သို့ပေမယ့် ရိပေါ်စိတ်ထဲက အတိအကျကိုကောက်ချက်ချလိုက်တာတစ်ခုတော့ ရှိတယ်။ ရှောင်ကျန့်ဟာ အတိတ်ကို သူ့နည်းတူ သတိရနေခဲ့တဲ့အကြောင်း သွယ်ဝိုက်သောနည်းအားဖြင့် ဝန်ခံခဲ့လေပြီ။
-------------------------------------
နှစ်ရက်အပြီး ရှောင်ကျန့်ပြန်ရောက်လာတဲ့နောက် ရိပေါ်လည်း ရှောင်ကျန့်ကို နှစ်သိမ့်ပေးဖို့ရာ ကြိုးစားမိတယ်။ နားနေခန်းထဲ ထိုင်နေတဲ့ ရှောင်ကျန့်နား သွားသွားချင်း ကြားလိုက်ရတဲ့စကားက ရိပေါ်ရဲ့အတွေးတို့ကို ရှုပ်ယှက်ခတ်သွားအောင် ပြုလုပ်ဖို့ရာ စွမ်းဆောင်နိုင်ခဲ့တယ်။
"ရိပေါ် ဈာပနပွဲနေ့က မင်းကို မတွေ့လိုက်ဘူးနော်။ အစောကြီးပြန်သွားတာလား။"
ရိပေါ် ဘာစကားမှပြန်မပြောနိုင်ဘဲ ကြောင်ကြည့်နေမိလို့ထင်။ ရှောင်ကျန့်က နေရာကနေထလာရင်း ရိပေါ်ပခုံးကို လှုပ်ကိုင်လို့ ထပ်မေးလာတယ်။
"ရိပေါ် မင်းဘာဖြစ်နေတာလဲ။ အဆင်ပြေရဲ့လား။ ရီလေးရဲ့ ဈာပနပွဲနေ့က မင်းလာသွားတယ်လို့ ကျန်းချန်တို့ပြောတယ်။ ငါမင်းကို မတွေ့လိုက်ရဘူး။ မင်းအစောကြီး ပြန်သွားတာလား။"
ရိပေါ် ရှောင်ကျန့်ရဲ့ အဓိပ္ပါယ်ဖော်ရခက်တဲ့ မျက်ဝန်းအစုံကိုသာ စူးစိုက်ကြည့်မိတယ်။ ထုံးစံအတိုင်းပါပဲ။ ရှောင်ကျန့်ရဲ့ မျက်ဝန်းအစုံက ရိပေါ်အတွက် အခုထိတိုင် အဓိပ္ပါယ်ဖော်ရ ခက်ခဲနေရတုန်းပဲ။ ရှောင်ကျန့်ကတော့ အနည်းငယ်ပင်ပန်းနေပုံပေါ်တဲ့ မျက်ဝန်းနဲ့ ပကတိဖြူစင်စွာပဲ ရိပေါ်ကို ညှိုးနွမ်းစွာကြည့်ရင်း ပခုံးကို ထပ်မံကိုင်ဆွဲလှုပ်ပြန်တယ်။
"ရိပေါ် မင်းဘာဖြစ်နေတာလဲ။"
"ငါ အဲ့နေ့က လာခဲ့တယ်။ မင်းကိုလည်း တွေ့ခဲ့တယ်။ အခန်းထဲမှာ မင်းပဲငါ့ကို...။ မင်း ငါ့ရှေ့မှာ ငိုနေခဲ့တာလေ။ မင်း ငါ့ကို စကားတွေအများကြီးလည်း ပြောခဲ့တယ်လေ။ မင်း မင်း ငါ့ရှေ့မှာတင် ငိုနေခဲ့တာလေ။"
ရှောင်ကျန့်က သက်ပြင်းကို လေးပင်စွာချတယ်။ ထို့နောက်မှာ ရိပေါ်ကို ကရုဏာသက်သလိုကြည့်ရင်း လေသံအေးအေးနဲ့ ပြောလာတယ်။
![](https://img.wattpad.com/cover/274566019-288-k684028.jpg)
YOU ARE READING
PSYCHO FRIEND (Season-2)
Mystery / Thriller🐺Unicode🐍 အိပ်မက်လေလား...တကယ်လေလား... #Monster Start Date: 23.6.2021 End Date: ... 🐺Zawgyi🐍 အိပ္မက္ေလလား...တကယ္ေလလား... #Monster Start Date: 23.6.2021 End Date: ...
Part 18
Start from the beginning