#أماكن_مسكونة_بقلم_سمر_إبراهيم
#فيلا_شيكوريلمين فينا مسمعش إسم شيكوريل قبل كدا لو مسمعوش فى الحقيقة أكيد سمعه فى الأفلام القديمة.
الحكاية بدأت فى القرن ال ١٩ بالتحديد سنة ١٨٨٧م لما جه خواجة يهو.دى إيطالي إسمه مورينو شيكوريل واستقر فى مصر هو وأولاده الثلاثة.
مورينو كان عنده ٣ أولاد زى ما قولنا سوليمون، ويوسف، وسلفادور.
بدأ نشاط مورينو التجارى بفتح محل ملابس نسائية للطبقة الراقية سماه شيكوريل على إسم عيلته.
شوية شوية بدأت شهرة محل شيكوريل وبدأ يتوسع ويوسع نشاطه مبقاش المحل للهدوم بس كان لكل ما يلزم المرأة زى ما بيقولوا من الشراب للشنطة للبورنيطة للفستان للشوز ودى كانت حاجة فريدة من نوعها فى مصر فى الوقت ده.
وصل نفوذ شيكوريل للأسرة الحاكمة ونشأت علاقة صداقة بينه وبين الخديوي نفسه.
سنة ١٩٠٩م فتح مورينو محل فى ميدان الأوبرا وبدأ يفتح فروع للمحلات بتاعته فى كل محافظات مصر لكن كان الفرع الرئيسى هو فرع شارع فؤاد إللى فضل يحمل إسم شيكوريل حتى بعد تأميم المحلات بعد ثورة ١٩٥٢م وفضل لحد سنة ٢٠٠٠م يحمل نفس الإسم.
بعد موت مورينو إستلم أولاده التلاتة التركة وبصراحة حافظوا عليها جدا وكبروا المحلات وشاركوا تاجر يهو.دى غنى جدا وبدأوا يعملوا ثروة ضخمة لدرجة إن ثروتهم وصلت لنص مليون جنية فى عشرينات القرن العشرين ودا مبلغ ضخم جدا جدا فى الوقت ده وتم اختيار سوليمون شيكوريل كزعيم للجالية اليهودية فى مصر.
دى صور سوليمون
YOU ARE READING
أماكن مسكونة بقلم سمر إبراهيم
Skrekkسنتحدث في هذه السلسلة عن أشهر الأماكن التي قيل عنها أنها مسكونة بالجن والأشباح في مختلف أنحاء العالم. أماكن يحيط بها الغموض ويكثر حولها الأساطير. سنغوص في المحلية ونتحدث عن أشهر الأماكن المسكونة في مصر كمثال، قصر البارون، عمارة رشدي، شقة ذكرى وغيرهم...