إنتقام الملكة

البارت الرابع

إنتقام الملكة
Part 4

(عودة الملكة)

لارين  عمى فايز أنا هنزل معاك مصر دلوقتى
فهد. أنا هاجى معاكى مش هسيبك
لارين. مينفعش أنا معرفش إيه ال ممكن اواجه
فهد. وعشان كدا مش هسيبك
لارين. طيب يالا بينا دلوقتى
سناء. وأنا يابنتى مقدرش أسيبك
لارين. سامحينى مش هقدر اخدك معايا ارجوكى خليكى هنا مع سمر وعمو محمود اول ما اظبط امورى هبعتلكم
سناء. أنا خايفة عليكى.
لارين.  متخافيش على الملكة
تودع لارين محمود وسمر وسناء وتخطو أول خطواتها ف طريق لاتعرف كيف تكون نهايته
تكلم نفسها. ياترى قدرى هياخدنى لفين ياترى فعلا هقدر ابقى الملكة القويه وارجع الحقوق لأصحابها
بعد وقت يصلوا تحت مبنى عمارة
فايز.  يا ملكة
تنظر له لارين
فايز. لازم الكل يهابك حتى أنا لازم اقولك ياملكة خليهم يفهموا أنك قويه بس إياكى قوتك تسود قلبك وتخليه يقسى دى قوة تظهر للظالم وبس
لارين حاضر
فايز طيب يالا وصلنا شقتى تعالى هعرفك على مراتى وولادى

شادى. بابا حمد لله على سلامتك
فايز. الله يسلمك ياحبيبى ناديلى أمك واختك
هبه. اهلا وسهلا اتفضلوا
فايز  هبه مراتى ونور بنتى وشادى  ابنى ظابط شرطه
نور ف السنه الأخيرة طب
لارين. اهلا بحضرتكم معلش فجئناكم ف نص الليل
هبه. ولا يهمك يابنتى ، بس مين دول يافايز لمؤاخذة يابنتى
فايز.  دى تبقى الملكة
هبه. انت لارين الناصرى اهلا يابنتى اتفضلى
فايز.  أنا قايلهم كل حاجة متقلقيش بس ميعرفوش ان كنت رايحلك
هبه.  نور.هاتى مايه وحضرى العشا
لارين. لا معلش كفايه مياه أنا بصراحة محتاجة أنام
هبه بس يابنتى مينفعش تنامى كدا من غير عشا
فايز.  سيبيها على راحتها ، نور دخلى لارين قوضه الضيوف
نور  حاضر يابابا
شادى. طيب وانت ياباشا اسمك ايه
فهد. اسمى فهد وانا فى مقام اخوها ل لارين
شادى. اهلا وسهلا شكلنا هنبقى اصحاب

تدخل لارين الغرفة  وتبكى بصوت مكتوم حتى لايسمعها من بالخارج  ليه عملوا فيا كدا حرمونى من أمى وأبويا وكمان حمزة الطفل الصغير كان يكبرنى بسنتين كان أعز صديق ليا أنا أصلا مكنليش غير حمزة
والله لأرجع حقكم وأنتقم من كل شخص حرمنى منكم

تطلع شمس يوم جديد

لارين صباح الخير عمو فايز
فايز صباح النور ياملكة
لارين.  أنا جاهزة مش نروح البنك ونخلص كل حاجة
فايز. طيب مش هتفطرى
لارين لأياريت ننزل فورا
فايز أنا عملت اجتماع مع مدراء البنوك
لارين تمام يالا بينا
تدخل لارين البنك وتخرج  التاج أمامهم وبعض الوثائق والأوراق تثبت انها لارين الناصرى ،يسمحوا لها بدخول الخزنه لتتفاجئ لارين بكم الفلوس وقطع الذهب وبعض الأحجار الكريمة النادرة

تمام عمو فايز. عايزاك ف أقل من أسبوع قصر الناصرى يرجع زي ما كان وأحسن شغل العمال ال تحتاجهم
وانت يافهد تنزل اعلانات فى الصفحة الأولى فى كل الجرايد الكبيرة وكمان العادية لازم الكل يشوف الإعلان
بإفتتاح شركات ومصانع الملكة
ومحتاجين 500الف موظف وعامل من جميع التخصصات وبمرتبات عاليه وعقد خمس سنوات
فى أقل من أسبوع
فايز دا كتير انت واخدة بالك من الرقم هتعملى ايه بينهم
لارين بكرة تفهم
فهد. تحت أمرك الإعلان هينزل بكرة الصبح
لارين تمام  عمو فايز. عايزة اعرف شركات العابد والباشا ايه المناقصات ال داخلينا
فيه ناقصتين الكبيرة داخلاها شركات الباشا طبعا
المناقصه التانيه دخلاها شركات العابد هتنقل شركاتهم نقله كبيرة لو حصلوا عليها
لارين. يبقى يخسروها والمناقصه تروح لشركات الملكه
فايز تحت أمرك  ، بس المناقصه ال دخلاها شركات الباشا صعب الحصول عليها دول دافعين مبلغ كبير للحصول عليها
لارين. يبقى تدفع ضعف المبلغ وتحصل عليها شركه الملكة
فايز. بس دا كتير
لارين. احنا مش هندفع حاجة
فايز. اومال مين ال هيدفع
لارين بغمزة. شركات الباشا
فايز. حقيقى تستحقى لقب الملكة دماغك دى ايه