Going Against The Wind (Myanmar Translation) Completed

Chapter - 10 (Part 1)

Unicode

​ဆောင်းဦးရာသီကုန်​ပြီဖြစ်တဲ့အတွက် ရာသီဥတုက မြန်မြန်ဆန်ဆန်ပဲ ပိုပြီးအေးလာကာ ထူထဲတဲ့ကုတ်အင်္ကျီတွေကို အိမ်​နေရင်းအဝတ်​တွေ​​ပေါ်မှာ ထပ်ဝတ်လာရတယ်။ အဝတ်​တွေ အများကြီးပိုဝတ်ရ​လေ, လှုပ်ရှားဖို့အတွက် ပိုပြီးအဆင်​မ​​ပြေ​တော့​လေဖြစ်တယ်။ အူးယမ်အတွက်တော့ လိမ်း​ဆေးလိမ်းဖို့ကို​တောင် အချိန်အ​တော်ကြာ စမ်းတဝါးဝါးဖြစ်ခဲ့ရတယ်။ သူက အ​ရောင်​လျော့ဆေး​အချို့ကိုသောက်ပြီးတဲ့​နောက် ရင်းနှီးနေပြီဖြစ်တဲ့တံခါး​ခေါက်သံကို ကြားလိုက်ရတယ်။

အဲ့အသံ​ကြောင့် သူ့ခန္ဓာကိုယ်ရဲ့အဆင်မ​ပြေ​ဖြစ်​နေမှု​တောင် ​တော်​တော်သက်သာသွားပြီး သူ့ရဲ့အမူအယာကလည်း ပိုပြီးနူးညံ့လာခဲ့တယ်။

"မင်း ​​ရောက်လာပြီပဲ"

အူးယမ်က တံခါးကိုဖွင့်လိုက်စဥ်မှာပဲ အားပါပါနဲ့​ပွေ့ဖက်တာကို ခံလိုက်ရတဲ့အတွက် အံ့အားသင့်သွားရတယ်။ ​အံ့ဩသွား​​အောင် တိုက်ခိုက်လိုက်တဲ့​ကောင်​လေးကလည်း "ဆရာ..." လို့​ခေါ်ကာ အလွန်ချိုမြိန်စွာနဲ့ ပြုံး​နေခဲ့တယ်။

မကြာ​သေးခင်ကပဲ ​​ရှောင်ရွှမ်းက နည်းနည်း ပိုပြီး​တော့သွက်လက်လာခဲ့တယ်။ သူ တံခါးက​နေဝင်လာတဲ့အချိန်တိုင်း အူးယမ်ကိုဖက်တယ်။ မိနစ်အ​တော်ကြာ ​​​ကြမ်းပြင်နဲ့ ခြေ​ထောက်လွတ်တဲ့အထိ တကယ် ကြင်နာစွာနဲ့ကို ဖက်တာဖြစ်တယ်။

ချစ်သူ​တွေအ​နေနဲ့​ဆိုရင်တော့ ဒါက အရမ်းကို ချိုမြိန်တာဖြစ်​ပေမယ့်လည်း သူ့ထက် အသက်အများကြီးငယ်တဲ့က​လေးတစ်​​ယောက်ရဲ့ဖက်ခြင်းကို ခံရတာက​​တော့ နည်းနည်း​လေး​ ထူးဆန်း​နေတယ်။

အဲ့အပြင် သူက အရွယ်တစ်ခုရ​နေပြီဖြစ်တဲ့လူကြီးတစ်​ယောက်ဖြစ်ကာ ချစ်စရာ​ကောင်း​​သော, နူးညံ့​သော, ချိုမြိန်​သော, အဲ့လိုစကားလုံး​မျိုးတွေနဲ့က လုံးဝကို မအပ်စပ်​တော့ပြီဖြစ်တယ်။ အ​ပွေ့ဖက်ခံပြီး အချစ်ခံရတဲ့လူတစ်​ယောက်ရဲ့ပုံစံမျိုးနဲ့လည်း သူက တော်​တော်ကို ​ဝေးကွာ​နေခဲ့ပြီဖြစ်တယ်။

ဒီလိုမျိုး ကြိမ်ဖန်များစွာအဖက်ခံရတာက သူ့ကို နည်းနည်း​တော့ ရှက်ရွံ့လာ​စေကာ သူနဲ့ ​ရှောင်ရွှမ်းကြားက အပြင်ပန်းအသွင်အပြင်မကိုက်ညီမှုနဲ့ ပတ်သက်ပြီးလည်း အရမ်းကို အဆင်မ​ပြေဖြစ်လာသလို ခံစားရ​စေတယ်။