مساالخير عالفرفوشات الماسيات. 😘
انا لما إكتشفت إنى بدل ما اعمل حفظ للبارت حذفته وفشلت فى إسترجاعه
بصراحه إتنكدت وبعدها طبعاً حالة ملل وزهق، قولت أنام وأريح دماغى، يمكن أصحى ناسيه إنى حذفت البارت وأرجع أكتبه تانى بنيه صافيه....
بس الغريب بقى إنى لما نمت وصحيت فجأه كده هبت فكرة روايه تانيه فى راسى
وأنا كنت بفكر بعد،، الروايه دى آخد فترة نقاهه ست سبع شهور كده على الأقل ما أستعيد طاقتى...
المهم
دى روايه صعيديه... من الصعيد الچوانى
والبطله غلبانه ياعين أمها وشايله وصمة غيرها، ولازم تقبل بقدرها مع أبو قلب قاسى... اللى أسهل كلمه عنده الطلاق ويرمى خارج حياته... بس هى مش أى حد دى بنت عمه وعارفه طباعه كويس، ولو بأيدها تفضل الموت على إن يجمعها معاه سقف واحد او حتى تلمحه.
........
إقتباس أهو
👇👇👇👇
دخلت (سلسبيل) الى تلك الغرفه الخاصه بجدتها تلك المرأه التى هرمت من العمر لكن مازالت قوية الكلمه.... كلمتها سيف على رقاب إبنيها الرجال ونسائهم وايضاً أولادهم كلهم
عدا ذالك القاسى الذى يسير الجميع خلفه وتُنفذ كلمته، رغم أنه الولد الثانى لإبنها الأكبر.
وجدت جدتها تجلس مغمضة العين بمقعدها العتيق ذو الطابع الأثرى القديم تمسك بيدها سبحه تحرك يدها حباتها تُسبح وتستغفر.
للحظه فكرت سلسبيل أنها نائمه
لكن تحدثت الجده قائله:
تعالى يا سلسبيل.. عاوزه أيه؟
تنحنحت سلسبيل أكثر من مره تخشى الحديث.
لكن قالت الجده: جولى اللى چايه عشان تجوليه وبطلى نحنحه، بلاش تضيع وجت
عشيه دخلتك على (قماح) ولازم تچهزى علشانه.
نزلت دمعه من عين سلسبيل وإنحنت أمام ساق جدتها تقول بإستجداء:
آحب على رِچلك يا چدتى إنتى الوحيده اللى جادره توجفى چوازى الليله من قماح
قماح معندوش حدا غالى يا چدتى وأنتى خابره إكده، دى إتزوچ مرتين وهو لساتهُ مكملش التلاتين سنه وأكتر چوازه فيهم يادوب عمرت معاه سنه، ليه عتظلمونى إمعاه إنى ماليش ذنب أشيل.....
تحدثت تلك الجحود التى دخلت قائله بوعيد: كملى ليه وجفتى حديت، تشيلى خطية أختك اللى حطت راسنا كلياتنا فى الوحل وبعدها مجدرتش تجول مين اللى فرطت فى شرفنا معاه وفضلت تنتحر وتموت مش بس خاطيه لاه وكمان كافره.
ردت سلسبيل بعنفوان: أنا متأكده أختى لا خاطيه ولا كافره يا مرت عمى... وأنا مش بتحدت إمعاكى أنا بتحدت مع چدتى... بترچاكى يا چدتى بلاش تأخدونى بذنب غيرى وتچوزونى قماح.
ردت زوجة عمها قائله: ماله قماح زين الرچال ألف بنته تتمنى تراب رچليه، ولا إنت كيف أختك عاشجه.. وهتكملى بجية عارها ونتفتضح چدام الناس بالكفر.
نهضت سلسبيل واقفه تنظر لزوجة عمها قائله: لاه أنا مش عاشجه.. بس كمان ما ريداش إتچوز من قماح، قماح اللى مفيش ست من الإتنين اللى إتچوزهم جدرت تتحمل طبايعهُ الصعبه الله أعلم كان بيعاملهم إزاى... أنا شوفته بعينى كان بيضرب واحده منيهم عشان عصت أمرهُ وراحت تزور أمها العيانه وبعدها طلجها... ده واحد مريض نفسى محتاچ علاچ.
أنت تقرأ
عشق بين نيران الزهار
Romanceما بين نور ونار حرفُ،يا أميرتى ،أخشى عليكي فراشتى من نور يجذبكِ بعدها تحترقين،بنارٍ مشتعله فى صدرى،منذ سنوات، عِجافٍ جففت أوردة قلبِ ،أصبح يابساً،يستعد ليَشعل نيرانِ فقط،لا مكان للعشق بداخل قلبي، قلبي دامى بنيرانِ لكن... أنتِ كنتِ طيفاً أراه بمن...
