အူးယမ်ရဲ့နှလုံးသားက ချက်ချင်းကို နာကျင်သွားတယ်။ သူ့လည်ချောင်းကလည်း တစ်ဆို့နေတယ်။ အချိန်အတော်ကြာပြီးတဲ့နောက်တော့ သူက ပြန်ကောင်းလာပြီး လက်ကျန်အားအချို့စိုက်ထုတ်ရင်း, "ဝမ်ယဲ့, လူနေမှုအဆင့်အတန်းမတူတဲ့လူတစ်ယောက်နဲ့ အတူရှိရတာက ခက်ခဲလွန်းတယ်, သာမန်လူတစ်ယောက်ရဲ့ဘဝကလည်း မဆိုးပါဘူး, သူတို့ရဲ့လူနေမှုပုံစံကို လိုက်အတုယူရတာက ငါတို့အတွက် အရမ်းခက်ခဲတယ်, ပြီးတော့ ငါတို့မှာ လိုအပ်တဲ့အနေအထားတွေလည်း မရှိဘူး"
ဝမ်ယဲ့က သူ့စကားကို ဖြတ်ချလိုက်တယ်, "မင်းက အရမ်းကို မိုက်မဲလွန်းတာပဲ, ဘာလို့ ဒီလောက်မတုန်မလှုပ်ဖြစ်နေရတာလဲ? မင်းအရှေ့မှာ အခွင့်အရေးတစ်ခုရှိနေရင် အဲ့တာကို လှမ်းဆုပ်ကိုင်ပြီး တက်လှမ်းသင့်တယ်, ဒါမှမဟုတ် မင်း ဒီလိုမျိုး တစ်သက်လုံး နေချင်လို့လား?"
အူးယမ်က နောက်ထပ် ဘာကိုမှထပ်မပြောနိူင်တော့ဘူး။ လက်ဆောင်ဘူးကိုသာ လက်ထဲမှာ ဆုပ်ကိုင်ထားလိုက်တယ်။
ဝမ်ယဲ့က အရမ်းကို တဲ့တိုးဆန်ပြီး ပွင့်လင်းတယ်။ အူးယမ်က သူ့နှလုံးသားထဲမှာ ဝမ်းနည်းနေသော်လည်း သူ့ကို အခုထိ မမုန်းနိူင်ဘူးဖြစ်တယ်။
အူးယမ်က ဝမ်ယဲ့ တောင့်တတဲ့ဘဝပုံစံမျိုးကို ပေးစွမ်းဖို့ မတတ်နိူင်ဘူး။ သူ့ရဲ့ရည်မှန်းချက်တွေက ဖျက်ဆီးခံလိုက်ရပြီဖြစ်တဲ့အတွက် သူက အနာဂတ်မရှိတဲ့ဘဝကိုသာ ဆန္ဒရှိတော့တယ်။
သူ့မှာ ရည်ရွယ်ချက်တွေမရှိဘူး။ ဒါပေမယ့် အဲ့တာက ဝမ်ယဲ့မှာလည်း တစ်ခုမှမရှိဘူးလို့ဆိုလိုတာမဟုတ်ဘူးလေ။
သူက အချိန်အတော်ကြာ မလှုပ်ရှားတာကို သိတာနဲ့ ဝမ်ယဲ့က ကော်ဖီကို တစ်ကျိုက်တည်းသောက်လိုက်တယ်။ ပြီးတော့ နာရီကို ကြည့်ပြီး ငွေတောင်းခံလွှာနှစ်ခုကို ထုတ်ကာ စားပွဲပေါ်ကို တင်လိုက်တယ်, "အူးယမ်, လမ်းခွဲမှုအတွက် ငါ အရမ်းစိတ်မကောင်းပါဘူး, အနာဂတ်မှာ သူငယ်ချင်းတွေ ဆက်လုပ်ရအောင်, နောက်မှ ပြန်ဆက်သွယ်ကြတာပေါ့နော်?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
Chapter - 17 (Part 2)
Start from the beginning
