Unicode ( Zawgyi below)
Jeno's POV
သူကိုယ်တိုင်သိုးမွေးထိုးထားသောသိုးမွေးထည်လေး ၄ ထည်လောက်ကိုသပ်သပ်ရပ်ရပ်ခေါက်ပြီး တစ်ထည်ပေါ်တစ်ထည်ထပ်နေတဲ့ Jaemin နားကျွန်တော်ထိုင်ချလိုက်တယ်
ကျွန်တော်ကတော့အားမလိုအားမရဖြစ်နေပေမဲ့ သူကတော့အရမ်းတင်းတိမ်နေပါတယ်
"ဒီတစ်ခါငါသွားမယ်"
ကျွန်တော်က ရန်တွေ့ဖို့နဲ့ဘာဖြစ်ဖြစ်ရင်ဆိုင်ဖို့အဆင်သင့်ဖြစ်နေတဲ့လေသံနဲ့ပြောလိုက်တော့ သူက "နေပါစေ" ဆိုတဲ့သဘောနဲ့ခပ်ယဲ့ယဲ့ပြုံးတယ်
"မင်းသွားလည်းဒီဈေးပါပဲ"
"ဟာာ ငါ့ကိုမင်းအထင်သေးတပဲ ဒါသက်သက်ကိုအထင်သေးနေတာ"
"အထင်သေးတာမဟုတ်ပါဘူးကွာ အဲ့ဝယ်သူ အဘိုးကြီးကအသက်ကြီးသလောက်အရမ်းလောဘကြီးတာ အဲ့တော့ငါမှမဟုတ်ဘူး ဘယ်သူ့ကိုမဆိုခေါင်းပုံဖြတ်မှာပဲ ငါ့ကိုတော့ပိုပြီးဖြတ်တာပေါ့ မင်းကလည်းငါ့ရဲ့လူဆိုတာသိရင် ခေါင်းပုံဖြတ်နေကျဈေးနဲ့ပဲပေးလိမ့်မယ်"
ကျွန်တော်ကတော့သူပြောတာလက်မခံပါ သူ့ရဲ့နူးညံ့တဲ့လက်နဲ့ကိုယ်တိုင်ထိုးထားတဲ့နူးညံ့သောသိုးမွေးထည် ၄ ထည်ကို စက္ကူပုံးလေးထဲထည့်လိုက်တယ်
အဲ့စက္ကူပုံးကိုကျွန်တော်သူ့လက်ထဲကဆွဲလုလိုက်တယ်
လုပြီးမှ သူ့လက်နုနုလေးနာသွားလားဆိုပြီး သူ့လက်ကိုအမြန်ကိုင်လိုက်မိတယ်
"နာသွားလား"
"မနာပါဘူး"
"ငါသွားမယ် ဒီတစ်ခါ.... တစ်ထည်ကို ဝမ် ၄၀၀၀ နဲ့ဝယ်တာမလွန်ဘူးလား ငါတစ်ထည်တစ်သောင်းနဲ့ရအောင်ဝယ်လာပြမယ်"
"အများကြီးတော့လည်းမတောင်းပါနဲ့ Lee Jeno ရယ်"
"အများကြီးမတောင်းပါဘူး ထိုက်သင့်သလောက်ပဲတောင်းမှာပါ"
ကျွန်တော်စက္ကူပုံးကို မ လိုက်ပြီးသူ့နားမှထလိုက်တယ်
"ဒါနဲ့ Jeno"
" အင်း ပြော?"
"ငါတို့ စန္ဒရားလေးရှိတဲ့နေရာကိုထပ်သွားကြရအောင်လား"
YOU ARE READING
Anemone
Fanfictionသူကကျွန်တော့်ကိုတစ်စုံတစ်ရာနဲ့နှိုင်းတယ် အဲ့ဒါဟာ ပန်း သာဖြစ်တယ် ဘာပန်းလဲဆိုရင် Anemone ပန်း !! ဒီလိုပန်းမျိုးနဲ့အနှိုင်းခံရတာကိုကျွန်တော်သဘောမကျပါ... ကျွန်တော်ဟာလောကဓံကိုခံရသင့်သလောက်ခံနေရပြီးရင့်ကျက်နေပြီဖြစ်တဲ့လူငယ်တစ်ယောက်ဖြစ်နေလို့ပဲ သူဟာ Anemon...