الحب الحرام
البارت ٢٧
بقلمي العبوديه
اخو هشام الاكبر منه سليم صار صياح بينهم طلعت من المطبخ بسرعه اريد اسمع شكو وشصار عرفت اني سبب الصياح
سليم-انت شوكت تصيررررر انسان ناضج باوع عمرك ولدك اهتم الهم احفاد عندك ويوميه ويه وحده محجينا بس تريد تستمر بهذا الزواج مو بس ولدك يعارضوك حتى اني مااسمحلك
هشام-انت وله ولدي مالكم حق تتدخلون بحياتي
وبعدين اني ممقصر ويه ولدي حتى تجي تنطيني محاضره
سليم-ولدك كل واحد بمكان وانت تكول ممقصر
هشام-ولدي كبار ومأسسين حياتهم ومطارد احد بيهم
همه احرار باختيارهم وين يعيشون ومو من حق احد يگلي اطلك انسانه احبهه وعايش وياهه ومرتاح ومستقر
سليم-مستقر ويه وحده اصغر من ولدك
هشام-هذا شي راجع الي مو الاحد ومااسمح الاي احد يتدخل بحياتي
سليم-وحده مستقر وياهه وهي تدور فلوسك هذا الاستقرار
هشام-ممضطر ابرر موقفهه والفلوس فلوسي وتعبي اني حر بيهن
سليم-لا مو حر بيهن
هشام-اذا متت كل واحد راح ياخذ حصته من الورث ممسجل كلشي بأسمهه حتى يفكرون بالورث وعيب عليهم يفكرون بالورث واني عايش وخشمي يشم الهوى
صار صياح بينهم وعرفت كل هذا لان
ممطلكني الحد هسه هذا الشي قلقهم جنت واكفه يم المطبخ اسمع طلع سليم واول مصارت عيني بعينه خزرني اني گبل دخلت للمطبخ
بعدهه سمعت الباب انركع بقه هشام بمكتبه ابد مطلع
اخر شي رحتله دخلت للمكتب الخوف جان واضح بعيوني بس مااكدر احجي
شهلاء-حبيبي جوعان
هشام-لا ماريد مااشتهي
راح اصعد انام
شهلاء-من يومهه وبده الضغط على هشام يطلبون منه يطلكني والخوف يوم بعد يوم يزيد اذا طلكني هشام اضيع ومو بس اضيع ابين اثبت للكل اني رخيصه
صار ضغط وتدخلات من كل الجهاتالي تخص هشام وكل واخد يتدخل يذكرني اني وحده رخيصه
يوم اخو الجبير وبعدهه الاصغر من هشام واتصالات من ابنه هو يحاول ميحسسني بهذا الشي وبثينه رجعت وتحاربني وتحارب ابوهه على الطلاك وكل متشوفني ترزلني وتذكرني بأصلي شنو وصلت مرحله اتجنب انزل من الغرفه
وماريد الجئ بعد الشي حرام واتصل بخاله
قررت اكطع حبوب منع الحمل بدون مااكله
يوم بعد يوم زاد اللحاحهم يطلكني حسيته بده يتغير وياي شويه شويه زاد خوفي صرت اربعه وعشرين ساعه حزينه ومكسوره وخايفه خايفه يعوفني
الايام الي عشتهن بدلاله خلني اتعلق بي
الى ان بيوم نزلت الصبح تفاجئت لكيت بنيه صغيره حلوه وبثينه كالت الخدامه الجديده خدامه بس خدامه من ذني الخدامات الحلوات اصلاً مستحيل تتسمى خدامه وعرفت هنا قصدهم يسحبو مني لان يعرفون هو يحب النسوان اتصلت عليه جان طالع مجاوبني ومن اجه كتله بثينه جايبه خدامه
