الجزء الثاني من الحلقه التاسعه
من رواية
غلطة أخي
بقلمي : 🌹عبير سليم🌹
💖💖💖💖💖💖
الأم ماذا تعني كلمة ام هل هي من تهتم بغذائنا و ملبسنا و احتياجاتنا الماديه فقط؟
هل تلك الأمور هي كل مهامها في تلك الحياة؟كلا فالأم أسمى و اعلى من ذلك بكثير فتلك أمور قد يستطيع الكثير القيام بها و كم من اطفال نجدهم في سن صغيرة و يتعودون على الاعتماد على أنفسهم فى ماكلهم و مشربهم و ملبسهم
و هذا لا يعني اننا نقلل من ذاك بل هو ضروري و هام و لكن هناك الأهم منه بكثير و هو الاحتواء و الأمان و الحب هو ان تفهم الأم ابنها او بنتها و تشعر بهم و بما يحسونه و ما تقوله أعينهم قبل ان تنطقه افواههم
و نحن هنا معنا امرأة قامت بدور الأم على اكمل وجه كانت أم بكل ما تعنيه الكلمه ملأت حياة أولادها بالعطف و غمرتهم بالحب و الحتان و الاحتواء و كانت لهم الملجأ و السكن
و لكن هل لها ان تدرك مشاعر ابنها و تدرك مكنون صدره هل لها أن تشعر بما يشعر به من آلام و وجع هل لها أن تسمع صرخات قلبه هل لها ان تكتوي بتلك النيران التي تنهش قلبه
كوثر ماذا تعني هذه الكلمه و ماذا يعني هذا الإسم (انه نهر بالجنه فلقد قال الله سبحانه و تعالى في كتابه الكريم : انا اعطيناك الكوثر فصل لربك و انحر ان شانئك هو الابتر)
فالكوثر هو نهر بالجنه اعطاه الله سبحانه و تعالى لاعز و احب خلقه إليه و هو سيدنا محمد صل الله عليه و على آله و صحبه و سلم
و لكل واحد منا حظ من اسمه و كوثر كان لها حظ من اسمها و هو انها كانت و دائما نهر من الحب و العطاء نهر من الوفاء و الإخلاص و الوفاء، بالجميل
و اذا كانت هي هكذا مع كل الناس فكيف لها الا تكون هكذا مع فلذات اكبادهاو هما عند تقى الكل كان فرحان و مبسوط و كوثر فرحتها بابنها ملهاش حدود لكن فرحتها بيه عمرها ما تقدر تنسيها ابنها الكبير حبيبها و أول فرحتها و أول كلمة أم تسمعها كانت منه هو
كانت مركزة معاه اوي و بتضحك و مبسوطه و هي شايفاه بيتقدم للكلام و هو اللي بيطلب تقى لاخوه الصغير
اه طبعا حزينه من جواها ان عبد الله مات قبل ما يفرح بحد من ولاده و كان نفسها اوي هو اللي يقوم بالدور ده لكن كون احمد هو اللي يكمل المسيرة و يكون ليهم بمثابة الأب و انه يكون السند لاخواته ده طبعا كان شئ، مفرحها جدا
لكن فجاة تعابير وشها اتغيرت و بعد ما كانت عبارة عن فرحه و ضحكه و ابتسامه بقت استفهام و قلق و خوف سيطر عليها و نست كل اللي حواليها
و بدأت تركز معاه هو و هو و بس شايفه الكلام طالع منه بصعوبه كأنه طفل لسه بيتعلم الكلام بيتهته لسانه مش قادر ينطق و لا قادر يتكلم و لا عارف يجمع جمله على بعضهادموعه سابقه كلامه بيحاول يمنعها من النزول و صوت مبحوح من كتر البكا بيحاول يداريه و مش قادر
قالت لنفسها لاء لاء دي مش دموع واحد فرحان باخوه و ده مش ممكن يكون صوت واحد مبسوط و هو بيطلب ايد البنت اللي بيحبها اخوه ليه