الحب الحرام
العبوديه
البارت ١١
شمدريني مو ولد يمك عبالي غير واحد
صهيب-احجي الحقيقه عليج الله كليلي راويه تحجي ويه ولد غيري لو شنو فهميني
شهلاء-يم اخوهه هم هيج ردت اكول
صهيب-جذابه فهمت فهمت يلله اني راح اسد الخط لان جماعه يمي محتاجه شي مني اتصلت بيج خاف شايله بخاطرج
شهلاء-لا رحمة الله والديك انقهرت كلش من نفسي بس هي تستاهل ....اي تستاهل كلتهه وكمت طلعت الملابس مالاتهه كلهن من الكنتور واشمر بيهن
حقيرررره والله حقيره شايفه روحهه بفضالة بنات حاتم ومسويه روحهه فد شي جبيررر تستاهلين هسه كام يشك بيج خل يعرف اصلج القذر تخوني
صفنت وحجيت بداخلي بس لا يا شهلاء اله الشرف
غمضت عيني بقوه بحيث احس عيني كامت توجعني من كد ما جفني يتحرك من العصره الي بداخلي
فتحت عيني واخذت نفس اريد اصير شلون تعبت اني يالله تعبت اريد اللبس اريد اعيش اريد اصير حالي حال البنات
دخلت خاله وهي تدخل تباوع على الكاع مطشره الملابس واني بنصهن
ام فريد-خبال الخبلج شنو انفجر الكنتور
شهلاء-گلبي انفجر هاي بت اخوج الكلبه تستهين بيه بكل وكت الله ياخذهه
ام فريد-منيه هاي
شهلاء-منيه يعني كم بت اخووووو عندج غير هاي الحقيره راويه اكرررررررهه اكرررررررهه يا ناس كرهتهه
ام فريد-شبيهه راويه
شهلاء-كمت وبحديه حجيت تستتتتتتهين بيه كدام الكل هي وين كاعده هي مو فكريه همه مو نفسنه هم
ام فريد-لا ماكو احد مثلنه احنه النه الله وبس وهمه يتحكمون بينه
شهلاء-باوعت عليهه بحديه
ليش همه هم كاعدين بالتجاوز
ام فريد-بس ابوهه موجود كلشي يصير بينه لان ماعدنه تجوه وين ننتجي عليه هاي اني خلصت عمري ملطشه
الماجد والـ وسكتت واخذت نفس لدنيا لان ماعندي اب وام مثل البشريه وهاي انتِ هم نفس الحاله يتلطش بيج وماجد مااكدر اوكف بوجهه
شهلاء-بس دائماً ضدي
ام فريد-تعرفين شنو بودي الزمج وانطيج كروه واكلج روووحي شهلاء روحي الديره ثانيه لان مااكدر اصيرلج سند خلي الله يسندج
شهلاء-لعد ليش من اريد عمر متخليني اتزوجه مسويه روحج هسه حنينه وانتِ دائماً تنطين بيه يم ماجد
ام فريد-لان گلبي مو حمل وانتِ تتعبين
شهلاء- اكثر من مره هم كتيله ماريدهه محد يريدني اعرف ثكيله هسه او تدلوني عمامي اروحلهم واخلص
ام فريد-متخلصين
شهلاء-شسوووي لعد تعبت ليش متدليني بيهم اريد اعرفهم
ام فريد-گومي لمي الهوسه وانجبي وسكتي
شهلاء-بقيت اباوع عليهه وعيوني تروح وين متروح
غمضت عيني وبقيت كاعده بلا حركه اشياء بداخلي صارت ممفهومه ساعات الكه روحي احقد واكره عمر واريد ابتعد عنه ساعات اريد ابقه انسانه بسيطه تحب عمر وساعات اريد اصير قويه واغير روحي وين نفسي القديمه ليش بدت تختفي مااعرف السبب
