"… အဲ့ဒီကလေးစုတ်လေးက နေ့တိုင်း အိပ်ရာပေါ် သေးပေါက်ချတယ်လေ။ သူ့အမေနဲ့ ငါနဲ့ဆို နေ့တိုင်းသူ့သေးခံကို လဲပေးနေရတာ။ တအားဆိုးတာပါဆိုနေ "
စီနီယာ၏အသံက မကျေမနပ်ဖြစ်နေပုံပေါ်သော်လည်း အသံမှာ ပျော်ရွှင်မှုနှင့် ဂုဏ်ယူမှုတွေဖြင့် ပြည့်နေသည်။ တစ်ဖက်သားကို မနာလိုလွန်းလို့ ဖုန်းတောင်ချပစ်ချင်လာသည်အထိပင်။
" ငါ ထပ်မပြောတော့ပါဘူး... ဟား ဟား... မင်းပြန်လာတာကိုစောင့်နေပြီးမှပဲ ဆက်ပြောကြတာပေါ့။ "
" ကျွန်တော် လပြည့်ဝိုင်မသောက်ရသေးဘူး ။ ဒါပေမယ့် နည်းနည်းလေး အသက်ကြီးလာရင်တော့ သောက်ရတော့မှာပါ။"
( full moon wine က မဂ်လာဆောင်ရင်သောက်ရတာလား ကလေးတစ်လပြည့်သောက်ရတာလား ကိုယ်လည်းသေချာမသိဘူး။ )
" ဟုတ်ပါပြီ... မင်းတောင် အသက်တစ်နှစ်ပိုကြီးလာပြီနော်။ "
စီနီယာက သက်ပြင်းချရင်း မေးလာသည်။
" အဲ့ဒီမှာနေရတာ ဘယ်လိုနေလဲ။ မင်းသဘောကျတဲ့တစ်ယောက်ယောက်ရော ရှိနေပြီလား။ "
လွီနင် ကန်တင်းဆီသို့လျှောက်သွားပြီး လူတန်းကြီးအနောက်မှာ ရပ်နေလိုက်သည်။
" ငါ မင်းကိုပြောရဦးမယ်။ မင်း အသက်လည်းကြီးနေပြီနော်။ မင်းအရွယ်လောက်က ငါဆို လက်ထပ်ပြီးလို့ နှစ်နှစ်တောင်ရှိနေပြီ။ ဘာလို့ လက်မထပ်သေးတာလဲ။ လျိုကျင်းတောင် ကောင်လေးအသစ်ရနေပြီ။ "
လွီနင် သူ့ကဒ်ကိုထုတ်ဖို့ ဖုန်းကိုလက်ပြောင်းလိုက်သည်။
" ကျွန်တော့်ကို ထမင်းကြော်တစ်ပွဲပေးပါ။ "
" လျိုကျင်က အခုရည်းစားရသွားပြီလား။ "
" ကောင်လေးက ရိုးရိုးလေးကွ။ "
စီနီယာက နောင်တအပြည့်နှင့် ဆိုသည်။
" ငါတော့ မင်းတို့နှစ်ယောက်က ပိုလိုက်တယ်လို့ထင်တာပဲ။ မင်းတို့နှစ်ယောက် လမ်းမခွဲခဲ့သင့်ဘူး။ ဘာလို့များ သူ့လို မိန်းမကောင်းလေးကို လမ်းခွဲနိုင်ရတာလဲ။ "
" ဒါတွေအားလုံးက အတိတ်ကဟာတွေပါ "
" ဟီး ... ငါတောင်းပန်ပါတယ်ကွာ။ ဒါပေမယ့် မင်းလုပ်ရပ်အတွက် လုံးဝနောင်တမရဘူးလား။ "
စီနီယာက စိတ်ဆိုးသလို ပြောလာသည်။
ВИ ЧИТАЄТЕ
Nowhere to Go (Myanmar Translation) ✔️
РомантикаOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
Chapter 34
Почніть із самого початку
