Blood Contract with her Royal Villainess

♕CHAPTER 54♕

"Tanghali na pero wala akong balak bumangon, sana lagi na lang tayong ganito," bulong niya at niyakap ko rin siya saka hinalikan ang ulo niya.

"Sana nga ganito na lang tayo, sana matapos na ang problema," tugon ko at mas naramdaman ko ang mahigpit niyang yakap sa bewang ko.

"Kaso kailangan kong puntahan si Diana mamaya upang asikasuhin ang Duke at para mahanap din ang Duchess, kailangan ko rin maghanap ng makakain na tin para sa mga sususnod na linggo," sagot niya at napabuntong hininga ako.

"Viggo, pasensya ka na kung nadamay ka pa sa gulong ito, ikaw tuloy lahat gumagawa ng trabaho para hindi tayo mahuli," sagot ko at umiling naman siya saka tumingin sa mga mata ko.

"Sa totoo lang, gusto ko nga na itakas ka na lang at magpakalayo-layo, gusto kong tumira tayo sa malayong lugar na hindi nila alam at walang nakakakilala sa atin para naman masolo na kita at walang ibang hahadlang sa 'ting dalawa," sagot niya at na isip ko rin ang bagay na 'yun.

Pupunta kami sa lugar ng walang nakakakilala sa amin, doon pwede kami mabuhay ng normal at walang hahadlang na estado sa aming dalawa, walang noble o slave na kategorya na nakapataw sa aming dalawa.

Malaya kaming mamumuhay ng wlaang manghuhusga, malayo sa mga mata ng high society.

Ngunit hindi ko naman papayagan na maghari-harian lang si Keisha, hindi ko papayagan na gawin niya ang nais niya at ang maitim niyang binabalak sa Romulus.

Isa pa kailangan ko pang mahanap ang duchess at makpirma na ayos lang siya bago ko isipin ang pagtakas at paglayo sa lugar na 'to.

"Gusto ko rin Viggo, sobra kong gusto ngunit hindi ko maiiwan ang Duchess, hindi ko maiiwan ang mga tao sa border at ang mga panilya na umaasa sa negosyong hawak ko," sagot ko sa kaniya at nakita ko ang lungkot sa kaniyang mga mata pero nagawa niya pa rin ngumiti sa harap ko.

"Alam ko, alam kong malaki ang responsibilidad mo bulang lady ng border kaya naman gagawin ko lahat para matulungan ka at malinis ang pangalan mo," sagot niya at napangiti na lang ako saka ko inabot ang mukha niya at muli siya inundayan ng halik.

Tanghali na ngayon pero mukhang ipagpapatuloy pa namin ngayon ang bagay na ginawa namin kagabi.

♕♕♕

Nakaupo ako sa kama habang pinagmamasdan ko siya mag-ayos, na pagpasyahan na namin kumilos at ngayon ay babalik siya sa Lumire Empire at patagong kikitain si Diana.

Kailangan namin mailigtas ang duke at makumpirma na magigising siya sa tulong ni Diana kaya naman muli siyang aalis para malaman ang kalagayan ng duke at ang sunod naming gagawing hakbang.

"Babalika agad ako, kainin mo muna 'yung mga pagkain diyan na inihanda ni Wilbert at babalik ako na may dala pang mas marami," sagot niya at tumango naman ako at ngumiti.

"May iba ka pa bang gusto? May kailangan ka ba ipakuha o importanteng bagay na kailangan mo?" Tanong niya at umiling naman ako.

"Ikaw lang naman ang kailangan ko at importante sa 'kin kaya dalian mo at bumalik ka rito," sagot ko sa kaniya at nakita ko ang ngiti na gumuhit sa labi niya.

"Bolera, osiya sige na aalis na ko, mag-iingat ka ah," sagot niya at tumayo na ko para halikan siya sa pag-alis niya.

"Ikaw ang mag-iingat," sagot ko at humalik sa pisnge niya na kinagulat niya, napataas naman ang kilay ko sa reaksyon niya dahil bakit pa siya magugulat kung ginawa na namin ang bagay na iyon.