his innocence

Chapter 4

Chapter 4

Hinanap agad ng mga mata ko si Gaddiel Ivan Sandoval nang pumasok ako sa classroom. Mag-isa ako dahil magbo-boyfriend time pa ang mga kaibigan ko bago raw matapos ang break.

Can't wait to have my boyfriend too.

Agad ko ring nahanap ang hinahanap ko at mabilis ding napakunot-noo sa nadatnan. Pinalilibutan siya ng ilan naming babaeng kaklase at parang aliw na aliw ang mga ito sa hindi komportableng ekspresyon sa mukha ng kinakausap nila.

"As in since kindergarten, homeschooled ka?"

"Grabe naman 'yon!"

"Kaya pala ang putla-putla mo. Hindi ka rin ba pinapalabas sa inyo?"

I saw how he almost hid his face from them. Nakaupo siya sa upuan niya habang mahigpit ang pagkakahawak sa libro niyang nakapatong sa armchair.

Bumuka ang bibig niya ngunit parang hindi alam ang sasabihin.

I gritted my teeth before I walk towards them. Tumigil ako sa likod ni Sandoval at itinukod sa sandalan ng  upuan niya ang dalawa kong palad.

Natigilan ang tatlong babaeng nakaangat na ngayon ng tingin sa akin. Parehong nakaawang ang mga bibig nila habang isa-isa ko silang tinitingnan. I smiled sarcastically at them bago ko ibinaba ang tingin sa bagong kaklaseng pinipeste nila kanina lang.

Mukhang hindi niya parin napapansin ang presensiya ko sa likuran niya at abala pa rin sa paghagilap ng pwedeng itugon sa sinasabi sa kanya ng tatlong kaklaseng kaharap.

Oh, God.

Ngumisi ako nang nagsimulang humakbang paatras ang tatlong kaklaseng babae. Kinagat ko ang ibabang labi habang pinagmamasdan silang lumayo sa amin. Pinagtitinginan kami ng mga kaklase pero wala akong pakialam doon.

I sighed. Dahan-dahan kong ibinaba ang ulo sa gilid ni Gaddiel Ivan na mukhang gulong-gulo sa mga nangyayari.

"Hey..." bulong ko sa napapaos na boses.

Nagulat siya at namimilog ang mga matang bumaling sa mukha ko na nasa gilid lamang niya. Nasapo niya pa ang gilid na bahagi ng mukha niyang binulungan ko.

Agad din akong lumayo dahil sa reaksiyon niya. Saka isa pa, maraming nakatingin sa amin. Baka isipin na naman nilang binu-bully ko siya.

Umayos ako ng tayo ay bahagyang humakbang papunta sa harap niya. Nanatiling nakaangat ang tingin niya sakin at nakatalikod sa mga kaklase namin. Hindi siya gumagalaw ngunit kitang-kita ko sa mga mata niya na gusto na niyang mataranta. Medyo namumula rin ang mukha niya kaya mabilis kong tiningnan ang uniform ko na inayos ko kanina bago pumasok sa classroom.

Ayokong magmukhang pathetic na kinukulit siya gaya ng tatlo naming babaeng kaklase kanina kaya nginitian ko at sinulyapan ang libro niyang kanina niya pahawak nang mahigpit.

Nakita kong classic novel iyon habang ang ibang nakalapag sa armchair niya ay mga textbooks naman namin.

Napansin ko ang bookmark niya na nakaipit na sa last page ng libro. Ibinalik ko ang mga mata sa kanya, nakangiti parin.

"Tapos mo na 'yang basahin?" tanong ko. Kumurap siya saka bumaba ang tingin sa libro niyang itinuturo ko. Namula na naman siya at hindi na ibinalik sa akin ang tingin.

Ano na naman ba?! Maayos naman na ang blouse ko ah!

"This? Y-yes," nahihiya niyang sagot.

I raised my brows. "Oh, how lucky! Naubusan ako ng stock niyan noon nang namili ako sa NBS." wika ko sa mababang boses.

Gumalaw ang kamay niyang nakahawak sa libro. I notice his pale and almost fragile arm. Kasing payat ko lang yata siya. But his fingers are really beautiful, they're long and clean.