Unicode
၉၈၉။ Mကောင်ဖြစ်ရမယ်
_____________အဆုံးတွင်မူ ဒီနေရာကနေထွက်သွားဖို့ နဉ်ရှု ဆုံးဖြတ်လိုက်ဆဲဖြစ်သည်။ မြို့တော်က ကျွမ်းသန္တာလန်နေပြီ။ အစောင့်စစ်သည်တွေက ရွှမ်ဟုန်ယွီ့ကို မြို့ထဲမှာရှာရုံတင်မကတော့ဘဲ မြို့ပြင်မှာပါ စရှာနေကြပြီ။
ရွှမ်ရှောင်ထျန်းက ရွှမ်ဟုန်ယွီ့ကိုဖမ်းဖို့ ဆုံးဖြတ်ချက်ချထားတာ အသိသာကြီးပဲ။ ဒီတစ်ခေါက်တော့ ရွှမ်ဟုန်ယွီက တကယ်ကြီး သူ့အနာကိုဓားနဲ့သွားထိုးခဲ့တာ။
သူမတို့သာထွက်မသွားရင် နောက်ဆုံးမှာ အဖမ်းခံရလိမ့်မယ်။
သို့သော်ငြား နဉ်ရှုကို လဲကျချင်စိတ်ပေါက်သွားစေရသည့်ကိစ္စကတော့ ရွှမ်ဟုန်ယွီက ထွက်သွားဖို့ငြင်းဆန်နေတဲ့ကိစ္စပဲဖြစ်သည်။ လက်ရှိရွှမ်ဟုန်ယွီက သူက သေတာရှင်တာကိုဂရုမစိုက်တော့ဘူး၊ ဘာဆိုဘာကိုမှ ဂရုမစိုက်တော့ဘူးဆိုတဲ့ခံစားချက်ကို နဉ်ရှုအားပေးစွမ်းသည်။ သူ့ပုံစံက သူမကို ဒေါသထွက်ကာ သွားတွေကျိန်းလာစေသည်။
နဉ်ရှုကား ရတက်မအေးသောကပွေနေရ၏။ ကောလိပ်ဝင်ခွင့်စာမေးပွဲမေးခွန်းတွေကို လေ့ကျင့်တာကပင် သူမကို မတည်ငြိမ်စေနိုင်တော့။ ရွှမ်ဟုန်ယွီတစ်ယောက် စိတ်အေးလက်အေးနဲ့လျှောက်သွားနေတာကို သူမ ကြည့်နေမိသည်။ သူက ထွက်သွားဖို့ငြင်းနေမှတော့ သူမ အားသုံးရုံပဲရှိတော့တယ်။
သူမရဲ့တာဝန်အတွက် သူမ အားသုံးဖို့ဆုံးဖြတ်လိုက်သည်။ ဒီတာဝန်အတွက်သာမဟုတ်ရင် ရွှမ်ဟုန်ယွီ ဘယ်ပုံဘယ်နည်းသေတွင်းတူးတယ်ဆိုတာကို သေချာပေါက် အပြုံးလေးနဲ့ပဲကြည့်နေမိမှာ။
သူမက သူမရဲ့အင်္ကျီရင်ဘတ်ထဲကအိတ်ကပ်ထဲမှာထည့်ထားတဲ့ ဆေးမှုန့်အထုပ်လေးကို ထိလိုက်ပြီးနောက် အေးစက်စွာပြုံးလေ၏။
လရောင်အောက်မှာ နဉ်ရှုတစ်ယောက် မြင်းလှည်းကို လမ်းပေါ်တွင် အပြင်းနှင်နေသည်။ သူမက စေတနာနဲ့ဆုံးဖြတ်ပေးတာပါ။
နဉ်ရှုက လိုက်ကာစကိုမကာ မြင်းလှည်းထဲတွင်အိပ်ပျော်နေကြသည့် ရွှမ်ဟုန်ယွီနှင့်ရွှမ်မြဲ့ရှောင်တို့ကို ကြည့်လိုက်သည်။ သူက လူတွေ သူ့ကိုစကားနဲ့ပြောတာကို လက်မခံဘဲ အားသုံးရအောင်လုပ်တယ်။
VOUS LISEZ
My Master Can't Be This Yandere! (Realm -15) [Myanmar Translation]
Roman HistoriqueName(s) Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) Hen Shi Jiao Qing(很是矫情) E-translator(s) Butterfly's Curse Realm Title My Master Can't Be This Yandere! (Realm-15)