ငွေပင်လယ်စားသောက်ဆိုင်လေးထဲမှာ နန်းနဲ့မတွေ့တာကြာပြီဖြစ်တဲ့ ကျောင်းနေဘက် သူငယ်ချင်းရတီတို့ဆုံဖြစ်ကြသည်။
"ကျောင်းပြီးထဲကငါတို့မတွေ့ဖြစ်တာ အတော်ကြာသွားခဲ့ပြီနော် နန်း"
"ဟုတ်တယ်နော် ရတီ "
"နင့်မင်္ဂလာပွဲတုန်းက ငါအဝေးရောက်နေလို့မလာဖြစ်တာတောင်းပန်ပါတယ်ဟာ"
"ရပါတယ် နင်လဲတာ၀န်နဲ့ဆိုတော့ငါနားလည်ပါတယ်"
"နင်ရော ခုထိတစ်ယောက်ထဲလား ..."
မေးသာမေးရသည် နန်းရဲ့သတင်းတွေရတီကြားပါတယ်။၈နှစ်လုံး အချစ်ဆိုတာကိုလုံး၀အယုံအကြည်မရှိတော့ပဲ နွေသံစဥ့်အပေါ်နာကြည်းစိတ်နဲ့ချစ်သူတောင်ထပ်မထားဖြစ်ဘူးတဲ့။အဖြစ်မှန်ကိုမသိပဲ သံစဥ့်အပေါ်နာကြည်းနေပြီး အချစ်ကိုလုံး၀အယုံအကြည်မရှိတော့ပဲ တစ်ယောက်ထဲနာကျင်ခံစားနေရတဲ့နန်းကို ရတီသနားမိသည်။
ဒါကြောင့်လဲ အဖြစ်မှန်တွေပြောပြဖို့ ရတီ ချိန်းဆိုလိုက်ခြင်းဖြစ်သည်။
"နင်ခုထိ သံစဉ့်ကို..."
"တော်တော့ ရတီ အဲ့ဒီကောင်မနာမည် ငါ့ရှေ့ထပ်မပြောနဲ့ "
"နန်း "
နာမည်လေးပြောလိုက်တာကို ခါးခါးသီးနဲ့တုန့်ပြန်လာတဲ့နန်း။မျက်၀န်းမှာလဲ မျက်ရည်လေးတွေစိုလို့။နန်းခုထိသံစဥ့်ကို မမေ့နိုင်သေးတာသေချာပါသည်။
"နန်း နင်ထင်သလိုမဟုတ်ဘူး သံစဥ်က"
"သူနင့်အပေါ်တစ်ကယ်ချစ်ခဲ့တာပါ..."
"ဘာ...."
"ရတီ နင်ဘာပြောလိုက်တယ် သူငါ့ကိုတစ်ကယ်ချစ်ခဲ့တာဟုတ်လား "
"ဟက် ငါ့ကိုတစ်ကယ်ချစ်ခဲ့တယ်ဆိုတဲ့သူက ငါဆေးရုံမှာသေလုနီးပါးဖြစ်နေတဲ့ချိန် သူငါ့ကိုတစ်ချက်လေးတောင်လာကြည့်ဖော်ရလို့လား"
နန်း နာကျင်စွာနဲ့ပြောမိသည်။
"မဟုတ်ဘူးနန်း သံစဥ်က...."
ရတီပြောမထွက်၍ စကားကိုခဏရပ်လိုက်သည်။
သံစဥ်ဆုံးသွားပြီဆိုတဲ့စကားက်ို ရတီပြောမထွက်ရက်။
YOU ARE READING
True Love
Romanceကျူတာဆရာမလေးနဲ့ကျောင်းသူလေးရဲ့အချစ်ဇာတ်လမ်းကိုစိတ်ကူးယဉ်ပြီး ရေးထားခြင်းသက်သက်ပါ။မည်သူတစ်ဦးတစ်ယောက်မှထိခိုက်ဖို့မရည်ရွယ်ပါ။
