ج٢البارت ٢٩
الحب الحرام
البقيه بحياتج
فتحت عيني جفلت بمكاني جنت احلم حسام هجموا عليه وانكتل وسلام يتصل عليه يكلي البقيه بحياتج
بقيت مصطكة بمكاني وابجي خايفه خاف مو حلم
درت وجهي باوعت سمر نايمه والدنيا ظلمة بعدهي جريت الموبايل كتبت بالبحث حبيبي جنت كاتبته حبيبي ومغيرتهه من ذاك اليوم نسيت اغير اسمه
ردت اتصل ردت اسمع صوته حتى ارتاح
وتراجعت
ليلى تعرفين هذا حلم كعدي وسكتي لتتصلين
احس انفاسي سريعه ونغزه بصدري
كمت كعدت على حيلي اريد اشم هوى اريد النغزه تروح اريد ارتاح وماافكر بشي حتى النوم صار زقوم عليه رحت للشباك وخرت البرده وفتحت الشباك وطلعت راسي شويه وجريت نفس
اااخ ياللهي همومي هواي مااعرف بيا هم افكر
يارب ...يارب ساعدني وانطيني الصبر ماريد غير بس اصبر ومااضعف الكلشي
- [ ] بقيت اباوع على النجوم بردت سديت الشباك وبقيت واكفه الحد ما أذن تمعنت بصوت الاذان
وهو يصيح اللـــَّـــه أكبــــــــر اللـــَّـــه أكبــــــــر
غمضت عيني وكمت استمع
شكد حلو هذا الصوت انطاني سكون واطمئنان بداخلي
طلعت توضيت ونزلت ردت اخذ سجاده وتربه لكيت مرت عمو كاعده بالاستقبال تقرأ قران من شافتني كالت صدق الله العظيم وابتسمت
ام ادم-شمكعدج بهذا الوكت
ليلى-فزيت على صوت الاذان ونزلت اخذ سجاده انتِ من زمان كاعده
ام ادم- منايمه اصلاً
ليلى-شعجب
ام ادم-اصلي صلاة الليل واقرأ قرآن شويه
ليلى-يوميه
ام ادم -يوميه ومرات اذا مريضه انام بس بيوم الي مااصلي واقرأ قرآن اختنك ويضيق بيه النفس
ومرات الدنيا تزاحم عليه الهموم الجئ للقرآن
مره تمرضت وكعت بالفراش كلش انتهيت
يعني وصلت مرحله اكول راح اموت جنتي متزوجه سألي امج ابجي من الوجع
جنت كل مااكول موجوعه ومااحس العلاج يفيدني
يكلي عندي الج علاج والله مفعوله سريع وقوي
اتعصبت وكتله متشوفني موجوعه ليش متنطينيا لعد
كام من يمي وجابلي القران كتله تضحك عليه انت واني موجوعه
كال مااضحك صار كم مره اكلج القران هو علاجج سمعي مني هالمره واقري وشوفي اذا متسكن الوجع
كتله تعبانه كلي جربي شويه شويه راح ينزاح تعبجً اقري سورة البقرة هي علاج وشفائ الكل مريض
وصدك ياليلى التزمت بسورة البقره والله وشويه شويه رجعتلي عافيتي
بس اني مو مريضه
هي شففاء الكلشي للمرض للتعب لضيق النفس للتابعه كومه اسرار بيه
ليلى-باوعت عليهه وابتسمت
واذا الانسان ضميره يأنبه عمه شيسوي هم يقره سورة البقره
ام ادم-يستغفر لعد المن رب العالمين ذكرلنه الاستغفار حتى تخف ذنوبنا من كدما رحيم وغفور ذكرلنه الاستغفار حتى تخف ذنوبنا لان الانسان مو معصوم من الغلط
