سنتحدث في هذه السلسلة عن أشهر الأماكن التي قيل عنها أنها مسكونة بالجن والأشباح في مختلف أنحاء العالم.
أماكن يحيط بها الغموض ويكثر حولها الأساطير.
سنغوص في المحلية ونتحدث عن أشهر الأماكن المسكونة في مصر كمثال، قصر البارون، عمارة رشدي، شقة ذكرى وغيرهم...
أولاً كدا كل سنة وانتوا طيبين ثانيا حبيت أمسى عليكم فى العيد ومن الأول كدا إللى يخاف يطلع برا انا حذرت اهه علشان محدش يزعل 😂😂😂😂 يلا نبدأ بسم الله #لمحات_تاريخية_بقلم_سمر_إبراهيم
#أنابيل
هنتكلم النهاردة عن قصة أثارت الجدل لمدة طويلة جدا وكانت ولازالت حديث الناس على مستوى العالم كله .
هنتكلم عن انابيل Annabelle 😱😱😱😱😱
أنابيل تعتبر أشهر دمية مسكونة فى التاريخ واللى استوحى منها المؤلفين والمخرجين أفلام رعب كتير جدا، وكانت سبب فى إثارة رعب أجيال بحالها بصراحة.
تعالوا بقى أحكيلكم حكايتها، وامتى بدأت بالظبط وهل فيه دمية مسكونة بجد إسمها أنابيل ولا الموضوع كله خيال مؤلفين مش أكتر.
مش عايزة أصدمكم وأقولكم إن أنابيل حقيقة فعلا مش تأليف، فيه بالفعل دمية إسمها أنابيل يشاع إنها مسكونة بالأرواح الشريرة وموجودة لحد دلوقتى فى متحف وارينز للأشياء الغامضة واللى اسمه The Warren's Occult (وارينز الغامض) إللى أسسه الزوجين إدوارد أو إيد ولورين وارين ودول كانوا محققين فى الظواهر الخارقة مشهورين جدا فى أمريكا خصوصا فى الستينات والسبعينات من القرن العشرين والمتحف بتاعهم موجود فى ولاية كونيتيكت فى الولايات المتحدة الأمريكية.
القصة بدأت سنة ١٩٧٠م ويقال ١٩٦٨م لما قررت أم تشترى هدية لبنتها إللى بتدرس تمريض علشان عيد ميلادها، بس الأم مكانش معاها فلوس كفاية علشان تشتريلها الهدية، فقررت إنها تروح محل بيبيع حاجات مستعملة علشان تشترى حاجة على قد فلوسها.
لما وصلت المحل لفت نظرها دمية جميلة جدا من نوع ال "راجدي آن " ودى كانت دمية مشهورة كدا فى الوقت ده وغالية جدا.
Oops! This image does not follow our content guidelines. To continue publishing, please remove it or upload a different image.
الدمية عجبت الأم جدا وقررت تشتريها وتهديها لبنتها، وده إللى حصل بالفعل خصوصا إنها لقت سعر الدمية رخيص جدا بالمقارنة بسعرها الأصلى.
مكانتش تعرف أن دى بداية اللعنة أن أن أن
(زى ما انتوا شايفين شكل أنابيل الحقيقية غير إللى جه فى الأفلام خالص زى ما انتوا شايفين الحقيقية كانت جميلة وكيوت جدا )
