« មិចក៏អូននិយាយបែបនេះ? អូនមិនចង់រស់នៅជាមួយបងទៀតមែនទេ? » នាយនិយាយស្រាលៗ ថេយ៉ុងឮហើយក៏ងាកមកវិញប៉ុន្តែលោកអើយមើលចុះ លេងទឹកមុខកម្សត់ពេបមាត់ដូចជាកូនក្មេង ស្ថានភាពដូចកូនទន្សាយបែបនេះតើគេដាច់ចិត្តយ៉ាងមិចនឹងបានទៅ?
« មើលបងធ្វើមុខទៅ ចុះបើអូនទ្រាំមិនបានលេបបងចូលក្នុងពោះបាត់នោះគិតយ៉ាងមិច? » រាងតូចចាប់ទាញថ្ពាល់ទាំងសងខាងរបស់នាយទៅមកៗ ខ្នាញ់ណាស់ ឥឡូវចេះទាំងប្រច័ណ្ឌ ចេះទាំងអន់ចិត្ត ចេះគ្រប់សព្វតែម្តងហើយ យូរៗទៅក៏មិនដឹងថាអ្នកណាជាក្មេងអោយប្រាកដទេ? នេះណាពេលអន់ចិត្តនឹងគ្នាម្តងក៏ជាគេនេះឯងជាអ្នកដែលត្រូវលួងនាយ នឹកស្មានមិនដល់ទេមែនទេ? គេក៏នឹកស្មានមិនដល់ដូចគ្នា ។
« ចុះពេលខ្លះបងនៅក្នុងពោះរបស់អូនស្រាប់ហើយមិនចឹង? » ថេយ៉ុងឮហើយក្រហមថ្ពាល់មួយរំពេច មិនមែនគេមិនដឹងឯណាថានាយចង់សំដៅដល់អ្វី
« មាត់រអិលណាស់ » រាងតូចរាងដើមដៃនាយមួយដៃស្រាល មាត់បែបនេះចាប់ដេរអោយជាប់គ្នានិយាយលែងកើតតើល្អទេ?
« អញ្ចឹងទាល់តែតេស្តមើលសិន »
« ធ្វើអី? » ថេយ៉ុងឡេះឡះខណៈពេលដែលនាយចាប់ដៃគេជាប់ទាំងសងខាង
« ក៏តេស្តថាមាត់បងរអិលដូចអូននិយាយឬអត់នោះអី »
« អត់ទេ!! » រាងតូចប្រឹងគេចរហូតដេកដួលលើសាឡុងស្របពេលរាងក្រាស់មានឱកាសទ្រោមពីលើ ជុងហ្គុកទម្លាក់បបូរមាត់ញីទៅមកៗលើមាត់ភរិយា
« យ៉ាងមិចរអិលដែរទេ? » នាយដកមាត់ចេញទាំងសួរផ្គើន ថេយ៉ុងសម្លក់មុខប្តីទាំងខ្នាញ់ប្រុសស្អីកំហូចយ៉ាងនេះ
« ហ៎េ!! សម្លឹងបងបែបនេះ ប្រហែលជាចង់អោយថើបទៀតហើយមើលទៅ »
« កុំនិយាយតែផ្តាស់ អ្នកណាទៅចង់អោយបងថើបនោះ? » រាងតូចប្រកែកផាំងៗ ជុងហ្គុកវិញបែជាសើចរលាក់យ៉ាងស្រួលកាលបើឃើញប្រតិកម្មរបស់ភរិយា វាជាហេតុធ្វើអោយនាយតូចកាន់តែក្តៅលើសដើម
« អូនប្រាកដហើយមែនទេ? » ជុងហ្គុកលើកចិញ្ចើមសួរបញ្ជាក់ដោយសារតែនាយដឹងថាថេយ៉ុងបានតែមាត់ទេសាកតែនាយទៅស្និទ្ធស្នាលជាមួយស្រីផ្សេងពិតមែនប្រាកដជាច្រាស់ច្រាលនៅមិនសុខយំរហេមរហាមដាក់គេឥឡូវហ្នឹង
ESTÁS LEYENDO
💫 ជំពប់ស្នេហ៍ភរិយាស្របច្បាប់ 💫
Acciónតើអ្នកធ្លាប់លួចស្រលាញ់នរណាម្នាក់ដែរឬទេ? ក្តីស្រលាញ់មួយដែលខ្ញុំបានផ្តល់អោយមនុស្សម្នាក់អស់រយៈពេលជាច្រើនឆ្នាំ ហើយក៏រំពឹងថាគាត់នឹងមានក្តីស្រលាញ់បន្តិចបន្តួចអោយខ្ញុំវិញ ជំនួសចិត្តស្អប់ដែលគាត់មានចំពោះខ្ញុំរាល់ថ្ងៃ អារម្មណ៍ពេលដែលត្រូវរៀបការជាមួយ...
ភាគទី39 : កុំបារម្ភអី!!
Comenzar desde el principio
