إنتقام الملكة
(كشف الأسرار)
Part. 3
لارين. أنا هموت وأعرف ازاى بس قدرتى تخرجينى
سناء. لارين ارحمينى أنا لا خرجتك ولا حاجة أنا زي زيك لقيت الظابط بيقول ان الشاب خلاص اتنازل عن المحضر
لارين. طيب فهمينى ازاي دا كان مصمم علي المحضر
سمر. للدرجاتى انت عملتى فيه ايه
لارين بضحك ولا حاجة عملته كفته وشه بقا شوارع
فهد. ربنا رحمه من تحت ايدك بأعجوبه
سمر. ههههه بجد هيا بهدلته اوى كدا، طيب هو عمل ايه عشان كل دا
لارين يعنى شعرى يقع ولما اجى ألمه يقولى سيبه مفرود أصل شكلك وانت لماه يشبه الولاد
سمر تضحك بصوت مرتفع بصراحة ملوش حق يستاهل ال جراله بس على فكرة عنده انت فعلا لبسك وطريقتك كل حاجة فيكى تقول أنك ولد متنكر ف بنت مع أنك جميلة جدا
لارين بغيظ سامعة ياماما عشان لما اشوهلها وشها شبه الواد المايع ال عاكسنى متزعليش
فهد بصراحة انت أرجل منه يا أستاذ لولو
لورين. بقا كدا والله ما هسيبكم
ليدخل محمود. فضحتونا صوتكم جايب آخر الدنيا
لورين. ينفع يا خالو بيتريقوا عليا وبيقولوا ان شبه الولاد عشان لبسى وكدا وطريقتى ال مش عجباهم
محمود أومال انت ايه
لارين. انت كمان يا خالو بقا أنا ولد أنا
محمود. لا ياحبيبتى انت ملكة جمال ، وسيبك بقا وتعالى شوفينى جبتلك ايه
لارين بفرحة الله تورته لعيد ميلادي. ربنا يخليك ليا يااحلى خالو ف الدنيا وتنظر لفهد وسمر بغيظ
محمود. كل سنه وانت طيبة يا حبيبتى
سناء ودى هدية أمك الغاليه ليكى اتفضلى يا حبيبتى
لارين الله يا ماما دى جميلة بس معقول دى غالية جدا
وذهب كمان سلسه مكتوب عليها اسمى الملكة لارين
بس انت جيتى تمنها منين وليه كتبتى اسم ملكة قبل اسمى
سناء. هااااا حبيبتى عشان انتى بنتى حبيبتى ملكة قلبى كل عيد ميلاد اجبلك هدية تقوليلى جبتها منين يابنتى دى مش دهب أنا خليت الراجل ال جبتها منه يسقيها بمية الدهب وهيا مش غاليه خالص
لارين بس يا أمى دى معموله مخصوص بإسمى
سناء أنا كنت موصياه ، بس لو بتعزينى بلاش تلبسيها برا البيت ، لحد يفكرها دهب ويخطفك
لارين بضحك ليه مفكرانى طفله اومال لو مكنتش عمله واحد كفته من ساعتين
سناء. اسمعى كلامى يا حبيبتى وبس
لارين. حاضر يا ست الكل يالا بقا أنا جعانه نقطع التورته
محمود ليه ياسناء ادتلها السلسلة وانت عارفة انها مش هتبطل أسئله
سناء مقدرش دى وصية انى لديها كل سنه هديه ف عيد ميلادها من ال ف الصندوق دى حتى كانت كتابه ارقامهم ب سنه ميلادها
بعد مرور خمس سنوات
تخرجت لارين من كليه ادارة اعمال ، وسمر من كليه اعلام ، أما فهد فكان يكبرهم بسنتين وأيضا تخرج من ادارة أعمال
سناء مبروك ياحبيبتى ألف مبروووك على التخرج
لارين الله يبارك فيكى ياماما أنا دخلت الكليه دى عشان انتى كان نفسك ادخلها مش عارفة ليه مع انى كان نفسى ادخل شرطة
فهد. اااه اصلها ناقصة تسترجلى اكتر من كدا
لارين اخرس خالص
سناء أيام بسيطة وتفهمى
لارين افهم ايه
سناء. حضرى نفسك عيد ميلادك بعد كام يوم هيبقى عندك 22 سنه أنا محضرالك هدية كنت اتمنى من سنين اورهالك
لارين. ماشى ياست ماما مع انى مش فاهمة ولا حاجة
بس منتظرين الهدية القيمه ال قعدتى سنين تحضرى فيها
أنت تقرأ
إنتقام الملكة
Mystery / Thrillerكل اهلها احترقوا امامها ....تعيش الملكه ف بدروم ... ولكن عندما يحين وقت الإنتقام لن يقدر احد على الوقوف امام إنتقامها (( لارين الناصرى))
