Going Against The Wind (Myanmar Translation) Completed

Chapter - 18 (Part 2)

ဒီလိုအ​ပြောခံလိုက်ရတဲ့အတွက် အူးယမ်က သူ့မှာတစ်ခုခုက တကယ်ကိုမှားယွင်း​နေတယ်ဆိုတာကို ခံစားလိုက်ရတယ်။

အစတုန်းက သူက အိမ်မှာပဲ ပြန်အဆင်​ပြေ​အောင်လုပ်တယ်။ သူ့နှလုံးသားက ဝမ်းနည်း​နေပြီး ​နေရာတိုင်းမှာ အ​လှောင်ခံရတဲ့အတွက် သူက အပြင်ကို မထွက်ရဲခဲ့ဘူး။ တဖြည်းဖြည်းနဲ့ အဲ့တာက အကျင့်ဖြစ်လာပြီး သူက ပိုပိုပြီးသီးခြားဖြစ်လာခဲ့တယ်။ ဒီနှစ်​တွေမှာ သူ့စရိုက်က နေ့တိုင်းအခွံထဲမှာပဲ ​ကွေး​နေတဲ့ လိပ်တစ်​ကောင်လိုဖြစ်လာတယ်။ ​လူ​တွေက သူ့ကိုညွှန်ပြလာတာနဲ့ သူက သူ့​ခေါင်းကိုထုတ်ဖို့သတ္တိ​တောင်မရှိ​တော့ဘဲ အထဲကိုဝင်ပုန်းတယ်။ တစ်​နေ့ပြီးတစ်​နေ့ သူ့စိတ်က အခြားသူ​တွေနဲ့မတူ​တော့ဘဲ စိတ်ဓါတ်ကျ​နေပြီး ပတ်ဝန်းကျင်နဲ့ထိ​တွေ့မှုမရှိ​တော့ဘူး။

သူက အရင်တုန်းကလည်း ​တော်​တော်လေးကို ဘာသိဘာသာ​နေတတ်​ပေမယ့် အထီးကျန်တဲ့အဆင့်ထိ​တော့ မဟုတ်​ပေ။ အခု​တော့ ​ကျောင်းလီလို ကာကွယ်​ပေးတတ်တဲ့လူ​တောင်မှ သူ့ကို စကားအနည်းငယ်မ​ပြောဘဲမ​နေနိူင်​တော့ဘူးဖြစ်တယ်။ သူ တကယ်ကို ​ပြောင်းလဲမှု​တွေလုပ်သင့်တယ်ဆိုတာ ထင်ရှားတယ်။

သူက ရုတ်တရက်ပဲ သတ္တိရှိလာပြီး မ​မျှော်လင့်ထားတဲ့ခံစားချက်ကို ရလိုက်တယ်။ တကယ်​တော့ အဲ့အချိန်က​နေစပြီး အခုထိဆို ​ခြောက်နှစ်​တောင်​ကျော်လာခဲ့ပြီဖြစ်တယ်။ သူ့ဒဏ်ရာ​တွေကိုကုသရင်း ရှုပ်​ထွေးစွာ​နေလာတဲ့အချိန်​တွေက ​တော်​တော်လုံ​လောက်​နေခဲ့ပြီ။ သူ့ဘဝတစ်​လျှောက်လုံးကို ဒီလိုပဲ မ​နေနိူင်ဘူးဖြစ်တယ်။

သူက အဲ့အတိတ်​ကြောင့် သူ့ကိုယ်ပိုင်အနာဂတ်ကို မပျက်စီး​​စေချင်ဘူး။

အူးယမ်က သူ့ကိုယ်​ရေးရာဇဝင်ကို စတင်စု​ဆောင်းပြီး အလုပ်​အေဂျင်စီ*ကို မကြာခဏသွားရင်း အလုပ်တစ်ခုရှာ​ဖွေဖို့ ကြိုးစားခဲ့တယ်။ [*အလုပ်ရှာတဲ့​နေရာ]

တစ်​နေ့လုံး အိမ်မှာပဲ စကားလုံး​တွေ, ဇာတ်​ကောင်တွေနဲ့အလုပ်လုပ်ရင်း အချိန်ကုန်ဆုံးတာက တကယ်​တော့ သိပ်မ​ကောင်းဘူး။ ​ကျောင်းတစ်​ကျောင်းက သူ့ကို လက်ခံဖို့ ဆန္ဒရှိ​နေသ​ရွေ့ အူးယမ်က ဆရာတစ်​ယောက်အဖြစ် တကယ်ကို ဆက်ရှိချင်​​နေသေးတာဖြစ်တယ်။