الحب الحرام
بقلمي زينب العبودي
ج٢/البارت 6
ملاحظه/بلا تدقيق
كام مخروع حاتم وركض ورحع شمر عليه حجاب
حاتم-ستري روحج فريده
فريده-حاتم ....حاتم لتعوفني فدوه الزمني اخاف ...شكاعد يصير اني خايفه حيل
حسيت حاتم عثر رجع عليه جر الحجاب مني لبسنيا
حاتم-كولي يالله ماكو شي لتخافين اني بلغت على فياض اكيد اجه ولزموه
فريده-لزمت ايده حاتم خايفه حيل باسني من راسي وراح للباب جانت دكاتهم كلش قويه الدرجة الباب احسه يريد ينخلع دخلو وگبل صاحو على حاتم لتتحرك
-لتتحرك
فريده-كمت بسرعه واني ارجف من الخوف واصيح حاتم ...حاتم
اول مره بحياتي اخاف الهاي الدرجه واصعب شي جنت مااشوف شي كلشي كلشي مجهول بس اصوات اسمع حسيت الدنيا بارده حيل من كد ما جسمي يرجف
-ووووين فياض جاووووب
حاتم-مااعرف
-فتشووو الغرفه
فريده-بصوت يرجف حاتم ....حاتم فدوه وينك كلشي مجنت اشوف غير بس اسمع اصوات البيت انهجم وذاك يتجاوز على حاتم وحاتم يصيح ويمكن ضربوا واني اتلمس وادور عليه الحد ما انردمت بجسم زاد خوفي كبل رجعت بخطواتي ودرت ونزلت دموعي رغم ضحيج والهوسه منزلت دمعتي بس من انردمت بالجسم نزلت دمعتي استصعبت عدم الفهم للوضع الي كاعد يصير وتأذيت لان مااكدر اوصل الحاتم
حاتم-كعدي يمج فريده لتتحركين .......كتلكم مااعرف وين فياض اني بلغت
فريده- حاتم ....وينك حاتم
حاتم-فرريده كعدي بمكانج لتتحركين ابد
فريده-كعدت كبل ودنكت راسي وغمضت عيني حيل اسمع بس التحركات تمنيت بهاللحظه مااسمع لان الظلام ويه الضجيج كلش احساس صعب
-تحرك
-اني شكووو
-هيييي تحرك بلا متلغي
فتحت عيني بسرعه وكمت واني تثبتت ايدي بالگاع ردت اگوم فجأه احد داسهه عطت ويه عيطتي حاتم جان بره سمعته من بره يصيح عليهم يريد يرجعلي بس مرجع جنت بس اسمع صياحه وصوته يختفي شويه شويه
-اخ ايدي ...ايدي
-اذا انت عميه ليش متكعدين راحه وين موليه
فريده--حاتم ....حاتم وينك بده يقلد صوتي
-حاتم ...حاااااتم ....حاااااتم وينك راح ياخذ جوله سياحيه بالمركز تريدين ناخذج ويا
فريده-اول مره اسمع هالصوت بس مبين واحد سفيه وسافل سكتت مجاوبت وهو جان كل شويه يوخر رجله من ايدي ويرجع يخليهه كانما يستمتع من اصرخ من الوجع سكتت مجاوبته خفت اجاوبه واني وحدي
فجأه كلشي اختلف جنت عايشه حياة حلوه ضاعت مني بلا اسباب كل الاطمئنان والاحتواء والدفو راح بللحظه وحده تغير كلشي سمعت صوت هدى من تصعد وتصيح بأسمي فريده فريده وفجأه سكتت
