အူးယမ်က ခဏတာ စိတ်ရှုပ်ထွေးသွားပြီး အနည်းငယ်ထိတ်လန့်သွားကာ ထပြီးထွက်သွားတော့မယ့်လူကို အမြန်တားလိုက်တယ်, "ဝမ်, ဝမ်ယဲ့..."
"ဘာလဲ?"
"ငါတို့...ထပ်ပြီးကြိုးစားလို့မရဘူးလား?" ငါ မင်းကို အခုထက်ပိုကောင်းတဲ့ဘဝမှာ ထားနိူင်ဖို့ ကြိုးစားပါ့မယ်, ငါ..."
ဝမ်ယဲ့က သက်ပြင်းချလိုက်ပြီး, "အူးယမ်, ငါ တောင်းပန်ပါတယ်, အခုလိုပြောတာက ငါ့အတွက် တစ်ကိုယ်ကောင်းဆန်သလို ဖြစ်နိူင်တယ်, ဒါပေမယ့် မင်း ငါ့ကို သဘောကျတယ်ဆို ငါ့အတွက် ကောင်းတာကို မင်းအလိုရှိသင့်တယ်လေ, ငါ့ကို ထပ်မနှောင့်ယှက်ပါနဲ့တော့, မင်း ငါ့ကို မပျော်စေချင်ဘူးလား?"
အူးယမ်က သူ့အရှေ့က အေးစက်နေတဲ့ကော်ဖီကို တိတ်ဆိတ်စွာနဲ့ စိုက်ကြည့်နေခဲ့တယ်။ သူ့မျက်လုံးတွေက နီပြီး သူ့နှလုံးသားက ဝမ်းနည်းနေတယ်။
အရင်တုန်းကဆိုရင်တော့ သူက နည်းနည်း ပိုပြီး ရုန်းကန်နေလိမ့်မယ်။ သူ့ကိုယ်သူ လေးစားမှုကို ဖယ်ထုတ်ပြီး လုပ်တာက ကောင်းပါတယ်။ သူ့နှလုံးသားအပြည့်ထည့်ပြီးတဲ့အခါမှ ဘယ်လိုလုပ် ရုတ်တရက် လက်လွှတ်နိူင်မှာလဲ?
ဒါပေမယ့် အခုတော့ တစ်ဖက်လူက ထွက်သွားချင်နေတယ်ဆိုတာကို သူသိတယ်။ သူ့ဘဝတစ်ခုလုံးနဲ့ ဆွဲထားရင်တောင်မှ အသုံးဝင်မှာမဟုတ်ဘူး။
ပြီးတော့ တစ်စုံတစ်ယောက်က သူ့ကို "ငါ့ကို ထပ်မနှောင့်ယှက်ပါနဲ့တော့" လို့ပြောတာ ဒါ ပထမဆုံးအကြိမ်မဟုတ်ဘူး။ သူက သင်ခန်းစာတစ်ခုကို လေ့ထားထားပြီးဖြစ်တယ်။ သူဆွဲကိုင်ထားပြီး လက်မလွှတ်ပေးခဲ့ရင် အကျိုးဆက်က ဘာဖြစ်မယ်ဆိုတာကို သူသိတယ်။
"မင်း လူတစ်ယောက်ကို ချစ်တယ်ဆို အဲ့လူရဲ့အနာဂတ်ကို မင်းစဥ်းစားသင့်တယ်, လက်လွှတ်ပေးမယ့်အချိန်ရောက်လာရင် မင်း လက်လွှတ်သင့်တယ်, ပြီးတော့ မင်း တတ်နိူင်သလောက် သူ့အတွက် အကောင်းဆုံးတွေကို ဆုတောင်းပေးလိုက်", သူက အချစ်ရဲ့ အဲဒီ့ကြီးကျယ်ခမ်းနားတဲ့စည်းမျဥ်းကို မသိဘူး။ ဒါပေမယ့် သူ့ရဲ့လက်တွဲဖော်တွေကတော့ သူ့ကို ကောက်ကာငင်ကာပဲ အဲ့အမှန်တရားကို လိုက်နာစေချင်ကြတယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
Chapter - 17 (Part 2)
Start from the beginning
