ﺍﻟﺘ
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 23_
ﺗﺎﻧﻲ ﻳﻮﻡ ﻓﺎﻕ ﻟﻘﺎﻫﺎ ﺭﺍﻗﺪﻩ ﺣﺪﺍﻩ ... ﺑﻌﺪﻫﺎ ﻭﻧﺎﺽ ﻣﻦ ﺍﻟﺴﺮﻳﺮ ﺑﻬﺪﻭﺀ ﺣﺲ ﺭﻭﺣﻪ ﺗﺎﻋﺐ ﺑﻌﺾ ﺍﻟﺸﻲ .. ﺑﺲ ﻣﺎﺩﻭﺭﺵ ﺧﺶ ﺩﻭﺵ ﻃﻠﻊ ﻣﻦ ﺍﻟﺪﻭﺵ ﻟﻘﺎﻫﺎ ﻓﺎﻳﻘﻪ ﻭﺗﺸﻮﻓﻠﻪ ﺗﺠﺎﻫﻠﻬﺎ ..
ﻳﺎﺭﺍ ﺗﺸﻮﻓﻠﻪ ﻭﺩﻣﻮﻋﻪ ﻓﻌﻴﻮﻧﻬﺎ ﻫﻴﺎ ﻣﺶ ﺿﻌﻴﻔﻪ ﺑﺶ ﺗﻘﺒﻞ ﻭﺿﻌﻬﺎ ﺍﻟﻠﻲ ﻫﻲ ﻓﻴﻪ ﻣﻌﺎﻩ .. ﺑﺲ ﺗﺤﺒﻪ ﺗﺤﺒﻪ ﻫﻠﺒﻪ .. ﺗﺮﺍﻗﺐ ﻓﻲ ﺣﺮﻛﺎﺗﻪ ﻛﻴﻒ ﻳﻠﺒﺲ .. ﻳﻤﺸﻂ ﻓﻲ ﺷﻌﺮﻩ .. ﻳﺒﺦ ﻓﻲ ﺑﺮﻓﺎﻧﻪ ... ﻃﻠﻊ ﻣﻦ ﺍﻟﺪﺍﺭ .. ﻧﺎﺿﺖ ﻭﺭﺍﻩ ..
ﻭﻗﻒ ﻉ ﻣﻜﻴﻨﻪ ﺍﻟﻘﻬﻮﺓ ﺑﻴﺪﻳﺮ ﺍﻟﻘﻬﻮﺓ .. ﻣﺎﺣﺴﺶ ﺇﻻ ﻭﻫﻲ ﻟﻔﻪ ﺍﻳﺪﻳﻬﺎ ﻉ ﺧﺼﺮﻩ ﻭﺣﻀﺎﻧﺘﻪ ﺑﻘﻮﺓ ... ﻫﻮ ﻏﻤﺾ ﻋﻴﻮﻧﻪ ﺑﺄﻟﻢ ﻭﻓﺘﺤﻬﻢ ﻭﺧﻄﺮﺕ ﻉ ﺑﺎﻟﻪ ﺫﻛﺮﻯ ..
ﻓﻼﺵ ﺑﺎﻙ ..
ﻃﻠﻊ ﻣﻦ ﺩﺍﺭ ﺍﻟﻨﻮﻡ ﻓﺄﻭﻝ ﻳﻮﻡ ﻟﻴﻬﻢ ﻣﻊ ﺑﻌﺾ ﻭﺃﻭﻝ ﺻﺒﺢ .. ﻟﻘﺎﻫﺎ ﻭﺍﻗﻔﻪ ﺍﺩﻳﺮ ﻓﻲ ﺍﻟﻔﻄﻮﺭ ﻭﺗﻐﻨﻲ ﻟﻔﻴﺮﻭﺯ ﻭﻛﺎﻧﺖ ﻃﺎﻟﻌﻪ ﺣﻠﻮﺓ ﺑﺎﻟﻤﺮﺓ .. ﻭﺑﺎﻗﻪ ﻋﺮﺳﻬﺎ ﺍﻟﻠﻲ ﻛﺎﻧﺖ ﻛﻠﻬﺎ ﺗﻮﻟﻴﺐ ﻭﺭﺩﻱ ... ﻣﺤﻄﻮﻃﻪ ﻓﻲ ﻓﺎﺯﺍ ﺑﺤﺪﺍﻫﺎ ... ﻗﺪﻡ ﻭﺣﻀﻨﻬﺎ ﻭﻗﻌﺪ ﻳﺸﻢ ﻓﻲ ﺭﻳﺤﺘﻬﺎ ..
ﻧﻀﺎﻝ : ﺻﺒﺎﺡ ﺍﻟﻮﺭﺩ ﻉ ﺍﺣﻠﻰ ﻭﺭﺩﺓ ﺗﺸﻮﻓﻬﺎ ﻋﻴﻨﻲ ..
ﺣﻨﺎﻥ ﻣﺘﺤﺸﻤﻪ : ﺻﺒﺎﺡ ﺍﻟﻨﻮﺭ ..
ﺑﺎﺳﻬﺎ ﻣﻦ ﺭﻗﺒﺘﻬﺎ ﻭﻗﺎﻝ : ﺷﻦ ﺑﺪﻳﺮﻟﻨﺎ ﻓﻄﻮﺭ ..
ﻫﻲ ﺑﺨﺠﻞ ﺷﺪﻳﺪ : ﻣﺮﺑﻲ ﻭﺭﺩ ﻭﺯﺑﺪﻩ ﻭﺑﺮﻳﻮﺵ ﻭﺗﻤﺮ ﻭﺑﺴﻴﺴﻪ ..
ﻧﻀﺎﻝ ﺑﻀﺤﻜﻪ : ﺑﺴﻴﺴﻪ !!
ﺣﻨﺎﻥ ﺿﺤﻜﺖ : ﺍﻳﻪ ﺑﺴﻴﺴﻪ ﻓﻮﺍﺋﺪﻫﺎ ﻋﺪ ﻭﺍﻏﻠﻂ ..
ﻧﻀﺎﻝ ﺑﻀﺤﻜﻪ ﺷﻘﻴﻪ : ﺣﺘﻰ ﺑﻮﺳﺎﺗﻲ ﻟﻴﻬﻢ ﻓﻮﺍﺋﺪ ﻋﺪﻱ ﻭﺍﻏﻠﻄﻲ ﻭﺑﺪﻱ ﻳﺒﻮﺱ ﻓﻴﻬﺎ ﻭﻫﻲ ﺗﻀﺤﻚ ... ﻭﻻﺻﺎﺭ ﻣﻦ ﺑﺮﻳﻮﺵ ﻭﻻﺑﺴﻴﺴﻪ ..
ﺍﻟﻮﻗﺖ ﺍﻟﺤﺎﺿﺮ ..
ﺗﻨﻬﺪ ﺑﺤﺮﻗﻪ : ﻳﺎﺭﺍ .. ﻭﺗﻴﻠﻲ ﺷﻨﻄﻪ ..
ﻳﺎﺭﺍ ﺑﺨﻮﻑ ﻭﺑﻌﺪﺕ : ﻋﻼﺵ ..
ﻧﻀﺎﻝ ﻳﺪﻳﺮ ﻓﻲ ﺍﻟﻘﻬﻮﺓ : ﺳﻔﺮﺓ ﻋﻤﻞ ..
ﻳﺎﺭﺍ ﺍﺭﺗﺎﺣﺖ : ﻛﻢ ﺑﺘﻘﻌﺪ ..
ﻧﻀﺎﻝ :4 ﺍﻳﺎﻡ ...
ﻳﺎﺭﺍ : ﺑﺎﻩ .. ﻗﻌﺪﺕ ﺗﺸﺒﺤﻠﻪ ﻭﻫﻮ ﻋﺎﻃﻴﻬﺎ ﺑﺎﻟﻈﻬﺮ ﻣﺸﺖ ﻭﻭﻗﻔﺖ ﻣﻘﺎﺑﻼﺗﻪ ﻭﻗﺎﻟﺖ .. ﻧﻀﺎﻝ ﻗﺒﻞ ﻟﺘﻤﺸﻲ ﻻﺯﻡ ﻧﺘﻜﻠﻤﻮﺍ ..
" ﺑﻌﺪ ﻧﺮﻭﺡ ﺑﻨﻄﻠﻘﻬﺎ "
ﺍﻧﺼﺪﻣﺖ ﻳﺎﺭﺍ ﻭﻓﺮﺣﺖ .. ﺑﺲ ﻓﺮﺣﺘﻬﺎ ﺍﺧﺘﻔﺖ ﻟﻤﺎ ﺷﺎﻓﺖ ﺩﻣﻌﺘﻪ ﻓﻌﻴﻨﻪ .. ﺑﺲ ﻣﺘﻤﺎﻟﻚ ﻧﻔﺴﻪ ..
ﻧﻀﺎﻝ ﺧﺪﻱ ﺍﻟﻔﻨﺠﺎﻥ ﻭﺟﺎﻱ ﻃﺎﻟﻊ ﻭﻫﻮ ﻣﺎﺷﻲ : ﺑﻌﺪ ﺗﻮﺗﻴﻬﺎﻟﻲ ﺩﻳﺮﻳﻠﻲ ﺭﻧﻪ ﻧﺨﺶ ﻧﺎﺧﺪﻫﺎ ... ﻭﻃﻠﻊ ..
ﻳﺎﺭﺍ ﻣﺘﺄﻟﻤﻪ ﻫﻠﺒﻪ ﻭﻣﺶ ﻓﺎﻫﻤﻪ ﻫﻮ ﺷﻦ ﺻﺎﻳﺮﻟﻪ " ﻣﻌﻘﻮﻟﻪ ﻳﻜﻮﻥ ﺍﻟﻴﺎﺱ ﻟﻴﻪ ﻳﺪ ﻓﻲ ﺗﻐﻴﻴﺮﻩ ﻋﻠﻴﺎ "...
ﻣﺸﺖ ﻟﺪﺍﺭ ﻟﻘﺖ ﻭﻟﺪﻫﺎ ﻧﺎﻳﺾ ﻃﺎﻟﻊ ﻣﻦ ﺩﺍﺭﻩ ﻗﺎﻣﺘﻪ ﻭﺑﺎﺳﺘﻪ ﻭﺧﺸﺖ ﺑﻴﻪ ﻟﺪﺍﺭ ﺍﻟﻨﻮﻡ ﺑﺪﺕ ﺗﻮﺗﻲ ﻓﻲ ﺍﻟﺸﻨﻄﻪ ..
***
ﻭﺍﻗﻒ ﻗﺪﺍﻡ ﻭﺭﺩ ﺍﻟﺘﻮﻟﻴﺐ ﻭﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﻣﻌﺎﻭﻳﻪ : ﻣﺎﺩﻭﺭﺍﺵ ﺍﻋﻠﻰ ﻣﺎﻓﻲ ﺧﻴﻠﻪ ﻳﺮﻛﺒﻪ .. ﺍﺧﺘﻚ ﻃﻠﻌﺘﻬﺎ ﻫﻲ ﻭﺍﻣﻚ ﺑﺮﺍ ﺍﻟﺒﻼﺩ ﻣﺎﺗﺨﻤﻤﺶ ........ ﺗﻤﺎﻡ ........... ﻧﺸﻮﻓﻮﻩ ﺷﻦ ﻳﺪﻳﺮ ﺑﻴﻜﺒﺮ ﺭﺍﺳﻪ ﻧﻜﺴﺮﻫﻮﻟﻪ ........ ﺗﻢ ﺍﻧﻲ ﺟﺎﻱ ﺭﺑﻊ ﺳﺎﻋﻪ ﺗﺎﻧﻴﻪ ... ﺻﻜﺮ ...
ﻭﺗﻠﻔﺖ ﻟﺒﻨﺘﻪ ﺍﻟﻠﻲ ﻗﺎﻟﺘﻠﻪ " ﺻﺒﺎﺡ ﺍﻟﺨﻴﺮ "..
ﻣﻌﺎﻭﻳﻪ ﺍﺑﺘﺴﻢ : ﺻﺒﺎﺡ ﺍﻟﻨﻮﺭ ..
ﻣﻬﺎ ﺑﻀﺤﻜﻪ : ﺧﺎﻃﺮﻱ ﻧﻌﺮﻑ ﻣﻦ ﻭﻳﻦ ﺗﺮﻭﺡ ﺍﻟﺴﺎﻋﻪ 7:30 ﺍﻟﺼﺒﺢ ..
ﻣﻌﺎﻭﻳﻪ : ﺗﺮﺍﻗﺒﻲ ﻓﻴﺎ ..
ﻣﻬﺎ : ﻳﺲ ...
ﻣﻌﺎﻭﻳﻪ : ﺍﻣﺸﻲ ﺍﻟﻬﻲ ﺑﻘﺮﺍﻳﺘﻚ ﻳﻠﻼ ..
ﻣﻬﺎ ﺑﻀﺤﻜﻪ : ﺑﺎﻩ ﺍﻟﻴﻮﻡ ﺟﻤﻌﻪ ﻳﻌﻨﻲ ﻧﺒﻲ ﻧﺮﺗﺎﺡ ﻭﻧﺒﻲ ﻧﻄﻠﻊ ..
ﻣﻌﺎﻭﻳﻪ : ﺍﻃﻠﻌﻲ ... ﺑﺲ ﻗﺒﻠﻬﺎ ﻻﺯﻡ ﻧﻌﺮﻑ ﻭﻳﻦ ..
ﻣﻬﺎ : ﻟﺤﻮﺵ ﺍﻟﻨﺎﺱ ﺍﻟﺤﻠﻮﺓ ...
ﻣﻌﺎﻭﻳﻪ ﺍﺑﺘﺴﻢ : ﻫﺎﺩﻱ ﻣﺎﺗﺒﻴﺶ ﺷﻴﺮﺗﻲ ... ﻣﺴﻤﻮﺣﻠﻚ ﺗﻤﺸﻲ ﻏﺎﺩﻱ ﺍﻣﺘﻰ ﻣﺎﺗﺒﻲ .. ﺑﺲ ﻗﻮﻟﻴﻠﻲ ﻓﻲ ﻋﻨﺪﻫﻢ ﺣﺎﺟﻪ؟ ..
ﻣﻬﺎ : ﺍﻣﺲ ﻓﻀﺎﻧﻴﺔ ﺭﻫﻒ ..
ﻣﻌﺎﻭﻳﻪ ﺭﻓﻊ ﺣﻮﺍﺟﺒﻪ : ﺍﻫﺎﺍﺍﺍﺍ ..
ﻣﻬﺎ ﺑﻀﺤﻜﻪ : ﻭﺷﻦ ﺧﻼﻙ ﺗﺴﺄﻝ ﻫﺎﻟﺴﺆﺍﻝ ...
ﻣﻌﺎﻭﻳﻪ ﻗﺪﻡ ﺷﻔﺸﻔﻬﺎ ﻣﻦ ﺷﻌﺮﻫﺎ ﻭﻣﺸﻲ ... ﻭﻫﻲ ﻗﻌﺪﺕ ﺗﻀﺤﻚ ..
***
ﺍﻟﺴﺎﻋﻪ 10 ﺻﺒﺎﺣﺎ
ﺭﻭﺡ ﺑﻮ ﺍﺳﻨﺎﻡ ﻣﻦ ﺳﻔﺮﻩ ﻟﻘﻲ ﺑﻨﺘﻪ ﻓﻲ ﺍﻟﺤﻮﺵ ﺳﻠﻢ ﻋﻠﻴﻬﺎ ﻭﺧﺶ ﺑﻴﺮﺗﺎﺡ ﻭﻧﺎﺩﻯ ﻉ ﺯﻭﺟﺘﻪ ...
ﺭﺷﻴﺪ : ﺃﺳﻨﺎﻡ ﻭﻳﻦ ..
ﻫﺎﻧﻴﻪ ﻣﺎﺑﺘﺶ ﺗﺒﻴﻨﻠﻪ ﺷﻲ ﻣﺮﻭﺡ ﻣﻦ ﺳﻔﺮ ﻭﺗﺎﻋﺐ : ﺍﺳﻨﺎﻡ ﺭﺍﻗﺪ ..
ﺭﺷﻴﺪ : ﻟﺘﻮﺍ؟
ﻫﺎﻧﻴﻪ : ﺍﻣﺲ ﻋﻄﻞ ﻓﻲ ﺍﻟﻤﺴﺘﺸﻔﻰ ..
ﺭﺷﻴﺪ ﺷﺒﺤﻠﻬﺎ ﺑﺸﻚ : ﻣﺘﺄﻛﺪﻩ ..
ﻫﺎﻧﻴﻪ ﺩﺍﻳﺮﻩ ﺭﻭﺣﻬﺎ ﺗﻮﺗﻴﻠﻪ ﻓﻲ ﺣﻮﺍﻳﺠﻪ ﻫﺮﺑﺎ ﻣﻦ ﻧﻈﺮﺍﺗﻪ : ﺷﻨﻮ ﻣﺘﺄﻛﺪﻩ ﻫﺎﺩﻱ ؟ﺑﺮﺍ ﺃﺳﺄﻟﻪ ﺑﺮﻭﺣﻚ ..
ﺭﺷﻴﺪ ﻫﺰ ﺭﺍﺳﻪ ﺑﺄﻳﺠﺎﺏ ﻭﺧﺶ ﻳﺪﻭﺵ ..
ﻭﻫﺎﻧﻴﻪ ﺗﻨﻬﺪﺕ ﻭﺣﻄﺘﻠﻪ ﺣﻮﺍﻳﺠﻪ ﻉ ﺍﻟﺴﺮﻳﺮ ﻭﻃﻠﻌﺖ ..
***
ﺑﻌﺪ ﺍﻟﻐﺪﻱ ...
ﺣﻨﺎﻥ : ﺯﻱ ﻣﺎﻭﺻﻴﺘﻜﻢ .. ﻣﺶ ﻣﻄﻮﻟﻪ ...
ﺭﻫﻒ ﺑﺈﺑﺘﺴﺎﻣﻪ : ﺗﻤﺎﻡ ﻣﺎﻣﺎ ﻛﻮﻧﻲ ﻣﻄﻤﻨﻪ ...
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ... ﻭﻃﻠﻌﺖ ... ﺷﻮﻳﻪ ﻭﺧﺶ ﺭﺿﺎ ...
ﺭﻫﻒ : ﺧﺎﻟﻮ ..
ﺭﺿﺎ : ﺭﻫﻮﻓﻪ ﺷﻦ ﺟﻮ ..
ﺭﻫﻒ : ﺗﻤﺎﻡ ... ﺷﻦ ﺟﻮ ﻣﺼﺮﺍﺗﻪ ...
ﺭﺿﺎ : ﻣﺶ ﻋﺎﺩﻳﻪ .. ﻧﺎﺱ ﻣﺎﺷﺎﺀ ﺍﻟﻠﻪ ... ﻭﻗﺒﻠﻬﺎ ﻛﻨﺖ ﻓﻲ ﺗﺮﻫﻮﻧﻪ ﺷﻮﻳﻪ ﺗﺎﻧﻴﻪ ﻭﻗﺎﻣﻮﻧﻲ ﻣﻦ ﺍﻷﺭﺽ .. ﺍﻟﻜﺮﻡ ﻭﺍﻟﺠﻮﺩ ﺍﻟﻠﻲ ﻋﻨﺪ ﺍﻫﻞ ﻫﺎﻟﺒﻼﺩ ﻣﺎﺭﻳﺘﺶ ﺯﻳﻪ ﻛﻞ ﻣﺪﻳﻨﻪ ﺧﻴﺮ ﻣﻦ ﺍﻟﺘﺎﻧﻴﻪ ..
ﺭﻫﻒ : ﻫﺎﺩﻭﺍ ﺣﻨﻲ ﺍﻟﻠﻴﺒﻴﻦ ﺑﺮﻏﻢ ﻛﻞ ﺷﻲ .. ﻣﻌﺪﻧﺎ ﺫﻫﺐ .. ﻟﻮﻻ ﺍﻟﻈﺮﻭﻑ ..
ﺭﺿﺎ : ﺻﺢ ... ﻣﺒﺎﺭﻙ ﺍﻟﺨﻄﻮﺑﻪ ..
ﺭﻫﻒ ﺍﺑﺘﺴﻤﺖ ﺑﺎﻟﺴﻴﻒ : ﺍﻟﻠﻪ ﻳﺒﺎﺭﻙ ﻓﻴﻚ .. ﻋﻘﺒﺎﻟﻚ ..
ﺭﺿﺎ ﺍﺑﺘﺴﻢ : ﻣﺎﻫﻮ ﺍﻧﻲ ﺑﻨﻜﻠﻤﻚ ﻓﻲ ﺍﻟﻤﻮﺿﻮﻉ ﻫﺬﺍ ..
ﺭﻫﻒ ﺑﻀﺤﻜﻪ : ﻗﻮﻝ ..
ﺭﺿﺎ : ﻗﺒﻞ ﺑﻨﻜﻠﻢ ﻫﺪﻳﻜﺎ ﺍﻟﻘﻨﺘﺸﻪ ﻟﻜﻦ ﻟﺴﺎﻧﻬﺎ ﻣﻮﻟﻲ ﻃﻮﻳﻞ ﻗﻠﺖ ﻧﻜﻠﻤﻚ ﺍﻧﺘﻲ ..
ﺭﻫﻒ ﺑﻀﺤﻜﻪ : ﺍﺣﻜﻲ ﻳﺎﺳﻴﺪﻱ ...
ﺭﺿﺎ : ﺍﺣﻤﻢ .. ﺻﺎﺣﺒﺔ ﻟﺒﻨﻰ ...
ﺭﻫﻒ ﺑﺈﺑﺘﺴﺎﻣﻪ : ﻣﻬﺎ ...
ﺭﺿﺎ ﺑﺈﺑﺘﺴﺎﻣﻪ : ﺍﻛﻴﺪ ﻫﻴﺎ ... ﻣﺶ ﻋﺎﺭﻑ ﺷﻦ ﺻﺎﺭﻟﻲ ﻟﻤﺎ ﺷﻔﺘﻬﺎ ﺧﺸﺖ ﺧﺎﻃﺮﻱ ... ﻣﺎﻧﻜﺬﺑﺶ ﻋﻠﻴﻚ ﺭﻫﻒ ﺍﻧﻲ ﺧﺸﻴﺖ ﻋﻼﻗﺎﺕ ﻗﺒﻞ ﻟﻴﺒﻴﺎﺕ ﻭﻣﺶ ﻟﻴﺒﻴﺎﺕ ﻣﻦ ﺟﺎﻟﻴﺎﺕ ﻋﺮﺑﻴﻪ ﻏﺎﺩﻱ .. ﺑﺲ ﻛﻠﻬﻢ ﻋﻘﻠﻴﺘﻬﻢ ﻏﺮﺑﻴﻪ ﺑﺈﻣﺘﻴﺎﺯ ... ﻭﺍﻧﻲ ﺭﺟﻞ ﻣﻨﻔﺘﺢ ﺻﺢ ﻟﻜﻦ ﺛﺎﺑﺖ ﻉ ﻣﺒﺎﺩﺋﻲ ﻭﻣﺘﻤﺴﻚ ﺑﺪﻳﻨﻲ ﻭﻫﻮﻳﺘﻲ ... ﺭﺟﻞ ﺷﺮﻗﻲ ... ﻣﺎﻗﺪﺭﺗﺶ ﻧﺴﺘﻤﺮ ﻣﻌﺎﻫﻢ ... ﻭﺻﺮﺍﺣﺔ ﺍﻧﻲ ﻟﻤﺎ ﺟﻴﺖ ﻫﻨﻲ ﻣﺎﻛﻨﺘﺶ ﻣﻔﻜﺮ ﻓﻲ ﻣﻮﺿﻮﻉ ﺍﻹﺭﺗﺒﺎﻁ ﻭﻻﺑﺄﻱ ﺷﻜﻞ ... ﺿﺤﻚ .. ﺑﺲ ﻟﻤﺎ ﺷﻔﺘﻬﺎ ﺳﺒﺤﺎﻥ ﺭﺑﻲ ﻣﻌﺎﺵ ﺷﻔﺖ ﺷﻲ ﺑﻌﺪﻫﺎ ...
ﺭﻫﻒ ﺿﺤﻜﺖ ...
ﺭﺿﺎ ﺑﺈﺑﺘﺴﺎﻣﻪ : ﺍﻟﻤﻬﻢ ﺃﻧﻲ ﻧﺒﻲ ﻧﺘﻌﺮﻑ ﻋﻠﻴﻬﺎ ﻓﻲ ﺍﻟﺒﺪﺍﻳﻪ ﻭﻫﻲ ﺗﻌﺮﻓﻨﻲ ﻭﻧﺸﻮﻓﻮﺍ ﻭﻳﻦ ﻧﻮﺻﻠﻮﺍ ..
ﺭﻫﻒ : ﺍﻣﻤﻢ ... ﺗﺒﻴﻨﻲ ﻧﻜﻠﻤﻬﺎﺍﻟﻚ ..
ﺭﺿﺎ : ﺍﻳﻪ ...
ﺭﻫﻒ : ﺑﺎﻫﻲ ﺷﻦ ﺭﺍﻳﻚ ﺗﻜﻠﻤﻬﺎ ﺍﻧﺖ .. ﻫﻲ ﺟﺎﻳﻪ ﺍﻟﻴﻮﻡ ..
ﺭﺿﺎ ﺑﻀﺤﻜﻪ : ﺑﺠﺪ؟
ﺭﻫﻒ : ﻫﻬﻬﻬﻬﻬﻪ .. ﺍﻳﻪ ﻭﺟﺪ ﺍﻟﺠﺪ ...
ﺭﺿﺎ : ﺍﻣﻤﻢ ... ﺗﻤﺎﻡ .. ﻧﻜﻠﻤﻬﺎ ﺍﻧﻲ .. ﺗﻔﻬﻢ ﻣﻨﻲ ﺍﻛﺜﺮ ...
ﺭﻫﻒ ﺍﺑﺘﺴﻤﺖ : ﻭﻫﻮ ﻛﺬﻟﻚ ...
***
ﻭﺻﻠﺖ ﺣﻨﺎﻥ ﻟﺤﻮﺵ ﺍﺳﺎﻣﻪ ﺍﻟﻠﻲ ﻛﺎﻥ ﻋﻨﺪﻩ ﺩﻭﺍﻡ ﻳﻮﻡ ﻛﺎﻣﻞ ﻓﻲ ﺍﻟﻤﺴﺘﺸﻔﻰ .. ﺑﺪﺕ ﺍﺿﻢ ﻓﻴﻪ .. ﺗﻜﻨﺲ ﻭﺗﻨﻔﺾ ﻭﺗﻠﻤﻊ .. ﺑﻌﺪﻳﻦ ﺑﺪﺕ ﺍﻃﻴﺒﻠﻪ ﻛﻢ ﺣﺎﺟﻪ ..
ﺧﺸﺖ ﻟﺪﺍﺭﻩ ﺿﻤﺘﻬﺎ ﻭﺧﺪﺕ ﺣﻮﺍﻳﺠﻪ ﻏﺴﻠﺘﻬﻢ ... ﻛﺎﻧﺖ ﺍﺩﻳﺮ ﻓﻲ ﻛﻞ ﺷﻲ ﻣﻦ ﻗﻠﺒﻬﺎ ﻭﺣﺎﺳﺒﺎﺗﻪ ﺯﻱ ﺭﺿﺎ .. ﻭﻭﺻﻴﺔ ﺑﺪﻳﻌﻪ ﺃﺛﺮﺕ ﻓﻴﻬﺎ ﺍﻛﺜﺮ ﻭﺃﻛﺜﺮ ...
ﺑﻌﺪ ﺍﻟﻌﺼﺮ ﻛﺎﻧﺖ ﻣﻜﻤﻠﻪ ﻛﻞ ﺷﻲ .. ﺑﺨﺮﺕ ﺍﻟﺤﻮﺵ ﻭﻃﻠﻌﺖ ﺭﻭﺣﺖ .. ﺷﺎﻓﺖ ﻣﺤﻞ ﺭﺍﻗﻲ ﻟﻠﻤﺤﺠﺒﺎﺕ ﺧﻄﺮﺕ ﻓﻲ ﺑﺎﻟﻬﺎ ﺣﺎﺟﻪ ﺩﺭﺳﺖ ﻭﻧﺰﻟﺖ ... ﻛﺎﻧﺖ ﻓﻴﻪ ﺣﺎﺟﺎﺕ ﺭﺍﻗﻴﻪ ﻫﻠﺒﻪ .. ﺷﺎﻓﺖ ﺍﻷﻭﺷﺤﻪ .. ﺧﺪﺕ 4.. ﻭﻃﻠﻌﺖ ...
***
ﻳﺪﻳﺮﻭﺍ ﻓﻲ ﻛﺎﺏ ﻛﻴﻚ ﻣﻊ ﺑﻌﺾ ﻭﻳﻬﺪﺭﺯﻭﺍ ..
ﻣﻬﺎ : ﺗﺒﺼﺮﻱ !!! ﻣﺎﻋﻨﺪﺍﺵ ﺭﻗﻤﻚ؟؟
ﺭﻫﻒ : ﻣﺎﻋﻨﺪﻩ ﻣﺎﻳﺪﻳﺮ ﺑﻴﻪ ﻧﺘﻼﻗﻮ ﻓﻲ ﺍﻟﺠﺎﻣﻌﻪ ﻭﻧﻬﺪﺭﺯﻭﺍ ..
ﻣﻬﺎ : ﻟﻜﻦ ﻻﺯﻡ ﺗﻬﺪﺭﺯﻭﺍ ﻓﻲ ﺍﻟﺘﻠﻴﻔﻮﻥ ﺗﺘﻌﺮﻓﻮﺍ ﺍﻛﺜﺮ ...
ﺭﻫﻒ : ﻣﺶ ﺷﺮﻁ ..
ﻟﺒﻨﻰ : ﺧﻠﻴﻬﺎ ﻣﺼﻜﺮﻩ ﺭﺍﺳﻬﺎ ﻣﺎﺗﺒﻴﺶ ﺗﻜﻠﻤﻪ ﻓﻲ ﺍﻟﺘﻠﻴﻔﻮﻥ .. ﺗﻘﻮﻝ ﻏﺎﺻﺒﻴﻨﻬﺎ ﻋﻠﻴﻪ ..
ﺭﻫﻒ : ﺑﺎﻫﻲ ﻏﻴﺮﻭﺍ ﺍﻟﺴﻴﺮﻩ ... ﻣﻬﻤﻮﻫﻪ ...
ﻣﻬﺎ ﺑﻀﺤﻜﻪ : ﺷﻨﻮ ..
ﺭﻫﻒ : ﺍﻧﺘﻲ ﻓﺎﺿﻴﻪ ..
ﻣﻬﺎ ﺿﺤﻜﺖ : ﻛﻴﻒ ﻳﻌﻨﻲ ..
ﻟﺒﻨﻰ ﺑﻀﺤﻜﻪ : ﻳﻌﻨﻲ ﻣﺎﻓﻲ ﺣﺪ ﻓﺤﻴﺎﺗﻚ .. ﻋﺎﺭﻓﻪ ﺍﻹﺟﺎﺑﻪ ﺍﻧﻲ ﺑﺲ ﺍﻧﺘﻲ ﺟﺎﻭﺑﻴﻬﺎ ...
ﻣﻬﺎ ﺷﺒﻪ ﻓﻬﻤﺖ ﻭﺟﻬﻬﺎ ﺍﺣﻤﺮ : ﻻ ﻣﺎﻓﻲ ﺣﺪ ...
ﺭﻫﻒ : ﺗﻤﺎﻡ .. ﺑﻨﻘﻮﻟﻚ .. ﺧﺎﻟﻮ ﺭﺿﺎ ﻳﺒﻲ ﻳﺘﻜﻠﻢ ﻣﻌﺎﻙ ﺷﻮﻳﻪ ..
ﻣﻬﺎ ﺗﻠﺨﺒﻄﺖ ﻭﻗﻌﺪﺕ ﺗﺮﺟﻒ ...
ﻟﺒﻨﻰ ﺑﻀﺤﻜﻪ : ﺑﺪﻭﺥ ﺍﻟﺒﻨﺖ ..
ﻣﻬﺎ : ﻣﺒﺮﺩﻙ ﻟﺒﻨﻰ
ﺭﻫﻒ ﺑﻀﺤﻜﻪ : ﻫﺎﻩ ﺷﻨﻮ ...
ﻣﻬﺎ ﺳﺎﻛﺘﻪ ..
ﻟﺒﻨﻰ ﻏﻤﺰﺕ ﻟﺮﻫﻒ : ﺷﻜﻠﻬﺎ ﻣﺎﺗﺒﻴﺶ ..
ﺭﻫﻒ : ﺧﻼﺹ ﺗﻮ ﻧﻘﻮﻟﻪ ﺭﻓﻀﺖ ..
ﻣﻬﺎ : ﻣﺒﺮﺩﻛﻢ ﺍﻧﺘﻮ ﺍﻟﺰﻭﺯ ﺑﺎﻩ ﻭﻳﻦ ﻭﻛﻴﻒ ﺑﻨﻜﻠﻤﻪ ..
ﺭﻫﻒ : ﺣﺘﻘﻌﻤﺰﻱ ﻏﺎﺩﻱ ﻣﻌﺎﻩ ﻭﺣﻨﻲ ﻣﻘﺎﺑﻠﻴﻨﻜﻢ ..
ﻣﻬﺎ ﺳﺎﻛﺘﻪ ﻭﻣﺘﺤﺸﻤﻪ ﻫﻠﺒﻪ ..
ﻟﺒﻨﻰ : ﻫﺎﻩ ﺷﻨﻮ .. ﻳﺴﺘﻨﻰ ﻣﻦ ﺑﻜﺮﻱ ..
ﻣﻬﺎ ﺗﺴﺎﻭﻱ ﻓﻮﺷﺎﺣﻬﺎ ﺑﺈﺭﺗﺒﺎﻙ : ﺍﺣﻤﻢ .. ﺑﺎﻫﻲ ..
ﺷﺪﺗﻬﺎ ﺭﻫﻒ ﻣﻦ ﺍﻳﺪﻫﺎ ﻭﻃﻠﻌﺖ ﺑﻴﻬﺎ ﻣﻦ ﺍﻟﻜﻮﺟﻴﻨﻪ ﻭﺭﻓﻌﺘﻬﺎ ﻭﻳﻦ ﻣﺎﻣﻘﻌﻤﺰ ﺭﺿﺎ ﻟﻤﺎ ﺷﺎﻓﻬﺎ ﺍﺑﺘﺴﻢ .. ﻭﻫﻲ ﺑﺘﻤﻮﺕ ﻣﻦ ﺧﺠﻠﻬﺎ ..
ﺭﻫﻒ : ﻫﻴﺎ ﻗﻌﻤﺰﻱ ﻣﻬﻮﺷﻪ ..
ﻣﻬﺎ ﻗﺪﻣﺖ ﺑﺨﻄﻮﺍﺕ ﺧﺠﻮﻟﻪ ﻭﻗﻌﻤﺰﺕ ..
ﺭﻫﻒ ﺍﺑﺘﺴﻤﺖ : ﻋﻦ ﺍﺫﻧﻜﻢ .. ﻭﻣﺸﺖ ﻗﻌﻤﺰﺕ ﺑﻌﻴﺪﻩ ﻋﻠﻴﻬﻢ ﺷﻮﻱ ﺑﺲ ﻳﺸﻮﻓﻮﺍ ﻓﻲ ﺑﻌﺾ ..
ﺭﺿﺎ ﻳﺘﺄﻣﻞ ﻓﻴﻬﺎ ﻛﻴﻒ ﻣﺘﺤﺸﻤﻪ : ﻛﻴﻒ ﺣﺎﻟﻚ ..
ﻣﻬﺎ : ﺍﻟﺤﻤﺪ ﻟﻠﻪ ..
ﺭﺿﺎ ﺑﻀﺤﻜﻪ : ﺣﺘﻰ ﺍﻧﻲ ﻛﻮﻳﺲ ﺍﻟﺤﻤﺪ ﻟﻠﻪ ..
ﻣﻬﺎ ﺿﺤﻜﺖ
ﺭﺿﺎ ﺍﺗﻜﺎ ﺑﻤﺮﺍﻓﻘﻪ ﻉ ﺭﺟﻠﻴﻪ ﻭﺷﺒﻚ ﺻﻮﺍﺑﻊ ﺍﻳﺪﻳﻪ ﻓﻲ ﺑﻌﺾ : ﻣﻬﺎ ﺍﻧﻲ ﺣﻨﻜﻮﻥ ﻣﻌﺎﻙ ﺻﺮﻳﺢ ﻉ ﺍﻵﺧﺮ ﻷﻧﻲ ﻭﺍﺧﺪ ﺍﻟﻤﻮﺿﻮﻉ ﺑﺠﺪﻳﺎﺕ ﻭﻧﺎﻭﻱ ﺍﻟﺨﻴﺮ ﺇﻥ ﺷﺎﺀ ﺍﻟﻠﻪ
ﻣﻬﺎ : ﻭﺍﻧﻲ ﻫﺬﺍ ﺍﻟﻠﻲ ﻧﺒﻴﻪ ﺗﻜﻮﻥ ﻣﻌﺎﻱ ﺟﺪﻱ ﻣﺶ ﺍﺿﻴﻊ ﻓﺎﻟﻮﻗﺖ ..
ﺭﺿﺎ ﺍﺑﺘﺴﻢ : ﻭﻻﻋﻤﺮﻱ ﺩﺭﺗﻬﺎ ... ﻭﺑﺪﻱ ﺭﺿﺎ ﻳﺤﻜﻲ ﻋﻦ ﻧﻔﺴﻪ ﻭﻣﻬﺎ ﺗﺴﻤﻊ ﻓﻴﻪ ﻭﻛﺎﻥ ﻳﺒﺼﺮﺷﻮﻳﻪ ﺷﻮﻳﻪ ﻭﻫﻲ ﺗﻀﺤﻚ ... ﺑﺪﺕ ﺍﻟﺤﻮﺍﺟﺰ ﺑﻴﻨﺎﺗﻬﻢ ﺗﺘﺤﻮﻝ ﻭﺍﺭﺗﺎﺣﻮﺍ ﻟﺒﻌﺾ ﻭﻣﻬﺎ ﺍﻧﻄﻠﻘﺖ ﻭﻗﻌﺪﺕ ﺗﻬﺪﺭﺯ ﺑﺄﺭﻳﺤﻴﻪ ..
ﺭﻫﻒ ﻭﻟﺒﻨﻰ ﻳﺸﺒﺤﻮﻟﻬﻢ ﺑﺲ ﻛﻞ ﻭﺣﺪﻩ ﺗﻔﻜﺮ ﺑﺸﻜﻞ ..
ﻟﺒﻨﻰ " ﻟﻠﻲ ﻳﺸﻮﻑ ﻭﺟﻬﻬﺎ ﺍﻟﻠﻲ ﻳﻀﺤﻚ ﺗﻮﺍ ﻣﺎﻳﺼﺪﻗﺶ ﺍﻥ ﻫﻲ ﻧﻔﺴﻬﺎ ﺍﻟﻠﻲ ﻛﺎﻧﺖ ﺩﻳﻤﺎ ﺗﺒﻜﻲ ﻭﻋﺎﺑﺴﻪ ﻭﺍﻟﺘﻌﺎﺳﻪ ﺗﺒﺎﻥ ﻓﻮﺟﻬﻬﺎ .. ﺭﺑﻲ ﺟﺒﺮ ﺑﻘﻠﺒﻬﺎ ﻭﺧﺎﻃﺮﻫﺎ ﻭﻫﻲ ﺗﺴﺘﺎﻫﻞ ﻛﻞ ﺧﻴﺮ "
ﺭﻫﻒ ﺗﺸﺒﺢ ﻓﻴﻬﻢ ﻛﻴﻒ ﻣﻨﺴﺠﻤﻴﻦ ﻣﻊ ﺑﻌﺾ ﺧﻄﺮ ﻉ ﺑﺎﻟﻬﺎ ﻛﻴﻒ ﻛﺎﻧﺖ ﻣﻊ ﺍﺳﻨﺎﻡ ﺗﺮﺗﺎﺡ ﻓﻲ ﺍﻟﻬﺪﺭﺯﺓ ﻣﻌﺎﻩ ﻭﻛﺎﻥ ﺩﻳﻤﺎ ﻗﺮﻳﺐ ﻋﻠﻴﻬﺎ ﻭﺗﺤﻜﻴﻠﻪ ﺍﻟﻠﻲ ﻳﺼﻴﺮ ﻣﻌﺎﻫﺎ ﺑﺪﻭﻥ ﺗﺤﻔﻆ ﻣﻦ ﻛﺜﺮ ﻣﺎﺗﺮﺗﺎﺣﻠﻪ .. ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻟﻤﺎ ﺍﺫﻛﺮﺕ ﺍﻧﻪ ﻟﻲ ﻏﻴﺮﻫﺎ ﻭﺍﻧﻬﺎ ﺣﺘﻰ ﻫﻲ ﻟﻐﻴﺮﻩ ﺷﺪﺕ ﺩﻣﻮﻋﻬﺎ ﻭﺍﺑﺘﺴﻤﺖ ﻭﻫﻲ ﺗﺸﻮﻑ ﻑ ﻣﻬﺎ ﺗﻀﺤﻚ ﺑﺨﺠﻞ ﻭﻧﻈﺮﺍﺕ ﺭﺿﺎ ﻣﺤﺎﺻﺮﺗﻬﺎ ﺑﺈﻋﺠﺎﺏ ﺷﺪﻳﺪ
***
ﻓﻲ ﺍﻟﻠﻴﻞ
ﻃﻮﻝ ﺍﻟﻄﺮﻳﻖ ﺭﺍﺳﻪ ﻣﺼﺪﻉ ﻳﺮﺍﺟﻲ ﺍﻣﺘﻰ ﺭﻭﺡ ﻟﻠﺤﻮﺵ ﻭﻳﺘﻠﻮﺡ ﻉ ﺳﺮﻳﺮﻩ ﻭﻳﺮﻗﺪ .. ﻭﺻﻞ ﺩﺧﻞ ﺍﻟﺴﻴﺎﺭﺓ ... ﻭﻧﺰﻝ ﻣﻨﻬﺎ ﻭﺗﻮﺟﻪ ﻟﻠﺒﺎﺏ ﺍﻟﺪﺧﻼﻧﻲ ﻓﺘﺢ ﺍﻟﺒﺎﺏ ﻭﻓﺘﺢ ﺍﻟﻀﻲ ... ﻗﻌﺪ ﻳﺸﺒﺢ ﻟﻠﺤﻮﺵ .. ﻛﻴﻒ ﺯﻱ ﺍﻟﻔﻠﺔ ﺭﺍﻳﺢ ﻧﻈﻴﻒ ﻭﻣﺮﺗﺐ ﻭﺭﻳﺤﺘﻪ ﺗﺮﺩ ﺍﻟﺮﻭﺡ ... ﺍﺑﺘﺴﻢ .. ﻗﺪﻡ ﻭﻫﻮ ﻳﺸﻮﻓﻠﻪ ﻓﻴﻪ ﻟﻤﺴﻪ ﺧﺎﺻﻪ ﻟﻤﺴﺔ ﻣﺮﺍﺓ ﻟﻜﻨﻬﺎ ﻣﺨﺘﻠﻔﻪ ... ﻭﻫﻮ ﻳﻮﺯﻉ ﻓﻨﻈﺮﻩ ﻋﻠﻴﻪ ﺷﺎﻑ ﻭﺭﻗﻪ ﻉ ﺍﻟﻄﺎﻭﻟﻪ .. ﺧﺪﺍﻫﺎ ﻭﻓﺘﺤﻬﺎ ....
( ﺣﻮﺍﻳﺠﻚ ﻉ ﺍﻟﺤﺒﻞ ﻗﺒﻞ ﻟﺘﺮﻗﺪ ﺩﺧﻠﻬﻢ ... ﻣﺪﺍﻳﺮﺗﻠﻚ ﺍﻛﺜﺮ ﻣﻦ ﺣﺎﺟﻪ ﻭﺩﺍﺳﺔ ﻣﻨﻬﻢ ﻭﻓﻲ ﻣﻨﻬﻢ ﺑﺮﺍ .. ﺳﺨﻦ ﻭﻛﻮﻝ ﻗﺒﻞ ﻟﺘﺮﻗﺪ ... )
ﺍﺑﺘﺴﻢ ﻣﻦ ﻭﺳﻂ ﻗﻠﺒﻪ ... ﺧﺶ ﻭﻓﻴﺪﻩ ﺍﻟﻮﺭﻗﻪ ﻟﺪﺍﺭﻩ ﻟﻘﺎﻫﺎ ﻧﻈﻴﻔﻪ ﻭﻣﺮﺗﺒﻪ ﻛﻮﻳﺲ ... ﻃﻠﻊ ﻣﻨﻬﺎ ﻭﻣﺸﻲ ﻟﻠﻜﻮﺟﻴﻨﻪ ﻟﻘﺎﻫﺎ ﺗﻠﻤﻊ .. ﺷﻢ ﺭﻳﺤﻪ ﺍﻟﻌﻄﺮ .. ﻟﻘﺎﻫﺎ ﺩﺍﻳﺮﺍﺗﻪ ﻓﻲ ﻓﺎﺯﺍ ﻓﻴﻬﺎ ﻣﻴﻪ ... ﻗﺮﺏ ﻟﻠﺘﻼﺟﻪ ﻓﺘﺤﻬﺎ ﻟﻘﺎﻫﺎ ﻧﻈﻴﻔﻪ ﻭﺣﺎﺟﺎﺗﻬﺎ ﻣﺮﺗﺒﻪ ... ﻭﻓﻲ ﺣﺎﻓﻈﺎﺕ ﻣﺴﻠﻔﺮﺓ .. ﺍﺑﺘﺴﻢ ﻭﻃﻠﻊ ﻣﻨﻬﻢ ﺣﺎﺟﻪ ﻭﺣﻄﻬﺎ ﺑﺮﺍ .. ﻓﺘﺤﻬﺎ ﻟﻘﻲ ﻓﻴﻬﺎ ﺭﺯ ﻭﻣﺒﻄﻦ ﻭﺳﻼﻃﻪ ﻣﺸﻮﻳﻪ ﺍﻛﺜﺮ ﺍﻟﺤﺎﺟﺎﺕ ﺍﻟﻠﻲ ﻳﺤﺒﻬﺎ ﺣﻄﻬﻢ ﻓﺼﻮﻧﻴﻪ ﻭﺣﻄﻬﻢ ﻓﻲ ﺍﻟﻤﻜﺮﻭﻳﻒ .. ﻭﻗﻌﻤﺰ ﻉ ﺍﻟﻜﺮﺳﻲ ﻣﺘﺎﻉ ﻃﺎﻭﻟﺔ ﺍﻟﻤﺎﻛﻠﻪ ﺍﻟﻠﻲ ﻓﺎﻟﻜﻮﺟﻴﻨﻪ ... ﻭﻗﻌﺪ ﻳﺬﻛﺮ ﻓﻲ ﺍﻟﺤﺪﻳﺚ ﺍﻟﻠﻲ ﺻﺎﺭ ﺑﻴﻨﻪ ﻭﺑﻌﺪ ﺍﺧﺘﻪ ﻓﻲ ﺍﺧﺮ ﻟﻴﻠﻪ ﻛﺎﻧﻮﺍ ﻋﻨﺪﻩ ﻓﻴﻬﺎ ..
ﻓﻼﺵ ﺑﺎﻙ ..
ﻟﻴﻠﻴﺎﻥ : ﺍﻧﺖ ﺣﺒﻴﺘﺎ ﻻ ﻋﺎﺋﺸﻪ؟
ﺍﺳﺎﻣﻪ : ﺍﻟﻠﻪ ﻳﺮﺣﻤﻬﺎ .. ﻋﺠﺒﺘﻨﻲ ﻫﻠﺒﻪ ﻭﺧﺸﺖ ﻗﻠﺒﻲ .. ﺑﻌﺪ ﺻﺎﺭ ﺍﻟﻠﻲ ﺻﺎﺭ ﺑﺪﻳﺖ ﻧﺤﺲ ﺑﺎﻟﺬﻧﺐ ﺍﺗﺠﺎﻫﻬﺎ ﻷﻧﻬﺎ ﺣﺒﺘﻨﻲ ﻫﻠﺒﻪ ﺗﺨﻠﺖ ﻋﻦ ﺍﻫﻠﻬﺎ ﺍﻟﻠﻲ ﺭﻓﻀﻮﻧﻲ .. ﻭﻗﻌﺪﺕ ﻋﺎﻳﺶ ﺍﻧﻲ ﻭﻳﺎﻫﺎ ﻫﺎﻟﺸﻌﻮﺭ ﻋﺎﻳﺶ ﺑﻴﻨﺎﺗﻨﺎ ﺍﻛﺜﺮ ﻣﻦ ﺍﻟﺤﺐ ...
ﻟﻴﻠﻴﺎﻥ : ﻃﻴﺐ ﻭﺣﻨﺎﻥ؟
ﺍﺳﺎﻣﻪ ﺍﺑﺘﺴﻢ : ﻣﺶ ﻋﺎﺭﻑ .. ﻣﺶ ﻋﺎﺭﻑ ﻛﻴﻒ ﺑﻨﻮﺻﻔﻠﻚ ﺍﻭ ﻧﺤﻜﻴﻠﻚ ﺍﻟﻠﻲ ﺻﺎﺭ ﻣﻌﺎﻱ ... ﺍﻧﻲ ﻧﻌﺮﻓﻬﺎ ﻣﻦ ﺳﻨﻴﻦ ﻃﻮﻳﻠﻪ ﻛﺎﻧﺖ ﻣﻤﻴﺰﺓ ﻓﻨﻈﺮﻱ ﻭﻧﻜﻮﻥ ﺻﺮﻳﺢ ﻣﻌﺎﻙ ﺣﺴﺪﺕ ﻧﻀﺎﻝ ﻋﻠﻴﻬﺎ ... ﺑﺲ ﻣﺎﺣﺴﻴﺘﺶ ﺗﺠﺎﻫﻬﺎ ﺑﺎﻟﻤﺸﺎﻋﺮ ﺍﻟﻠﻲ ﺗﻮﺍ ﻧﺤﺲ ﺑﻴﻬﺎ .. ﺗﻮﺍ ﻟﻤﺎ ﻗﺮﺑﺖ ﻣﻨﻲ ﺑﺪﻭﻥ ﻣﺎﺗﻘﺼﺪ ﻭﺍﻧﻲ ﻗﺮﺑﺖ ﺑﻘﺼﺪ .. ﺑﺪﻳﺖ ﻧﺤﺲ ﺍﻟﺤﻴﺎﻩ ﻣﺎﻟﻴﻬﺎﺵ ﻃﻌﻢ ﺑﺪﻭﻧﻬﺎ ... ﻭﺣﺒﻴﺖ ﻭﻟﺪﻱ ﺍﻛﺜﺮ ﻷﻧﻪ ﺍﻗﻮﻯ ﺳﺒﻠﻪ ﻧﺘﺴﺒﻞ ﺑﻴﻬﺎ ﺑﺶ ﻧﺸﻮﻓﻬﺎ ..
ﻟﻴﻠﻴﺎﻥ : ﻃﻴﺐ ﻭﺑﻌﺪﻳﻦ ..
ﺍﺳﺎﻣﻪ ﺿﺤﻚ ﺑﺄﻟﻢ : ﻣﺎﻓﻴﺶ ﺑﻌﺪﻳﻦ ﻳﺎﻟﻴﻠﻴﺎﻥ ... ﺣﻨﺎﻥ ﻣﺠﺮﺩ ﺣﻠﻢ .. ﻭﻣﺶ ﺿﺮﻭﺭﻱ ﻛﻞ ﺍﻷﺣﻼﻡ ﺗﺘﺤﻘﻖ ..
ﺍﻟﻮﻗﺖ ﺍﻟﺤﺎﺿﺮ .
ﺍﺳﺘﺎﻗﺾ ﻉ ﺻﻮﺕ ﺍﻟﻤﻨﺒﻪ ﻣﺘﺎﻉ ﺍﻟﻤﻴﻜﺮﻭﻳﻒ ﻣﻦ ﻗﻠﺔ ﺍﻹﻧﺘﺒﺎﻩ ﺟﺎﻱ ﺑﻴﻄﻠﻌﻪ ﻣﻦ ﻏﻴﺮ ﻣﺎﻳﺸﺪ ﺍﻟﺼﻮﻧﻴﻪ ﺑﺤﺎﺟﻪ .. ﻭﺍﻧﺤﺮﻗﺖ ﺍﻳﺪﻩ ﺑﺲ ﺍﻟﻠﻲ ﺍﺳﺘﻐﺮﺑﻠﻪ ﺍﻧﻪ ﺗﺤﻤﻞ ﻳﻄﻠﻌﻪ ﻭﺑﺮﻏﻢ ﺍﻟﺤﺮﻕ ﺍﻟﻠﻲ ﻇﺎﻫﺮ ﻉ ﺻﻮﺍﺑﻌﻪ ﻣﺎﺣﺴﺶ ﺑﺄﻟﻢ ﻗﻮﻱ ... ﻗﺎﻝ ﻓﻲ ﻧﻔﺴﻪ " ﺷﻜﻠﻬﺎ ﻣﺸﺎﻋﺮﻱ ﺟﻴﺎﺷﻪ ﻟﺪﺭﺟﻪ ﻣﺎﺣﺴﻴﺘﺶ ﺑﺈﻳﺪﻳﺎ ﺍﻟﻠﻲ ﺗﺒﺸﻤﻄﻮﺍ " ﺿﺤﻚ .. ﻭﻗﻌﻤﺰ ﺑﺪﻱ ﻳﺎﻛﻞ ...
***
Imiss you
ﻣﻌﺎﻭﻳﻪ : ﻛﺬﺍﺏ ﻣﻨﺎﻃﺢ ...
ﻛﺮﻳﻢ ﺑﻀﺤﻜﻪ : ﺷﺎﻛﻚ ﻓﻲ ﺣﺒﻲ ﻟﻴﻚ ..
ﻣﻌﺎﻭﻳﻪ ﺑﻀﺤﻜﻪ : ﻳﺎﺗﺎﻓﻪ ﻟﻴﻚ ﺷﻬﺮ ﻭﻓﻮﻕ ﻣﺎﻗﻠﺘﺶ ﻧﺴﺄﻝ ﻋﻠﻴﻪ .. ﻗﻮﻝ ﻛﻴﻒ ﺣﺎﻟﻚ ﻭﺻﻜﺮ ..
ﻛﺮﻳﻢ : ﻋﻼﺵ ﻣﺴﺄﻟﺘﺶ ﺍﻧﺖ ..
ﻣﻌﺎﻭﻳﻪ ﺑﻐﺮﻭﺭ : ﺍﻧﻲ ﻳﺴﺄﻟﻮﺍ ﻋﻠﻴﺎ ﻭﻳﺪﻭﺭﻭﻧﻲ ﺍﻧﻲ ﻣﺎﻧﺪﻭﺭ ﺣﺪ ..
ﻛﺮﻳﻢ : ﻫﻬﻬﻬﻬﻬﻬﻬﻪ .. ﺗﻲ ﻭﺍﻟﻠﻪ ﻏﻴﺮ ﻧﺴﺎﻓﺮ ﻣﺮﺓ ﺗﺎﻧﻴﻪ ﻧﺴﻤﻊ ﺑﻴﻚ ﻣﻴﺖ ﻣﺶ ﺣﻨﺠﻲ ﻧﻌﺰﻳﻚ ..
ﻣﻌﺎﻭﻳﻪ : ﻫﻬﻬﻬﻬﻬﻬﻬﻬﻬﻪ ﺗﺎﻓﻪ ..
ﻛﺮﻳﻢ ﺑﺈﺑﺘﺴﺎﻣﻪ : ﻓﻴﻚ ﺣﺎﺟﻪ ﻣﺘﻐﻴﺮﻩ ..
ﻣﻌﺎﻭﻳﻪ ﺍﺑﺘﺴﻢ : ﺷﻨﻮ ﻫﻲ ﺗﺮﺍ ..
ﻛﺮﻳﻢ : ﻣﺶ ﻋﺎﺭﻑ ﺑﺲ ﻓﻴﻚ ﺷﻲ ﺟﺪﻳﺪ .. ﻭﺟﻬﻚ ﺿﺤﻜﺘﻚ ﻃﺮﻳﻘﺔ ﻛﻼﻣﻚ ﻧﻈﺮﺓ ﻋﻴﻨﻚ .. ﻣﺶ ﻋﺎﺭﻑ ﺑﺲ ﻓﻴﻚ ﺷﻲ ﻣﺘﻐﻴﺮ ...
ﻣﻌﺎﻭﻳﻪ ﻳﺘﻬﺮﺏ : ﺍﻧﺖ ﻣﺎﺗﻐﻴﺮ ﻓﻴﻚ ﺷﻲ ﻧﻔﺲ ﺍﻟﻤﻨﻈﺮ ﻭﺍﻟﻤﺨﺒﺮ ..
ﻛﺮﻳﻢ ﺑﺈﺑﺘﺴﺎﻣﻪ ﻣﺎﻛﺮﻩ : ﻣﺎﺣﺼﻠﻨﺎﺵ ﻣﻦ ﻳﻐﻴﺮﻧﺎ ...
ﻣﻌﺎﻭﻳﻪ ﻭﺟﻬﻪ ﺍﺣﻤﺮ ﻭﻗﻌﺪ ﻳﻮﺯﻉ ﻓﻨﻈﺮﻩ ﺍﻟﻤﻜﺎﻥ : ﺍﻟﺠﻨﺎﻥ ﻣﺘﺎﺍﻋﻚ ﻳﺒﻲ ﺍﻫﺘﻤﺎﻡ ..
ﻛﺮﻳﻢ ﺑﻀﺤﻜﻪ : ﺣﺘﻰ ﺍﻧﻲ ﻗﻠﺘﻬﺎ ...
***
ﻣﺮﺕ ﺍﻷﻳﺎﻡ ...
ﺭﻫﻒ ﺗﻌﻄﻲ ﻟﻤﻬﺎﺏ ﻓﻔﺮﺻﺘﻪ ﻭﻳﻮﻣﻴﺎ ﻳﺘﻼﻗﻮﺍ ﻓﻲ ﺍﻟﻜﻠﻴﻪ ﺳﺎﻋﺘﻴﻦ ﻭﻳﻤﺸﻲ ﻟﻠﻤﺴﺘﺸﻔﻰ ﻭﻫﻲ ﻭﺃﺳﻨﺎﻡ ﻣﻌﺎﺵ ﺷﺎﻓﻮﺍ ﺑﻌﺾ ﻧﻬﺎﺋﻲ ...
ﺃﺳﻨﺎﻡ ﺍﻟﻠﻲ ﺯﺍﺩ ﻋﺬﺍﺑﻪ ﻭﻻﻗﺪﺭ ﻳﺤﻮﻟﻬﺎ ﻣﻦ ﺑﺎﻟﻪ ﻭﻻﻟﺤﻈﻪ ﻏﺼﺒﺎ ﻋﻨﻪ ﺣﻈﺮﻫﺎ ﻓﻲ ﺍﻟﻔﻴﺲ ﺑﺶ ﻣﺎﻳﺸﻮﻓﺶ ﻗﻬﺮﺗﻪ ﺑﻌﻴﻮﻧﻪ ﺧﺼﻮﺻﺎ ﺍﻥ ﻣﻬﺎﺏ ﻣﺎﺑﻄﻠﺶ ﺗﻌﻠﻴﻘﺎﺕ ﻉ ﺑﻮﺳﺘﺎﺗﻬﺎ ... ﺑﻮﻩ ﻋﺮﻑ ... ﻭﻗﺎﻋﺪ ﻳﺴﺎﻋﺪ ﻓﻮﻟﺪﻩ ﺑﺶ ﻳﻨﺴﻰ ﻭﻳﺘﺨﻄﻰ ﺟﺮﺣﻪ ...
ﻣﻬﺎ ﻭﺭﺿﺎ ﻳﻮﻣﻴﺎ ﻳﻬﺪﺭﺯﻭﺍ ﻉ ﺍﻟﺘﻠﻴﻔﻮﻥ ﻭﻣﺎﻳﻤﻠﻮﺵ ﻣﻦ ﺑﻌﺾ ﻧﻬﺎﺋﻲ ﻭﺍﻧﺠﺬﺑﻮﺍ ﻟﺒﻌﺾ ﺑﺸﻜﻞ ﻛﺒﻴﺮ
ﻳﺎﺭﺍ ﺗﺴﺘﻨﻰ ﻓﻲ ﺭﺟﻌﺔ ﻧﻀﺎﻝ ﻭﻧﺎﻭﻳﻪ ﺗﻐﻴﺮ ﻫﻠﺒﻪ ﻓﻲ ﺣﻴﺎﺗﻬﻢ ﻏﻴﺮ ﻳﻄﻠﻖ ﺣﻨﺎﻥ ..
ﻧﻀﺎﻝ ﺍﻟﻠﻲ ﻓﺴﻔﺮﺗﻪ ﻭﺍﻟﻠﻲ ﻛﺎﻧﺖ ﺻﺪﻓﻪ ﻷﻟﻤﺎﻧﻴﺎ ﺑﺶ ﻳﺤﻀﺮ ﻣﺆﺗﻤﺮ ﻏﺎﺩﻱ ... ﻣﺮﺕ ﻋﻠﻴﻪ ﺫﻛﺮﻳﺎﺗﻪ ﻛﻠﻬﺎ ﻣﻊ ﺣﻨﺎﻥ ﺯﺍﺩﺕ ﻫﺎﻟﺬﻛﺮﻳﺎﺕ ﺗﺤﻴﻲ ﻓﻲ ﺣﺒﻪ ﻟﻴﻬﺎ ﺍﻛﺜﺮ ﻭﺍﻛﺜﺮ ﻭﻛﺄﻧﻪ ﻧﻔﺴﻪ ﺍﻟﻠﻲ ﻛﺎﻥ ﻗﺒﻞ 15 ﺳﻨﻪ .. ﻭﻳﻤﻜﻦ ﺍﻛﺜﺮ .. ﻣﻊ ﻫﺬﺍ ﻗﺮﺍﺭ ﺍﻟﻄﻼﻕ ﺭﻏﻢ ﻋﻨﻪ ﺣﻴﻨﻔﺬﻩ ... ﻭﻛﺎﻥ ﻳﺒﻲ ﻳﺤﺎﻭﻝ ﻣﻌﺎﻫﺎ ﻷﺧﺮ ﻣﺮﺓ ﻟﻬﺬﺍ ﻗﺮﺭ ﻳﻤﺸﻴﻠﻬﺎ ﻟﻤﻜﺎﻥ ﻋﻤﻠﻬﺎ ﺑﻌﺪﻋﺮﻑ ﻣﻦ ﺭﻫﻒ ﺍﻧﻬﺎ ﺣﺘﻤﺸﻲ ﻟﻠﻌﻤﻞ ﻓﻲ ﺍﻭﻝ ﻟﻴﻬﺎ ﻓﻲ ﺗﻨﻔﻴﺬ ﺍﻟﻤﺸﺮﻭﻉ .. ﻭﻗﺎﻟﺘﻠﻪ ﻉ ﻣﻮﻋﺪ ﻧﻬﺎﻳﺔ ﺩﻭﺍﻣﻬﺎ ﻟﻤﺎ ﺳﺄﻟﻬﺎ .. ﻛﺎﻥ ﻧﺎﻭﻱ ﻳﺎﺧﺪﻫﺎ ﻣﻦ ﻏﺎﺩﻱ ﻭﻳﻘﻌﻤﺰﻭﺍ ﻓﻲ ﻣﻜﺎﻥ ﻫﺎﺩﻱ ﻳﻬﺪﺭﺯﻭﺍ ﻷﺧﺮ ﻣﺮﺓ ...
ﻣﻘﻌﻤﺰ ﻓﻲ ﻣﻜﺘﺒﻪ ... ﻃﻖ ﺍﻟﺒﺎﺏ ..
ﻣﻌﺎﻭﻳﻪ ﻭﻫﻮ ﻻﻫﻲ : ﺧﺶ ...
ﺧﺸﺖ ﻭﻓﻲ ﻳﺪﻫﺎ ﺍﻟﺨﺮﻳﻄﻪ : ﺍﻟﺴﻼﻡ ﻋﻠﻴﻜﻢ ...
ﻗﺎﻡ ﺭﺍﺳﻬﺎ ﻭﺷﺎﻓﻬﺎ ﻭﻗﻠﺒﻪ ﺑﻴﻄﻠﻊ ﻣﻦ ﻣﻜﺎﻧﻪ ﻟﻴﻪ ﻣﺪﻩ ﻃﻮﻳﻠﻪ ﻣﺎﺷﺎﻓﻬﺎﺵ ﻋﻦ ﻗﺮﺏ ﻫﻜﻲ ﻣﻦ ﻳﻮﻡ ﻋﻴﺪ ﻣﻴﻼﺩ ﺑﻨﺘﻬﺎ ...
ﻣﻌﺎﻭﻳﻪ ﺍﺑﺘﺴﻢ : ﻭﻋﻠﻴﻜﻢ ﺍﻟﺴﻼﻡ
ﺧﺸﺖ ﻭﺳﻜﺮﺕ ﺍﻟﺒﺎﺏ ...
ﺣﻨﺎﻥ : ﺗﻮﺍ ﻛﻨﺖ ﻓﻲ ﺍﻟﻤﻮﻗﻊ ﻏﺎﺩﻱ ... ﻭﻛﻞ ﺷﻲ ﻛﺎﻥ ﻣﻮﺟﻮﺩ ﻭﻛﻠﻪ ﻣﻦ ﺍﺣﺴﻦ ﻣﺎﻳﻜﻮﻥ ﺑﺠﺪﻳﺎﺕ ﺍﻣﻨﻪ ﺗﺨﺪﻡ ﺑﻘﻠﺐ ﻭﺭﺏ ..
ﻣﻌﺎﻭﻳﻪ : ﺍﻟﻠﻲ ﻋﻨﺪﻱ ﻛﻠﻬﻢ ﻻﺯﻡ ﻳﺨﺪﻣﻮﺍ ﺻﺢ ﻭﺑﺈﺗﻘﺎﻥ ..
ﺣﻨﺎﻥ ﺑﺠﺪﻳﻪ : ﺗﻤﺎﻡ ... ﻣﻤﻜﻦ ﻧﻮﺭﻱ ﻟﺤﻀﺮﺗﻚ ﺷﻦ ﺍﻟﻠﻲ ﺗﻨﻔﺪ ﺣﺎﻟﻴﺎ ..
ﻣﻌﺎﻭﻳﻪ : ﺍﻛﻴﺪ ... ﻧﺎﺽ ﻣﻦ ﻣﻜﺘﺒﻪ ﻭﻧﺰﻝ ﻣﻦ ﺍﻟﺪﺭﺟﺘﻴﻦ ﻭﻫﻲ ﻭﺭﺍﻩ ﻭﻭﻗﻔﻮﺍ ﻉ ﻃﺎﻭﻟﻪ ﺍﻹﺟﺘﻤﺎﻋﺎﺕ ﺍﻟﻌﺎﺩﻳﻪ ﺍﻟﻤﻮﺟﻮﺩﻩ ﻓﻲ ﻣﻜﺘﺒﻪ ..
ﻓﺮﺩﺕ ﺍﻟﺨﺮﻳﻄﻪ ﻭﺑﺪﺕ ﺗﺸﺮﺣﻠﻪ ﻭﻫﻮ ﻳﺸﺒﺤﻠﻬﺎ ﻭﻫﻲ ﻛﺎﻧﺖ ﻣﻨﺴﺠﻤﻪ ﻓﻲ ﺍﻟﺸﺮﺡ ﻣﻦ ﻏﻴﺮ ﻗﺼﺪ ﻭﻫﻲ ﺗﺸﺮﺡ ﻗﺮﺑﺖ ﻣﻨﻪ .. ﻭﻫﻮ ﻗﻠﺒﻪ
ﻗﺎﻣﺖ ﻋﻴﻮﻧﻬﺎ ﺟﻮ ﻓﻌﻴﻮﻧﻪ ... ﻗﺎﻋﺪ ﺳﺎﺭﺡ ﻓﻌﻴﻮﻧﻬﺎ ﻭﻫﻲ ﻧﻔﺲ ﺍﻟﺸﻲ ﻭﻗﻠﺒﻬﺎ ﺻﺎﺑﺎﺗﻪ ﺭﻋﺸﻪ ... ﻓﻴﺴﻊ ﻣﺎﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﻭﺧﺮﺕ ﻭﻗﺎﻟﺖ ﻑ ﻧﻔﺴﻬﺎ " ﺍﻟﺸﻴﻄﺎﻥ ﺗﺎﻟﺘﻨﺎ ﻭﺍﻟﻌﻴﺎﺫ ﺑﺎﻟﻠﻪ "..
ﻫﻮ ﺗﻠﺨﺒﻂ ﻭﻭﻗﻒ ﻉ ﺣﻴﻠﻪ ..
ﻫﻲ ﻉ ﻃﻮﻝ ﻭﺑﺪﻭﻥ ﺗﺮﺩﺩ ﻗﺎﻟﺖ : ﻳﺎﺭﻳﺖ ﺗﻨﺎﺩﻱ ﺍﻷﺳﺘﺎﺫﺓ ﺍﻣﻨﻪ ﻭﺍﻷﺳﺘﺎﺫ ﺍﻳﻤﻦ ﻧﻔﻀﻞ ﻭﺟﻮﺩﻫﻢ ﻭﺍﻧﻲ ﻧﺸﺮﺣﻠﻚ ﻉ ﺧﻄﻮﺍﺕ ﺍﻟﺘﻨﻔﻴﺪ ..
ﻫﻮ ﺷﺒﺤﻠﻬﺎ ﺑﺈﺳﺘﻐﺮﺍﺏ " ﺷﻦ ﻗﺼﺪﻫﺎ ﺑﻨﺎﻛﻠﻬﺎ ﻳﻌﻨﻲ !!"
ﻣﻌﺎﻭﻳﻪ ﺑﺤﺪﻩ : ﺗﻤﺎﻡ ...
ﻭﺧﺮ ﺧﻄﻮﺗﻴﻦ ﻭﻫﻮ ﻳﺸﻮﻓﻠﻬﺎ ﺑﺈﺳﺘﻴﺎﺀ ﻭﻟﻒ ﻭﻣﺶ ﻟﻤﻜﺘﺒﻪ ﺍﺗﺼﻞ ﺑﺎﻟﺴﻜﺮﺗﻴﺮﻩ ﺗﻜﻠﻢ ﺍﻳﻤﻦ ﻭﺁﻣﻨﻪ ﻳﺠﻮﺍ ... ﺻﻜﺮ ﺍﻟﺴﻤﺎﻋﻪ ... ﻭﻗﻌﺪ ﻭﺍﻗﻒ ﻓﻲ ﻣﻜﺎﻧﻪ ﻟﻴﻦ ﻳﺠﻮ ... ﻭﻫﻲ ﺩﺍﻳﺮﻩ ﺭﻭﺣﻬﺎ ﻣﺮﻛﺰﺓ ﻓﻲ ﺍﻟﺨﺮﻳﻄﻪ ﻭﻫﻲ ﺗﺮﻋﺶ ﻣﻊ ﺑﻌﻀﻬﺎ ﻗﺎﻋﺪﻩ ﺗﺤﺖ ﺗﺄﺛﻴﺮ ﺍﻟﻤﻮﻗﻒ ...
ﺷﻮﻳﻪ ﻭﺟﻮﺍ ...
ﻭﻫﻮ ﻧﺰﻝ ﻭﺟﺎﻫﺎ ﻭﺑﺪﺕ ﺗﺸﺮﺣﻠﻪ ﻗﺪﺍﻣﻬﻢ ﻭﺗﻨﺎﻗﺸﻮﺍ ﻓﻲ ﺍﻟﻤﺸﺮﻭﻉ ...
ﻓﻲ ﻧﺎﺱ ﺍﻟﺨﻮﻑ ﻳﺨﻠﻴﻬﻢ ﻳﺘﻨﺎﺯﻟﻮﺍ ﺣﺘﻰ ﻉ ﺩﻳﻨﻬﻢ ﺑﺶ ﻣﺎﻳﺨﺴﺮﻭﺵ ﻭﻇﻴﻔﻪ ﺍﻭ ﺷﺨﺺ ﻣﻬﻢ ﺍﻭﻣﺼﻠﺤﻪ ﻣﻌﻴﻨﻪ ..
ﺑﺲ ﺣﻨﺎﻥ ﻫﻨﻲ ﻣﻘﺪﻣﻪ ﺩﻳﻨﻬﺎ ﻉ ﻛﻞ ﺷﻲ ﻭﻣﺎ ﺍﻫﺘﻤﺘﺶ ﻧﻬﺎﺋﻲ ﻷﻱ ﺇﻋﺘﺒﺎﺭ ﺗﺎﻧﻲ ... ﺍﻭﻻ ﻻﻧﻬﺎ ﻓﻤﻮﻗﻒ ﻗﻮﺓ ﻫﻮ ﻣﺤﺘﺎﺝ ﻭﺟﻮﺩﻫﺎ ﻓﻲ ﻣﺸﺮﻭﻋﻪ .. ﻭﺗﺎﻧﻴﺎ ﻋﺎﺭﻓﻪ ﻣﺆﻣﻨﻪ ﺗﻤﺎﻣﺎ ﺍﻟﻠﻲ ﻳﺴﻴﺐ ﺷﻲ ﻟﻠﻪ ﺭﺑﻲ ﺣﻴﻌﻮﺿﻪ ﺧﻴﺮ ﻣﻨﻪ .. ﺍﻥ ﺍﻟﻠﻲ ﻳﻌﺮﺽ ﻋﻦ ﺍﻱ ﺷﻲ ﻓﻲ ﺍﻟﺪﻧﻴﺎ ﻹﺭﺿﺎﺀ ﺭﺏ ﺍﻟﻌﺎﻟﻤﻴﻦ ﺭﺑﻲ ﺣﻴﺨﻠﻲ ﺍﻟﺪﻧﻴﺎ ﺗﺠﻲ ﻟﻌﻨﺪﻩ .. ﺍﻫﻢ ﺷﻲ ﻗﻮﺓ ﺍﻹﻳﻤﺎﻥ ﻭﺍﻟﻴﻘﻴﻦ ﺑﺎﻟﻠﻪ ...
ﺷﻮﻳﻪ ﻭﺟﺘﻬﻢ ﺍﻗﺒﺎﻝ ﺍﻟﻠﻲ ﻛﺎﻧﺖ ﻻﺑﺴﻪ ﺳﺮﻭﺍﻝ ﺿﻴﻖ ﻟﻴﻦ ﻗﺮﻳﺐ ﻳﺘﻤﺰﻕ .. ﻭﻋﻠﻴﻪ ﺑﻠﻮﺯﺓ ﻣﻔﺘﻮﺣﻪ ﻣﻦ ﻓﻮﻕ ﺷﺒﻪ ﺑﺪﺍﻳﻪ ﺻﺪﺭﻫﺎ ﺑﺎﻳﻨﻪ ... ﻭﻛﺎﻧﺖ ﺷﻔﺎﻓﻪ ﻭﻓﻴﺪﻫﺎ ﺟﺎﻛﻪ ...
ﻫﻲ ﺟﺮﻳﺌﻪ ﻓﻠﺒﺴﻬﺎ ﺑﺲ ﻫﺎﻟﻤﺮﻩ ﺯﻭﺩﺗﻬﺎ ...
ﺍﻗﺒﺎﻝ : ﻫﺎﻱ .. ﺍﺳﻔﻪ ﺗﺄﺧﺮﺕ ..
ﻣﻌﺎﻭﻳﻪ : ﻋﻼﺵ ﺟﻴﺘﻲ ﺍﺳﺎﺳﺎ؟ !
ﺍﻗﺒﺎﻝ : ﺍﺳﻔﻪ ﺑﺲ ﺯﺣﻤﻪ ﻭﺟﻮ ﺍﻟﺒﻼﺩ ﺍﻧﺖ ﻋﺎﺭﻓﻪ ..
ﻣﻌﺎﻭﻳﻪ : ﻋﻠﻴﻚ ﺍﻧﺘﻲ ﺑﺲ ﺷﻜﻠﻪ ..
ﺍﻗﺒﺎﻝ : ﺍﺳﻔﻪ .. ﺷﺪﺕ ﻳﺪﻩ .. ﺗﺄﺳﻔﺖ ﺧﻼﺹ ..
ﺣﻨﺎﻥ ﺍﺿﺎﻳﻘﺖ ﻣﻦ ﺍﻟﺤﺮﻛﻪ : ﻧﺴﺘﺄﺫﻥ ... ﻭﺧﺪﺕ ﺍﻟﺨﺮﻳﻄﻪ ﻭﻃﻠﻌﺖ .. ﻭﻟﺤﻘﺘﻬﺎ ﺍﻣﻨﻪ ..
ﻣﻌﺎﻭﻳﻪ ﻭﺻﻠﺘﻠﻪ ﻟﻠﺸﻴﻄﺎﻥ ﺍﻟﺮﺟﻴﻢ : ﺇﻗﺒﺎﻝ ﺍﺧﺨﺨﺨﺮ ﻣﺮﺓ ﺩﻳﺮﻱ ﺍﻟﺘﺼﺮﻓﺎﺕ ﻫﺎﺩﻱ ﻭﺍﻹ ﻭﻗﺴﻤﺎ ﺑﺎﻟﻠﻪ ﺗﺸﻮﻓﻲ ﻣﻨﻲ ﺍﻟﻌﺠﺐ ..
ﺍﻗﺒﺎﻝ ﺑﺨﻮﻑ : ﺧﻼﺹ ﺍﺳﻔﻪ ..
ﻣﻌﺎﻭﻳﻪ : ﻭﺗﻮﺍ ﺍﻃﻠﻌﻲ ﺍﻗﻠﺒﻲ ﻭﺟﻬﻚ ﻟﻤﻜﺘﺒﻚ ..
ﻃﻠﻌﺖ ﺍﻗﺒﺎﻝ ﻭﻫﻲ ﻣﺘﻨﺮﻓﺰﺓ ...
ﺍﻳﻤﻦ : ﺗﺒﻴﻬﺎ ﻣﻦ ﺍﻻﻭﻝ ﻛﻢ ﻣﺮﺓ ﻛﻠﻤﺘﻚ ﻉ ﺗﺼﺮﻓﺎﺗﻬﺎ ﻣﻌﺎﻙ ﺍﻟﻠﻲ ﺟﺎﺑﺘﻠﻚ ﺍﻟﺪﻭﺓ ...
ﻣﻌﺎﻭﻳﻪ : ﺑﺪﻳﺖ ﻧﺨﻨﻖ ﻣﻦ ﺗﺼﺮﻓﺎﺗﻬﺎ ﻭﻣﻌﺎﺵ ﻧﻘﺪﺭ ﻧﻮﺳﻊ ﺑﺎﻟﻲ ﻣﻌﺎﻫﺎ ﺍﻛﺜﺮ ﻣﻦ ﻫﻜﻲ ...
ﺣﻨﺎﻥ ﻟﻤﺎ ﻃﻠﻌﺖ ﻣﺸﺖ ﻣﻊ ﺁﻣﻨﻪ ﻟﻤﻜﺘﺒﻬﺎ ...
ﺁﻣﻨﻪ : ﻧﺤﺲ ﻓﻴﻚ ﻗﺎﻋﺪﻩ ﻣﺶ ﻣﺘﻘﺒﻠﻪ ﺍﻟﺨﺪﻣﻪ ﻣﻌﺎﻧﺎ ..
ﺣﻨﺎﻥ : ﻗﺎﻋﺪﻩ ﻣﺶ ﻭﺍﺧﺪﻩ ﻉ ﺍﻟﻮﺿﻊ ﺑﺲ .. ﺑﻨﺴﺄﻟﻚ .. ﻣﺎﻓﻴﺶ ﻣﻜﺎﻥ ﻫﻨﻲ ﻧﺼﻠﻲ ﻓﻴﻪ ..
ﺁﻣﻨﻪ : ﻣﺎﺯﺍﻝ ﺍﻟﻈﻬﺮ ..
ﺣﻨﺎﻥ : ﺍﻳﻪ ﺑﺲ ﻧﺒﻲ ﻧﻌﺮﻑ ﻭﻳﻦ ﻧﻘﺪﺭﻧﺼﻠﻲ ﻟﻤﺎ ﻳﺄﺫﻥ ...
ﺁﻣﻨﻪ ﺑﻬﻤﺲ ﻗﺮﺑﺘﻠﻬﺎ : ﻓﻲ ﻣﻜﺎﻥ ﺗﻮ ﻧﺮﻓﻌﻚ ﻟﻴﻪ ﺑﻌﺪﻳﻦ ..
ﺣﻨﺎﻥ : ﻭﻋﻼﺵ ﺗﻬﻤﺴﻲ ..
ﺁﻣﻨﻪ : ﻣﺎﻫﻮ ﻣﻤﻨﻮﻉ ...
ﺣﻨﺎﻥ ﺍﻧﺼﺪﻣﺖ " ﻣﺎﻧﻌﻬﻢ ﻣﻦ ﺍﻟﺼﻼﺓ !!!"...
ﻓﺎﺕ ﺍﻟﻮﻗﺖ ﻭﺣﻨﺎﻥ ﻣﺎﺷﻴﻪ ﻟﻤﻜﺘﺒﻪ ﻣﻦ ﺟﺪﻳﺪ ﻛﺎﻥ ﻓﻲ ﺍﺟﺘﻤﺎﻉ ﻣﺼﻐﺮ .. ﺷﺒﺤﺖ ﺍﻟﻌﺎﻣﻼﺕ ﺑﺪﻭﺍ ﻳﻨﻈﻔﻮﺍ
ﻛﺎﻧﺖ ﻓﻲ ﻭﺣﺪﻩ ﻣﺶ ﻉ ﺑﻌﻀﻬﺎ ﺭﻛﺰﺕ ﻋﻠﻴﻬﺎ، ﻓﺎﺗﺖ ﻣﻦ ﺟﻨﺒﻬﻢ ﻣﺘﻮﺟﻬﻪ ﻟﻤﻜﺘﺐ ﻣﻌﺎﻭﻳﻪ ...
ﻭﺣﺪﻩ ﻣﻦ ﺍﻟﻌﺎﻣﻼﺕ ﺷﺎﻓﺖ ﺣﻨﺎﻥ ﻭﻫﻲ ﺗﺸﺒﺢ ﻟﺰﻣﻴﻠﺘﻬﺎ .. ﻗﺮﺑﺘﻠﻬﺎ
: ﻏﻴﺮ ﻟﻴﺶ ﺟﻴﺘﻲ ﺍﻟﻴﻮﻡ ..
: ﻣﺎ ﺍﺋﺪﺭﺵ .. ﻣﺎﻗﻴﺶ .. ﺣﻴﺨﺼﻤﻮﺍ ﻣﻦ ﺍﻟﻤﺮﺗﺐ ..
: ﻭﻳﺨﺼﻤﻮﺍ ﻫﻤﺎ ﻫﺎﻟﻜﻢ ﺩﻳﻨﺎﺭ ..
: ﺍﻟﻜﻢ ﺩﻳﻨﺎﺭ ﺩﻭﻝ ﺑﻴﻌﻤﻠﻮﺍ ﻛﺜﻴﺮ ﺑﺎﻟﻨﺴﺒﺎﻟﻲ ..
: ﻟﻜﻦ ﻭﺟﻬﻚ ﺍﺻﻔﺮ ﻭﺣﺎﻟﺘﻚ ﺣﺎﻟﻪ ...
: ﺍﻧﺎ ﻛﻮﻳﺴﻪ .. ﻳﻠﻼﺍﺷﺘﻐﻠﻲ ﺍﺷﺘﻐﻠﻲ ﺍﺣﺴﻦ ﻣﺎﻳﺸﻮﻓﻨﺎ ﺣﺪ ..
ﺗﻨﻬﺪﺕ ﺯﻣﻴﻠﺘﻬﺎ ﻭﻟﺖ ﻟﺨﺪﻣﺘﻬﺎ ﻭﻫﻲ ﺗﺨﺪﻡ ﺑﺎﻟﺴﻴﻒ .. ﻭﺣﺎﺳﻪ ﺑﺎﻟﻐﺜﻴﺎﻥ ﺑﺲ ﻛﺎﻧﺖ ﺷﺎﺩﻩ ﺭﻭﺣﻬﺎ ...
⚘⚘⚘
ﻛﻤﻠﻮﺍ ﺍﺟﺘﻤﺎﻋﻬﻢ ...
ﻣﻌﺎﻭﻳﻪ : ﻛﻮﻳﺲ ﻳﺎﺑﺎﺵ ﻣﻬﻨﺪﺳﻪ ﺑﺪﺍﻳﻪ ﻗﻮﻳﻪ ..
ﺣﻨﺎﻥ : ﺍﻟﻠﻪ ﺍﻟﻤﻮﻓﻖ .
ﺗﻠﻴﻔﻮﻧﻬﺎ ﺭﻥ ﺑﻤﻨﺒﻪ ﺗﺬﻛﻴﺮ ﺑﺎﻟﺼﻼﻩ .. ﻗﺼﺪﺍ ﺩﺍﺭﺗﻪ .. ﻛﻠﻬﻢ ﺷﺒﺤﻮﻟﻬﺎ ..
ﺣﻨﺎﻥ : ﻫﻴﺎ ﺁﻣﻨﻪ ﺗﻌﺎﻟﻲ ﻭﺭﻳﻨﻲ ﻣﻜﺎﻥ ﺍﻟﺼﻼﻩ ..
ﺁﻣﻨﻪ ﺍﻧﺼﺪﻣﺖ ﻭﺧﺎﻓﺖ ﻫﻠﺒﻪ .. ﻭﻣﻌﺎﻭﻳﻪ ﺗﻔﺎﺟﺊ ﻭﻛﺬﻟﻚ ﺃﻳﻤﻦ
ﻧﻄﺖ ﺇﻗﺒﺎﻝ : ﺍﻟﺸﺮﻛﻪ ﻣﻜﺎﻥ ﻋﻤﻞ .. ﻣﺶ ﻋﺒﺎﺩﺓ ..
ﺣﻨﺎﻥ : ﻳﻌﻨﻲ ﺍﻟﻠﻲ ﻫﻨﻲ ﻳﺎﺧﺪﻭﺍ ﻓﻲ ﺍﺳﺘﺮﺍﺣﻪ ﻟﻠﺼﻼﻩ ﻭﻳﻄﻠﻌﻮﺍ ﻳﺼﻠﻮﺍ ﻓﻲ ﺍﻣﺎﻛﻦ ﻗﺮﻳﺒﻪ؟ !
ﻣﻌﺎﻭﻳﻪ ﺍﻭﻝ ﻣﺮﺓ ﻳﺤﺲ ﺑﺎﻹﺣﺮﺍﺝ ﻫﻜﻲ ..
ﺍﻗﺒﺎﻝ : ﺑﺎﺵ ﻣﻬﻨﺪﺳﻪ ﺑﻌﺪﻳﻦ ﺗﻮ ﻧﻌﻄﻴﻚ ﺗﻘﺮﻱ ﻗﻮﺍﻧﻴﻦ ﺍﻟﻤﻜﺎﻥ ﻫﺬﺍ ﻭﻻﺋﺤﺔ ﺍﻟﻌﻘﻮﺑﺎﺕ ﻭﺣﺘﻠﻘﻲ ﺍﻹﺟﺎﺑﻪ ﻉ ﺃﺳﺌﻠﺘﻚ ..
ﺣﻨﺎﻥ ﺷﺒﺤﺘﻠﻬﺎ ﻭﺷﺒﺤﺖ ﻟﻤﻌﺎﻭﻳﻪ ﻭﻗﺎﻟﺖ : ﺍﻟﻘﻮﺍﻧﻴﻦ ﻭﺍﻟﻌﻘﻮﺑﺎﺕ ﻣﺘﺎﻉ ﺍﻟﺒﺸﺮ ﺗﺘﻌﻄﻞ ﻗﺪﺍﻡ ﻗﻮﺍﻧﻴﻦ ﺍﻟﺨﺎﻟﻖ ﻭﻋﻘﻮﺑﺎﺗﻪ ... ﺍﻣﻨﻪ ﺗﻌﺎﻟﻲ ﻭﺭﻳﻨﻲ ﻣﻜﺎﻥ ﺍﻟﺼﻼﻩ ﻭﻃﻠﻌﺖ ﻭﺭﺍﻫﺎ ﺍﻣﻨﻪ ﺍﻟﻠﻲ ﻛﺎﻧﺖ ﺧﺎﻳﻔﻪ ...
ﺃﻳﻤﻦ : ﻭﻳﻦ ﺍﻟﻤﻜﺎﻥ ﻫﺬﺍ ...
ﻣﻌﺎﻭﻳﻪ ﻃﻠﻊ ﻭﺭﺍﻫﺎ ....
ﻫﻲ ﻛﺎﻧﺖ ﻣﺎﺷﻴﻪ ﻣﻊ ﺁﻣﻨﻪ ..
ﺣﻨﺎﻥ : ﻣﺎﺗﺨﺎﻓﻴﺶ ﻣﺶ ﺣﻴﺎﺧﺪ ﺍﺭﻭﺍﺣﻨﺎ ..
ﺁﻣﻨﻪ : ﻣﻘﻮﻯ ﻗﻠﺒﻚ ...
ﺣﻨﺎﻥ ﺷﺎﻓﺖ ﻟﻠﻌﺎﻣﻠﻪ ﻣﺘﺎﻉ ﺑﻜﺮﻱ ﺧﻼﺹ ﺑﻄﻴﺢ ﻣﻦ ﻃﻮﻟﻬﺎ .. ﻗﺮﺑﺘﻠﻬﺎ ﻭﺣﻄﺖ ﺍﻳﺪﻫﺎ ﻉ ﻛﺘﻔﻬﺎ ..
ﺣﻨﺎﻥ : ﺧﻴﺮﻙ ..
ﺍﻟﻌﺎﻣﻠﻪ ﺧﻼﺹ ﻣﻌﺎﺵ ﻗﺎﺩﺭﻩ ﻛﺎﻧﺖ ﺣﻄﻴﺢ ﺷﺪﺗﻬﺎ ﺣﻨﺎﻥ ... ﺷﺒﺤﺖ ﻟﺤﻨﺎﻥ ﻭﺧﻼﺹ ﻣﻌﺎﺵ ﺗﺤﻤﻠﺖ ﻟﻤﺎ ﺷﻤﺖ ﺭﻳﺤﺔ ﺣﻮﺍﻳﺠﻬﺎ ﺍﻟﻠﻲ ﻛﺎﻧﺖ ﺭﻳﺤﺔ ﻭﺭﺩ ... ﺭﺟﻌﺖ ﻃﻮﻝ ... ﺭﺟﻌﺖ ﻉ ﺣﻨﺎﻥ ..
ﺟﻲ ﻣﻌﺎﻭﻳﻪ ﻭﺷﺎﻑ ﺍﻟﻤﻮﻗﻒ ﻭﻭﺭﺍﻩ ﺍﻳﻤﻦ ﻭﺇﻗﺒﺎﻝ ﺍﻟﻠﻲ ﺍﻧﻘﺮﻓﺖ ..
ﺯﻣﻴﻠﺔ ﺍﻟﻌﺎﻣﻠﻪ ﺑﺨﻮﻑ : ﻣﺴﻜﻴﻨﻪ ﺗﺘﻮﺣﻢ ﻭﻭﺣﻤﻬﺎ ﻭﺍﻋﺮ ..
ﺣﻨﺎﻥ ﺑﻌﺪﺗﻬﺎ ﺷﻮﻳﻪ : ﺷﻦ ﺗﺤﺴﻲ ..
: ﺍﺳﻔﻪ ...
ﺣﻨﺎﻥ ﺷﺪﺗﻬﺎ : ﺁﻣﻨﻪ ﺑﺎﻟﻠﻪ ﻋﻠﻴﻚ ﺧﻮﺩﻱ ﻣﻔﺘﺎﺡ ﺳﻴﺎﺭﺗﻲ ﻣﻦ ﺍﻟﺸﻨﻄﺔ ﻭﺍﻧﺰﻟﻲ ﻟﻮﻃﺎ ...
ﺍﻣﻨﻪ ﻣﺸﺖ ﺗﺠﺮﻱ ﻭﺧﺪﺕ ﺍﻟﺸﻨﻄﻪ ﻭﺧﺪﺕ ﺍﻟﻤﻔﺘﺎﺡ ﻭﻃﺎﺭﺕ ﻃﻮﻝ ...
ﺣﻨﺎﻥ : ﺗﻌﺎﻟﻲ ﺷﺪﻳﻬﺎ ﻣﻌﺎﻱ ... ﺟﺖ ﺯﻣﻴﻠﺔ ﺍﻟﻌﺎﻣﻠﻪ ﻭﺭﻓﻌﻮﻫﺎ ﻟﻸﺻﻨﺼﻴﺮ ﺧﺸﻮﺍ ﻭﻧﺰﻟﺘﻬﺎ ..
ﻫﻮ ﻛﺎﻥ ﻭﺍﻗﻒ ﻣﺬﻫﻮﻝ ﻣﻦ ﺍﻟﻤﻮﻗﻒ ﺍﻟﻌﺎﻣﻠﻪ ﺭﺟﻌﺖ ﻉ ﺣﻮﺍﻳﺠﻬﺎ ﻓﻲ ﻣﻜﺎﻥ ﺍﻟﻌﻤﻞ .. ﻭﻻﺍﻫﺘﻤﺖ ﻛﺎﻧﺖ ﺧﺎﻳﻔﻪ ﻉ ﺍﻟﻤﺮﺍﺓ ﺗﻘﻮﻝ ﺣﺪ ﻣﻦ ﺍﻫﻠﻬﺎ .. ﻻ ﻭﺑﺘﺮﻓﻌﻬﺎ ﻓﺴﻴﺎﺭﺗﻬﺎ ﻓﻮﻕ ﻫﻜﻲ .." ﻫﺎﺩﻱ ﺷﻨﻮ ﺑﺎﻟﺰﺑﻂ ".. ﺗﺤﺮﻙ ﻃﻮﻝ ﻭﻭﻻ ﻟﻤﻜﺘﺒﻪ ﺧﺶ ﻭﺗﻮﺟﻪ ﻟﻠﺮﻭﺷﻦ ﻭﻭﻗﻒ ﻓﻴﻪ ﻳﺸﻮﻑ ﻓﻴﻬﺎ ﻣﻦ ﻓﻮﻕ ..
ﻟﻮﻃﺎ ...
ﻭﺻﻠﺖ ﺣﻨﺎﻥ ﻟﻮﻃﺎ ﻣﻊ ﺍﻟﻌﺎﻣﻼﺕ .. ﻭﻗﺪﺭﻭﺍ ﻳﻮﺻﻠﻮﻫﺎ ﻟﻠﺴﻴﺎﺭﺓ ..
ﺭﻛﺒﺘﻬﺎ ..
ﺣﻨﺎﻥ : ﺍﺭﻓﻌﻴﻬﺎ ﺍﻧﺘﻲ ﺍﻣﻨﻪ .. ﺍﻧﻲ ﺑﻨﺎﺧﺪ ﺗﺎﻛﺴﻲ ﻧﺮﻭﺡ ﻧﺒﺪﻝ ﻭﻧﻮﻟﻲ ..
ﺁﻣﻨﻪ : ﺑﺎﻫﻲ ﺧﻮﺩﻱ ... ﻣﺪﺗﻠﻬﺎ ﺍﻟﺸﻨﻄﻪ ﺧﺪﺗﻬﺎ .. ﻭﻃﻮﻝ ﺭﻛﺒﺖ ﻭﺗﺤﺮﻛﺖ ﺍﻣﻨﻪ ...
ﺍﻟﻌﺎﻣﻠﻪ ﺍﻟﺘﺎﻧﻴﻪ : ﺑﺎﺭﻙ ﺍﻟﻠﻪ ﻓﻴﻚ ..
ﺣﻨﺎﻥ ﺍﺑﺘﺴﻤﺖ : ﻭﻓﻴﻚ ﺑﺎﺭﻙ ﺍﻟﻠﻪ ..
ﺣﻨﺎﻥ ﻭﻗﻔﺖ ﺗﺎﻛﺴﻲ ﻭﺧﺸﺖ ﻭﺍﻋﺘﺬﺭﺕ ﻫﻠﺒﻪ ﻉ ﺣﺎﻟﺘﻬﺎ ﻭﻗﺎﻟﺘﻠﻪ ﻭﻳﻦ ﻳﻮﺻﻠﻬﺎ ﻭﺗﺤﺮﻙ ﻃﻮﻝ ..
ﻣﻌﺎﻭﻳﻪ ﻛﻤﻴﺔ ﻣﺸﺎﻋﺮ ﻭﺃﺣﺎﺳﻴﺲ ﻣﻊ ﺑﻌﻀﻬﺎ ﻛﺎﻧﺖ ﺩﺍﻳﺮﻩ ﻓﻲ ﺩﺍﺧﻠﻪ ﺛﻮﺭﺓ ﻋﺎﺭﻣﻪ .. ﻭﺻﺪﺭﻩ ﻳﺮﻛﺐ ﻭﻳﻨﺰﻝ ﻣﻦ ﻗﻮﺓ ﺩﻗﺎﺕ ﻗﻠﺒﻪ ﺍﻟﻠﻲ ﺧﻠﺖ ﺗﻨﻔﺴﻪ ﻳﺴﺮﻉ ...
⚘⚘⚘⚘
ﺭﻭﺣﺖ ﺣﻨﺎﻥ ﻟﻠﺤﻮﺵ ﻟﻘﺖ ﻟﺒﻨﻰ ﻛﻴﻒ ﻣﺮﻭﺣﻪ ﺧﺎﻓﺖ ﻟﻤﺎ ﺷﺎﻓﺖ ﺣﺎﻟﺔ ﺍﻣﻬﺎ ...
ﺣﻨﺎﻥ : ﻣﺎﻓﻲ ﺷﻲ ﻳﺎﻣﺎﻣﺎ ... ﻓﺘﺤﺖ ﺍﻟﺒﺎﺏ ﻭﺧﺸﺖ ﺷﺎﻓﺘﻬﺎ ﺳﺎﻟﻤﻪ ﺧﺎﻓﺖ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﺣﻨﺎﻥ ﺑﻀﺤﻜﻪ : ﺧﻴﺮﻛﻢ ﻣﺎﻓﻲ ﺷﻲ ﻭﺭﻛﺒﺖ
ﺧﺸﺖ ﺣﻨﺎﻥ ﻟﺪﺍﺭﻫﺎ ﻃﻠﻌﺖ ﺣﻮﺍﻳﺞ ﻭﺧﺸﺖ ﻟﻠﺤﻤﺎﻡ .. ﺩﻭﺷﺖ ﻭﻟﺒﺴﺖ ﻭﺻﻠﺖ ... ﻭﺷﻮﻳﻪ ﻭﻧﺰﻟﺖ ﺑﺘﻄﻠﻊ ﺗﻮﻟﻲ ﻟﻠﺨﺪﻣﻪ ..
ﻓﻲ ﺍﻟﺸﺮﻛﻪ ..
ﺁﻗﺒﺎﻝ : ﺍﻟﻤﻤﺮ ﺭﺍﻳﺢ ﺣﺎﻟﻪ ..
ﺍﻳﻤﻦ ؛ ﺑﺎﻫﻲ ﻓﻬﻤﻨﺎ ﺟﺒﻨﺎ ﻣﻦ ﻳﻨﻀﻔﻪ ﺭﻳﺤﻴﻨﺎ ...
ﺍﻗﺒﺎﻝ ﺷﺒﺤﺘﻠﻪ ﺑﻐﻞ ..
ﺷﻮﻳﻪ ﻭﻃﻖ ﺍﻟﺒﺎﺏ ﻭﺧﺸﺖ ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ...
ﻣﻌﺎﻭﻳﻪ ﺟﺎﻫﺎ : ﺍﻧﺘﻲ ﻛﻮﻳﺴﻪ؟
ﺣﻨﺎﻥ ﺑﺈﺳﺘﻐﺮﺍﺏ : ﺍﻳﻪ ﻋﻼﺵ؟
ﻣﻌﺎﻭﻳﻪ ﺑﺮﺑﻜﻪ : ﻻﻫﻜﻲ ﻳﻌﻨﻲ ...
ﺍﻳﻤﻦ : ﻣﻌﻘﻮﻟﻪ ﻣﺮﻳﻀﻪ ﻫﻜﻲ ﻭﺟﺎﻳﻪ ﺗﺨﺪﻡ ..
ﺣﻨﺎﻥ : ﻣﻦ ﺍﻟﺨﻮﻑ ..
ﻣﻌﺎﻭﻳﻪ : ﺧﻮﻑ؟ !
ﺣﻨﺎﻥ : ﻣﻦ ﺍﻟﻘﻮﺍﻧﻴﻦ ﻭﺍﻟﻌﻘﻮﺑﺎﺕ ... ﻭﺷﺒﺤﺖ ﻷﻗﺒﺎﻝ
ﻣﻌﺎﻭﻳﻪ ﺯﺍﺩ ﺣﺲ ﺑﺎﻹﺣﺮﺍﺝ .. ﺣﺲ ﺍﻧﻪ ﺍﻧﺴﺎﻥ ﺳﻲﺀ ﻫﻠﺒﻪ ... ﻭﻣﺎﻋﻨﺪﺍﺵ ﻗﻠﺐ ﻭﻻﺭﺣﻤﻪ ..
ﻣﻌﺎﻭﻳﻪ : ﺍﺣﻤﻢ .. ﻫﻴﺎ .. ﺧﻞ ﻧﻮﻟﻮﺍ ﻟﻠﺨﺪﻣﻪ ...
ﻭﻟﻮﺍ ﻳﺨﺪﻣﻮﺍ ﻣﻦ ﺟﺪﻳﺪ .. ﻭﻳﺘﻜﻠﻤﻮﺍ ﺑﺨﺼﻮﺹ ﺍﻟﻤﺸﺮﻭﻉ .. ﺷﻮﻳﻪ ﻭﺟﺘﻬﻢ ﺁﻣﻨﻪ ﺍﻟﻠﻲ ﻗﺎﻟﺘﻬﺎ ﺍﻥ ﺍﻟﻌﺎﻣﻠﻪ ﺩﺍﺭﻭﻟﻬﺎ ﺗﻐﺬﻳﻪ ﻭﺣﺎﻟﻬﺎ ﺍﺣﺴﻦ ﻭﺟﺎﻫﺎ ﺯﻭﺟﻬﺎ ﺑﻌﺪ ﺑﻠﻐﺎﺗﻪ ...
ﻗﺒﻞ ﺍﻟﻌﺼﺮ ﺑﺴﺎﻋﻪ ﻛﻤﻠﻮﺍ ..
ﻭﻛﺎﻧﻮﺍ ﻃﺎﻟﻌﻴﻦ ... ﺍﻳﻤﻦ ﺳﺒﻘﻬﻢ .. ﺑﻌﺪﻩ ﻃﻠﻌﺖ ﺃﻣﻨﻪ .. ﻭﻗﻌﺪﻭﺍ ﺍﻗﺒﺎﻝ ﻭﺣﻨﺎﻥ ﺍﻟﻠﻲ ﻛﺎﻧﺖ ﺗﺘﻜﻠﻢ ﻣﻊ ﻣﻌﺎﻭﻳﻪ ..
ﻣﻌﺎﻭﻳﻪ : ﺣﻨﻄﻞ ﻋﻠﻴﻜﻢ ﺑﻴﻦ ﺍﻟﻔﺘﺮﺓ ﻭﺍﻟﺘﺎﻧﻴﻪ ..
ﺣﻨﺎﻥ : ﺗﻤﺎﻡ .." ﻳﻘﺼﺪ ﻣﻮﻗﻊ ﺍﻟﻤﺸﺮﻭﻉ "
ﺍﻗﺒﺎﻝ ﺗﺸﺒﺤﻠﻬﻢ ﻭﻣﺮﻛﺰﻩ ﻉ ﻣﻌﺎﻭﻳﻪ ﻛﻴﻒ ﻳﺘﻐﻴﺮ ﺣﺎﻟﻪ ﻭﻳﻀﻌﻒ ﻗﺪﺍﻡ ﺣﻨﺎﻥ .. ﻭﺑﺪﻱ ﻛﺮﻫﻬﺎ ﻟﺤﻨﺎﻥ ﻳﺰﻳﺪ .. ﻭﻟﻮ ﺗﺄﻛﺪﺕ ﻣﻦ ﺍﻟﻠﻲ ﻓﺒﺎﻟﻬﺎ ﻣﺶ ﺣﺘﺨﻠﻲ ﺣﻨﺎﻥ ﻓﻲ ﺣﺎﻟﻬﺎ ...
ﻃﻠﻌﻮﺍ ﻫﻤﺎ ﺗﻼﺛﻪ ﻭﺭﻛﺒﻮﺍ ﺍﻷﺻﻨﺼﻴﺮ ﻣﻊ ﺑﻌﺾ ﻭﻳﻦ ﻭﺻﻠﻮﺍ ﻟﻮﻃﺎ ﺳﻤﻌﻮﺍ ﺻﻮﺕ ﺩﻭﺷﻪ ﻭﺻﻴﺎﺡ ..
ﻣﻌﺎﻭﻳﻪ : ﺷﻨﻮ ﻫﺬﺍ .. ﻭﻗﺪﻡ ﻭﻣﺸﻮﺍ ﻭﺭﺍﻩ ﺣﻨﺎﻥ ﻭﺍﻗﺒﺎﻝ ...
ﻟﻘﻮﺍ ﺍﻳﻤﻦ ﻳﺘﻌﺎﺭﻙ ﻫﻮ ﻭﺍﺣﺪ ﻭﺷﺎﺩﻳﻨﻬﻢ ﻉ ﺑﻌﺾ ..
ﻣﻌﺎﻭﻳﻪ : ﺷﻦ ﺍﻟﻠﻲ ﻗﺎﻋﺪ ﻳﺼﻴﺮ ﻫﻨﺎﻳﺎ ..
ﺍﻟﻤﺸﺮﻱ ﺭﺍﺟﻞ ﺍﺧﺖ ﺍﻳﻤﻦ : ﻫﺎﺍﺍﻩ .. ﻫﺬﺍ ﻫﻮ ﺍﻟﻤﺘﺤﺎﻣﻲ ﺑﻴﻪ ﺍﻫﺎﺍﺍ .. ﺗﺤﺴﺎﺑﻪ ﺑﻴﺨﻮﻓﻨﻲ ...
ﺍﻳﻤﻦ : ﺍﻃﻠﻊ ﻳﺎﺣﻴﻮﺍﻥ ﺑﺮﺍ ... ﻛﺎﻧﻚ ﺭﺍﺟﻞ ﺗﻼﻗﻴﻨﻲ ﺑﺮﺍ ﻣﺶ ﻫﻨﻲ
ﺍﻟﻤﺸﺮﻱ : ﺭﺍﺟﻞ ﻭﻏﺼﺐ ﻋﻦ €£¥₩$
ﺣﻨﺎﻥ : ﺍﻋﻮﺫ ﺑﺎﻟﻠﻪ ..
ﻣﻌﺎﻭﻳﻪ ﻗﺪﻡ : ﺷﻦ ﺗﺒﻲ ﺑﺎﻟﺰﺑﻂ ..
ﺍﻟﻤﺸﺮﻱ : ﻧﺒﻲ ﻣﺮﺗﻲ ﻳﺎ €¥¥₩$
ﻣﻌﺎﻭﻳﻪ ﺑﻌﺼﺒﻴﻪ : ﺿﻢ ﻓﻤﻚ ﻳﺎﻭﺳﺦ .. ﺍﻧﺖ ﻫﻨﻲ ﻓﻤﻜﺎﻥ ﻣﺤﺘﺮﻡ ..
ﺍﻟﻤﺸﺮﻱ : ﻣﺶ ﺿﺎﻣﻪ ﺷﻦ ﺑﺪﻳﺮﻟﻲ ﻫﻲ ..
ﻗﺪﻣﻮﺍ ﺭﺟﺎﻟﺔ ﻣﻌﺎﻭﻳﻪ .. ﻭﻗﻔﻬﻢ ﺑﺤﺮﻛﻪ ﺍﻳﺪﻩ
ﻣﻌﺎﻭﻳﻪ : ﺧﻠﻴﻨﺎ ﻧﺘﻔﺎﻫﻤﻮﺍ ﺑﺎﻟﻌﻘﻞ ﺍﻓﻀﻞ ..
ﺍﻟﻤﺸﺮﻱ ﻗﺪﻡ : ﻑ ﻋﺮﺿﻲ ﻣﺎﻧﺘﻔﺎﻫﻤﺶ .. ﻭﺍﻧﻲ ﻋﺎﺭﻓﻚ ﺍﻧﺖ ﺍﻟﻠﻲ ﻭﺭﺍﻫﺎ ... ﻭﺍﻧﻲ ﻣﺶ ﺧﺎﻳﻒ ﻣﻨﻚ ﻭﻻﻫﻤﻲ ﻓﻠﻮﺳﻚ ﻧﺒﻲ ﻣﺮﺗﻲ ﺑﺲ ..
ﺃﻳﻤﻦ : ﻉ ﺟﺘﺜﻲ ﻣﺎﺯﺍﻝ ﺗﺸﻮﻓﻬﺎ ..
ﺍﻟﻤﺸﺮﻱ ﺟﻲ ﺑﻴﻘﺪﻡ ﻷﻳﻤﻦ ﻳﻀﺮﺑﻪ ﺷﺪﻩ ﻣﻌﺎﻭﻳﻪ .. ﻧﻔﺾ ﺍﻟﻤﺸﺮﻱ ﻳﺪ ﻣﻌﺎﻭﻳﻪ ﻭﺿﺮﺑﻪ ﺑﻮﻛﺲ ﺧﻼ ﻣﻌﺎﻭﻳﻪ ﻳﻮﺧﺮ ﺷﻮﻳﻪ ..
ﺍﻟﻨﺴﺎﻭﻳﻦ ﻋﻴﻄﻮﺍ .. ﺍﻗﺒﺎﻝ ﺣﺴﺖ ﺑﺎﻟﻀﺮﺑﻪ ﻓﻘﻠﺒﻬﺎ .. ﺍﻣﺎ ﺣﻨﺎﻥ ﺭﻋﺸﺖ ﻟﻤﺎ ﺍﻧﻀﺮﺏ ...
ﻗﺪﻣﻮﺍ ﺭﺟﺎﻟﺔ ﻣﻌﺎﻭﻳﻪ ﺑﻴﻀﺮﺑﻮﻩ ...
ﻣﻌﺎﻭﻳﻪ : ﺧﻠﻮﻩ ..
ﺍﻟﻤﺸﺮﻱ : ﻫﻬﻬﻬﻪ ... ﺷﻦ ﺑﺪﻳﺮ ﻳﻌﻨﻲ .. ﺭﺟﺎﻟﺘﻚ ﺍﻟﻤﺘﺤﺎﻣﻲ ﻓﻴﻬﻢ ﻫﺎﺩﻡ ﻭﻻ ﻣﻌﺒﺮﻫﻢ ﻳﻤﺸﻮﺍ $&£₩$.. ﻛﺎﻧﻚ ﺭﺍﺟﻞ ﺭﺩﻫﺎﻟﻲ ﺑﺮﻭﺣﻚ ..
ﻣﻌﺎﻭﻳﻪ ﺿﺒﻂ ﻧﻔﺴﻪ ﻫﻠﺒﻪ ﻫﻮ ﻧﻔﺴﻪ ﻣﺴﺘﻐﺮﺏ ﻛﻴﻒ ﻣﺎﺧﻼﻫﻤﺶ ﻳﻄﺒﻮﻩ ﻭﻳﻌﻄﻮﻩ ﻃﺮﻳﺤﻪ ﻭﻳﻠﻮﺣﻮﻩ ﺯﻱ ﻣﺎﻛﺎﻥ ﻳﺪﻳﺮ ﻣﻊ ﺍﻱ ﺣﺪ ﻳﻄﺎﻭﻝ ﻋﻠﻴﻪ .. ﻭﻓﻬﺎﻟﻤﻮﻗﻒ ﺷﺪ ﺭﻭﺣﻪ ﻫﻠﺒﻪ .. ﻟﻜﻦ ﻟﻜﻞ ﺷﻲ ﺣﺪﻭﺩ ...
ﻣﺪ ﺷﻨﻄﺘﻪ ﻟﻮﺍﺣﺪ ﻣﻦ ﺭﺟﺎﻟﺘﻪ ﻭﺣﻮﻝ ﺟﺎﻛﻪ ﻭﻋﻄﻬﺎﻟﻪ ... ﻭﻓﺘﺢ ﺑﻄﻢ ﻛﻤﺎﻡ ﺳﻮﺭﻳﺘﻪ ﻭﻗﻌﺪ ﻳﺘﻨﻲ ﻓﻴﻬﺎ ...
ﺣﻨﺎﻥ ﺑﺨﻮﻑ : ﻫﺬﺍ ﺷﻦ ﺑﻴﺪﻳﺮ !!
ﻗﺪﻡ ﻟﻠﻤﺸﺮﻱ : ﺗﻮ ﻧﻌﻠﻤﻚ ﻛﻴﻒ ﺗﻮﻟﻲ ﺭﺍﺟﻞ ... ﻭﺑﺤﺮﻛﻪ ﺳﺮﻳﻌﻪ ﺷﺪ ﺭﺍﺱ ﺍﻟﻤﺸﺮﻱ ﻧﺰﻟﻪ ﻟﺮﻛﺒﺘﻪ ﻭﺧﺒﻄﻪ ﻋﻠﻴﻬﺎ .. ﻭﺭﺟﻊ ﺭﻓﻌﻠﻪ ﺭﺍﺳﻪ ﻭﻋﻄﺎﻩ ﺑﻮﻛﺲ ﻟﻴﻦ ﻭﺧﺮ ... ﻭﻻﺍﻟﻤﺸﺮﻱ ﺑﻴﻀﺮﺑﻪ ﺑﻮﻛﺲ .. ﺷﺪﻟﻪ ﻣﻌﺎﻭﻳﻪ ﺍﻳﺪﻩ ﻭﺟﺒﺪﻫﺎ ﻭﻛﺴﺮﻟﻪ ﺳﺎﻋﺪﻩ ﻭﺩﻓﻪ ﻭﻃﺎﺡ ﺍﻟﺮﺍﺟﻞ ﻋﻴﻂ ﻣﻦ ﺍﻷﻟﻢ .. ﻣﻌﺎﻭﻳﻪ ﻗﺪﻡ ﺑﻴﻀﺮﺑﻪ ﻛﺎﻟﺸﻮﺍﺕ ﻭﻫﻮ ﻃﺎﻳﺢ ..
" ﻣﻌﺎﺍﺍﻭﻳﻪ "..
ﻓﻲ ﺍﺧﺮ ﻟﺤﻈﻪ ﻭﺧﺮ ﺟﻤﺮﺓ ﻭﻃﺎﺣﺖ ﻑ ﻣﻴﻪ ﻟﻤﺎ ﺳﻤﻌﻬﺎ ﻧﺎﺩﺍﺗﻪ ..
ﻭﺧﺮ ﻭﻗﺎﻝ ﻟﺮﺟﺎﻟﺘﻪ : ﻟﻮﺣﻮﻩ ﺑﺮﺍ ...
ﻗﺎﻣﻮﻩ ﻭﻃﻠﻌﻮﻩ ﺑﺮﺍ ...
ﺍﻳﻤﻦ ﺟﺎﻩ : ﻣﺶ ﻗﺘﻠﻚ ﺍﻧﻲ ﻫﺬﺍ ﻛﻠﺐ ﻭﻭﺳﺦ ﻭﻣﺶ ﺣﻴﻬﻨﻲ ﺭﻭﺣﻪ ..
ﻣﻌﺎﻭﻳﻪ : ﺗﻮﻧﺘﺼﺮﻑ ﻣﻌﺎﻩ ﻣﺎﺩﻭﺭﺵ ..
ﺍﻳﻤﻦ : ﺍﺳﻒ ﺍﻟﻌﺎﺭ ﺍﻟﻠﻲ ﺻﺎﺭ ﻫﻨﻲ ﺑﺴﺒﻲ ..
ﻣﻌﺎﻭﻳﻪ : ﺍﺳﻜﺖ ﺍﺣﺴﻦ .. ﻗﺪﻡ ﻟﻮﺍﺣﺪ ﻣﻦ ﺭﺟﺎﻟﺘﻪ ﺧﺪﻱ ﺟﺎﻛﺘﻪ ﻭﺷﻨﻄﺘﻪ ﻭﺗﻠﻔﺖ ﻟﻘﺎﻫﺎ ﺗﺸﻮﻓﻠﻪ ﻭﻋﻴﻮﻧﻬﺎ ﻣﻌﺒﻴﺎﺍﺕ ﺩﻣﻮﻉ ... ﻗﺪﻡ
ﻣﻌﺎﻭﻳﻪ : ﺍﺳﻒ .. ﺑﺲ ﻫﺎﺩﺍ ﺍﻟﻠﻲ ﻳﻤﺸﻲ ﻣﻊ ﺍﻟﻠﻲ ﺯﻳﻪ ..
ﺍﻗﺒﺎﻝ : ﻛﺴﺮﺓ ﺗﻜﺴﺮﻩ ﺍﻥ ﺷﺎﺀ ﺍﻟﻠﻪ ...
ﺣﻨﺎﻥ : ﺍﻛﺜﺮ ﻣﻦ ﻫﻜﻲ !!
ﺍﺑﺘﺴﻢ ﻣﻌﺎﻭﻳﻪ : ﺍﻗﺒﺎﻝ ﺑﺮﻱ ﺷﻮﻓﻲ ﻛﺎﻥ ﺣﺪ ﺻﻮﺭ ﺣﺎﺟﻪ ..
ﺇﻗﺒﺎﻝ؛ ﺗﻤﺎﻡ ... ﻭﻣﺸﺖ ..
ﻣﻌﺎﻭﻳﻪ : ﺧﻔﺘﻲ؟
ﺣﻨﺎﻥ : ﺍﻭﻝ ﻣﺮﺓ ﻧﺤﻀﺮ ﻋﺮﻛﻪ ﻻﻳﻒ ...
ﻣﻌﺎﻭﻳﻪ ﺑﻀﺤﻜﻪ : ﺑﻄﻮﻝ ﻋﻤﺮﻙ ..
ﺣﻨﺎﻥ : ﺍﻋﻮﺫ ﺑﺎﻟﻠﻪ ..
ﻃﻠﻌﻮﺍ ﻫﻤﺎ ﺍﻟﺰﻭﺯ ... ﻭﻗﻔﻮﺍ ﻉ ﺍﻟﻄﺮﻳﻖ
ﺣﻨﺎﻥ ﺷﺒﺤﺘﻠﻪ : ﻣﺘﺪﺭﺏ ﻉ ﻓﻨﻮﻥ ﻗﺘﺎﻝ؟
ﻣﻌﺎﻭﻳﻪ ﺍﺑﺘﺴﻢ : ﻳﻌﻨﻲ ﻫﻮﺍﻳﻪ ﻛﺎﻧﺖ ﺍﻳﺎﻡ ﺍﻟﻤﺮﺍﻫﻘﻪ ..
ﺣﻨﺎﻥ : ﻭﻟﺘﻮﺍ ﻗﺎﻋﺪ ﺑﻠﻴﺎﻗﺘﻚ؟
ﻣﻌﺎﻭﻳﻪ : ﻣﺎﺯﻟﺖ ﻣﻬﺘﻢ ... ﻭﺑﻌﺪﻳﻦ ﺍﻧﻲ ﻣﺶ ﻛﺒﻴﺮ ﻟﻬﺎﻟﺪﺭﺟﻪ ..
ﺣﻨﺎﻥ ﺍﺑﺘﺴﻤﺖ ﻭﺳﻜﺘﺖ ﻭﻫﻮ ﺷﺒﺢ ﺍﻟﻘﺪﺍﻡ ..
ﺣﻨﺎﻥ ﺷﺒﺤﺘﻠﻪ : ﻋﻴﻨﻚ ..
ﺷﺒﺤﻠﻬﺎ : ﺷﻨﻮ؟
ﺣﻨﺎﻥ : ﺗﺤﺖ ﻋﻴﻨﻚ ﺍﺯﺭﻕ ﻭﺑﻌﺪﻳﻦ ﺗﻮ ﻳﻨﺘﻔﺦ ..
ﻣﻌﺎﻭﻳﻪ ﺍﺑﺘﺴﻢ : ﺗﻮ ﻧﻤﺸﻲ ﻧﺪﺍﻭﻳﻬﺎ ..
ﺣﻨﺎﻥ : ﻛﻮﻳﺲ ...
ﺟﺖ ﺳﻴﺎﺭﺓ ﻣﻌﺎﻭﻳﻪ ﻧﺰﻝ ﺍﻟﺴﻮﺍﻕ ﻓﺘﺤﻠﻪ ﺍﻟﺒﺎﺏ .. ﻭﺷﻮﻳﻪ ﻭﺟﺖ ﺳﻴﺎﺭﺗﻬﺎ ...
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﻣﻊ ﺍﻟﺴﻼﻣﻪ ..
ﺣﻨﺎﻥ : ﻓﺄﻣﺎﻥ ﺍﻟﻠﻪ ...
ﻭﻛﻞ ﺣﺪﻓﻴﻬﻢ ﺭﻛﺐ ﺳﻴﺎﺭﺗﻪ ﻭﻣﺸﻮﺍ ...
ﺣﺪﻳﺘﻬﻢ ﻭﻫﻤﺎ ﻳﺴﺘﻨﻮﺍ ﻓﻲ ﺍﻟﺴﻴﺎﺭﺍﺕ ﻛﺎﻥ ﻉ ﻣﺮﺉ ﻧﻀﺎﻝ ﺍﻟﻠﻲ ﻛﺎﻥ ﺟﺎﻱ ﻭﻧﺎﻭﻱ ﻳﺮﻭﺡ ﺑﻴﻬﺎ ﻭﺍﻧﻘﻬﺮ ﻗﻬﺮﺓ ﻗﻮﻳﻪ ﻟﻤﺎ ﺷﺎﻓﻬﺎ ﻭﺍﻗﻔﺔ ﺗﻬﺪﺭﺯ ﻣﻊ ﻣﻌﺎﻭﻳﻪ ..
ﺣﺲ ﺭﻭﺣﻪ ﻛﺘﻠﺔ ﻟﻬﻴﺐ .. ﻣﺎﺗﻘﻮﻟﺶ ﻫﻮ ﻧﻔﺴﻪ ﺍﻟﻠﻲ ﻗﺎﻟﻠﻬﺎ ﻣﻦ ﻗﺒﻞ 5 ﺷﻬﻮﺭ ..." ﻧﻄﻠﻘﻚ ﻭﻋﻴﺸﻲ ﺣﻴﺎﺗﻚ "...
ﺑﺎﻟﺴﻴﻒ ﺣﺮﻙ ﺳﻴﺎﺭﺗﻪ ﻭﻫﻮ ﺑﻴﻤﻮﺕ ﻣﻦ ﺍﻟﻐﻴﺮﺓ .. ﻏﻴﺮﻩ ﻧﺎﺭﻫﺎ ﻛﻼﺗﻪ ﻣﺎﻛﻠﻪ ...
.... ﻳﺘﺒﻊ
٠٨ / ١١ / ٢٠٢٠ · Facebook for Android ·
