شهلاء-اعرف خابرني
ام فريد-والله هذا السيد فدشي حلف شغله زين
شهلاء-قصدج السحار
ام فريد-باوعتلي لا مو سحار هو راد يسوي شي بي خير مادام خير عادي
شهلاء-الخير وهو شمدري خير قابل كاعد ارجع رجلي الي انباك حتى خير والله ياربي وها حتى هذا مو خير خاف يضحكون عليج وبعدين منو كال هذا الحجي هاااا انتِ حللتي ماعرف ليش تصلين عوفي الصلاة الله حتى ميريدج تسجدين اله
سيد تگول عشتوً كمت اخذت كوبي ورحت صبيتلي بعد جاي واني ادخل للغرفه وكفت كبالي
ام فريد-هو منو راد يروح هناك مو انتِ احد جبرج منو راد هشام يحبه مو انت ِانتي مخبله بيج انفصام كل شويه ومتهمتني
شهلاء-هو اني الخاينه المريضه الي كل شويه احجي شكل عوفوني بعد محد اله علاقه بيه نهائياً
استسلمت الحياتي وعفتهه شيصير يصير كعدت الصبح
مثل يوميه ورحت وياهه لبيت سيد هشام
من يومهه واحس الاهتمام الي زاد. نظراته الي
كامت تختلف كل شويه يصيحني كهوه جاي يسألني
ينطيني كتب مااعرف صدك تأثير السحر لو هو هيج طبعه او لان اني خليت بالي يم هذا الشي
اني هم بديت تلقائياً اهتم اله الملابسه الاكله
من اشوفه يطلع للحديقه گبل اروح ورا مو بقصد اني الكه روحي تركض وراه وين ميروح
يسمعني دائماً يناقشني بالصح والغلط مااحس يمل من احجي لو اشكي
الكه روحي مرتاحه بالحديث ويا يسولفلي دائماً عن حياته قبل عن ولده عن شغلات هواي بحياته سواهن غلط ومتندم عليهن عن زوجته
شهلاء-تحبهه بعدك بلله صدك دائماً انسه هذا السؤال وبعدين اتذكره انت تزوجتهه على حب
هشام-اگول سنفوره شكلج كمتي تتعمقين هواي بالاسئله
شهلاء-لا عليك الله تزوجتهه على حب لو شنو شو من اذكرهه كبالك احسك تبتسم الهاي الدرجة تحبهه
هشام-تصدكين اذا اكلج ٣٠سنه متزوجين ابد محسيت اني احبهه اله من عافتني
شهلاء-باوعت بتعجب ليش يعني
هشام-مااعرف اول مره جانت تعوفني بيهه اول يوم حسيت عادي ثاني يوم دورت عليهه بكل مكان ماكو بس كلت هي الي راح تخسر ثالث يوم افتقدتهه اجي للبيت ماكو احد يتلكاني ملابسي وحدي اختارهن اكلي ماكو
كلت طز بيهه هم هي الخسرانه رابع يوم تخبلت دزيت محمد ابني كتله كلهه بابا يكول اذا متجي اليوم اطلكهه تدرين رجع كلي بابا تكول ماما خلي يطلكني هنا تخبلت البيت كله ماكو شي مفلشته بي
اسبوع متحملت رحتلهه مقبلت تشوفني هنا اني حسيت على نفسي احبهه وضيعتهه من ايدي مقبلت اطلكهه
تدرين شكد بقت وياي على امل اتغير بسالفة النسوان وكم فرصه بفرصه انطتني متغيرت اله من عافتني تغيرت بهواي شغلات علمودهه وهم مقبلت ترجعلي
البارت 21
Start from the beginning
