" ကျွန်တော့် အမျိုးသားနဲ့ ကျွန်တော် တွေ့ခဲ့တယ် "
သွားပြီ ။ တကယ်ကြီး ကျွန်တော့်ကမ္ဘာပြိုပြီ ။ ကျွန်တော့်ဆီက ညီ ထွက်သွားတော့မှာ ။ ကျွန်တော် ကျွန်တော် ညီ့ကို မလွှတ်လိုက်နိုင်ဘူး ။ ဟင့်အင်း မသွားရဘူး ဟင့်အင်း ။
အတွေးထဲမှာ စကားတွေအများကြီးပြောနေပေမယ့် လက်တွေ့မှာပြောမိတဲ့ တစ်ခွန်းထဲပါ ။
" ညီ ဘာလုပ်ချင်လဲ "
" ကျွန်တော် မသိဘူး သူကျွန်တော့်ကိုရောင်းခဲ့တာမဟုတ်ဘူး အကို သူရောင်းခဲ့တာမဟုတ်ဘူး "
" ညီ ယုံလား "
" ကျွန်တော် ယုံတယ် "
" အင်း ညီ ယုံရင် ညီ ဆုံးဖြတ်လေ သူ့ဆီပြန်သွားချင်လား "
" ကျွန်တော် သူ့ကို ချစ်တယ် အကို "
ချစ်တယ် တဲ့ ။ ညီ က ချစ်တယ်တဲ့ ။ မင်းထင်မဟုတ်တဲ့ သူ့အမျိုးသားကိုပေါ့ ။ ဒါပေါ့ ညီရယ် ချစ်သင့်တာပေါ့ ညီ ချစ်သင့်တာပေါ့ ။
မျက်လုံးစုံမှိတ်ပြီး အံကြိတ်ထားမိသည် ။ စကားတစ်ခွန်းပြောနိုင်ဖို့ကို မင်းထင် အတွက် အားယူနေရသည်လေ ။
" ညီ ထွက်သွားတော့မှာလား "
" ဟင့်အင်း ကျွန်တော်လုပ်စရာတွေရှိသေးတယ် ကျွန်တော့်ကို ကူညီပါ "
" အချိန်မရွေးပါပဲ "
" နောက်တစ်ခုက အကို့ကို ကိုကိုးနဲ့မိတ်ဆက်ပေးမယ် "
" ကိုကိုး ??? ဪ ညီ့ အမျိုးသားကို ကိုကိုး လို့ခေါ်တာပဲ "
" ဟုတ် "
" အင်း မိတ်ဆက်ပေးလေ ကိုယ်က လက်ရှိ ညီ့ရဲ့ အုပ်ထိန်းသူနေရာမှာဆိုတော့ ကိုယ် သိထားသင့်တယ် "
" ဟုတ် မနက်ဖြန် နေ့လည် အိမ်ခေါ်လာလိုက်မယ် "
" အဆင်ပြေပါတယ် "
ညီ ကျွန်တော့်နားကနေ ထွက်သွားပြီး အိမ်ထဲဝင်သွားတယ် ။ ဒါပေမယ့် ကျွန်တော့်ဘဝကြီးကနေ ထွက်သွားသလိုပဲ ညီက ဝေးဝေးသွားတာ ။ အခု ကျွန်တော်ဘာလုပ်ရမှန်းမသိဘူး ။ ဘာဖြစ်သွားမှန်းလဲမသိဘူး ။ ခင်ဗျားတို့ရော ခင်ဗျားတို့ရဲ့ ဝိဉာဉ်က ခင်ဗျားတို့ ခန္ဓာကိုယ်ကို စွန့်ခွာသွားမယ်ဆိုရင် ခင်ဗျားဘာဖြစ်သွားမယ်ထင်လဲ ????
အပိုင်း ၃၇ / အပိုင္း ၃၇
Start from the beginning
