رواية احببتك رغم الصعاب

الفصل الثلاثين

الفصل الثلاثين

في فيلا الشريف ( بيت زياد )

ليلى ( مامة زياد ) : اسيا هو اخوكي لسه مرجعش لغايت دلوقتي
اسيا بقلق : لسه يا ماما ..
ليلى : يا ترى هو فين و متصلش ليه .. ما تجربي تكلميه كده
اسيا : حاضر

____________________________

( عند نادين و زياد )

نايمين هما الاتنين و كل واحد فيهم شكله  جميل اوي

و بعد شويه موبيل زياد رن .. قلق زياد و نادين قلقت معاه
زياد : معلش حقك عليا نسيت اقفله
نادين : لا عادي رد شوف مين ل تكون طنط او اسيا
زياد : دي اسيا فعلا

زياد بنوم : الو
اسيا : ابيه زياد انت فين
زياد : انا كويس يا اسيا بس مش هاجي الليلة دي هاجي بكرة
اسيا : ليه .. انت فين
زياد : انا هنا مع نادين في المستشفى و هتخرج بكرة و انتي عارفه يعني قلبي ميطوعنيش اني اسيبها

( يا حنين )

اسيا : الف سلامه عليها .. هي كويسه .. ممكن اكلمها
زياد : لا سيبها ترتاح مش لازم رغي دلوقتي
نادين : هات الموبيل انا عايزه اكلمها ايه الرخامه دي
زياد : بقا كده .. ماشي .. خدي يا اسيا نادين معاكي

اسيا : الو .. نادين انتي كويسه
نادين : ايوة يا حبيبتي و الله كويسه حتى انا كنت عايزة اخرج انتي عارفه مش بحب قاعده المستشفى بس نعمل ايه ف اخوكي الرخم  ده صمم رأيه نبات الليلة دي معرفش ازاي سمعت كلامه و قعدت
زياد : علشان قمور و كيوت عندي كارزما ساحره بتسحر كل عيون البنات  عرفتي بقا مقدرتيش تقوميني ليه هههههه
نادين : قمور و كيوت ... انت !!!
زياد : ايه عندك كلام تاني .. لو رأيك مختلف مكنتيش فضلتي متنحة في وشي ساعه
نادين : خلاص بقا انت كده دايما كسفني
زياد : هو انا اقدر بردو اكسفك يا قمر
 
اسيا : احم طب انا هنا  علي فكرة
زياد بيمسح علي وشه بملل : هو انا ليه مش عارف اخلص منك ما صدقت اخلص منك و اقعد معاها طلعتيلي في الموبيل
اسيا : عجبك كده يا نودي دايما كده مش طايقني
نادين : معلش يا قلبي خليه كده سايب الناس الحلوة اللي زيك .. انت عارفه زياد حلال في مين تجبلك حقك
اسيا : مين !!!
نادين بضحك : درين
زياد بفزع : ايه !!!!
اسيا بخضه : مين !!!

الاتنين في نفس واحد ل نادين : حراام عليكي مش للدرجه دي

ضحكت نادين عليهم : خلاص بهزر بهزر ايه ما صدقته
زياد : ممكن بقا تقفلي يا اسيا علشان عايزين ننام
نادين : هو ايه حكاية النوم معاك كل اللي يتصل تقوله عايزين ننام يا بني الناس كده تفهم غلط
ضحكت اسيا : تصبحوا علي خير
نادين و زياد : و انتي من اهله
زياد : انا هقفل الموبيل يا اسيا ف بلاش تقلقوا
اسيا : هتقفله  ليه
زياد : علشان عايز انام و عارف كمان شويه مصطفى هيتصل ف مش عايز قلق
اسيا : ماشي يا زياد روح نام