﺎﻥ .. ﺑﺲ ﻟﺒﻨﻰ ﻗﻌﻤﺰﺕ ﺑﻌﻴﺪ ﻋﻠﻴﻬﻢ ﺑﺶ ﺗﺨﻠﻴﻬﻢ ﺑﺮﺍﺣﺘﻬﻢ ..
ﻳﺎﺭﺍ ﺑﺪﺕ ﺗﻔﻜﺮ ﺑﺠﺪﻳﻪ ﻓﻲ ﺍﻟﻄﻼﻕ ﻣﻦ ﻧﻀﺎﻝ ﻏﻴﺮ ﻣﺄﺟﻠﻪ ﺍﻟﻤﻮﺿﻮﻉ ﺷﻮﻳﻪ ﻟﻴﻦ ﻳﺎﺧﺪ ﻧﻀﺎﻝ ﻓﺮﺻﺘﻪ ﻷﻥ ﻭﺟﻮﺩﻩ ﻣﻌﺎﻫﺎ ﻣﺨﻠﻲ ﻋﻨﺪﻫﺎ ﺃﻣﻞ ﺑﺴﻴﻂ .. ﻭﻟﻮ ﻫﺎﻷﻣﻞ ﺭﺍﺡ ﺣﺘﻄﻠﺐ ﺍﻟﻄﻼﻕ .
ﺭﻫﻒ ﺑﺪﺕ ﺗﺤﺲ ﺑﻐﻠﻄﺘﻬﺎ " ﺧﻄﻮﺑﺘﻬﺎ ﻣﻦ ﻣﻬﺎﺏ " ﺍﻟﻠﻲ ﺩﻳﻤﺎ ﻳﻔﺘﺤﻠﻬﺎ ﻓﻲ ﻣﻮﺿﻮﻉ ﺑﻮﻫﺎ ﻭﺃﻣﻬﺎ ﻟﻴﻦ ﻛﺮﻫﻬﺎ ﻓﻲ ﻋﻤﺮﻫﺎ ﻭﺧﻮﻓﻪ ﻣﻦ ﺍﻣﻪ ﻣﺨﻠﻴﻪ ﻃﺎﻳﺢ ﻣﻦ ﻋﻴﻨﻬﺎ .. ﻭﺗﻮ ﺗﻔﻜﺮ ﻛﻴﻒ ﺗﻔﺘﻚ ﻣﻨﻪ ..
ﺟﻲ ﻋﺮﺱ ﺗﻘﻮﻯ ﻭﻟﺆﻱ ...
ﺗﻘﻮﻯ ﻋﺰﻣﺖ ﻋﻴﻠﻪ ﺭﻫﻒ ﻭﺑﺈﺻﺮﺍﺭ ﻣﻦ ﺭﻫﻒ ﺣﻨﺎﻥ ﻭﺍﻓﻘﺖ ﺗﻤﺸﻲ ﻳﻮﻡ ﺍﻟﺤﻔﻠﻪ ..
ﺭﻫﻒ ﻛﺎﻧﺖ ﻣﻦ ﺍﻭﻝ ﺯﻏﺮﻭﻃﻪ ﻣﻊ ﺗﻘﻮﻯ ... ﺗﻤﺸﻲ ﻭﺗﺠﻲ ﻋﻠﻴﻬﺎ .. ﺗﺸﻮﻑ ﻓﻲ ﻓﺮﺣﺔ ﺻﺎﺣﺒﺘﻬﺎ .. ﻭﻓﺮﺣﺔ ﺍﻟﺒﻨﺖ ﺗﻨﺘﻄﺮ ﻣﻦ ﻋﻴﻮﻧﻬﺎ ﻟﻤﺎ ﺗﺘﺰﻭﺝ ﺍﻟﻠﻲ ﺗﺤﺒﻪ ﻭﺗﺒﻴﻪ .. ﺭﻫﻒ ﺑﺮﻏﻢ ﻓﺮﺣﺘﻬﺎ ﻟﺼﺎﺣﺒﺘﻬﺎ ﺑﺲ ﺣﺎﺳﻪ ﺭﻭﺣﻬﺎ ﻣﺨﻨﻮﻗﻪ ﻫﻠﺒﻪ .. ﻭﻃﻮﻝ ﺍﻷﺳﺒﻮﻉ ﻛﺎﻧﺖ ﻗﻠﻴﻞ ﺗﺮﺩ ﻉ ﺍﺗﺼﺎﻻﺕ ﻣﻬﺎﺏ ﻭﻫﻮ ﻃﺎﻳﺮﺗﻠﻪ ﻣﻨﻬﺎ ﻫﻠﺒﻪ ..
ﻉ ﺟﻬﺔ ﺗﺎﻧﻴﻪ ..
ﻛﺎﻥ ﺍﺳﻨﺎﻡ ﺣﺎﺱ ﺑﻨﻔﺲ ﺍﻟﺸﻌﻮﺭ ﻭﻫﻮ ﻳﺸﻮﻑ ﻓﻲ ﺻﺎﺣﺒﻪ ﻓﻲ ﺍﻟﺤﻼﻕ ﻛﻴﻒ ﻳﺒﺼﺮﻭﺍ ﻋﻠﻴﻪ ﺃﻗﺎﺭﺑﻪ ﻭﻫﻮ ﻳﻀﺤﻚ ﻭﻓﺮﺣﺘﻪ ﻣﺶ ﺳﺎﻳﻌﻪ ﺍﻟﺪﻧﻴﺎ ..
ﻟﺆﻱ ﻛﺎﻥ ﺣﺎﺱ ﺑﻴﻪ ﺑﺲ ﻳﺤﺎﻭﻝ ﻉ ﻗﺪ ﻣﺎﻳﻘﺪﺭ ﻳﺨﻠﻴﻪ ﻳﻌﻴﺶ ﻣﻌﺎﻩ ﺍﻟﻔﺮﺣﻪ ﻭﻳﻨﺴﻰ ﺷﻮﻳﻪ ..
ﻣﺸﻮﺍ ﺣﻨﺎﻥ ﻭﻟﺒﻨﻰ ﻣﻊ ﺭﻫﻒ ﻟﻠﺤﻔﻠﻪ .. ﻭﺃﻭﻝ ﻣﺎﺧﺸﻮﺍ ﺣﻮﻟﻮﺍ ﻋﺒﺎﻳﺎﺗﻬﻢ .. ﻛﺎﻧﻮﺍ ﺣﻠﻮﺍﺕ ﻫﻠﺒﻪ ﻭﻣﻠﻔﺘﺎﺕ .. ﻭﺣﻨﺎﻥ ﺑﺰﻳﺎﺩﻩ ﻷﻧﻬﺎﺍﻣﻬﻢ ﻛﺎﻧﺖ ﻏﺎﻳﻪ ﻓﻲ ﺍﻟﺠﻤﺎﻝ ..
ﻟﺒﻨﻰ : ﻣﺎﻣﺎ ﺍﻟﻨﺎﺱ ﻳﺸﺒﺤﻮﻟﻚ ﻭﻓﺎﺗﻮﻧﺎ ..
ﺭﻫﻒ ﺑﻀﺤﻜﻪ : ﻻﺣﻈﺖ ..
ﺣﻨﺎﻥ : ﻭﺍﻟﻠﻪ ﻗﺮﻳﺐ ﻧﻤﻮﺕ ﻣﻦ ﺍﻹﺣﺮﺍﺝ ﻧﻴﺮﻭﺯ ﺭﺑﻲ ﻳﻬﺪﻳﻬﺎ ﺣﺎﺳﻪ ﺭﻭﺣﻲ ﻣﺘﺼﺎﺑﻴﻪ .
ﺭﻫﻒ : ﻣﺎﻣﺎ ﺷﻦ ﺗﺤﻜﻲ ﻃﺎﻟﻌﻪ ﻋﺴﻞ ﺍﻟﻠﻲ ﻳﺸﻮﻓﻚ ﻳﻘﻮﻝ ﺍﺧﺘﻨﺎ ﻣﺶ ﺍﻣﻨﺎ ..
ﻟﺒﻨﻰ : ﺍﻧﻲ ﺧﺎﻳﻔﻪ ﻳﺨﻄﺒﻮﻙ ﺍﻟﻠﻴﻠﻪ ﻳﺎﺣﻠﻮ ﺍﻧﺖ ﺍﻧﻲ ﻧﺒﺎﻥ ﺍﻣﻚ ..
ﺣﻨﺎﻥ ﺿﺤﻜﺖ .. ﻭﻫﻤﺎ ﺿﺤﻜﻮﺍ .. ﺑﺲ ﺳﺮﻋﺎﻥ ﻣﺎﺗﻼﺷﺖ ﺿﺤﻜﺔ ﺭﻫﻒ ﻟﻤﺎ ﺷﺎﻓﺖ ﺍﻟﺒﻨﺖ ﺍﻟﻠﻲ ﻛﺎﻧﺖ ﻣﻊ ﺍﺳﻨﺎﻡ ﻓﻲ ﺍﻟﻤﻄﻌﻢ ﻛﺎﻧﺖ ﻃﺎﻟﻌﻪ ﺣﻠﻮﺓ ﻭﻛﺎﻧﺖ ﻣﻘﻌﻤﺰﺓ ﻣﻊ ﺃﻡ ﻭﺍﺧﺖ ﺃﺳﻨﺎﻡ " ﺍﻟﺼﺎﻟﻪ ﻣﺸﺘﺮﻛﻪ "...
ﺑﻠﻌﺖ ﺭﻳﻘﻬﺎ ﻭﺷﺎﺩﻩ ﺩﻣﻌﺘﻬﺎ ﻭﺍﻧﻄﻔﺖ ﻣﺮﺓ ﻭﺣﺪﻩ .. ﺷﻮﻳﻪ ﻭﺟﺘﻬﺎ ﻭﺣﺪﻩ ﻣﻦ ﺧﻮﺍﺕ ﺗﻘﻮﻯ ﻭﻗﺎﻟﻮﻫﺎ ﺗﺒﻴﻬﺎ ﻓﻲ ﺩﺍﺭ ﺍﻟﻌﺮﻭﺳﻪ ﺍﺳﺘﺄﺫﻧﺖ ﻣﻦ ﺍﻣﻬﺎ ﻭﻧﺎﺿﺖ ﻣﺸﺘﻠﻬﺎ .. ﻃﻘﺖ ﻭﺧﺸﺖ ﻭﻟﻤﺎ ﺷﺎﻓﺘﻬﺎ ﺷﻬﻘﺖ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺭﻫﻒ : ﺍﻟﻠﻬﻢ ﺑﺎﺭﻙ ﻋﻠﻴﻚ ﻳﺎﻋﻤﺮﻱ ﻗﻤﻤﻤﺮ .. ﻻﻗﻮﺓ ﺇﻻ ﺑﺎﻟﻠﻪ .. ﻭﺣﻀﻨﺘﻬﺎ ..
ﺗﻘﻮﻯ ﺣﻀﻨﺘﻬﺎ ﺑﻘﻮﺓ .. ﺑﻌﺪﻳﻦ ﺑﻌﺪﻭﺍ ..
ﺭﻫﻒ : ﻻﺍﺍﺍﺍﺍ .. ﻳﺎﺣﻤﺎﺭﻩ ﺍﻟﻤﻜﻴﺎﺝ ..
ﺗﻘﻮﻯ ﻗﻌﺪﺕ ﺗﻔﻨﺺ ﻭﻫﻲ ﺗﻀﺤﻚ ﺑﺶ ﻣﺎﻳﻨﺰﻟﻮﺵ ﺩﻣﻮﻋﻬﺎ ..
ﺗﻘﻮﻯ : ﺑﺠﺪﻳﺎﺕ ﺣﻠﻮﺓ ..
ﺗﻘﻮﻯ : ﺣﻠﻮﺓ !!!! ﺗﻲ ﺗﻬﺒﻠﻲ .. ﺣﻴﻲ ﻋﻠﻴﻚ ﻣﻦ ﻟﺆﻱ ﻟﻤﺎ ﻳﺎﻛﻠﻚ ..
ﺗﻘﻮﻯ ﺿﺤﻜﺖ ﺑﺨﺠﻞ : ﻳﺎﺣﻤﺎﺭﺓ ﻣﻌﺎﺵ ﺗﻘﻮﻟﻴﻠﻲ ﺍﻟﻜﻼﻡ ﻫﺬﺍ ﻣﻦ ﻏﻴﺮ ﺷﻲ ﺧﺎﻳﻔﻪ ..
ﺭﻫﻒ ﺿﺤﻜﺖ ...
ﺷﻮﻳﻪ ﻭﺟﻮﻫﺎ ﺑﺶ ﺑﻴﻄﻠﻌﻮﻫﺎ .. ﻃﻠﻌﺖ ﺭﻫﻒ ﻣﻦ ﺣﺪﺍﻫﺎ ﻭﻭﻟﺖ ﻟﻠﻄﺎﻭﻟﻪ ﻣﺘﺎﻋﻬﻢ ..
ﺣﻨﺎﻥ : ﺑﺘﺨﺶ ﺗﻮﺍ؟
ﺭﻫﻒ : ﺍﻳﻪ ..
ﻟﺒﻨﻰ : ﻛﻴﻒ ﻃﺎﻟﻌﻪ ..
ﺭﻫﻒ ﺑﻀﺤﻜﻪ : ﺗﻮ ﺗﺸﻮﻓﻴﻬﺎ .. ﺷﻮﻳﻪ ﻭﺍﻧﻄﻔﺖ ﺍﻷﺿﻮﺍﺀ ﻭﺍﻧﻔﺘﺤﻮﺍ ﺍﻟﺸﺎﺷﺎﺕ ﻭﺩﺍﺭﻭ ﺍﻟﻠﻘﻄﻪ ﻣﺘﺎﻉ ﺑﺨﺎﻥ ﺍﻟﺮﻳﺤﻪ ﻭﻛﻞ ﻣﺮﺓ ﺗﺒﺎﻥ ﻣﻨﻬﺎ ﺣﺎﺟﻪ ﻟﻴﻦ ﻃﻠﻌﺖ ﻟﻠﻨﺎﺱ ﻓﻲ ﺍﻟﺼﺎﻟﻪ .. ﺧﺸﺖ ﺑﺮﻭﺣﻬﺎ ﻭﺑﻘﻌﺔ ﺿﻲ ﻗﻌﺪﺕ ﻋﻠﻴﻬﺎ ﻟﻴﻦ ﻭﺻﻠﺖ ﻓﻲ ﺍﻟﻜﻮﺷﻪ ﻭﻗﻌﻤﺰﺕ ﻭﻃﺒﻌﺎ ﺍﻧﺰﻓﺖ ﻉ ﺃﻏﻨﻴﻪ ﺍﻟﺰﻓﻪ ﻣﺘﺎﻉ ﻓﺮﺡ ﺍﻟﻬﺎﺩﻱ ﻛﺎﻧﻜﻢ ﺗﻌﺮﻓﻮﻫﺎ
ﺍﻟﻤﻬﻢ .. ﺑﺪﺕ ﺍﻟﺤﻔﻠﻪ ﻭﻛﺎﻧﺖ ﺃﺟﻮﺍﺋﻬﺎ ﺣﻠﻮﺓ ..
ﻣﺮﺓ ﻣﺮﺓ ﺭﻫﻒ ﺗﺸﻮﻑ ﻟﻨﺪﻯ ﻭﻫﻲ ﺗﻬﺪﺭﺯ ﻣﻊ ﺳﻠﻮﻯ ﻭﻳﺒﺎﻧﻮﺍ ﻳﻌﻠﻘﻮﺍ ﻉ ﺍﻟﺤﻔﻠﻪ .. ﻭﻛﺎﻧﺖ ﺣﺎﺳﻪ ﺭﻭﺣﻬﺎ ﻣﺶ ﻗﺎﺩﺭﻩ ﺗﺘﺤﻤﻞ ﺑﺘﺒﻜﻲ .. ﻧﺎﺿﺖ ﻭﻗﺎﻟﺖ ﻷﻣﻬﺎ ﺑﺘﻤﺸﻲ ﻟﺤﻤﺎﻡ .. ﺣﺴﺘﻬﺎ ﺍﻣﻬﺎ ﺇﻧﻬﺎ ﻣﺶ ﻣﺰﺑﻮﻃﻪ ﻭﺣﺘﻰ ﻟﺒﻨﻲ ﻭﺷﺒﻪ ﻓﺎﻫﻤﻴﻦ ﺧﻴﺮﻫﺎ ..
ﺧﺸﺖ ﻟﻠﺤﻤﺎﻡ ﻭﻣﻌﺎﻫﺎ ﺷﻨﻄﺘﻬﺎ ﻭﻋﻴﻮﻧﻬﺎ ﺩﻣﻌﻮﺍ ﻭﺣﺎﻃﻪ ﺍﻳﺪﻫﺎ ﻉ ﺻﺪﺭﻫﺎ ﻭﻧﻔﺴﻬﺎ ﻗﻮﻱ .. ﻫﺪﺕ ﺷﻮﻳﻪ ﻭﻣﺴﺤﺖ ﺩﻣﻮﻋﻬﺎ ﻭﻋﺎﺩﻭﺕ ﻣﻜﻴﺎﺟﻬﺎ .. ﺷﻮﻳﻪ ﻭﺧﺸﺖ ﻭﺣﺪﻩ ﻟﻠﺤﻤﺎﻡ ﻭﻗﻔﺖ ﻓﻲ ﺍﻟﻤﺮﺍﻳﺎ ﺍﻟﻠﻲ ﺟﻨﺒﻬﺎ ﻭﻳﻦ ﺗﻠﻔﺘﺖ ﺷﺎﻓﺘﻬﺎ ﻛﺎﻧﺖ ﻧﺪﻯ ﺗﺴﺎﻭﻱ ﻓﻤﻜﻴﺎﺟﻬﺎ ﺟﺖ ﻋﻴﻨﻬﺎ ﻉ ﺍﻟﺪﺑﻠﻪ ﺍﻟﻠﻲ ﻓﻴﺪﻫﺎ ﺑﻠﻌﺖ ﺭﻳﻘﻬﺎ .. ﻭﺣﺎﻭﻟﺖ ﺗﻠﻬﻰ ﺑﻤﻜﻴﺎﺟﻬﺎ ...
....
ﻻﻻﺭﺍﺟﻞ ﺳﻠﻮﻯ ﺑﻴﺮﻭﺡ ﺑﻴﻬﻢ ..
ﻟﺆﻱ : ﻣﻠﻴﺢ ..
ﺃﺳﻨﺎﻡ ﻭﺍﻟﺘﻠﻴﻔﻮﻥ ﻉ ﻭﺫﻧﻪ : ﻣﻦ ﺍﻟﺪﻭﺷﻪ ﻣﺎﻳﺴﻤﻌﻮﺵ ﻓﺘﻠﻴﻔﻮﻧﺎﺗﻬﻢ ...
...
ﺭﻫﻒ ﻣﺶ ﻋﺎﺭﻓﻪ ﻛﻴﻒ ﻣﻜﻴﺠﺖ ﻭﻛﻴﻒ ﻛﻤﻠﺖ ... ﺭﻥ ﺗﻠﻴﻔﻮﻥ ﻧﺪﻯ ﺭﺩﺕ ..
ﻧﺪﻯ : ﺍﻳﻮﻩ ﺳﻴﻤﻮ ...
ﺭﻫﻒ ﺗﻘﻮﻝ ﻣﻦ ﺩﻙ ﻓﻘﻠﺒﻬﺎ ﻣﻮﺱ ..
ﻧﺪﻯ : ﻫﻬﻬﻬﻬﻬﻪ .. ﺍﻳﻪ ﺩﻭﺷﻪ .. ﺍﻳﻪ ........ ﺑﺎﻫﻲ ..
ﺭﻫﻒ ﻃﻠﻌﺖ ﻣﻌﺎﺵ ﺗﺤﻤﻠﺖ ﺧﻼﺹ ...
ﻭﺻﻠﺖ ﻓﻲ ﺍﻟﻄﺎﻭﻟﻪ ﻭﻗﻌﻤﺰﺕ ﻭﻫﻲ ﺗﺮﻋﺶ ﻭﺗﺤﺎﻭﻝ ﺗﺘﻤﺎﺳﻚ ..
ﺣﻨﺎﻥ : ﺧﻴﺮﻙ ﺭﻫﻒ ...
ﺭﻫﻒ ﺑﺂﺑﺘﺴﺎﻣﻪ ﻣﺼﻄﻨﻌﻪ : ﻣﺎﻓﻲ ﺷﻲ ﻣﺎﻣﺎ ... ﺣﺒﻴﺒﺘﻲ .. ﺷﺒﺤﺖ ﻟﺘﻘﻮﻯ ﺍﻟﻠﻲ ﻛﺎﻧﺖ ﺗﺸﺒﺤﻠﻬﺎ ﻭﺃﺷﺮﺗﻠﻬﺎ ﺗﺠﻲ .. ﻧﺎﺿﺖ ﻣﺸﺘﻠﻬﺎ ..
ﺣﻨﺎﻥ : ﺍﻟﻮﺿﻊ ﻫﺬﺍ ﻣﻌﺎﺵ ﻳﻨﺴﻜﺖ ﻋﻠﻴﻪ ﻻﺯﻡ ﻧﺪﻳﺮ ﺣﻞ ..
ﻟﺒﻨﻰ : ﺷﻦ ﺑﺪﻳﺮﻱ ﻳﺎﻣﺎﻣﺎ؟ ! ﻟﻮ ﺧﻠﻴﺘﻬﺎ ﺗﺤﻮﻝ ﺩﺑﻠﺔ ﻣﻬﺎﺏ ﻣﻦ ﻳﺪﻫﺎ ﻣﺶ ﺣﺘﻘﺪﺭﻱ ﺗﺤﻮﻟﻲ ﺣﺐ ﺍﺳﻨﺎﻡ ﻣﻦ ﻗﻠﺒﻬﺎ ..
ﺣﻨﺎﻥ ﺗﻨﻬﺪﺕ ﺑﺄﻟﻢ ﻭﺳﻜﺘﺖ ..
ﺭﻫﻒ ﻛﺎﻧﺖ ﻏﺼﺐ ﻋﻨﻬﺎ ﺗﺸﻮﻑ ﻟﻨﺪﻯ ﻛﺎﻧﺖ ﺩﻣﻌﺘﻬﺎ ﻣﺤﺒﻮﺳﻪ ﻓﻌﻴﻨﻬﺎ ﻃﻮﻝ ﺍﻟﻮﻗﺖ ﺗﺮﻗﺺ ﻣﻊ ﺻﺎﺣﺒﺘﻬﺎ ﻟﻜﻨﻬﺎ ﻣﻦ ﺩﺍﺧﻠﻬﺎ ﻣﻮﺟﻮﻋﻪ ﻗﻠﺒﻬﺎ ﻳﻮﺟﻊ ﻓﻴﻬﺎ ..
ﺍﺳﺘﻤﺮﺕ ﺍﻟﺤﻔﻠﻪ ﻟﻴﻦ ﺟﻲ ﺍﻟﻮﻗﺖ ﺍﻟﻠﻲ ﺑﻴﺨﺶ ﻓﻴﻪ ﺍﻟﻌﺮﻳﺲ ..
ﺗﻘﻮﻯ : ﻭﻭﻙ ﺑﻨﻤﻮﺕ ﻣﻦ ﺍﻟﺨﻮﻑ ﺗﻘﻮﻝ ﻻﻧﻌﺮﻓﻪ ﻭﻻﻳﻌﺮﻓﻨﻲ ..
ﺭﻫﻒ : ﻫﻬﻬﻬﻬﻪ ﻃﺒﻴﻌﻲ .. ﻫﻴﺎ ﺧﻞ ﻧﻨﺰﻝ ..
ﻧﺰﻟﺖ ﺭﻫﻒ ﻭﻣﺸﺖ ﻟﻠﻄﺎﻭﻟﻪ ﻟﺒﺴﺖ ﻋﺒﺎﻳﺘﻬﺎ ﻭﻭﺷﺎﺣﻬﺎ ..
ﺷﻮﻳﻪ ﻭﺧﺶ ﻟﺆﻱ .. ﻭﻛﺎﻥ ﻃﺎﻟﻊ ﻃﺮﻑ ﻣﻄﺮﻑ ..
ﻭﺗﻘﻮﻯ ﻫﺒﻠﺖ ﻋﻠﻴﻪ ﻭﻗﻠﺒﻬﺎ ﻗﻌﺪ ﻳﺪﻕ ﺑﻘﻮﺓ ... ﻭﻗﻒ ﻓﻲ ﺑﺪﺍﻳﻪ ﺍﻟﻤﻤﺮ .. ﻫﻲ ﻣﺸﺘﻠﻪ ﻉ ﺍﻧﻐﺎﻡ ﺃﻏﻨﻴﻪ ﻏﺮﺑﻴﻪ .. ﻟﻴﻦ ﻭﺻﻠﺖ ﻓﻴﻪ ﻟﺆﻱ ﻋﻴﻮﻧﻪ ﻳﻀﺤﻜﻮﺍ ﻣﻦ ﺍﻟﻔﺮﺣﻪ ﻭﻫﻲ ﺧﺎﻳﻔﻪ ﻉ ﻓﺮﺣﺎﻧﻪ ﺑﻄﻴﺮ .. ﺷﺪ ﺍﻳﺪﻫﺎ ﺍﻟﺰﻭﺯ ﻭﺑﺎﺳﻬﻢ .. ﻭﺍﻟﺼﺎﻟﻪ ﺍﻧﻘﻠﺒﺖ ﻋﻴﺎﻁ ..
ﻟﺆﻱ : ﻧﺤﺒﻚ ﻣﻮﺕ ...
ﺗﻘﻮﻯ : ﺍﻧﻲ ﺍﻛﺜﺮ ..
ﻟﺆﻱ : ﻏﻴﺮ ﻧﺮﻭﺣﻮﺍ ﺗﻮ ﻧﻌﺮﻓﻮﺍ ﻣﻦ ﻳﺤﺐ ﺍﻟﺘﺎﻧﻲ ﺃﻛﺘﺮ ..
ﺗﻘﻮﻱ ﻗﺮﻳﺐ ﺍﻧﺼﻬﺮﺕ ﻣﻦ ﺍﻟﺨﺠﻞ ..
ﺗﻌﻠﻘﺖ ﻳﺪﻫﺎ ﻓﻲ ﺫﺭﺍﻋﻪ ﻭﻉ ﻛﻠﻤﺎﺕ ﺍﻏﻨﻴﻪ ﻧﺎﻧﺴﻲ ﻋﺠﺮﻡ ﺷﺮﻳﻜﺔ ﻋﻤﺮﻙ .. ﻣﺸﻮﺍ ﻟﻠﻜﻮﺷﻪ ﻭﺍﻟﻜﺎﻣﻴﺮﺍ ﻣﻌﺎﻫﻢ ....
ﻭﺻﻠﻮﺍ ﻟﻠﻜﻮﺷﻪ ﻭﻗﻌﻤﺰﻭﺍ ﻭﺍﺷﺘﻐﻠﺖ ﺍﻷﺿﻮﻳﻪ ..
ﺭﻫﻒ : ﻣﺎﻣﺎ ﻧﻘﺪﺭ ﻧﻤﺸﻲ ﻧﺒﺎﺭﻛﻠﻪ ..
ﺣﻨﺎﻥ : ﺑﺮﻱ ﺣﺒﻴﺒﺘﻲ ...
ﻧﺎﺿﺖ ﺭﻫﻒ ﻭﻣﺸﺘﻠﻬﻢ ﻭﻳﻦ ﻭﺻﻠﺖ ﻓﻴﻬﻢ ﻟﺆﻱ ﺍﺑﺘﺴﻢ ..
ﺭﻫﻒ ﺑﺈﺑﺘﺴﺎﻣﻪ : ﻛﺎﻥ ﻗﻠﺖ ﻣﺒﺮﻭﻙ ﺗﺮﺩ ﻋﻠﻴﺎ ..
ﻟﺆﻱ ﺑﻀﺤﻜﻪ .: ﻻ ﻣﺶ ﺣﻨﺮﺩ
ﺿﺤﻜﻮﺍ ﺭﻫﻒ ﻭﺗﻘﻮﻯ ..
ﻭﻫﻮ ﺿﺤﻚ ﻭﻗﺎﻝ : ﺍﻟﻠﻪ ﻳﺒﺎﺭﻙ ﻓﻴﻚ ..
ﺭﻫﻒ : ﺭﺑﻲ ﻳﻬﻨﻴﻜﻢ ﻭﻳﺴﻌﺪﻛﻢ ...
ﺍﻟﺰﻭﺯ ﻣﻊ ﺑﻌﺾ : ﺗﺴﻠﻤﻲ ..
...
ﻧﺪﻯ : ﻣﺶ ﻋﺎﺭﻓﻪ ﻭﻳﻦ ﺷﺎﻳﻔﺘﻬﺎ ﺍﻟﺒﻨﺖ ﺍﻟﻠﻲ ﻣﺒﻜﺮﻱ ﻣﺎﺷﻴﻪ ﺟﺎﻳﻪ ﻉ ﺍﻟﻌﺮﻭﺳﻪ ﻭﺗﻮﺍ ﺭﻛﺒﺖ ﺗﺴﻠﻢ ﻉ ﺍﻟﻌﺮﻳﺲ ..
ﻫﺎﻧﻴﻪ : ﺷﺎﻳﻔﺘﻴﻬﺎ؟
ﻧﺪﻯ ﺷﺒﺤﺘﻠﻬﺎ : ﺍﻳﻪ ﻭﻳﻦ ﻣﺶ ﻋﺎﺭﻓﻪ ..
ﻫﺎﻧﻴﻪ ﺗﻨﻬﺪﺕ ﻭﻫﻲ ﺗﺸﻮﻑ ﻟﺮﻫﻒ ..
ﺳﻠﻮﻯ ﻻﺣﻈﺖ : ﺧﻴﺮﻙ ﻣﺎﻣﺎ ..
ﻫﺎﻧﻴﻪ ﺑﺄﻟﻢ : ﻫﺎﺩﻱ ﺍﻟﺒﻨﻴﻪ ﺍﻟﻠﻲ ﻳﺒﻴﻬﺎ ﺧﻮﻙ ..
ﺳﻠﻮﻯ ﺍﻧﺼﺪﻣﺖ ﻭﻗﻌﺪﺕ ﺗﺸﺒﺢ ﻟﺮﻫﻒ .. ﻭﻧﺪﻯ ﺯﺍﺩﺕ ﺭﻛﺰﺕ ﻓﻴﻬﺎ ﻭﺍﺫﻛﺮﺕ ﻧﻬﺎﺭ ﺍﻟﻤﻄﻌﻢ .. ﻟﻤﺎ ﺷﺎﻓﺘﻬﺎ ﻣﻊ ﺧﻄﻴﺒﻬﺎ ..
ﻧﺪﻯ : ﺍﻫﺎﺍﺍﺍ .. ﺍﺫﻛﺮﺕ .. ﺭﻳﺘﻲ ﺳﻠﻮﻯ ﻧﻬﺎﺭ ﻋﺰﻣﻨﺎ ﺍﺳﻨﺎﻡ ﻉ ﺍﻟﻐﺪﻱ ..
ﺳﻠﻮﻯ : ﺍﻳﻪ ..
ﻧﺪﻯ : ﺷﻔﺖ ﺍﻟﺒﻨﺖ ﻫﺎﺩﻱ ﻭﻣﻌﺎﻫﺎ ﻭﺍﺣﺪ ﺟﺎﻳﻴﻦ ﻭﻗﻌﻤﺰﻭﺍ ﻉ ﻃﺎﻭﻟﺔ ﺍﻟﻠﻲ ﻛﺎﻧﺖ ﻓﻴﻬﺎ ﻋﻴﻠﻪ .. ﻣﺬﻛﺮﺗﻴﻬﺎ ..
ﺳﻠﻮﻯ ﺍﺫﻛﺮﺕ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺼﺪﻭﻣﻪ : ﺍﻳﻪ ﻭﻛﺎﻥ ﻃﻮﻝ ﺍﻟﻮﻗﺖ ﻳﺸﻮﻓﻠﻬﻢ ..
ﻧﺪﻯ : ﺻﺢ ﻗﺒﻞ ﻷﻧﺘﻲ ﺗﺠﻲ ﺳﺄﻟﺘﻪ ﻋﻠﻴﻬﻢ ﻗﺎﻟﻲ ﻳﻘﺮﻭﺍ ﻣﻌﺎﻩ .. ﻭﻗﺎﻟﻲ ﺧﺎﻃﺒﻴﻦ ..
ﻫﺎﻧﻴﻪ ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ ﺑﺄﻟﻢ ..
ﺳﻠﻮﻯ ﻗﻌﺪﺕ ﺗﺸﺒﺢ ﻟﺮﻫﻒ ..
ﺭﻫﻒ ﻭﻟﺖ ﻟﻠﻄﺎﻭﻟﻪ ﻭﻗﻌﻤﺰﺕ ... ﻭﺍﻡ ﺍﺳﻨﺎﻡ ﻭﺍﺧﺘﻪ ﻭﺑﻨﺖ ﻋﻤﻪ ﻳﺸﻮﻓﻮﻟﻬﺎ ..
ﻧﺪﻯ : ﺣﻠﻮﺓ ﻫﻠﺒﻪ ﻟﻜﻦ .. ﺍﻟﻠﻲ ﻣﻌﺎﻫﺎ ﻣﻨﻮ ..
ﻫﺎﻧﻴﻪ : ﺍﻣﻬﺎ ﻭﺍﺧﺘﻬﺎ ..
ﻧﺪﻯ : ﻗﺼﺪﻙ ﺍﻟﻠﻲ ﻣﺪﺍﻳﺮﻩ ﻏﺮﺓ ﻭﻻﺑﺴﻪ ﻗﻔﻄﺎﻥ ﺫﻫﺒﻲ ﻏﺎﻣﻖ ﺃﻣﻬﺎ؟
ﻫﺎﻧﻴﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻧﺪﻱ ﺑﻀﺤﻜﻪ : ﺍﻟﻌﻴﻠﻪ ﺣﻠﻮﻳﺎﺕ ﻣﺸﻜﻠﻪ ...
ﺗﻤﺖ ﺍﻟﺤﻔﻠﻪ .. ﻭﻃﻠﻊ ﻟﺆﻱ ﺑﺘﻘﻮﻯ ﻭﺳﻂ ﺍﻟﺪﻣﻮﻉ ... ﻃﻠﻌﻮﺍ ... ﻭﻃﻠﻌﺖ ﺭﻫﻒ ﻣﻊ ﺍﻣﻬﺎ ﻭﺍﺧﺘﻬﺎ ... ﺣﻨﺎﻥ ﺭﻛﺒﺖ ﺍﻟﺴﻴﺎﺭﻩ ﻭﺭﻛﺒﺖ ﻟﺒﻨﻰ ﻣﻦ ﺍﻟﺨﻠﻒ .. ﻋﻄﻠﺖ ﺭﻫﻒ ﺑﺴﺒﺐ ﺷﻨﻄﺘﻬﺎ ﺍﻟﻠﻲ ﻃﺎﺣﺖ ﻣﻨﻬﺎ ﻭﻗﺎﻣﺘﻬﺎ .. ﻭﻣﺸﺖ ﺗﺠﺮﻱ ﻟﻠﺴﻴﺎﺭﺓ ﺍﻧﻔﺘﺢ ﻭﺷﺎﺣﻬﺎ ﺷﺪﺍﺗﻪ ... ﻭﻳﻦ ﻭﺻﻠﺖ ﻓﻲ ﻟﻠﺒﺎﺏ ..
" ﺃﺳﻨﺎﻡ ﺑﺮﺍ ﻭﺭﺍ ﻟﺆﻱ "...
ﺟﻤﺪﺕ ﻭﻗﻠﺒﻬﺎ ﻗﻌﺪ ﻳﺪﻕ ﺑﻌﻨﻒ ﺷﺒﺤﺖ ... ﺍﻳﻤﻴﻨﻬﺎ ﺷﺎﻓﺎﺗﻪ ﻛﺎﻥ ﻭﺍﻗﻒ ﻳﺸﻮﻓﻠﻬﺎ ﻣﻦ ﺑﻜﺮﻱ ..
ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ﻣﺴﺘﺎﺣﺸﻴﻦ ﺑﻌﺾ .. ﻟﺤﻈﺎﺕ ﻧﺴﻮﺍ ﻓﻴﻬﺎ ﻫﻤﺎ ﻭﻳﻦ ... ﻟﺤﻈﺎﺕ ﻗﻄﻌﻬﺎ ﻛﻼﻛﺲ ﺳﻴﺎﺭﺓ ﻭﻃﻘﺔ ﺣﻨﺎﻥ ﻉ ﺍﻟﺮﻭﺷﻦ ... ﺭﻫﻒ ﻭﻃﺖ ﻋﻴﻮﻧﻬﺎ ﻭﻓﺘﺤﺖ ﺍﻟﺒﺎﺏ ﻭﺭﻛﺒﺖ ﻭﻫﻮﺭﻛﺐ ﺳﻴﺎﺭﺗﻪ ﻭﻃﻠﻊ ﻭﺭﺍ ﺻﺎﺣﺒﻪ ..
ﻃﻮﻝ ﺍﻟﻄﺮﻳﻖ ﻭﻫﻲ ﺷﺎﺩﻩ ﺩﻣﻌﺘﻬﺎ ﻭﺍﻣﻬﺎ ﺗﺸﻮﻓﻠﻬﺎ ﻭﻭﺍﻛﻠﻪ ﻫﻤﻬﺎ ...
ﻭﺻﻠﻮﺍ ﻟﻠﺤﻮﺵ .. ﻭﺭﻫﻒ ﻃﻮﻝ ﺍﻭﻝ ﻣﺎﺃﻣﻬﺎ ﻓﺘﺤﺖ ﺍﻟﺒﺎﺏ ﺑﺴﺮﻋﻪ ﺭﻛﺒﺖ ﺗﺠﺮﻱ .. ﻟﺤﻘﺘﻬﺎ ﻟﺒﻨﻰ ﻭﺣﻨﺎﻥ ﺗﻨﻬﺪﺕ ...
ﺭﻫﻒ ﻟﻤﺎ ﺧﺸﺖ ﺍﻟﺪﺍﺭ ﺣﻮﻟﺖ ﺍﻟﻮﺷﺎﺡ ﻭﻗﻌﻤﺰﺕ ﻉ ﺍﻟﺴﺮﻳﺮ ﻭﻗﻌﺪﺕ ﺗﺒﻜﻲ .. ﺧﺸﺖ ﻟﺒﻨﻰ ..
ﺭﻫﻒ ﺑﺒﻜﻲ : ﺍﺭﺟﻮﻙ ﻟﺒﻨﻰ ... ﻣﺎﺗﻜﻠﻤﻴﻨﻲ ﻉ ﺷﻲ
ﻟﺒﻨﻰ ﻗﻌﻤﺰﺕ ﺣﺪﺍﻫﺎ ﻭﺣﻀﻨﺘﻬﺎ : ﻣﺶ ﻣﺘﻜﻠﻤﻪ ﺧﻼﺹ .. ﻭﺭﻫﻒ ﻗﻌﺪﺕ ﺗﺒﻜﻲ ﻓﻲ ﺣﻀﻨﻬﺎ ..
ﺍﻟﺴﺎﻋﻪ 2 ﻟﻴﻼ ..
ﺭﻭﺡ ﺍﺳﻨﺎﻡ ﻟﻠﺤﻮﺵ ... ﻭﺭﻛﺐ ﻟﺪﺍﺭﻩ ﻭﺍﻣﻪ ﻛﺎﻧﺖ ﺗﺴﺘﻨﻰ ﻓﻴﻪ ﺷﺎﻓﺘﻪ ﺭﻛﺐ ﺻﻜﺮﺕ ﺑﺎﺏ ﺩﺍﺭﻫﺎ ﻭﺧﺸﺖ ﺍﻟﺴﺮﻳﺮ ..
ﺭﺷﻴﺪ : ﺭﻭﺡ ..
ﻫﺎﻧﻴﻪ ﺍﺑﺘﺴﻤﺖ ﺗﺤﺴﺎﺏ ﺭﺷﻴﺪ ﺭﺍﻗﺪ : ﺍﻳﻪ ﺭﻭﺡ ..
ﺭﺷﻴﺪ : ﺑﺎﻫﻲ ﺍﺭﻗﺪﻱ ..
ﻫﺎﻧﻴﻪ ﺑﻀﺤﻜﻪ : ﺑﺎﻫﻲ ... ﺗﻤﺪﺩﺕ ﻟﻜﻦ ﻗﺎﻋﺪﻩ ﺗﻔﻜﺮ ﻓﻲ ﻭﻟﺪﻫﺎ ..
ﺍﻣﺎ ﻫﻮ ﻓﻲ ﺩﺍﺭﻩ .. ﻗﻌﻤﺰ ﻉ ﻛﺮﺳﻲ .. ﺑﻌﺪ ﺣﻮﻝ ﺍﺩﺟﺎﻛﺘﻪ ﻭﻟﻮﺣﻬﺎ ﻉ ﺍﻟﺴﺮﻳﺮ ... ﻗﻌﺪ ﻳﻔﻜﺮ ﻓﻴﻬﺎ ﻭﻳﺬﻛﺮ ﻓﻲ ﻧﻈﺮﺓ ﻋﻴﻮﻧﻬﺎ ﺍﻟﻠﻲ ﺍﻭﻝ ﻣﺮﺓ ﻳﺸﻮﻓﻬﺎ ﻧﻈﺮﺓ ﺧﻠﺖ ﻗﻠﺒﻪ ﻗﺮﻳﺐ ﻳﺸﻖ ﺻﺪﺭﻩ ﻭﻳﻤﺸﻴﻠﻬﺎ ﻭﻛﺄﻧﻬﺎ ﻛﺎﻧﺖ ﺗﻨﺎﺩﻱ ﻓﻴﻪ .. ﻣﺴﺢ ﺑﺈﻳﺪﻳﻪ ﻉ ﻭﺟﻬﻪ ﺑﻌﻨﻒ ﻭﻛﺄﻧﻪ ﻳﺒﻲ ﻳﺴﻤﺢ ﻫﺎﻟﻨﻈﺮﺓ ﺍﻟﻠﻲ ﻗﺎﻋﺪ ﻳﺘﺨﺎﻳﻞ ﻓﻴﻬﺎ ﻭﺍﻟﻠﻲ ﻗﻌﺪ ﻳﻘﻮﻝ ﻟﻨﻔﺴﻪ ﻋﻨﻬﺎ ﺍﻧﻬﺎ ﺍﻭﻫﺎﻡ ﻭﺑﺲ ... ﺧﺶ ﻟﻠﺤﻤﺎﻡ ﺑﺶ ﻳﺪﻭﺵ ﻭﻳﺮﺗﺎﺡ ﺷﻮﻳﻪ ... ﺑﺲ ﻫﻴﻬﺎﺕ ﺍﻟﺮﺍﺣﻪ ﺗﻌﺮﻑ ﻃﺮﻳﻖ ﻟﻘﻠﺐ ﻋﺎﺷﻖ ﻣﺘﻌﺬﺏ
ﻣﺮﻭﺍ ﺍﺳﺒﻮﻋﻴﻦ ...
ﻣﻬﺎ ﻭﻟﺒﻨﻰ ﻳﺴﺘﻌﺪﻭﺍ ﻟﻤﺮﺣﻠﻪ ﺟﺪﻳﺪﻩ ... ﺍﻟﺠﺎﻣﻌﻪ .. ﺍﻟﺰﻭﺯ ﺳﺠﻠﻮﺍ ﻓﻴﻬﺎ ... ﻭﺣﻴﺒﺪﻭﺍ ﺍﻟﻴﻮﻡ ﺍﻭﻝ ﻳﻮﻡ ﻣﺎﺷﻴﻴﻦ ﻳﻨﺰﻟﻮﺍ ﺍﻟﻤﻮﺍﺩ ..
ﻣﻬﺎ ﻫﻲ ﺍﻟﻠﻲ ﺭﻓﻌﺖ ﻟﺒﻨﻰ ﻧﺰﻟﻮﺍ ﻣﻦ ﺍﻟﺴﻴﺎﺭﻩ .. ﻭﺧﺸﻮﺍ ﻟﻠﻜﻠﻴﻪ ..
ﻣﻬﺎ : ﻓﻲ ﺭﻫﺒﻪ ﻓﻲ ﺧﺸﺔ ﺍﻟﻜﻠﻴﻪ ﻣﺶ ﻋﺎﺭﻓﻪ ﺗﺤﺴﻴﻬﺎ ﻋﺎﻟﻢ ﺑﺮﻭﺣﻬﺎ ..
ﻟﺒﻨﻰ : ﻋﺎﺩﻱ ﻳﻌﻨﻲ ﻣﺎﺣﺴﻴﺘﺶ ﺑﺮﻫﺒﻪ ﻭﻻﺷﻲ ..
ﻣﻬﺎ ﺑﻀﺤﻜﻪ : ﺍﻟﻤﺮﺃﺓ ﺍﻟﺤﺪﻳﺪﻳﻪ ..
ﻟﺒﻨﻰ : ﻫﻬﻬﻬﻬﻬﻬﻪ ﻣﺒﺮﺩﻙ ...
ﻣﻦ ﺑﻌﻴﺪ ﺷﻮﻳﻪ ﻛﺎﻥ ﻓﻲ ﻗﺮﻭﺏ ﺳﻨﺔ ﺗﺎﻟﺘﻪ ﻣﺨﺮﺗﻴﻦ ﻓﻲ ﺍﻟﻜﻠﻴﻪ ﻟﻴﻬﻢ 6 ﺳﻨﻴﻦ .. ﺻﻴﺎﻉ ﻭﻛﻠﻬﻢ ﻣﻦ ﻋﺎﺋﻼﺕ ﻣﺮﺗﺎﺣﻪ ﻣﺎﺩﻳﺎ ﻭﻗﻨﻴﻨﻴﻦ ﻟﻜﻦ ﺗﺎﻓﻬﻴﻦ ﻭﺍﻗﺼﻰ ﻃﻤﻮﺣﺎﺗﻬﻢ ﺍﻧﻬﻢ ﻳﻄﻴﺤﻮﺍ ﺍﻟﺒﻨﺎﺕ ﻓﻲ ﺷﺒﺎﻛﻬﻢ ﻭﻳﺘﺒﺎﻫﻮﺍ ﻉ ﺑﻌﻀﻬﻢ ﺑﺎﻟﺸﻲ ﻫﺬﺍ ... ﻭﻳﺘﺮﺍﻫﻨﻮ ﻋﻠﻴﻪ ... ﺍﻟﻜﻞ ﻓﻲ ﺍﻟﻜﻞ ﻭﺍﺣﺪ ﺍﺳﻤﻪ ﻗﺘﻴﺒﻪ ﻗﻨﻴﻦ ﻫﻠﺒﻪ ﻟﻜﻦ ﺗﺎﺍﺍﺍﺍﺍﺍﻓﻪ ﻭﺻﺎﺍﺍﺍﻳﻊ ﻫﻠﺒﻪ ... ﻋﻴﻨﻪ ﺟﺖ ﻉ ﻟﺒﻨﻰ ﻭﻫﻲ ﺧﺎﺷﻪ ﺗﻀﺤﻚ ﻋﺠﺒﺎﺗﻪ ﻫﻠﺒﻪ ﻭﺧﺸﺖ ﺩﻣﺎﻏﻪ ..
ﻗﺘﻴﺒﻪ : ﺗﻌﺮﻓﻮﺍ ﻳﺎﻭﻻﺩ ﻣﻮﺳﻢ ﺍﻟﺼﻴﺪ ﺍﻟﺴﻤﺴﺘﺮ ﻫﺬﺍ ﺣﻴﻜﻮﻥ ﻗﻮﻱ ﻫﻠﺒﻪ ..
ﻋﻤﺎﺩ : ﺍﻳﻪ ﻃﺮﻭﻑ ﻣﻦ ﺟﻤﻴﻊ ﺍﻟﺠﻬﺎﺕ ..
ﻫﺎﺩﻱ ﺑﻀﺤﻜﻪ : ﻭﺩﺍﻋﺎ ﻟﻠﻤﻠﻞ ..
ﺿﺤﻜﻮﺍ ﺍﻟﺘﻼﺛﻪ .. ﻭﻗﻌﺪ ﻗﺘﻴﺒﻪ ﺑﻌﻴﻮﻧﻪ ﻣﻊ ﻟﺒﻨﻰ ﻭﻳﺸﺒﺤﻠﻬﺎ ﺑﺨﺒﺚ ..
ﻟﻬﻮﺍ ﻟﺒﻨﻰ ﻭﻣﻬﺎ ﺑﺘﻨﺰﻳﻞ ﺍﻟﻤﻮﺍﺩ .. ﻗﻌﺪﻭﺍ ﺣﻮﺍﻟﻲ 3 ﺳﺎﻋﺎﺕ .. ﻭﺑﻌﺪ ﻛﻤﻠﻮﺍ ﻣﺸﻮﺍ ﻟﻠﻜﺎﻓﺘﻴﺮﻳﺎ ﺧﺪﻭﺍ ﻛﻴﻜﻪ ﻭﻋﺼﻴﺮ ﻣﺼﻘﻊ .. ﻭﻗﻌﻤﺰﻭﺍ ﻓﻲ ﺗﺮﻛﻴﻨﻪ ﺑﺤﺪﺍ ﺍﻟﻘﺎﻋﺎﺕ ﺍﻟﻠﻲ ﻛﺎﻧﻮﺍ ﻳﺘﻌﺮﻓﻮﺍ ﻋﻠﻴﻬﺎ ..
ﻟﺒﻨﻰ : ﺍﻟﺴﺒﺖ ﺑﻨﺒﺪﻭﺍ ..
ﻣﻬﺎ : ﺍﻛﺜﺮ ﺣﺎﺟﻪ ﻣﻀﻴﻘﺘﻠﻲ ﺧﻠﻮﻗﻲ ...
ﻟﺒﻨﻰ ﺧﺪﺕ ﺭﺷﻔﻪ ﻣﻦ ﺍﻟﻌﺼﻴﺮ : ﺍﻣﻢ .. ﻛﻨﺖ ﻧﺸﻮﻑ ﻓﺮﻫﻒ ﻭﻫﻲ ﺗﻤﺸﻲ ﻟﻠﻜﻠﻴﻪ ﻳﻮﻡ ﺍﻟﺴﺒﺖ ﻭﻧﻘﻮﻝ ﻣﺎﺑﻌﺪﻫﺎ ﻣﺎﻧﺤﺴﺎﺑﺶ ﺑﻴﺠﻴﻨﻲ ﻭﻗﺖ ﻧﻮﻟﻲ ﺯﻳﻬﺎ .
ﻣﻬﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﻌﺪﺕ ﺗﺎﻛﻞ .
" ﻋﻔﻮﺍ "..
ﺷﺒﺤﺖ ﻣﻬﺎ ﻟﻠﺸﺨﺺ ﺍﻟﻠﻲ ﻭﻗﻒ ﻋﻠﻴﻬﻢ ﻭﻟﺒﻨﻰ ﻣﺎﺃﻫﺘﻤﺘﻼﺵ ..
ﻣﻬﺎ : ﺗﻔﻀﻞ .
ﻗﺘﻴﺒﻪ ﻳﺸﺒﺢ ﻟﻠﺒﻨﻰ : ﺟﺪﺩ ﻫﻨﻲ ﺍﻧﺘﻢ ..
ﻣﻬﺎ : ﺍﻳﻪ ..
ﻗﺘﻴﺒﻪ : ﺍﻫﻼ ﺑﻴﻜﻢ .. ﺍﻧﻲ ﻃﺎﻟﺐ ﺳﻨﺔ ﺗﺎﻟﺘﻪ ﺗﺒﻮﺍ ﺍﻱ ﻣﺴﺎﻋﺪﻩ ﻣﺎﻳﺤﺸﻤﻜﻢ ﺷﻲ ...
ﻣﻬﺎ ﺍﺑﺘﺴﻤﺖ ﻣﺠﺎﻣﻠﻪ : ﺷﻜﺮﺍ ...
ﻗﺘﻴﺒﻪ ﺗﻨﺮﻓﺰ ﻣﻦ ﻟﺒﻨﻰ : ﺧﻴﺮﻫﺎ ﺻﺎﺣﺒﺘﻚ ﻗﺎﺭﻧﺘﻬﻢ ..
ﻟﺒﻨﻰ ﺑﺮﻓﻌﺔ ﺣﺎﺟﺐ ﺷﺒﺤﺘﻠﻪ ﻣﻦ ﻓﻮﻕ ﻟﻠﻮﻃﺎ ..
ﻗﺘﻴﺒﻪ ﺑﻀﺤﻜﻪ : ﻏﻴﺮ ﻻﻣﺶ ﻫﻜﻲ ﺍﻧﻲ ﺟﺎﻱ ﻧﺒﻲ ﻧﺴﺎﻋﺪ ...
ﻟﺒﻨﻰ : ﻭﺣﻨﻲ ﻣﺎﻧﺒﻮﺵ ﻣﺴﺎﻋﺪﻩ ﻣﻦ ﺣﺪ .. ﺳﺎﻋﺪ ﻧﻔﺴﻚ ﺧﻴﺮ ... ﻧﺎﺿﺖ .. ﻫﻴﺎ ﻣﻬﺎ ...
ﻗﺘﻴﺒﻪ : ﻏﻴﺮ ﺑﺎﻟﺸﻮﻳﻪ ﺑﺎﻟﻚ ﺗﺤﺴﺎﺑﻨﻲ ﻣﻴﺖ ﻋﻠﻴﻚ ..
ﻟﺒﻨﻰ ﻭﻻ ﻋﺒﺮﺍﺗﻪ ﻭﻣﺸﺖ ﻫﻲ ﻭﻟﺒﻨﻰ ﺗﻬﺪﺭﺯ ﻭﻻﺣﺎﺳﺒﺎﺗﻪ ﻣﻮﺟﻮﺩ ...
ﻗﺘﻴﺒﻪ : ﺗﻌﺠﺒﻨﻲ ﺍﻟﻨﻮﻋﻴﻪ ﻫﺎﺩﻱ ﻧﻤﻮﺕ ﻓﻲ ﺍﻣﻬﺎ .. ﺿﺤﻚ ﻭﻣﺸﻲ ..
***
ﻃﺎﻟﻌﻪ ﻣﻦ ﻗﺎﻋﺔ ﺍﻟﻤﺤﻜﻤﻪ ﺑﻌﺪ ﺗﺮﺍﻓﻌﺖ ﻓﻲ ﻗﻀﻴﻪ ﺍﻧﻘﺬﺕ ﺻﺎﺣﺒﻬﺎ ﻣﻦ ﺍﻹﻋﺪﺍﻡ .. ﺑﻌﺪ ﺷﻜﺮﻭﻫﺎ ﺍﻫﻞ ﺍﻟﻤﻮﻛﻞ ﻣﺘﺎﻋﻬﺎ ﻭﻋﻄﻮﻫﺎ ﺷﻴﻚ ﺑﻤﺒﻠﻎ ﻭﻗﺪﺭﻩ .. ﺗﻮﺟﻬﺖ ﻟﺴﻴﺎﺭﺗﻬﺎ .. ﻭﻫﻲ ﻣﺎﺷﻴﻪ ﻟﻔﺖ ﺍﻧﺘﺒﺎﻫﻬﺎ ﺭﺍﺟﻞ ﻭﻣﺮﺍﻩ ﻛﺒﺎﺭ ﻓﻲ ﺍﻟﻌﻤﺮ ﻛﺎﻥ ﻣﻘﻌﻤﺰﻳﻦ ﻉ ﺍﻟﺮﺻﻴﻒ ﺍﻟﻤﺮﺍﺓ ﺗﺒﻜﻲ ﻭﺍﻟﺮﺍﺟﻞ ﻳﺴﻜﺖ ﻓﻴﻬﺎ ...
ﺍﻟﻤﺮﺍﻩ : ﻉ ﺧﺎﻃﺮ ﻭﻟﺪﻱ ﻃﺎﻳﺢ ﺳﻌﺪﻩ ﻟﺒﺴﻮﻫﺎﻟﻪ ﺑﺶ ﻳﻄﻠﻊ ﻣﻨﻬﺎ ﻭﻟﺪ ﺍﻟﻌﺰ ... ﺍﻟﻠﻪ ﻻﻳﺮﺑﺤﻬﻢ ...
ﺍﻟﺮﺍﺟﻞ : ﺭﺑﻲ ﻳﻨﺘﻘﻢ ﻣﻨﻬﻢ ﻭﻳﺎﺧﺪ ﺍﻟﺤﻖ ..
ﺍﻟﻤﺮﺍﺓ : ﻛﺒﻴﺪﺗﻲ ﺧﻼﺹ ﺑﻴﺮﻳﺢ ﻣﻨﻲ ﺑﻴﻌﺪﻣﻮﻩ ..
ﺍﻟﺮﺍﺟﻞ ﺩﻣﻌﺘﻪ ﻧﺰﻟﺖ : ﻭﻛﺎﻥ ﻳﺨﻠﻮﻧﻲ ﻧﻤﻮﺕ ﻓﻤﻜﺎﻧﻪ ﻭﺍﻟﻠﻪ ﻧﺪﻳﺮﻫﺎ ﻟﻜﻦ ﻣﺎﻳﺮﺿﻮﺵ ﻣﺎﻳﺮﺿﻮﺵ .. ﻭﻗﻌﺪﻳﺨﺒﻂ ﻉ ﺭﺟﻠﻴﻪ ﻭﻣﺮﺗﻪ ﺗﺸﺪ ﻓﻲ ﺍﻳﺪﻳﻪ .. ﻭﺗﺤﺎﻭﻝ ﺗﻬﺪﻳﻪ ..
ﻳﺎﺭﺍ ﺍﻟﻤﻮﻗﻒ ﻫﺰﻫﺎ ﻫﺰ ... ﻗﺪﻣﺘﻠﻬﻢ .. ﻭﻗﺎﻟﺖ : ﺍﻟﺴﻼﻡ ﻋﻠﻴﻜﻢ ...
ﺍﻟﺮﺍﺟﻞ ﻭﺍﻟﻤﺮﺍﺓ ﻗﺎﻣﻮﺍ ﻋﻴﻮﻧﻪ ﻓﻴﻬﺎ ﻟﻘﻮﺍ ﻣﺮﺍﺓ ﻣﺶ ﻣﺤﺠﺒﻪ ﻻﺑﺴﻪ ﺳﺮﻭﺍﻝ ﺍﺳﻮﺩ ﻭﺑﻠﻮﺯﺓ ﻣﻮﻑ ﻏﺎﻣﻘﻪ ﻭﺍﺻﻠﻪ ﻟﻠﺮﻛﺒﻪ .. ﻧﺰﻟﺖ ﻳﺎﺭﺍ ﻟﻤﺴﺘﻮﺍﻫﻢ ﻭﻗﺎﻟﺖ : ﺷﻦ ﻣﺸﻜﻠﺔ ﻭﻟﺪﻛﻢ؟
ﺍﻟﻤﺮﺍﻩ ﻭﺍﻟﺮﺍﺟﻞ ﺷﺒﺤﻮﺍ ﻟﺒﻌﺾ ﻭﺷﺒﺤﻮﻟﻬﺎ ...
ﻳﺎﺭﺍ ﺍﺑﺘﺴﻤﺖ ﻭﻗﺎﻟﺖ : ﺍﻧﺎ ﻳﺎﺭﺍ ﻣﺤﻤﻮﺩ ... ﻣﺤﺎﻣﻴﻪ ...
***
ﻟﻬﺎﻟﺪﺭﺟﻪ ﺍﻟﻴﻮﻡ ﻣﻤﻞ ﻣﺎﻋﻨﺪﻙ ﺷﻲ ﺗﺤﻜﻴﻪ ..
ﻟﺒﻨﻰ ﻭﻫﻲ ﺗﺘﻐﺪﺍ : ﺗﺲ ﺗﺲ .. ﻋﺎﺩﻱ ﻳﺎﻣﺎﻣﺎ ..
ﺣﻨﺎﻥ : ﺑﺎﻫﻲ ﺍﻟﻤﻬﻢ ﺗﻮﺍ ﺍﻟﻘﺮﺍﻳﻪ .. ﻭﻃﺒﻌﺎ ﻣﺎﻓﻴﺶ ﺩﺍﻋﻲ ﻧﻮﺻﻴﻚ ..
ﻟﺒﻨﻰ : ﻫﻬﻬﻬﻬﻬﻬﻬﻬﻪ ... ﺍﻃﻤﻨﻲ ﻳﺎﺣﻨﻮﻥ .. ﺩﺍﻧﺎ ﺑﻨﺘﻚ ﺑﺮﺿﻮ ..
ﺣﻨﺎﻥ ﺑﻀﺤﻜﻪ : ﺑﺎﻫﻲ ﺗﻐﺪﻱ ... ﻭﺍﻧﺘﻲ ﺭﻫﻮﻓﻪ ..
ﺭﻫﻒ : ﻫﻬﻬﻬﻬﻬﻬﻬﻬﻪ ﺍﻧﻲ ﻓﻲ ﺍﺧﺮ ﺳﻨﻪ ﺭﻩ ..
ﺣﻨﺎﻥ ﺑﻀﺤﻜﻪ : ﻏﻴﺮ ﺍﺣﻜﻲ .. ﺍﻛﻴﺪ ﺑﺪﻳﺘﻮﺍ ﻣﺴﺘﺸﻔﻰ ..
ﺭﻫﻒ : ﻻﻣﺎﺯﺍﻝ ﺍﺳﺒﻮﻉ ﺍﻟﺠﺎﻱ ..
ﺣﻨﺎﻥ ﺑﺈﺑﺘﺴﺎﻣﻪ : ﺭﺑﻲ ﻳﻮﻓﻘﻜﻢ ﻭﻳﻔﺘﺢ ﻋﻠﻴﻜﻢ ..
ﺍﻟﺰﻭﺯ ﺷﺒﺤﻮﻟﻬﺎ ﺑﺤﺐ : ﺁﺍﺍﻣﻴﻦ ..
...
ﺗﻮﺗﺮﺕ ﺍﻟﻤﻜﺎﻥ ﻫﻜﻲ ﻟﻴﻪ ﺭﻫﺒﻪ ﻭﺗﺤﺴﻬﺎ ﻋﺎﻟﻢ ..
ﻣﻌﺎﻭﻳﻪ : ﻹﻧﻚ ﻛﻨﺘﻲ ﻓﻲ ﻣﺪﺭﺳﻪ ﻧﻄﺎﻗﻬﺎ ﻣﺤﺪﻭﺩ ﺑﺲ ﺍﻟﺠﺎﻣﻌﻪ ﻋﻜﺲ ﺗﻤﺎﻣﺎ .. ﻣﺨﺘﻠﻄﻪ ﻭﻓﻴﻬﺎ ﻣﻦ ﺟﻤﻴﻊ ﺍﻷﺷﻜﺎﻝ ﻭﺍﻷﻧﻮﺍﻉ ﻣﻦ ﺍﻟﺒﺸﺮ .. ﺍﻫﻢ ﺷﻲ ﺧﻠﻴﻚ ﻗﺪ ﻧﻔﺴﻚ .. ﺧﺸﻴﺘﻲ ﻗﺎﻧﻮﻥ ﻻﺯﻡ ﺗﻜﻮﻧﻲ ﻗﻮﻳﻪ ﻭﻣﺴﺘﺎﻗﻀﻪ ﻟﻜﻞ ﺷﻲ ﻭﺟﺮﻳﺌﺔ ﻓﻲ ﺍﻟﺤﻖ ...
ﻣﻬﺎ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ ...
ﻣﻌﺎﻭﻳﻪ ﺍﺑﺘﺴﻢ : ﺑﺎﻟﺘﻮﻓﻴﻖ ..
ﻣﻬﺎ ﺑﻀﺤﻜﻪ : ﺍﺟﻤﻌﻴﻦ ﻳﺎﻏﺎﻟﻲ ..
ﻣﻌﺎﻭﻳﻪ ﺿﺤﻚ ﻭﻫﺰ ﺭﺍﺳﻪ ﻳﻤﻴﻦ ﻭﻳﺴﺎﺭ ...
***
ﻓﻲ ﺍﻟﻠﻴﻞ ...
ﻛﺎﻧﻮﺍ ﻣﻘﻌﻤﺰﻳﻦ ﻓﻲ ﻓﺮﺍﺷﺎﺗﻬﻢ ﻣﺶ ﺟﺎﻳﻬﻢ ﻧﻮﻡ ..
ﺧﺪﻳﺠﻪ : ﻭﺍﻟﻠﻪ ﻟﺘﻮﺍ ﻣﺶ ﻣﺼﺪﻗﻪ ... ﻣﻌﻘﻮﻟﻪ ﺭﺑﻚ ﻳﻔﺮﺟﻬﺎ ﻭﻭﻟﺪﻱ ﻳﻨﺠﺎ ﻣﻦ ﺍﻟﻤﻮﺕ ..
ﻋﺒﺪﺍﻟﺴﻼﻡ : ﺭﺑﻚ ﻋﺎﻟﻢ ﺑﺤﺎﻟﻨﺎ ﻭﺭﺣﻤﻨﺎ ﺳﺒﺤﺎﻧﻪ ﻭﺑﻌﺘﻠﻨﺎ ﻫﺎﻟﻤﺤﺎﻣﻴﻪ ..
ﺧﺪﻳﺠﻪ : ﺳﻤﻌﺖ ﺍﺳﻤﻬﺎ ﻗﺒﻞ ﻳﺤﻜﻮﺍ ﻋﻠﻴﻬﺎ ﻟﻤﺎ ﻛﻨﺎ ﻧﻤﺸﻮﺍ ﻟﻠﺠﻠﺴﺎﺕ .. ﻗﺎﻟﻮﺍ ﻣﺤﺎﻣﻴﻪ ﻛﺒﻴﺮﺓ ﻭﺗﺎﺧﺪ ﻫﺬﺍﻛﺎ ﺍﻟﺤﺴﺎﺏ .. ﻛﻴﻒ ﺟﺘﻨﺎ ﻭﻗﺎﻟﺖ ﻣﺴﺘﻌﺪﻩ ﻧﺪﺍﻓﻊ ﻉ ﻭﻟﺪﻛﻢ ﺑﺎﻟﺒﻼﺵ !!
ﻋﺒﺪﺍﻟﺴﻼﻡ : ﻗﺘﻠﻚ ﺭﺑﻚ ﻛﺒﻴﻴﻴﻴﺮ ..
ﺧﺪﻳﺠﻪ : ﻭﻧﻌﻢ ﺑﺎﻟﻠﻪ ..
ﻋﺒﺪﺍﻟﺴﻼﻡ : ﻟﻜﻦ ﺍﻧﻲ ﻟﻤﺎ ﻧﻤﺸﻲ ﻟﻤﻜﺘﺒﻬﺎ ﻧﻬﺎﺭ ﺍﻟﺴﺒﺖ .. ﺣﻨﻘﻮﻟﻠﻬﺎ ﻧﺪﻓﻌﻮﻟﻚ ﺍﻟﻠﻲ ﻧﻘﺪﺭﻭﺍ ﻋﻠﻴﻪ ..
ﺧﺪﻳﺠﻪ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻓﺎﺗﻮﺍ ﻳﻮﻣﻴﻦ ﺑﺎﻟﺰﺑﻂ ..
ﻳﻮﻡ ﺍﻟﺴﺒﺖ ...
ﻓﻲ ﺍﻟﻤﻮﻗﻊ ...
ﻣﻌﺎﻭﻳﻪ : ﺍﻧﺠﺎﺍﺍﺍﺯ ... ﺍﻟﺤﻤﺪ ﻟﻠﻪ
ﺣﻨﺎﻥ : ﻛﻞ ﺍﻟﻠﻲ ﻫﻨﻲ ﻳﺨﺪﻣﻮﺍ ﺯﻱ ﺧﻠﻴﻪ ﺍﻟﻨﺤﻞ ...
ﺃﻳﻤﻦ : ﺍﻟﺒﺮﻛﻪ ﻓﻴﻚ ﺍﻧﺘﻲ ﻭﺍﻣﻨﻪ ..
ﺣﻨﺎﻥ ﺑﻀﺤﻜﻪ : ﻣﺎﺗﺒﺎﻟﻐﺶ ..
ﺍﻳﻤﻦ ﺍﺑﺘﺴﻢ : ﻓﻴﻚ ﺍﻧﺘﻲ ﻣﺎﻓﻴﺶ ﻣﺒﺎﻟﻐﻪ ﻛﻠﻪ ﻣﻦ ﺣﻘﻚ ﻭﺍﻗﻞ ﻳﺨﻲ ..
ﻣﻌﺎﻭﻳﻪ ﺑﺤﺪﻩ : ﺍﺣﻤﻢ ... ﻻﺯﻡ ﻧﻮﻟﻮﺍ ﺗﻮﺍ ...
ﺣﻨﺎﻥ : ﺍﻳﻪ ﻣﻌﺎﺵ ﻣﺎﺯﺍﻝ ﻭﻗﺖ ﻉ ﺍﻹﺟﺘﻤﺎﻉ ..
ﺃﻳﻤﻦ ﺍﺑﺘﺴﻢ ﺑﺘﻬﻜﻢ : ﻫﻴﺎ
***
ﻓﻲ ﺍﻟﺠﺎﻣﻌﻪ ..
ﻛﻠﻴﺔ ﺍﻟﻘﺎﻧﻮﻥ ..
ﺗﻤﺖ ﻭﺣﺪﻩ ﻣﻦ ﺍﻟﻤﺤﺎﺿﺮﺍﺕ ﻭﻟﺒﻨﻰ ﻭﺭﻫﻒ ﻗﻌﺪﻭﺍ ﻓﻲ ﺍﻟﻤﺪﺭﺝ ﻣﺎﻃﻠﻌﻮﺵ ﻣﻨﻪ ...
ﺧﺶ ﻗﺘﻴﺒﻪ ﻭﺍﻟﻘﺮﻭﺏ ﻣﺘﺎﻋﻪ ﻭﻗﻌﻤﺰﻭﺍ ﻉ ﻛﺮﺍﺳﻲ ﺍﻟﻤﺪﺭﺝ ﻣﻦ ﻓﻮﻕ ..
ﻟﺒﻨﻰ ﻻﻫﻴﻪ ﺗﻜﺘﺐ .. ﻭﻣﻬﺎ ﺗﻬﺪﺭﺯ ﻣﻊ ﺭﺿﺎ ﻉ ﺍﻟﺘﻠﻴﻔﻮﻥ ...
ﻭﻗﺘﻴﺒﻪ ﻳﺤﺎﻭﻝ ﻳﻠﻔﺖ ﺍﻧﺘﺒﺎﻫﻬﺎ ﻳﻬﺪﺭﺯ ﻭﻉ ﺃﺳﺎﺱ ﻳﺨﻔﻒ ﻓﻲ ﺩﻣﻪ ﻭﻳﻀﺤﻜﻮﺍ ﻣﻌﺎﻩ ﺟﻤﺎﻋﺘﻪ .. ﻭﻓﻲ ﺑﻨﺎﺕ ﻛﺎﻥ ﻳﺴﻤﻌﻮﺍ ﻓﻴﻪ ﻭﻳﻀﺤﻜﻮﺍ ﻟﻜﻦ ﻟﺒﻨﻰ ﻭﻻﻛﺄﻧﻪ ﻓﻲ ﺣﺪ ﻫﻨﻲ ..
ﺧﺶ ﻃﺎﻟﺐ ﻣﻦ ﺩﻓﻌﺔ ﻟﺒﻨﻰ .. ﻛﺎﻥ ﺳﻤﻴﻴﻦ ﻫﻠﺒﻪ ﻳﻤﺸﻲ ﺑﺎﻟﺴﻴﻒ ... ﺭﻛﺐ ﻭﻗﻌﻤﺰ ﻓﻲ ﺍﻟﺼﻒ ﺍﻟﺘﺎﻧﻲ ...
ﻗﺘﻴﺒﻪ ﺑﺴﺨﺮﻳﻪ : ﺍﻟﻼ ﻟﻼﺍ ﻟﻼ ﻟﻼ .. ﻫﺬﺍ ﺷﻨﻮ .. ﺷﻜﻠﻚ ﺗﺎﻛﻞ ﻓﻲ ﻣﺎﻛﻠﻪ ﺷﺎﺭﻋﻜﻢ ﻛﻠﻬﺎ ..
ﺍﻟﻮﻟﺪ ﺳﻜﺖ ﻭﻣﺎﺑﺎﺵ ﻳﺮﺩ ..
ﻗﺘﻴﺒﻪ ﻧﺰﻝ : ﺗﺒﻲ ﻧﺴﺎﻋﺪﻙ ﻭﻧﺰﻟﻚ ﺍﻟﻜﺮﺳﻲ ﺍﻟﺘﺎﻧﻲ ...
ﺍﻟﻮﻟﺪ ﻻﺭﺩ ﻭﻫﻮ ﻳﺴﻤﻊ ﻓﻲ ﺍﻟﻀﺤﻚ ﻋﻠﻴﻪ ..
ﻟﺒﻨﻰ ﺷﺒﺤﺘﻠﻬﻢ ﻭﻗﻌﺪﺕ ﺗﺸﺒﺢ ﻟﻠﻮﻟﺪ ﺍﻟﻠﻲ ﻭﺟﻬﻪ ﺃﻟﻮﺍﻥ ﻭﻣﺮﺗﺒﻚ ﻭﻣﺤﺮﺝ ..
ﻫﺎﺩﻱ : ﺍﻟﺪﺑﺪﻭﺑﻪ ﻳﺴﺘﻜﺮﺩ ﻓﻴﻚ ﻳﺎﺑﺮﻭ ...
ﻗﺘﻴﺒﻪ ﺑﻀﺤﻜﻪ : ﺯﻋﻤﻪ؟؟ ﻟﻜﻦ ﻻ ﺷﻜﻠﻪ ﻳﻔﻜﺮ ﻓﻲ ﺣﺒﻴﺒﺘﻪ ﺍﻟﻠﻲ ﻃﺎﺡ ﻓﻴﻬﺎ ﻣﻦ ﺃﻭﻝ ﻧﻈﺮﺓ ﻫﻨﻲ ... ﺍﻟﻜﺎﻓﺘﻴﺮﻳﺎ ﻃﺒﻌﺎ ..
ﺿﺤﻜﻮﺍ ﻛﻠﻬﻢ .. ﻣﺎﻋﺪﺍ ﻟﺒﻨﻰ ...
ﺍﻟﻮﻟﺪ : ﻋﻴﺐ ﺍﻟﻠﻲ ﺗﻘﻮﻝ ﻓﻴﻪ ..
ﻗﺘﻴﺒﻪ ﺑﺮﻓﻌﺔ ﺣﻮﺍﺟﺐ : ﻋﻴﺐ؟
ﻫﺎﺩﻱ : ﺍﻳﻪ ﻋﻴﺐ .. ﻋﻴﺐ ﻋﻠﻴﻚ ﻳﺎﻗﻮﺗﺎ ... ﺗﻮ ﻧﺤﺮﺵ ﻓﻴﻚ ﺍﻣﻚ ..
ﺿﺤﻜﻮﺍ ...
ﺍﻟﻮﻟﺪ ﺟﻲ ﺑﻴﻨﻮﺽ ..
ﻗﺘﻴﺒﻪ : ﻻ ﻭﺍﻟﻠﻪ .. ﻣﺎﻧﻚ ﻧﺎﻳﺾ .. ﺣﻨﻲ ﻧﻄﻠﻌﻮﺍ ﻋﺎﺩﻱ .. ﺍﻟﻤﻬﻢ ﻣﺎﻧﺘﻌﺒﻮﻛﺶ ﻓﻲ ﻣﺸﻮﺍﺭ ﺍﻟﻨﻮﺿﻪ ... ﻭﺑﻌﺪﻳﻦ ﻣﺮﺍﺕ ﺗﺮﻓﻊ ﻣﻌﺎﻙ ﺍﻟﺼﻔﻪ ﻛﻠﻬﺎ ...
ﻭﺍﻟﻀﺤﻚ ﺷﻐﺎﻝ ﺍﻟﻀﺤﻚ ﺍﺍﻟﻠﻲ ﻛﺎﻥ ﻳﺸﺠﻊ ﻓﻴﻪ ﻳﻜﻤﻞ ﺍﺳﺘﻌﺮﺍﺿﻪ ﺍﻟﺴﺨﻴﻒ ﻟﺨﻔﺔ ﺩﻣﻪ ... ﻭﺍﺳﺎﺳﺎ ﺍﻹﺳﺘﻌﺮﺍﺽ ﻫﺬﺍ ﻣﺤﺎﻭﻟﻪ ﻟﻠﻔﺖ ﻧﻈﺮ ﻟﺒﻨﻰ ﻹﻥ ﻓﻲ ﻭﻻﺩ ﻫﻜﻲ ﺗﻔﻜﻴﺮﻫﻢ ﻭﻓﻲ ﺑﻨﺎﺕ ﻓﻌﻼ ﺗﻌﺠﺒﻬﻢ ﺍﻟﻨﻮﻋﻴﻪ ﺍﻟﻬﺎﻳﻔﻪ ﻫﺎﺩﻱ .. ﺑﺲ ﻟﺒﻨﻰ ﻣﺶ ﻣﻨﻬﻢ ..
ﻟﺒﻨﻰ : ﻉ ﻓﻜﺮﻩ ﺩﻣﻚ ﻗﻄﺮﺍﻥ .. ﺭﺻﺎﺹ ..
ﻗﺘﻴﺒﻪ ﺭﻓﻊ ﺣﻮﺍﺟﺒﻪ ﻭﻟﻒ ﻭﺟﻬﻪ ﻟﻴﻬﺎ ﺑﺒﻂﺀ : ﺗﻜﻠﻤﻲ ﻓﻴﺎ ..
ﻟﺒﻨﻰ : ﺍﻛﻴﺪ ﻣﺎﻓﻴﺶ ﻣﻦ ﻳﻨﻄﺒﻖ ﻋﻠﻴﻪ ﺍﻟﻠﻲ ﻗﻠﺘﻪ ﻫﻨﻲ ﻏﻴﺮﻙ ..
ﻛﻠﻬﻢ ﻗﺎﻟﻮﺍ : ﺃﻭﻭﻭﻭﻭﻭﻭﻭﻭﻭﻭ
ﻗﺘﻴﺒﻪ : ﻭﺍﻧﺘﻲ ﻣﻦ ﻛﻠﻤﻚ ﻭﻻ ﻋﺠﺒﺘﻚ ﻣﻦ ﺍﻣﺲ ﻭﺧﺸﻴﺖ ﺭﺍﺳﻚ ﻭﺗﺒﻲ ﺗﻜﻠﻤﻴﻨﻲ ﻭﺧﻼﺹ ...
ﻟﺒﻨﻰ : ﻟﻼﺳﻒ ﻧﻮﻋﻴﺘﻚ ﻟﻮ ﻓﺮﺷﻮﻫﻢ ﻓﻲ ﺳﻮﻕ ﺍﻟﺠﻤﻌﻪ ﻣﺎﻳﻨﺒﺎﻋﻮﺵ ﺑﺨﻤﺴﻪ ﻗﺮﻭﺵ
ﻛﻠﻬﻢ ﺿﺤﻜﻮﺍ
ﻗﺘﻴﺒﻪ ﺗﻨﺮﻓﺰ ﻣﻨﻬﺎ ﻭﻗﺎﻝ : ﻫﻬﻬﻬﻬﻬﻬﻬﻬﻪ .... ﺷﻜﻠﻪ ﺍﻟﺪﺑﻪ ﻋﺠﺒﻚ ...
ﺍﻟﻮﻟﺪ ﺗﻠﻔﺖ ﺍﻟﻘﺪﺍﻡ ..
ﻟﺒﻨﻰ ﺑﺈﺑﺘﺴﺎﻣﻪ ﻣﺴﺘﻔﺰﺓ : ﻉ ﺍﻷﻗﻞ ﺑﻨﻲ ﺁﺩﻡ ﻣﺤﺘﺮﻡ ﻣﺶ ﻣﻬﺮﺝ ﺗﺎﻓﻪ ..
ﺍﻭﻭﻭﻭﻭ ... ﻗﻮﻭﻭﻭﻭﻭﻳﻪ
ﻗﺘﻴﺒﻪ ﻗﺪﻣﻠﻬﺎ : ﺗﻮ ﻧﻮﺭﻳﻚ ﺷﻦ ﻳﺪﻳﺮ ﻓﻴﻚ ﺍﻟﻤﻬﺮﺝ ﻳﺎﺟﺮﻭﺓ .. ﻭﺧﺮ ﻭﻟﻒ ﻭﻃﻠﻊ ﻭﻟﺤﻘﻮﻩ ﺍﻟﻠﻲ ﻣﻌﺎﻩ ..
ﻣﻬﺎ ﺟﺘﻬﺎ : ﻫﺒﻠﺘﻲ ﺍﻧﺘﻲ .. ﺍﻟﻨﻤﺎﺫﺝ ﻫﺎﺩﻱ ﻳﺨﻮﻓﻮﺍ ﻛﻴﻒ ﺗﻜﻠﻤﻴﻪ ﺍﺻﻼ ..
ﻟﺒﻨﻰ : ﻭﺍﺣﺪ ﺗﺎﻓﻪ ﻣﺶ ﻻﻗﻲ ﻣﻦ ﻳﺤﻄﻠﻪ ﺣﺪ ..
ﻣﻬﺎ : ﻭﺍﻧﺘﻲ ﺑﺘﺤﻄﻴﻠﻪ ﺣﺪ !! ؟
ﻟﺒﻨﻰ ﺑﻀﺤﻜﻪ : ﻳﺎﺍﺭﻧﻮﺑﻪ ﻏﻴﺮﻱ ﺍﻟﺴﻴﺮﺓ ﻣﺎﻳﺼﻴﺮ ﺷﻲ .. ﺧﻼﺹ .. ﻗﻮﻟﻴﻠﻲ ﺷﻦ ﺟﻮ ﺧﺎﻟﻮ ..
ﺑﺮﺍ ..
ﻗﺘﻴﺒﻪ ﻃﺎﻳﺢ ﻳﺴﺐ ﻭﻳﻜﻔﺮ ﻉ ﻟﺒﻨﻰ ﻭﺻﺤﺎﺑﻪ ﻳﻜﻠﻤﻮﺍ ﻓﻴﻪ ﻣﺶ ﻣﻌﺒﺮﻫﻢ ﻳﻤﺸﻲ ﻭﻣﺎﻳﺸﻮﻑ ﻓﺸﻲ ﻗﺪﺍﻣﻪ ﻟﻴﻦ ﺧﺒﻂ ﻓﻲ ﺣﺪ ...
ﻗﺘﻴﺒﻪ : ﺩﻳﺮ ﻋﻴﻮﻥ &¥£$$
ﺑﺪﺭ : ﻫﺪﻱ ﻳﺎﻋﻤﻲ ﺧﻴﺮﻙ ...
ﻗﺘﻴﺒﻪ : ﺍﻓﻔﻒ .. ﺍﺳﻔﻴﻦ .. ﺧﻠﻴﻨﻲ ﺗﻮﺍ ﻧﺪﻳﺮ ﺩﻭﺭﺓ ﻭﻧﺠﻴﻚ .. ﻣﺸﻲ ﻗﺘﻴﺒﻪ ..
ﻭﻫﺎﺩﻱ ﻭﻗﻒ ﻉ ﺑﺪﺭ : ﻓﻲ ﻭﺣﺪﻩ ﻃﻴﺮﺗﻬﺎﻟﻪ ..
ﺑﺪﺭ ﺑﻀﺤﻜﻪ : ﻭﺣﺪﻩ؟؟ﺑﺎﻟﻌﺎﺩﻩ ﻫﻮ ﺍﻟﻠﻲ ﻳﻄﻴﺮﻫﺎﻟﻬﻢ ..
ﻫﺎﺩﻱ : ﻻ ﻫﺎﻟﻤﺮﺓ ﻣﺶ ﻃﻴﺮﺗﻬﺎﻟﻪ ﺑﺲ ﺧﻼﺗﻪ ﻣﻀﺤﻜﺔ ﺍﻟﻤﺪﺭﺝ ..
ﺑﺪﺭ : ﺍﻭﻭﻭﻭ ﺍﻟﻘﺼﺔ ﺧﻄﻴﺮﻩ .. ﺗﻌﺎﻟﻰ ﻗﻌﻤﺰ ﻭﺍﺣﻜﻠﻴﻲ ..
ﺟﺘﻬﻢ ﻭﺣﺪﻩ : ﻫﺎﻱ ﺑﺪﺭ ﻣﻤﻜﻦ ﺳﻠﻔﻲ ..
ﺑﺪﺭ ﺍﺑﺘﺴﻢ ﻣﺠﺎﻣﻠﻪ : ﺑﻌﺪ ﺳﺎﻋﺘﻴﻦ ﻻﻗﻴﻨﻲ ﻓﻲ ﺍﻟﻮﺍﺟﻬﻪ ﻭﺗﻮ ﻧﺼﻮﺭ ﺳﻠﻔﻴﺎﺕ ﻣﻌﺎﻙ ﻣﺶ ﺳﻠﻔﻲ ﻏﻴﺮ ﺗﻮﺍ ﻣﺶ ﻓﺎﺿﻲ ﻣﻌﻠﻴﺸﻲ ..
ﺍﻟﺒﻨﺖ ﺍﺑﺘﺴﻤﺖ : ﺍﻭﻛﻲ ﻭﻣﺸﺖ ..
ﺗﻠﻔﺖ ﻟﻘﻲ ﻫﺎﺩﻱ ﻳﻔﺼﻞ ﻓﻴﻬﺎ ..
ﺑﺪﺭ ﺿﺮﺑﻪ ﻉ ﺭﺟﻠﻪ : ﺧﻠﻴﻚ ﻣﻌﺎﻱ ﻭﺍﺣﻜﻴﻠﻲ ﺍﻟﻠﻲ ﺻﺎﺭ ...
ﺣﻜﺎﻟﻪ ﻫﺎﺩﻱ ﺍﻟﻠﻲ ﺻﺎﺭ ﺑﺎﻟﺘﻔﺼﻴﻞ ﻭﺑﺪﺭ ﻳﻀﺤﻚ ..
ﺑﺪﺭ : ﻗﺘﻴﺒﻪ ﺍﺳﻠﻮﺑﻪ ﺷﻌﺒﻲ ﻋﺎﻡ .. ﻣﺶ ﻛﻞ ﺍﻟﺒﻨﺎﺕ ﻳﻤﺸﻲ ﻣﻌﺎﻫﻢ ﺍﻟﺠﻮ ﻫﻮ ..
ﻫﺎﺩﻱ : ﺍﻟﺒﻨﺖ ﺧﺎﺷﻪ ﺭﺍﺳﻪ ﻭﻳﺒﻲ ﻳﻄﻴﺤﻬﺎ ..
ﺑﺪﺭ : ﻫﻬﻬﻬﻬﻬﻪ ﻏﻴﺮ ﺍﻣﺘﻰ ﺧﺸﻮﺍ ﻫﻤﺎ ..
ﻫﺎﺩﻱ : ﻋﺎﺭﻓﻪ ﺍﻧﺖ ﺣﺎﻣﻲ ﻭﻟﻤﺎ ﻳﺸﻮﻑ ﻭﺣﺪﻩ ﺣﻠﻮﻩ ﺧﻼﺹ ﻳﺨﺘﻢ ﻋﻠﻴﻬﺎ ﻻﺯﻡ ﺗﻌﻠﻖ ﻓﻲ ﺍﻟﺸﺒﺎﻙ .. ﺑﺲ ﺍﻟﺒﻨﺖ ﻫﺎﺩﻱ ﺍﻟﺒﺎﻳﻦ ﺣﺘﻌﺒﻪ ...
ﺑﺪﺭ ﺑﻀﺤﻜﻪ : ﺑﺎﻫﻲ ﻗﻮﻟﻲ ﺟﺒﺘﻠﻲ ﺍﻟﺸﻴﺘﺎﺕ ﺍﻟﻠﻲ ﻭﺻﻴﺘﻚ ﻋﻠﻴﻬﻢ ...
ﻫﺎﺩﻱ : ﺍﻳﻪ ﻓﻲ ﺍﻟﺴﻴﺎﺭﺓ .. ﻧﺎﺽ .. ﺷﻮﻳﻪ ﻧﻤﺸﻲ ﻧﺠﻴﺒﻬﻢ ﻭﻧﺠﻲ .. ﻛﻴﻒ ﻧﺎﺽ ﻫﺎﺩﻱ ﻟﻤﺢ ﻟﺒﻨﻰ ﻣﻊ ﻣﻬﺎ ..
ﻫﺎﺩﻱ : ﻳﺎﻓﻨﺎﻥ ﻫﻲ ﻫﺎﺩﻱ ﺍﻟﺒﻨﺖ ﺍﻟﻠﻲ ﻻﺑﺴﻪ ﺍﺑﻴﺾ ﺍﻟﻤﺶ ﻣﺘﺤﺠﺒﻪ ..
ﺷﺎﻑ ﺑﺪﺭ ﻭﻳﻦ ﻣﺎﻳﺸﺒﺢ ﻫﺎﺩﻱ ... ﻭﺍﻧﺼﺪﻡ ...
ﻫﺎﺩﻱ : ﻋﻨﺪﻙ ﺣﻖ ﻃﺮﻑ ﻭﺍﻟﻌﻴﻮﻥ ﺯﺭﻕ .
ﺑﺪﺭ ﺷﺒﺢ ﻟﻬﺎﺩﻱ : ﻗﻮﻝ ﻟﻘﺘﻴﺒﻪ .. ﻟﻮ ﻣﺎﻗﺪﺭﺵ ﻋﻠﻴﻬﺎ ﻧﺮﺍﻫﻦ ﺍﻧﻲ ﻭﻳﺎﻩ ﻉ ﺳﻴﺎﺭﺗﻲ ﺍﻟﺠﺪﻳﺪﻩ ﺍﻟﻠﻲ ﺧﺪﻳﺘﻬﺎ ﺗﻮﺍﻭﺳﻴﺎﺭﺗﻪ ﻫﻮ ﺍﻟﻠﻲ ﻣﻮﺻﻲ ﻋﻠﻴﻬﺎ ..
ﻫﺎﺩﻱ ﺑﺼﺪﻣﻪ : ﻟﻬﺎﻟﺪﺭﺟﻪ ﺧﺸﺖ ﺭﺍﺳﻚ ﻣﻦ ﺍﻭﻝ ﻧﻈﺮﻩ ..
ﺑﺪﺭ " ﻗﻮﻝ ﻣﻦ ﺭﺍﺑﻊ ﻧﻈﺮﻩ ": ﺍﻳﻪ ..
ﻫﺎﺩﻱ : ﺍﻧﺖ ﻋﻤﺮﻙ ﻣﺎﺭﺍﻫﻨﺖ ﻓﻲ ﺑﻨﺖ ﺍﻻ ﻭﻛﺴﺒﺖ ﺍﻟﺮﻫﺎﻥ ﻟﻜﻦ ﻋﻤﺮﻙ ﻣﺎﺧﺪﻳﺖ ﺣﺎﺟﻪ ...
ﺑﺪﺭ ﺷﺒﺤﻠﻬﺎ ؛ ﻗﺒﻞ ﻣﺎﻓﻲ ﺷﻲ ﻳﺴﺘﺎﻫﻞ ﻟﻜﻦ ﻫﺎﺩﻱ ﻏﻴﺮ
ﻫﺎﺩﻱ : ﻳﻌﻨﻲ ﺍﻟﻨﻈﺎﻡ ﺣﻴﺘﻐﻴﺮ ﻣﺶ ﺯﻱ ﺍﻃﻴﺤﻬﻢ ﺑﻜﻢ ﺣﺮﻛﻪ ﺗﺨﻠﻴﻬﻢ ﻳﺠﺮﻭﺍ ﻓﺠﺮﺗﻚ ﺑﻌﺪﻳﻦ ﺗﻔﻮﺗﻬﻢ ..
ﺑﺪﺭ ﺑﻀﺤﻜﻪ : ﺗﻲ ﺗﺤﺮﻙ ﻳﺎﺭﺍﺟﻞ ﺟﻴﺐ ﺍﻟﺸﻴﺘﺎﺕ ﻫﻴﺎ ..
ﻫﺎﺩﻱ ﺿﺤﻚ : ﺍﻭﻭﻭﻛﻜﻜﻲ .. ﻭﻣﺸﻲ
ﻭﺑﺪﺭ ﻋﻴﻮﻧﻪ ﻣﻌﺎﻫﺎ ﻟﻴﻦ ﺍﺧﺘﻔﺖ " ﻛﻠﻜﻢ ﺯﻱ ﺑﻌﻀﻜﻢ ﺍﺩﻳﺮﻭﺍ ﺟﻮ ﺍﻟﺜﻘﻞ ﻭﺍﻻﺧﻼﻕ ﻭﺑﻌﺪﻳﻦ ﺗﻄﻠﻌﻮﺍ ﺍﺧﻒ ﻣﻦ ﺍﻟﺮﻳﺸﻪ "...
***
ﺍﻧﺖ ﻣﻬﻤﻞ ﻳﺎﺃﺳﺎﻣﻪ ﻣﻬﻤﻞ ﺣﺘﻰ ﻓﻲ ﻧﻔﺴﻚ ..
ﺃﺳﺎﻣﻪ ﺑﻀﺤﻜﻪ : ﻳﺎﻭﺩﻱ ﺧﻼﺹ ﺗﺒﻨﺎ ﺣﻨﻔﻄﺮ ﻭﻧﺘﻐﺪﺍ ﻭﻧﺘﻌﺸﻰ ﻭﺑﻴﻦ ﺍﻟﻮﺟﺒﻪ ﻭﺍﻟﻮﺟﺒﻪ ﺣﻨﺎﻛﻞ ﻭﺟﺒﻪ ﻟﻴﻦ ﻣﺎﻧﻠﻘﺎﺵ ﻣﻴﺰﺍﻥ ﻧﻮﻗﻒ ﻋﻠﻴﻪ ﺑﻌﺪﻳﻦ ..
ﺣﻨﺎﻥ ﺿﺤﻜﺖ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ... ﻳﺎﺍﺑﻨﻲ ﺧﻮﺩ ﻭﺿﻌﻚ ﺑﺠﺪﻳﻪ .. ﻣﺴﺘﻮﻋﺐ ﺍﻧﻚ ﻓﻘﺪﺕ ﻭﻋﻴﻚ ﻓﻤﻜﺎﻥ ﻋﻤﻠﻚ ..
ﺍﺳﺎﻣﻪ ﺍﺑﺘﺴﻢ : ﺧﻼﺹ ﻳﺎﺳﺘﻲ ... ﻧﻮﻋﺪﻙ ﻭﺍﻧﻲ ﻟﻤﺎ ﻧﻮﻋﺪ ﻣﺎﻧﺨﻠﻔﺶ ﺣﻨﺮﺩ ﺑﺎﻟﻲ ﻉ ﺻﺤﺘﻲ ﻭﺣﻨﺎﻛﻞ ﻛﻮﻳﺲ ..
ﺣﻨﺎﻥ : ﻭﻋﺪ ..
ﺍﺳﺎﻣﻪ ﺑﺈﺑﺘﺴﺎﻣﻪ : ﻭﻋﺪ ..
ﺣﻨﺎﻥ ﺍﺑﺘﺴﻤﺖ : ﺗﻤﺎﻡ ﺗﻮﺍ ﻧﺴﺘﺄﺫﻥ ﻋﻨﺪﻱ ﺧﺪﻣﻪ .. ﺍﻟﺴﻼﻡ ﻋﻠﻴﻜﻢ ..
ﺍﺳﺎﻣﻪ : ﻭﻋﻠﻴﻜﻢ ﺍﻟﺴﻼﻡ .. ﺻﻜﺮ .. ﻭﻗﻠﺒﻪ ﻛﺎﻥ ﻳﺪﻕ ﺑﺎﻟﻘﻮﺓ ﺍﺑﺘﺴﻢ ﺑﺄﻟﻢ ﻭﻣﺶ ﻳﻜﻤﻞ ﻓﺸﻐﻠﻪ ﺣﺘﻰ ﻫﻮ ..
ﺣﻨﺎﻥ ﻟﻤﺎ ﺻﻜﺮﺕ ﺍﻟﺘﻔﺘﺖ ﻟﻘﺖ ﺃﻳﻤﻦ ﺟﺎﻱ ..
ﺃﻳﻤﻦ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﺣﻨﺎﻥ ﺍﺑﺘﺴﻤﺖ : ﺧﻴﺮ ... ﺣﺪ ﻣﻦ ﻋﻴﻠﺘﻲ ﺍﻃﻤﻨﺖ ﻋﻠﻴﻪ ﺑﺲ ..
ﺍﻳﻤﻦ ﺍﺑﺘﺴﻢ : ﺩﻳﻤﺎ ﻫﻜﻲ ﺍﻧﺘﻲ ﺗﻔﻜﺮﻱ ﻓﻐﻴﺮﻙ ﺍﻛﺜﺮ ﻣﻦ ﻧﻔﺴﻚ ..
ﺣﻨﺎﻥ ﺑﻀﺤﻜﻪ : ﻭﺍﻟﻠﻪ ﻣﺎﺻﺎﺭﺕ ﻧﻔﻜﺮ ﻓﻲ ﻏﻴﺮﻱ ﺯﻱ ﻣﺎﻧﻔﻜﺮ ﻓﻲ ﻧﻔﺴﻲ ...
ﺍﻳﻤﻦ : ﻫﻬﻬﻬﻬﻬﻬﻬﻪ
ﺣﻨﺎﻥ : ﺗﻤﺎﻡ ﺧﻞ ﻧﺨﺸﻮﺍ ﺗﻮﺍ ﻗﺒﻞ ﻟﻴﻌﺼﺐ ﺳﻨﻔﻮﺭ ﺍﻟﻤﻐﺮﻭﺭ ..
ﺍﻳﻤﻦ ﻳﻀﺤﻚ ﻭﺧﻼﺹ ..
ﺑﻌﺪ ﺗﻢ ﺍﻹﺟﺘﻤﺎﻉ ﻭﺣﻨﺎﻥ ﻛﺎﻧﺖ ﺗﻠﻢ ﻓﻲ ﺣﺎﺟﺘﻬﺎ ﻭﺑﺘﻄﻠﻊ .. ﺷﺒﺤﺖ ﻟﻤﻌﺎﻭﻳﻪ ﻛﻴﻒ ﻭﺍﻗﻒ ﻉ ﺇﻗﺒﺎﻝ ﻭﻳﻜﻠﻢ ﻓﻴﻬﺎ ... ﺣﺴﺖ ﺑﺸﻌﻮﺭ ﻣﺶ ﺣﻠﻮ ﺿﺎﻳﻘﻬﺎ ﻉ ﺍﻵﺧﺮ .. ﺷﻮﻳﻪ ﺗﻠﻔﺖ ﻣﻌﺎﻭﻳﻪ ﺟﻬﺘﻬﺎ ﻫﻲ ﻟﻔﺖ ﻋﻴﻮﻧﻬﺎ ﻟﻼﺏ ﻣﺘﺎﻋﻬﺎ ﻭﺣﻄﺎﺗﻪ ﻓﻲ ﺍﻟﺸﻨﻄﻪ ... ﻗﺎﻣﺖ ﻋﻴﻮﻧﻬﺎ ﺟﺖ ﻓﻌﻴﻮﻧﻪ .. ﺗﺤﺸﻤﺖ ﻭﻃﻠﻌﺖ ..
ﻭﻫﻮ ﺍﺑﺘﺴﻢ .. ﻭﺍﻗﺒﺎﻝ ﻻﺣﻈﺖ ﺑﺲ ﺩﺍﺭﺕ ﺍﻟﺤﻮﻟﻪ ﻭﻣﻦ ﺩﺍﺧﻞ ﺑﺘﻤﻮﺕ ..
***
ﻓﺎﺕ ﺑﺎﻗﻲ ﺍﻟﻨﻬﺎﺭ ﻋﺎﺩﻱ ﺟﺪﺍ ...
يتبعتبع �
٠٨ / ١١ / ٢٠٢٠ · Facebook for Android ·
