امنية الشيخ امير (مكتمله)

الجزء الاول

هلاو اني امنيه خلي احجيلكم عني
اني متخرجه وعمري ٢٥ سنه ومكمله لغات انكليزي
وداافكر اكمل ماستر
بابا من البصره وامي من بغداد عايشين بوحدنه بدون اقارب لان بابا وماما حبو بعض وتزوجو غصب عن اهلهم
.
ف تبرو منهم بس ويه الوقت تصالحو بس مابردت الكلوب بس هيج مجامله ف انقطعت العلاقه تدريجي اني واخوات اثنين صغار وحده عمرهه سنتين ووحده ثاني ابتدائي
حياتنا حلوه ومستقره
.

اني امنيه بيضه وعيوني عسليه وشعري احلى شي بيه
طويل حيل واصل لحد ركبه رجلي المفصل وثخين هو عسلي بس اني اسوي خصلتين من كدام شكر طولي 158
ومكياجي محد كده مرتب وحلو ووزني ٥٥ يعني حلو ووجهي مدور وخدود ملامحي تجذب موعاديه يعني كل ماروح مكان لازم هاي بنت منو وماشاءالله ووو
......
خلي احجيلكم عاليوم الي غير حياتي.
.

جنت كاعده ب١الضهر كالعاده وبابا واعدنه نطلع العصر نفتر ونروح للمول ونتعشى ونرجع بس بالاول راح يجيب ماما وخواتي من المدارس ماما مديره مدرسه وخواتي وحده بالحضانه لان اني اشخرهه الصبح ووحده من مدرستها
ومااكو تاخرو
.

واني اتصل ومحد يرد صارت الساعه ب٣ وجان ينفتح الجهاز جتني رسايل انو الرقم صار متوفر وهيج
بس محد دك
.
دكيت جان يردون عليه بالمستشفى تعاي ضروري اهلج مسوين حادث؟!
.
اني هنا تجمدت بمكاني وكمت اصيح

(اجو جيرانه الي هم اهل الي احبه طبعا حبنه بريء يعني علاقه نظيفه وعالنظره من بعيد وخجل واشتياق ولهفه اني مقبلت نتواصل شكد حاول اهلي ربوني عالثقه)
.
المهم اجو لكوني ميته بجي واني اصلا ماعرف ااجر تكسي او ادبر حالي جان بابا ميخليني كلشي اسوي بس ااشر وقبل لااطلب يصيرلي المهم جوي واخذوني ورحنه وياريت مرحنه
.
الطبيب. شتصيرون من العائله
.
علي. هاي بنتهم واحنه جيرانهم
.
دخلوها لغرفتي بهدوء
.
فتت
امنيه. السلام عليكم دكتور (واني ابجي)
طمني احجيلي
.
الدكتور. اول شي شسمج
.
امنيه. اسمي امنيه
.
الدكتور. علي صوتج
امنيه. اسمي امنيييه

الدكتور. بنتي هذا قضاء الله وقدره وانتي مبين عليج بنيه قويه وفاهمه وجبيره

امنيه. دكتور احجي كلبي خلصصصص

الدكتور. امج واختج توفو و ابوج بغيبوبه بس وضعه ميطمن
هنا بلشت صياح وكعدت بالكاع وكامت تضرب بنفسهه وتصيح وتبجي مثل الجهال لحد ما فقدت وعيهه
و...
...
تعديل اول بارتين ٣ قصيرات وراهه طولنه البارت لان هنه مجرد تعريفيات و مختصر للفات و الجاي احلى