My Secret Admirer

CHAPTER 8

CHAPTER 8

2 weeks later...

Ito na ang araw kung saan ilalaban ang basketball team namin at ito rin ang araw kung kailan mag peperform ang mga cheer leader.

Habang nasa isang room pa lang kaming mga cheer leader ay kinakabahan na ako. Huminga ako ng malalim at pinikit ko ang mata ko. Pagkabukas ko ng mata ko nakita ko si Xyver nakatayo sa pinto ng room kung saan lahat ng cheer leader ay nando'n. Tinaasan ko naman ito ng kilay bago ako lumapit dito.

"Anong ginagawa mo dito? 'Di ba dapat kasama mo ang ilang basketball players." Saad ko.

Tiningnan niya ako mula ulo hanggang paa. Pagkatapos niyang gawin 'yon ay binalik niya ang tingin niya sa 'kin.

"Wala, bawal na ba pumunta dito ang ibang basketball players?"

"May sinabi ako?"

"Wala." Sagot nito.

Ilang oras lang ay nagsimula na ang cheer dance, bago kami makapasok sa loob nag sign of the cross muna ako at pumasok na kami.

Hindi ko maiwasan na kabahan. Patuloy lang kami sa ginagawa namin, ihahagis sa taas at iikot, itatayo sa kamay sabay taas ng isang paa. May time na nahihirapan akong ibalance ang sarili ko pero ginagawa ko pa rin ang best ko.

Pagkatapos ng cheer dance ay lumapit agad sa 'min ang limang basketball player namin.

"Wow! Akala ko mahuhulog na si Crystal kanina buti nagawan mo ng paraan." Saad ni Dave.

"'Yan pa, magaling talaga gumawa ng paraan si Crystal pag alam niyang mahuhulog siya. S'ya rin nagtuturo sa 'min ng gagawin namin pag nangyari sa 'min 'yon. Saad ni Kesha.

Habang nag uusap-usap kami ay may lumapit sa 'kin na lalaki.

"Miss, ikaw ba si Crystal?" Tanong nito.

"Ako nga bakit?"

"May nagpapabigay pala, pakisuot na lang daw para hindi ka lamigin." Saad ng lalaki at umalis na.

Paper bag ang binigay niya sa 'kin at pagbukas ko may laman itong jacket kinuha ko ito at ipinatong lang sa balikat ko.

"Sa secret admirer mo na naman galing 'yan?" Tanong ni Jamaica.

"Siguro," Sagot ko.

Habang nagpapahinga kami ay naisipan naming magkakaibigan na manood ng basketball. Pumunta kami kung saan nakap'westo si coach at umupo kami sa tabi nito.

Habang naka upo at nanonood ako napapansin ko ang pagtingin sa 'kin ng isang basketball player na kalaban nila Xyver. Panay ang sulyap neto habang naglalaro sila. Hindi ko na lang pinansin 'yon at humarap kay coach.

"Coach, nasa'n 'yung towel ni Xyver?" Tanong ko.

Itinuro naman nito ang nasa tabi kong upuan na may nakasabit na towel. "'Yan 'yung towel ni Xyver." Saad ni coach.

Kinuha ko ito at ipinatong sa legs ko. Pagkatapos kong ipatong 'yung towel sa legs ko ay nagcellphone na lang muna ako.

Nagkaroon ng Time out ang laro kaya lumapit sa p'westo namin ang mga players ng school namin. Umupo sa tabi ko si Xyver, ibinigay ko naman ang towel niya na nakapatong sa legs ko kanina.

"Pa'no mo nalaman na sa 'kin 'to?" Tanong niya.

"Syempre nagtanong ako kay Coach." Saad ko.

Napatingin ako sa kalaban nila Xyver, nakita kong nakatingin na naman sa 'kin 'yung isang player nila. Napatingin ako kay Xyver ng ayusin nito ang jacket na nakapatong sa balikat ko.