إنتقام الملكة

همس الجاسر

إنتقام الملِّكة
الجزء الثانى
Part 1
(ذكريات وحنين )

بعد مرور أكثر من خمسة وعشرون سنه
تستيقظ سيدة فى العقد الخامس من عمرها(50)
يزين شعرها بعض الخصلات البيضاء ، وبعض التجاعيد الخفيفة مرسومه على وجهها
تقوم السيدة لتقف أمام صورة على جدار غرفتها التى تحتوى على أثاث من التراث قديم
صباح الخير ياحبيبى وحشتنى كتير خمسه وعشرون سنه
محرومه منك بس تعرف أنت دائما جمبى مبعدتش يوم عنى
لما بشتاقلك بغمض عيونى اشوفك
ما أجمل أن أغمض عينى فأراك أمامى ، لو بيدى لأغمضت عينى طوال الدهر
لما بشتاق لعيونك بشوف جمالها ف همس
وملامحك الجميله ال ف إياد تعرف ان بيشبهك كتير وكمان همس عيونها شبه عيونك بس شبهى أنا واخدة شقاوتى فاكرها
ربنا رزقنا بأجمل توأم همس وإياد بشوفك فيهم ياحبيبى النهاردة عيد ميلادهم  أتموا أربعة وعشرون سنه
بس تعرف ياحبيبى مين يشبهك بجد ف صفاتك واخد طيبتك وحنيتك وساعات عصبيتك مش هتصدق
اسمه على اسمك ابن فهد
حب يسمى ابنه على اسمك ال طبعا غار وانا بولد وفضل يتعب مامته لحد ما ولدته ف السابع وانا ولدت ف التاسع بحبه اوى الولد دا بيفكرنى بيك  تعرف ان من بعد موتك فهد مسبنيش وجاب مراته يعيشوا معايا بسبب الحاله ال وصلتلها من بعد موتك يوم فرحه جه عاش معايا هو وماما سناء مسبنوش لحظه واحدة زي ما أنا ما هنش عليا اسيب بيتك واروح اعيش ف قصر الناصرى
هنا عشت اجمل شهرين ف حياتى هنا ف الأوضه دى بأثاثها بكل شئ فيها ابتدينا حياتنا سوا ال حرمنا القدر منها ....
وحشتني اوووى ياحبيبى وحشتنى ياجاسر ااااه ياحبيبى لن أنساك مهما إبتعدت عنى ...أتعرف لماذا ..
لأنك محفور داخل قلبى ...
ستبقى ذكراك وصورتك مرسخة ف ذاكرتى حتى مماتى
عقلى ... قلبى... روحى .. جميعهم مشوشين  لا يتذكروا غيرك صوتك .. ضحكتك .. لمساتك اتمنى ان تحتضنى ف جنه الخلد يا حبيبى رحمك الله ياعزيز القلب

أسيبك دلوقتى ياحبيبى واروح احضر لعيد ميلاد ولادى الغالين إياد .. همس... جاسر

تستيقظ همس تفتح عيناها بتثاقل ثم ثوانى تتذكر شئ لتقف على السرير ايه دا النهاردة يوم ميلادى عاااااا وكبرتى يا سنة أنا
جاااااااسر وتخرج من غرفتها بالبيجامه الطفوليه التى ترتديها لتدخل الغرفة المجاورة لها مباشرة
لتقترب من جاسر الذى ينام وينعم بنومه حتى وجد من يصرخ ف اذنيه جاااااااسر
جاسر. اييييه فى اييه حصل
تضحك همس ايه يا جاسور مالك خفيف كدا ليه أنا كنت بصحيك
جاسر بغضب مزيف انت مجنونه ياهمس حد يصحى حد كدا حرام عليكى
همس بزعل خلاص أنا آسفة
جاسر ايه دا همس بتتأسف معقول ، ياحبيبتى ارحمينى وخافى عليا طب أخلف إزاى أنا دلوقتى
همس ههههه لا متخافش كله دلوقتى بيخلف حتى ال ملوش فيها وياعم مين ال هبله ال امها داعيه عليه عشان تتجوزك
لتلقى همس المخدة ف وجهها طيب اخرسى هيا تطول
وبعدين تعالى هنا ويمسك بشعرها ويوجها للمرآه انت مش شايفة نفسك انت جاى ازاى
همس ااااه اااه شعرى مالى يعنى ما أنا عسل اهو ياخسارتك يابت ياهمس
جاسر حلو ايه بس يابنتى انت مغسلتيش وشك يامعفنه
همس لااا مسمحلكش يا أستاذ جاسر أنا الكبيرة
جاسر الكبيرة ازاى يعنى اومال لو مكناش ميلاد يوم وساعة واحدة
همس لأ أنا خالو فهد قالى ان  ماما خرجت من العمليات قبل طنط نور بخمس دقايق بحالهم يبقى أنا الكبيره بقا ولا انت يافالح
جاسر يضربها على رأسها انت هتعيرينا بخمس دقايق ياهبله وبعدين الكبير مش بالسن
همس اومال بإيه يافالح
جاسر يابت احترمى نفسك ياخسارة تربيتى فيكى الكبير ياشاطرة بعقله ال يوزن عشرة من امثالك المجانين
همس لغوش لغوش بردوا أنا الكبيرة
جاسر طيب يا ستى وبما أنك الكبيرة الناصحة تسمحى متدخليش عليا تانى بدون استئذان عشان مينفعش وكمان متخرجيش ببجامه النوم برة قوضتك دا آخر تحذير ليكى
همس. يوووه بقا رجعنا لجاسر العصبى تانى ماكنا حلوين ياسطا
جاسر اسطا انت ايه يابنتى ، تصدقى انا كدا عرفت ان تربيتى ليكى فشلت شوفى إياد بيسمع كلامى وهادى وراسى ازاى
إياد مين بيجيب سيرتى  صباحو امعلمين 
همس ههههه استلم تربيتك
جاسر يقضب حاجبيه بعصبيه
إياد مالوا دا
همس. ههههه مفيش دا حوار تربيته بتاع كل يوم
إياد هههههه يبقى أكيد عملتى مصيبه
همس. أبدا والله ياجدع انت تعرف عن اختك كدا دا أنا بلسم
إياد. هههههه انت هتقوليلى ما أنا عارف
جاسر. خالصتوا حوارات ورغى كتير يالا اتفضلوا خدولكم طريق عايزة اغير هدومى عشان انزل الشركة
إياد ايه دا دا احنا بننطرد
همس تفتكر كدا اتهزقنا
جاسر برااااا
همس يااعمهم متزوقش بس إياك تكون بتعمل كدا عشان تخلص من هدية ميلادى
جاسر. لا يا أختى متخفيش دا انت تفضحينى هو أنا ناقص
طيب بقا ياجاسور ياعسل انت  طلب تانى عشان خاطرى
جاسر هااا ارغى
همس ارجوك قول لماما توافق على رحله شرم مع أصحابى انت عارف انها بتحبك وبتسمع كلامك
جاسر مينفعش يا همس سفر لوحدك لأ وخصوصا مع شيلتك البايظه دى
همس. مين قال بس ان لوحدى أنا إياد مسافر معايا
إياد انت بتقولى ايه انا مش ..... تضربه همس ااااه
همس شوفت اهو بيقولك ااااه بليز بقا
جاسر إياد انت مسافر معاه
إياد هااااا لتهمس له همس تقى جايه ، ليكمل  ااااه هسافر معاها
جاسر إياد تخلى بالك منها انت عارف اختك هبله
إياد. بضحك حاضر. ، همس تشكر يا ذوووق
جاسر طيب يالا اخفوا بقا من قدامى
همس  ماشى يا اعمهم سلام يالا بينا يارفيقى
جاسر وهو يقفل باب الغرفة انت يابت ابقى استحمى
إياد يشاور على همس ويضحك. هههههه بيقولك
همس. تشم. ملابسها هو أنا ريحتى وحشه اوى كدا
إياد يقرب عليها. اففف بصراحة اااااه
تضربه همس ليبتعد سريعا عنها
همس طيب والنعمه أنا قمر وريحتى مسك

بقلمى 👈 إيمان المهدى
بعد نصف ساعة
يجتمع الجميع على سفرة الإفطار
جاسر صباح الخير ياتيته  ويقبل يدها
سناء صباح الخير ياحبيبى
صباح الخير ياماما صباح الخير يابابا
نور وفهد صباح الخير ياحبيبى
صباح الخير ياملكة قلب الجاسر عامله ايه ياست الكل ويقبل يدها (لارين)
لارين يا واد يابكاش بلاش الغزل دا كله أصل نور تغير
نور أغير منك انت يالارين دا انت ال مربياه وبعدين هو يا أختى بيحبك اكتر مننا
لارين مش قولتلك هتغير
جاسر ماما عارفة غلاوتها عندى هيا روحى  ،. أما انتى قلبى يا ملكه لارين
لارين تنظر للكل بدموع عينيها مش قولتلكم ان جاسر ممتش وعايش معانا شكرا ليك يا فهد عشان سميته على اسم الغالى
فهد ربنا يرحمه يارب
جاسر ايه بقا يا ست الكل احنا هنعيط ولا ايه ويمسح دموعها انت حبيبتى ياملكة
همس وإياد. تيرا رارارارارا 🎶🎶🎼🎼🎼
جاسر ما تحترم نفسك يا اااد انت وهيا ، استأذنكم بقا عشان الحق ارجع بدرى
لارين متتأخرش يا حبيبى عشان عمك حمزة وعمتك سمر وولادهم محمود  وتقى جايين عشان تقعد معاهم
شويه
جاسر. حاضر ياملكة مش هتأخر يالا باى
إياد يميل على همس أبسط ياعمهم  محمود باشا جايلك
همس اسكت ياخفة.  وبغمزة😉 ماتسيحش وخليك فى ست تقى ال شايفه نفسها

ياترى ايه حكايه محمود وتقى
وجاسر هيكون فعلا عوض للكل عن راح

بقلمى 👈 إيمان المهدى