ဆောင်းလေးတို့အိမ်ဧည့်ခန်းနံရံမှာချိတ်ဆွဲထားတဲ့ သံစဥ်ရဲ့ဘွဲ့ဓာတ်ပုံလေးကိုငေးကြည့်နေမိသည်။သံစဥ်က ကျောင်းမပြီးခင်မှာဆုံးသွားခဲ့တာ ဘွဲ့ဓာတ်ပုံကဘယ်လိုလုပ်ပြီး ..."သမီးကြီးက သူ့ကိုယ်သူဘွဲ့ရတဲ့အထိကြာကြာမနေရတော့ဘူးဆိုတာသိနေတော့ တမင်တကာအမှတ်တရရိုက်ထားခဲ့တာထင်ပါတယ်"
၀င်ပြောလိုက်သူကဆောင်းလေးတို့အမေဒေါ်မြဝတ်ရည်ဖြစ်သည်။။ကလေးရဲ့အမေကအရမ်းကိုနုပျိုလွန်းနေသည်။
"သမီးကနန်းမဟုတ်လား အန်တီသမီးကိုမမြင်ဖူးပေမယ့် သမီးအကြောင်းအမြဲတမ်းကြားပါတယ် ဆောင်းလေးကသမီးအကြောင်းအမြဲတမ်းပြောနေကျလေ"
ဆက်ပြီးတော့ဒေါ်မြဝတ်ရည်ကနေ
"တစ်ကယ်တော့ သမီးကြီးအသက်ငယ်ငယ်ရွယ်ရွယ်နဲ့ဆုံးသွားရတာအန်တီ့အပြစ်ပါ အဲ့တုန်းကအန်တီအိမ်ထောင်ရေးကလဲသိပ်အဆင်မပြေတော့သမီးကြီးရဲ့ကျန်းမာရေးကိုကောင်းကောင်းဂရုမစိုက်မိဘူး အန်တီ့အပြစ်တွေပါ အဲ့ဒီအတွက်ကြောင့်ပဲ နောက်ဆုံးအန်တီနဲ့သူ့အဖေကွာရှင်းတဲ့အထိဖြစ်ခဲ့တာ"
ဆောင်းလေးအမေပြောတဲ့စကားတွေကိုကြားတော့သံစဥ်အတွက်ရောဆောင်းလေးအတွက်ပါ နန်းစိတ်မကောင်းဖြစ်ရသည်။
"သမီးနဲ့အန်တီ့သမီးကြီးနဲ့ပက်သတ်ခဲ့တာတွေလဲအန်တီသိပါတယ် "
"ပြီးတော့သမီး အန်တီတို့ဆောင်းလေးကိုဂရုစိုက်ချစ်ပေးတာတွေအတွက်အန်တီကျေးဇူးတင်ပါတယ် ဒါပေမယ့်"
"အန်တီ သိချင်တာတစ်ခုက သမီးတစ်ကယ်ပဲသမီးငယ်လေးအပေါ်ချစ်ရဲ့လား"
"ရှင်"
အန်တီဘာလို့ဒီလိုမေးရတာလဲ ... ။
"အန်တီ ကျွန်မကျိန်ဆိုလဲကျိန်ရဲပါတယ် ကျွန်မဆောင်းကိုတစ်ကယ်ချစ်တာပါ ဆောင်းလေးအတွက်ကျွန်မဘာမဆိုပေးဆပ်နိုင်ပါတယ်"
ဒေါ်မြဝတ်ရည် နန်းရဲ့စကားကိုကြားတော့ပြုံးလိုက်သည်။
"ဒါဆို သမီးအန်တီတို့ဆောင်းလေးနဲ့လက်ထပ်နိုင်မလား"
YOU ARE READING
True Love
Romanceကျူတာဆရာမလေးနဲ့ကျောင်းသူလေးရဲ့အချစ်ဇာတ်လမ်းကိုစိတ်ကူးယဉ်ပြီး ရေးထားခြင်းသက်သက်ပါ။မည်သူတစ်ဦးတစ်ယောက်မှထိခိုက်ဖို့မရည်ရွယ်ပါ။