رواية احببتك رغم الصعاب

الفصل السابع و العشرون

الفصل السابع و العشرون

"زي ما في شعرة بتفصل بين الثقة و الغرور ف بردو في شعرة بتفصل بين الحب و الاعجاب ...."

شكل نورا و هي غرقانه في دمها قدام اياد فكره بموت  ابوه و امه اغلى اتنين في حياته اياد كان مصدوم و دموعه بتنزل بسكوت و فجاة فاق و اقسم انه لازم يلحقها ايوه لازم تعيش ..دي اخر حاجه فضلاله من الدنيا يمكن دي فرصته الاخيره ف الحياة كلها ..
اياد شال نورا و جري بيها اقرب مستشفى
خلاص ي جدعان اخيرا اياد قرر يعترف لنفسه انه بيحبها محدش يسأل ازاي و لا فين و لا امتى و لا حد يسأل ازاي شخصية زي اياد تحب.... الموضوع كله انه لاول مرة بعد موت اهله يحس باهتمام حد و خوفه عليه و كمان اول مرة يحس انه بيكون مختلف معاها مش بيكون اياد النشار الهمجي الشرير المنتقم هو بيكون حاطه تانيه خالص  و قرر ان نورا لازم تكون ليه بس هي تخف و يعرف مالها و ايه اللي اصاب جمبها و خلاه ينزف بالشكل المرعب ده ما كانت من شويه كويسه

فلاااش بااااك

في بيت نورا

( بعد ما اياد وصلها البيت بعد ما رجعوا من اسكندريه )

دخل عليها جوز امها
صبري : كنتي فين لغاية دلوقتي
نورا بتوتر : كنت .. كنت مع .. كنت في الشغل
صبري و بضربها بالقلم : شغل لغاية نص الليل ليه شغاله ف كباريه ..يا ريتك كنتي شغاله هناك علي الاقل مكنش ده بقا حالنا
كنا زامنا في حته تانيه بس اعمل ايه وش امك فقر
نورا بعصبيه : انت عايز ايه ها عايز ايه نص مرتبي و بتاخده تصرفه علي القرف اللي بتشربه اكل و بتاكل احسن اكل شرب و بتشرب احسن شرب و من غير ما تشتغل قاعد في البيت و انا اللي بشتغل و بطفح الدم علشان اجيب فلوس أعالج امي اللي تعبانه و هتموت بسببك عايز ايه اكتر من كده قول عايز ايه ها
نزل  صبري جوز امها عليها ضرب : بقا انا مش بعمل حاجه و انتي اللي بتصرفي صح .
و يزود صبري ضرب في نورا اكتر و اكتر لغايت ما طلع ماطوة و ضربها في جمبها
نورا : اااااه حرام عليك انا هموت
صبري : لا متخافيش مش هتموتي مغرزتهاش اوي علشان متموتيش و نلاقي حد يجبلنا قرشين دي بس علامه كده علشان تعرفي تتكلمي معايا عدل بعد كده

مشي صبري و نورا تنظر للجرح اللي بينزف و لما اتأكدت انه نزل
راحت للممرضه اللي ساكنه قصادها و في نفس صحبتها المقربة

نورا ماسكه جمبها بوجع : سحر و النبي الحقيني تعالي خيطي الجرح ده بسرعه
سحر بشهقه : يا للهوي مين اللي عمل فيكي كده
نظرت لها نورا و سكتت
سحر وهي بتعقم ايديها و المعدات علشان تخيط جرح نوره : هو !!صح ...يا بنتي حرام عليكي ما تبلغي عنه و ارتاحي بقا من ساعه ما امك تعبت و رقدت و انتي شايلة كل حاجه علي دماغك و هو استحلى الحكاية لكن متوصلش لمد الايد المره الجايه ممكن تموتي يا نورا
نورا : و وصل الامانه اللي كاتبه علي امي من ساعه لما اتجوزها عايزة امي تتحبس و هي كده و لو انا اللي اتحبست مين هيربي و يصرف علي اخواتي دول انا مستحمله كل ده علشانهم و اللي مصبرني علي كده ابتسامه اياد اللي بشوفها كل يوم
سحر : يا بنتي قوليلوا و ريحي نفسك قوليلوا انك بتحبيه و هو لو بيحبك مش  هيرضى ببهدلتك دي
نورا : لا يا سحر انا مرضاش ان اياد يدخل في كل ده مش عايزة حد يقول دي بتحبه علشان هو غني و هيعيشها ملكة و يطلعها ل فوق
عارفه انا كنت اتمنى ان اياد يطلع فقير و كنت اتمنى انه ميبقاش اياد النشار اللقب و ده و العيلة دي ضيعوا اياد يا سحر ضيعوه انا اعرف عن اياد كل حاجه يا سحر كل حاجه و كل الناس شايفاه وحش الا انا مع اني اعرف بلاوي محدش يعرفها بس هو ده الوش اللي اياد مستخبي  فيه  اياد بيداري ضعفه و كسرة نفسه بالشر و الانتقام و الكره يا سحر