سنتحدث في هذه السلسلة عن أشهر الأماكن التي قيل عنها أنها مسكونة بالجن والأشباح في مختلف أنحاء العالم.
أماكن يحيط بها الغموض ويكثر حولها الأساطير.
سنغوص في المحلية ونتحدث عن أشهر الأماكن المسكونة في مصر كمثال، قصر البارون، عمارة رشدي، شقة ذكرى وغيرهم...
هنتكلم النهاردة عن مكان من اكتر الأماكن على مستوى العالم غموض ورعب اتقال عنه كلام كتير جدا فيه إللى يتصدق وفيه إللى لا يمكن يصدقه عقل هنتكلم عن قصر البارون إمبان أن أن آاااااان.
يعتبر قصر البارون إمبان من أكثر القصور على مستوى العالم إثارة للجدل والحقيقة هو مثير للجدل من يوم ما اتبنى مش بس من ساعة الكلام اللي اتقال عليه إنه قصر الأشباح أو مكان لتجمع الشياطين وخلافه.
تعالوا أحكيلكم عن القصر وصاحبه وإزاي جاتله فكرة بناء أروع وأجمل قصر على مستوى العالم بدون مبالغة.
❈-❈-❈
الحكاية بدأت في بلجيكا يوم ٢٠ سبتمبر سنة ١٨٥٢م لما اتولد طفل إسمه إدوارد لويس جوزيف إمبان من أسرة بلجيكية فقيرة جدا تكاد تكون معدمة.
كبر إدوارد وكان طفل غاية فى الذكاء كان عبقرى بكل ما تحمله الكلمة من معني علشان كدا قدر يغير واقع أسرته ومستواهم الإجتماعى ويبقى من أغنى أغنياء العالم ومن الصفوة فى بلجيكا ودي صورته
Oops! Această imagine nu respectă Ghidul de Conținut. Pentru a continua publicarea, te rugăm să înlături imaginea sau să încarci o altă imagine.
إدوارد كان مهووس بالعمارة درس الهندسة وبدأ شغله كرسام كرسام هندسي في شركة للتعدين اسمها "سوسيتيه ميتالورجيك" وفى سنة ١٨٧٨م دخل فى صناعة إنشاء السكك الحديدية والمواصلات خصوصا فى الريف البلجيكى ومن بلجيكا راح فرنسا وقام بإنشاء مترو باريس وبسبب كدا اداله الرئيس الفرنسي لقب بارون نظير لمجهوداته بس فى رأي تانى بيقول ان اللي اداله اللقب كان ملك بلجيكا ليوبولد التانى ودا علشان مجهوداته فى تمويل مستعمرات المملكة البلجيكية أيا كان مين إللى اداله اللقب بس اهو خده وخلاص.
سنة ١٨٨١م قام البارون إمبان بتأسيس البنك الصناعى البلجيكى وفى خلال كام سنة كانت شركته هى المسؤولة عن إنشاء خطوط الترام فى كتير من عواصم العالم مش بس فى أوروبا لا فى أوروبا وآسيا وأفريقيا كمان وعلشان الشيئ لزوم الشيئ وعلشان يخدم على مشاريعه قامت شركته بإنشاء اكتر من شركة كهربا لامداد الطاقة اللازمة لخطوط الترام إللى بيعملها فى مختلف عواصم العالم.
❈-❈-❈
نشاط البارون مقتصرش على الاقتصاد والهندسة بس لا دا كمان حول نشاطه للسفر والترحال لكل دول العالم.
