AMAR DE NUEVO [NoMin]

AMAR DE NUEVO

Unicode

ᴀᴍᴀʀ ᴅᴇ ɴᴜᴇᴠᴏ

မနက်စောစောနိုးနေတဲ့ ဂျယ်နိုက ဒီနေ့ခါတိုင်းထက် ကျောင်းကို စောစောရောက်နေသည်။ ဂျီဆောင်းတို့ အတန်းက ဒီနေ့ tutorial ရှိတာမို့ သူ့ကိုလည်း ကျောင်းစောစောပို့ရင်း တစ်ခါတည်း ထွက်လာလိုက်တာဖြစ်သည်။

"Tutorial ကောင်းကောင်းဖြေနော်"

"သိပါတယ်... ကောင်မလေးနဲ့ပြတ်တော့မှ ဂရုစိုက်ပြမနေနဲ့"

စူပုတ်ပုတ်နဲ့ပြောပြီး ကားပေါ်က ဆင်းသွားတဲ့ ဂျီဆောင်းကို သူဘာမှမပြောနိုင်... တကယ်လည်း သူဂျီဆောင်းကို ပစ်ထားခဲ့တာမလား... ထိုကောင်လေး စိတ်ဆိုးမယ်ဆိုလည်း ဆိုးချင်စရာ...

ဂျယ်မင်းနဲ့ ပတ်သတ်တဲ့ သူ့ခံစားချက်တွေ မရှင်းလင်းသေးတာမို့ လက်ရှိတွဲနေတဲ့ ဆောင်းယွန်းမီဆိုတဲ့ ကောင်မလေးကို ဖြတ်ပစ်လိုက်သည်။ လက်ရှိအနေအထားနဲ့ သူ့ကိုယ်သူအတွက်တောင် အချိန်မပေးနိုင်သေးတာ တခြားဘယ်သူ့ကိုမှ အချိန်ဖို့ မဖြစ်နိုင်ပါ။

ကားပါကင်ထိုးပြီး ကျောင်းထဲကို ဝင်လိုက်သည်။ ဒီနေ့လည်း ကျောင်းမှာ ဂျယ်မင်းကိုတွေ့ရဖို့ ဂျယ်နို မမျှော်လင့်ထားပါ။

အခန်းထဲ ဝင်ဖို့လုပ်နေတုန်း အလောတကြီး ပြေးလာတဲ့ ဂျီဆောင်းကို မြင်လိုက်ရသည်။

"Tutorial မဖြေဘူးလား ဂျီဆောင်း... ဘာဖြစ်လာတာလဲ?"

"ကျွန်တော် ဆေးရုံသွားမလို့..."

"ဘာဖြစ်လို့လဲ? နေမကောင်းလို့လား?"

"မဟုတ်ဘူး... အစ်ကိုဂျယ်မင်း... အစ်ကိုဂျယ်မင်း ဓါးထိုးခံရလို့ ဆေးရုံရောက်နေတယ်တဲ့!!"

"ဘာ!!"

ဂျယ်နိုမျက်လုံးတွေ ပြူးကျယ်သွားသည်။ ဂျယ်မင်းက ဓါးထိုးခံရတယ်? မဖြစ်နိုင်တာ...

"ဘယ်...ဘယ်ဆေးရုံမှာတဲ့လဲ?"

"ဆောင်းဟန် တက္ကသိုလ်ဆေးရုံ..."

ဂျီဆောင်းကို ခေါ်ပြီး ကားကိုအလောတကြီးမောင်းနေတဲ့ ဂျယ်နိုက မီးနီတာတွေ မီးဝါတာတွေလည်းမသိတော့... လမ်းစည်းကမ်းတွေကို ချိုးဖောက်ပြီး သူရောက်ချင်တဲ့နေရာက ဂျယ်မင်းရှိတဲ့ ဆေးရုံကိုသာ...