This is the story i've written for the donation project held by * Eritrixis * .
Prolog of Long Version is updated with the name ,
* The Devil & his Nightingale * .
Enjoy .
………………
[ Unicode ]
ချစ်သောအရှင် မျက်မာန်ငြိုးကို … မပြေမှာ စိုးလှပါတယ် … ။
………………
CE 2021 သို့မဟုတ် ၂၁ရာစု၏ အစပိုင်း ။
ချူအွန်းမြို့ မြို့တော်ခန်းမ၌ ကျင်းပသော ယဉ်ကျေးမှုပွဲတော် က စည်ကားလှသည် ။
" ဆိုလ်းတက္ကသိုလ် အနုပညာဋ္ဌာနရဲ့ ဖျော်ဖြေမှုအတွက် လက်ခုပ်သံများ ချီးမြှင့်ပေးကြပါဦး…… "
လိုရီ ပါကင်းစ် လက်ခုပ်ကို စိတ်မပါ့တပါတီးလိုက်သည် ။ ဘေးမှ မိခင်ဖြစ်သူ၏ အလွန်တရာပျော်ရွှင်နေသောဟန်ပန်ကို မြင်တော့ လိုရီလည်း ပြုံးမိပါသည် ။ ကိုရီးယားလူမျိုး အရှေ့တိုင်းသူမိခင်၏ ဆန္ဒမှာ ရိုးရာယဉ်ကျေးမှုပွဲတော်ကို အနောက်တိုင်းသွေးတဝက်ရောသော သားဖြစ်သူနှင့် အတူဆင်နွှဲရန် ဖြစ်သည်လေ ။
" အခုတင်ဆက်မယ့် တေးကဗျာ ဟာ -မျက်တော်ဖြေ - လို့ အမည်ရပါတယ် … BC 57 ခု က မျက်မမြင်မိဘုရား လို့ အမည်တွင်ခဲ့တဲ့ ဘွဲ့အမည်မဲ့ အမျိုးသားဧကရီရေးစပ်ခဲ့တာဖြစ်ပါတယ် … "
[ FYI : CE/ AD = BC + 200 + AD ]
ခန်းမကို အမှောင်ချထားသောကြောင့် စတိတ်စင်ပေါ်မှာ အရေးပေါ်မီးလုံးများကိုသာ မြင်ရသည် ။ နောက်ခံအသံနှင့်အတူ ဖျော့တော့သော အလင်းတပြက တောက်ပလာသည် ။
" ဧကရာဇ်အန်ဂျုံးဟာ အိမ်ရှေ့စံဘဝက အလွန်တရာအမျက်ဒေါသကြီးသူအဖြစ် သမိုင်းတွင်ခဲ့ပါတယ် … အမျိုးသားမိဘုရားနဲ့ လက်ဆက်ပြီးနောက်မှာတော့ မိဘုရားကအမျက်ဒေါသတွေကို ဒီတေးသွားနဲ့ လျော့ပါးစေခဲ့တယ် လို့ သိရပါတယ် … "
သေးငယ်သော အဖြူရောင်ပုံရိပ်လေးတစ်ခုသည် စတိတ်စင်ပေါ်သို့ ဖြေးညှင်းစွာ လျောက်လာသည် ။ လှပသောအဖြူရောင်ဝတ်စုံကို ကောင်းကင်ပြာရောင်ဖြင့် အနားသတ်ထားသည် ။ ရွှေရောင်ဇာမဏီနှစ်ကောင်က ဝတ်စုံရြေှ့ခမ်း၏ တဖက်တချက်တွင် လှပစွာပျံဝဲနေကြသည် ။ ခပ်ဖွဖွစုချည်ထားသော ဆံနွယ်များပေါ်တွင် ရွှေရောင်ဇာမဏီဆံထိုးက လှပစွာနေရာယူထားသည် ။ ဖျော်ဖြေပွဲသာ မဟုတ်ခဲ့လျှင် ရှည်လျားသော အဖြူရောင်ဆံနွယ်များကအတု ဆိုသည်ကို လိုရီ ယုံမိလိမ့်မည် မထင် ။
YOU ARE READING
Just A Love Story (ChanBaek Oneshot Collection)
Short StoryOne Shots I've been Written for Donation projects .
