إنتقام الملكة

الحلقة التاسعة

إنتقام الملِّكة
Part 9
(اخفاء الحزن واظهار قوة)

مستشفى الناصرى
تدخل لارين مسرعة لتجد الجميع يقف أمام غرفة العمليات
حمزة. لارين انت كويسه ومين خطفك
لارين. أنا بخير البقاء لله أنا آسفة كل دا بسببى
حمزة فهد لسه عايش هو ف العمليات
يقف الجميع على اعصابه ، يخرج الدكتور من غرفة العمليات
لارين  دكتور فهد عامل ايه دلوقتى
الدكتور الحمد لله خرجنا الرصاصة وهو دلوقتى
شويه وقت وهيكون بخير ، تنفس الجميع بهدوء
سناء الحمد لله
لارين الحمد لله ربنا يرحمك يا عم محمود قسما بالله لأجيبلك حقك
لتخرج سمر عن صمتها الدائم .. لارين كفايه بقا ارحمينى إنتقام .... إنتقام ....حرام عليكى يا شيخة بسبب انتقامك اتحرمت من عيلتى ابويا مات وأخويا بين الحياة والموت ولسه عايزة إنتقام إياك تفكرى أنك هتكونى بتحبى ابويا اكتر منى ارحمينا بقا اخدنا ايه من ورا انتقامك غير إننا اتشردنا زمان والنهاردة ادمرت حياة عيلتى أنا بكرهك يا لارين بكرهك
سناء سمر اخرسى وكفايه ال احنا فيه هيا لارين ذنبها ايه
سمر. ذنبها ايه عمتى انت واعيه لكلامك ذنبها انها الملكة بنت عيله الناصرى ال بسببهم اتقتل جوزك عشان يحميهم والنارمسكت ف بنتك ال عمرها شهرين واتحرمت من ابنك سنين عيلتك كلها ادمرت بسبهم ابنك راجل تانى راباه
اتربى بعيد عن حضنك وانت هربتى ببنتهم من بلد لبلد عشان تحميها واحنا نهرب معاكى حياتنا ضاعت بسببها وياريتك اتعلمتى ياعمتى ياريتك إتعملتى بكل غباء فضلتى تحمى البنت ال دمرت حياتك ، تجد سمر صفعة على وجهها من لارين إياكى تانى مرة
تغلطى او تهينى أمى انا مقدرة ال انت فيه وإلا والله كنت اتعملت معاكى بطريقة تانيه أنا عمرى ما اتعملت معاكم على انكم مش عيلتى أنا أصلا مليش غيركم وان كنتم اتأذيتم بسببى أكيد أنا مش هسكت
وهنتقم من جاسر السيوفى وأى شخص فكر ان يحرمنى من ناس بحبهم
ومن دلوقتى أنا بس ال هعمل كل حاجة لا فهد ولا أى شخص هيدخل ف انتقامى وتنادى بصوت مرتفع نور
نور. ايوه ياملكة
لارين فهد لازم يخرج حالا
نور بس دا غلط انت عارفة ان العملية كانت صعبة جدًا
لارين أنا معينتكيش مديرة للمستشفى انت وزمايلك عشان تعارضينى حضرى كل ال يلزمه عشان يوصل القصر بخير ويتعالج هناك اطلبى دكتور وممرضات يراعوه ، هناك أأمن ليه
سمر.  اامن ازاى انت مش شايفة ايه ال حصلنا
ليدخل مدحت  لا متقلقوش قصر الناصرى يستحيل حد يعرف يدخله عليه حراسه مشددة صعب اختراقها
حمزة انت مين
مدحت أنا اللواء مدحت صديق فايز وكمان كنت صديق ل سليم الناصرى
لارين عم مدحت كل حاجة تمام
مدحت متقلقيش ياملكه ومحدش هيعرف بموضوع قتل محمود ولا ضرب النار على فهد
الكل بصدمة
سمر. ليه مش عايزة تعملى محضر اومال هتجيب حقنا ازاى دا لازم يتسجن
لارين بصوت مرتفع وقوة سمرررر قولت خلاص اسكتى خالص انت مش فاهمة حاجة
فايز طيب فهميما يا ملكه
لارين تحب تخسر بنتك او ابنك وانت ياست سمر مش بكفايه خسارة ابوكى تحب تخسرى مين تانى
سمر بضحة مليئة حزن وتقولى ملكه وهتحمينا أنا ال مبقتش فهماكى مين قالك ان الشيطان دا مش هيعيد ال عمله تانى
لارين. لا ياست متقلقيش ال كان عايزة حصل عليه خلاص
والحراسه ال ع القصر دى للإحتياط  مش اكتر وانا اقدر احميكم بس كمان خايفة عليكم بس طبعا جاسر السيوفى هياخد جزاءه
حمزة   قصدك ايه ب ال كان عايزه
لارين. كان عايزنى
حمزة عايزك ازاى يعنى لارين انطقى
لارين. أنا اتجوزت جاسر السيوفى
صدمه ف المكان وهدوء غريب وأسئله ليس لها اجوبه
سناء. انت بتقولى ايه يابنتى انت اتجوزتى الشيطان دا
فايز ايه يابنتى انت تعرفى مين جاسر السيوفى وممكن يعمل فيكى ايه وانت قريبه منه دا احقر انسان على وجه الأرض
لارين. كان لازم دا يحصل حاولت بكل قوتى ارفض بس قدام عينى  ضرب نار على عم محمود وفهد وكان هيضرب نار على على حمزة لو كنت رفضت وانا مقدرش اشوف حمزة بيموت قدامى
حمزة يضحك بصوت مرتجف وعيون دامعه ، خفتى اموت  طيب انت شايفة بعد ال قولتيه ان هبقى عايش غلطانه ياملكه انت قتلتى حمزة من وقت ما مضيتى على ورقة تربطك بغيرى
لارين حمزة أنا آسفه والله كان غصب عنى
يتركها حمزة دون رد ويخرج من المستشفى
لارين شادى روح معاه متسبهوش ارجوك أعمل المستحيل خليه يروح القصر هناك أمان ليه
نور. احنا جهزنا كل حاجة لخروج فهد
لارين تمام عمو مدحت فهم الحرس ممنوع خروج اى شخص من القصر غير للضرورة
مدحت حاضر ياملكة
سناء هتروحى فين
لارين. هروح لقدرى يا ينهينى يا انهيه روحى انتى يا أمى النهار قرب يطلع خالى بالك من نفسك ومن كل ال ف القصر
سناء متقلقيش على حمزة ال حصل مش شويه عليه
اوعيدينى يا لارين متسبيش حقك خدى حقوق ال ماتوا وال انجرحوا وال اتظلموا
لارين. اوعدك هشوف اكتر حاجة بتضعفه وهحسر قلبه عليها
فايز ابن السيوفى مالوش نقطه ضعف ولا ليه حد يخاف عليه
لارين. يبقى نخليله نقطة ضعف
فايز ازاى انت ناويه ع ايه
لارين بكرة هتفهموا خالى بالك من الشركة وخروجك هيكون تحت حرس ، ماما ابعتيلى لبسى اول ما توصلى القصر وفيه خنجر ذهب كان ف خزنه المكتب
سناء هتعملى ايه بالخنجر يابنتى
لارين سامحينى ياماما وياريت بلاش اسأله  ف نفسها أنا هخليلك تتمنى الموت كل يوم ياجاسر

بعد وقت تصل لارين فيلا السيوفى  تكلم الحرس فيه حارس هيجى بعد شويه معاه اغراضي تخصنى
تدخل الفيلا لتجد جاسر يقعد على احد الكراسى ينفخ ف سيجاره بكل عظمه 
حمد لله على يا ملكة 
تنظر لارين تجاهه دون رد
جاسر بس ممتاز ال عملتيه ف ساعتين قدرتى تعملى من قصر الناصرى قلعة محصنه صعب اختراقها والله برافوو عليكى
لارين. فين قوضتى
جاسر. قصدك قوضتنا
لارين دا بعدك وف احلامك
جاسر يقرب عليها أنا مبحلمش ياملكة انت واقع بالنسبالى ولا ناسيه أنك مراتى
فى نفس الوقت يدخل الحارس بالشنطه الخاصة بلارين
لارين تبتعد لتسرع ف فتح الشنطة واخراج الخنجر الذهبى منها لتوجه تجاه جاسر وبكل قوة لا حلم ياجاسر وجودك مع الملكة لارين ف غرفة واحدة حلم معنديش اى مانع ولاتردد ان اخلص عليك وافصل رقبتك عن جسمك
يمسك جاسر يدها ويتغلب عليها مش جاسر السيوفى ال ست تستقوى عليه
سرعان ما فلتت لارين نفسها من قبضته لتجرح يده بالخنجر بس أنا مش أى ست يا باشا أنا الملكة ال اتربت ف بدروم ال اتقتلوا اهلها كلهم قدام عينها وهيا طفله أنا ال انكتب ف قدرى الإنتقام. أناسيبت احب الناس لقلبى واتجبرت على جوازك تفتكر هتكون انت يالى عشت حياتك كلها ف الهلس هتكون أقوى منى
روح يا أسد شوف ايدك ال بتنزف واستعد لإنتقام الملكة
وتأخذ لارين اغراضها لتدخل غرفة بالقصر
لارين لنفسها
سأجعل من نفسى نقطة ضعفك الوحيدة سيأتى اليوم الذى ازهق فيه روحى حتى تذوق من الحرمان والألم ماذقت أنا

أما الجاسر فيقف يتسائل
كيف لها أن تقف وتهدد بقتلى
ما هذه المرأة الا يغريها قوتى نفوذى الا يغريها جاسر السيوفى هناك الألاف يتمنون نظرة من الأسد يتمنون ان ارافقهم الفراش كيف تتعالا هذه المرأة علي مهما كانت ملكة ام خادمه فكلهم سيدات فكيف لا اغريها بأى شئ حقاً مختلفة عن الجميع يا ملكة اتمنى لو امتلك هذا القلب المغرور وجسدك وكبرياءك لى وحدى

هنا فقط اقول ان الملكه بدأت طريق الإنتصار ف ان تجعل للأسد  نقطة ضعف وهو حبه لها

متابعة 👈 إيمان المهدى ليصلك أشعار بالجديد