وحق عيونچ 🤎.

بارت 13

——————-

‎#وحق عيونچ🤎.
Sheehana_11
شيهانه🦅!

———————-

13.

سيف/

هم تردون ان شاء الله اسلم عليكم واعرفكم على نفسي؟؟
ديلا بويه اعرفكم على روحي شعندي!
اشو صگر لابسني ورايح يركض ورا شسمه هاي، عود انه ما اعرف بيه يركض ورا اخت فادي! غلسوا انه ما ادري اوكي؟!

انه سيف من البصرة بس اصلي من العمارة؛ تربيت وي بيت الشيخ جنه جيران وكبرنا سوا انه واخواني وياهم!
بس انه اقرب واحد عبن امي جانت موظفة من جابتني وخاله ام صگر( امي الثانية) جانت دائماً تخليني يمها فـ. ربيت يمهم!
بما انو انه وصگر تقريب بعمر بعض فـ صرنا من الجهل الروح بالروح!

اي وهسه يريد يتزوج ويعوفني والله الا يزوجني يلا يفتك مني؛ بس هذا فادي مبين خوش وليد ويگدر يعوضني فراق حبيبي صگوري! راح من عدنا الولد :)

ترا دا اشاقة اي هسه عرفتوا طبعي كله شقى وضحك عكس صگر كلش! انه مخبله بين قوسين!!

بس مع انو ما يبين علي اشيل اي مشاعر بداخلي وكله عندي شقى وضحك من الطفولة،
بس ويا محلى العشق من يتخلل طفلة ربيتها على ايدي...

جان عمرنا انه وصگر تقريباً ١٨ سنة
وانه جنت بيتهم بوقتها لوحدي من فجاءة سمعت صريخ خاله ام صگر يعلن عن موعد ولادتها،
جنت بعدني صغير كلشي ما اعرف بسوالف النسوان بس اعرف اسوق؛
خليتها بالسيارة وطرت بيها لأقرب مستشفى وهناك ولدت بسلامات وهي تندعيلي لان انقذت حياتها؛

اجى الشيخ وصگر واخوانه وتجمعوا، وكلنا نضحك ونسولف والشيخ حب يشكرني بطريقته؛

الشيخ (ابو صگر) : سيف، بما انو انت بأعتبار نقذت حياة هالطفلة...
عليك انت تسميها وتعتبرها منا ورايح بنتك وليدي؟ أمنتك عليها...

انحرجت من الشيخ وهو جان رجال بمعنى الكلمة وكلمته مسموعة: ونعم منك شيخنا! على راسي!

تقدمت يم خاله الي بيدها شي صغير، ما اكدر حتى اسميها كائن... جانت طفلة حيل بيضة ومدنفشة،
تقربت عليها واحس گلبي تغيرت دگاته من هذيج اللحظة...

شلتها بين ادي هاللقطنة وقربتها على حظني وتخللت انفاسي ريحتها؛ جانت ريحة اطفال الجدد مميزة دائماً بس هالريحة هاي سكنت روحي من ذاك اليوم...

نزلت راسي عليها بستها على راسها بكل هدوء وانه اخاف اخدشها رفعت راسي للشيخ: شيخ، حرير يلوگ الها...؟

شيخ بأبتسامة: يلوگ وليدي جيبها الي خل اكبر براسها واسميها...!

ابتسمت وانه عيوني عليها ومن هذاك اليوم لهاليوم وانه تمرمطت روحي بحب هالطفلة!!