سنتحدث في هذه السلسلة عن أشهر الأماكن التي قيل عنها أنها مسكونة بالجن والأشباح في مختلف أنحاء العالم.
أماكن يحيط بها الغموض ويكثر حولها الأساطير.
سنغوص في المحلية ونتحدث عن أشهر الأماكن المسكونة في مصر كمثال، قصر البارون، عمارة رشدي، شقة ذكرى وغيرهم...
#أماكن_مسكونة #عمارة_رشدى هنتكلم النهاردة عن أشهر مكان مسكون فى مصر ولما اقول مسكون مش قصدى خالص انه مسكون بالبشر إنما مسكون بكيانات تانية خالص (ربنا يجعل كلامنا خفيف عليهم😂😂😂😂)
هنتكلم عن عمارة رشدى او عمارة العفاريت زى ما هى مشهورة فى اسكندرية بالإسم ده .
معظمنا سمع عن عمارة العفاريت وازاى الكل بيخاف يعدى من قدامها وبالرغم من موقعها المتميز جدا فى أبو قير فى شارع رشدى المشهور جدا فى اسكندرية الا انها غير مأهولة بالسكان من يوم ما اتبنت من ٦٠ سنة طب ايه حكايتها بقى 🤔🤔🤔🤔
تعالوا اقولكم.
الحكاية بدأت سنة ١٩٦١م لما اشترى خواجة يوناني اسمه بارديس حتة أرض فى شارع رشدى علشان يبنى عليها بيت ليه هو وأولاده الخمسة وبالفعل بنى عمارة جميلة جدا مكونة من خمس أدوار
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
واتنقل هو ومراته وأولاده علشان يعيشوا فيها. بعد اسبوع واحد بس من انتقالهم للبيت الجديد قرر الخواجة فجأة كدا يطلع رحلة صيد هو وأولاده وفعلا ركبوا مركب وبدأوا رحلتهم لكن إللى حصل ان المركب غرقت بيهم كلهم وماتوا هما الستة مرة واحدة😱😱😱😱😱😱
بعد كدا الست زوجة الخواجة بعد موت جوزها وأولادها اتشائمت جدا من البيت وقررت تبيعه بأى تمن وترجع اليونان تعيش فيها من تانى.
عرضت الست العمارة للبيع بتمن مغرى جدا وفعلا قدرت تبيعها بسهولة لتاجر أخشاب كبير فى اسكندرية اسمه الحاج محسن أومحسن بيه زى ما كان مشهور فى الوقت ده .
اشترى الحاج محسن العمارة بتمن لقطة زى ما بيقولوا وقرر يوضبها ويعرضها للإيجار.
بالفعل جاله واحد علشان يأجر الدور الأرضى كان اسمه الأستاذ سيد عباس وأجره بالفعل واتنقل فيه هو وأسرته بس الغريب ان بعد يومين بس من انتقالهم للعمارة حصلت فى شقتهم حريق ضخم قضى على كل حاجة فى الشقة وقضى على الأستاذ سيد نفسه وتوفى فى الحريق ده 🥺🥺🥺🥺 وطبعا عيلته سابت الشقة وعزلت بعد موته.
