Unicode
ထိုလူဟာ အူးယမ်ရှေ့ကို လမ်းလျှောက်လာပြီး သူ့ကို ငုံ့ကြည့်လာခဲ့တယ်, "ဆရာ, ဒုက္ခကြုံနေတာလား? ကျွန်တော့်အကူအညီလိုလား?"
အူးယမ်ရဲ့ခြေသလုံးကြွက်သားတွေဟာ ရုတ်တရက် အနည်းငယ်တုန်ရီသွားတယ်။
လင်ကျင်းရဲ့အဆက်မပြတ်ပူဆာနေတာကို သူက မကြောက်ရွံ့တော့ဘူး။ အဆိုးဆုံးအနေနဲ့ သူက လင်ကျင်းကို စာတမ်းဆယ်စောင်ရေးခိုင်းပြီး အပြစ်ပေးနိူင်တယ်။ ဒါပေမယ့် "မတရားမှုကို ဆန့်ကျင်နေသော" အဲ့လူအတွက်တော့ သူက ရုတ်တရက် သူရဲဘောကြောင်စွာ ခံစားလိုက်ရတယ်။
"မဟုတ်ဘူး, ဘာမှမဟုတ်ဘူး" အူးယမ်က ခေါင်းကိုလှည့်လိုက်ပြီး, "ငါ အရင်သွားမယ်"
"ဟမ်?" လင်ကျင်းက အနည်းငယ် မကျေမနပ်ဖြစ်သွားပြီး, "ကျွန်တော်တို့ ဆွေးနွေးနေတာ မပြီးသေးဘူးလေ..."
အူးယမ်က သူ့(လင်ကျင်း)လက်ကို ဆွဲဖယ်လိုက်ပြီး, "မင်းလည်း အိမ်မြန်မြန်ပြန်သင့်တယ်"
"ဒါပေမယ့် ဒါပေမယ့်..." လင်ကျင်းက အလွန်ကို ဆန္ဒမရှိဘဲ ခွေးကလေးတစ်ကောင်လို လှည့်ပတ်နေတယ်, "ရှီဝမ် နည်းနည်းလေးတောင်မှ မစဥ်းစားတော့ဘူးလား?"
"ဆရာ" ရှောင်ရွှမ်းက လူနှစ်ယောက်ကြား ဝင်ရပ်ရင်း စကားပြောနေတာကို ကြားဖြတ်လိုက်တယ်, "ကျွန်တော် ဆရာ့ကို ပြန်လိုက်ပို့ပေးမယ်"
အူးယမ်က တစ်ကိုယ်လုံးကြက်သီးထသွားပြီး, "မနှောင့်ယှက်ပါနဲ့, ငါ တစ်ယောက်တည်း ပြန်မယ်"
ရှောင်ရွှမ်းက လင်ကျင်းကို တစ်ချက်ကြည့်လိုက်ပြီးနောက် အူးယမ်ကို မျက်နှာချင်းဆိုင်လိုက်တယ်, "ရပါတယ်, ဒီနည်းက ဆရာ တစ်ယောက်ယောက်ရဲ့ အနှောင့်အယှက်ပေးတာကို ခံရမှာမဟုတ်ဘူး"
လင်ကျင်းက ပေါက်ကွဲသွားပြီး, "ဟေး, အခု နှောင့်ယှက်နေတာက ဘယ်သူလဲ?"
"မင်းမသွားရင် ငါ ရဲကို ဖုန်းဆက်လိုက်မယ်"
"ဝိုး, ရဲတွေက လမ်းပေါ်မှာ စကားပြောနေတာကိုလည်း ထိန်းချုပ်နိူင်တာလား? မင်းမိသားစုက ရဲဌာနကို အလုပ်ပေးထားတာလား?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
