وحق عيونچ 🤎.

بارت السادس

‎#وحق عيونچ🤎.
Sheehana_11
شيهانه🦅!

———————-

6.

صگر:
وصلت للقنصلية اكملت كل الاجراءات بطبعي احب كلشي يكون منظم ومرتب،،
بالمناسبة انه شغلي مو بالقنصليات ولا يمها ضابط شدخلني بسوالف هاي بس طلبوا مني شغل يخص تحقيق وي عراقيين هناك بمواضيع عدة ولازم أدي واجبي،

چانوا مخليلي قاعة استقبل بيها عدة اشخاص كل ساعتين خلصت اول وجبتين الصبح بكل هدوء وسلاسة ،، وصار وكت الغدة طلعت تغديت ورجعت انطوني خبر هسه وقت المترجمين ولازم اعرف منهم اذا اكو ترجمات تنتهك وهل يترجون كلشي بأدق التفاصيل وهاي سوالف الماصخة!

جاي امشي بطريقي للمكتب واستفسرت مني وحدة الظاهر مترجمة عن شنو دا يصير وكلتلها بس مشكلة وتنحل وياخذون راحتهم،،
بس التفت اريد اكمل طريقي
وما ادري شبي گلبي يگلي اوگف لا تكمل...
حسيت اكو رجفة بگلبي وعطر ببالي بس ما جاي اگدر افسر روحي شنو !!
هزيت راسي وانه احاول اسيطر على نفسي وارجع الشغلي بس اخخ ويا محلى الصدف ،،
لا هاي مو صدفة هذا قدر وقسمة اي نعم
رفعت عيني وشفت ام عيون هي بذاتها !!
بطولها وشموخها وبكعبها الذابحني ،،
هي گوة انتِ گصيرة تطولين روحج گوه خوما گوه...

جاي احجي وي نفسي عنها وعن الصدف وعن انو هذا احمد بعده ما جابلي اخبارها بعد ماكو مجال لازم اعرف ادق تفاصيلها ،، بس نادوا علي لازم لتوجهه للقاعة حتى اخذ الاقوال،،

........

فردوس/
دخلوا قبلي اثنين مترجمين واني دخلت بهدوء م اعرف ليش بس حسيت بتوتر من الموضوع،
دخلنا كلنا چان اكو موظف واگف استقبلنا،
(اهلاً وسهلاً بكم، هذه اجراءات نقوم بتنفيذها بين حين واخر للمصداقية المترجمين والموظفين ككل هنا بالقنصلية فأتمنى ان لا تنزعجون من الموضوع)؟

رد عليه واحد ويانه؛ وتفاهمنا انو ماكو مشكلة فتح بوابة القاعة ومكتب جان گاعد عليه ضابط لابس الزي العراقي ورتبة بس مدنگ دا يكتب بأشياء بس من دخلنا ع طول انتبهه وگام سلم عليناا....
لحظة فردوس هذا الرجال مو غريب عليج وين شايفته؟؟
احجي وي نفسي واني اشوفه يسلم على المترجمين الرجال الي ويانه وصل للبنية البصفي واني بعدني عيني عليه، اشوفه حط ايده على گلبه بدون ما يسلم عليه باليد، ما اعرف ليش بس حيل استفزني بهذه الحركة مع انو متعودين عليها هنا ، وحلو الرجال يحترم المقابل خصوصاً المراة بس حسيت هنا بالاهانة ما اعرف ليش ،،
المهم اييي تذكرت هو هذا!!
اي عزه هذا نفسه شيخ الي بالمطار بس لحظة شنو  زي عسكري شنو بالقنصلية هنا ،،؟؟

ضليت مرتبكة وصل يمي وقبل لا يوصل يمي احس عيونه وياية ، وگف گبالي ما تفصلنا سوا سنتمترات وهنا حسيت بروحي طفلة جد طفلة گدام عملاق...

چان حيل طويل وبنية جسدية ضخمة ما انتبهت عليها بالمطار، صح جان مو مليان بس عضلات حسستني انو شايل صقور على اكتافه ويمشي بهيبة وياهم...

صگر وعيونه على كل تفصيلة بيها ويحاول يضمها بعيونه خلص دخلت روحه وقلبه وعقله قبل كل شي بس سلم بكل رزانه؛ سلام عليكم، انه العقيد صگر محمد!!
ومد ايده يريد يصافحني،،، بس لحظة هستوك احترمت وما سلمت اشو هسه مديت ايدك ما اعرف ليش بس دقني بهاي الحركة وعيونه حيل حرجتني بحيث ردت اردله ردة الفعل،،،

فردوس بأبتسامة خليت ايدي على گلبي الي احسه راح ينفجر من التوتر/ وگلت وعليكم سلام، واني المترجمة الدولي فردوس سلمان!!

ايده بقت معلگة بالهوى شفت اصابعه حيل ضعاف وسمر ومرتبات والعروق بارزة بس من سويت هيج احسهم طگوا لبره الجلد گد م عصب،، حسب م اتوقع...
لا توقعي صح... راد ينفجر مو بس عصب... رفعت عيوني لعيونه واشوفه حيل مركز بيه وراح ينفجر فكه السفلي گد ما ضغط على نفسه،

بس رفعت عيوني اله وشوي ركزت وياه حسيته هدء ونزل ايده بهدوء وجاوب بأهلاً وسهلاً ناشفة،
نزل عينه مني وراد يكمل طريقه يسلم على الباقيين بس حسيته او م اعرف يمكن تخيلته:// همس بصوت كلش هادئ م ينسمع وبي بحه رجولية:
عيون لو طرگاعة!
وهو يحاول يبعد نظرة ويكمل مشيته

من سمعت هيج ما اعرف شنو رجف بيه، هاي اول مرة استمع لهيج شي وما اعصب وانطي ردة فعل هجومية بالعكس حسيت بأمان وانشراح داخلي بحيث يمكن دون ان انتبهه طلعت مني ابتسامة...

كمل سلامة ورجع يمشي بجبروت لمكتبة وهو يگول بصوت مبحوح جهوري ويأشر على المقاعد: تفضلوا ، ما راح اطول وياكم، كم سؤال وكم استفسار وان شاء الله خالصين.

تقدمنا دا نريد نگعد واسمع هاي الويانة تحجي بصوت معزه شاردة وتدلع : عيني زاد فضلك، ان شاء الله نكون ... خفيفين ضل عليك....
باوعتلها انوب باوعتله شفته جان ينظر الها بعدين من درت عيني عليه وي دورتي دار وياية والتقت مرة لاخ عيونه،،
عيونه حيل مميزة شبهته بالعيون الي تخليك تحچي كلشي بداخلك دون ان تنطق شي...
بنية غامق ورموش كثيفة، وتضحك وتحزن كلشي يبين عليهم مع انو احس هو يحاول يخفي مشاعره بكل شي بس عيونه فاضحته، لو اني هواي ركزت بحيث هيج شفت...
جاوبها وهو عينه بعيني وشبهه طيف ابتسامة مرسومة على شفافه/ لازم انضيفكم، شنو تشربين حضرتج... والباقيين..؟

يتبع...
————————

‎# وحق عيونچ

‎هاي♥️.

‎اعتذر عن الاخطاء الاملائية!

‎گلولي احچولي شنو رأيكم؟

في امان الله♥️.
——————-