" နောက် ဝင်ရမယ့်အိမ်တွေ ရှိသေးလား "
" မရှိတော့ဘူး ၊ ဒါနောက်ဆုံးပဲ
ခု ဆေးပေးခန်းကို ပြန်မှာ "Baekhyun ရေကို ပါးနှစ်ဖက်အပြည့် ငုံသောက်ရင်းကနေ ခေါင်းတဆတ်ဆတ် ညိတ်ပြလိုက်တယ် ။ အခုသူတို့က စီနီယာ ဒေါက်တာတွေရဲ့ ဆေးအဖွဲ့နဲ့အတူ လုပ်အားပေးဖို့ ကျေးလက်လေး တစ်ခုဆီကို ဆင်းလာခဲ့ရတာ ။ ဆေးထိုး ၊ ဆေးပေးလောက်က လုပ်နေနိုင်ပြီမို့ Volunteer အနေနဲ့ လိုက်လာခဲ့ရပြီး ရွာထဲက ဆေးပေးခန်းဖို့လာဖို့ ခက်ခဲတဲ့ သက်ကြီးရွယ်အိုတွေကို အခမဲ့ စစ်ဆေးမှုလေးတွေ လုပ်ပေးရတယ် ။
ဆေးပေးခန်းက ရွာရဲ့အစွန်ဘက်နားမှာ ရှိနေတာမို့ ပြန်တဲ့အခါ mini taxi လေးနဲ့ အလကားလိုက်ပို့ကြတယ် ။ ဆေးပေးခန်းရှေ့မှာ Camp လေးတွေထိုးပြီး အခမဲ့ စစ်ဆေးကုသမှုတွေ လက်ခံနေတာမို့ Baekhyun တို့ပြန်ရောက်တဲ့အချိန်ထိ လူတွေ တရုံးရုံးပဲ ။
" Baekhyun နဲ့ Yixing ပြန်ရောက်ပြီလား ၊
အဲ့မှာ အထဲဝင်ပြီး နေ့လည်စာအရင်စားလိုက်ကြဦး "" ဟုတ်ကဲ့ စီနီယာ "
ဆေးစစ်ဖို့ သွေးထုတ်ယူပေးနေရင်းကနေ လှမ်းအော်ပြောလာတဲ့ စီနီယာက Baekhyun တို့ထက် သုံးနှစ်ကြီးပြီး house စဆင်းနေတာ တစ်နှစ်ရှိသွားပြီ ။ အဲ့ဒီ စီနီယာတွေတင်မကပါဘူး ။ pratical အမြဲဆင်းနေရတော့ ဆေးရုံက ဝါရင့်ဆရာဝန်အချို့နဲ့ပါ စီနီယာ ၊ ဂျူနီယာဆက်ဆံရေးမျိုး ရှိနေပြီ ။ Baekhyun ရော Xing ရော နှစ်ယောက်လုံးက အေးဆေးပြီး ၊ စကားနားထောင် ၊ အလုပ်ကြိုးစားတတ်တဲ့ ဆေးကျောင်းသားလေးတွေမို့ စီနီယာတွေက ချစ်ခင်ကြတယ် ။
" အလုပ်က ဘာမှမပင်ပန်းပေမယ်လည်း ရာသီဥတုက တကယ်ပူတာပဲကွ "
အသင့်စား ထမင်းဘူးအကြည်လေးတစ်ဘူးစီ ကိုယ်စီနဲ့ Camp ထဲက စားပွဲမှာ နေ့လည်စာထိုင်စားနေကြရင်း Yixing က ညည်းညူလာတယ် ။ အမှန်တကယ်လည်း ရာသီဥတုက သေလောက်အောင်ပူတာပဲ ။ ပြန်ရောက်တော့ ဂျူတီကုတ်တောင် မကပ်နိုင်ကြတော့ဘူး ။
" အမောပြေလေးလည်း မပါလာဘူးကွာ "
Jun Myeon ကို ရည်ရွယ်နေမှန်း သိတာမို့ Baekhyun က ကဲလှချည်ရဲ့ ဆိုတဲ့ပုံစံမျိုးနဲ့ မေးကိုမဲ့ပစ်လိုက်တယ် ။ သေချာပေါက်ကို သူ့မာဖီးယားကြီးလည်း ဒီလိုဂျစ်ကျနေမှာ ။ Volunteer အရ သွားရတဲ့အပြင် တစ်ရက်ပဲ နေရမှာမို့ ည 8 နာရီမတီးသရွေ့ ဖုန်းမဆက်ရဘူးလို့ Baekhyun အမိန့်ထုတ်ထားခဲ့တယ်လေ ။ သူက ကလေးလည်း မဟုတ်တာတောင် တစ်နာရီခြားတစ်ခါလောက် ဖုန်းတဂွမ်ဂွမ်ဆက်ပြီး အဆင်ပြေမပြေ စစ်ဆေးနေချင်သေးတယ် ။ အံ့သြပါ့နော် ။
YOU ARE READING
This Mafia Fall In You [ ဒီမာဖီးယားကတော့ မင်းဆီမှာ ကျဆုံးသွားပြီ ]
Romanceရုတ်ရင့်ကြမ်းတမ်းတဲ့ Mafia တစ်ယောက် အချစ်မှာ နစ်မြောသွားတဲ့အခါ ...( OC မဟုတ်ပါ OTP fiction ပါ ) Warning - Sexual contect alert ❗
အပိုင်း ၂၀
Start from the beginning