الحب الحرام
تكملة بارت ٧
انت حقير
وانتِ هواي تتجاوزين يلله نرجع وصلنه لل٣
فريده-بقيت واكفه ومنكسره من الداخل
هشام-٤
فريده-مااسمحلك تضحك عليه بس لان مااشوف وتسويني لعبه لتعد الارقام
هشام-٥
فريده-انتَ بلا ضمير
هشام-٦
فريده-راح يجي اليوم الي احد ينضحك عليك الدنيا تدور عندي ايمان برب العالمين يرجع حق المظلوم
هشام-٧
فريده -سديت اذني اعرف مراح اندل الباب امااعرف باي اتجاه موجود الباب ومرتبكه خ
وتوترت من هو يعد مااحس اله بعدهه
هشام-٩و١٠ خلص العد وانتهت فرصتج جنت جدي بيهه
بعد انتهيتي مراح تطلعين من يمي
فريده-اطلع منا يجي الوكت الي اطلع بي ماكو شي يبقه على حاله
هشام-شنو هالثقه بالنفس
فريده-حبوبتي مراح تسكت
هشام-ليش حبوبتج شتشتغل
فريده-حبهه الي راح يخليهه تگلب الدنيا يجي اليوم اليطلع حاتم بي من السجن وياخذ حقه منك لان حاتم رجال مو اشباه رجال
هشام-انتِ. اللسانج عسل
فريده-حقيررررر
هشام-لتغلطين
فريده-نذل
هشام-تعرفين مع العلم عن قريب عرفتج وعن قريب كلش هم بس عرفت على غيبي
فريده-درت عنه وكمت اتلمس اريد اوصل للحايط الحد ما وصلت تلمسته وكعدت تجيت ظهري عليه
هشام-هسه اني اكدر اطلعج منا بس المشكله شلون تندلين بيتج
فريده-سكتت مجاوبته وتمددت
هشام-مجاوبتي
-زين افهم سكوتح هو موافقه على الطلاك من حاتم وتبقين يمي لان مرتين عرضت عليج تطلعين ومطلعتي
فريده-لان مو رجال الرجال يوفي بوعده وانت جذبت عليه وفتحت الباب ومخليتني اطلع
هشام-مو من الرجوله أأذيح واعوفج لذلك مخليتج تطلعين هسه گليلي تريدين تطلعين لو لا
فريده-افتح الباب اذا انت صدك رجال وخليني اطلع كااافي شتريد مني فوك الي سوويته بيه
فجأه سمعت الباب انفتح
هشام-طلعي يلله
فريده-جذاب والله جذاب كاااااافي كافي كاااااااافي
هشام-والله مااجذب عليج ماعندي مشكله تطلعين مااجبرج اني والي سويته متندم عليه بگد شعر راسي بس شلون توصلين
فريده-مالك علاقه بس خليني اطلع
هشام-متندلين ومتأكد مراح تقبلين اخذج
فريده-كمت بسرعه وكمت امشي اتلمس بالحايط الحد موصلت للباب
هشام-اوصلج متشوفين فريده والمنطقه تخوف
فريده- محد يخوف مو كل الناس انت
هشام-غلطانه
فريده-ماعندي ثقه بيك طلعت من الباب واني خايفه خايفه منه مو من احد ثاني
هشام- اوصلج والله ومااحجي وياج حرف واحد وماانزلج يم البيت براس الفرع
