"ဆရာ, ကျွန်တော် တကယ်ကို လွမ်းနေခဲ့တာ"
"ငါတို့ ဒီနေ့အတန်းထဲမှာကော မတွေ့ရလို့လား?"
"ကျွန်တော် ဆရာ့ကို မတွေ့ရတာ တစ်နာရီလောက်ရှိပြီဆိုတာနဲ့တင် လွမ်းလာကော" ရှောင်ရွှမ်းက ပြုံးရင်းနဲ့ သူ့နှုတ်ခမ်းပါးတွေဆီ ကပ်လာခဲ့တယ်။
"အိုး..."
တစ်ခါတလေဆို အူးယမ်က ရှောင်ရွှမ်းနဲ့ လိုက်ဖက်တဲ့ပုံစံမျိုး လုံးဝဟုတ်မနေဘူးလို့ခံစားရတယ်။ ရှောင်ရွှမ်းရဲ့အပြောကောင်းတဲ့စွမ်းရည်နဲ့ယှဥ်ရင် သူ့မှာကတော့ အဲ့လိုချိုသာတဲ့စကားလုံးမျိုးတွေ ရှိမနေဘူး။ သူ့ရဲ့ဟာသဥာဏ်ကလည်း အားနည်းကာ သူ့ရဲ့ပင်ကိုယ်စရိုက်ကလည်း စိတ်ဝင်စားစရာကောင်းမနေတဲ့အတွက် သူတို့အတူရှိနေတဲ့အခါမျိုးမှာ ရှောင်ရွှမ်း ငြီးငွေ့သွားဖို့က မခက်ဘူးဖြစ်တယ်။
"မင်း ဒီနေ့ဘာလို့ကျောပိုးအိတ် ယူမလာတာလဲ?"
"ကျွန်တော်က အဲ့တာကို ဘာလို့သယ်လာရမှာလဲ?"
"မင်းစာတွေကို ပြန်လုပ်ပေးဖို့အတွက် ဒီကိုရောက်လာတာမဟုတ်ဘူးလား?"
ရှောင်ရွှမ်းက သူ့နှုတ်ခမ်းသူ အလွန်ချစ်စရာကောင်းစွာကိုက်လိုက်ပြီး "ဆရာ, စာတွေကို ပြန်လေ့လာတာကလွဲလို့ အခြားဟာ လုပ်လို့မရဘူးလား?"
"ဒါက..." အူးယမ်က သူ့ကို ဖျောင်းဖျဖို့ ကြိုးစားလာတယ် "ဒါပေမယ့် မင်းက စီနီယာလေ"
[*တရုတ်က အထက်တန်းစီနီယာတွေက ကောလိပ်ဝင်ခွင့်စာမေးပွဲဖြေရပါတယ်တဲ့]
"စာတွေ သေသေချာချာလိုက်မလုပ်တောင်မှ ကျွန်တော့်အဆင့်က ထိပ်ဆုံးသုံးနေရာကနေ ကျမှာမဟုတ်ဘူးဆိုတာကို အာမခံနိူင်ပါတယ်"
"မရဘူး, ကျောင်းစာက အရေးအကြီးဆုံးပဲ"
"ဒါပေမယ့် ကျွန်တော်က ဒီကို ချိန်းတွေ့ဖို့လာတာလေ ဆရာရဲ့"
ရှောင်ရွှမ်းရဲ့ မတူညီတဲ့တောင်းဆိုချက် ရာပေါင်းများစွာကိုလျစ်လျူရှုရင်း အူးယမ်က သူ့အတွက် လေ့ကျင့်ဖို့စာမေးပွဲမေးခွန်းတွေကိုသာ ဇွတ်အတင်းရှာဖွေခဲ့တယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
Chapter - 10 (Part 1)
Start from the beginning
