إنتقام الملكة

همس الجاسر

إنتقام الملكة 2
Part 2

( يا لوعة قلبك يا أميرى)

ف مساء اليوم
همس إدخل
جاسر الجميل بيعمل ايه
همس جاسر أنا زعلانه منك وانا ال بقول اخويا حبيبى مش هيكسفنى
جاسر خير يا لمضه أنا كسفتك ف ايه
همس ماقولتش لماما على سفرى... والباص هيطلع  الفجر وانا مش عارفة هروح ولا لأ ومجهزتش حاجتى
جاسر ملكيش دعوة بماما وجاهزى حاجتك
همس بجد يا ابيه تسلملى
جاسر أبيه انت بتكبرينى ياأبت
همس حقك ياب اشا انت مش قلت الكبير كبير بتفكيره وعقله  بسبب دماغك ال توزن بلد دى اديك كدا يجى فى حدود خمسين سنه
جاسر يخربيت فقرك عجزتينى وانا شباب لسه المهم انتى لبستى للحفله
همس اااه ايه رأيك
جاسر وحش
همس ياساتر حدف كدا طيب بالحنين عليا
جاسر طيب اقلعى يا أختى
همس هاااا اقلعى عييييب يا أبيه
جاسر بضحك دماغك دى تودى ف داهية خدى يا هبله دا فستان جبتهولك هديه ميلادك دقيقتين اخرج برة تقلعى القرف دا وتلبسى دا وتنزلى ورايا
همس حبيبى يا سوسو هوا واكون وراك
جاسر قصدك بمين سوسو ، أنا همشى بدل ارتكب جنايه

تلبس همس الفستان الذى تبدى فيه كالأميرات. قشطه بقا ايه الجمال دا دا انت هتبقى مزة ياسمسمه

بعد قليل تنزل همس أدراج القصر كالأميرات

ليقول الجاسر

  "أي حسناً هذا يا همسُ الحياةُ ، أي تعويذة ألقيتيها على الجاسر ، اااه لو ينطق اللسان ويقول كم بهواك معذب  أحببتك يامن سرقت قلبى منى "

همس هاااا ايه رأيكم
نور زي القمر يا همس كل سنه وانت طيبة ياحبيبتى
لارين كل سنه وانت طيبة يا أميرتى
وانتى طيبة ياماما ربنا يخليكى ليا
الجميع وقف يهنئ همس وجاسر وإياد بعيد ميلادهم
تقى جميل الفستان عليكى يا همس
همس. جاسر ال جبهولى هدية ميلادى ، ايه ياعمهم روحت فين
جاسر هااا أنا هنا هروح فين يعنى ، زي القمر يا همس الحياة
همس ايه دا ايه الكلام الجامد دا انتم سامعين جاسر بيقولى ايه همس الحياة عااااا
جاسر اهدى يابابا اهدى أنا غلطان انت مفكيش اى حاجة من اسمك انت عارفة معناها
همس بتعنى التحدث بصوت منخفض للغاية يصعب سماعه ويوحى أيضاً بالرقة والنعومه
وانت بقا عكس كدا خالص

همس قصدك يعنى ان أنا مش رقيقه ، طيب والله ما فيه ارق منى شوف انت بس نفسك دا أنا مفيش انعم من أحبالى الصوتيه

إياد انت بتكلم مين ياعم ياجاسر
همس بتريقه  دمك تقيل على فكرة، ثم تميل على أذن جاسر اخلص يابرنس وقول للملكه على موضوعنا ، شوفت بهمس اهو بأدب
يضحك جاسر ويضربها على رأسها
وكان هناك من ينظر لهم بعين صقر حقودة طبعا معروفه مين هيا
سمر كنت عايزة أقولكم على حاجة بالمناسبه الحلوة دى
حمزة لا ارجوكى بلاش ارائك ياسمر بتقلب علينا بنكد
سمر بقا كدا يا حمزة على طول كاسفنى
لارين بمحاوله تلطيف الجو. ملكش حق ياحمزة سمر تقول ال هيا عايزاه اقولى ياحبيبتى أنا سمعاكى
سمر بغيظ لحمزة واصلا أنا عايزاكى انت بالأخص تسمعينى
حمزة ربنا يستر
يبتسم الجميع يعلموا كم القذائف التى تلقيها سمر
سمر  بصراحة بقا همس كبرت على قعدتها كدا اكتر من كدا هتعنس
حمزة اللهم طولك ياروح يا شيخة ارحمينا نفسنا سعادتنا تكمل شويه
سمر. وانا بتكلم عشان سعادة ولادى
لارين كملى ياسمر لوسمحت ياحمزة
سمر. بصى بقا أنا عايزة اجوز همس  لمحمود ابنى
ليتفاجئ الجميع بصدمة
حمزة انت بتقولى ايه ياست انتى .. انتى اخدتى رأى ابنك وبعدين الموضوع ميتعرضش بالشكل دا
سمر اومال ازاى يا استاذ حمزة
حمزة على الأقل كنت كلمتى لارين لوحدكم سألت بنتها عشان حساسيه القرابه أو لو حصل رفض
سمر. رفض ايه بقا ان شاء الله دا أنا ابنى مفيش زيه
لارين من فضلكم اهدوا شويه ،ياسمر لازم تعرفى رأي إبنك الأول
سمر. محمود يستحيل يعارض امه
لارين لا يعترض لو مش عايز دى حياته ياسمر
سمر طيب اسأليه كدا مش انت موافق يامحمود وتغمز بعينيها له
محمود. هااا اااه أكيد أنا مش هلاقى افضل من همس
سمر هاااا ايه بقا اهو قال رأيه
لارين انت عارفة ان همس أكبر من محمود
سمر أكبر ايه بس دا كلهم 3شهور ايه يعنى
لارين طيب سيبنى ياسمر دلوقتى اشوف رأى همس وال هيا هتقرره هو ال يتنفذ بدون إعتراض من حد
سمر هو أنا لسه هستنا ادى الجمل وادى الجمال
هااا رأيك يا هموسه (يخربيتك عقربه) 
همس. أنا.....
حمزة سمر ايه ال بتعمليه دا قولنا سيبهم وقت
سمر على فكرة أنا عارفة رأيها هيا موافقة ولا ايه يا هموسه قلبى (غريبة سمر دى)
همس بخجل ال تشوفيه ياطنط سمر 
سمر شوفتم كان عندى حق
لارين همس انت موافقة اصبرى لما نقعد سوا
سمر ما خلاص يا لارين هيا موافقة
حمزة صبرنى يارب
سمر طيب ماشى ، موافقه ياهمس ولا تحبى تاخدى وقتك
همس. موافقة 

كلمه ليست بكل هذا الثقل ولكنها نزلت على مقهور القلب كجبال لايقوى على تحملها يستمع لكلامهم وكأنه يراه حلما ولكن فاق منه على كلمه موافقة

ااااه يا قاتلى كم تمنيت ان تقال لى يومًا ما ،
يا ربى لما علقتنى بأمنية تعلم انها ليست مقدرة لى

الجميع مبتسم ويفرح لهذا الخبر السعيد ولا أحد يدرى بقلب الجاسر الذى صار قطعة من الجمر تحرقه من الداخل ....

لكن هناك من ينظر له نظرة حنان ويحزن لأجله يعلم ماداخله يعلم كم هو عاشق لهواها يشفق عليه وعلى قلبه تتمنى لو تذهب لتضمه فهى لاتريد ان ترى دموع ف عيون اميرها الصغير نعم إنها الملكه ،
ملكة الرحمه لارين تعلم مايدور ف خاطره أكثر من الجميع .....
ااااه يا أميرى الصغير لو كان بيدى لزففتها عليك عروس
فلم اتمنى غيرك تكون لها زوجًا محبًا رفيق دربها
ولكن انه القدر يا صغيرى دائما ما يخزلنا هون عليك الله ياأميرى

سمر مبروك ياحبيبى خلاص بقا ايه رأيكم ياجماعة نلبس الدبل الخميس الجاى والفرح يبقى بعد شهر من النهاردة
سناء ألف مبروووك يا حبيبى
همس تسلميلى ياتيته
محمود ربنا يخليكى لينا ياتيته
بسمه مبروك ياهمس مبروك يا محمود
همس ربنا يخليكى ليا يا سمسمة
فهد مبروك ياولاد. ايه رأيك يالارين الخطوبه يوم الخميس
لارين ال تشوفه يااخويا مبروك يابنتى مبروك يابنى
ينسحب جاسر بهدوء لتراه همس ،جاسر رايح فين ايه مفيش مبروك ليا
جاسر وعينيه تدور ف مكان آخر يخاف ان ترى همس حياته دموع عينيه ، ألف مبروووك يا همس ، مبروك يامحمود بعد اذنكم طالع ارتاح
همس. ايه دا ماله دا
لارين سيبوه على راحته طول النهار ف الشركة أكيد تعبان وعايز يرتاح ، أه صح هوكلمنى بخصوص سفرك شرم قبل ما تنزلى من فوق وانا وافقت لسه عايزة تروحى بس كدا الخطوبه هتتأجل على ماتيجى
سمر. لا تأجيل ايه تبقى تسافر هيا وعريسها بعدين يقضوا شهر العسل المهم الخطوبه
همس خلاص ياماما مش مهم السفر
حمزة طيب نستأذن الوقت اتأخر بعد إذنكم

بعد ساعة كان كل من ف القصر داخل غرفته 

لارين تطرق باب غرفة جاسر ،حتى جاءت همس ماما انت هنا طيب كويس كنت عايزة ادى جاسر هديتى ليه معرفتش ادهاله بسبب ال حصل من شويه
لارين مش وقته يا حبيبتى ممكن تدهاله الصبح
همس ايه بس هدهاله واخرج
لارين معلش يا همس الصبح أنا محتاجة اكلمه بخصوص الشغل قبل ماينام اتفضلى دلوقتى والصبح ادهاله
همس.  حاضر تصبحى على خير
لارين. جاسر افتح ياحبيبى
يفتح جاسر بعيون منتفخة يحاول أن يداريها عن انظار لارين
تدخل لارين وتغلق الباب .. بدارى نفسك عنى ليه تفتكر أنا مش عارفاك ولا عارفة احساسك ايه أنا عارفة ان أميرى مكسور وموجوع
ليتجه جاسر نحوها لتحتضنه لارين ليبكى من لا يبكيه شئ
لارين حقك عليا يابنى والله ما قادرة اعمل حاجة عشان اوقف دموع عينك القدر يا بنى
جاسر. متمنتش غيرها مفكرتش ف غيرها  محبتش غيرها كانت كله حاجة صديقة حبيبه اختى كنت بحسها بنتى مع أننا سن واحد
لارين عارفة يا حبيبى وكنت حاسة وعارفه
جاسر. ليه يا أمى ليه هعيش ازاى واكمل حياتى وانا شايفها مع راجل غيرى اااااه ياامى قلبى وجعنى اوووى
لارين اهدى يابابا ربك مسبب الأسباب انت طيب ياجاسر ويستحيل ربنا يسيبك موجوع أكيد ربك عنده عوض وتدبير لايعلمه غيرك ، نام ياحبيبى وسيب همك على الله وربك قادر يجبر بخاطرك
ظلت لارين طول الليل تقرأ قرآن بجوار جاسر وتهدئ من لوعة قلبه بكلام حنون حتى استسلم للنوم
لارين. يارب لاتكسر بخاطر أميرى انت ارحم به منى واعلم بحاله ياكريم
  بقلمى 👈 إيمان المهدى